% Text title            : Muktamala
% File name             : muktAmAlA.itx
% Category              : raama, moropanta, shataka
% Location              : doc\_raama
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Muktamala ..}##
\itxtitle{.. muktAmAlA ..}##\endtitles ##
(\* gItivR^ittaM)
(1)puNyashlokashikhAmaNicharaNaM sharaNaM satAmatApakaraM |
vande natanarakapisakhamakhalajitaM makhabhujAM mahaH prathamam || 1||
vidhAya pa~nchadashena shatena gItibhiH sahR^idayebhya upAyanIkaroti |
(2)nispR^ihanirbhayavittaM shyAmalamatishayitadAyitamanimittam || 2||
bahubhiH(3) kR^itaM, chaturbhiH pa~NktirayaH putriNAmabhUrapathamaH |
bahudAnAmapi, putrau dharmArthamasau dadau yadaudAryAt || 3||
gAdhija(4)! | bhavato.adhItaM shiShyaiH katibhirna gAlavapramukhaiH
varameko dAsharathiH pivatAmudadherapo.abudo hyadhikaH || 4||
mAtarahalye(5) ! | spR^iShTA yena padA tamapi pUjayasi bAlaM |
nUnaM sa tava satIrthyaH padAhato.apyurasi yo nanAma bhR^igum || 5||
abalAkR^iShTamapi(6) sadasi dhanuraishaM hA kathaM nu bhagnamiti |
bhItamivAnatakandharamAshliShya dadAvivAbhayaM bhagavAn || 6||
sarvasahApi(7) dhanuShastasya chakampe raveNa ghoreNa |
bAlApi bhR^ishaM mumude sItA mR^iduneva veNunAdena || 7||
guruNA(8) yogaM kartuM sa~njIvinyeva sItayAtulayA |
sarvamatena vinAshashchApenA~NgIkR^itaH kacheneva || 8||
(9)bahubhujamarimajayamiti kimanena daivaM tu heturatraikaM |
grasate sahasrakaramapi kAle rAhurhi bAhuvikalo.api || 9||
bhagavanvasiShTha ! | kathamidamadhunaiva muhUrtamIdasha dattaM |
kva vanaprayANamahaha kva cha yuvarAjyAbhiShekamehakAlaH(10) ? || 10||
(11)pa~NkeruhadR^ishamadhvani taM kevalama~NganAnujAnugatam |
sha~Nke dhAvitamIkShituma~Nke vismR^itya shishumapi strIbhiH || 11||
(12)nR^ityanmayUraparivR^itameNakulAnugatamalibhirupaspR^iShTaM |
taM ghanadUrvApu~njashyAmalamabjAnanaM bhaje.adhvanyam || 12||
saurAvapyamR^itakarau(13) yau rAjavaraiH sadA shirodhAryau |
gaurAsitau varamaNI paurA bata! hAritau pramAdena || 13||
(14)mAtrA mA.atrA.a.asveti prahito vanamAlayAnnijaM dharmaM |
pitrApi trAtuM yastaM dharmaj~nottamaM jaguH kavayaH || 14||
kimiti(15) niShAda ! | viShAdaH pashya kumAro.ayamarkakulapAlaH |
vanamAgato.api valkyapi jaTilo.api nR^ipottamashriyA shliShTaH || 15||
kushalI(16) te.asti kumAro mA rodIramba taM bahoH kAlAt |
vanaM gatA rAmAdaya R^iShibhiH satkR^itA ityarthaH |
tR^iShitAH pibantu vanyAH sa.nnyAsina utsukAH sukAryamitAH || 16||
(17)varte piturutsa~Nge sa~Nge mAtuH pure pureva sukhaM |
 iti bhavadAtmajamatamata AsmAnaM devi! kAnane.amaMsthAH || 17||
nandana(18) vanaM vrajeti tvamavochaH satyamajakulottaMsa ! |
sa tu vanamagAttamIkShitumavichArya gato.asi nandanaM hanta! || 18||
amR^itamapi nAma pibatastApo bahulIbhavatyadaH kimiti |
praShTuM nu dasharatha! tvaM (19)desrAvasrAkulakShaNo yAtaH || 19||
(20)straiNaM tvAmUchuraho rahogatA mantriNo na munayo.api |
sAkamamarapatinA ke nAke.api bhavantamAgataM vIkShya || 20||
(21)shochyAsi tvamayodhye! |.apahR^itamaTavyA tvadIyasaubhAgyaM |
patimichChantyA bhAvyaM tvayApi mAtarvipakShaveShayujA || 21||
(22)mA mAtaramavamaMsthA bharata ! | svaguNaprakAshahetumimAM |
sekAdadhikamashoke kushalaM pAdAhateryadi varaM sA || 22||
viShayaviraktirgurupadabhaktirakhilasajjaneShu mahitatvam |
kvatyaM satyaM vada padapadmaM mA jAtu mAturavamaMsthAH || 23||
mAtaH kaikeyi! | jagati kR^itiShu kR^itopakR^itiShu svameva varam |
yadakhilalokahitaM kR^itamurarIkR^ityApi duHsahaM vyasanam || 24||
(23)kAsyAnyAsyAbjAsavamadhupI tvatto nR^ipasya bahumAnyA |
dAsyA hAsyAspadatAM sarale! nItAsi devi! mantharayA || 25||
udita(24) nItimadamataM muditaM siddhiM samIkShya bhoktumalaM |
uditaM phalamanayataro ruditaM bata manthare ! tvayA kimiti? || 26||
(25)shokadavajvalanAvR^itashuddhAntavanaikasaMshrayA mR^igyaH? |
bAShpasrAtAstiShThata jIvanadaH kva nu sa sAmprataM mR^igyaH? || 27||
dIpaka iva niHshvAsairnahi shokashikhI(26) prayAti nirvANaM |
bata! vardhate.ashrusalilairapi tUShNIkaistvayaM sukhaM jeyaH || 28||
chinte ! | kiM te viShayairdhyAtaiH kShaNabha~NgurairviShAdaphalaiH |
dAsyati labdhvA kAmaM kAmaM kA ma~NgalA mudaM sampat || 29||
mUrtaH sadayaH sadayaH sarasaH (27)sudhaikaparipUrNAt |
shamayannamatAM mamatAM shamalaM shamalaM dadAti ko.api jaTI || 30||
kApi(28) tapasvijanAnAM tapasAM siddhirmaheshagalamAlA
nIlApIlAdharamupahasati guNairindumapi payodhimapi || 31||
avane(29) paTustrijagatAmavanerAdyaH priyo.api jAmAtA
bhavane vidhAturIDyaH sa bane savanetR^inAyako jayati || 32||
rakShobadalanavidhau dakSho vakShojagiriharirlakShmyAH
pakSho(30) jayati valakSho.asmAkamadhikShoNi shakranIlanibhaH || 33||
(31)avyayamadasyugocharamurvapi na madapradaM padaM pramudAm |
vittamanIhamanoharamasmAkaM chittamAtmasAtkurute || 34||
a~Nkara(32)hitamamR^ikaraM sha~NkarahitamanishamedhamAnakalaM
mitraM svayA shriyApyupakurvANamahaM bhaje chakorashishuH || 35||
kati na jaTilA vaTA iva dhanvadharAH kati na kAnane shabarAH?
