% Text title : Ranganatha Padukasahasram % File name : pAdukAsahasram.itx % Category : raama, vedAnta-deshika % Location : doc\_raama % Author : vedAntadeshika % Proofread by : Pooja P % Latest update : February 2, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Ranganatha Paduka Sahasram ..}## \itxtitle{.. shrIra~NganAthapAdukAsahasram ..}##\endtitles ## shrIH | shrImatpraNatArtiharavaradaparabrahmaNe namaH | shrImate nigamAntamahAdeshikAya namaH | \section{pAdukAsahasrasya anukramaNikA} paddhati kramA.nka sUchI (shlokasa~NkhyA) 1\. prastAvapaddhatiH (20) 2\. samAkhyApaddhatiH (10) 3\. prabhAvapaddhatiH (70) 4\. samarpaNapaddhatiH (20) 5\. pratiprasthAnapaddhatiH (20) 6\. adhikAraparigrahapaddhatiH (40) 7\. abhiShekapaddhatiH (30) 8\. niryAtanApaddhatiH (30) 9\. vandivaitAlikapaddhatiH (10) 10\. shR^i~NgArapaddhatiH (10) 11\. sa~nchArapaddhatiH (60) 12\. puShpapaddhatiH (30) 13\. parAgapaddhatiH (30) 14\. nAdapaddhatiH (100) 15\. ratnasAmAnyapaddhatiH (50) 16\. bahuratnapaddhatiH (50) 17\. padmarAgapaddhatiH (30) 18\. muktApaddhatiH (50) 19\. maratakapaddhatiH (20) 20\. indranIlapaddhatiH (30) 21\. bimbapratibimbapaddhatiH (20) 22\. kA~nchanapaddhatiH (20) 23\. sheShapaddhatiH (10) 24\. dvandvapaddhatiH (20) 25\. sanniveshapaddhatiH (20) 26\. yantrikApaddhatiH (10) 27\. rekhApaddhatiH (10) 28\. subhAShitapaddhatiH (10) 29\. prakIrNakapaddhatiH (80) 30\. chitrapaddhatiH (40) 31\. nirvedapaddhatiH (20) 32\. phalapaddhatiH (38) shrIra~NganAtha divyamaNipAdukAbhyAM namaH | shrImate rAmAnujAya namaH | shrImAnve~NkaTanAthAryaH kavitArkikakesarI | vedAntAchAryavaryo me sannidhattAM sadA hR^idi || \section{1\. prastAvapaddhatiH (20)} santaH shrIra~NgapR^ithvIshacharaNatrANashekharAH | jayanti bhuvanatrANapadapa~NkajareNavaH || 1\.1|| 1|| bharatAya paraM namo.astu tasmai prathamodAharaNAya bhaktibhAjAm | yadupaj~namasheShataH pR^ithivyAM prathito rAghavapAdukAprabhAvaH || 1\.2|| 2|| varNastomairvakulasumanovAsanAmudvahantI\- mAmnAyAnAM prakR^itimaparAM saMhitAM dR^iShTavantam | pAde nityapraNihitadhiyaM pAduke ra~Ngabhartu\- stvannAmAnaM munimiha bhaje tvAmahaM stotukAmaH || 1\.3|| 3|| divyasthAnAt tvamiva jagatIM pAduke gAhamAnA pAdanyAsaM prathamamanayA bhAratI yatra chakre | ## var ## managhA yogakShemaM sakalajagatAM tvayyadhInaM sa jAna\- nvAchaM divyAM dishatu vasudhAshrotrajanmA munirme || 1\.4|| 4|| nIche.api hanta mama mUrdhani nirvisheShaM tu~Nge.api yanniveshate nigamottamA~Nge | prAchetasaprabhR^itibhiH prathamopagItaM stoShyAmi ra~NgapatipAdukayoryugaM tat || 1\.5|| 5|| dhatte mukundamaNipAdukayorniveshA\- dvalmIkasambhavagirAM samatAM mamoktiH | ga~NgApravAhapatitasya kiyAniva syA\- drathyodakasya yamunAsalilAdvisheShaH || 1\.6|| 6|| vij~nApayAmi kimapi pratipannabhItiH prAgeva ra~NgapativibhramapAduke tvAm | vaktuM kShamAH sadasatI vigatAbhyasUyAH ## var ## vya~NktuM santaH spR^ishantu sadayairhR^idayaiH stutiM te || 1\.7|| 7|| ashraddadhAnamapi nanvadhunA svakIye stotre niyojayasi mAM maNipAduke tvam | devaH pramANamiha ra~NgapatistathAtve tasyaiva devi padapa~NkajayoryathA tvam || 1\.8|| 8|| yadAdhAraM vishvaM gatirapi cha yastasya paramA tamapyekA dhatse dishi varagatiM tasya ruchirAm | ## var ## dishasi cha gatiM kathaM sA kaMsArerdruhiNaharadurbodhamahimA kavInAM kShudrANAM tvamasi maNipAdu stutipadam || 1\.9|| 9|| shrutapraj~nAsampanmahitamahimAnaH katikati stuvanti tvAM santaH shrutikuharakaNDUharagiraH | ahaM tvalpastadvadiha bahu cha jalpAmi tadapi ## var ## tvalpastadvadyadiha tvadAyattaM ra~NgakShitiramaNapAdAvani viduH || 1\.10|| 10|| yadeSha staumi tvAM triyugacharaNatrAyiNi tato ## var ## yadeShaaM mahimnaH kA hAnistava mama tu sampanniravadhiH | shunA lIDhA kAmaM bhavatu surasindhurbhagavatI tadeShA kimbhUtA sa tu sapadi santAparahitaH || 1\.11|| 11|| mitaprekShAlAbhakShaNapariNamatpa~nchaShapadA maduktistvayyeShA mahitakavisaMrambhaviShaye | na kasyeyaM hAsyA haricharaNadhAtri kShititale muhurvAtyAdhUte mukhapavanavisphUrjitamiva || 1\.12|| 12|| niHsandehanijApakarShaviShayotkarSho.api harShodaya\- pratUhakramabhaktivaibhavabhavadvaiyAtyavAchAlitaH | ## var ## pratyUDha ra~NgAdhIshapadatravarNanakR^itArambhairnigumbhairgirAM narmAsvAdiShu ve~NkaTeshvarakavirnAsIramAsIdati || 1\.13|| 13|| ra~NgakShmApatiratnapAdu bhavatIM tuShTUShato me javA\- jjR^imbhantAM bhavadIyashi~njitasudhAsandohasandehadAH | shlAghAghUrNitachandrashekharajaTAja~NghAlaga~NgApaya\- strAsAdeshavishR^i~NkhalaprasaraNotsiktAH svayaM sUktayaH || 1\.14|| 14|| himavannalasetumadhyabhAjAM bharatAbhyarchitapAdukAvataMsaH | ## var ## himavadachala atapodhanadharmataH kavInAmakhileShvasmi manoratheShvabAhyaH || 1\.15|| 15|| anidamprathamasya shabdarAsherapadaM ra~NgadhurINapAduke tvAm | gatabhItirabhiShTuvan vimohAtparihAsena vinodayAmi nAtham || 1\.16|| 16|| vR^ittibhirbahuvidhAbhirAshritA ve~NkaTeshvarakaveH sarasvatI | adya ra~NgapatiratnapAduke nartakIva bhavatIM niShevatAm || 1\.17|| 17|| apArakaruNAmbudhestava khalu prasAdAdahaM vidhAtumapi shaknuyAM shatasahasrikAM saMhitAm | tathApi haripAduke tava guNaughaleshasthite\- rudAhR^itiriyaM bhavediti mitA.api yuktA stutiH || 1\.18|| 18|| anukR^itanijanAdAM sUktimApAdayantI manasi vachasi cha tvaM sAvadhAnA mama syAH | nishamayati yathA.asau nidrayA dUramuktaH pariShadi saha lakShmyA pAduke ra~NganAthaH || 1\.19|| 19|| tvayi vihitA stutireShA padarakShiNi bhavati ra~NganAthapade | tadupari kR^itA saparyA namatAmiva nAkinAM shirasi || 1\.20|| 20|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre prastAvapaddhatiH prathamA || \section{2\. samAkhyApaddhatiH (10)} vande viShNupadAsaktaM tamR^iShiM tAM cha pAdukAm | ## var ## pAdukAm cha tAm yathArthA shaThajitsa.nj~nA machchittavijayAdyayoH || 2\.1|| 21|| ## var ## yathArthashaThajitsa.nj~nA draviDopaniShanniveshashUnyAnapi lakShmIramaNAya rochayiShyan | ## var ## dramiDo dhruvamAvishati sma pAdukAtmA shaThakopaH svayameva mAnanIyaH || 2\.2|| 22|| niyataM maNipAduke dadhAnaH sa muniste shaThakopa ityabhikhyAm | tvadupAshritapAdajAtavaMshapratipatyai paramAtatAna rUpam || 2\.3|| 23|| muninA maNipAduke tvayA cha prathitAbhyAM shaThakopasa.nj~nayaiva | dvitayaM sakalopajIvyamAsItprathamena shrutiranyatastadarthaH || 2\.4|| 24|| AkarNya karNAmR^itamAtmavanto gAthAsahasraM shaThakopasUreH | ma~njupraNAdAM maNipAduke tvAM tadekanAmAnamanusmaranti || 2\.5|| 25|| yaH saptaparvavyavadhAnatu~NgAM sheShatvakAShThAmabhajanmurAreH | ## var ## sa sapta tasyApi nAmodvahanAt tvayA.asau laghUkR^ito.abhUchChaThakopasUriH || 2\.6|| 26|| shayyAtmanA madhuriporasi sheShabhUtA pAdAshrayeNa cha punardviguNIkR^itaM tat | bhUyo.api bhAgavatasheShatayA tadeva vya~NktuM padAvani shaThAripadaM bibharShi || 2\.7|| 27|| padyena devi shaThakopamunistavAsI\- ttasyApi nAmavahanAnmaNipAduke tvam | sheShIbabhUva yuvayorapi sheShashAyI sheShaM tvasheShamapi sheShapade sthitaM vaH || 2\.8|| 28|| vindhyastambhAdavihatagaterviShvagAchAntasindhoH kumbhIsUnorasurakabalagrAsinaH svairabhAShA | nityaM jAtA shaThariputanorniShpatantI mukhAt te prAchInAnAM shrutipariShadAM pAduke pUrvagaNyA || 2\.9|| 29|| shaThakopa iti samAkhyA tava ra~NgadhurINapAduke yuktA | sUte sahasramevaM sUktIH svayameva yanmayA bhavatI || 2\.10|| 30|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre samAkhyApaddhatirdvitIyA || \section{3\. prabhAvapaddhatiH (70)} vande tadra~NganAthasya mAnyaM pAdukayoryugam | unnatAnAmavanatirnatAnAM yatra chonnatiH || 3\.1|| 31|| nishsheShamambaratalaM yadi patrikA syA\- tsaptArNavI yadi sametya maShI bhavitrI | vaktA sahasravadanaH puruShaH svayaM che\- llikhyeta ra~NgapatipAdukayoH prabhAvaH || 3\.2|| 32|| vedopabR^iMhaNakutUhalinA nibaddhaM vishvambharAshrutibhavena maharShiNA yat | vyAsena yachcha madhusUdanapAdarakShe dve chakShuShI tvadanubhAvamavekShituM naH || 3\.3|| 33|| pratyakShayanti parishuddhadhiyo yathAva\- drAmAyaNe raghupurandarapAdarakShe | shashvatprapa~nchitamidamparayaiva vR^ittyA sa~NkShepavistaradashAsu tavAnubhAvam || 3\.4|| 34|| alpashrutairapi janairanumIyase tvaM ra~NgeshapAdu niyataM nigamopagItA | sAraM tadarthamupabR^iMhayituM praNItaM rAmAyaNaM tava mahimni yataH pramANam || 3\.5|| 35|| tiShThantu shrutayastato.api mahitaM jAgarti tatpAduke tattAdR^ikprathanAya tAvakaguNagrAmAya rAmAyaNam | yasyAsIdaravindasambhavavadhUma~njIrashi~njArava\- spardhAdurdharapAdabaddhabhaNatirvalmIkajanmA kaviH || 3\.6|| 36|| ## var ## phaNiti bhaktiprahvapuraprabha~njanajaTAvATIsanIDasphura\- chchUDAragvadhavAsanAparimalastyAne stumaH pAduke | ra~NgakShoNibhR^ida~NghripadmayugalIpUrNaprapatteH phalaM nishchinvanti vipashchitaH shamadhanA nityaM yaduttaMsanam || 3\.7|| 37|| mAtarmAdhavapAduke tava guNAnkaH stotumastokadhIH koTIreShu yadarpaNapraNayinAM sevAkShaNe svargiNAm | anyonyaM kShipatAmahamprathamikAsammardakolAhalaM viShvaksenavihAravetralatikAkampashchirAllumpati || 3\.8|| 38|| yoShidbhUtadR^iShantyapoDhashakaTasthemAni vaimAnika\- srotasvinyupalambhanAni bhasitoda~nchatparIkShinti cha | dUtyAdiShvapi durvachAMsi padayoH kR^ityAni matveva ya\- ## var ## durvachAni ddhatte tatpraNayaM tadeva charaNatrANaM vR^iNe ra~NgiNaH || 3\.9|| 39|| ## var ## ttadvattatpraNayaM vande tanmadhukaiTabhAripadayormitraM padatradvayaM yattadbhaktibharAnatena shirasA yatra kvachit bibhrati | dvitrabrahmavinADikAvadhipadavyatyAsasha~NkAbhara\- trAsotkampadashAvisaMsthuladhR^itistraiviShTapAnAM gaNaH || 3\.10|| 40|| padmAkAntapadAntara~NgavibhavodriktaM padatraM bhaje yadbhaktyA namatAM triviShTapasadAM chUDApadeShvarpitam | ## var ## cha satAM nityApItanakhendudIdhitisudhAsandohamuchchairvama\- tyantarnUnamamAntamantikalagachCheShApaTachChadmanA || 3\.11|| 41|| ## var ## kalasa tadviShNoH paramaM padatrayugalaM trayyantaparyantagaM chintAtItavibhUtikaM vitaratu shreyAMsi bhUyAMsi naH | yadvikrAntidashAsamutthitapadaprasyandipAthasvinI\- sakhyeneva sadAnatasya tanute maulau sthitiM shUlinaH || 3\.12|| 42|| ambunyambunidherananyagatibhirmInaiH kiyad gamyate kleshenApi kiyadvyala~Nghi rabhasottu~NgaiH plava~NgeshvaraiH | vij~nAtA kiyatI punaH kShitibhR^itA manthena gambhIratA kiM taiH keshavapAdukAguNamahAmbodhestaTasthA vayam || 3\.13|| 43|| padakamalarajobhirvAsite ra~NgabhartuH parichitanigamAnte pAduke dhArayantaH | aviditaparipAkaM chandramuttaMsayante pariNatabhuvanaM tatpadmamadhyAsate vA || 3\.14|| 44|| sakR^idapi bhuvane.asmi~nshAr~NgiNaH pAduke tvAM ## var ## kila mUrdhnA shAr~NgiNaH manujamanuvahantaM dehabandhavyapAye | upacharati yathArhaM devavargastvadIyaH sa tu niyamitabhR^ityo joShamAste kR^itAntaH || 3\.15|| 45|| padasarasijametatpAduke ra~NgabhartuH pratinidhipadavIM te gAhate svena bhUmnA | tadidamaparathA chet tiShThatastasya nityaM kathamiva viditArthAstvAM bhajante mahAntaH || 3\.16|| 46|| shrutishirasi nigUDhaM karmaNAM choditAnAM tvadavadhi viniveshaM nAdhigantuM kShamANAm | parihasati murAreH pAduke bAlishAnAM pashuvadhaparisheShAnpaNDito nAmayaj~nAn || 3\.17|| 47|| janayitumalamarghyaM daityajitpAdarakShe namati mahati deve nAkasindhorvishIrNAH | muhurahipatichUDAmauliratnAbhighAtA\- tpariNatalaghimAnaH pAthasAmUrmayaste || 3\.18|| 48|| padasarasijayostvaM pAduke ra~Ngabhartu\- rmanasi munijanAnAM maulibhAge shrutInAm | ## var ## maulideshe vachasi cha sukavInAM vartase nityamekA tadidamavagataM te shAshvataM vaishvarUpyam || 3\.19|| 49|| parisaravinatAnAM mUrdhni durvarNapa~NktiM pariNamayasi shaureH pAduke tvaM suvarNam | kuhakajanavidUre satpathe labdhavR^itteH kka nu khalu viditaste ko.apyasau dhAtuvAdaH || 3\.20|| 50|| balimathanavihArAdvardhamAnasya viShNo\- rakhilamatipatadbhirvikramairaprameyaH | avadhimanadhigachChanpAparAshirmadIyaH samajani padarakShe sAvadhistvanmahimnA || 3\.21|| 51|| taTabhuvi yamunAyAstasthuShI yanniveshA\- dbhajati nigamashAkhAvaibhavaM nIpashAkhA | padakamalaygugaM tatpAduke ra~Ngabhartu\- stvayi bhajati vibhUtiM pashya shAkhAnushAkhAm || 3\.22|| 52|| shirasi vinihitAyAM bhaktinamrairbhavatyAM ## var ## bhaktinamre bhavatyAM sapadi tanubhR^itastAmunnatiM prApnuvanti | madhuripupadarakShe yadvashenaiva teShA\- manitarasulabhaM taddhAma hastApacheyam || 3\.23|| 53|| sakR^idapi bhuvane.asmin shAr~NgiNaH pAduke tvA\- mupaniShadanukalpairuttamA~NgairdadhAnAH | narakamiva mahAnto nAkamulla~NghayantaH pariShadi nivishante prAktanAnAM gurUNAm || 3\.24|| 54|| shamadamaguNadAntodantavaideshikAnAM sharaNamasharaNAnAM mAdR^ishAM mAdhavasya | padakamalamidaM te pAduke rakShyamAsI\- danudayanidhanAnAmAgamAnAM nidhAnam || 3\.25|| 55|| parichitapadapadmAM pAduke ra~NgiNastvAM tribhuvanamahanIyAM sAdaraM dhArayantaH | nijashirasi nilInaM devi mandAramAlyaM nigamaparimalaiste vAsayantIva devAH || 3\.26|| 56|| kanakasaridanUpe kalpavR^ikShasya bhUShNoH padakisalayalagnA pAduke ma~njarI tvam | pariNatimadhurANAM yA phalAnAM savitrI vahasi nigamavR^indaiH sampadaM ShaTpadAnAm || 3\.27|| 57|| parikalayasi chenmAM padmavAsAniShevye padakamalayuge tvaM pAduke ra~NgabhartuH | aviditanigamAnAM nUnamasmAdR^ishAnA\- maghaTitaghaTanI te shaktirAviShkR^itA syAt || 3\.28|| 58|| shrutishatashirashchUDApIDe nipIDayituM kShame duritasaritAmoghAnetAnamoghavisarpiNaH | kramapariNamadvedhaHshreNIshikhAmaNighaTTanA\- nmasR^iNitatale ra~NgakShoNIbhR^ito maNipAduke || 3\.29|| 59|| jagajjananarakShaNapaNasa~Ngino ra~NgiNaH pavitratamamAdriye bhagavataH padatradvayam | shivatvakaraNakShamatridivasindhusambandhinaM pradhAvya charaNaM nijaM praNidadhAti yatra prabhuH || 3\.30|| 60|| yadadhvarabhujAM shiraH padayugaM cha ra~Ngeshitu\- rdR^iDhaM ghaTayituM kShamaM bhavati sheShasheShitvataH | shirastramidamastu me duritasindhumuShTindhayaM kadadhvavihatikShamaM kimapi tatpadatradvayam || 3\.31|| 61|| samutkShipati chetasi sthiraniveshitA tAvakI mukundamaNipAduke muhurupAsanAvAsanA | udarkaparikarkashAnupariparvaNAkharvitA\- nanarthashatagarbhitAnamarashambhalIvibhramAn || 3\.32|| 62|| vigAhante ra~NgakShitipatipadatrAyiNi sakR^i\- dvahantastvAmantarvinihitakuchelavyatikarAH | madoddAmastamberamakaraTaniryanmadhujharI\- parIvAhapre~NkhadbhramaramukharAma~NgaNabhuvam || 3\.33|| 63|| adhidaivatamApatatsu kalpeShvadhikAraM bhajatAM pitAmahAnAm | abhirakShatu ra~NgabhartureShA karuNA kAchana pAdukAmayI naH || 3\.34|| 64|| dhruvamindriyanAgashR^i~NkhalA vA nirayadvAranivAraNArgalA vA | anayApapadAdhirohaNI vA mama ra~NgeshavihArapAduke tvam || 3\.35|| 65|| sharaNAgatasArthavAhashIlAM shrutisImantapadaprasAdanArhAm | adhira~NgamupAsmahe murArermahanIyAM tapanIyapAduke tvAm || 3\.36|| 66|| iha ye bhavatIM bhajanti bhaktyA kR^itinaH keshavapAduke niyuktAH | kathayAmba tirohitaM tR^itIyaM nayanaM trINi mukhAni vA kimeShAm || 3\.37|| 67|| madhuvairiparigraheShu nityaM kShamayA tvaM maNipAduke sametA | tadapi kShamase na kiM pareShAM tridashAdhIshvarashekhare nivesham || 3\.38|| 68|| dvitayaM pratiyanti ra~NgabhartuH katichit kA~nchanapAduke sharaNyam | abhayAnvitamagrimaM karaM vA bhavatIshekharitaM padAmbujaM vA || 3\.39|| 69|| bharatAshvasaneShu pAdashabdaM vasudhAshrotrasamudbhavo munIndraH | paThati tvayi pAduke tatastvaM niyataM rAmapadAdabhinnabhUmA || 3\.40|| 70|| makuTeShu nivishya dikpatInAM padameva pratipadya ra~NgabhartuH | parirakShasi pAduke padaM tvaM kva nu bhidyeta garIyasAM prabhAvaH || 3\.41|| 71|| jagatAmabhirakShaNe trayANAmadhikAraM maNipAduke vahantyoH | yuvayoH parikarmakoTilagnaM charaNadvandvamavaimi ra~NgabhartuH || 3\.42|| 72|| padarakShiNi vatsalA nikAmaM raghuvIrasya padAmbujAdapi tvam | yadasau bharatastvayAMshavattvAnna punastAdR^ishamanvabhUdviyogam || 3\.43|| 73|| abhigamya mukundapAduke tvAmapanItAtapavAraNaiH shirobhiH | haritAM patayo durApamanyairanaghachChAyamavAnpuvanti bhogam || 3\.44|| 74|| apahAya sitAsitAnupAyAnaravindekshaNapAduke mahAntaH | tvadananyatayA bhajanti vR^ittiM tvadasAdhAraNabhogasAbhilAShAH || 3\.45|| 75|| praNamanti na vA vidhervipAkAdya ime ra~NganarendrapAduke tvAm | upajAtamanuttamA~NgameShAmubhayeShAmapi chitramuttamA~Ngam || 3\.46|| 76|| tava keshavapAduke prabhAvo mama duShkarma cha nanvanantasAre | niyamena tathA.api pashchimasya prathamenaiva parAbhavaM pratImaH || 3\.47|| 77|| astrabhUShaNatayaiva kevalaM vishvametadakhilaM bibharti yaH | aklamena maNipAduke tvayA so.api shekharatayaiva dhAryate || 3\.48|| 78|| rAmapAdasahadharmachAriNIM pAduke nikhilapAtakachChidam | tvAmasheShajagatAmadhIshvarIM bhAvayAmi bharatAdhidevatAm || 3\.49|| 79|| chUDAkapAlavyatiSha~NgadoShaM vimochayiShyanniva viShNupadyAH | kR^itAdaraH keshavapAdarakShe bibharti bAlenduvibhavaNastvAm || 3\.50|| 80|| tvayaivanityaM maNipAdarakShe rAjanvatI sR^iShTiriyaM prajAnAm | strIrAjyadoShaprashamAya nUnaM nirdishyase nAthavisheShaNena || 3\.51|| 81|| bibharShi nityaM maNipAduke tvaM vishvambharaM dhAma nijena bhUmnA | tavAnubhAvashchulakIkR^ito.ayaM bhaktairajasraM bhavatIM dadhAnaiH || 3\.52|| 82|| parasya puMsaH padasannikarShe tulyAdhikArAM maNipAduke tvAm | uttaMsayanti svayamuttamA~NgaiH sheShAsamaM sheShagarutmadAdyAH || 3\.53|| 83|| mukunda pAdAmbujadhAriNi tvAM mohAdanuttaMsayatAM janAnAm | mUrdhni sthitA durlipayo bhavanti prashastavarNAvalayastadIyAH || 3\.54|| 84|| bhUmiH shrutInAM bhuvanasya dhAtrI guNauranantA vipulA vibhUtyA | sthirA svayaM pAlayituM kShamA naH sarvaMsahA shauripadAvani tvam || 3\.55|| 85|| sthairyaM kulakShoNibhR^itAM vidhatse sheShAdayastvAM shirasA vahanti | padaprasUtA paramasya puMsaH pR^ithvImahimnA maNipAduke tvam || 3\.56|| 86|| daityAdhipAnAM balinAM kirITA nikShepaNaM te yadi nAbhyanandan | ra~NgeshapAdAvani ra~NgadhAmnaH sopAnatAM prApya vahantyamI tvAm || 3\.57|| 87|| sheSho garutmAn maNipAdapIThI tvaM cheti pAdAvani vishvamAnyAH | tulyAdhikArA yadi kintu santa\- stvAmeva nityaM shirasA vahanti || 3\.58|| 88|| parasya puMsaH paramaM padaM ta\- dbibharShi nityaM muNipAduke tvam | ## var ## manipAdaraxe anyAdR^ishAM vyomasadAM padAni tvayyAyatante yadidaM na chitram || 3\.59|| 89|| pAdau murAreH sharaNaM prajAnAM tayostadevAsi pAdAvani tvam | sharaNyatAyAstvamananyarakShA sandR^ishyase vishramabhUmirekA || 3\.60|| 90|| anyeShu padmAkamalAsanAdyaira~NgeShu ra~NgAdhipateH shriteShu | padAvani tvAmadhigamya jAtaM padaM murAreradhidaivataM naH || 3\.61|| 91|| kShaNaM sarojekShaNapAduke yaH kR^itAdaraH ki~Nkurute bhavatyAH | aki~nchinasyApi bhavanti shIghraM bhrUki~NkarAstasya purandarAdyAH || 3\.62|| 92|| vahanti ye mAdhavapAduke tvAmuhyanta ete divi nirvighAtAH | haMsena nityaM sharadabhrabhAsA kailAsagaureNa kakudmatA vA || 3\.63|| 93|| rudraM shrito devagaNaH sa rudraH padmAsanaM so.api cha padmanAbham | sa tvAmananto na punastvamanyaM ka eSha pAdAvani te prabhAvaH || 3\.64|| 94|| parasya dhAmnaH pratipAdanArhAM vadanti vidyAM maNipAduke tvAm | yatastavaivAdhigame prajAnAM dUrIbhavatyuttarapUrvamaMhaH || 3\.65|| 95|| dhanyA mukundasya padAnuSha~NgAd dhanIyatA yena samarchitA tvam | vAsastadIyo maNipAdarakShe lakShmyA.alakAmapyadharIkaroti || 3\.66|| 96|| padena viShNoH kimutetareShAM visR^ijya sa~NgaM samupAsate tvAm | ## var ## ya upAsate karoShi tAnkiM tvamapetakAmAn kAlena pAdAvani satyakAmAn || 3\.67|| 97|| abhyAsayogena nigR^ihyamANairantarmukhairAtmavido manobhiH | mAtastvayA guptapadaM prabhAvAdanveShayantyAgamikaM nidhAnam || 3\.68|| 98|| ## var ## guptapadaprabhAvAd mUrdhnA dadhAnAM maNipAduke tvAmuttaMsitaM vA puruShaM bhavatyA | vadanti kechidvayamAmanAmastvAmeva sAkShAdadhidaivataM naH || 3\.69|| 99|| mUrdhnA satAmadhastAduparicha viShNoH padena sa~NghaTitAm | adavIyasIM vimukteH padavImavayanti pAduke bhavatIm || 3\.70|| 100|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre prabhAvapaddhatistR^itIyA || \section{4\. samarpaNapaddhatiH (20)} bhajAmaH pAduke yAbhyAM bharatasyAgrajastadA | prAyaH pratiprayANAya prAsthAnikamakalpayat || 4\.1|| 101|| rAjyaM vihAya raghuvaMshamahIpatInAM paurAMshcha pAdarasikAnpR^ithivIM cha raktAm | tvAmeva hanta charaNAvani sa.nprayAsyan Alambata prathamamuttarakosalendraH || 4\.2|| 102|| prApte prayANasamaye maNipAdarakShe paurAnavekShya bhavatI karuNapralApAn | ma~njupraNAdamukharA vinivartanArthaM rAmaM padagrahaNapUrvamayAchateva || 4\.3|| 103|| matvA tR^iNAya bharato maNipAdarakShe ## var ## tR^iNaM sa bharato rAmeNa tAM virahitAM raghurAjadhAnIm | tvAmeva sapraNayamujjayinImavantIM mene mahodayamayIM madhurAmayodhyAm || 4\.4|| 104|| rAmAtmanaH pratipadaM maNipAdarakShe vishvambharasya vahanena parIkShitAM tvAm | vishvasya devi vahane viniveshayiShyan visrabdha evaM bharato bhavatIM yayAche || 4\.5|| 105|| bhaktyA paraM bhavatu tadbharatasya sAdho\- stvatprArthanaM raghupatau maNipAdarakShe | kenAshayena sa muniH paramArthadarshI bhadrAya devi jagatAM bhavatImavAdIt || 4\.6|| 106|| rAme vanaM vrajati pa~Nktirathe prasupte rAjyApavAdachakite bharate tadAnIm | AshvAsayet ka iva kosalavAsinastAn sIteva chet tvamapi sAhasavR^ittirAsIH || 4\.7|| 107|| pAdAvani prabhavato jagatAM trayANAM rAmAdapi