% Text title            : shrIhanumatproktamantrarAjAtmaka rAmastavaH 2
% File name             : mantrarAjAtmakaHrAmastavaH.itx
% Category              : stavarAja, raama
% Location              : doc\_raama
% Author                : Hanuman
% Transliterated by     : Ravin Bhalekar ravibhalekar at hotmail.com
% Proofread by          : Ravin Bhalekar ravibhalekar at hotmail.com
% Description-comments  : hanumatkalpe, Goraksha Nikhil Vani page 24 2065\_12
% Latest update         : April 23, 2005
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Hanumat ProktamantrarAjAtmakaH Ramastavah ..}##
\itxtitle{.. shrIhanumatproktamantrarAjAtmakaH rAmastavaH ..}##\endtitles ##
shrIgaNeshAya namaH |
OM ugraM vIraM mahAviShNuM jvalantaM sarvatomukham |
nR^isiMhaM bhIShaNaM bhadraM mR^ityumR^ityu namAmyaham ||

hanumAnuvAcha |
tirashchAmapi yo rAjA samavAyaM samIyuShAm |
tathA sugrIvamukhyAnAM yastaM vandyaM namAmyaham || 1||
sakR^ideva prasannAya vishiShTAyaiva rAjyadaH |
vibhIShaNAya yo devastaM vIraM praNamAmyaham || 2||
yo mahApuruSho vyApI mahAbdhau kR^itasetukaH |
stuto yena jaTAyushcha mahAviShNuM namAmyaham || 3||
tejasApyAyitA yasya jvalanti jvalanAdayaH |
prakAshate svatantro yastaM jvalantaM namAmyaham || 4||
sarvatomukhatA yena lIlayA darshitA raNe |
rAkShaseshvarayodhAnAM taM vande sarvatomukham || 5||
nR^ibhAvaM tu prapannAnAM hinasti cha sadA rujam |
nR^isi.nhatanumaprApto yastaM nR^isi.nhaM namAmyaham || 6||
yasmAdvibhyati vAtArkajvalanendrAH samR^ityavaH |
bhayaM tanoti pApAnAM bhIShaNaM taM namAmyaham || 7||
parasya yogyatAM vIkShya harate pApasantatim |
purasya yogyatAM vIkShya taM bhadraM praNamAmyaham || 8||
yo mR^ityuM nijadAsAnAM mArayatyaticheShTadaH |
tatrApi nijadAsArthaM mR^ityumR^ityuM namAmyaham || 9||
yatpAdapadmapraNato bhavatyuttamapuruShaH |
tamIshaM sarvadevAnAM namanIyaM namAmyaham || 10||
AtmabhAvaM samutkShipya dAsyaM chaiva raghuttamam |
bhaje.ahaM pratyahaM rAmaM sasItaM sahalakShmaNam || 11||
nityaM shrIrAmabhaktasya ki~NkarA yamaki~NkarAH |
shivavatyo dishastasya siddhayastasya dAsikAH || 12||
idaM hanumatA proktaM mantrarAjAtmakaM stavam |
paThedanudinaM yastu sa rAme bhaktimAnbhavet || 13||

|| iti hanumatkalpe shrIhanumanmantrarAjAtmakastavarAjaH sampUrNaH ||
shrIhanumatproktamantrarAjAtmakaH rAmastavaH
##

Notice that words in the first verse are strewn
in the end of other verses.
Encoded and Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}