ekaH ko.apyajakulajaH (33)kapardisumadhanvanoH shriyaM harati || 36||
yAme rajaneshcharame yA meghanibhA sunispR^ihaishchintyA |
sAmetarairupAyaiH(34) sA me bhUtirna kaishchidapi labhmA || 37||
(35)dyAvAbhUmibhyAmiva yAbhyAM strIbhyAmapi prajAH suchiraM |
nirbhayamarAjake.api trAtA vAM pAduke namasyAmaH || 38||
(36) bharata ! | bhagavatA guruNA sushikShitanayo yuvApyadhIrastvaM |
manye dhanye tvatto jaDe.api khalu pAduke same vyasane || 39||
bho (37)yAj~navalkyashiShya tvAM naiva yathA jahAti samiShThA |
jAmAtaraM tathA te kanyAnanyA satI bane bhavane || 40||
labdhA virAdha ! | bhavatA sItA.apAtreNa(38) mR^ityave na mude |
kapaTapaTunA kShaNaM surapa~NktAviva rAhuNA sudhAdhArA || 41||
ja~NgamanirjarataruNA(39) taruNAruNapAdapallavena saha |
dR^iShTA kanakavratatirvratatIrthatapaHphalapradA vanibhiH || 42||
dhanvI jaTI phalAshI tanvIratnena(40) sAdaraM satataM |
anvIyamAna IdR^iksanvItabhayaH satAmagAduTajam || 43||
(41)abhrAmaladIpti maho babhrAma chirAya daNDakAbhUmau |
dabhrAmadhashchakAra shvabhrAmayamalinashashadharajyotsnAm || 44||
(42)sahasaiva pa~nchavavyAM hariNA hariNAnuyAyinA svaguhA |
sApi cha muktA muktA nItA bata! va~nchakena kenApi || 45||
nItA(43) shunAshu nAshAyAtmana evAsi putrike! | mohAt |
hAsyati no nidhanamR^ite na mR^ite svayamatra kiM tavotkarShaH? || 46||
(44)tadidamupasthitamachirAdyadavocho.anAgasaM kimapyamba! |
pAtre dAnaM kShetre bIjaM bahu bhavati guptamuptamapi || 47||
tapto vAchA latayA viShamayyA bhuktayeva bAlamR^igaH |
shapto vAchAlatayA kathamanagho.apyeSha devaro devi! || 48||
ekaM kShaNamapi dhIrairapi nUnamasahyavedanA vAchaH(45)
sa yadapasasAra sahasA saumitriH sAshrurAshramAdAshu || 49||
dasyo! | kva tvaM yAsyasi hR^itvA ratnaM jagannivAsasya ?
kutra(46) nilIya stheyaM matsyenAgaskR^itA payorAsheH ? || 50||
shraddadhyAM(47) kathamanayA syaktAM ChAyAmiva svavatsalatAM |
garalaprasavAM kathayasyamR^itamayImAdito.api vassa! latAm || 51||
sA(48) kutra parNashAle! | mAlehAdyaiva yA mayA nihitA?
labdhA mithilAjAnerjAne nyAsApahAriNIM tvAham || 52||
godAvari ! | sA kva gatA? jagatA satyeti saMstutA tvamasi |
tamasi(49) chyutaratnaM janama~njanadAnena mAmanugR^ihANa || 53||
(50)kAsArakundakadalIkIrakesarikR^iShNasArakekipikaiH |
alichampakabandhUkaiH shUnye bata! sundarI vibhajya hR^itA || 54||
(51)ayi! | te dayite! mayi te.amI santi kR^itapratikriyAH kR^itinaH |
guNalavajito.amR^itayutihAraNaH kariNastathaiva kesariNaH || 55||
yadyapi gaNarAtraM gatamadyaivAha samAgato.asmi vanaM |
yadrahito(52) bhadrahitotsavasuvasatyA shriyA tayA satyA || 56||
mR^iga! | yAmIkShaNavijitaH shakShyasi nodIkShituM bata! trapayA |
mR^igayAmi kva nu tAM vada mitramahaM te vanecharo rAmaH || 57||
lInAsi kimekAnte kAnte ! | kAM te vyala~NghayaM vAchaM ?