tvamadhikA niyataM prabhAvAt | no chet kathannu bharatasya tameva lipsoH pratyAyanaM paripaNaM bhavatI bhavitrI || 4\.8|| 108|| manye niyujya bhavatIM maNipAdarakShe pArShNigrahasya bharatasya nivartanArtham | ratnAkaraM sapadi goShpadayan vijigye rAmaH kShaNena rajanIchararAjadhAnIm || 4\.9|| 109|| pAdAvani prabhutarAnaparAdhavargAn soDhuM kShamA tvamasi mUrtimatI kShamaiva | ## var ## kShameva yat tvAM vihAya nihatAH paripanthinaste devena dAsharathinA dashakaNThamukhyAH || 4\.10|| 110|| vAkye garIyasi piturvihite.apyatR^iptyA mAturmanorathamasheShamavandhyayiShyan | manye tadA raghupatirbharatasya tene mAtastvayaiva maNimauliniveshalakShmIm || 4\.11|| 111|| pAdAmbujAdvigalitAM paramasya puMsa\- stvAmAdareNa viniveshya jaTAkalApe | a~NgIchakAra bharato maNipAdarakShe ga~NgAdhirUDhashiraso girishasya kAntim || 4\.12|| 112|| avikalamadhikartuM rakShaNe saptalokyA raghupaticharaNena nyastadivyAnubhAvAm | abhajata bharatastvAma~njasA pAdarakShe maNimakuTaniveshatyAgadhanyena mUrdhnA || 4\.13|| 113|| iyamavikalayogakShemasid.hdhyai prajAnA\- malamiti bharatena prArthitAmAdareNa | raghupatiradhirohannabhyashi~nchat svayaM tvAM charaNanakhamaNInAM chandrikAnirjhareNa || 4\.14|| 114|| praNayini padapadme gADhamAshliShyati tvAM vidhisutakathitaM tadvaibhavaM te vidantaH | anudinamR^iShayastvAmarchayantyagnyagAre raghupatipadarakShe rAmagiryAshramasthAH || 4\.15|| 115|| niyatamadhiruroha tvAmanAdheyashaktiM nijacharaNasaroje shaktimAdhAtukAmaH | sa kathamitarathA tvAM nyasya rAmo vijahre dR^iShadupachitabhUmau daNDakAraNyabhAge || 4\.16|| 116|| raghupatipadapadmAdrantapIThe niveShTuM bharatashirasi lagnAM prekShya pAdAvani tvAm | pariNatapuruShArthaH pauravargaH svayaM te vidhimabhajata sarvo vandivaitAlikAnAm || 4\.17|| 117|| ananyarAjanyanideshaniShThAM chakAra pR^ithvIM chaturarNavAntAm | bhrAturyiyAsorbharatastadA tvAM mUrdhnA vahan mUrtimatImivAj~nAm || 4\.18|| 118|| yadbhrAtre bharatAya ra~NgapatinA rAmatvamAtasthuShA nityopAsyanijA~NghriniShkrayatayA nishchitya vishrANitam | yogakShemavahaM samastajagatAM yadgIyate yogibhiH pAdatrANamidaM mitampachakathAmahnAya me nihnutAm || 4\.19|| 119|| bharatasyeva mamApi prashamitavishvApavAdadurjAtA | sheSheva shirasi nityaM viharatu raghuvIrapAduke bhavatI || 4\.20|| 120|| iti kavitArtkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre samarpaNapaddhatishchaturthI || \section{5\. pratiprasthAnapaddhatiH (20)} prashaste rAmapAdAbhyAM pAduke paryupAsmahe | AnR^ishaMsyaM yayorAsIdAshriteShvanavagraham || 5\.1|| 121|| bhR^ishAturasahodarapraNayakhaNDanasvairiNA padena kimanena me vanamihAvanAdichChatA | itIva parihAya tannivavR^ite svayaM yatpurA padatramidamAdriye dhR^itajagatrayaM ra~NgiNaH || 5\.2|| 122|| dashavadanavinAshaM vA~nChato yasya chakre dasharathamanaghoktiM daNDakAraNyayAtrA | sa cha bharatavimarde satyasandhastvayA.a.asI\- traghupatipadarakShe rAjadhAnIM prayAntyA || 5\.3|| 123|| abhyupetavinivR^ittisAhasA devi ra~NgapatiratnapAduke | atyasheta bhavatI mahIyasA pAratantryavibhavena maithilIm || 5\.4|| 124|| avyAhatAM raghupatervahataH pratij~nA\- maMsAdhirohaNarase vihate dharaNyAH | prAdAnnivR^itya bhavatI maNipAdarakShe sparshaM padena vigatavyavadhAnakhedam || 5\.5|| 125|| mantrAbhiShekavirahAdbhajatA vishuddhiM saMskAravarjanavashAdabhisaMskR^itena | mUrdhnA ninAya bharato maNipAduke tvAM rAmAj~nayA vinihitAmiva rAjyalakShmIm || 5\.6|| 126|| rakShArthamasya jagato maNipAdarakShe rAmasya pAdakamalaM samaye tyajantyoH | kiM duShkaraM tava vibhUtiparigraho vA kiM vA videhaduhituH kR^ipaNA dashA sA || 5\.7|| 127|| sItAsakhasya sahasA charaNAravindA\- tbhaktyA nate kR^itapadA bharatottamA~Nge | Aruhya nAgamabhito bhavatI vitene mAyUrachAmarabharaM maNirashmijAlaiH || 5\.8|| 128|| mUrdhnA mukundapadarakShiNi bibhratastvA\- mAvirmadasya raghuvIramadAvalasya | AmodibhiH sapadi dAnajalapravAhai\- rlebhe chirAdvasumatI ruchiraM vilepam || 5\.9|| 129|| AshAH prasAdhayitumamba tadA bhavatyAM daivAdakANDasharadIva samutthitAyAm | stokAvasheShasalilAH sahasA babhUvuH sAketayauvatavilochanavArivAhAH || 5\.10|| 130|| antevasannacharamasya kaveH sa yogI vanyAnpragR^ihya vividhAnupadAvisheShAn | AtasthuShIM raghukulochitamaupavAhyaM pratyujjagAma bhavatIM bharatopanItAm || 5\.11|| 131|| mAtastvadAgamanama~NgaladarshinInAM sAketapakShmaladR^ishAM chaTulAkShibhR^i~NgaiH | jAtAni tatra sahasA maNipAdarakShe vAtAyanAni vadanaiH shatapatritAni || 5\.12|| 132|| sAketasImni bhavatI maNipAdarakShe mA~NgalyalAjanikarairavakIryamANA | kIrtisvayaMvarapaterbharatasya kAle ## var ## kIrtyAH svayaMvarapateH vaivAhikI janani vahnishikheva reje || 5\.13|| 133|| ChatrendumaNDalavatI maNipAduke tvaM vyAdhUtachAmarakalApasharaprasUnA | sadyo babhUvitha samagravikAsahetuH sAketapauravanitAnayanotpalAnAm || 5\.14|| 134|| praikShanta vaktrairmaNipAdarakShe shatru~njayaM shailamivAdhirUDhAm | rAmAbhidhAnapratipannaharShairuttAnitairuttarakosalAstvAm || 5\.15|| 135|| draShTuM tadA rAghavapAdarakShe sItAmiva tvAM vinivartamAnAm | AsannayodhyApurasundarINAmautsukyalolAni vilochanAni || 5\.16|| 136|| AsthAya tatra sphuTabindunAdaM stamberamaM tAdR^ishasannivesham | adarshayastvaM puramadhyabhAge pAdAvani tvatpraNavAshrayatvam || 5\.17|| 137|| dashagrIvastamberamadalanadurdAntahR^idaye vihArasvAchChandyAdvishati raghusiMhe vanabhuvam | svAvAtsalyakroDIkR^itabharatashAbaiva bhavatI ## var ## bharatashAveva nirAbAdhAM pAdAvani na vijahau kosalaguhAm || 5\.18|| 138|| kaikeyIvaradAnadurdinanirAlokasya lokasya ya\- ttrANArthaM bharatena bhavyamanasA sAketamAnIyate | rAmatyAgasahairasahyavirahaM ra~NgakShitIndrasya ta\- tpAdatrANamananyatantraphaNiterApIDamIDImahi || 5\.19|| 139|| samupasthite pradoShe sahasA vinivR^itya chitrakUTavanAt | abhajatpunarjanapadaM vatsaM dhenuriva pAduke bhavatI || 5\.20|| 140|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre pratiprasthAnapaddhatiH pa~nchamI || \section{6\. adhikAraparigrahapaddhatiH (40)} adhIShTe pAdukA sA me yasyAH sAketavAsibhiH | anvayavyatirekAbhyAmanvamIyata vaibhavam || 6\.1|| 141|| mochitasthiracharAnayatnataH kosalAn janapadAnupAsmahe | yeShu kAMshchana babhUva vatsarAn daivataM danujavairipAdukA || 6\.2|| 142|| sAmrAjyasampadiva dAsajanochitA tvaM rAmeNa satyavachasA bharatAya dattA | sa tvAM niveshya charaNAvani bhadrapIThe pR^ithvIM bubhoja bubhuje cha shovibhUtim || 6\.3|| 143|| bhogAnananyamanasAM maNipAduke tvaM puShNAsi hanta bhajanAmanuSha~NgasiddhAn | tenaiva nUnamabhavadbharatasya sAdho\- raprArthitaM tadiha rAjyamavarjanIyam || 6\.4|| 144|| rAmaprayANajanitaM vyapanIya shokaM ratnAsane sthitavatI maNipAdarakShe | pR^ithvIM nijena yashasA vihitottarIyA\- mekAtapatratilakAM bhavatI vitene || 6\.5|| 145|| rAmAj~nayA paravatI parigR^ihya rAjyaM ratnAsanaM raghukulochitamAshrayantI | shuddhAM padAvani punarbhavatI vitene svAtantrtyaleshakaluShAM bharatasya kIrtim || 6\.6|| 146|| paulastyavIravadanastabakAvasAnA\- tpuShpANi daNDakavaneShvapachetumichChoH | rakShAdhuraM dhR^itavatI maNipAduke tvaM rAmasya maithilasutAsahite prachAre || 6\.7|| 147|| pAdAvani prachalachAmaravR^indamadhye bhadrAsanAstaragatA bhavatI vireje | AkIrNadivyasalile kaTake sumero\- rambhojinIva kalahAyitahaMsayUthA || 6\.8|| 148|| mAnye raghUdvahapade maNipAduke tvAM vinyasya vigrahavatImiva rAjyalakShmIm | AlolamakShavalayI bharato jaTAvA\- nAlambya chAmaramananyamanAH siSheve || 6\.9|| 149|| prApte divaM dasharathe bharate vilakShe paryAkuleShu paramuttarakosaleShu | tvaM chedupekShitavatI ka ivAbhaviShya\- tgopAyitA guhyasakhasya vibhoH padaM tat || 6\.10|| 150|| ## var ## gopAyituM bhrAturyadamba virahAdbharate viShaNNe dAkShiNyamAshritavatI maNipAduke tvam | AsIdasheShajagatAM shravaNAmR^itaM ta\- dvAchAlakAhalasahaM birudaM tadA te || 6\.11|| 151|| rAjyaM tadA dasharathAdanu rAmataH prAk bibhrANayA charaNarakShiNi vItakhedam | tulyAdhikArabhajanena babhUva dhanyo vaMshastvayA.amba manuvaMshamahIpatInAm || 6\.12|| 152|| varShANi tAni vR^iShalo na tapAMsi tepe bAlo na kashchidapi mR^ityuvashaM jagAma | rAjye tavAmba raghupu~NgavapAdarakShe naivAparaM pratividheyamabhUtprasaktam || 6\.13|| 153|| vishvaM tvadAshritapadAmbujasambhavAyAM yasyAM pratiShThitamidaM maNipAdarakShe | AsIdananyasharaNA samaye yathAva\- tsA.api tvayA vasumatI vihitapratiShThA || 6\.14|| 154|| prAyeNa rAmavirahAvdyathitA tadAnI\- mutsa~NgamAshritavatI tava rAjyalakShmIH | tAmeva devi nanu jIvayituM jalArdrA\- ma~NgIchakAra bhavatI bharatopanItAm || 6\.15|| 155|| vIravratapraNayini prathame raghUNAM prApte chirAya bharate vratamAsidhAram | tyaktvA padAvani tadA vividhAn vihArA\- nekAsikAvratamapUrvamavartayastvam || 6\.16|| 156|| kAkutsthapAdavirahapratipannamaunAM niShpandatAmupagatAM maNipAdarakShe | AshvAsayanniva muhurbharatastadAnIM shItairavIjayata chAmaramArutaistvAm || 6\.17|| 157|| yatra kvachidviharato.api padAravindaM rakShyaM mayA raghupateriti bhAvayantyA | nishsheShameva sahasA maNipAdarakShe niShkaNTakaM jagadidaM vidadhe bhavatyA || 6\.18|| 158|| rAmaM tvayA virahitaM bharataM cha tena trAtuM padAvani tadA yadabhUtpratItam | rAmAnujasya tava chAmba jagatsamastaM ## var ## chAnu jAgarti tena khalu jAgaraNavratena || 6\.19|| 159|| antaHpure parijanaiH samayopayAtai rabhyarchitA bhavasi yA vinayopapannaiH | sA kosaleshvarapadAvani bhUpatInAM sa~NghaTTanaM makuTapa~NktibhiranvabhUstvam || 6\.20|| 160|| prApyAdhikAramuchitaM bhuvanasya guptyai bhadrAsanaM bharatavanditamAshrayantyA | madhye.avatIrNamiva mAdhavapAdarakShe mAtastvayA.api manuvaMshamahIpatInAm || 6\.21|| 161|| rAjAsane raghukulodvahapAdarakShe nIrAjanaM samabhavat samayochitaM te | shlAghAvashena bahushaH parighUrNitAbhiH sAmantamaulimaNima~NgaladIpikAbhiH || 6\.22|| 162|| pR^ithvIpatInAM yugapat kirITAH pratyarthinAM prANitumarthinAM cha | prApustadA rAghavapAdarakShe tvadIyamAsthAnikapAdapITham || 6\.23|| 163|| praNamya ra~NgeshvarapAdarakShe dUropanItairupadAvisheShaiH | sabhAjayanti sma tadA sabhAyA\- muchchaistarAmuttarakosalAstvAm || 6\.24|| 164|| apAvR^itadvAramayantritAshvaM ra~NgeshapAdAvani pUrvamAsIt | tvayA yadR^ichChAsukhasuptapAnthaM rAme vanasthe.api padaM raghUNAm || 6\.25|| 165|| ananyabhaktirmaNipAduke tvAmabhyarchayan dAsharathirdvitIyaH | vikalpyamAnaHprathamena kIrtyA vandyaH svayaM vyomasadAM babhUva || 6\.26|| 166|| araNyayogyaM padamaspR^ishantI rAmasya rAjArhapade niviShTA | AsthAnanityAsikayA nirAsthaHsvargaukasAM svairagatervighAtam || 6\.27|| 167|| rAjAsane chedbhavatI niShaNNA ra~NgeshapAdAvani tanna chitram | yatrAdhirUDhAH kramashaH purA tvAmuttaMsayante raghusArvabhaumAH || 6\.28|| 168|| bhadrAsanaM chetparivR^ittamAsIt devi kShaNaM dakShiNatomukhaM te | kathaM bhavet kA~nchanapAdarakShe rAmasya rakShomR^igayAvihAraH || 6\.29|| 169|| yAvattvayA rAghavapAdarakShe jigIShitA rAkShasarAjadhAnI | mAleva tAvallulitA madAndhairudyAnashAkhAmR^igayUthapaiste || 6\.30|| 170|| mahIkShitAM rAghavapAdarakShe bhadrAsanasthAM bhavatIM spR^ishantaH | pUrvaM tathAtve niyate.api bhUyaH kalyANatAmAnishire kirITAH || 6\.31|| 171|| anichChataH pANDaramAtapatraM pitrA vitIrNaM maNipAdarakShe | AsIt tvadarthaM vidhR^itena tena ChAyA samagrA bharatasya maulau || 6\.32|| 172|| pAduke raghupatau yadR^ichChayA prasthite vanavihArakautukAt | AdhirAjyamadhigamyate yuvAmakShataM vasumatImarakShatam || 6\.33|| 173|| raghuvIrapadAnuSha~NgamAtrAtparibarheShu niveshitA yadi tvam | adhikAradine kathaM punaste parivArAstava pAduke babhUvuH || 6\.34|| 174|| puruShArthachatuShTayArthinInAM pariShat te mahitA vasiShThamukhyaiH | krayavikrayapaTTaNaM prajAnAmabhavat kA~nchanapAduke tadAnIm || 6\.35|| 175|| manujatvatirohitena shakye vapuShaikena virodhinAM nirAse | abhajadbharatAdibhedamIshaH svayamArAdhayituM padAvani tvAm || 6\.36|| 176|| magadhA~Ngakali~Ngava~NgamukhyAn vimatAn randhragaveShiNaH sasainyAn | raghupu~NgavapAduke vijigye bharataH shAsanamudvahan bhavatyAH || 6\.37|| 177|| anitaravahanIyaM mantrimukhyairyadA ta\- ttvayi vinihitamAsIt sUryavaMshAdhirAjyam | raghupatipadarakShe ratnapIThe tadAnIM shriyamiva dadR^ishustvAM sAdaraM lokapAlAH || 6\.38|| 178|| parihR^itadaNDakAdhvagamanaM padarakShiNi ta\- tpariNatavishvasampadudayaM yuvayordvitayam | raghupatiratnapIThamadhiruhya tadA vidadhe vyapagatavairibhUpanilayaM vasudhAvalayam || 6\.39|| 179|| prAptodayA tadAnIM kimapi tamastannirAkarodbhavatI | tanuriva manukulajanuShAM prasavitrI ratnapAduke savituH || 6\.40|| 180|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre adhikAraparigrahapaddhatiH ShaShThI || \section{7\. abhiShekapaddhatiH (30)} pAhi naH pAduke yasyA vidhAsyannabhiShechanam | AbhiShechanikaM bhANDaM chakre rAmaH pradakShiNam || 7\.1|| 181|| rAghavasya charaNau padAvani prekShituM tvadabhiShekamIShatuH | AbhiShechanikabhANDasannidhau yatpradakShiNagatiH shanairyayau || 7\.2|| 182|| mUrdhAbhiShiktairniyamena vAhyau vichintya nUnaM raghunAthapAdau | ratnAsanasthAM maNipAduke tvAM rAmAnujanmA bharato.abhyaShi~nchat || 7\.3|| 183|| bhrAturniyoge.apyanivartamAnaM rAjyAbhiShekaM cha parityajantam | rAmAnujau tau nanu pAratantryAdubhAvubhAbhyAM bhavatI jigAya || 7\.4|| 184|| niveshya ra~NgeshvarapAdarakShe bhadrAsane sAdaramabhyashi~nchat | vashI vasiShTho manuvaMshajAnAM mahIkShitAM vaMshapurohitastvAm || 7\.5|| 185|| kR^itAbhiShekA bhavatI yathAvat ra~NgeshapAdAvani ratnapIThe | ga~NgAnipAtasnapitAM sumeroradhityakAbhUmimadhashchakAra || 7\.6|| 186|| vasiShThamukhyairvihitabhiShekAM rAjyAsane rAmaniveshayogye | tuShTAva ra~NgeshvarapAdarakShe prAchetasastvAM prathamaH kavInAm || 7\.7|| 187|| rakShovadhArthaM maNipAdarakShe rAmAtmano ra~NgapateH pravAse | rakSho.apakArAdbhavatI vitene rAjanvatIM kosalarAjadhAnIm || 7\.8|| 188|| prAptAbhiShekA maNipAdarakShe pratApamugraM pratipadyamAnA | shashAsa pR^ithvIM bhavatI yathAvatsAketasiMhAsanasArvabhaumI || 7\.9|| 189|| dashAnanAdInmaNipAdarakShe jigIShato dAsharatherviyogAt | jAtopatApA tvayi sa.nprayuktaistIrthodakairuchChvasitA dharitrI || 7\.10|| 190|| adhyAsitaM manumukhaiHkramashonarendrai\- rAropya devi bhavatIM tapanIyapITham | rAjyAbhiShekamanaghaM maNipAdarakShe rAmochitaM tava vashaM bharato vitene || 7\.11|| 191|| snehena devi bhavatIM viShaye.abhiShi~nchan dvissaptasa~NkhyabhuvanodaradIparekhAm | jAtaM raghUdvahadivAkaraviprayogA\- dandhaM tamisramaharadbharataH prajAnAm || 7\.12|| 192|| hastApacheyapuruShArthaphalaprasUte rmUlaM padAvani mukundamahIruhastvam | ChAyAvisheShamadishadyadasau prajAnA\- mAvarjitaistvayi shubhairabhiShekatoyaiH || 7\.13|| 193|| ahnAya rAmavirahAtparikhinnavR^itte\- rAshvAsanAya bhavatI maNipAdarakShe | tIrthAbhiShekamapadishya vasundharAyA\- shchakre tadA samuchitaM shishiropachAram || 7\.14|| 194|| mAlinyamAshritavatI maNipAdarakShe pa~Nkena kekayasutAkalahotthitena | shuddhiM parAmabhijagAma vasundhareyaM tvattaH kShaNAnnipatitairabhiShekatoyaiH || 7\.15|| 195|| AvarjitaM munigaNena jagadvibhUtyai toyaM padAvani tadA tvayi mantrapUtam | mUlAvasekasalilaM nigamadrumANAM shApodakaM cha samabhUtkShaNadAchArANAm || 7\.16|| 196|| viproShite raghupatau bhavatI yathArhaM mAnye pade sthitimatI manuvaMshajAnAm | AtmanyatharvanipuNaiH prahitaiH prajAnA\- mashrUNyapAsyadabhiShekajalapravAhaiH || 7\.17|| 197|| prAyo vishoShitarasA pativiprayogA\- tparyAkulIkR^itasamudrapayodharA gauH | amba tvadiyamabhiShekajalaM pibantI dhenurbabhUva jagatAM dhanadhAnyadogdhrI || 7\.18|| 198|| vR^itte yathAvadabhiShekavidhau babhAse pashchAttavAmba bharatena dhR^itaH kirITaH | AkasmikasvakulaviplavashAntiharShA\- tprAptastviShAmiva patirmaNipAduke tvAm || 7\.19|| 199|| manuvaMshapurohitena mantrai\- rabhimantrya tvayi pAduke prayuktam | abhiShekajalaM kShaNena rAj~nAM shamayAmAsa samutthitAnpratApAn || 7\.20|| 200|| pAdapAdupahR^itA raghUdvahA\- dAlavAlamiva pIThamAshritA | abhyaShechi bhavatI tapodhanaiH pArijAtalatikeva pAduke || 7\.21|| 201|| alaghubhirabhiShekavyApR^itairambubhiste dinakarakuladainyaM pAduke kShAlayiShyan | sa khalu kamalayoneH sUnurAdhatta mantre\- shvadhikaniyamayogAM shaktimAtharvaNeShu || 7\.22|| 202|| dinakarakulajAnAM devi pR^ithvIpatInAM nirupadhimadhikAraM prApnuvatyAM bhavatyAm | ajaniShata samastAH pAduke tAvakIna\- snapanasalilayogAnnimnagAstu~NgabhadrAH || 7\.23|| 203|| tava vidhivadupAtte sArvabhaumAbhiSheke bharatasamayavidbhiH pAduke mantrimukhyaiH | tvadavadhi nijakarmasthAyinInAM prajAnAM prathamayugavisheShAH prAdurAsan vichitrAH || 7\.24|| 204|| avasitaripushabdA nanvabhUstvaM tadAnIM raghupatipadarakShe labdharAjyAbhiShekA | chalitabhujalatAnAM chAmaragrAhiNInAM maNivalayaninAdairmedurAn mantraghoShAn || 7\.25|| 205|| samuchitamabhiShekaM pAduke prapnuvatyAM tvayi vinipatitAnAM devi tIrthodakAnAm | dhvaniranugatamantraH sIdatAM kosalAnAM shamayitumalamAsIt sa~NkulAnArtanAdAn || 7\.26|| 206|| diviShadanuvidheyaM devi rAjyAbhiShekaM bharata iva yadi tvaM pAduke nAnvamaMsthAH | kathamiva raghuvIraH kalpayedalpayatna\- strichaturasharapAtaistAdR^ishaM devakAryam || 7\.27|| 207|| katichana padapadmasparshasaukhyaM tyajantI vratamatulamadhAstvaM vatsarAn sAvadhAnA | raghupatipadarakShe rAkShasaistrAsitAnAM raNaraNakavimuktaM yena rAjyaM surANAm || 7\.28|| 208|| atharvopaj~naM te vidhivadabhiShekaM vidadhatAM vasiShThAdInAmapyupachitachamatkArabharayA | tvadAsthAnyA ra~NgakShitiramaNapAdAvani tadA laghIyasyo jAtA raghupariShadAhopuruShikAH || 7\.29|| 209|| abhiShechayatu sa rAmaH padena vA spR^ishatu pAduke bhavatIm | avisheShitamahimA tvaM kva vA visheShaH kShamAsametAnAm || 7\.30|| 210|| iti kavitArtkikasihasya sarvatantrasvatantrasya shrImadve~NkaTanAthasya shrImadvedAntAchAryasya kutiShu shrIra~NganAthapAdukAsahasre abhiShekapaddhatiH saptamI || \section{8\. niryAtanApaddhatiH (30)} abhiShekotsavAt tasmAdyasyA niryAtanotsavaH | atyarichyata tAM vande bhavyAM bharatadevatAm || 8\.1|| 211|| upAsya varShANi chaturdasha tvAmuttArikAmuttarakosalasthAH | sanandanAdyairapi durvigAhaM sAntAnikaM lokamavApuragryam || 8\.2|| 212|| pAdAvani pratyayito hanUmAn sItAmiva tvAM chiraviprayuktAm | praNamya paulastyariporudantaM vij~nApayAmAsa vinItaveShaH || 8\.3|| 213|| tavAbhiShekAnmaNipAdarakShe mUle niShekAdiva vRRiddhiyogyAt | jahustadaiva tridashA~NganAnAM pramlAnatAM patralatA~NkurANi || 8\.4|| 214|| sarvatastvadabhiShekavAsare samyaguddhRRitasamastakaNTake | rAghavasya vipineShu pAduke yatrakAmagamatA vyavasthitA || 8\.5|| 215|| kiM chaturdashabhireva vatsarairnityameva maNipAduke yuvAm | pAdayostribhuvanAdhirAjayoryauvarAjyamadhigachChataM svayam || 8\.6|| 216|| rAmasya rAkShasavadhatvaritasya kAle pAdAvani prakaTayanniva pArShNiguptim | AchitrakUTamadhigamya shashaMsa vArtA\- mavyAhatatvadabhiShekamRRida~NganAdaH || 8\.7|| 217|| bhadrANi devi jagatAM pratipAdayiShyan prAgeva yena bhavatIM bharato.abhyaShi~nchat | manye kapIshvaravibhIShaNayoryathAvat\- santanyate sma tata eva kilAbhiShekaH || 8\.8|| 218|| sambhidyamAnatamasAsarayUpanItaiH saMvardhitastava shubhairabhiShekatoyaiH | manye babhUva jaladhirmaNipAdarakShe rAmAstrapAvakashikAbhirashoShaNIyaH || 8\.9|| 219|| pAdAvani tvadabhiShechanama~NgalArthaM bherIshataM bhRRishamatADyata yatpratItaiH | AkarNya tasya sahasA tumulaM ninAdaM la~NkAkapATanayanAni nimIlitAni || 8\.10|| 220|| tApodgamastvadabhiShekajalapravAhai\- rutsAritastvaritamuttarakosalebhyaH | lebhe chirAya raghupu~NgavapAdarakShe la~NkAvarodhasudRRishAM hRRidayeShu vAsam || 8\.11|| 221|| AvarjitaM vidhividA maNipAdarakShe padmAsanapriyasutena purohitena | AsInnidAnamabhiShekajalaM tvadIyaM nakta~ncharapraNayinInayanodakAnAm || 8\.12|| 222|| devi tvayA snapanasampadi saMshritAyAM dagdhe pure dashamukhasya valImukhena | AsIt tataH prabhRRiti vishvajanapratIta\- madbhyo.agnirityavitathaM vachanaM munInAm || 8\.13|| 223|| AyodhyakaistvadabhiShekasamiddhaharShai\- rAdhmApitAH shrutisukhaM nanu te tadAnIm | rAmasya rAkShasashirolavane.apyashAmyan yeShAM dhvanirvijayasha~Nkharavo babhUva || 8\.14|| 224|| prathayitumabhiShekaM pAduke tAvakInaM duritashamanadakShe dundubhau tADyamAne | sapadi parigRRihItaM sAdhvasaM devi nUnaM dashavadanadhUnAM dakShiNairnetrakoshaiH || 8\.15|| 225|| raghupatipadarakShe ratnapIThe yadA tvA\- makhilabhuvanamAnyAmabhyaShi~nchadvasiShThaH | dashamukhamahiShIbhirdevi bAShpAyitAbhiH stanayugamabhiShektuM tatkShaNAdanvamaMsthAH || 8\.16|| 226|| rAmAstrANi nimittamAtramiha te labdhAbhiShekA svayam rakShastat kShapayA~nchakAra bhavatI bhadrAsanasthAyinI | yaddoShNAmativeladarpadavathujvAloShmalAnAM tadA niShpiShTaiH kaladhautashailashikharaiH karpUrachUrNAyitam || 8\.17|| 227|| shrutvaivaM hanumanmukhAdraghupateH pratyAgatiM tatkShaNA\- dAsIdadbharatAnuvartanavashAdArUDhakumbhasthalAm | kAlonnidrakaduShNadAnamadirAmAdyaddvirephadhvani\- shlAghAchATubhirastuteva bhavatIM shatru~njayaH ku~njaraH || 8\.18|| 228|| pratyAgatasya bhavatImavalokya bhartuH pAdAravindasavidhe bharatopanItAm | pUrvAbhiShekavibhavAbhyuchitAM saparyAM madhye satAmakRRita maithilarAjakanyA || 8\.19|| 229|| samprekShya maithilasutA maNipAdarakShe pratyudgatasya bhavatIM bharatasya maulau | nirdishya sA nibhRRitama~njalinA purastAt- tArAdikAH priyasakhIrashiShat praNantum || 8\.20|| 230|| tulye.api devi raghuvIrapadAshrayatve pUrvAbhishekamadhigamya garIyasI tvam | tenaiva khalvabhajatAM maNipAdarakShe rakShaHplava~NgamapatI bhavatIM svamUrdhnA || 8\.21|| 231|| nirvRRittarAkShasachamUmRRigayAvihAro ra~NgeshvaraH sa khalu rAghavavaMshagoptA | vaMshakramAdupanataM padamAdadAno mAnyaM punastvayi padaM nidadhe svakIyam || 8\.22|| 232|| tattAdRRishoshcharaNayoH praNipatya bhartuH paurAstvayA vidhRRitayoH pratipannasattvAH | prAptAbhiShekavibhavAmapi pAduke tvA\- mAnandabAShpasalilaiH punarabhyaShi~nchan || 8\.23|| 233|| mAtastvayaiva samaye viShame.api samyak rAjanvatIM vasumatImavalokya rAmaH | sa~njIvanAya bharatasya samagrabhakteH satyapratishravatayaiva chakAra rAjyam || 8\.24|| 234|| pAdAvani pratigatasya purImayodhyAM paulastyahanturabhiShekajalArdramUrteH | aMse yathArhamadhivAsya nijairyashobhiH kastUrikeva nihitA vasudhA tvayaiva || 8\.25|| 235|| yA.asau chaturdasha samAH pativiprayuktA vishvambharA bhagavatI vidhRRitA bhavatyA | vinyasya tAM raghupaterbhujashailashRRi~Nge bhUyo.api tena sahitAM bhavatI babhAra || 8\.26|| 236|| nistIrNaduHkhajaladheranaghasya devi tvatsamprayuktaraghunAthapadAnvayena | sadyaH sanandanamukhairapi durnirIkShA sAmrAjyasampadaparA bharatasya jaj~ne|| 8\.27|| 237|| nirgatya devi bharatA~njalipadmamadhyAd bhUyaH samAgatavatI puruShottamena | padmeva bhadramakhilaM maNipAdarakShe prAdushchakAra bhavatI jagatAM trayANAm || 8\.28|| 238|| raghupatimadhiropya svochite ratnapIThe praguNamabhajathAstvaM pAduke pAdapITham | tadapi bahumatiste tAdRRishI nityamAsIt kka nu khalu mahitAnAM kalpyate tAratamyam || 8\.29|| 239|| anuvRRittarAmabhAvaH sha~Nke nirviShTachakravartipadAm | adhunA.api ra~NganAthaH sachamatkAraM padena bhajati tvAm || 8\.30|| 240|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre aShTamI niryAtanApaddhatiH || \section{9\. vandivaitAlikapaddhatiH (10)} namaste pAduke puMsAM saMsArArNavasetave | yadArohasya vedAntA vandivaitAlikAH svayam || 9\.1|| 241|| uchitamupachariShyan ra~NganAtha prabhAte vidhiMshivasanakAdyAn bAhyakakShyAniruddhAn | charaNakamalasevAsaukhyasAmrAjyabhAjAM prathamavihitabhAgAM pAdukAmAdriyethAH || 9\.2|| 242|| padmAjuShTaM bhajatu charaNaM pAdukA labdhavArA pratyAsannAstava parijanAH prAtarAsthAnayogyAH | ardhonmeShAdadhikasubhagAmardhanidrAnuSha~NgAM nAbhIpadme tava nayanayornAtha pashyantu shobhAm || 9\.3|| 243|| upanamati muhUrtaM sheShasiddhAntasiddhaM tadiha charaNarakShA ra~NganAtha tvayaiShA | mR^idupadamadhirUDhA ma~njubhiH shi~njitaiH svai\- rupadishatu janAnAmutsavArambhavArtAm || 9\.4|| 244|| ra~NgAdhIsha marudgaNasya makuTAdAmnAyavR^indasya vA pratyAnIya samarpitA vidhimukhairvArakramAdAgataiH | vAhArohaNasambhR^itaM shramabharaM samyagvinetuM kShamA lIlAsa~ncharaNapriyA spR^ishatu te pAdAmbujaM pAdukA || 9\.5|| 245|| vR^ittaM krameNa bahudhA niyutaM vidhInA\- mardhaM dvitIyamidama~NkuritaM tavAhnaH | nIlAsakhIbhirupanIya niveshyamAnA ma~NktuM prabho tvarayate maNipAdukA tvAm || 9\.6|| 246|| divyApsarobhirupadarshitadIpavarge ra~NgAdhirAja subhage rajanImukhe.asmin | saMrakShiNI charaNayoH savilAsavR^itti\- nIrAjanAsanamasau nayatu svayaM tvAm || 9\.7|| 247|| AsanAduchitamAsanAntaraM ra~NganAtha yadi gantumIhase | sannatena vidhinA samarpitAM saprasAdamadhiroha pAdukAm || 9\.8|| 248|| parijanavanitAbhiH preShitaH prA~njalistvAM praNamati madano.ayaM deva shuddhAntadAsaH | phaNipatishayanIyaM prApayitrI salIlaM padakamalamiyaM te pAdukA paryupAstAm || 9\.9|| 249|| iti nigamavandivachasA samaye samaye gR^ihItasa~NketaH | abhisarati ra~NganAthaH pratipadabhogAya pAduke bhavatIm || 9\.10|| 250|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre vaitAlikapaddhatirnavamI || \section{10\. shR^i~NgArapaddhatiH (10)} shaureH shR^i~NgAracheShTAnAM prasUtiM pAdukAM bhaje | yAmeSha bhu~Nkte shuddhAntAtpUrvaM pashchAdapi prabhuH || 10\.1|| 251|| praNatatridashendramaulimAlAmakarandArdraparAgapa~Nkilena | anulimpati pAduke svayaM tvAmanurUpeNa padena ra~NganAtha || 10\.2|| 252|| avadAtahimAMshukAnuShaktaM padarakShe tvayi ra~NgiNaH kadAchit | kimapi sthitamadvitIyamAlyaM viralAvasthitamauktikaM smarAmi || 10\.3|| 253|| asahAyagR^ihItara~NganAthAmavarodhA~NgaNasImni pAduke tvAm | sudR^ishaH svayamarchayanti dUrAdavataMsotpalavAsitairapA~NgaiH || 10\.4|| 254|| nirvishyamAnamapi nUtanasanniveshaM kaivalyakalpitavibhUshaNakAyakAntim | kAleShu nirvishasi ra~NgayuvAnamekA shR^i~NgAranityarasikaM maNipAdarakShe || 10\.5|| 255|| nidrAyitasya kamiturmaNipAduke tvaM parya~NkikAparisaraM pratipadyamAnA | shvAsAnilaprachalitena bhajasyabhIkShNaM nAbhIsarojarajasA navama~NgarAgam || 10\.6|| 256|| shayitavati rajanyAM pAduke ra~Ngabandhau charaNakamalapArshve sAdaraM vartase tvam | phaNipatishayanIyAdutthitasya prabhAte prathamanayanapAtaM pAvanaM prAptukAmA || 10\.7|| 257|| charaNakamalasa~NgAdra~NganAthasya nityaM nigamaparimalaM tvaM pAduke nirvamantI | niyatamatishayAnA vartase sAvarodhaM hR^idayamadhivasantIM mAlikAM vaijayantIm || 10\.8|| 258|| upaniShadabalAbhirnityamuttaMsanIyaM kimapi jaladhikanyAhastasaMvAhanArham | tava tu charaNarakShe devi lIlAravindaM charaNasarasijaM tachchAru chANUrahantuH || 10\.9|| 259|| akhilAntaHpuravAreShvanekavAraM padAvani svairam | anubhavati ra~NganAtho vihAravikrAntisahacharIM bhavatIm || 10\.10|| 260|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre shR^i~NgArapaddhatirdashamI || \section{11\. sa~nchArapaddhatiH (60)} \ldq{}agrataste gamishyAmi mR^idnantI kushakaNTakAn\rdq{} | iti sItA.api yadvR^ittimiyeSha praNamAmi tAm || 11\.1|| 261|| sharadaH shatamamba pAduke syAM samayAhUtapitAmahastutAni | maNimaNTapikAsu ra~Ngabhartu stvadadhInAni gatAgatAni pashyan || 11\.2|| 262|| tvadadhInaparikramo mukundastadadhInastava pAduke vihAraH | itaretarapAratantryamitthaM yuvayoH siddhamananyatantrabhUmnoH || 11\.3|| 263|| rajasA tamasA cha duShTasatve gahane chetasi mAmake mukundaH | uchitaM mR^igayAvihAramichChan bhavatImAdR^ita pAduke padAbhyAm || 11\.4|| 264|| kShamayA jagatAmapi trayANA mavane devi padAvani tvayaiva | abhigamyatamo.api saMshritAnA\- mabhigantA bhavati svayaM mukundaH || 11\.5|| 265|| shirasA bhavatIM dadhAti kashchi\- dvidhR^itaH ko.api padaspR^ishA bhavatyA | ubhayormadhuvairipAdarakShe tvadadhInAM gatimAmananti santaH || 11\.6|| 266|| spR^ishataH shirasA padena cha tvAM gatimuddishya mukundapAduke dvau | avarohati pashchimaH padAt svA\- dadhirohatyanaghastadeva pUrvaH || 11\.7|| 267|| samayeShvapadishya jaitrayAtrAM vividhAntaHpuravAgurAvyatItaH | niyataM maNipAduke bhavatyA ramate vartmani ra~NgasArvabhaumaH || 11\.8|| 268|| nijasaMhananaprasaktalAsyaM charati tvAmadhiruhya ra~NganAthaH | padarakShiNi pAvanatvamAstAM rasikAsvAdamataH paraM na vidmaH || 11\.9|| 269|| padayoranayoH parasya puMsa\- stadanugrAhyavihArapaddhatervA | shiraso maNipAduke shrutInAM manaso vA mama bhUShaNaM tvamekA || 11\.10|| 270|| kR^ipayA madhuvairipAdarakShe kaThine chetasi mAmake vihartum | makuTeShu divaukasAM vidhatte bhavatI ratnavisaMsthuleShu yogyAm || 11\.11|| 271|| charaNadvayamarbhakasya shaureH sharadambhoruhachAturIdhurINam | shakaTAsuratADane.api guptaM tava shaktyA kila pAduke tadAsIt || 11\.12|| 272|| uttasthuSho ra~Ngashayasya sheShAdAsthAnasiMhAsanamArurukShoH | madhyenishAntaM maNipAduke tvAM lIlApadanyAsasakhIM prapadye || 11\.13|| 273|| prAptAdhikArAH patayaH prajAnAmuttaMsitAmuttamapAduke tvAm | ra~NgeshituH svairavihArakAle saMyojayantya~Nghrisarojayugme || 11\.14|| 274|| tvayA.anubaddhAM maNipAdarakShe lIlAgatiM ra~Ngashayasya puMsaH | nishAmayanto na punarbhajante saMsArakAntAragatAgatAni || 11\.15|| 275|| vyUhAnupUrvIruchirAn vihArAn padakrameNa pratipadyamAnA | bibharShi nityaM maNipAduke tvaM muradviSho mUrtiriva trilokIm || 11\.16|| 276|| padeShu mandeShu mahatsvapi tvaM nIrandhrasaMshleShavatI murAreH | pratyAyanArthaM kila pAduke naH svAbhAvikaM darshayasi prabhAvam || 11\.17|| 277|| kR^ipAvisheShAt kShamayA sametAM pravartamAnAM jagato vibhUtyai | avaimi nityaM maNipAduke tvA\- mAkasmikIM ra~NgapateH prasattim || 11\.18|| 278|| upAgatAnAmupatApashAntyai sukhAvagAhAM gatimudvahantIm | pashyAmi shaureH padavAhinIM tvAM nimneShu tu~NgeShu cha nirvisheShAm || 11\.19|| 279|| saha prayAtA satataM prayANe prAptAsane saMshritapAdapIThA | ala~NghanIyA sahajena bhUmnA ChAyeva shaurermaNipAduke tvam || 11\.20|| 280|| padaspR^ishA ra~NgapatirbhavatyA vichakrame vishvamidaM kShaNena | tadasya manye maNipAdarakShe tvayaiva vikhyAtamurukramatvam || 11\.21|| 281|| sa~nchArayantI padamanvatiShThaH sahAyakR^ityaM maNipAdarakShe | mAtastvamekA manuvaMshagopturgopAyato gautamadharmAdArAn || 11\.22|| 282|| tvattastriviShTapacharAnasapatnayiShya\- nnAruhya tArkShyamavaruhya cha tatkShaNena | shuddhAntabhUmiShu punarmaNipAdarakShe vishrAmyati tvayi vihAravashena shauriH || 11\.23|| 283|| vikramya bhUmimakhilAM balinA pradiShTAM deve padAvani divaM parimAtukAme | AsIdato dinakarasya karopatApA\- tsaMrakShituM padasarojamuparyabhUstvam || 11\.24|| 284|| tvatsa~NgamAnnanu sakR^idvidhisa.nprayuktA shuddhiM parAmadhijagAma shivatvahetum | ra~NgAdhirAjapadarakShiNi kIdR^ishI sA ga~NgA babhUva bhavadIyagatAgatena || 11\.25|| 285|| vR^iddhiM gavAM janayituM bhajatA vihArAn kR^iShNena ra~Ngarasikena kR^itAshrayAyAH | sa~nchAratastava tadA maNipAdarakShe vR^indAvanaM sapadi nandanatulyamAsIt || 11\.26|| 286|| mAtastrayImayatayA charaNapramANe dve vikrameShu vividheShu sahAyabhUte | nAthasya sAdhuparirakShaNakarmaNi tvaM duShkR^idvinAshanadashAsu viha~NgarAjaH || 11\.27|| 287|| pAdAvani kvachana vikramaNe bhujAnAM pa~nchAyudhI kararuhairbhajate vikalpam | nityaM tvameva niyatA padayormurAre\- stenAsi nUnamavikalpasamAdhiyogyA || 11\.28|| 288|| akShetravidbhiradhigantumashakyavR^itti\- rmAtastvayA niravadhirnidhiraprameyaH | rathyAntareShu charaNAvani ra~Ngasa~NgI vAtsalyanighnamanasA janasAt kR^ito.asau || 11\.29|| 289|| sampadyate samuchitaM kramamAshrayantyA sadvartmanA bhagavato.api gatirbhavatyA | IShTe padAvani punaH ka ivetareShAM vyAvartanasya viShamAdapathaprachArAt || 11\.30|| 290|| ra~NgeshvareNa saha lAsyavisheShabhAjo lIlochiteShu tava ratnashilAtaleShu | madhye sthitAni katichinmaNipAdarakShe sabhyAn visheShamanuyoktumiti pratImaH || 11\.31|| 291|| nityaM padAvani niveshya padaM bhavatyAM niShpandakalpaparimeyaparichChadAni | shR^i~NgArashItalatarANi bhavanti kAle ra~Ngeshvarasya lalitAni gatAgatAni || 11\.32|| 292|| bhogArchanAni kR^itibhiH parikalpitAni prItyaiva ra~NganR^ipatiH pratipadyamAnaH | pashyatsu nityamitareShu parichChadeShu pratyAsanaM bhajati kA~nchanapAduke tvAm || 11\.33|| 293|| antastR^itIyanayanaiH svayamuttamA~Ngai\- rAvirbhaviShyadatiriktamukhAmbujairvA | nyasyanti ra~Ngarasikasya vihArakAle vArakrameNa kR^itino maNipAduke tvAm || 11\.34|| 294|| ra~Ngeshvare samadhirUDhaviha~NgarAje mAta~NgarAjavidhR^itAM maNipAduke tvAm | anvAsate vidhR^itachArusitAtapatrAH svargaukasaH subhagachAmaralolahastAH || 11\.35|| 295|| viShNoH padaM gativashAdaparityajantIM lokeShu nityaviShameShu samaprachArAm | anvetumarhati dhR^itAmakhilaiH surendrai\- rga~NgA kathaM nu garuDadhvajapAduke tvAm || 11\.36|| 296|| bhikShAmapekShya danujendragR^ihaM prayAtu\- rguptyai gavAM viharato vahatashcha dUtyam | tattAdR^ishAni charaNAvani ra~Ngabhartu\- stvatsa~Ngamena subhagAni vicheShTitAni || 11\.37|| 297|| nirvyajyamAnanavatAlalayaprathimnA niryantraNena nijasa~ncharaNakrameNa | mR^idnAsi ra~NganR^ipatermaNipAduke tvaM duHkhAtmakAnpraNamatAM duritaprarohAn || 11\.38|| 298|| nityaM ya eva jagato maNipAdarakShe sattAsthitiprayataneShu paraM nidAnam | so.api svatantracharitastvadadhInavR^ittiH kA vA kathA taditareShu mitampacheShu || 11\.39|| 299|| nirviShTanAgashayanena pareNa puMsA nyaste pade tvayi padAvani lokahetoH | svargaukasAM tvadanudhAvanatatparANAM sadyaH padAni vipadAmapadaM bhavanti || 11\.40|| 300|| sharadupagamakAle santyajan yoganidrAM sharaNamupagatAnAM trANahetoH prayAsyan | jaladhiduhitura~NkAnmandamAdAya devi tvayi khalu nidadhAti svaM padaM ra~NganAthaH || 11\.41|| 301|| spR^ishasi padasarojaM pAduke nirvighAtaM pravishasi cha samastAM devi shuddhAntakakShyAm | aparamapi murAreH pUrvamAbhIrakanyA\- svabhisaraNavidhInAmagrimA sAkShiNI tvam || 11\.42|| 302|| pratibhavanamananye pAduke tvatprabhAvA\- dvividhavapuShi deve vibhramadyUtakAle | abhilaShitasapatnIgehayAtrAvighAtaM glahayati rahasi tvAM ShoDashastrIsahasram || 11\.43|| 303|| taTabhuvi yamunAyAshChannavR^itte mukunde muhuradhigamahetormuhyatAM yauvanAnAm | shamayitumalamAsIchCha~NkhachakrAdichihnA pratipadavichikitsAM pAduke paddhatiste || 11\.44|| 304|| adhigatabahushAkhAn ma~njuvAchaH shukAdIn sarasijanilayAyAH prItaye sa~NgrahItum | prakaTitaguNajAlaM pAduke ra~Ngabandho\- rupaniShadaTavIShu krIDitaM tvatsanAtham || 11\.45|| 305|| munipariShadi gItaM gautamIrakShaNaM te muhuranukalayanto ma~njuvAchaH shakuntAH | uShasi nijakulAyAdutthitA daNDakeShu svayamapi padarakShe svairamAmreDayanti || 11\.46|| 306|| yamaniyamavishuddhairyanna pashyanti chittaiH shrutiShu chulukamAtraM dR^ishyate yasya bhUmA | sulabhanikhilabhAvaM mAMsadR^iShTerjanasya svayamupaharasi tvaM pAduke taM pumAMsam || 11\.47|| 307|| nidhimiva nirapAyaM tvAmanAdR^itya mohA\- dahamiva mama doShaM bhAvayan kShudramartham | mayi sati karuNAyAH pUrNapAtre tvayA kiM paramupagamanIyaH pAduke ra~NganAtha || 11\.48|| 308|| kamapi kanakasindhoH saikate sa~ncharantaM kalashajaladhikanyAmedinIdattahastam | anishamanubhaveyaM pAduke tvayyadhInaM sucharitaparipAkaM sUribhiH sevanIyam || 11\.49|| 309|| parisaramupayAtA pAduke pashya mAtaH karaNavilayakhedAt kAndishIke viveke | puruShamupanayantI puNDarIkAkShamagre punarudaranivAsakleshavichChedanaM naH || 11\.50|| 310|| sA me bhUyAt sapadi bhavatI pAduke tApashAntyai yAmArUDho divamiva shubhaiH sevyamAno marudbhiH | saudAminyA saha kamalayA sahyajAvR^iddhihetuH kAle kAle charati karuNAvarShukaH kR^iShNameghaH || 11\.51|| 311|| satyAllokAt sakalamahitAt sthAnato vA raghUNAM sha~Nke mAtaH samadhikaguNaM saikataM sahyajAyAH | pUrvaM pUrvaM chiraparichitaM pAduke yat tyajantyA nIto nAthastadidamitarannIyate na tvayA.asau || 11\.52|| 312|| agre devi tvayi sumanasAmagrimairantara~Ngai\- rvinyastAyAM vinayagarimAvarjitAduttamA~NgAt | datte pAdaM daramukulitaM tvatprabhAvAtisha~NkI devaH shrImAn danujamathano jaitrayAtrAsvananyaH || 11\.53|| 313|| paurodantAnparikalayituM pAduke sa~nchariShNo\- rvyaktAvyaktA vashikavishikhAvartinI ra~NgabhartuH | velAtItashrutiparimalairvyaktimabhyeti kAlye vinyAsaste vibudhapariShanmaulivinyAsadR^ishyaiH || 11\.54|| 314|| AsaMskArAd dvijapariShadA nityamabhyasyamAnA shreyohetuH shirasi jagataH sthAyinI svena bhUmnA | ra~NgAdhIshe svayamudayini kSheptumandhaM tamisraM gAyatrIva trichaturapadA gaNyase pAduke tvam || 11\.55|| 315|| bhavatIM parasya puruShasya ra~NgiNo mahimAnameva maNipAdu manmahe | kathamanyathA svamahimapratiShThitaH pratitiShThati tvayi padAtpadaM prabhuH || 11\.56|| 316|| tithiraShTamI yadavatAravaibhavA\- tprathamA tithistrijagatAmajAyata | maNipAduke tamupanIya vIthikA\- svatithIkaroShi tadananyachakShuShAm || 11\.57|| 317|| apAraprakhyAterasharaNasharaNyatvayashasA nanu tvaM ra~NgendoshcharaNakamalasyApi sharaNam | yayA labhyaH pa~NguprabhR^itibhirasau ra~Nganagara\- pratolIparyante nidhiranaghavAchAM niravadhiH || 11\.58|| 318|| tattadvAsagR^ihA~NgaNapraNayinaH shrIra~NgashR^i~NgAriNo vAllabhyAdavibhaktamantharagatistvaM me gatiH pAduke | lIlApa~NkajahallakotpalagalanmAdhvIkasekotthitA yatrAmodavikalpanA vivR^iNute shuddhAntavArakramam || 11\.59|| 319|| sambhavatu pAdarakShe satyasuparNAdiraupavAhyagaNaH | yAtrAsu ra~NgabhartuH prathamaparispandakAraNaM bhavatI || 11\.60|| 320|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre sa~nchArapaddhatirekAdashI || \section{12\. puShpapaddhatiH (30)} shaureH sa~nchArakAleShu puShpavR^iShTirdivashchyutA | paryavasyati yatraiva prapadye tAM padAvanIm || 12\.1|| 321|| daivataM mama jagattrayArchitA divyadampativihArapAdukA | pANipAdakamalArpaNAt tayoryA bhajatyanudinaM sabhAjanam || 12\.2|| 322|| tava ra~NgarAjamaNipAdu tato vihitArhaNaH surasaritpayasA | avataMsachandrakalayA girisho navaketakIdalamivArchayati || 12\.3|| 323|| kusumeShu samarpiteShu bhaktai\- stvayi ra~NgeshapadAvani pratImaH | shaThakopamunestvadekanAmnaH subhagaM yat surabhitvamasya nityam || 12\.4|| 324|| pade parasmin bhuvane vidhAtuH puNyaiH prasUnaiH puline sarayvAH | madhye cha pAdAvani sahyasindho\- rAsIchchatuHsthAnamivArchanaM te || 12\.5|| 325|| tavaiva ra~NgeshvarapAdarakShe saubhAgyamavyAhatamAptukAmAH | suradrumANAM prasavaiH sujAtairabhyarchayantyapsaraso muhustvAm || 12\.6|| 326|| niveshitAM ra~NgapateH padAbje manye saparyAM maNipAdarakShe | tvadarpaNAdApatitAmapashyad gANDIvadhanvA girishottamA~Nge || 12\.7|| 327|| patrANi ra~NganR^ipatermanipAdarakShe dvitrANyapi tvayi samarpya vibhUtikAmAH | paryAyalabdhapuruhUtapadAH shachInAM patrA~NkurANi vilikhanti payodhareShu || 12\.8|| 328|| nirvartayanti tava ye nichitAni puShpai\- rvaihArikANyupavanAni vasundharAyAm | kAlena te kamalalochanapAdarakShe krIDanti nandanavane kR^itinaH pumAMsaH || 12\.9|| 329|| archanti ye murabhido maNipAdarakShe bhAvAtmakairapi paraM bhavatIM prasUnaiH | mandAradAmasubhagairmukuTairajasraM vR^indArakAH surabhayanti padaM tadIyam || 12\.10|| 330|| aspR^iShTadoShaparimarShamala~Nghyamanyai\- rhastApacheyamakhilaM puruShArthavargam | chitraM janArdanapadAvani sAdhakAnAM tvayyarpitAH sumanasaH sahasA phalanti || 12\.11|| 331|| vandArubhiH suragaNaistvayi sa.nprayuktA mAlA vibhAti madhusUdanapAdarakShe | vikrAntaviShNupadasaMshrayabaddhasakhyA bhAgIrathIva parirambhaNakA~NkShiNI te || 12\.12|| 332|| ye nAma ra~NganR^ipatermaNipAduke tvA\- mabhyarchayanti kamalairadhikartukAmAH | AropayatyavahitA niyatiH kramAt tAn kalpAntarIyakamalAsanapatrikAsu || 12\.13|| 333|| tvayyarpitAni manujairmaNipAdarakShe dUrvA~NkurANi sulabhAnyathavA tulasyaH | sArAdhikAH sapadi ra~NganarendrashaktyA saMsAranAgadamanauShadhayo bhavanti || 12\.14|| 334|| ArAdhya nUnamasurArdanapAduke tvA\- mAmuShmikAya vibhavAya sahasrapatraiH | manvantareShu parivartiShu devi martyAH paryAyataH pariNamanti sahasranetrAH || 12\.15|| 335|| dhanyaistvayi tridasharakShakapAdarakShe puShpANi kA~nchanamayAni samarpitAni | visraMsinA vinamato girishottamA~NgA\- dAragvadhena militAnyapR^ithagbhavanti || 12\.16|| 336|| vishvopasargashamanaM tvayi manyamAnai\- rvaimAnikaiH praNihitaM maNipAdarakShe | padmAsahAyapadapadmanakhArchiShaste puShpopahAravibhavaM punaruktayanti || 12\.17|| 337|| nAkaukasAM shamayituM paripanthivargAn nAthe padaM tvayi niveshayituM pravR^itte | tvatsaMshritAM vijahatastulasIM vamanti prasthAnakAhalaravAnprathamaM dvirephAH || 12\.18|| 338|| ra~NgeshapAdaparibhogasujAtagandhAM sa.nprApya devi bhavatIM saha divyapuShpaiH | nityopadarshitarasaM na kilAdriyante nAbhIsarojamapi nandanacha~ncharIkAH || 12\.19|| 339|| prAgeva kA~nchanapadAvani puShpavarShA\- tsaMvartite shamitadaityabhayaiH surendraiH | padmekShaNasya padapadmaniveshalAbhe puShpAbhiShekamuchitaM pratipadyase tvam || 12\.20|| 340|| dishidishi munipatnyo daNDakAraNyabhAge na jahati bahumAnAnnUnamadyApi mUlam | raghupatipadarakShe tvatpariShkAraheto\- rapachitakusumAnAmAshramAnokahAnAm || 12\.21|| 341|| ghaTayasi paripUrNAn kR^iShNameghaprachAre kR^itibhirupahR^itaistvaM ketakIgarbhapatraiH | varatanupariNAmAdvAmataH shyAmalAnAM praNatisamayalagnAnpAduke maulichandrAn || 12\.22|| 342|| paricharaNaniyuktaiH pAduke ra~NgabhartuH pavanatanayamukhyairarpitAM tvatsamIpe | vinatavidhimukhebhyo nirvisheShAM dvirephAH kathamapi vibhajante kA~nchanIM padmapa~Nktim || 12\.23|| 343|| vidhishivapuruhUtasparshitairdivyapuShpai\- stvayi saha nipatantastattadudyAnabhR^i~NgAH | madhuripupadarakShe ma~njubhiH svairninAdai\- raviditaparamArthAn nUnamadhyApayanti || 12\.24|| 344|| prashamayati janAnAM saMjvaraM ra~NgabhartuH parisarachalitAnAM pAduke chAmarANAm | anudinamupayAtairutthitaM divyapuShpai\- rnigamaparimalaM te nirvishan gandhavAhaH || 12\.25|| 345|| akhilabhuvanarakShAnATikAM darshayiShya\- nnanimiShatarupuShpairarchite ra~Ngamadhye | abhinayamanurUpaM shikShayatyAtmanA tvAM prathamavihitalAsyaH pAduke ra~NganAthaH || 12\.26|| 346|| agalitanijarAgAM devi viShNoH padaM ta\- ttribhuvanamahanIyAM prApya sandhyAmiva tvAm | bhavati vibudhamuktaiH spaShTatArAnuSha~NgaM parisarapatitaiste pArijAtaprasUnaiH || 12\.27|| 347|| vya~njantyete vibhavamanaghaM ra~njayantaH shrutIrnaH prAdhvaM ra~NgakShitipatipadaM pAduke dhArayantyAH | nAdairantarnihitanigamairnandanodyAnabhR^i~NgA divyaiH puShpaiH snapitavapuSho devi sausnAtikAste || 12\.28|| 348|| kiM puShpaistulasIdalairapi kR^itaM dUrvA.api dUre sthitA tvatpUjAsu mukundapAdu kR^ipayA tvaM kAmadhenuH satAm | pratyagrAhR^itadarbhapallavalavagrAsAbhilAShonmukhI dhenustiShThatu sA vasiShThabhavanadvAropakaNThasthale || 12\.29|| 349|| chUDAragvadharajasA chUrNasnapanaM vidhAya te pUrvam | ra~NgeshapAduke tvAmabhiShi~nchati mauliga~NgayA shambhuH || 12\.30|| 350|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre puShpapaddhatirdvAdashI || \section{13\. parAgapaddhatiH (30)} pAntu vaH padmanAbhasya pAdukAkelipAMsavaH | ahalyAdehanirmANaparyAyaparamANavaH || 13\.1|| 351|| tava sa~ncharaNAdrajo vidhUtaM yadidaM ra~NganarendrapAdarakShe | alametadanAvilAni kartuM katakakShoda ivAshu mAnasAni || 13\.2|| 352|| punaruktapitAmahAnubhAvAH puruShAH kechidamI punanti vishvam | madhuvairipadAravindabandhoraparAgAstava pAduke parAgaiH || 13\.3|| 353|| abhiyuktajano nijArbhakANAM bahusho ra~NganarendrapAdarakShe | avalepapishAchamochanArthaM rajasA limpati tAvakena dehAn || 13\.4|| 354|| shirasA parigR^ihya lokapAlAstava ra~NgeshvarapAduke rajAMsi | viShameShu baleShu dAnavAnAM vyapanItAnyashirastramAvishanti || 13\.5|| 355|| kR^itinaH shirasA samudvahantaH katichit keshavapAduke rajaste | rajasaratamaso.api dUrabhUtaM paripashyanti vishuddhameva satvam || 13\.6|| 356|| adhikaM padamAshrito.api vedhAH prayato ra~NgadhurINapAdarakShe | abhivA~nChati sa~NgamaM parAgairabhijAtaistava devi nAbhijAtaH || 13\.7|| 357|| shuddhasattvavapuShaiva bhavatyA pAduke virajasau haripAdau | astu kiM punaridaM rajasA te shuddhasattvamayatA manujAnAm || 13\.8|| 358|| tadrajastava tanoti pAduke mAnasAnyakaThinAni dehinAm | prastarasya padavIgatasya ya\- dvyAchakAra munidharmadAratAm || 13\.9|| 359|| ra~Ngeshayasya puruShasya jagadvibhUtyai rathyAparikramavidhau manipAdarakShe | sImantadeshamanavadyasarasvatInAM sindUrayanti bhavatIcharitAH parAgAH || 13\.10|| 360|| mAnyena ra~NganR^ipatermaNipAdarakShe chUDApadAni rajasA tava bhUShayantaH | kAlakrameNa bhajatAM kamalAsanatvaM nAbhIsarojarajasAM nivasanti madhye || 13\.11|| 361|| mAtarmukundacharaNAvani tAvakInA\- shchintAvashIkaraNachUrNavisheShakalpAH | sa~nchArapAMsukaNikAH shirasA vahanto vishvaM punanti padapadmaparAgaleshaiH || 13\.12|| 362|| AyojitAnyamaladhIbhirananyalabhye pAdAvani shrutivadhUpaTavAsakR^itye | tvatsa~ncharaprachalitAni rajAMsi shaureH prakhyApayanti padapadmaparAgashobhAm || 13\.13|| 363|| mUrdhAnamamba murabhinmaNipAdarakShe yeShAM kadA.api rajasA bhavatI punAti | tvAmeva te sukR^itinaH snapayanti kAle mandAradAmarajasA makuTachyutena || 13\.14|| 364|| rathyAvihAra rajasA paridhUsarA~NgIM ra~Ngeshvarasya laliteShu mahotsaveShu | prasphoTayatyavanato maNipAduke tvAM gaurIpatiH svayamibhAjinapallavena || 13\.15|| 365|| nedIyasAM nijaparAganiveshapUrvaM spR^iShTvA shirAMsi bhavatI bhavarogabhAjAm | gADhaM nipIDya garuDadhvajapAdarakShe mAnagrahaM shamayatIva parairasAdhyam || 13\.16|| 366|| ApAtavallavatanorakumArayUnaH pAdAvani pravishato yamunAniku~njAn | AsIdana~NgasamarAtpurataH pravR^ittaH senAparAga iva te padavIparAgaH || 13\.17|| 367|| ga~NgApagAtaTalatAgR^ihamAshrayantyAH pAdAvani prachalitaM padavIrajaste | prAyeNa pAvanatamaM praNatasya shambhor\- uddhUlanaM kimapi nUtanamAtanoti || 13\.18|| 368|| ante tadA tvamavilambitamAnayantI ra~NgAdbhuja~NgashayanaM maNipAdarakShe | kAmaM nivartayitumarhasi sajjvaraM me karpUrachUrNapaTalairiva dhUlibhiste || 13\.19|| 369|| ra~NgeshapAdasahadharmachari tvadIyAn maulau niveshya mahitAnpadavIparAgAn | santastrivargapadavImatila~Nghayanto maulau padaM vidadhate vibudheshvarANAm || 13\.20|| 370|| mAtastadA mAdhavapAdarakShe tvayi prasaktaM tvarayopayAntyAm | parAmR^isheyaM padavIparAgaM prANaiH prayANAya samujjihAnaiH || 13\.21|| 371|| tathAgatA rAghavapAdarakShe sampashyamAneShu tapodhaneShu | AsIdahalyA tava pAMsuleshairapAMsulAnAM svayamagragaNyA || 13\.22|| 372|| pashyAmi padmekShaNapAdarakShe bhavAmbudhiM pAtumiva pravR^ittAn | bhaktopayAnatvarayA bhavatyAH paryasyamAnAnpadavIparAgAn || 13\.23|| 373|| pa~nchAyudhI bhUShaNameva shaureryatastavaite maNipAdarakShe | vitanvate vyAptadishaH parAgAH shAntodayA~nChatruchamUparAgAn || 13\.24|| 374|| pariNatimakaThorAM prAptayA yatprabhAvA\- dalabha shilayA svAn gautamo dharmadArAn | punarupajanisha~NkAvArakaM pAduke ta\- tprashamayati rajaste rAgayogaM prajAnAm || 13\.25|| 375|| rajanivigamakAle rAmagAthAM paThantaH kushikatanayamukhyAH pAduke bhAvayante | upalashakalasaktaistvatparAgairakANDe janitamunikalatrAn daNDakAraNyabhAgAn || 13\.26|| 376|| shubhasaraNirajobhiH shobhayantI dharitrIM pariNatiramaNIyAnprakSharantI pumarthAn | bhavasi bhuvanavandyA pAduke ra~NgabhartuH sharaNamupagatAnAM shAshvatI kAmadhenuH || 13\.27|| 377|| pavanataralitaste pAduke ra~Ngabhartu\- rviharaNasamayeShu vyAptavishvaH parAgaH | viShamaviShayavartmavyAkulAnAmajasraM vyapanayati janAnAM vAsanAreNujAlam || 13\.28|| 378|| niShpratyUhamupAsiShImahi muhurnishsheShadoShachChido nityaM ra~Ngadhurandharasya nigamastomArchite pAduke | dhatte mUrdhabhirAdipadmajanitA tattAdR^ishI santati\- ryatsa~nchArapavitritakShitirajaHpa~NktiM chatuHpa~nchaShaiH || 13\.29|| 379|| rajasA parorajasta\-nna khalu na la~Nghyeta bhagavato.api padam | kimuta hR^idayaM madIyaM bhavatI yadi nAma pAduke na syAt || 13\.30|| 380|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre parAgapaddhatistrayodashI || \section{14\. nAdapaddhatiH (100)} shrutInAM bhUShaNAnAM te sha~Nke ra~NgendrapAduke | mithaH sa~NgharShasa~njAtaM rajaH kimapi shi~njitam || 14\.1|| 381|| murabhinmaNipAduke bhavatyAH stutimAkarNayatAM mayA nibaddhAm | avadhIrayasIva ma~njunAdairachamatkAravachAMsi durjanAnAm || 14\.2|| 382|| vihiteShvabhivAdaneShu vedairgamanodIritagarbharatnanAdA | madhuraM madhuvairipAdarakShe bhavatI pratyabhivAdanaM vidhatte || 14\.3|| 383|| svadate kimihaiva ra~NganAtho mayi tiShThan yadi vA pade parasmin | iti pR^ichChasi devi nUnamasmAn madhuraistvaM maNipAduke ninAdaiH || 14\.4|| 384|| avarodhagatasya ra~NgabharturgutiShu vya~njitagarbharatnanAdA | pratisa.NllapasIva pAduke tvaM kamalAnUpurama~njushi~njitAnAm || 14\.5|| 385|| murabhichcharaNAravindarUpaM mahitAnandamavApya pUruShArtham | anaghairmaNipAduke ninAdairahamannAda itIva gAyasi tvam || 14\.6|| 386|| maduvairipadAmbujaM bhajantI maNipAdAvani ma~njushi~njitena | paThasIva muhuH svayaM prajAnAmaparopaj~namariShTashAntimantram || 14\.7|| 387|| shrutibhiH paramaM padaM murAreranida~NkAramanevamityupAttam | idamitthamiti bravIShi nUnaM maNipAdAvani ma~njubhiH praNAdaiH || 14\.8|| 388|| munayaH praNidhAnasanniruddhe hR^idi ra~NgeshvararatnapAduke tvAm | viniveshya vibhAvayantyananyAH praNavasya praNidhiM tava praNAdam || 14\.9|| 389|| madhuraM maNipAduke pravR^itte bhavatI ra~NgepatervihArakAle | abhayArthanayA samabhyupetAnavisaMvAdayatIva ma~njunAdaiH || 14\.10|| 390|| shravasormama pAraNAM dishantI maNipAdAvani ma~njulaiH praNAdaiH | ramayA kShamayA cha dattahastaM samaye ra~NadhurINamAnayethAH || 14\.11|| 391|| anuyAti nityamamR^itAtmikAM kalAM tava ra~NgachandramaNipAdu jha~NkR^itam | shravasA mukhena paribhujya yatkShaNA\- dajarAmaratvamupayAnti sAdhavaH || 14\.12|| 392|| paruShairajasramasatAmanarthakaiH parivAdapaishunavikatthanAdibhiH | madhukaiTabhArimaNipAduke mama shrutiduShkR^itAni vinivAraya svanaiH || 14\.13|| 393|| pAduke parijanasya dUrataH sUchayanti khalu tAvakAH svanAH | lIlayA bhujagatalpamujJataH shrImatastrichaturAnpadakramAn || 14\.14|| 394|| devi daityadamanAya satvaraM prasthitasya maNipAduke prabhoH | vishvama~NgalavisheShasUchakaM shAkunaM bhavati tAvakaM rutam || 14\.15|| 395|| dAtumarhasi tadA mama shrutau devi ra~NgapatiratnapAduke | vihvalasya bhavadIyashi~njitaM svAdukarNarasanArasAyanam || 14\.16|| 396|| ahamuparisamastadevatAnAmupari mamaiSha vibhAti vAsudevaH | tadiha parataraM na ki~nchidasmAditi vadasIva padAvani praNAdaiH || 14\.17|| 397|| avanatavibudhendramaulimAlAma\- dhumadashikShitamantharaprayAtA | prathayasi parirabdhashauripAdA maNikalahena viyAtajalpitAni || 14\.18|| 398|| AsthAneShu tridashamahitAn vartayitvA vihArAn sthAne sthAne nijaparijanaM vArayitvA yathArham | vAsAgAraM svayamupasaranpAduke ma~njunAdA\- mAparya~NkAnna khalu bhavatIM ra~NganAtho jahAti || 14\.19|| 399|| antarnyastairmaNibhiruditaM pAduke ra~Ngabandhau mandaM mandaM nihitacharaNe ma~njulaM te ninAdam | pashyantyAdikramapariNateH prAktanIM tAM parAyA manye mitrAvaruNaviShayAduchcharantImavasthAm || 14\.20|| 400|| prakhyAtAnAM pariShadi satAM kArayitvA pratij~nAM prAyeNa tvAM prathitavibhavAM varNayantI mayA tvam | pAdanyAsakramamanuguNaM prApya ra~NgAdhirAjA\- tpadyArambhAn gaNayasi paraM pAduke svairninAdaiH || 14\.21|| 401|| viShNorasminpadasarasije vR^ittibhedairvichitrai\- raidamparyaM nigamavachasAmaikakaNThyena siddham | itthaM puMsAmanipuNadhiyAM pAduke tvaM tadeva spR^iShTvA satyaM vadasi niyataM ma~njunA shi~njitena || 14\.22|| 402|| AmnAyaistvAmanitaraparaiH stotumabhyudyatAnAM madhye bhaktyA madhuvijayinaH pAduke mohabhAjAm | shikShAtattvaskhalitavachasAM shikShayasyeva puMsAM mAtrAdIni svayamanupadaM ma~njubhiH svairninAdaiH || 14\.23|| 403|| lakShmIkAntaM kamapi taruNaM rathyayA niShpatantaM rAgAd draShTuM tvaritamanasAM rAjadhAnIvadhUnAm | pratyAdeshaM bhajati madhuraiH pAduke shi~njitaiste chetohArI kusumadhanuShaH shiM~njinIma~njunAdaH || 14\.24|| 404|| ra~NgAdhIshe saha kamalayA sAdaraM yAyajUkaiH sAraM divyaM savanahaviShAM bhoktumAhUyamAne | nedIyobhirnigamavachasAM nityamaMhaHpratIpaiH pratyAlApaM dishati bhavatI pAduke shi~njitaiH svaiH || 14\.25|| 405|| upAsya nUnaM maNipAduke tvAM ra~NgeshapAdAmbujarAjahaMsIm | patyuH prajAnAmalabhanta pUrvaM ma~njusvanaM vAhanarAjahaMsAH || 14\.26|| 406|| anAdimAyArajanIvashena prasvApabhAjAM pratibodhanArhAm | pashyAmi nityoditavAsarasya prabhAtanAndImiva pAduke tvAm || 14\.27|| 407|| shR^iNotu ra~NgAdhipatiH prajAnAmArtadhvaniM kvApi samujjihAnam | itIva matvA maNipAduke tvaM mandaprachArairmR^idushi~njitA.asi || 14\.28|| 408|| ante mamArtiM shamayiShyatastAmagresarANyApatato murAreH | shramopapannaH shR^iNuyAM bhavatyAH shItAni pAdAvani shi~njitAni || 14\.29|| 409|| svAdUni ra~NgeshvarapAdarakShe shrotraiH pibantastava shi~njitAni | pachantyavidyopachitAnasheShAntargatAnAtmavidaH kaShAyAn || 14\.30|| 410|| avaimi ra~NgAdhipateH sakAshAdavekShamANeShu janeShu rakShAm | udAranAdAM maNipAduke tvAmomityanuj~nAkSharamudgirantIm || 14\.31|| 411|| madhudviShaH svairavihAraheturma~njusvanAn shikShayasIva mAtaH | paryantabhAjormaNipAdarakShe padmAdharaNyormaNinUpurANi || 14\.32|| 412|| prAsthAnikeShu samayeShu samAgateShu prAptA padaM parichitaM dvijapu~Ngavena | puShNAsi ra~NganR^ipatermaNipAduke tvaM puNyAhaghoShamiva garbhamaNipraNAdaiH || 14\.33|| 413|| ArtadhvaneruchitamuttaramantakAle karNeShu ma~njuninadena kariShyasIti | vAsaM bhajanti kR^itino maNipAdarakShe puNyeShu devi pulineShu marudvR^idhAyAH || 14\.34|| 414|| dUtye balervimathane shakaTasya bha~Nge yAtrotsaveShu cha vibhoH pratipannasakhyA | vIrAyitAni birudopahitAni nUnaM ma~njusvanaiH prathayase maNipAduke tvam || 14\.35|| 415|| stotuM pravR^ittamapi mAM nigamastutAM tvAM vyAsajyamAnakaraNaM viShayeShvajasram | antarmaNidhvanibhirachyutapAduke tvaM sambodhayasyanukalaM sahajAnukampA || 14\.36|| 416|| devasya dAnavaripormaNipAdarakShe prasthAnama~Ngalavidhau pratipannanAdAm | mA bhaiShTa sAdhava iti svayamAlapantIM jAne jagatritayarakShaNadIkShitAM tvAm || 14\.37|| 417|| sva~nChandavibhramagatau maNipAduke tvaM pAdAravindamadhigamya parasya puMsaH | jAtasvanA pratipadaM japasIva sUktaM vidrAvaNaM kimapi vairivarUthinInAm || 14\.38|| 418|| rakShArthamAshritajanasya samujjihAne ra~Ngeshvare sharadi sheShabhuja~NgatalpAt | nAdAstava shrutisukhA maNipAdarakShe prasthAnasha~NkhaninadAtprathame bhavanti || 14\.39|| 419|| nityaM padAmburuhayoriha gopikAM tvAM gopIjanapriyatamo maNipAdarakShe | sambannaghoShavibhavAM gatibhirnijAbhiH prItyaiva na tyajati ra~NgasamAshrito.api || 14\.40|| 420|| prAyaH padAvani vibhoH praNatArtihantuH prasthAnama~Ngalavidhau prathamodyatAni | tvachChi~njitAni sapadi svayamArabhante kAlochitAn kanakakAhalasha~NganAdAn || 14\.41|| 421|| AmreDitashrutigaNairninadairmaNInA\- mAmnAyavedyamanubhAvamabha~NguraM te | udgAsyatAM niyatamichChasi sAmagAnAM tAnapradAnamiva shauripadAvani tvam || 14\.42|| 422|| rathyAsu ra~NganR^ipatermaNipAdarakShe tvadgarbharatnajanito madhuraH praNAdaH | sandarshanotsukadhiyAM purasundarINAM sampadyate shravaNamohanamantraghoShaH || 14\.43|| 423|| AkasmikeShu samayeShvapavArya bhR^ityA\- nantaHpuraM vishati ra~Ngapatau salIlam | vyAmohanena bhavatI sudR^ishAmadhIte ma~njusvanena madanopaniShadrahasyam || 14\.44|| 424|| yAtrAvihArasamayeShu samutthitaM te ra~NgAdhipasya charaNAvani ma~njunAdam | paryAkulendriyamR^igagrahaNAya puMsAM sammohanaM shabaragItamiva pratImaH || 14\.45|| 425|| prAyeNa sahyaduhitarnadarAjakanyA jAmAturAgamanasUchanamIhamAnA | ma~njupraNAdasubhagairmaNipAduke tvA\- mantaryutAmakR^ita yautakaratnakhaNDaiH || 14\.46|| 426|| nityaM vihArasamaye nigamAnuyAtaiH\- rvikShepatANDavitagarbhamaNiprasUtaiH | nAdaiH svayaM narakamardanapAdarakShe nAdAvasAnanilayaM vadasIva nAtham || 14\.47|| 427|| sAdhAraNeShu yuvayormaNipAdarakShe devasya dAnavaripostriShu vikrameShu | adyApi shi~njitamiShAdanuvartamAnaM nyUnAdhikatvaviShayaM kalahaM pratImaH || 14\.48|| 428|| prAyaH padAvani vibhoH praNayAparAdhe mAnagrahaM shamayituM mahiShIjanAnAm | uchchArayanti ninadaistava garbharatnA\- nyuddhAtamakSharamupAshrayabhAratInAm || 14\.49|| 429|| antashchareShu pavaneShu jiteShvabhij~nAH pratyaDmukhIM pariNamayya manaHpravR^ittim | AsvAdayanti sarasaM maNipAdarakShe nAdAvasAnasamaye bhavatIninAdam || 14\.50|| 430|| dAkShiNyamatra niyataM niyatA sudhA.asmi\- nnityudgato niyatamachyutapAdarakShe | pratyekasaMshritapadastutaye bhavatyoH sa~NgharShavAda iva madhyamaNipraNAdaH || 14\.51|| 431|| sa~nchArakelikalahAyitagarbharatnA sAMsiddhikaM sakalajantuShu sArvabhaumam | rakShArthinAM prathayasIva padAvani tvaM ra~Ngeshvarasya niravagrahamAnR^ishaMsyam || 14\.52|| 432|| prAptuM paraM purishayaM puruShaM munInA\- mabhyasyatAmanudinaM praNavaM trimAtram | shrIra~NgarAjacharaNAvani shi~njitaM te sha~Nke samunnayanasAmavisheShaghoSham || 14\.53|| 433|| nityaM samAhitadhiyAmupandarshayantI nAgeshayaM kimapi dhAma nijordhvabhAge | hR^itkarNikAmanugatA maNipAduke tvaM ma~njusvanA sphurasi vAgbhramarI pareva || 14\.54|| 434|| mAneShu dAnavaripormaNipAdarakShe tvAmAshriteShu nigameShvavadhIriteShu | ma~njusvanairvadasi maivamitIva mAta\- rvelAM lila~NghayiShato manujAnniroddhum || 14\.55|| 435|| krandatsu kAtaratayA karaNavyapAye ra~NopashalyashayiteShu janeShvalakShyam | AsIdasi tvaritamaskhalitAnukampA mAteva ma~njuninadA maNipAdke tvam || 14\.56|| 436|| bhAsvatsuvarNavapuShAM maNipAdarakShe padmAsahAyapadapadmavibhUShaNAnAm | ma~njIrashi~njitavikalpitama~njunAdA ma~njUShikeva bhavatI nigamAntavAchAm || 14\.57|| 437|| ra~NgeshapAdakamalAt tvadadhInavR^itte\- ranyeShu keShuchidalakShyamananyavedyam | AmnAyagUDhamabahirmaNibhiH kvaNadbhi\- rnedIyasAM prathayasIva nijAnubhAvam || 14\.58|| 438|| kAlopapannakaraNAtyayanirvicheShTe jAtashrame mayi janArdanapAdarakShe | AshvAsanAya purataH prasarantu mAta\- rvArtAharAstava ravAH shamitArtayo me || 14\.59|| 439|| saMrakShaNAya samaye jagatAM trayANAM yAtrAsu ra~NganR^ipaterupatasthuShIShu | sampatsyate shrutisukhairmaNipAdarakShe ma~NgalyasUktiranaghA tava ma~njunAdaiH || 14\.60|| 440|| garbhopalairgamanavegavashAdvilolai\- rvAchAlitA madhubhido maNipAduke tvam | prastauShi bhAvitadhiyAM pathi devayAne prasthAnama~NgalamR^ida~NgavisheShaghoSham || 14\.61|| 441|| parya~NkamAshritavato maNipAduke tvaM pAdaM vihAya parikalpitamaunamudrA | shrotuM prabhoravasaraM dishasIva mAta\- rnAbhIsarojashayitArbhakasAmagItim || 14\.62|| 442|| bhogAya devi bhavatI maNipAdarakShe padmAsahAyamadhiropya bhuja~Ngatalpe | vishvasya guptimadhikR^itya vihArahInA vAchaMyamA kimapi chintayatIva kAryam || 14\.63|| 443|| nityaprabodhasubhage puruShe parasmin nidrAmupeyuShi tadekavihArashIlA | ma~njusvanaM vijahatI maNipAduke tvaM saMveshamichChasi paraM charaNAntikasthA || 14\.64|| 444|| lAsyaM vihAya kimapi sthitamAshrayantI ra~NgeshvareNa sahitA maNimaNDapeShu | ma~njusvaneShu virateShvapi vishvameta\- nmaunena hanta bhavatI mukharIkaroti || 14\.65|| 445|| vismApiteva bhavatI maNipAdarakShe vairochanervitaraNena tathAvidhena | etAvatA.alamiti devi gR^ihItapAdA nAthaM trivikramamavArayateva nAdaiH || 14\.66|| 446|| sAmAni ra~NganR^ipatiH sarasaM cha gItaM lIlAgateShu vinivArayati svatantraH | shrotuM tava shrutisukhAni visheShavedI ma~njUni kA~nchanapadAvani shi~njitAni || 14\.67|| 447|| tattAdR^ishIM prathayatA ruchirAM svarekhAM varNAdhikena madhusUdanapAdarakShe | pashyanti chittanikaShe viniveshya santo ma~njusvanena tava naigamikaM suvarNam || 14\.68|| 448|| mugdhasya hanta bhavatIM stuvato mamaitA\- nyAkarNya nUnamayathAyatha jathalpitAni | itthaM vada tvamiti shikShayituM praNAdAn ma~njUnudIrayasi mAdhavapAduke tvam || 14\.69|| 449|| Adau sahasramiti yatsahasA mayoktaM tUShTUShatA niravadhiM mahimArNavaM te | AmreDayasyatha kimetadamR^iShyamANA ma~njusvanena madhujinmaNipAduke tvam || 14\.70|| 450|| parimitaparibarhaM pAduke sa~nchariShNau tvayi vinihitapAde lIlayA ra~NganAthe | niyamayati vipa~nchIM nityamekAntasevI nishamayitumudArAnnAradaste ninAdAn || 14\.71|| 451|| viharati vishikhAyAM ra~NganAthe salIlaM gamanavashavilolairgarbharatnaiH kvaNantyAH | maNivalayaninAdairma~njulaiste dishanti prativachanamudAraM pAduke pauranAryaH || 14\.72|| 452|| anukR^itasavanIyastotrashastrAM ninAdai\- ranugatanigamAM tvAmAsthito ra~NganAthaH | anitaravibudhArhaM havyamAsvAdayiShyan vishati charaNarakShe yaj~navATaM dvijAnAm || 14\.73|| 453|| charaNakamalametadra~NganAthasya nityaM sharaNamiti janAnAM darshayantI yathAvat | pratipadamapi hR^idyaM pAduke svAdubhAvA\- danuvadati paraM te nAdamAmnAyapa~NktiH || 14\.74|| 454|| rahitabhujagatalpe tvatsanAthe prajAnAM pratibhayashamanAya prasthite ra~NganAthe | prathamamudayamAnaH pAduke tUryaghoShA\- tpratiphalati ninAdaH pA~nchAjanye tvadIyaH || 14\.75|| 455|| vakuladharatanustvaM saMhitAM yAmapashyaH shrutipariShadi tasyAH saurabhaM yojayanti | haricharaNasarojAmodasammoditAyAH pratipadaramaNIyAH pAduke te ninAdAH || 14\.76|| 456|| danutanayanihanturjaitrayAtrAnukUle sharadupagamakAle sahyajAmApatanti | shrutimadhuramudAraM shikShituM te ninAdaM parihR^itanijavAsAH pAduke rAjahaMsAH || 14\.77|| 457|| viharaNasamayeShu pratyahaM ra~Ngabhartu\- shcharaNanakhamayUkhaiH sottarIyA vishuddhaiH | pariNamayasi nAdaM pAduke garbharatnai\- rdamayitumiva shiShyAn dIrghikArAjahaMsAn || 14\.78|| 458|| pariShadi viratAyAM pAduke ra~NgabhartuH parijanamapavArya prasthitasyAvarodhAn | maNinikarasamudyanma~njunAdApadeshA\- dabhilapasi yathArhaM nUnamAlokashabdam || 14\.79|| 459|| gurujananiyataM tadgopikAnAM sahasraM dinakaratanayAyAH saikate divyagopaH | vashamanayadayatnAdvaMshanAdAnuyAtai\- stava khalu padarakShe tAdR^ishairma~njunAdaiH || 14\.80|| 460|| nijapadaviniveshAnnirvisheShaprachArAn pariNamayati bhaktAn ra~NganAtho yathA mAm | iti viharaNakAle ma~njushi~njAvisheShai\- rhitamupadishasIva prANinAM pAduke tvam || 14\.81|| 461|| ayamayamiti taistaiH kalpitAnadhvabhedAn pratipadamavalokya prANinAM vyAkulAnAm | chaTulamaNikalApaiH shauripAdAvani tvaM mukharayasi vihArairmuktighaNTApathAgryam || 14\.82|| 462|| padakamalamudAraM darshayantI murAreH kalamadhuraninAdA garbharatnairvilolaiH | viShamaviShayatR^iShNAvyAkulAni prajAnA\- mabhimukhayasi nUnaM pAduke mAnasAni || 14\.83|| 463|| madhuripupadarakShe mandabuddhau mayi tvA\- manavadhimahimAnaM tvatprasAdAt stuvAne | maNinikarasamutthairma~njunAdaiH kavInA\- muparamayasi tAMstAnnUnamutsekavAdAn || 14\.84|| 464|| sharaNamupagate tvAM shAr~NgiNaH pAdarakShe sakR^iditi vidhisiddhaM tyaktukAme vimohAt | prachalitamaNijAlavya~njitaiH shi~njitaiH svai\- ralamalamiti nUnaM vArayasyAdareNa || 14\.85|| 465|| vikalakaraNavR^ittau vihvalA~Nge vilakShaM vilapati mayi mohAdbibhratI shauripAdam | parisaramadhigantuM pashya pAdAvani tvaM pratibhayamakhilaM me bhartsayantI ninAdaiH || 14\.86|| 466|| karaNavigamakAle kAlahu~NkArasha~NkI drutapadamupagachChan dattahastaH priyAbhyAm | pariNamayatu karNe ra~NganAthaH svayaM naH praNavamiva bhavatyAH pAduke ma~njunAdam || 14\.87|| 467|| kamalavanasakhIM tAM kaumudImudvahantaM savidhamupanayantI tAdR^ishaM ra~Ngachandram | pralayadinasamutthAnpAduke mAmakInAn prashamaya paritApAn shItalaiH shi~njitaiH svaiH || 14\.88|| 468|| prashamayatu bhayaM naH pashchimashvAsakAle rahasi viharaNaM te ra~NganAthena sArdham | niyatamanuvidhatte pAduke yanninAdo