virahajvaravipadayi! te dayite! dayite.atiduHsahA.adhIre || 58||
satyantake.apyarAtau satyaM soDhuM tamapyahaM dhIraH |
(53)satya~nchitAgi! dUye satya~nchalatoM.atare.api kiM virahe ? || 59||
dR^iShTaM(54) yatsatyAgo vatsa! | tyAgochitaM mayi priyayA |
tatkiM tvayA na lakShitamakShi tavApyanalasaM madAcharaNe? || 60||
vIjaya mAma~nchalataH (55)pa~nchalataH pallavo.amR^itavatateH |
sudati! shayaste vyajanAnmudatishayasyaikaheturabjakR^itAt || 61||
kAnana! | tadAsi nandanamadhunA pitR^ikAnanaM suvispaShTaM |
ahamapi (56)harirabhavaM tAmR^ite vidAnIM shriyaM mahAbhUtaH || 62||
nityaM nirantarAbhyAM sudati ! | gurubhyAM nisargakaThinAbhyAm |
dhruvamupadiShTaM hR^idayaM tava stanAbhyAM svabhAvamR^idulamapi || 63||
kiM doShAkara! | vachmyahamindo! nindochitaM kuru svairaM |
yasya shriyAsi subhagastasminmine gate.astamullasasi || 64||
vassa! | na yadi lalanA kiM lolenAli~NgitA mayA latikA |
astu tada(57)nukR^itidayitAmahamenAM jhaTiti notsahe hAtum || 65||
asavaH kva sa vaH priyasakha(58) ekAkI jana ito gato dUraM |
alasA jalasArasayornahi shobhA jIvanaM mitho virahe || 66||
(59)nItA vadhUrna dasyosnAtetyalamArya! | tena tApena |
shApeneva sakhA te.adharmeNa hato.asyanena pApena || 67||
kashchana yuvA tapasvI virahI pariShasvaje taruvatatIH |
vratatIrthaparA munayo.anunayodAroktayastamAnarchuH || 68||
(60)amR^itamamR^itaphalamadaraM badaraM preraNA babhakSha chitramidam |
tadapi cha shabarIdattaM mattaM mandhvaM na mAmiyaM munivAk || 68||
kimadhikamato.asti chitraM mitraM vipinaukasAM shrutirahasyaM |
(61)yadR^irshanAya yatibhiH patibhiH pR^ithvyA mR^igAyitamaraNye || 70||
vAsavavaibhavamUnaM chakruH kapayo.apyaho.adbhutaM shR^iNuta |
papuramR^itamAgalaM(62) daduraganagakhagamR^igaripubhya utsavataH || 71||
patyuH(63) karatastvAmapyuTajAnmAmiva kathaM balAddhR^itavAn |
ma sa mudre.atra samudre nau nauvatrAtumAgataH kasmAt ? || 72||
svapatistvasatA hantA hantAhaM tApamanubhavAmyabalA |
(64)tulyaivAdhisamudre mudre mudrekhayA likhitayApsu || 73||
akhilaprashrayapAtraM sakhi! | lakShmIvAnsa lakShmaNaH kushalI |
(65)nakhilakShagururhaririva makhilabdhAsnaH sa chApi vIramaNiH || 74||
svaM bhAgamivAdAtuM haririva hAraNeShvihAgamiShyati kiM |
mAM sAntvayitumanAthAM nUnaM tvaM preShitAsi dayitena || 75||
draShTuM mAtariha tvAmAryaprahito.ahamAgato dUtaH |
(66)sUtaH prathamaM raviNA nalinImiva jayati so.astripuruhUtaH || 76||
grIShme gaja iva sarasIM tvAM sItAM kAnaneShvanAsAdya |
(67)shrAntasvAntaH shrAntaH kAntaH kAM tadyathAM bravImyamba! || 77||
goShpadamiva tIrNa udadhimayamahamabalo.api yasya dAsacharaH |
(68) kathamarNavabhekamariM patripatijavastaranna tasya sharaH || 78||
(69)adahadajabhavaprahito.anantavalo.aripuramAshugaH sa hariH |
ayamapi tathaiva dUtaH pashyata pItAmbarashriyA shliShTaH || 79||
ko.apyAha yato dharmastato jayaH satyamiti kavipravaraH |
(70) yatkhalu vijitaH sadanugakapinA sa pinAkivarasuronmattaH || 80||
(71)na kapiranukto.agnirapi na paravAnvanabha~NgamarIpurIdAhaM |
kiM tu kShubdhAH satyA nishvAsA eva chakruratyuShNAH || 81||
(72)asurapriyAbhirArAtpAkhaNDoktibhirasha~NkamashivAbhiH |
chArvAkAdInAmuktibhiH parivR^itA dUShitA AsIt |
ruddhA vane kalAvupaniShadiva kuTilAshayAbhirekasatI || 82||
rakShati kathamapi tanvI dehAdadhikaM shrutI dR^ishAvapi sA |
ArisundarIvilApaM madhuraM tvAmapi cha pAtumamR^itamiva || 83||
kapayaH(73) sa payaH kevalamabdhestIrNaH sakhA na bAhubhyAM |
vyaktaM nakta~ncharavarabalamapi kapisainyadainyaharatejAH || 84||
AryAmapashyamahitastrIruddhAM tAM nitAntatAntatanuM |
(74)adhikaNTakArikAvR^iti dharma ivotkhAtaropitAM jAtim || 85||
(75) dagdhumanA apyabalA bAlatR^iNAni kShaNAdanArdrANi |
dahanashikheva sakhAyaM tvAmevAste satI pratIkShantI || 86||
bandhurapi(76) dasyave yaH saMshrayadaH sa jaDadhI riporiShTaH |
kiM prArthyate.ativelaM badhyo la~NghyastvayA janaishchAnyaiH || 87||
rAj~nA guruNA tyakto na viShayasaktaH satAM mato.atyarthaM |
daivAtkhalu samashIlavyasanaH prAptaH sakhA vibhIShaNa! te || 88||
jIvetyAMshIruchitA dAtuM namate.avichArya dattA shrIH |
na manApAtravichAro namanAtsarvasvadAnamAshcharyam || 89||
rAma ! | tvayA svayAtkhalu samaduHkhasukhaH sakhA(78) samAsAdi |
vyasanamudadhiM sudustaramanyonyabalena yatsukhaM tIrNaiH || 90||
(79)avilandhitamaryAdaM babandha bandhuM guruM lala~Ngha balI |
bhaktaM jaghAna shambhormunisutamapi ko.api hanta ! dArakR^ite || 91||
vande taM devInAM hR^itashokaM rAkShasIvilApaguruM |
(80) jaguru~nchChavR^ittayo yaM tApApahamanabhoginAmagurum || 92||
jaTilastamAlanIlo vanavAsisakhaH (81)pata~NgakulapAlaH |
kashchana dadAha khecharabhUbhR^itamadhijaladhi tApahA dAvaH || 93||
medhena kenachidaho! | dhanuShmatA bhUgatena sharavR^iShTyA |
jalapUrNA (82)vAhinyaH khagamA nirjIvanIkR^itAH sindhau || 94||
tR^iNakAnanaM dadAha na kIlAlanadIH sasarja tApaharaH |
kashchana pata~NgakulajastamAlanIlastanUnapAttaruNaH(83) || 95||
kapisaba ekaH kashchana chake (84)nAkaukasAM kShaNAtkushalaM |
yaskulishakarasuduShkaramakAlakUTAnashUlashikhisAdhyam || 96||
AstAM yadvadhamakaro rakShodhipate raNe paNena tvaM |
so.api prAjyaM rAjyaM prANAnprajahI na tu pratij~nAM svAm || 97||
ApadamAptuM spR^iShTastApadamugraM kathaM parakalatraM |
pApadavAnaladagdho hA! padamakhilashriyAM svamapi vIra(85)! || 98||
(86)anyakalatraM viShamaM viShavahnerapitamAM yadAmUlaM |
spR^iShTvaikadaiva dagdho guNadoShaj~no.api bata! samantrikulaH || 99||
naktamivAshokavane.apyanirIkShya priyatamaM (87)tamAntAntA |
dR^iShTvA tu vahnikuNDe.apyahanIva sarojanI babhau kAntA || 100||
(88)suhR^ido viyogayogau nAnyo stastApatoShayorhetuH |
pramadavane glAnimitA tuShTiM dahane.api yatpriye dR^iShTe || 101||
vimalakanakamUrtiriva jvalane.apyasi devi ! | (89)labdhaparabhAgA |
mA gA viShAdamadhikAM nutimAptA tvaM jagatsu yadanAgAH || 102||
(90)avatAdvibhIShaNastvAM la~Nke ! | ye kesarIva meruguhAM |
AkalpamachalapadabhAgeSha patirghruvasakhastavAstu sukhI || 103||
bhavamiva dustaramudadhiM tIrNAstvAM devi ! | (91)sugatimichChantaH |
avalambya svotpAditamachalAtmAnaM suputramiva setum || 104||
(92)suShamAjitaghanashampe pampeyaM peyavANi chiramasyAM |
sudati ! ruditamayi shikhibhirnR^ityadbhirasadbhiriva bhR^ishaM mumude || 105||
pa~nchavaTi ! | tvayyuShitAH (93)shamayodhyAyAmivAmba ! labdhAH smaH |
mAmiyamitArikIrtyA saha sindhuM svarapageva kAlindyA || 106||
bho mAtargodAvari! | (94) yAvarikariharipatI satIsahitau |
suchiramuShitau tvada~Nke kausalyAyA ivAmba ! tAveto || 107||
tubhyaM baddhoM.ajalirayamIshashiraHsArasAsane(95) devi! |
gurvImullambya tvAM tIrNAH kathamApadaM pratij~nA svAm || 108||
tR^iShito.asi bAlachAtaka(96)! | tAta! karuNayAgato.adya jIvanadaH |
pashyonmIlaya nayane naya nehAmR^itamanehasaM pAtum || 109||
shR^iNuta mayUrA(97) yaM priyamIkShitumatyantamussukA mudiraM |
sa mahAbhAgata Agata utsava ekAntike.adya nR^ityadhvam || 110||
siMhAsana kiM hA! | sa na patiradya smaryate mahendrasakhaH(98)
yenAsyakhilanR^ipatipatinatibhAjanamamR^itapAyipatiyashaH || 111||
nAke sAketayasho.aruchimamR^itarase.amR^itAndhasAmakarot(99)
satye rasyekapadaM svaM tANDavapaNDitaM mR^iDAnIsham || 112||
pasparsha padA sAdhvIM vishvastaM vIramapi jaghAna vane |
tasyAja satIM ko.apInavaMshajAnAM satAM mataH kupatiH(100) || 113||
yadamR^itamamR^itajuShAmapi ya~ncha sukhaM yogasampadAmatulaM |
upaniShadA yattatvaM tadayodhyAvAsino vidheyamaho(101) || 114||
(102)mAtarayodhye ! | bhuktAH patayaH pAreshataM tvayA satyA |
smarasi kathaM na tadadhunA madhunA nanu mohitAmunA patyA || 115||

iti shrIrAmanandanamayUreshvarakR^itA muktAmAlA samAptA |

TippaNi
\* aShTottaraM shatamapi rAmAyaNAni virachya shrIrAmakathAgAne.atR^ipta iva mayUrakavirdAsharathicharitAdeva kiyantashchana prasa~NgAn krameNoddhR^itya vidhAla~NkArachamatkR^itiyutAn
1| tatrAdau svachikIrpitakhaNDakAvyasya nirvighnaparisamAptaye.avashyavidheyaM ma~NgalamAtanoti | puNyashloketi | puNyashlokAH nalayudhiShThiravaidehajanArdanAH teShAmantyanirdiShTo.api sarvashreShTho bhagavAn sheShashAyI viShNustasya charaNaM vande | taddhi satAM sadAchArANAM devAdInAM sharaNamAshrayasthAnam | na cha teShAM kadAchidapi tApamakarot | natau bhaktI yau naro.arjunaH kapishcha hanUmastiyoH sakhAyaM mitravadupakArakam | khalAH dAnavAH taiH ajitam | makhaM yaj~naM varadAnavratavittaM vande karuNAsudhaikapanachittam | lakShaNayA yAgIyahavirdravyaM bhu~njate te makhabhujo devAsteShAmAdyaM mahastejaH | etAdR^ishaM bhagavato viShNoshcharaNamahaM vande | atra rAkShasairvihatayaj~natvAdanashanA devA bhagavantaM sharaNyaM dAnavAnAmajayyamAdinArAyaNamAsAdya tuShTuvuriti rAmAyaNakathAbhAgo vyajyate | evamevottaratrApi samuchitairvisheShaNapadaireva krameNa rAmAyaNI kathopanibaddhA mA cha rasikaiH svayaM sukhamUhanIyA |
2| nispR^ihAH nirbhayAshcha ye sAdhavasteShAM vittam |
3| bahubhirnirguNaiH putrairalaM tairna ko.apyarthaH sampadyateti bhAvaH | patiratho dasharathastu chaturbhireva guNibhiH putraiH putriNAM shreShTho.abhUt | tathA bahudAnAmudArANAM tyAginAmapi shreShTho.abhUt | yato yasharakShaNArthaM vishvAmitreNa yAchito.ayaM putrau rAmalakShmaNau dharmArthaM yaj~narakShaNArthamadAt |