nikhilabhuvanarakshAghoShaNAghoShalIlAm || 14\.89|| 469|| trikavinihitahastaM chintayitvA kR^itAntaM gatavati hR^idi mohaM gachChatA jIvitena | parikalayatu bodhaM pAduke shi~njitaM te tvarayitumiva sajjaM tvadvidheyaM mukundam || 14\.90|| 470|| upaghnaM saMvitterupaniShadupoddhAtavachanaM tava shrAvaM shrAvaM shrutisubhagamantarmaNiravam | vijR^imbhante nUnaM madhumathanapAdAvani mama dravIbhUtadrAkShAmadhurimadhurINAH phaNitayaH || 14\.91|| 471|| vilAsaiH krINanto nikhilajanachetAMsi vividhA vihArAste ra~NgakShitiramaNapAdAvani muhuH | vigAhantAmantarmama viluThadantarmaNishilA\- khalAtkAravyAjakSharadamR^itadhArAdhamanayaH || 14\.92|| 472|| shrutishreNIstheyashrutisubhagashi~njAmukharitAM bhajema tvAM padmAramaNacharaNatrAyiNi param | na mudrAnidrANadraviNakaNavishrANanadashA\- vishAlAha~NkAraM kamapi ghanahu~NkAraparuSham || 14\.93|| 473|| tavaitachChrIra~NgakShitipatipadatrAyiNi nR^iNAM bhavatyAgashchintAraNaraNakabha~NgAya raNitam | sharIre svaM bhAvaM prathayati yadAkarNanavashA\- nna naH karNe bhAvI yamamahiShaghanTAghaNaghaNaH || 14\.94|| 474|| paritrastAH puNyadravapatanavegAtprathamataH kSharadbhiH shrIra~NgakShitiramaNapAdAvani tadA | vidAmAsurdevA balimathanasaMrambhamanaghaiH praNAdaiste sadyaH padakamalavikrAntipishunaiH || 14\.95|| 475|| sveShu sveShu padeShu kiM niyamayasyaShTau dishAmIshvarAn svairAlApakathAH pravartayasi kiM trayyA sahAsInayA | ra~Ngeshasya samastalokamahitaM prAptA padAmbhoruhaM mA bhaiShIriti mAmudIrayasi vA ma~njusvanaiH pAduke || 14\.96|| 476|| ra~Nge devi rathA~NgapANicharaNasvachChandalIlAsakhi stokaspanditaramyavibhramagatiprastAvakaM tAvakam | kAlopAgatakAlaki~NkarachamUhu~NkArapAramparI\- durvAraprativAvadUkamanaghaM shroShyAmi shi~njAravam || 14\.97|| 477|| tvachChi~njAravasharkarArasasadAsvAdAt satAmunmadA mAtarmAdhavapAduke bahuvidAM prAyaH shrutirmuhyati | sArAsArasakR^idvimarshanaparimlAnAkSharagranthibhi\- rgranthaistvAmiha varNayAmyahamatastrAsatrapAvarjitaH || 14\.98|| 478|| tavAmba kila khelatAM gativashena garbhAshmanAM ramAramaNapAduke kimapi ma~njubhiH shi~njitaiH | padastutividhAyibhistvadanubhAvasiddhAntibhiH sayUthyakalahAyitaM shrutishataM samApadyate || 14\.99|| 479|| kShipati maNipAdarakShe nAdairnUnaM samAshritatrANe | ra~Ngeshvarasya bhavatI rakShApekShApratIkShaNavilambam || 14\.100|| 480|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre nAdapaddhatishchaturdashI || \section{15\. ratnasAmAnyapaddhatiH (50)} udarchiShaste ra~NgendrapAdAvani bahirmaNIn | antarmaNiravaM shrutvA manye romA~nchitAkR^itIn || 15\.1|| 481|| vidhehi shaurermaNipAduke tvaM vipadyamAne mayi rashmijAlaiH | AsIdatAmantakaki~NkarANAM vitrAsanAn vetralatAvisheShAn || 15\.2|| 482|| mukundapAdAvani madhyanADyA mUrdhanyayA niShpatato mumukShoH | AbrahmalokAdavalambanArthaM ratnAni te rashmigaNaM sR^ijanti || 15\.3|| 483|| asUryabhedyAM rajanIM prajAnAm AlokamAtreNa nivArayantI | amoghavR^ittirmaNipAdarakShe muradviSho mUrtimatI dayA tvam || 15\.4|| 484|| ra~NgeshapAdAvani tAvakAnAM ratnopalAnAM dyutayaH sphuranti | shreyaHphalAnAM shrutivallarINAm upaghnashAkhA iva nirvyapAyAH || 15\.5|| 485|| kasyApi puMsaH kanakApagAyAH puNye salIlaM puline shayAloH | samIpavR^ittirmaNipAduke tvaM saMvAhayantIva padaM karaiH svaiH || 15\.6|| 486|| didR^ikShamANasya paraM nidhAnaM snehAnvite yogadashAvisheShe | saMvitpradIpaM maNipAdarakShe sandhukShayantIva marIchayaste || 15\.7|| 487|| samAdhibhAjAM tanute tvadIyA ra~NgeshapAdAvani ratnapa~NktiH | sthAnaM prayAtuM tamasaH paraM ta\- tpradIpakR^ityaM prabhayA mahatyA || 15\.8|| 488|| badhnAsi ra~NgeshvarapAdarakShe manye yathArhaM maNirashmijAlaiH | sevAnatAnAM tridasheshvarANAM sheShApaTIM shekharasannikR^iShTAm || 15\.9|| 489|| bhajanti ra~NgeshvarapAdarakShe prakalpayanto vividhAnpumarthAn | udarchiShashchintayatAM janAnAM chintAmaNitvaM maNayastvadIyAH || 15\.10|| 490|| nAthasya datte nadarAjakanyA pAtuM shubhAnpAdanakhendurashmIn | maNiprabhAbhiH pratipannapakShAM lIlAchakorImiva pAduke tvAm || 15\.11|| 491|| janasya ra~NgeshvarapAduke tvaM jAtAnukaMpA janayasyayatnAt | AkR^iShya dUrAnmaNirashmijAlai\- rananyalakShANi vilochanAni || 15\.12|| 492|| ra~NgeshapAdAvani tAvakInaiH spR^iShTAH kadAchinmaNirashmipAshaiH | kAlasya ghoraM na bhajanti bhUyaH kArAgR^ihAnteShu kashAbhighAtam || 15\.13|| 493|| ratnAni ra~NgeshvarapAdarakShe tvadAshritAnyapratighairmayUkhaiH | AseduShINAM shrutisundarINAM vitanvate varNanicholalakShmIm || 15\.14|| 494|| nidrArasapraNayino maNipAdarakShe ra~Ngeshvarasya savidhaM pratipadyamAnA | shayyAphaNIndramabhito bhavatI vidhatte ratnAMshubhiryavanikAmiva darshanIyAm || 15\.15|| 495|| sadyastvadudgrahadashAnamitAkR^itInAM srastAMshukaM nijaruchA maNipAduke tvam | padmAsahAyaparivAravilAsinInAM paTTAMshukairiva payodharamAvR^iNoShi || 15\.16|| 496|| devasya ra~NgavasateH purataH pravR^ittai\- ruddhUtavishvatimirAM maNirashmijAlaiH | manye madIyahR^idayAyatanapravesha\- mA~NgalyadIpakaNikAM maNipAduke tvAm || 15\.17|| 497|| AkIrNaratnanikarAM maNipAduke tvAM ra~Neshvarasya lalitAM vipaNiM pratImaH | yatsaMshrayeNa bhavati sthirabhaktimUlyaM kaivalyamatra jagatAM krayavikrayArham || 15\.18|| 498|| vya~NktuM kShamaM bhagavato jagadIshvaratvaM vajrA~Nkushadhvajasaroruhachakrachihnam | AshliShya nirbhararuchiM maNipAduke tvA\- mAsIdanAbharaNasundarama~Nghripadmam || 15\.19|| 499|| ratnaprabhApaTalachakramanoharA tvaM padmAruNaM padamidaM tvayi ra~NgabhartuH | manye tadetadubhayaM maNipAdarakShe chakrAbjamaNDalamaki~nchanarakShaNArtham || 15\.20|| 500|| trAsAtsvayaM praNamatAM danujeshvarANAM sa~Nkhye.avalUnashirasAmapi mauliratnaiH | AyojayatyanukalaM maNipAduke tvAM sairandhrikeva muravairikR^ipANadhArA || 15\.21|| 501|| AskandanAni vibudhendrashikhAmaNInAM tvAmAshritAnyasurasUdanapAdarakShe | ratnAni te stutisuvarNaparIkShaNArthe nUnaM bhajanti nikaShopalatAM kavInAm || 15\.22|| 502|| pAdAvani praNayinAM pratipAditArthAM krIDAsarojamiva shauripadaM vahantIm | pratyuptaratnanikarapratipannashobhAM pashyAmi rohaNagireradhidevatAM tvAm || 15\.23|| 503|| yAmeva ratnakiraNairmaNipAdAkShe krIDAsarojamiva shauripadaM bhajantIm | ## var ## vahantIm pratyuptaratnanikarapratipannashobhAM pashyAmi rohaNagireradhidevatAM tvAm || 15\.24|| 504|| ratnA~NkurairaviralA maNipAdarakShe pAkonmukhaiH parigatA puruShArthasasyaiH | devena ra~NgapatinA jagatAM vibhUtyai kedArikeva kR^ipayA parikalpitA tvam || 15\.25|| 505|| nirdhUtamohatimirAstava ratnadIpai\- rnirvishyamAnavibhavaM nadarAjaputryA | pratyakShayanti nigamAntanigUdhamarthaM pAdAvani tvayi niveshitabhAvabandhAH || 15\.26|| 506|| ratnopalaprakarasambhava eSha dUrA\- dra~NgAdhirAjacharaNAvani tAvakInaH | ArdrAparAdhaparikhinnadhiyAM prajAnA\- mAshvAsanArtha iva bhAti karaprasAraH || 15\.27|| 507|| vyAmuhyato viShayibAlamR^igAnmadIyAn saMsAragharmajanitAsu marIchikAsu | pAdAvani praguNaratnamarIchijAlai\- rAkR^iShya vishramaya keshavakAntisindhau || 15\.28|| 508|| antarnidhAya munibhiH parirakShamANAm\- AtmIyarashmiguNitAM maNipAdarakShe | ra~NgeshapAdakamalapratipannamudrAM nIvImavaimi bhavatIM nigamAntavAchAm || 15\.29|| 509|| rAmasya ra~NgavasateshcharaNAnuSha~NgA\- tkAShThAM gatAM paramapAvanatAM dadhAnA | ## var ## bhuvanapAvanatAm pAdAvani prachuraratnashilAnibaddhA saMsArasantaraNaseturasi prajAnAm || 15\.30|| 510|| diviShanmakuTeShu sa~ncharantyAH prachuraste maNipAduke prakAshaH | divi ra~NgapatermahotsavArthaM vitatA vandanamAlikeva bhAti || 15\.31|| 511|| prabhavanti davIyasAM svabhAvA\- ttava ratnAni mukundapAdarakShe | ayasAmiva hanta lohakAntAH kaThinAnAM manasAM vikarShaNAya || 15\.32|| 512|| paripashyati devi ra~NganAthe rahasi tvaM savidhe nivishya lakShmyAH | paripuShyasi ratnadhAmabhiH svairanasUyeva manoj~nama~NgarAgam || 15\.33|| 513|| tava ratnakarArpitaM navInaM parigR^ihya sthiramaMshukaM manoj~nam | jaradaMshukatsukhena dehaM kR^itinaH keshavapAduke tyajanti || 15\.34|| 514|| abhito maNipAduke nibaddhaiH kR^itasaMskAravisheShamAtmaratnaiH | kurute bhavatI padaM murAreH kaThine.asmin hR^idi me niveshayogyam || 15\.35|| 515|| nijaratnakarA~nchalairmadIyAnaparAdhAnavadhUya dattasAmyA | ramayA sahitasya ra~NgabhartuH padayorarpaya pAduke svayaM mAm || 15\.36|| 516|| rashmijAlapariveShabandhurA ra~NgabhUmipatiratnapAduke | vishvalochanaviha~NgahAriNI vAgureva vitatA virAjase || 15\.37|| 517|| mAnasAmbujavikAsahetubhiH sevitA maNigaNaiH prabhAkaraiH | pAduke vahasi sadbhirAshritAM devi viShNupadasampadaM navAm || 15\.38|| 518|| adhishayitaphaNishvarasya shaureH svayamadhirUDhapadopadhAnapArshvA | maNivalayajuShA kareNa mandaM spR^ishasi padAvani pAdayoryugaM tat || 15\.39|| 519|| bhavatyante tvAM praNatasya janto\- stadoko.agrajvalanaM tvatprakAshaiH | yato nADyA madhyamayA viniryan gatiM vindet keshavapAdarakShe || 15\.40|| 520|| ashithilapariNaddhA rashmijAlairmaNInAM duradhigamatamaM naH pAramAropayantI | kamalanayanamAdyaM karNadhAraM dadhAnA bhavasi bhavapayodheH pAduke potapAtrI || 15\.41|| 521|| maNigaNakiraNaiste kalpite gulmabhede mR^igayuriva kura~NgIM tvAM puraskR^itya bhavyAm | harati charaNarakShe bhaktipAshAvaruddhaM hR^idayahariNayUthaM prANinAM ra~NganAthaH || 15\.42|| 522|| parichitapadamUlA pAduke ra~NgiNastvaM prabhavati bhujamadhye kaustubho.ayaM tathA.api | bhavati bhR^ishamadhastAt tejasA bhavyabhUmnA shalabhitaduritAnAM tAvakAnAM maNInAm || 15\.43|| 523|| kalpashreNIdinapariNatau jantujAle prasupte viShvagvyApte jagati tamasA pAduke tAdR^ishena | styAnAlokaistava maNigaNairvAsagehapradIpAH sampadyante saha kamalayA jAgarUkasya yUnaH || 15\.44|| 524|| shrIra~NgendoshcharaNakamaladvandvasevAvalepA\- dArUDhAyAM tvayi makhabhujAmAnatAn maulibhAgAn | teShAM chUDAmaNibhiranaghaistAvakAnAM maNInAM keshAkeshi prabhavati mithastrAsaleshojjhitAnAm || 15\.45|| 525|| tvadratnopalarashmipa~njaratanutrANaM sthiraM bibhrato mAtarmAdhavapAduke na tu punarhastaiH spR^ishantyAkulaiH | dUrotsiktadurADhyajihmagabiladvAHpAlakopAnala\- jvAlAmitrakaThoravetralatikAdattArdhachandraM vapuH || 15\.46|| 526|| saMvartoditasUryakoTisadR^ishIM ra~NgeshapAdAvani prastauShi pratiyatnaratnanikarajyotishChaTAmudbhaTAm | tanmanye tvadananyasUripariShanmadhye niveshAya na\- stAdR^igvAsarase.api bhettumachirAdasmAkamandhantamaH || 15\.47|| 527|| salIlaM vinyasya tvayi charaNarakShe nijapadaM yadR^ichChAniShkrAnte viharati harau ra~Ngarasike | dishAsaudhAnaShTau janayasi tadA nirbharamila\- nmaNichChAyAmAyAghanaghaTitaketuvyatikarAn || 15\.48|| 528|| mahArghairAshliShTAM maNibhiravadhUtadyumaNibhiH katha~nchit kShetraj~nairadhigatapadAmamba bhavatIm | mukundena trAtuM padakamalamUle vinihitAM nirAbAdhAM manye nidhimanaghavAchAM niravadhim || 15\.49|| 529|| tApatrayaM nirundhe pachati kaShAyAn vishoShayati pa~Nkam | tejastritayamidaM te sha~Nke ra~NgendrapAduke tejaH || 15\.50|| 530|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre ratnasAmAnyapaddhatiH pa~nchadashI || \section{16\. bahuratnapaddhatiH (50)} mukhabAhUrupAdebhyo varNAn sR^iShTavataH prabhoH | prapadye pAdukAM ratnairvyaktavarNavyavasthitim || 16\.1|| 531|| maNibhiH sitaraktapItakR^iShNairbhavatI kA~nchanapAduke vichitrA | yugabhedavikalpitaM murAreryugapaddarshayatIva varNabhedam || 16\.2|| 532|| navaratnavichitritA murAreH padayostvaM maNipAduke vibhAsi | navakhaNDavatI vasundhareva praNayAjjanmapadaM samAshrayantI || 16\.3|| 533|| sahasA vinivedya sAparAdhAn tvadadhInasvapade mukundapAde | aruNopalasaktamauktikashrIH smayamAneva vibhAsi pAduke tvam || 16\.4|| 534|| bahuratnasamudbhavaM mayUkhaM tava manye maNipAduke murAreH | charaNopagataM mayUrapi~nChaM makuTArohaNasAhasaM pramArShTum || 16\.5|| 535|| prabhayA harinIlamauktikAnAM vikasantyA dishasIva pAduke tvam | madhubhichcharaNAravindalakShmyAH srajamindIvarapuNDarIkabaddhAm || 16\.6|| 536|| tava mAdhavapAduke maNInAM prabhayA devi sitAsitAruNAnAm | vahate girishasya mauliga~NgA kumudendIvarapadmakAnanAni || 16\.7|| 537|| pR^ithagvidhAnAM dyutibhirmaNInAM tvAM pAduke lohitashuklakR^iShNAm | vihArahetoriha ra~NgabhartuH pAdAnuShaktAM prakR^itiM pratImaH || 16\.8|| 538|| tamAlanIladyutimindranIlairmuktAnuviddhAM maNipAduke tvAm | avaimi ra~NgeshvarakAntisindhorvelAmavishrAntagatAgatArhAm || 16\.9|| 539|| avaimi ra~NgeshvarapAdukAbhyAmakAlakAlyaM vibhavaM vidhAtum | vajrendranIlavyapadeshadR^ishyaM bandIkR^itaM nUnamahasstriyAmam || 16\.10|| 540|| padasya goptrI bhavatI murArermaNispR^ishA mauktikaratnabhAsA | antardR^ishaM sA~njanayA munInAmanakti karpUrashalAkayeva || 16\.11|| 541|| muktAmayUkhaprakaraiH subhadrA kR^iShNA mahendropalarashmijAlaiH | mAnyA murArermaNipAduke tvaM vihArayuktA vijayaM vR^iNoShi || 16\.12|| 542|| vichitravarNAM maNipAduke tvAM ChandomayIM sAmanibaddhagItim | munIndrajuShTAM dvipadAM murAreH pratyAyikAM kA~nchidR^ichaM pratImaH || 16\.13|| 543|| praseduShI gotrabhidaH praNAmaiH puShNAsi ra~NgeshvarapAduke tvam | maNiprabhAsaMvalanApadeshAtprAyastadarhANi sharAsanAni || 16\.14|| 544|| shoNAshmanAM tava harinmaNirashmibhinnaM bAlAtapaM balivimardanapAdarakShe | shyAmIkR^itaM shukashakuntagaNapraveshA\- chCha~Nke satAM kimapi shAlivanaM vipakvam || 16\.15|| 545|| sambhidyamAnamaNividrumamauktikashrIH | sairandhrikeva bhavatI maNipAdarakShe | prastauti ra~NganR^ipateshcharaNAravinde kastUrikAghusR^iNachandanapa~NkacharchAm || 16\.16|| 546|| AtanvatImasuramardanapAdarakShe shuddhAntapakShmaladR^ishAM madanendrajAlam | vaihArikIM vividharatnamayUkhalakShA\- nmanye samudvahasi mohanapi~nChikAM tvam || 16\.17|| 547|| ratnairvyavasthitasitAsitashoNavarNai\- rAlokavadbhirajahachChrutisannikarShaiH | draShTuM mukundacharaNAvanimeShadR^ishyau sandR^ishyase janani sambhR^itanetrapa~NktiH || 16\.18|| 548|| gArutmatAntaritamauktikapa~NktilakShA\- ddUrvAmadhUkarachitaM duritopashAntyai | mAtaH svayaM vahasi mugdhadhiyAM prajAnAM ma~NgalyamAlyamiva mAdhavapAduke tvam || 16\.19|| 549|| ra~NgAdhirAjapadarakShiNi rAjate te vajropasa~NghaTitamauktikavidrumashrIH | saktA chiraM manasi saMyaminAM nivAsA\- tsUryenduvahnimayamaNDalavAsaneva || 16\.20|| 550|| AsaktavAsavashilAshakalAstvadIyAH padmAsahAyapadarakShiNi padmarAgAH | pratyakShayanti kamapi bhramarAbhilInaM pAdAravindakamarandarasapravAham || 16\.21|| 551|| antaHpurANi samayeShvabhigantumekA ra~Ngeshiturj~napayasIva padAvani tvam | muktAMshujAlamilanAdruchiraiH pravAlai\- rbimbAdharaM smitavisheShayutaM priyANAm || 16\.22|| 552|| ra~Ngeshvarasya mR^igayoshcharaNAvasaktAM rakShaHkapIndramakuTeShu niveshayogyAm | manye padAvani nibaddhavichitraratnAM mAyAmR^igasya rachitAmiva charmaNA tvAm || 16\.23|| 553|| badhnAsi ra~NgapativibhramapAduke tvaM mAyAkirAtamakuTe navabarhamAlAm | AkR^iShTavAsavadhanushshakalairmaNInA\- manyonyasa~NghaTitakarburitairmayUkhaiH || 16\.24|| 554|| anyonyabandhuraharinmaNipadmarAgA ra~Ngeshvarasya charaNAvani rAjase tvam | AtmopamAnavibhavAchcharitArthayantI shailAtmajAgirishayoriva mUrtimekAm || 16\.25|| 555|| tApatrayaprashamanAya samAshritAnAM sandarshitAruNasitAsitaratnapa~NktiH | puShNAsi ra~NganR^ipatermaNipAduke tvaM prAyaH sarojakumudotpalakAnanAni || 16\.26|| 556|| dehadyutiM prakaTayanti mahendranIlAH shaureH padAmbujaruchiM tava padmarAgAH | anyonyalabdhaparabhAgatayA tvamIShA\- mAbhAti kAntiraparA maNipAdarakShe || 16\.27|| 557|| AkIrNamauktkaharinmaNipadmarAgA\- mambhojalochanapadAvani bhAvaye tvAm | tatpAdavishramajuShAM shrutisundarINAM varNopadhAnamiva mauliniveshayogyam || 16\.28|| 558|| AsannavAsavashilAshakalAstvadIyAH padmekShaNasya padarakShiNi padmarAgAH | sambhAvayanti samaye kvachiduShNabhAnoH sadyaHprasUtayamunAsubhagAmAsthAm || 16\.29|| 559|| muktendranIlamaNibhirvihite bhavatyAH pa~NktI dR^iDhe paramapUruShapAdarakShe | manye samAshritajanasya tavAnubhAvA\- dunmochite sukR^itaduShkR^itashR^i~Nkhale dve || 16\.30|| 560|| udgIrNagADhatamaso harinIlabha~NgA\- stArAvisheSharuchirANi cha mauktikAni | tvatsa~NgamAtsarasijekShaNapAdarakShe saMyojayanti nishayA bhavamaulichandram || 16\.31|| 561|| viShNoH padena ghaTitA maNipAduke tvaM vyaktendranIlaruchirujjvalamauktikashrIH | kAleShu dIvyasi marudbhirudIryamANA kAdambinIva paritaH sphuTavAribinduH || 16\.32|| 562|| bhAsA svayaM bhagavato maNipAdarakShe muktAnvitA maratakopalapaddhatiste | nityAvagAhanasahaM sakalasya janto\- rga~NgAnvitaM janayatIva samudramanyam || 16\.33|| 563|| sUryAtmajA harishilAmaNipa~NktilakShA\- ttvAM nityamAshritavatI maNipAdarakShe | Adau janArdanapade kshaNamAtralagnA\- mAsannamauktikaruchA hasatIva ga~NgAm || 16\.34|| 564|| paryantasa~NghaTitabhAsurapadmarAgAH padmodarabhramakAntimushastvadIyAH | tvatsaMshrayeNa charaNAvani shakranIlAH pItAmbareNa puruSheNa tulAM labhante || 16\.35|| 565|| sha~Nke padAvani sadA parichinvatI tvaM ra~NgeshitushcharaNapa~NkajasaukumAryam | agre mahobhiraruNopalamauktikAnAM prAjyAM vinikShipasi pallavapuShpapa~Nktim || 16\.36|| 566|| nirgachChatA charaNarakShiNi nIyamAnA ra~NgeshvareNa bhavatI raNadIkShitena | sUte surArisubhaTInayanAmbujAnAM jyautsnIM nishAmiva sitAsitaratnabhAsA || 16\.37|| 567|| marakataharitA~NgI medurA padmarAgai\- rabhinavajalabinduvyaktamuktAphalashrIH | kalayasi padarakShe kR^iShNameghaprachArAt\- kanakasaridanUpe shAdvalaM sendragopam || 16\.38|| 568|| virachitasurasindhoviShNupAdaravindA\- tsamadhikamanubhAvaM pAduke darshayantI | valabhidupalamuktApadmarAgaprakAshaiH pariNamayasi nUnaM prAptashoNaM prayAgam || 16\.39|| 569|| vividhamaNimayUkhairvyaktapakShAM vichitrai\- rjalanidhiduhitustvAM vedmi lIlAchakorIm | anishamavikalAnAM pAduke ra~Ngabhartu\- shcharaNanakhamaNInAM chandrikAmApibantIm || 16\.40|| 570|| charaNakamalasevAsa~NginAM ra~Ngabhartu\- rvinayagarimabhAjAM varjitairAtapatraiH | punarapi padarakShe puShyasi tvaM surANAM bahuvidhamaNikAntyA barhipi~nChAtapatram || 16\.41|| 571|| marakataruchipatrA mauktikasmerapuShpA sphuTakisalayashobhAbhAsuraiH padmarAgaiH | phalamakhilamudArA ra~NganAthasya pAde kalayati bhavatI naH kalpavallIva kAchit || 16\.42|| 572|| bahumaNiruchirA~NgIM ra~NganAthasya pAdA\- nnijashirasi girIsho nikShipanpAduke tvAm | smarati lalitamantarlAlanIyaM bhavAnyA\- staralaghanakalApaM shaNmukhasyaupavAhyam || 16\.43|| 573|| vividhamaNisamutthairvyaktamApAdayantIM divasarajanisandhyAyaugapadye mayUkhaiH | upaniShadupagItAM pAduke ra~NgiNastvA\- maghaTitaghaTanArhAM shaktimAlochayAmaH || 16\.44|| 574|| sakalamidamavandhye shAsane sthApayantI muramathanapadasthA mauktikAdiprakArA | prakaTayasi vishuddhashyAmaraktAdirUpAn phalapariNatibhedAnprANinAM pAduke tvam || 16\.45|| 575|| pradishati mudamakShNoH pAduke dehabhAjAM shatamakhamaNipa~NktiH shAr~NgiNastulyavarNA | parisaranihitaiste padmarAgapradIpai\- rghanatarapariNaddhA kajjalashyAmikeva || 16\.46|| 576|| kalayA.api hAnirahiteShu sadA tava mauktikeShu paritaH prathate | uparajyamAnahariNA~NkutulA haripAduke harishilAmahasA || 16\.47|| 577|| marakatapatralA ruchiravidrumapallavitA pR^ithutaramauktikastabakitA nigamaiH surabhiH | upavanadevateva charaNAvani ra~Ngapate\- rabhilaShato vihAramabhigamya padaM spR^ishasi || 16\.48|| 578|| sadottu~Nge ra~NgakShitiramaNapAdapraNayini tvadAloke tattanmaNikiraNasambhedakaluShe | pratisrotovR^ittyA prathitaruchibhedaM na sahate navAmbhaHsvAchChandyaM namadamarakoTIramakaraH || 16\.49|| 579|| janayasi padAvani tvaM muktAshoNamaNishakranIlaruchA | nakharuchisantatiruchirAM nandakanistriMshasampadaM shaureH || 16\.50|| 580|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre bahuratnapaddhatiHShoDashI || \section{17\. padmarAgapaddhatiH (30)} prapadye ra~NganAthasya pAdukAM padmarAgiNIm | padaikaniyatAM tasya padmavAsAmivAparAm || 17\.1|| 581|| ativADmanasaM vichintya shaureH padarakShe padapadmasaukumAryam | paripuShyasi padmarAgabhAsA padavImAhitapallavAmiva tvam || 17\.2|| 582|| padapallavasa~NgibhiH pradIptairadhikollAsibhiramba padmarAgaiH | anale shayanaM kvachinmurAreravisaMvAdayasIva pAduke tvam || 17\.3|| 583|| vivR^iNoti ra~NgapatiratnapAduke tvayi padmarAgamanipaddhatiH shubhA | nibiDorusa~NghaTanapIDanakSharanmadhukaiTabhakShatajapa~NkavAsanAm || 17\.4|| 584|| pratiyanti ra~NgapatipAduke janA\- stava padmarAgamaNirashmisantatim | abhijagmuShAM tvadanubhAvakhaNDitA\- daghasa~nchayAdvigalitAmasR^ikChaTAm || 17\.5|| 585|| pashyanti ra~NgeshvarapAduke tvAM paurA~NganAH sparshitarAgabandhAm | shR^i~NgArayonerjvalanasya dIptaira~NgArajAlairiva padmarAgaiH || 17\.6|| 586|| avaimi doShApagamasya hetuM tamopahAM sambhR^itapadmarAgAm | asheShavandyAM maNipAduke tvAM ra~NgeshasUryodayapUrvasandhyAm || 17\.7|| 587|| avApya pAdAvani ra~NgabhartuHpAdAmbuje pallavasaMstarAbhAm | tvatpadmarAgadyutayo bhajante kAlAnalatvaM kalushAmbudhernaH || 17\.8|| 588|| nisargasiddhaM maNipAdarakShe devasya ra~NgAvasathapriyasya | bAlArkavarNAH padapadmarAgaM tvatpadmarAgAH punaruktayanti || 17\.9|| 589|| padena vishvaM maNipAdarakShe patnyA samaM pAlayato murAreH | yashaHpayodhau