4| vishvAmitrasya gAlavapramukhAH prabhUtAH shiShyA Asan | satataM gurupAracharaNabaddhAdarairapi tairna tasmAdbalAtibalAkhye dve vidhe adhigate | rAmastu subAhupramukhAnnihatya vishvAmitramekavArameva santoShya te adhigatavAn iti tasya gAlavAdibhyo bahuguNatvaM sUchyate | anubhUtashchAyamartho loke bahushaH | yathA rAma eva vishvAmitrAdete vidye labdhavAn na gAlavAdayaH | yataH jalanidherjalaM pibatAM megha eva shreShThaH sa eva sarveShAmadhikataraM vAri labhate ityarthaH |
5| katamo devAnAM shreShTha iti pR^iShTo bhR^iguvaikuNThaM gatvA sheShashAyinaM parIkShitukAmastaM padA jaghAna | bhagavAMstu prabudhya tasya padaM saMvAhayitumArebhe | taM cha samuchitayArchayA sambhAvitavAn | evamevAhalyA.api padA spR^iShTaM rAmamarchantI kavinA nirdishyate | padA spR^iShTasya pUjane.ahalyA cha bhagavAn rAmashcha satIrthyau ekasyaiva gurorantevAsinau ekAchArau chAstAmityarthaH iti |
6| Ishasya shivasyedamaishaM dhanurbalAnnAkR^iShTamapi abalayA sAtayAkR^iShTamapIti | dhvaniH | nu vitarke | kathaM nu bhagnamitIshakopaprasa~NgAdbhAntamAnatakandharaM cha rAmaM bhagavAna vishvAmitra Ali~NgyAbhayamiva dadau dhanuHsajjIkaraNAya kR^itenAlpenaivAyAsena dhanurbhagnam | bhagne cha tasmin shivakopamutprekShya bhItaM rAmaM vishvAmitraH sAdhuvAdana samAshvAsayadityarthaH |
7| sarvasahApi bhUmistasya dhanuSho ghoreNa ninAdena chakampe | kintu bAlApi sItA mumude | rAmasyottIrNapaNatvamAlokya tasyA AnandAtishayo.abhUt | bAlApAtyanena sulabhabhayatvaM dyotyate |
8| yathA kachena guruNA bR^ihaspatinA sa~njIvinyA yoga kartuM vinAsho.a~NgIkR^itastathA chApenApi sharvasya matena guruNA rAmeNAtulayA sItayA yogaM kartuM vinAsho.a~NgIkR^itaH | chApabha~NgAnantaraM rAmaH sItAM paryaNayadityarthaH |
9| he jAmadagnya, bahubhuja sahasrabAhuM kArtavIryamahamajayImIta garvaM mA kR^ithAH | tatkulavinAshe cha daivameva kevalaM hetuH | atra dR^iShTAntaH | bAhurahito.api kevalaM shiraHsvarUpo.api rAhuH sahasrakaramapi savitAraM parvaNyamAvAsyAyAM grasate.  jite.api kArtavIyeM rAmaste jetumashakya ityarthaH |
10| mahaH utsavaH |
11| kevalama~NganayA shubhA~NgyA sItayA anujena lakShmaNena chAnugataM pa~NkeruhadR^ishaM kamalalochanaM rAma vanagamanodyataM vIkShituM draShTuma~Nke sthitaM shishumapi vismR^itya strIbhirdhAvitamityahaM (kaviH)sha~Nke | dhAvitamityatra bhAve niShThApratyayaH |
12| ahaM adhvanya vanechara nApamaveSha rAmaM bhaje | kIdR^isham | dhanavanmeghavat shyAmalaM nIlakAntim | ata eva ghanabhrAntyA pramodAnR^ityadbhirmayUraiH parivR^itam | tathA cha durvApu~njavat harinIlamata eva yavasapu~njabhrAntyA eNakulairhariNasamUhairupamR^itam | tathA cha abjAnanaM padmamukhamata eva padmabhrAntyA bhramaravR^indenopamR^iShTam |
13| sUryavaMshodbhavAvapi amR^itakarI chandrAviti virodhaH | amR^itaM nAma mokShaH haste yayostAviti parihAraH | gauro lakShmaNaH sphaTikashcha | asitastu rAmaH indranIlashcheti dvau varamaNi |
14| yo mAtrA kaikeyyA atra mA Assva mA tiShThatyAlayAd gR^ihAdvanaM prahitaH praShitaH | yashcha pitrApi Atmano dharmaM dattapUrvasya varadvayasyAnuShThAnAtmakaM trAtuM pAlayituM vana preShitaH | taM rAmaM kavayaH paNDitA dharmaj~nepu shreShThaM jaguH | pitrAj~nApAlanAtmakasya dharmasyAnuShThAnAya rAmo vanaM vavrAjeti bhAvaH | atra Asva ityekasakAraM rUpaM sarvatra dR^ishyamAnamashuddham |
15| he niShAda guha rAmo rAjyaM parityajya vanamAgataH ityatra kimiti kimarthaM te viShAdaH | viShAda mA bhajasveti bhAvaH | yataH pashyAyamakakulapAlaH sUryavaMshyAnAM dhuryaH rAjyaM parityajya vanamAgato.api valkaladharo.api baddhajaTo.api nR^ipottamashriyA rAjalakShmyA shliShTo.avirahita eva | vanaM gataM jaTAvalkaladhAriNamapi rAjalakShmIrna tyaktavatItibhAvaH |
16| sItArAmalakShmaNAn vanaM prApayya nivR^ittaH sumantraH kausalyAmAha | he amba tapashcharaNena kArshyaM gatA vanavAsitapasvino rAmadarshanameva paramaM jIvitaphalaM manvAnA etAvantaM kAlamavAtiShThanta | tatteShAM tapashcharaNaM saphalaM bhavatu |
17| vane sthito.apyahaM piturutsa~Nge varte | mAtuH sa~Nge sannidhau chAsmi | pure sthita iva cha sukhamanubhavAmi | iti bhavatputro manyate | tatkimiti he devi, AtmAnaM kAnana iva shUnye gR^iha vartamAnamarmasthAH amanuthAH |
18| he ajakulottaMsa dasharatha, tvaM putraM rAmaM \ldq{}nandanavanaM vraja\rdq{} ityAdiShTavAn | so.api nandanashabda sambuddhau vartamAnamavagatya vanaM gataH | tvaM tu nandanavanaM gato me putro bhavedityAshayAvichAryava nandana svarga gataH | vanaM gate rAme dasharathaH pa~nchatvamagamaditi bhAvaH |
19| dasrAvashvinau devabhipajau | asramashru tena Akule AkShiNI yasya tAdR^ishaH |
20| rahogatA mantriNo munayo.amarAdhipena sahitA devA api tvAM straiNaM strIvasha~NgataM vadanti |
21| he ayodhye ! tvaM shochyA shochanIyA sampannA | yatastvadIyaM saubhAgyaM prakR^iShTamaishvaryaM shrIrAmarUpamaTavyA.apahR^itam | yadi tvaM punarAtmanaH patimichChasi tarhi tvamapi vipakShasya sapalyA aTavyA veShaM dhAraya | rAmeNa parityaktA ayodhyA vanavannirjanA shUnyA cha samabhUditi bhAvaH |
22| he bharata svaguNAnAM bhrAtR^ipremAdInAM prakAshasya hetuM kAraNabhUtAmimAM te mAtaraM mAvamanyasva | yadyashokasya sekAtpAdAhateH pramadApAdatADanenAdhikaM kushalaM sadyo vikasanarUpaM bhavani tarhi sA pAdAhatireva varam | evameva mAtuste rAmasya vanaM prati pravrAjanaM te guNAnAM prakAshasya kAraNamabhUdatastvayA neyamavamantavyeti bhAvaH |
23| asya nR^ipasya kA anyA abjAsavamadhupI na kApi tvadanyetyarthaH | kintu he devi sarale, tvamanayA dAsyA mantharayA hAsyAspadatAM nIteti yojanA |
24| nIteH kuTilanIteryo madastasya mataM tvayoditanuktam | siddhiM cha prAripsitasya dR^iShTvA tvayA muditam | adhunA tvasyAnayatarorbhoktumalaM paryAptaM phalamuditaM prAdurbhUtam | he manthare kimiti tvayA ruditamiti prashnaH |
25| shoka eva davajvalano vanavahnistenAvR^itaM vyAptaM shuddhAntaH antaHpurameva vanaM tadeva ekaH saMshrayaH AshrayasthAnaM yAsAM tatsambuddhau | mR^igyaH kausalyAdayaH | jIvanaM dadAtIti tAdR^isho meghaH | mR^igyo.anveShyaH |
26| shokashikhI shokAgnirnishvAsaneva nirvApyate | kintu tUShNIkaiH shanaiH shanaiH pravartamAnairashrubhireva shamaM yAti | \ldq{}shokakShobhe cha hR^idayaM pralApaireva dhAryate\rdq{} itivat |
27| sudhaikaparipUrNAtsarasastaDAgAdapi saraso madhuraH AhlAdaka iti yAvat | shamalaM kalmaSham | dvitIyatra shaM alaM iti padachChedaH |
28| kApyanirvachanIyA tapasAM siddhI rAmarUpA nIlApi shyAmApi ilA pR^ithvI tasyA dharaM sheShaminduM payodhi cha guNaiH sAmArthyAhlAdakatvagAmbhIryAdibhirupahasati tAnatishayya vartate ityarthaH |
29| avaneH pR^ithivyAH priyo.api bhartApyAdyo jAmAtA sItApANigrahaNeneti virodhAbhAsaH | savasya yashasya netAraH phalabhoktAro devAsteShAM nAyako mukhyaH |
30| pakShaH suhR^it | valakSho yashasA dhavalaH | adhikShoNi pR^ithivyAm |
31| avyayaM vikAraM kShayaM chAgachChat | urvapi prabhUtamapi madapradam | anIhAnAM vItaspR^ihANAM munInAM mano haratIti tAdR^isham |
32| chakorashishurbAlachakoro.ahaM amR^itakaraM amR^itaM mokSho haste yasya taM shrIrAmachandraM chandraM cha bhaje ityanvayaH | ayaM rAmachandro.a~Nkarahito lA~nChanarahitaH sa tu salA~nChanaH | ayamanishamedhamAnA vardhamAnAH kalA yasya tAdR^ishaH sa tu kR^iShNapakShe kShIyamANakalaH | tathA chAyaM svayA shriyA mitramapi suhR^idamapyupakurvANaH sa tu mitrAtsUryAdAptashrIrna tasyopakarotIti vyatirekaH. sha~NkarahitamityubhayatrApi samAnam |
33| kapardI sha~NkaraH sumadhanvA kusumadhamvA madanastayoH shriyaM harati tAvapi shriyAtishete ityarthaH |
34| sA meghanibhA ghanashyAmA me bhUtiraishvaryaM rAmarUpaM sAmetaraiH sAmAdibhyaH shamadhyAnAdibhyo.anyairupAyairna sulabheti yojyam |
35| pAduke iti sambuddhau dvivachanam | vAM yuvAM namasyAmaH | arAjake dasharathe divaM gate.ayodhyAyAM rAjAbhAvAt | strIbhyAmapIti prAyaH strINAM jyapAlanAnarhatvama | suchiraM chaturdasha samAH |
36| atrAdhItanItishAstro.api yuvApi bharataH AtmAnaM prajApAlanakarmaNyasamarthamamanyata | pAduke tu jaDe api tadanuShThitavatyAviti bharatasya vyAjanindA dhvanyate | vyasane shrIrAmavirahAkhye ubhayoH same tulye.api
37| bho yAj~navalkyashiShya janaka, yathA sati brahmaNi niShThA tvAM na jahAti tathA te kanyApi bhavane vA vane vAnanyaparAyaNA satI jAmAtaraM rAmachandraM na mu~nchati |
38| apAtreNAnarheNa |
39| vanibhistapasvibhiH vratatIrthatapasAM phalapradA taruNau nUtanau aruNAvAtAmrau pAdau pallavAviva yasya tAdR^ishena ja~Ngamena chalena nirjarataruNA suradrumeNa rAmeNa saha kA.api kanakavratatiH svarNalatA sItAkhyA dR^iShTetyarthaH |
40| tanvIratnena ramaNImaNinA sItayAnvIyamAno.anugamyamAnaH |
41| abhraM\-meghastadvadamalA kAntiryasya tat | ghanashyAmaM maho rAmachandrAkhyaM shvabhrairgatairAmayena rAjayakShmaNA va malinA kAntiryasya tasya shashalA~nChanamya jyotsnAM prakAshaM damrAmalpAmadhashchakAra tirashchakAra | chandrAdapyatisundaro rAma iti vyatirekaH |
42| hariNAnuyAyinA mAyAmR^igamanusaratA kenApi hariNA sihena rAmachandreNa cha
Atmano guhA nivAsasthAnaM sApi muktA mauktikaM sItArUpaM muktA hAritA | sA cha muktA kenApi va~nchakena jambukena rAvaNena cha nItA |