parikalpayanti pravAlashobhAM tava padmarAgAH || 17\.10|| 590|| archiShmatI kA~nchanapAdarakShe prastauti te pATalaratnapa~NktiH | rekhArathA~Ngasya mahaHprapa~nchaM ra~NgeshapAdAmbujamadhyabhAjaH || 17\.11|| 591|| tvayaiva pAdAvani shoNaratnairbAlAtapaM nUnamudIrayantyA | padmApateH pAdatalaprarUDhaM rekhAmbujaM nityamabhUdanidram || 17\.12|| 592|| nityaM nijAlokapathaM gatAnAM shreyo dishantI shritapadmarAgAm | mahIyasIM mAdhavapAdarakShe manyAmahe ma~NgaladevatAM tvAm || 17\.13|| 593|| devasya ra~Ngarasikasya vihAraheto\- rAtmAnama~Nghrikamale vinivedya pUrvam | prAyo nivedayasi shoNamaNiprakAshaiH pratyUShapadmakalikAM padarakShiNi tvam || 17\.14|| 594|| pratyaDmayasya haviShaH praNavena devi prakShepaNAya paramArthavidAM munInAm | prAjyAM mukundacharaNAvani padmarAgaiH paryAyapAvakashikhAM bhavatIM pratImaH || 17\.15|| 595|| sampadyate tava padAvani padmarAgaiH prasthAnamA~NgalikahomahutAshanashrIH | kShIrAhutirbhavati yatra vikalpaga~NgA ra~Ngeshvarasya ruchirA nakharashmidhArA || 17\.16|| 596|| Amu~nchatAmaruNayAvakapa~NkalakShmIM shoNAshmanAM tava padAvani kAntiyogAt | padmAsahAyapadapadmanakhAH shrayante sandhyAnura~njitasudhAkarabimbashobhAm || 17\.17|| 597|| sthAne tavAchyutapadAvani padmarAgA\- stejomayAH prashamayanti tamo madIyam | chitraM tadetadiha yajjanayanti nityaM rAgAtmakena mahasA rajaso nivR^ittim || 17\.18|| 598|| padmAkarAntaravikAsini ra~NgabhartuH pItvA padAvani madhUni padAravinde | shoNopaladyutimayIM subhagaprachArAM manye bibharShi mahatIM madarAgashobhAm || 17\.19|| 599|| pAdAvani prasR^imarasya kaleryugasya prAyeNa sa.nprati nivArayituM pravesham | shrIra~NgasImni tava shoNamaNiprasUtaH prAkAramagnimayamArabhate prakAshaH || 17\.20|| 600|| lIlAgR^ihAntaravihAriNi ra~NganAthe lAkShArasairaruNaratnamayUkhalakShyaiH | prAyeNa ra~njayati pAdasarojayugmaM sairandhrikeva bhavatI maNipAdarakShe || 17\.21|| 601|| ra~Ngeshiturviharato maNipAdarakShe rathyAntare sumanasaH parikIryamANAH | tvatpadmarAgakiraNachChuraNAdbhajante sandhyAtapAntaritatArakapa~NktilakShmIm || 17\.22|| 602|| ra~NgAdhirAjapadarakShiNi bibhratastvAM ga~NgAtara~Ngavimale girishasya maulau | saMvardhayanti mahasA tava padmarAgAH shailAtmajAcharaNayAvakapa~NkalakShmIm || 17\.23|| 603|| sharaNamupagatAnAM sharvarIM moharUpAM shamayitumudayasthAnmanmahe bAlasUryAn | padasarasijayogAdra~NganAthasya bhUyaH pariNamadaruNimnaH pAduke padmarAgAn || 17\.24|| 604|| haripadaruchirANAM pAduke tAvakAnA\- maruNamaNigaNAnAM nUnamardhendumauliH | praNatisamayalagnAM vAsanAmeva dhatte kalamakaNishakAntirapardhinIbhirjaTAbhiH || 17\.25|| 605|| prativiharaNamete pAduke ra~NgabhartuH padakamalasagandhAH padmarAgAstvadIyAH | taruNatapanamaitrImudvahadbhirmayUkhaiH sthalakamalavibhUtiM sthApayantyavyavasthAm || 17\.26|| 606|| ayamanitarabhogAn ra~njayan vItarAgA\- naruNamaNigaNAnAM tAvakAnAM prakAshaH | madhuripupadarakShe ma~NkShu jAjvalyamAnaH shalabhayati janAnAM shAshvataM pAparAshim || 17\.27|| 607|| prachuranigamagandhAH pAduke ra~NgabhartuH padakamalasamR^iddhiM pratyahaM bhAvayantaH | dadhati shakalayanto gADhamantastamisraM samuchitamaruNatvaM tAvakAH padmarAgAH || 17\.28|| 608|| lAkShAlakShmImadhuraruchake ra~NgiNaH pAdarakShe vaktrAmbhoje madapariNatiM padmarAgadyutiste | karNopAnte kisalayaruchiM devi sevAnatAnAM sImante cha tridashasudR^ishAM sauti sindhUrashobhAm || 17\.29|| 609|| aruNamaNayastavaite haripadarAgeNa labdhamahimAnaH | gamayanti charaNarakShe dyumaNigaNaM jyotiri~NgaNatAm || 17\.30|| 610|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NgAnAthapAdukAsahasre padmarAgapaddhatiH saptadashI || \section{18\. muktApaddhatiH (50)} baddhAnAM yatra nityAnAM muktAnAmIshvarasya cha | pratyakShaM sheShasheShitvaM sA me sid.hdhyatu pAdukA || 18\.1|| 611|| tava ra~NgadhurINapAdarakShe vimalA mauktikapaddhatirvibhAti | suhR^idi tvayi sAdhitApavargaiH samaye sa~Nkramiteva sAdhukR^ityA || 18\.2|| 612|| sharaNAgatasasyamAlinIyaM tava muktAmaNirashminirjharaughaiH | nanu ra~NgadhurINapAdarakShe jagatI nityamadaivamAtR^ikA.abhUt || 18\.3|| 613|| adhiviShNupadaM parisphurantI navamuktAmaNinirmalaprakAshA | paripuShyasi ma~NgalAni puMsAM pratipachchandrakaleva pAduke tvam || 18\.4|| 614|| nihitA navamauktikAvalistvA\- mabhitaH kA~nchanapAduke murAreH | nakhachandramasAM padAshritAnAM pratimAchandraparampareva bhAti || 18\.5|| 615|| samatAmupaiti vapuShA.api sadA bhavadIyamauktikamahashChuritA | haripAduke haripadodbhavayA kanakApagA surapurApagayA || 18\.6|| 616|| tava ra~NgachandratapanIyapAduke vimalA samudvahati mauktikAvaliH | charaNAravindanakhachandramaNDala\- praNayopayAtanavatArakAruchim || 18\.7|| 617|| chandrachUDamakuTena lAlitA chArumauktikamayUkhapANDarA | ra~NganAthapadapadmasa~NginI lakShyase suradhunIva pAduke || 18\.8|| 618|| ye bhajanti bhavatIM tavaiva te mauktikadyutivikalpaga~NgayA | vardhayanti madhuvairipAduke maulichandrashakalasya chandrikAm || 18\.9|| 619|| muktAmayUkhairniyataM tvadIyai\- rApUrayiShyannavataMsachandram | bibharti ra~NgeshvarapAdarakShe devo mahAn darshitasannatistvAm || 18\.10|| 620|| pariShkR^itA mauktikarashmijAlaiH padasya goptrI bhavatI murAreH | bhavatyanekormisamAkulAnAM puMsAM tamassAgarapotapAtrI || 18\.11|| 621|| ra~NgeshapAdapratipannabhogAM ratnAnuviddhairmahitAM shirobhiH | muktAvadAtAM maNipAduke tvAM mUrtiM bhuja~NgAdhipateH pratImaH || 18\.12|| 622|| mukundapAdAvani mauktikaiste jyotsnAmayaM vishvamidaM divA.api | vaimAnikAnAM na bhajanti yena vyAkochatAma~njalipadmakoshAH || 18\.13|| 623|| samAshritAnAmanaghAM vishuddhiM trAsavyapAyaM cha vitanvatI tvam | sAyujyamApAdayasi svakIyai\- rmuktAphalairmAdhavapAduke naH || 18\.14|| 624|| avaimi pAdAvani mauktikAnAM kIrNAmudagraiH kiraNaprarohaiH | yAtrotsavArthaM vihitAM murAre\- rabha~NgurAma~NkrurapAlikAM tvAm || 18\.15|| 625|| shivatvahetuM sakalasya jantoH srotovisheShaiH subhagAmasa~NkhyaiH | muktAmayUkhaiH surasindhumanyAM puShNAsi ra~NgeshvarapAduke tvam || 18\.16|| 626|| ra~NgeshayAnasya padAvani tvAM lAvaNyasindhoH savidhe niShaNNAm | parisphuranmauktikajAladR^ishyAM prasUtibhinnAM pratiyanti shuktim || 18\.17|| 627|| avaimi ra~NgeshvarapAdarakShe muktAphalAni tvayi nistulAni | tenaiva kalpAntaratArakANA\- muptAni bIjAni jagadvidhAtrA || 18\.18|| 628|| vikramyamANamabhavat kshaNamantarikShaM mAyAvinA bhagavatA maNipAdarakShe | vyomApagAvipulabudbudadarshanIyai\- rmuktAphalaistava shubhaiH punaruktatAram || 18\.19|| 629|| lakShmIvihArarasikena padAvani tvaM rakShAvidhau bhagavatA jagato niyuktA | yattvaM tadarhamiva darshayasi prabhUtaM ## var ## sattvaM muktAmayUkhanikareNa visR^itvareNa || 18\.20|| 630|| pAdArpaNena bhavatIM pratipadyamAne shrIra~Ngachandramasi sambhR^itamauktikashrIH | a~NgIkaroShi charaNAvani kAntimagryA\- mudbhidyamAnakumudeva kumudvatI tvam || 18\.21|| 631|| trayyantaharmyatalavarNasudhAyitena jyotsnAikalpitaruchA maNipAduke tvam | muktAmayI murabhida~NghrisarojabhAjAM varNena te shamayasIva satAmavarNam || 18\.22|| 632|| vaikuNThapAdanakhavAsanayeva nityaM pAdAvani prasuvate tava mauktikAni | achChinnatApashamanAya samAshritAnA\- mAlokamaNDalamiShAdamR^itapravAham || 18\.23|| 633|| rAmAnuvR^ittijaTile bharatasya maulau ra~NgAdhirAjapadapa~NkajarakShiNi tvam | ekAtapatritajagatritayA dvitIyaM muktAMshubhiH kR^itavatI navamAtapatram || 18\.24|| 634|| pAdAvani sphuTamayUkhamadhupravAhA mugdhA parisphurati mauktikapaddhatiste | rUDhasya ra~NgapatipAdasarojamadhye rekhAtmanaH surataroriva puShpapa~NktiH || 18\.25|| 635|| AmreDitaiH padanakhenduruchA manoj~nai\- rmuktAMshubhirmurabhido maNipAduke tvam | svAbhAvikIM sakalajantuShu sArvabhaumIM prAyaH prasaktimamalAM prakaTikaroShi || 18\.26|| 636|| nissImapa~NkamalinaM hR^idayaM madIyaM nAthasya ra~NgavasateradhiroDhumichChoH | mAtastavaiva sahasA maNipAdarakShe muktAMshavaH sphaTikasaudhatulAM nayanti || 18\.27|| 637|| shyAmA tanurbhagavataH pratipannatArA tvaM chandrikA vimalamauktikadarshanIyA | sthAne tadetadubhayaM maNipAdarakShe bodhaM kShaNAnnayati buddhikumudvatIM naH || 18\.28|| 638|| udgADhapa~NkashamanairmaNipAdarakShe muktAMshubhirmurabhido nakharashmibhinnaiH | chUDApadeShu nihitA tridasheshvarANAM tIrthodakaiH snapayasIva padArthinastAn || 18\.29|| 639|| ra~NgeshapAdanakhachandrasudhAnulepaM sa.nprApya siddhagulikA iva tAvakInAH | saMsArasa~njvarajuShAM maNipAdarakShe sa~njIvanAya jagatAM prabhavanti muktAH || 18\.30|| 640|| bhAvottarairadhigatA bharatapradhAnaiH pratyuptamauktikamiSheNa vikIrNapuShpA | ra~Ngeshvarasya niyataM tvayi lAsyabhAjo ra~NgasthalIva lalitA maNipAduke tvam || 18\.31|| 641|| manye mukundacharaNAvani maulideshe vinyasya devi bhavatIM vinatasya shambhoH | ApAdayantyadhikR^itAH pratipannatAraM chUDAtuShArakiraNaM tava mauktikaughaiH || 18\.32|| 642|| padmApaterviharataH priyamAcharantI muktAmayUkhanivahaiH purato vikIrNaiH | kandAni kA~nchanapadAvani padminInAM manye vinikShipasi mandiradIrghikAsu || 18\.33|| 643|| AshAsya nUnamanaghAM maNipAdarakShe chandrasya vAridhisutAsahajasya vR^iddhim | dhAtrIM mukundapadayoranapAyinIM tvAM jyotsnA samAshrayati mauktikapa~NktilakShyAt || 18\.34|| 644|| ye nAma ke.api bhavatIM vinayAvanamrai\- ruttaMsayanti kR^itinaH kshaNamuttamA~NgaiH | i(R^i)chChanti ra~NganR^ipatermaNipAdarakShe tvanmauktikaughaniyatAmiha te vishuddhim || 18\.35|| 645|| anudinalalitAnAma~NgulIpallavAnAM janitamukulashobhairdevi muktAphalaistvam | prakaTayasi janAnAM pAduke ra~NgabhartuH padasarasijarekhApA~nchajanyaprasUtim || 18\.36|| 646|| balivimathanavelAvyApinastasya viShNoH padasarasijamAdhvI pAvanI devi nUnam | jananasamayalagnAM jAhvavI tAvakAnAM vahati charaNarakShe vAsanAM mauktikAnAm || 18\.37|| 647|| madhuripupadamitrairvairamindoH sarojaiH shamayitumiva tArAH sevamAnAshchiraM tvAm | prachurakiraNapUrAH pAduke saMshritAnAM kalikaluShamasheShaM kShAlayantIva muktAH || 18\.38|| 648|| mukulitaparitApAM prANinAM mauktikaiH svai\- ramR^itamiva duhAnAmAdriye pAduke tvAm || 18\.39|| 649|| sakR^idapi vinatAnAM trAsamunmUlayantIM tribhuvanamahanIyAM tvAmupAshritya nUnam | na jahati nijakAntiM pAduke ra~Ngabhartu\- shcharaNanakhamaNInAM sannidhau mauktikAni || 18\.40|| 650|| bhuvanamidamasheShaM bibhrato ra~NgabhartuH padakamalamidaM te pAduke dhArayantyAH | chiraviharaNakhedAt sambhR^itAnAM bhajanti shramajalakaNikAnAM sampadaM mauktikAni || 18\.41|| 651|| prakaTitayashasAM te pAduke ra~Ngabhartu\- rdviguNitanakhachandrajyotiShAM mauktikAnAm | karaNavilayavelAkAtarasyAsya jantoH shamayati paritApaM shAshvatI chandrikeyam || 18\.42|| 652|| divyaM dhAma sthiramabhiyatAM devi muktAmaNInAM madhye kashchidbhavati madhujitpAduke tAvakAnAm | nyasto nityaM nijaguNagaNavyaktihetorbhavatyA\- mAtmajyotishshamitatamasAM yoginAmantarAtmA || 18\.43|| 653|| shuddhe nityaM sthirapariNatAM devi viShNoH pade tvA\- mAsthAnIM tAmamitavibhavAM pAduke tarkayAmi | AlokaiH svairbhuvanamakhilaM dIpavadvyApya kAmaM muktAH shuddhiM yadupasadanAd bibhrati trAsahInAH || 18\.44|| 654|| prAptA shaureshcharaNakamalaM pAduke bhaktibhAjAM pratyAdeShTuM kimapi vR^ijinaM prApitA maulibhAgam | devena tvaM dashashatadR^ishA dantirAjasya dhatse mUrdhni nyastA mukhapaTaruchiM mauktikAnAmprabhAbhiH || 18\.45|| 655|| tava haripAduke pR^ithulamauktikaratnabhuvaH prachaladamartyasindhulaharIsahadharmacharAH | padamajarAmaraM vidadhate kathamamba satAM praNatasurendramaulipalita~NkaraNAH kiraNAH || 18\.46|| 656|| kaparde kasyApi kShitidharapadatrAyiNi tathA muhurga~NgAmanyAM kSharati tava muktAmaNimahaH | mudhArambhaH kumbhasthalamanukalaM si~nchati yathA nirAlambo lambodarakalabhashuNDArachulakaH || 18\.47|| 657|| mukundapadarakShiNi praguNadIptayastAvakAH kSharantyamR^itanirjharaM kamapi mauktikagranthayaH | manAgapi manIShiNo yadanuSha~NginastatkShaNA\- jjarAmaraNadanturaM jahati hanta tApatrayam || 18\.48|| 658|| devaH shrIpadalAkShayA tilakitastiShThatyuparyeva te gaurIpAdasarojayAvakadhanI mUle samAlakShyate | itthaM jalpati durmadAnmurabhidaH shuddhAntacheTIjane prAyastvaM maNipAduke prahasitA muktAmayUkhachChalAt || 18\.49|| 659|| ra~NgeshacharaNarakShA sA me vidadhAtu shAshvatIM shuddhim | yanmauktikaprabhAbhiH shvetadvIpamiva sahyajAdvIpam || 18\.50|| 660|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre muktApaddhatiraShTAdashI || \section{19\. marakatapaddhatiH (20)} vande gArutmatIM vR^ittyA maNistomaishcha pAdukAm | yayA nityaM tulasyeva haritatvaM prakAshyate || 19\.1|| 661|| savilAsagateShu ra~Ngabhartu\- stvadadhIneShu bahiShkR^ito garutmAn | adhigachChati nirvR^itiM katha~nchi\- nnijaratnaistvayi pAduke niviShTaiH || 19\.2|| 662|| samaye maNipAduke murAre\- rmuhurantaHpuramugdhacheTikAste | haritAn haridashmanAM mayUkhAM\- stulasIpallavasha~NkayA kShipanti || 19\.3|| 663|| haritaH sahasA harinmaNInAM prabhayA ra~NganarendrapAdarakShe | tulasIdalasampadaM dadhAti tvayi bhaktairnihitaH prasUnarAshiH || 19\.4|| 664|| prasAdayantI maNipAduke tvaM vikshepayogena vihAravelAm | harinmanoj~nA harikAntisindhoH sandR^ishyase shaivalama~njarIva || 19\.5|| 665|| badhnAsi ra~NgeshvarapAdarakShe harinmaNInAM prabhayA sphurantyA | chUDApadeShu shrutisundarINAM mA~NgalyadUrvA~NkuramAlyapa~Nktim || 19\.6|| 666|| achChedyarashminiyatairghaTitA haridbhiH sadvartmanA gatimatI maNipAdarakShe | sandR^ishyase savitR^imaNDalamadhyabhAjo ra~Ngeshvarasya rathasampadivAparA tvam || 19\.7|| 667|| shyAmAyamAnanigamAntavanopakaNThAH sthAne padAvani harinmaNayastvadIyAH | paryantashAdvalavatIM prathayanti nityaM nArAyaNasya ruchirAM nakharashmiga~NgAm || 19\.8|| 668|| uddishya kAmapi gatiM maNipAdarakShe ra~Ngeshvarasya charaNe viniveshitAtmA | prAyo harinmaNiruchA dR^iDhabhaktibandhA prAduShkaroti bhavatI tulasIvanAni || 19\.9|| 669|| sevArthamAgatavatAM tridasheshvarANAM chUDAmaNiprakarashAliShu mauliShu tvam | saMvartayasyasuramardanapAdarakShe svenAshmagarbhamahasA shukapa~NktishobhAm || 19\.10|| 670|| darapariNatadUrvAvallarInirvisheShai\- rmarakatashakalAnAM mAMsalairaMshujAlaiH | pashupatividhR^itA tvaM tasya pANau niShaNNaM madhuripupadarakShe va~nchayasyeNashAvam || 19\.11|| 671|| haricharaNasarojanyAsayogyaM bhavatyAH praguNamabhilaShantyo varNalAbhaM tulasyaH | pratidinamupahAraiH pAduke tAvakAnAM maratakashakalAnAmAshrayante mayUkhAn || 19\.12|| 672|| haritamaNimayUkhaira~nchitAdhyAtmagandhai\- rdishasi charaNarakShe jAtakautUhalA tvam | danujamathanalIlAdArikANAmudArAM damanakadalapa~NktiM devi maulau shrutInAm || 19\.13|| 673|| adhigatabahushAkhairashmagarbhaprasUtai\- rmadhuripupadarakShe mechakairaMshujAlaiH | anitarasharaNAnAM nUnamAraNyakAnAM kimapi janayasi tvaM kIchakAraNyadurgam || 19\.14|| 674|| prachuranigamashAkhAM pAduke ra~NgiNastvAM charaNanakhamayUkhaishchArupuShpAnubandhAm | maratakadalaramyAM manmahe sa~njarantIM kanakasaridanUpe kA~nchidudyAnalakShmIm || 19\.15|| 675|| nakhakiraNanikAyairnityamAvirmR^iNAle mahitarasavisheShe mechakairaMshubhiste | parikalayasi ramyAM pAduke ra~NgabhartuH padakamalasamIpe padminIpatrapa~Nktim || 19\.16|| 676|| animiShayuvatInAmArtanAdopashAntyai tvayi vinihitapAde lIlayA ra~NganAthe | dadhati charaNarakShe daityasaudhAni nUnaM marakataruchibhiste ma~NkShu dUrvA~NkurANi || 19\.17|| 677|| vipulatamamahobhirvItadoShAnuSha~NgaM vilasaduparinailyaM devi viShNoH padaM tat | pR^ithumarakatadR^ishyAM prApya pAdAvani tvAM prakaTayati samantAt sa.nprayogaM haridbhiH || 19\.18|| 678|| padmAbhUmyoH praNayasaraNiryatra paryAyahInA yatsaMsargAdanaghacharitAH pAduke kAmachArAH | tArAsaktaM tamiha taruNaM prINayante jaratyo nityashyAmAstava maratakairnUnamAmnAyavAchaH || 19\.19|| 679|| sthalakamalInIva kAchichcharaNAvani bhAsi kamalavAsinyAH | yanmaratakadalamadhye yaH kashchidasau samIkShyate shauriH || 19\.20|| 680|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre maratakapaddhatirekonaviMshI || \section{20\. indranIlapaddhatiH (30)} hariNA harinIlaishcha pratiyatnavatIM sadA | ayatnalabhyanirvANAmAshraye maNipAdukAm || 20\.1|| 681|| hariratnamarIchayastavaite navanIlIrasanirvisheShavarNAH | shrutimUrdhani shauripAdarakShe palitAnudbhavabheShajaM bhavanti || 20\.2|| 682|| alakairiva bimbitaiH shrutInAM harinIlaiH sR^ijasi tvamunmayUkhaiH | kamalAdayitasya pAdarakShe karuNodanvati shaivalaprarohAn || 20\.3|| 683|| anaghairharinIlapaddhatInAM prathamAnairmaNipAduke mayUkhaiH | adharIkuruShe rathA~NgapANeramitAmUrdhvamavasthitasya kAntim || 20\.4|| 684|| charaNAvani bhAti sahyakanyA harinIladyutibhistavAnuviddhA | vasudevasutasya ra~NgavR^itteryamuneva svayamAgatA samIpam || 20\.5|| 685|| avadhIritadevatAntarANAmanaghaistvaM maNipAduke mayUkhaiH | harinIlasamudbhavairvidhatse harisArUpyamayatnato janAnAm || 20\.6|| 686|| netreShu puMsAM tava pAdarakShe nIlAshmabhAsA nihitA~njaneShu | shriyA samaM saMshritara~Ngakosho nidhiH svayaM vyaktimupaiti nityam || 20\.7|| 687|| abha~NgurAmachyutapAdarakShe mAnyAM mahAnIlaruchiM tvadIyAm | nishshreyasadvArakavATikAyAH sha~Nke samutpAnaku~nchikAM naH || 20\.8|| 688|| ## var ## samudDhATana jIvayatyamR^itavarShiNI prajAstAvakI danujavairipAduke | ghorasaMsaraNagharmanAshinI kAlikeva harinIlapaddhatiH || 20\.9|| 689|| shatamakhopalabha~NgamanoharA viharase muramardanapAduke | maNikirITagaNeShu divaukasAM madhukarIva manoharapa~NktiShu || 20\.10|| 690|| anvichChatAM kimapi tattvamananyadR^ishyaM samyakprakAshajananI dhR^itakR^iShNarUpA | pAdAvani sphurasi vAsavaratnaramyA madhye samAdhinayanasya kanInikeva || 20\.11|| 691|| mAtaH salIlamadhigamya vihAravelAM kAntiM samudvahasi kA~nchanapAduke tvam | lakShmIkaTAkSharuchirairharinIlaratnai\- rlAvaNyasindhupR^iShatairiva ra~NgadhAmnaH || 20\.12|| 692|| klR^iptAvakuNThanavidhirmaNipAdarakShe nIlAMshukairvalabhidashmasamudbhavaiste | sa~NgachChate munijanasya matiH samAdhau rAtrau samastajagatAM ramaNena lakShmyAH || 20\.13|| 693|| draShTuM kadAchana padAvani naiva jantuH shaknoti shAshvatanidhiM nihitaM guhAyAm | kR^iShNAnurUpaharinIlavisheShadR^ishyA siddhA~njanaM tvamasi yasya na devi dR^iShTeH || 20\.14|| 694|| pratyemi ra~NganR^ipatermaNipAduke tvAM kR^iShNAntara~NgaruchirbhirharinIlaratnaiH | vishvAparAdhasahanAya padaM tadIyaM vishvambharAM bhagavatIM samaye bhajantIm || 20\.15|| 695|| matvA maShIM parimitAM bhavatI tadanyAM vaikuNThapAdarasike maNipAduke svAn | a~Nkte svayaM kiraNalepibhirindranIlai\- rAshAtaTeShu lalitAnapadAnavarNAn || 20\.16|| 696|| valamathanamaNInAM dhAmabhistAvakAnAM madhuripupadarakShe vAsarairavyapetA | abhisaraNaparANAM vallavInAM tadA.a.asI\- chChamitagurubhayArtiH sharvarI kAchidanyA || 20\.17|| 697|| shatamakhamaNibha~NgairunmayUkhairdishantI sharaNamupagatAnAM ra~NganAthena sAmyam | prathayasi jagati tvaM pAduke haitukAnA\- mupaniShadupagItAM tatkratunyAyavArtAm || 20\.18|| 698|| paricharati vidhau tvAM pAduke ra~NgabhartuH padasarasijabhR^i~NgairbhAsurairindranIlaiH | prakaTitayamunaughA bhaktinamrasya shambhoH pariNamayasi chUDAviShNupadyAHprayAgam || 20\.19|| 699|| padakisalayasa~NgAtpAduke patralashrI\- rnakhamaNibhirudArairnityaniShpannapuShpA | shatamakhamaNinIlA shaurilAvaNyasindho\- rnibiDatamatamAlA kA.api velAvanI tvam || 20\.20|| 700|| tvayi vinihitametat ke.api pashyanti mandAH shatamakhamaNijAlaM shAr~NgiNaH pAdarakShe | vayamidamiha vidmaH prANinAM bhAvukAnAM hR^idayagR^ihaguhAbhyaH pItamandhaM tamisram || 20\.21|| 701|| klR^iptashyAmA maNibhirasitaiH kR^iShNapakSheNa juShTA shreyaH puMsAM janayasi gatiM dakShiNAmudvahantI | tenAsmAkaM prathayasi paraM pAduke tattvavidbhi\- rmaulau dR^iShTAM nigamavachasAM muktikAlAvyavasthAm || 20\.22|| 702|| sadbhirjuShTA samuditavidhurjaitrayAtrAvinode\- ShvAtanvAnA rajanimanaghAmindranIlAMshujAlaiH | chitraM khyAtA kumudavanataH pAduke puShyasi tvaM vyAkochatvaMvibudhavanitAvaktrapa~NkeruhANAm || 20\.23|| 703|| nityaM lakShmInayanaruchibhiH shobhitA shakranIlaiH sAlagrAmakShitiriva shubhaiH shAr~NgiNo rUpabhedaiH | sAketAdeH samadhikaguNAM sampadaM darshayantI muktikShetraM munibhirakhilaiH pAduke gIyase tvam || 20\.24|| 704|| pAdanyAsapriyasahacharIM pAduke vAsagehA\- ttvAmAruhya trichaturapadaM nirgate ra~NganAthe | antaHsnigdhairasuramahilAveNivikShepamitraiH shyAmachChAyaM bhavati bhavanaM shakranIlAMshubhiste || 20\.25|| 705|| yA te bAhyA~NgaNamabhiyataH pAduke ra~NgabhartuH sa~nchAreShu sphurati vitatiH shakranIlaprabhAyAH | viShvaksenaprabhR^itibhirasau gR^ihyate vetrahastai\- rbhrUvikshepastava diviShadAM nUnamAhvAnahetuH || 20\.26|| 706|| akShNora~njanakalpanA yavanikA lAsyaprasUtergate\- shchidga~NgAyamunA mukundajaladhervelAtamAlATavI | kAntAkuntalasantatiH shrutivadhUkastUrikAla~NkriyA nityaM ratnapadAvani sphurati te nIlA maNishreNikrA || 20\.27|| 707|| nirantarapurandaropalabhuvaM dyutiM tAvakI\- mavaimi maNipAduke saraNisa~NginIM ra~NgiNaH | tadIyanavayauvanadviradamallagaNDasthalI\- galanmadajhala~njhalAbahulakajjalashyAmikAm || 20\.28|| 708|| pratImastvaM pAdAvani bhagavato