43| he putrike sIte! shunA rAvaNena tvamAtmano Ashu nAshAyaiva nItAsi | sa shvA rAvaNastvAM nidhanamR^ite maraNAdR^ite na hAsyati na parityakShyati | svayamevAsminna mR^ite sati tava guNAnAmutkarShaH sambhavetkim | naivetyarthaH | ananuShThite hi rAvaNena maraNApAdake sItApaharaNAkhye tadvilobhanAkhye cha karmaNi tava guNAnAmutkarSho.avidita eva syAdityarthaH |
44| he amba sIte | tvamanAgasaM niraparAdhamapi lakShmaNaM yadduruktamavochastasyevedamupasthitaM phalam | yato guptaM pAtre dAnaM kShetre guptamapyuktaM nikShiptaM bIjaM bahulIbhavati |
44| shapo ninditaH | devaro bharturbhrAtA |
45| vAcho duShTavAchaH |
46| payorAsheH samudrasyAparApa vidhAya matsyaH ka sthAsyatItyarthaH |
47| rAmo lakShmaNaM vakti | he vatsa, anayA mItayA ChAyeva sadA sannihitA svavatsalatA tyaktA ityahaM kathaM shraddadhyAM kathaM vishvasyAm | yatastvaM hi AditaH prabhR^iti janmana ArabhyAmR^itamayIM latAM garalaprasavAM viShamayIM kathayasi | nidarshanAla~NkAraH |
48| sItAmapahR^itAM vij~nAya vilapan rAmaH parNashAlAM sItAgataM pR^ichChati | yA mAlA sItArUpA mithilAjAnerjanakAdadhigatA mayA adyaivAtra nihitA tvayi nyastA sA kva vartate ? ahaM tvA tvAM nyAsApahAriNIM nyAsamapaharati tachChIlAM jAne | tvayaiva me nyAso.apahR^ita ityahaM tarkayAmItyarthaH |
49| namasyandhakAre chyutaM ratnaM sItAkhyaM yasya taM mAmA~njanasya divyadR^iShTipradasya dAnenAnugR^ihANa mayyanugrahaM kuru |
50| kAsArAdiShu vartamAnA guNAstaiH sItAyA apahR^itA iti dyotayana vilapati | asmin shUnye vipine sA sItA kAsArAdibhirvibhajya hR^itA | kAsAre gambhIrAshayatvaM, kundakalikAsu dantapa~NktisAmyaM, kadalyAmUrudvayasAdR^ishya, kAraNi gamanaM, kesariNi kaTI, kR^iShNasAre AyatalochanatvaM, kekini keshapAshAnukAritA, pike svaraH, aliShu kaTAkShanIlimA, champake nAsikAvaMshasAralyaM, bandhUke chAdhararAga iti guNAnAM darshanAt |
51| te.amI kAsArAdayo mayi kR^itapratikriyAH kR^itavairaniryAtanAH kR^itino dhanyAH sampannAH |
52| bhadraM kalyANaM hitotsavaH AnandasamayastayoH suvasatyA sItayA rahita iti yojanA |
53| sati a~nchitAni prashastAnya~NgAni yasyAH sA tatsambuddhau | padadvayamapi sambodhane | a~nchalataH vastrato.apyantare sati ahaM dUye iti yojanA |
54| he vatsa lakShmaNa! api dR^iShTaM tvayA yatsatyA pativratayApi priyayA mayi tyAgochitamAgo dR^iShTaM iti yojanIyaM. tadAgastvayApi na lakShitaM kiM. yatastvadIyamapi nayanaM madAcharaNe sadA baddhalakShyam |
55| he sudati te shayastava pANiramR^itavallyyAH pa~nchalataH pa~nchashAkhaH pallavaH abjakR^itAt padmanirmitAdapi vyajanAnmudo.atishayasya hetuH iti yojyam |
56| haririndraH |
57| tasyAH sItAyA guNAnAM mArdavAdInAmanukaraNena dayitA priyA |
58| priyaH sakhA priyamitram | alasA iti sambuddhipadam | jalaM cha sArasaM kamalaM cha tayoH |
59| Arya he jaTAyo ! nItA vadhUH snuShA sItA dasyo rAvaNAnna trAtetyalaM santApitena | yatastvamAtmanaH sakhA dasharatho yathA shApena hatastathA pApena rAvaNenAdharmeNa tvaM hataH |
60| amR^itaM rAmo mokSharUpaH. adaraM bhItirahitam | babhakShetyapANinIyam | mandhvamityapyapANinIyam | munivAg vAlmIkivachaH |
61| yatibhiH pR^ithivyAH patibhirnR^ipaishcha yaddashanAyAraNye mR^igavadAcharitam |
62| galaM maryAdAkR^ityAgalamAkaNTham | utsavato mudA |
63| rAmamudrAM vIkShya hanUmantaM chAdR^iShTvA sItA mudrAM prati brUte | he mudre, yathA rAvaNa uTajAnmAM hR^itavAMstathA tvAmapi patyuH karataH kathaM hR^itavAniti prashnaH | sa shrIrAmaH samudre nauvat nau AvAM trAtuM kasmAnnAgataH iti yojanA |
64| Adhisamudre manovyathAsamudre mud AnandaH apsu likhitayA rekhayA tulyaH ityanvayaH |
65| nakhinAM lakShaM tatra guruH shreShTho haririva siMha iva | makhino vishvAmitrAllabdhAnyastrANi yena saH |
66| sUto.aruNaH | astriShu puruhUtaH indraH shreShTha ityarthaH |
67| shrAntasvAntaH khinnachetAH |
68| patripatirvainateyastasyeva javo yasya saH sharaH arNavasthaM bhekamiva kShudramariM kathaM na jayedityarthaH |
69| Ashugo harirbANarUpadhArI viShNurajo yo bhavaH shivastena prahitaH purA mayAsuranirmitaM puramadahat | tathaivAyaM harirvAnaro hanUmAn ajabhavenAjakulotpannena rAmeNa prahito la~NkApuramadahat | evamayamapi pItAmbarasya viShNoH shriyA yuktaH |
70| santaH anugA kapayo yasya tena rAmeNa. pinAkivaraH eva surA tayonmattaH |
71| kapirashokavanikAbha~NgaM nAkarodyataH so.anuktaH anAdiShTaH | rAmeNetyarthAt | nApyagniH shatrupurImadahat | so.apyasvatantro bhagavadichChAvR^ititvAdasyeti bhAvaH | kintvetad dvayamapi kShubdhAH satyAH sItAyA nishvAsA eva chakruriti yojanIyam |
72| ekasatI pativratAshreShThA sItA ArAtsamantAt kuTilAyAbhirdurmatibhiH ashivAbhiramaga~NlAbhiH pAkhaNDA duShTA uktiryAsAM tAbhirasurastrIbhirvane ruddhA parivR^itAtiShThat | atraupamyaM kalAvupaniShadiva | sApi paramapavitrA kuTilAshayAbhirasurapriyAbhirduShTamatibhiH pAkhaNDAnAM
73| kapaya iti sambuddhiH | sa sakhA hanUmAn kapisainyasya dainyaharaM tejo yasya tAdR^isho bAhubhyAM na kevalamabdheH payastIrNaH | api tu rAkShasasainyamapItyanvayaH |
74| kaNTakArikAvR^itAvityadhikaNTakArikAvR^iti | gharme nidAghe utkhAtaropitAM jAtIlatAmiva nitAntaM tAntA glAnimupagatA tanuryasyAstAM sItAmapashyamiti yojanA |
75| abalA asamarthA dahanashikhA yathA anArdrANi shuShkANi bAlatR^iNAni dagdhumichChantyapi sakhAyaM vAyuM pratIkShate tathaiva sItA rAvaNAdIn bhasmasAtkartumichChantyapi tvAmeva pratIkShamANA tiShThatItyarthaH |
76| bandhurapi sagaraputrairyaj~niyamashvaM mR^igayamANaiH khAtatvAt yo jaladhiH DalayorabhedAjjaDathIH | dasyave rAvaNAya saMshrayaM la~NkArUpamadAt | ataH sa riporiShTaH shatrupakShyaH | ataH so.ativelaM bhR^ishaM kimiti prArthyate | prArthyamAno.api nAyaM mArgaM ta dadyAditi bhAvaH |
77| namate praNAmaM kurvate bibhIShaNAya jIvetyAshIrdAtumuchitA | abhayadAnamava kevalaM yuktam | kintu rAghaveNAvichArya shrIrapi dattA | sarvasya svasya sampado dAnamAshrayam | rAvaNasya sampada eva bibhIShaNAya pratishrutaM dAnamiti virodhaparihAraH |
78| sakhA mitraM vibhIShaNaH | samAsAdi labdhaH |
79| avila~NghitA maryAdA velA gurujanAdarashcha yena tAdR^ishaM bandhuM sAgaraM babandha | guruM cha sAgaramanula~NghanIya lala~Ngha | shambhorbhaktamapi muneH pulastyasya sutaM rAvaNaM cha ko.api rAma ityarthAt | dArakR^ite sItAyA adhigamArtha jaghAna | sarvatra virodhAbhAsaH |
80| u~nchChaH kaNashaH kShetrasthasya dhAnyasyAdAnaM sa eva vR^ittiryeShAM te uchChavR^ittayo munayaH | astrANyeva bhoginaH sarpAsteShAmaguruvat kR^iShNachandanavadAshrayo rAmaH |
81| pata~NgaH sUryaH | khecharA rAkShasAsteShAM bhUbhR^itaM rAvaNam |
82| vAhinyo nadyaH senAshcha | nirjIvanIkR^itAH nirudakAH kR^itAH hatAshcha | virodhAbhAsa AshcharyahetuH |
83| tanUnapAdagniH. tR^iNakAnanaM na dadAha kintu kIlAlanadIH shoNitanadIH sasarja pravartayAmAsa | virodhAbhAsaH |
84| nAkaukasAM devAnAm | kulishakaro mahendraH | kAlakUTAshaH shivaH | * tu ayAt iti padachChedaH | ayaH shubhAvaho vidhiH |
85| he vIra rAvaNa |
86| viShavahneratitamAM viShamaM parakalatraM spR^iShTvA sa AmUlaM dagdha ityanvayaH | apitamAmiti lipikarapramAdaH |
87| \ldq{}tamAntAntA\rdq{} iti lipikarapramAdaH | taM AtAntA AklAntA iti padachChedaH | sarojanI saraso janI janma yasyAH sA | \ldq{}janI itIdantaH kR^idikArAdaktina.\rdq{} itIShUvidhAnAt |
88| suhR^ido viyogayogAveva tApatoShayorheturnAnyAvityanvayaH |
89| labdhaH parabhAgaH utkarSho yayA sA |
90| avatAdityAshiShi loT | dhruvasya sakhA tadvadachala iti bhAvaH |
91| sugatiM mokShasvarUpAM tvAmichChanta iti yojanA | svotpAditamAtmajam |
92| ayodhyAM prati prasthito rAma chandraH sItAM vakti | suShamayA paramayA shobhayA jitA dhanasthA meghamadhyavartinI shampA vidyudyayA tatsambuddhau | vidyutprabhe sIte | peyA vANI yasyAstatsambuddhau | mayi asyAM pampAyAM chiraM rudati shikhibhirasadbhirita nR^ityadbhirbhR^ishaM mumude | bhAve liTa |
93| shaM sukham | \-itA gatA | svarapagetyatra svarApageti bhAvyam | svardhanItyarthaH |
94| araya eva kariNasteShAM haripatI sihAviva rAmalakShmaNau satIsahitau | pativratayA sItayA sahitau | atra prAptau staH iti sheShaH |
95| Ishasya shiraHsArasaM shiraHkamalaM AsanaM yasyAstatsambuddhau he ga~Nge | kathaM kathamapi |
96| bAlachAtaka bharata | amR^itaM pAtumanehasaM kAlaM mA nayetyanvayaH
97| mayUrAH paurAH. mahAbhAgato mahatA bhAgadheyena | mudiraM meghaM rAmaM cha |
98| mahendrasya sakhA dasharathaH | yenAdhiShThitaM tvaM akhilAnAM nR^ipatishreShThAnAM naternamanasya pAtramasi | yasya te yasho.amR^itapAyibhirdevaiH pItaM taM dasharathamadya smarasIti prashnaH |
99| amR^itamandho bhojanaM yeShAM teShAM devAnAm | raterAnandasyaikaM sthAnam |
100| inaH sUryaH | koH pR^ithivyAH patiH kutsitaH patishcha | virodhAbhAsaH |
101| vidheyaM bhR^ityaH | rAjA prajAnAM bhR^ityaH kAryakaro.astIti prasiddhimAshrityayamuktiH |
102| he ayodhye ! paraHshatA napatayastvayA bhuktAH. tAnadhunA kathaM na smarasi | amunA patyA tvaM mohitA nanu | \ldq{}saragheva lobhitA\rdq{} iti pAThAntaram | madhunA saraShA madhumakShikevAmunA patyA rAmeNa mohitetyarthaH |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}