ra~Ngavasate\- rghanIbhUtAmitthaM padakamalamAdhvIpariNatim | sphurantaH paryante madagarimaniShpandamadhupa\- prasaktiM yatraite vidadhati mahAnIlamaNayaH || 20\.29|| 709|| namatAM nijendranIla\- prabhavena mukundapAduke bhavatI | tamasA nirasyati tamaH kaNTakamiva kaNTakenaiva || 20\.30|| 710|| iti kavitArkikasiMhasya sarvatantrasvatantrasya shrImadva~NkeTanAthasya shrImadvedAntAchAryasya kR^itiShu shrIra~NganAthapAdukAsahasre indranIlapaddhatirviMshI || \section{21\. bimbapratibimbapaddhatiH (20)} shaureH shuddhAntanArINAM vihAramaNidarpaNam | prasatteriva saMsthAnaM padatrANamupAsmahe || 21\.1|| 711|| kamalApatipAduke kadAchi\- dvihagendrastvayi bimbito bibhAti | savilAsagate.api ra~Ngabhartu\- rnijamAtmAnamivopadhAtukAmaH || 21\.2|| 712|| maNipa~NktiShu te dishAmadhIshAH pratibimbAni nijAni vIkShamANAH | abhiyanti mukundapAduke tvA\- madhikArAntarasR^iShTisha~Nkayeva || 21\.3|| 713|| maNimaulishatena bimbitena praNatAnAM paritaH surAsurANAm | murabhinmaNipAduke mahimnA yugapat teShu samarpiteva bhAsi || 21\.4|| 714|| upanItamupAyanaM surendraiH pratibimbachChalatastvayi praviShTam | svayameva kila prasAdabhUmnA pratigR^ihNAsi mukundapAduke tvam || 21\.5|| 715|| ra~Ngeshvarasya navapallavalobhanIyau pAdau kathannu kaThinA svayamudvaheyam | ityAkalayya niyataM maNipAduke tvaM padmAstaraM vahasi tatpratibimbalakShAt || 21\.6|| 716|| pAdArpaNAtprathamato haridashmaramye madhye tava pratiphalanmaNipAdarakShe | manye nidarshayati ra~NgapatiryugAnte nyagrodhapatrashayitaM nijameva rUpam || 21\.7|| 717|| yAtrAvasAnamadhigachChati ra~NganAthe vishrANayasyanupadaM maNipAduke tvam | prAyaH prayANasamaye pratibimbitAnAM tIrthAvagAhamaparaM tridasheshvarANAm || 21\.8|| 718|| uchchAvacheShu tava ratnagaNeShu mAta\- rvedhAH prayANasamaye pratibimbitA~NgaH | Asha~Nkate murabhido maNipAduke tvA\- ## var ## madhubhido mAgAmikalpakamalAsanapa~NktigarbhAm || 21\.9|| 719|| AlokarashminiyatAM maNipAduke tvA\- mAruhya sa~ncharati ra~Ngapatau salIlam | antaHpureShu yugapatsudR^isho bhajante DolAdhirohaNarasaM tvayi bimbitA~NgyaH || 21\.10|| 720|| kAleShu rAghavapadAvani bhaktinamraH kAryANi devi bharato vinivedayaMste | tvadratnabimbatatayA.api muhuH svakIyAM rAjAsanasthitimavekShya bhR^ishaM lalajje || 21\.11|| 721|| pratyAgate vijayini prathame raghUNAM vinyasyati tvayi padaM maNipAdarakShe | ratnaughabimbitanishAcharavAnarAM tvAM pUrvakShaNasthamiva puShpakamanvapashyan || 21\.12|| 722|| vaiyAkulIM shamayituM jagato vahantyA rakShAdhurAM raghudhrurandharapAdarakShe | prAjyaM yashaH prachurachAmarabimbalakShA\- tprAyastvayA kabalitaM pratibhUpatInAm || 21\.13|| 723|| pratidishamupayAte devi yAtrotsavArthaM tvayi viharaNakAle bimbite jIvaloke | vahasi maNigaNaistvaM pAduke ra~NgabhartuH kabalitasakalArthAM kA~nchidanyAmavasthAm || 21\.14|| 724|| bhagavati garuDasthe vAhanasthAH surendrA\- stvayi vinihitapAde bhUmimevAshrayanti | tadapi charaNarakShe ratnajAle tvadIye pratiphalitanijA~NgAstulyavAhA bhavanti || 21\.15|| 725|| svachChAkArAM surayuvatayaH svapratichChandalakShA\- dgAhante tvAM praNatisamaye pAduke sAbhimAnAH | strIratnAnAM paribhavavighau sR^iShTimAtreNa dakShAM nIchaiHkartuM narasakhamunerurvashImUrujAtAm || 21\.16|| 726|| svechChAkelipriyasahacharIM svachCharatnAbhirAmAM sthAne sthAne nihitacharaNo nirvishan ra~NganAthaH | sa~nchArAnte saha kamalayA sheShashayyAdhirUDha\- styaktvA.api tvAM tyajati na punaH svapratichChandalakShAt || 21\.17|| 727|| tvAmevaikAmadhigatavataH kelisa~nchArakAle pArshve sthitvA vinihitadR^ishoH pAduke.ananyalakShyam | tvadratneShu pratiphalitayornityalakShyaprasAdA padmAbhUmyordishati bhavatI pAdasevAM murAreH || 21\.18|| 728|| ekAmekaH kila niravishatpAduke dvArakAyAM krIDAyogIkR^itabahutanuH ShoDashastrIsahasre | shuddhe devi tvadupanihite bimbitoratnajAle bhu~Nkte nityaM sa khalu bhavatIM bhUmikAnAM sahasraiH || 21\.19|| 729|| haripadanakheShu bhavatI pratiphalati tavaitadapi ratneShu | uchitA mithaH padAvani bimbapratibimbatA yuvayoH || 21\.20|| 730|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre bimbapratibimbapaddhatirekaviMshI || \section{22\. kA~nchanapaddhatiH (20)} kalyANaprakR^itiM vande bhajantIM kA~nchanashriyam | padArhAM pAdukAM shaureH pada eva niveshitAm || 22\.1|| 731|| madhujittanukAntitaskarANAM jaladAnAmabhayaMvidhAtukAmA | chapaleva tada~NghrimAshrayantI bhavatI kA~nchanapAduke vibhAti || 22\.2|| 732|| nikaShIkR^itaramyakR^iShNaratnA bhavatI kA~nchanasampadaM vyanakti | paripuShyati pAduke yadIkShA sahasA naH samaloShTakA~nchanatvam || 22\.3|| 733|| surabhirnigamaiH samagrakAmA kanakotkarShavatI padAvani tvam | dishasi pratipannamAdhavashrIranishonnidramashokavaibhavaM naH || 22\.4|| 734|| sati varNaguNe suvarNajAte rjagati ravyAtamasaurabhAdavarNam | shrutisaurabhashAlinA svahemnA bhavatI shauripadAvani vyudAsthat || 22\.5|| 735|| pratipannamayUrakaNThadhAmnA parishuddhena padAvani svakena | kamalAstanabhUShaNochitaM tadbhavatI ratnamala~Nkaroti hemnA || 22\.6|| 736|| kAntyA paraM puruShamApraNakhAt suvarNaM kartuM kShamA tvamasi kA~nchanapAdarakShe | anyAdR^ishIM dishasi yA vinatasya dUrA\- dAragvadhastabakasampadamindumauleH || 22\.7|| 737|| chandrAkR^itiH kathamakalpayathAstadAnIM vaimAnikapraNayinIvadanAmbujAnAm | vikrAntikAlavitatena nijena dhAmnA bAlAtapaM balivimardanapAduke tvam || 22\.8|| 738|| lebhe tadAprabhR^iti nUnamiyaM bhavatyAH kAntyA kaveratanayA kanakApagAtvam | yAvanmukundapadahemapadAvani tvaM puNyaM vibhUShitavatI pulinaM tadIyam || 22\.9|| 739|| chitraM sarojanilayAsahitasya shaure\- rvAsochitAni charaNAvani saMvidhitsoH | sadyo vikAsamupayAnti samAdhibhAjAM chandrAtapena tava mAnasapa~NkajAni || 22\.10|| 740|| tvayyeva pAdamadhiropya navaM pravAhaM nAthe padAvani nishAmayituM pravR^itte | AtmIyakA~nchanaruchA bhavatI vidhatte hemAravindabharitAmiva hemasindhum || 22\.11|| 741|| viharati pulineShu tvatsakhe ra~NganAthe kanakasaridiyaM te pAduke hemadhAmnA | vahati salilakelIsrastacholAvarodha\- stanakalashaharidrApa~Nkapi~NgAmavasthAm || 22\.12|| 742|| surabhinigamagandhA saumyapadmAkarasthA kanakakamalinIva prekShyase pAduke tvam | bhramara iva sadA tvAM prAptanAnAvihAraH shatamakhamaNinIlaH sevate shAr~NgadhanvA || 22\.13|| 743|| kanakaruchiravarNAM pAduke sahyasindhuH shriyamiva mahanIyAM sindhurAjasya patnI | svayamiha savidhasthA saumyajAmAtR^iyuktA\- mupacharati rasena tvAmapatyAbhimAnAt || 22\.14|| 744|| anukalamupajIvyA dR^ishyase nirjarANAM tripuramathanamaulau shekharatvaM dadhAsi | pratipadamadhigamya prAptashR^i~NgA.asi shaure\- stadapi charaNarakShe pUrNachandrAkR^itistvam || 22\.15|| 745|| kanakamapi tR^iNaM ye manvate vItarAgA\- stR^iNapi kanakaM te jAnate tvatprakAshaiH | madhuripupadarakShe yat tvadarthopanItAn pariNamayasi haimAn devi dUrvA~NkurAdIn || 22\.16|| 746|| vishuddhimadhigachChati jvalanasa~NgamAt kA~nchanaM vidanti cha jaganti tanna khalu tadviparyasyati | kathaM kanakapAduke kamalalochane sAkShiNi tvayaiva parishuddhatA hutabhujo.api jAghaTyate || 22\.17|| 747|| tArAsa~NgaprathitavibhavAM chArujAmbUnadAbhAM tvAmArUdhastridashamahitAM pAduke ra~NganAthaH | sa~nchAriNyAM surashikhariNastasthuShA mekhalAyAM dhatte mattadviradapatinA sAmyakakShyAM samIkShyAm || 22\.18|| 748|| kanakaruchirA kAvyAkhyAtA shanaishcharaNochitA shritagurubudhA bhAsvadrUpA dvijAdhipasevitA | vihitavibhavA nityaM viShNoH pade maNipAduke tvamasi mahati vishveShAM naH shubhA grahamaNDalI || 22\.19|| 749|| prajvalitapa~nchahetirhiraNmayIM tvAM hiraNyavilayArhaH | Avahatu jAtavedAH shriyamiva naH pAduke nityam || 22\.20|| 750|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre kA~nchanapaddhatirdvAviMshI || \section{23\. sheShapaddhatiH (10)} sR^iShTAM bhUmAvanantena nityaM sheShasamAdhinA | ahaM sambhAvayAmi tvAmAtmAnamiva pAduke || 23\.1|| 751|| padmAbhogAtpAduke ra~NgabhartuH pAdasparshAdbhogamanyaM prapitsoH | sheShasyaikAM bhUmikAmabravIt tvA\- mAchAryANAmagraNiryAmuneyaH || 23\.2|| 752|| sheShatvamamba yadi saMshrayati prakAmaM tvadbhUmikAM samadhigamya bhuja~NgarAjaH | tvAmeva bhaktivinatairvahatAM shirobhiH kAShThAM gataM tadiha keshavapAdarakShe || 23\.3|| 753|| mA bhUdiyaM mayi niShaNNapadasya nityaM vishvambharasya vahanAdvyathiteti matvA | dhatse balAbhyadhikayA maNipAduke tvaM sheShAtmanA vasumatIM nijayaiva mUrtyA || 23\.4|| 754|| tattAdR^ishA nijabalena nirUDhakIrtiH sheShastavaiva pariNAmavisheSha eShaH | rAmeNa satyavachasA yadananyavAhyAM voDhuM purA vasumatIM bhavatI niyuktA || 23\.5|| 755|| sheShatvasImaniyatAM maNipAdarakShe tvAmAgamAH kulavadhUmiva bAlaputrAH | tvadrUpasheShashayitasya parasya puMsaH pAdopadhAnashayitAmupadhAnayanti || 23\.6|| 756|| bharatashirasi lagnAM pAduke dUratastvAM svatanumapi vavande lakShmaNaH sheShabhUtaH | kimidamiha vichitraM nityayuktaH siSheve dasharathatanayaH san ra~NganAthaH svameva || 23\.7|| 757|| bhUyobhUyaH stimitachalite yasya sa~Nkalpasindhau brahmeshAnaprabhR^itaya ime budbudatvaM bhajanti | tasyAnAderyugapariNatau yoganidrAnurUpaM krIDAtalpaM kimapi tanute pAduke bhUmikA.anyA || 23\.8|| 758|| ahInAtmA ra~NgakShitiramaNapAdAvani sadA satAmitthaM trANAtprathitanijasatratvavibhavA | avidyAyAminyAH spR^ishasi punarekAhapadavIM kratUnAmArAdhyA kraturapicha sarvastvamasi naH || 23\.9|| 759|| bahumukhabhogasametairnirmuktatayA vishuddhimApannaiH | sheShAtmikA padAvani niShevyase sheShabhUtaistvam || 23\.10|| 760|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre sheShapaddhatistrayoviMshI || \section{24\. dvandvapaddhatiH (20)} prapadye pAdukArUpaM praNavasya kalAdvayam | otaM mitamidaM yasminnanantasyApi tatpadam || 24\.1|| 761|| maNipAdukayoryugaM murArermayi nityaM vidadhAtu ma~NgalAni | adhikR^itya charAcharasya rakshAmAnukampAkShamayorivAvatAraH || 24\.2|| 762|| charaNau maNipAduke murAreH praNatAnpAlayituM prapadyamAnam | vipadAmiha daivamAnuShINAM pratikAraM yuvayordvayaM pratImaH || 24\.3|| 763|| murabhinmaNipAduke bhavatyorvihito nUnamasau mitho vibhAgaH | bhajatAmaparasparapriyANAmavirodhAya surAsureshvarANAm || 24\.4|| 764|| ahitonmathanAya saMshritAnAmalamAlokavashena shabdato vA | karayoshcha rathA~NgapA~nchajanyau madhuhantuH padayoshcha pAduke ye || 24\.5|| 765|| avadhIritasAdhupaddhatInAmalasAnAM madhuvairipAduke dve | itaretarasAhacharyamitthaM pratipanne iva daivapauruShe naH || 24\.6|| 766|| pArshvayoH sarasijAvasundhare pAdayoshcha maNipAduke yuvAm | sannikarShatha na chenmadhudviShaH kiM kariShyati kR^itAgasAM gaNaH || 24\.7|| 767|| pAduke bhavabhayapratIpayorbhAvayAmi yuvayoH samAgamam | saktayordanujavairiNaH pade vidyayoriva parAvarAtmanoH || 24\.8|| 768|| ra~NgasImani rathA~NgalakShmaNashchintayAmi tapanIyapAduke | shApadoShashamanAya tatpade chakravAkamithunaM kR^itAspadam || 24\.9|| 769|| mAnayAmi jagatastamopahe mAdhavasya maNipAduke yuvAm | dakShiNottaragatikramochite paddhatI iva mayUkhamAlinaH || 24\.10|| 770|| ra~NganAthapadayorala~NkriyA rAjate kanakapAdukAdvayI | tadvibhUtiyugalIva tAdR^ishI ChandataH samavibhAgamAshritA || 24\.11|| 771|| sAkShAtpadaM madhubhidaH pratipAdayantyau mAnopapattiniyate maNipAduke dve | anyonyasa~NgativashAdupapannacharyAm\- Aj~nAM shrutismR^itimayImavadhArayAmi || 24\.12|| 772|| vishvopakAramadhikR^itya vihArakAle\- ShvanyonyataH prathamamevparisphurantyoH | dR^iShTAntayanti yuvayormaNipAdarakShe divyaM tadeva mithunaM diviShanniShevyam || 24\.13|| 773|| dvAveva yatra charaNau paramasya puMsaH tatra dvidhAsthitavatI maNipAduke tvam | yatraiva darshayati devi sahasrapAttvaM tatrApi nUnamasi darshitatAvadAtmA || 24\.14|| 774|| paryAyato gativashAnmaNipAdarakShe pUrvAparatvaniyamaM vyativartayantyau | manye yuvAM mahati viShNupade sphurantyau sandhye samastajagatAmabhivandanIye || 24\.15|| 775|| ashrAntasa~ncharaNayornijasa.nprayogA\- damlAnatAM charaNapa~Nkajayordishantyau | mAnye yuvAM raghupatermaNipAdarakShe vidye balAmatibalAM cha vichintayAmi || 24\.16|| 776|| antarmohAdaviditavatAmAtmatattvaM yathAva\- tpadyAmitthaM parichitavatAM pAduke pApalokyAm | nityaM bhakteranuguNatayA nAthapAdaM bhajantyau niShThe sAkShAt svayamiha yuvAM j~nAnakarmAtmike naH || 24\.17|| 777|| nyastaM viShNoH padamiha mahat svena bhUmnA vahantyo\- rAmnAyAkhyAmavihatagatiM vartayantyornijAj~nAm | AsannAnAM praNayapadavImAtmanA pUrayantyoH dvairAjyashrIrbhavati jagatAmaikarAjye bhavatyoH || 24\.18|| 778|| aprAptAnAmupajanayathaH sampadAM prAptimevaM sa.nprAptAnAM svayamiha punaH pAlanArthaM yatethe | sAkShAdra~NgakShitipatipadaM pAduke sAdhayantyau yogakShemau sucharitavashAnmUrtimantau yuvAM naH || 24\.19|| 779|| baddhaharipAdayugalaM yugalaM tapanIyapAduke yuvayoH | mochayati saMshritAnAM puNyApuNyamayashR^i~NkhalAyugalam || 24\.20|| 780|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre dvandvapaddhatishchaturvishI || \section{25\. sanniveshapaddhatiH (20)} aNoraNIyasIM viShNormahato.api mahIyasIm | prapadye pAdukAM nityaM tatpadenaiva sammitAm || 25\.1|| 781|| pratitiShThati pAdasasmitAyAM tvayi nityaM maNipAduke mukundaH | itare tu parichChadAsta ete vibhavavya~njanahetavo bhavanti || 25\.2|| 782|| tava ra~NganarendrapAdarakShe prakR^itiH sannapi bhaktipAratantryAt | bhavatIM vahatIva pannagendraH prathitasvastikalakShaNaiH shirobhiH || 25\.3|| 783|| parasya puMsaH padasanniveshAnprayu~njate bhAvitapa~ncharAtrAH | aghapratIpAnapadishya puNDrAna~NgeShu ra~NgeshayapAduke tvAm || 25\.4|| 784|| ## var ## a~NkeShu vimR^ishya ra~NgendrapatiMvarAyAH shruteH sthitAM mUrdhani pAduke tvAm | badhnanti vR^iddhAH samaye vadhUnAM tvanmudritAnyAbharaNAni maulau || 25\.5|| 785|| vahanti ra~NgeshvarapAdarakShe dIrghAyushAM darshitabhaktibandhAH | AshAdhipAnAmavarodhanAryastvanmudrikAM ma~NgalahemasUtraiH || 25\.6|| 786|| vyUhakrameNa prathitAramagre sandarshayantIM maNipAduke tvAm | pAtuM trilokIM padapadmabhAjaM saudarshanIM shaktimavaimi shaureH || 25\.7|| 787|| baddhAsikA kanakapa~NkajakarNikAyAM madhye kR^ishA muraripormaNipAduke tvam | sandR^ishyase sarasijAsanayA gR^ihItaM rUpAntaraM kimapi ra~NgavihArayogyam || 25\.8|| 788|| mAnochitasya madadhInajanasya nityaM mA bhUdataH kR^ipaNateti vichintayantyA | bandIkR^itaM dhruvamavaimi valagnadeshe kArshyaM tvayA kamalalochanapAdarakShe || 25\.9|| 789|| madhye kR^ishAmubhayataH pratipannavR^iddhiM manye samIkShya bhavatIM maNipAdarakShe | nityaM mukundapadasa~Ngamaviprayogau nishchinvate kR^itadhiyaH sukhaduHkhakAShThAm || 25\.10|| 790|| ra~NgeshitushcharaNapa~NkajayorbhajantI rakShAprasAdhanavikalpasahAmavasthAm | mAnyAkR^itirnivishase maNipAdarakShe madhye parichChadavibhUShaNavargayotsvam || 25\.11|| 791|| a~NgAntareShu nihitAnyakhilAni kAmam | paryAyakalpanasahAni vibhUShaNAni | nityaM mukundapadapadmatalAnurUpaM naipathyamamba bhavatI nayanAbhirAmam || 25\.12|| 792|| ye nAma bhaktiniyataistava sanniveshaM nirvishya netrayugalairna bhajanti tR^iptim | kAlakrameNa kamalekShaNapAdarakShe prAyeNa te pariNamanti sahasranetrAH || 25\.13|| 793|| padamapramANamiti vAdinAM mataM madhujitpade mahati mAsma bhUditi | vyudapAdi tasya charaNAvani tvayA nigamAtmanastava samapramANatA || 25\.14|| 794|| aprabhUtamabhavajjagattrayaM yasya mAtumuditasya pAduke | aprameyamamitasya tatpadaM nityameva nanu sammitaM tvayA || 25\.15|| 795|| AlavAlamiva bhAti pAduke pAdapasya bhavatI madhudviShaH | yatsamIpavinatasya shUlinaH sAraNI bhavati maulinimnagA || 25\.16|| 796|| modamAnamunivR^indaShaTpadA bhAti muktimakarandavarShiNI | kA.api ra~NganR^ipateH padAmbuje karNikA kanakapAdukAmayI || 25\.17|| 797|| yugapadanuvidhAsyan yauvataM tulyarAgaM yadupatiradhichakre yAvato rUpabhedAn | tadidamativikalpaM bibhratI sanniveshaM tava khalu padarakShe tAvatI mUrtirAsIt || 25\.18|| 798|| tattadvR^itteranuguNatayA vAmanIM vyApinIM vA prApte ra~Ngaprathitavibhave bhUmikAM sUtradhAre | manye vishvasthitimayamahAnATikAM netukAmA nAnAsaMsthA bhavati bhavatI pAduke nartakIva || 25\.19|| 799|| mAne paraM sAmane pratyakSheNAgamenApi | haricharaNasya tavApi tu vaiShamyaM rakShyarakShakatvAbhyAm || 25\.20|| 800|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre sanniveshapaddhatiH pa~nchaviMshI || \section{26\. yantrikApaddhatiH (10)} udagrayantrikAM vande pAdukAM yanniveshanAt | uparyapi padaM viShNoH pratyAdiShTaprasAdhanam || 26\.1|| 801|| prasabhaM pratirudhya kaNTakAdIn bhavatI shauripadAmbujAdadhastAt | charANAvani dhArayatyamuShmi\- nnuchitachChAyamuparyapi pratIkam || 26\.2|| 802|| murabhinmaNipAduke tvadIyA\- managhAma~NguliyantrikAmavaimi | svayamunnamitAM pradeshinIM te paramaM daivatamekamityR^ichantIm || 26\.3|| 803|| svadate maNipAduke tvadIyA padashAkhAyugayantrikA vichitrA | paramaM puruShaM prakAshayantI praNavasyeva pareyamardhamAtrA || 26\.4|| 804|| anuyAtamanorathA murArerbhavatI kelirathashriyaM dadhAti | charaNAvani yantrikA tavaiShA tanute kUbarasampadaM purastAt || 26\.5|| 805|| sha~Nke bhavatyAH subhagaM pratIkaM ra~NgeshapAdA~Ngulisa~NgrahArtham | trANAya pAdAvani viShTapAnAmAj~nAkarIma~NgulimudrikAM te || 26\.6|| 806|| ala~NkR^itaM karNikayopariShTA\- dudagranAlaM tava yantrikAMsham | padmApateH pAdasarojalakShmyAH pratyemi pAdAvani kelipadmam || 26\.7|| 807|| upari vinihitasya keshavA~Nghre\- rupari padAvani yantrikAtmikA tvam | iti tava mahimA laghUkaroti praNatasureshvarashekharAdhiroham || 26\.8|| 808|| nityaM padAvani nibaddhakirITashobhaM padmAlayAparichitaM padamudvahantyAH | a~NgIkaroti ruchima~NguliyantrikA te sAmrAjyasampadanurUpamivAtapatram || 26\.9|| 809|| prathamA kaleva bhavatI charaNAvani bhAti ra~NgachandramasaH | shR^i~Ngonnatiriva yatra shriyaM vibhAvayati yantrikAyogaH || 26\.10|| 810|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre yantrikApaddhatiH Sha~NviMshI || \section{27\. rekhApaddhatiH (10)} sUchayantIM svarekhAbhiranAlekhyasarasvatIm | alekhanIyasaundaryAmAshraye shauripAdukAm || 27\.1|| 811|| maNimaulinigharShaNAt surANAM vahase kA~nchanapAduke vichitram | kamalApatipAdapadmayogA\- daparaM lakShaNamAdhirAjyasAram || 27\.2|| 812|| abhito maNipAduke sphurantyA\- stava rekhAvitatestathAvidhAyAH | muravairipadAravindarUDhai\- ranukalpAyitamAdhirAjyachihnaiH || 27\.3|| 813|| rekhayA vinamatAM divaukasAM mauliratnamakarImukhotthayA | pAduke vahasi nUnamadbhutaM shauripAdaparibhogalakShaNam || 27\.4|| 814|| tridashamakuTaratnollekharekhApadeshA\- tpariNamayasi puMsAM pAduke mUrdhni lagnA | narakamathanasevAsampadaM sAdhayitrI niyativilikhitAnAM niShkR^itiM durlipInAm || 27\.5|| 815|| padakamalatalAntaHsamshritAnyAtapatra\- dhvajasarasijamukhyAnyaishvarIlakShaNAni | avagamayasi shaureH pAduke mAdR^ishAnA\- mupari pariNataiH svairdevi rekhAvisheShaiH || 27\.6|| 816|| snAtA padAvani chiraM paribhujya muktA pAdena ra~NganR^ipateH shubhalakShaNena | rekhAntarairnavanavairupashobhase tvaM saMskArachandanavilepanapa~NkalagnaiH || 27\.7|| 817|| bhaktyA muhuH praNamatAM tridasheshvarANAM koTIrakoTikaShaNAdupajAyamAnaiH | AbhAti shauricharaNAdadhikAnubhAvA rekhAshataistava padAvani kA.api rekhA || 27\.8|| 818|| pAdAvani pratipadaM paramasya puMsaH pAdAravindaparibhogavisheShayogyA | svAbhAvikAn subhagabhaktivisheShadR^ishyAn rekhAtmakAn vahasi patralatAvisheShAn || 27\.9|| 819|| rekhApadeshatastvaM prashamayituM pralayaviplavAsha~NkAm | vahasi madhujitpadAvani manye nigamasya mAtR^ikAlekhyam || 27\.10|| 820|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre rekhApaddhatiH saptaviMshI || \section{28\. subhAShitapaddhatiH (10)} kalAsu kAShThAmAtiShThan bhUmne sambandhinAmapi | pAdukA ra~Ngadhuryasya bharatArAdhyatAM gatA || 28\.1|| 821|| santaH svadeshaparadeshavibhAgashUnyaM hanta svavR^ittimanaghAM na parityajanti | rAjye vane cha raghupu~NgavapAdarakShA naijaM jahau na khalu kaNTakashodhanaM tat || 28\.2|| 822|| brahmAstratAmadhijagAma tR^iNaM prayuktaM pR^ithvIM shashAsa parimuktapadaM padatram | kiM vA na kiM bhavati kelividhau vibhUnAM puNyaM sharavyamabhavatpayasAM nidhirvA || 28\.3|| 823|| anyeShu satsvapi narendrasuteShu daivA\- dbhraShTaH padAdadhikaroti padaM padArhaH | prAyo nidarshayati tatprathamo raghUNAM tatpAdayoH pratinidhI maNipAduke vA || 28\.4|| 824|| charaNamanaghavR^itteH kasyachitprApya nityaM sakalabhuvanaguptyai satpathe vartate yaH | narapatibahumAnaM pAdukevAdhigachChan sa bhavati samayeShu prekShitaj~nairupAsyaH || 28\.5|| 825|| rAme rAjyaM piturabhimataM sammataM cha prajAnAM mAtA vavre tadahi bharate satyavAdI dadau cha | chintAtItaH samajani tadA pAdukAgryAbhiSheko durvij~nAnasvahR^idayamaho daivamatra pramANam || 28\.6|| 826|| nAtikrAmechcharaNavahanAtpAdukA pAdapIThaM yadvA.a.asannaM paramiha sadA bhAti rAjAsanasya | pUrvatraiva praNihitamabhUddhanta rAmeNa rAjyaM sha~Nke bharturbahumatipadaM vikrame sAhacharyam || 28\.7|| 827|| pratipadachapalA.api pAdukA raghupatinA svapade niveshitA | samajani nibhR^itasthitistadA bhavati guNaH shriyamabhyupeyuShAm || 28\.8|| 828|| gatiheturabhUt kvachitpade sthitiheturmaNipAdukA kvachit | na hi vastushushaktinishchayo niyatiH kevalamIshvarechChayA || 28\.9|| 829|| adharIkR^ito.api mahatA tameva seveta sAdaraM bhUShNuH | alabhata samaye rAmAtpAdAkrAntA.api pAdukA rAjyam || 28\.10|| 830|| iti kavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre subhAShitapaddhatiraShTAviMshI || \section{29\. prakIrNakapaddhatiH (80)} vidhau pravR^itte yaddravyaM guNasaMskAranAmabhiH | shreyaHsAdhanamAmnAtaM tatpadatraM tathA.astu me || 29\.1|| 831|| madhurasmitaramyamauktikashrIrvishasi vya~njitama~njulapraNAdA | saha ra~NganR^ipeNa vAsagehaM tanumadhyA maNipAduke tvamekA || 29\.2|| 832|| shubhashabdavisheShasaMshritAbhi\- rbhavatI shauripadAvani kriyAbhiH | anutiShThati nUnamAshritAnA\- makhilopadravashAntikaM navInam || 29\.3|| 833|| maNibhirmadhuvairipAdarakShe bhavatI vikramaNe pravardhamAnA | yugapadbhavatAM yugAntakAle divi lakShmIM vidadhe divAkarANAm || 29\.4|| 834|| ma~njusvanAM maNimayUkhakalApinIM tvAM dR^iShTvA kapardasavidhe viniveshyamAnAm | gUDhIbhavanti garudadhvajapAdarakShe phUtkAravanti puravairivibhUShaNAni || 29\.5|| 835|| madhye parisphuritanirmalachandratArA prAnteShu ratnanikareNa vichitravarNA | puShNAsi ra~NganR^ipatermaNipAduke tvaM chakShurvashIkaraNayantravisheShasha~NkAm || 29\.6|| 836|| pAdena ra~NganR^ipateH paribhujyamAnA muktAphalaprakaTitashramavAribinduH | utkaNTakA maNimayUkhashatairudagraiH sItkAriNIva charaNAvani shi~njitaistvam || 29\.7|| 837|| dUraprasAritakarA ninadairmaNInA\- mAyAti daityaripurityasakR^idbruvANA | daityeshvarAnabhimukhAn janitAnukampA manye nivArayasi mAdhavapAduke tvam || 29\.8|| 838|| achChedyarashminiyatakramaratnadhuryA niShkampakUbaranibhaM dadhatI pratIkam | krIDAgateShu madhujitpadapadmalakShmyAH karNIrathastvamasi kA~nchanapAdarakShe || 29\.9|| 839|| ma~njusvanA maratakopalamechakA~NgI shoNAshmatuNDaruchirA maNipAduke tvam | padmAvihArarasikasya parasya yUnaH paryAyatAM bhajasi pa~njarashArikANAm || 29\.10|| 840|| shoNopalaishcharaNarakShiNi saMshriteShu chChAyAtmanA marakateShu tavAvagADhaH | anveti shaurirabhitaH phalapa~Nktishobhi\- nyAtmAnameva shayitaM vaTapatramadhye || 29\.11|| 841|| sphItaM padAvani tava snapanArdramUrte\- rAsAgaraM tatamabhUnmaNirashmijAlam | lIlochitaM raghusutasya sharavyamAsan yAtUni yasya valayena viveShTitAni || 29\.12|| 842|| ratnAMshubhistava tadA maNipAdarakShe saMrajyamAnavapuShAM rajanImukheShu | AkasmikAgatamadarshiM mahauShadhitvaM sAketapattanasamIparuhAM drumANAm || 29\.13|| 843|| rAme vanaM dasharathe cha divaM prayAte nirdhUtavishvatimirA sahasA babhUva | bhUyiShTharatnakiraNA bhavatI raghUNAM bhUyaH pratApatapanodayapUrvasandhyA || 29\.14|| 844|| prItena devi vibhunA pratipAdanIyAM pAdAvani pratipadoditama~njunAdAm | vidyAM vidurbhagavataH pratipAdanArhAM pArAyaNAgamapayonidhipAragAstvAm || 29\.15|| 845|| muktAMshukesaravatI sthiravajradaMShTrA prahlAdasampadanurUpahiraNyabhedA | mUrtiH shriyo bhavasi mAdhavapAdarakShe nAthasya nUnamuchitA narasiMhamUrteH || 29\.16|| 846|| sambhAvayanti kavayashchaturaprachArAM ma~njusvanAM mahitamauktikapatralA~NgIm | svAdhInasarvabhuvanAM maNipAduke tvAM ra~NgAdhirAjapadapa~NkajarAjahaMsIm || 29\.17|| 847|| muktAmayUkharuchirAM maNipAdarakShe ma~njusvanAM maNibhirAhitavarNavargAm | manye mukundapadapadmamadhuvratInA\- manyAmakR^itrimagirAmadhidevatAM tvAm || 29\.18|| 848|| AsAdya kekayasutAvaradAnamUlaM kAlaM pradoShamanirIkShyaramAsahAyam | ma~njupraNAdarahitA maNipAdarakShe maunavrataM kimapi nUnamavartayastvam || 29\.19|| 849|| vaiDUryaramyasalilA mahitA marudbhi\- shChAyAvatI marakatopalarashmijAlaiH | ashrAntamohapadavIpathikasya janto\- rvishrAntibhUmiriva shauripadAvani tvam || 29\.20|| 850|| Adyo raghukShitibhujAmabhiShekadIptai\- rApyAyitastava padAvani rashmijAlaiH | mandIchakAra tapano vyapanItabhIti\- rmandodarIvadanachandramaso mayUkhAn || 29\.21|| 851|| mAnyA samastajagatAM maNibha~NganIlA pAde nisargaghaTitA maNipAduke tvam | antaHpureShu lalitAni gatAgatAni chChAyeva ra~NganR^ipateranuvartase tvam || 29\.22|| 852|| ra~NgAdhirAjapadapa~NkajamAshrayantI haimI svayaM parigatA harinIlaratnaiH | sambhAvyase sukR^itibhirmaNipAduke tvaM sAmAnyamUrtiriva sindhusutAdharaNyoH || 29\.23|| 853|| abhyarchitA sumanasAM nivahairajasraM muktAruNopalanasvA~NgulipallavashrIH | shreyaskarIM murabhidashcharaNaddhayIva kAntiM samAshrayasi kA~nchanapAduke tvam || 29\.24|| 854|| nirmR^iShTagAtraruchirA maNipAduke tvaM snAtAnulepasurabhirnavamAlyachitrA | prApte vihArasamaye bhajase murAreH pAdAravindaparibhogamadhanyalabhyam || 29\.25|| 855|| nAde padAvani tathA tava sanniveshe nirveshanakramamasahyamapAchikIrShuH | yaireva lochanashatairabhivIkShate tvAM taireva pannagapatiH shrutimAn babhUva || 29\.26|| 856|| pAdAvani sphuTamayUkhasahasradR^ishyA viShNoH padena bhavatI vihitaprachArA | tvadbhaktiyantritajanaprathamasya shambho\- rvaikartanImanukaroti vihAramUrtim || 29\.27|| 857|| rAjye vanepi raghuvIrapadochitAyAH saMsmR^itya gautamavadhUparirakShaNaM te | manye samAhitadhiyo maNipAduke tvAM mUrdhnA bhajantyanudinaM munidharmadArAH || 29\.28|| 858|| tvAmAshrito maNimayUkhasahasradR^ishyAM tvachChi~njitena saha ra~NgapatiH samudyan | Asha~Nkyate sumatibhirmaNipAdarakShe vidyAsakhaH savitR^imaNDalamadhyavartI || 29\.29|| 859|| ratnAshritairharipadaM maNipAduke tvaM spR^iShTvA karaiH shrutirasAyanama~njunAdA | tattvaM tadetaditi bodhayasIva samya\- gvedAnpratAritavato vividhAn kudR^iShTIn || 29\.30|| 860|| AnandasUH praNayinAmanaghaprasAdA ra~NgAdhirAjapadarakShiNi ratnabhAsA | nyaste muhurnijabhare sthiratAM bhajantyA varNAMshukaM vitarasIva vasundharAyAH || 29\.31|| 861|| tvaM chitrabhAnurasi ratnavisheShayogA\- dbhUmnA nijena paripuShyasi pAvakatvam | svenaiva shauricharaNAvani chandrarUpA tejastrayIva militA.asi tamopahA naH || 29\.32|| 862|| prauDhapravAlaruchirA bhuvanaikavandyA ra~NgAdhirAjacharaNAvani ramyachandrA | sambhinnamauktikaruchiH satataM prajAnAM tApAtyayaM dishasi tArakiteva sandhyA || 29\.33|| 863|| ra~Ngeshvarasya purato maNipAduke tvaM ratnAMshubhirvikirasi sphuTabhaktibandhA | pAdau vihArayitumadbhutasaukumAryau prAyaH sarojakumudotpalapatrapa~Nktim || 29\.34|| 864|| AsannavR^ittiravarodhagR^iheShu shaure\- rApAdayasyanupadaM varavarNinInAm | AlagnaratnakiraNA maNipAduke tvaM ma~njusvanA madanabANanigharShasha~NkAm || 29\.35|| 865|| paryAptamauktikanakhA sphuTapadmarAgA rekhAvisheSharuchirA lalitaprachArA | ra~NAdhirAjapadayormaNipAduke tvaM sAyujyamAshritavatIva samastavandyA || 29\.36|| 866|| prAptAbhiShekA maNipAduke tvaM pradIptaratnA raghurAjadhAnyAH | pradakShiNaprakamaNAdakArShIH prAkAramAgneyamiva prabhAbhiH || 29\.37|| 867|| ratnAsane rAghavapAdarakShe pradIpyamAnAstava padmarAgAH | prAyo narendrAn bharatasya jetuH pratApavahnerabhavanprarohAH || 29\.38|| 868|| shubhapraNAdA bhavatI shrutInAM kaNTheshuvaikuNThapatiMvarANAm | badhnAsi nUnaM maNipAdarakShe ma~NgalyasUtraM maNirashmijAlaiH || 29\.39|| 869|| vichitravarNA shrutiramyashabdA niShevyase nAkasadAM shirobhiH | madhudviShastvaM maNipAdarakShe shreyaskarIshAsanapatrikeya || 29\.40|| 870|| sthirA svabhAvAnmaNipAduke tvaM sarvaMsahA svAduphalaprasUtiH | pR^ithvIva padbhAM paramasya puMsaH saMsR^ijyase devi vibhajyase cha || 29\.41|| 871|| pashyanti ra~NgeshvarapAdarakShe pUjAsu te saMhitapuShpajAlAm | mR^igIdR^isho vAsavaratnarekhAM sachitrapu~NkhAmiva manmathajyAm || 29\.42|| 872|| karairudagraiH sphuratAM maNInAM ma~njusvanA mAdhavapAduke tvam | anUpadeshe kanakApagAyAH kaleH praveshaM pratiShedhasIva || 29\.43|| 873|| AkrAntavedirbhavatI tadAnI\- madarshi muktAnvitashoNaratnA | karagrahArthaM bharatena bhUmyA lAjotkarairvahnishikheva kIrNA || 29\.44|| 874|| patralA maNigaNairhiraNmayI bhAsi ra~NgapatiratnapAduke | kelimaNTapagatAgatochitA bhUmikeva garuDeva kalpitA || 29\.45|| 875|| unnataM balivirodhinastadA pAduke padasarojamAshritA | mauktikastabakamadhyasammitaM vyoma ShaTpadatulAmalambhayaH || 29\.46|| 876|| komalA~NguliniveshayantrikA\- nyastamauktikamayUkhadanturA | ma~NgalAni vamasIva dehinAM ra~NgarAjamaNipAduke svayam || 29\.47|| 877|| pa~NkajAsahacharasya ra~NgiNaH pAduke nijapadAdanantaram | nyasyatastvayi jaganti jAyate nAgabhogashayanaM nira~Nkusham || 29\.48|| 878|| sAdhayanti madhuvairipAduke sAdhavaH sthiramupAyamuttamam | ## var ## mantimam tvatpravR^ittivinitavartanochita\- svapravR^ittivinivartanAnvitam || 29\.49|| 879|| nandasUnupadapadmamindirApANipallavanipIDanAsaham | pAduke tava balena paryabhR^idUShmalAmuragamaulisharkarAm || 29\.50|| 880|| maNinikarasamutthaiH sarvavarNA mayUkhaiH prakaTitashubhanAdA pAduke ra~NgabhartuH | nikhilanigamasUterbrahmaNastatsanAthA\- mavagamayasi hR^idyAmardhamAtrAM chaturthIm || 29\.51|| 881|| shrutiviShayaguNA tvaM pAduke daityahantuH satatagatimanoj~nA svena dhAmnA jvalantI | janitabhuvanavR^iddhirdR^ishyase sthairyayuktA vidhR^itanikhilabhUtA vaijayantIva mAlA || 29\.52|| 882|| raghupatipadasa~NAdrAjyakhedaM tyajantI punarapi bhavatI svAn darshayantI vihArAn | abhisamadhita vR^iddhiM harShakolAhalAnAM janapadajanitAnAM jyAyasA shi~njitena || 29\.53|| 883|| haricharaNamupaghnaM pAduke saMshritAyA\- madhigatabahushAkhaM vaibhavaM darshayantyAm | ## var ## shAkhA abhajata vidhihastanyastadharmadravAyAM tvayi mukulasamR^iddhiM mauktikashrIstadAnIm || 29\.54|| 884|| kanakaruchirakAntiH kalpitAshokabhArA kR^itapadakamalashrIH krIDatA mAdhavena | dishidishi sumanobhirdarshanIyAnubhAvA surabhisamayalakShmIM pAduke puShyasi tvam || 29\.55|| 885|| praNihitapadapadmA pAduke ra~NgabhartuH shubhataragatihetushchArumuktApravAlA | sthirapariNatarAgAM shuddhabodhAnubaddhAM svajanayasi munInAM tvanmayIM chittavR^ittim || 29\.56|| 886|| virachitanavabhAgA ratnabhedairvichitrai\- rvividhavitatarekhAvyaktasImAvibhAgA | haricharaNasarojaM prepsatAmarchanIyaM prathayasi navanAbhaM maNDalaM pAduke tvam || 29\.57|| 887|| pariNataguNajAlA pa~NktibhirmauktikAnAM bahuvidhamaNirashmigranthabandhAbhirAmA | raghupatipadarakShe rAjavAhyasya kumbhe kalitaruchirabhUstvaM kA.api nakShatramAlA || 29\.58|| 888|| charitanikhilavR^ittishchArupadmAsanasthA guNanibiDitamuktApa~NktibaddhAkShamAlA | savidhamadhivasantI pAduke ra~Ngabhartu\- shcharaNakamalamantarbimbitaM dhyAyasIva || 29\.59|| 889|| anupadhi parirakShannekaputrAbhimAnAd\- bhuvanamidamasheShaM pAduke ra~NganAthaH | nijapadanihitAyAM devi tiShThan vrajan vA tvayi nihitabharo.abhR^it kiM punaH svApamR^ichChan || 29\.60|| 890|| tvaritamupagatAnAM shrImato ra~Ngabhartu\- stvadupahitapadasya svairayAtrotsaveShu | mukharayati digantAnmuhyatAM tvatprashastau vihitakusumavR^iShTirvyAvaghoShI surANAm || 29\.61|| 891|| manasi niyamayukte vartamAnA munInAM pratipadamupayAntI bhAvanIyakramatvam | shrutiriva nijashabdaiH pAduke ra~NgabhartuH padamanitaragamyaM vya~NkumarhA tvameva || 29\.62|| 892|| avikalanijachandrAlokasandarshanIyA pratikalamupabhogyA pAduke ra~NgabhartuH | mukulayitumasheShaM mauktikajyotsnayA naH prabhavasi timiraughaM paurNamAsI nisheva || 29\.63|| 893|| haMsashreNIparichitagatirhAriNI kalmaShANAM maulau shambhoH sthitimadhigatA mugdhachandrAnubaddhA | rAj~nAmekA raghukulabhuvAM samyaguttArikA tvaM kAle tasmin kShitimadhigatA pAduke jAhnavIva || 29\.64|| 894|| svachChAkArAM shrutisurabhitAM svAdubhAvopapannAM mArgemArge mahitavibhavAM pAduke tIrthabhedaiH | shItasparshAM shramavinayinIM gAhate mandamandaM krIDAlolaH kamalanilayAdattahasto yuvA tvAm || 29\.65|| 895|| abhyasyantyoH kramamanupamaM ra~NgabharturvihAre sthAnesthAne svarapariNatiM lambhitastattadarhAm | paryAyeNa prahitapadayoH pAduke shrutyudAraH shi~njAnAdaH sphurati yuvayoH shR^i~NkhalAbandharamyaH || 29\.66|| 896|| AsannAnAM divasamapunarnaktamApAdayantI sphItAlokA munibhirabhitaH prANinAmastadoShA | prahvairjuShTA vibudhanivahaiH pAduke ra~NgabhartuH pAdAmbhoje dishati bhavati pUrvasandhyeva kAntim || 29\.67|| 897|| ramyAlokA lalitagamanA padmarAgAdharoShThI madhye kShAmA maNivalayinI mauktikavyaktahAsA | shyAmA nityaM haritamaNibhiH shAr~NgiNaH pAdarakShe manye dhAturbhavasi mahilAnirmitau mAtR^ikA tvam || 29\.68|| 898|| sthitvA pUrvaM kvachanabhavatI bhadrapIThasya madhye ratnoda~nchatkiraNanikarA ra~NgiNaH pAdarakShe | vyAkIrNAnAM nR^ipativirahAddevi varNAshramANAM nUnaM sImAvibhajanasahaM nirmame sUtrapAtam || 29\.69|| 899|| mAtarma~njusvanapariNatapArthanAvAkyapUrvaM nikShiptAyAM tvayi charaNayoH pAduke ra~NgabhartuH | tvayyAyattaM kimapi kushalaM jAnatInAM prajAnAM paryAptaM tanna khalu na bhavatyAtmanikShepakR^ityam || 29\.70|| 900|| nityaM ra~NgakShitipatipadanyAsadhanyAtmanaste shi~njAnAdaM shravaNamadhuraM pAduke dIrghayantaH | kAle tasmin karaNavigamakleshajAtaM vihanyuH santApaM nastaruNatulasIgandhino gandhavAhAH || 29\.71|| 901|| saMsArAdhvashramapariNataM saMshritAnAM janAnAM tApaM sadyaH shamayitumalaM shAr~NgiNaH pAduke tvam | chandrApIDe praNamati navAM chandrikAmApibadbhi\- rdhArAniryatsalilakaNikAshIkaraishchandrakAntaiH || 29\.72|| 902|| vajropetAM valabhidupalashyAmalAM ma~njughoShAM muktAsArAM madhurachapalAM vIkShya viShNoH pade tvAm | harShotkarShAdupari chalayanpAduke chandrakAntaM dhatte nityaM dhR^itaghanaruchistANDavaM nIlakaNThaH || 29\.73|| 903|| shrIra~NgendoshcharaNakamalaM tAdR^ishaM dhArayantI kAlekAle saha kamalayA klR^iptayAtrotsavashrIH | gatvAgatvA svayamanugR^ihadvAramunnidranAdA paurAnnityaM kimapi kushalaM pAduke pR^ichChasIva || 29\.74|| 904|| chaturavihAriNIM ruchirapakSharuchiM bhavatIM manasijasAyakAsanaguNochitama~njuravAm | anupadamAdriyemahi mahendrashilAmahitAM haricharaNAvindamakarandamadhuvratikAm || 29\.75|| 905|| kanakaruchA jaTAmuragamaulimaNInmaNibhi\- stridivatara~NgiNIM taralamauktikadIdhitibhiH | kuTilatayA kvachichChashikalAmadharIkuruShe muraripupAduke purabhidaH shirasA vidhR^itA || 29\.76|| 906|| kAle talpabhuja~Ngamasya bhajataH kAShThAM gatAM sheShatAM mUrtiM kAmapi vedmi ra~NganR^ipateshchitrAM padatradvayIm | sevAnamrasurAsurendramakuTIsheShApaTIsa~Ngame muktAchandrikayeva yA prathayate nirmokayogaM punaH || 29\.77|| 907|| chandrApIDashikhaNDachandrashikharachyotatsudhAnirjhara\- stokAshliShTasurendrashekhararajaHstyAnAM stumaH pAdukAm | brahmastambavibhaktasImavividhakShetraj~nasargasthiti\- dhvaMsAnugrahanigrahapraNayinI yA sA kriyA ra~NgiNaH || 29\.78|| 908|| lakShmInUpurashi~njitena guNitaM nAdaM tavAkarNaya\- nnAjighrannigamAntagandhatulasIdAmotthitaM saurabham | kAle kutrachidAgataM karuNayA sArdhaM tvayA chAgrataH pashyeyaM maNipAduke parataraM padmekShaNaM daivatam || 29\.79|| 909|| vahati kShitivyavahitAM so.api tvAM gatiShu pAduke ra~NgI | kamaThapatibhujagaparibR^iDhakarivarakulashikharibhUmikAbhedaiH || 29\.80|| 910|| iti shrIkavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre prakIrNakapaddhatiH ekonatriMshI || \section{30\. chitrapaddhatiH (40)} pratiShThAM sarvachitrANAM prapadye maNipAdukAm | vichitrajagadAdhAro viShNuryatra pratiShThitaH || 30\.1|| 911|| shR^iNu te pAduke chitraM chitrAbhirmaNibhirvibhoH yugakramabhuvo varNAn yugapadvahase svayam || 30\.2|| 912|| surAsurArchitA dhanyA tu~Ngama~NgalapAlikA | charAcharArchitA mAnyA ra~Ngapu~NavapAdukA || 30\.3|| 913|| padmeva ma~NgalasaritpAraM saMsArasantateH | duritakShepikA bhUyAtpAdukA ra~NgabhUpateH || 30\.4|| 914|| ananyasharaNaH sIdunnanantakleshasAgare | sharaNaM charaNatrANaM ra~NganAthasya saMshraye || 30\.5|| 915|| pratibhAyAH paraM tattvaM bibhratI padmalochanam | pashchimAyAmavasthAyAM pAduke muhyato mama || 30\.6|| 916|| yAmaH shrayati yAM dhatte yena yAtyAya yAchcha yA | yA.asya mAnAya yaivAnyA sA mAmavatu pAdukA || 30\.7|| 917|| charyA naH shauripAdu tvaM prAyashchitteShvanuttamA | niveshyase tataH sadbhiH prAyashchitteShvanuttamA || 30\.8|| 918|| rAmapAdagatA bhAsA sA bhAtAgadapAmarA | kAdupAna~ncha kAsahyA hyAsakA~nchanapAdukA || 30\.9|| 919|| bADhAghALIjhATatuchChe gAthAbhAnAya phullakhe | samAdhau shaThajichchUDAM vR^iNoShi haripAduke || 30\.10|| 920|| sA bhUpA rAmapArasthA vibhUpAstisapAratA | tArapA sakR^ipA duShTipUrapA rAmapAdukA || 30\.11|| 921|| kArikA na na yAtrAyA yAgeyAsyasyabhAnubhA | pAdapA haha siddhAsi yaj~nAya mama sA~njasA || 30\.12|| 922|| sarAghavA shrutau dR^iShTA pAdukA sanR^ipAsanA | salAghavA gatau shliShTA svAdurme sadupAsanA || 30\.13|| 923|| kAvyAyAsthita mAvargavyAjayAtagamArgakA kAmadA jagataH sthityai ra~Ngapu~NavapAdukA || 30\.14|| 924|| surakAryakarI devI ra~Ngadhuryasya pAdukA | kAmadA kalitAdeshA charantI sAdhuvartmasu || 30\.15|| 925|| bharatArAdhitAM tArAM vande rAghavapAdukAm | bhavatApAdhitAntAnAM vandyAM rAjIvamedurAm || 30\.16|| 926|| kAdupAsya sadAlokA kAlodAhR^itadAmakA | kAmadAdhvariraMsAkA.akAsA ra~NgeshapAdukA || 30\.17|| 927|| pApAkUpArapALIpA tripAdIpAdapAdapA | kR^ipArUpA japAlApA svApA mA.apAnnR^ipAdhipA || 30\.18|| 928|| sthirAgasAM sadArAdhyA vihatAkatatAmatA | satpAduke sarAsAmA ra~NgarAjapadaM naya || 30\.19|| 929|| sthitA samayarAjatpA gatarAmAdake gavi | duraMhasAM sannatAdA sAdhyA tApakarAsarA || 30\.20|| 930|| lokatArA kAmachArA kavirAjadurAvachA | tArAgate pAdarAma rAjate rAmapAdukA || 30\.21|| 931|| jayAmapApAmayAjayAmahe duduhe mayA | maheshakAkAshahema pAdukA mama kAdupA || 30\.22|| 932|| pApAdapApAdapApA pAdapAdadapAdapA | dapAdapApAdapAda pAdapA dadapAdapA || 30\.23|| 933|| kopoddIpakapApe.api kR^ipApAkopapAdikA | pUdapAdodakApAdoddIpikA kA.api pAdukA || 30\.24|| 934|| tatAtattAtitattetA tAtatItetitAtitut | tattattattAtatitatA tatetAtetatAtutA || 30\.25|| 935|| yAyAyAyAyAyAyAyA yAyAyAyAyAyAyAyA yAyAyAyAyAyAyAyA yAyAyAyAyAyAyAyA || 30\.26|| 936|| raghupaticharaNAvanI tadA virachitasa~ncharaNA vanIpathe | kR^itaparicharaNA vanIpakairnigamamukhaishcha raNAvanIgatA || 30\.27|| 937|| dattakeliM jagatkalpanAnATikA\- ra~NgiNA ra~NgiNA ra~NgiNA ra~NgiNA | tAdR^ishe gAdhiputrAdhvare tvAM vinA.a\- pAduka apAdukA pAdukA pAdukA || 30\.28|| 938|| pAdapApAdapApAdapApAdapA pAdapA pAdapApAdapApAdapA | pAdapApAdapApAdapApAdapApAdapApAdapApAdapApAdapA || 30\.29|| 939|| sAketatrAnavelAjanitatatanijaprA~NkaNashrIprabhAsA sAbhAprashrIraTavyAmiyamamamayamivyApaduchChedilAsA | sAlAdichChedatigmAhavarururuvaha hrIkarasyAmarAsA\- sA rAmasyA~NghrimabhyAjatinananatijasthUlamutrAtakesA || 30\.30|| 940|| ramye veshmani pAparAkShasabhidAsvAsattadhInAyikA nantuM karmajadurmadAlasadhiyAM sA hantanAthIkR^itA | sadvATabhramikAsu tApasatapovisrambhabhUyantrikA kAchitsvairagamena kelisamaye kAmavratA pAdukA || 30\.31|| 941|| shrIsaMvedanakarmakR^idvasu tava syAmR^iddhadhairyasphuTaH shrIpAdAvani vistR^itAsi sukhinI tvaM geyayAtAyanA | vedAntAnubhavAtipAtisutanuH sAndreDyabhAvaprathe.a\- ~NkasthA chAchyutadivyadAsyasumatiH prANasthasItAdhana || 30\.32|| 942|| kanakapIThaniviShTatanustadA sumatidAyinijAnubhavasmR^itA | vidhishivapramukhairabhivanditA vijayate raghupu~NgvapAdukA || 30\.33|| 943|| dInagopIjani kliShTabhInutsadA rAmapAdAvani svAnubhAvasthitA | edhi me.avashyamuttArabhAvashritA tejasA tena ghuShTiM gatA pAlikA || 30\.34|| 944|| dhAmanirAkR^ita tAmasalokA dhAtR^imukhairvinatA nijadAsaiH | pApamasheShamapAkuruShe me pAdu vibhUShitarAghavapAdA || 30\.35|| 945|| kR^ipAnaghatrAtasubhUraduShTA medhyA ruchA pAriShadAmabhUpA | padAvani styAnasukhairna tR^iptA kAntyA sametAdhikR^itA.anirodhA || 30\.36|| 946|| sArasasaukhyasametA khyAtA padapA bhuvi svAj~nA | sAhasakAryavanAshA dhIrA vasudA navanyAsA || 30\.37|| 947|| sAnyA.avanadA suravarA.adhIshAnA varyakA sahasA | j~nA svA vibhupAdapatAkhyAtA me sakhyasau sarasA || 30\.38|| 948|| tArasphAratarasvararasabhararA sA padAvanI sArA | dhIrasvairacharasthira raghupuravAsaratirAmasavA || 30\.39|| 949|| charamacharaM cha niyantushcharaNAvanidamparetarA shaureH | charamapuruShArthachitrau charaNAvani dishasi chatvareShu satAm || 30\.40|| 950|| iti shrIkavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre chitrapaddhatiH triMshI || \section{31\. nirvedapaddhatiH (20)} prapadye pAdukAM devI paravidyAmiva svayam | yAmarpayati dInAnAM dayamAno jagadguruH || 31\.1|| 951|| api janmani pAduke parasmi\- nnanaghaiH karmabhirIdR^isho bhaveyam | ya ime vinayena ra~NgabhartuH samaye tvAM padayoH samarpayanti || 31\.2|| 952|| parivartayitA pitAmahAdIn | tvamivAnantamasau vahatyanehA | adhunA.api na shauripAduke tvA\- managhAlambanamabhyupaiti chittam || 31\.3|| 953|| kamalAdhyuShite nidhau nirIhe sulabhe tiShThati ra~Ngakoshamadhye | tvayi tatpratilambhane sthitAyAM paramanvichChati pAduke mano me || 31\.4|| 954|| yadyapyahaM taraladhIstava na smareyaM na smartumarhasi kathaM bhavatI svayaM me | vatse vihArakutukaM kalayatyavasthA kA nAma keshavapadAvani vatsalAyAH || 31\.5|| 955|| mAtarmukundakaruNAmapi nihnuvAnA\- tkiM vA paraM kimapi kilbiShato madIyAt | gADhaM gR^ihItacharaNA gamanApadeshA\- ttatpreraNapraNayinI tava chenna lIlA || 31\.6|| 956|| kShIbA.asi kA~nchanapadAvani kaiTabhAreH pAdAravindamakarandaniShevaNena | devi tvadantikajuShaH kathamanyathA me dInAkSharANi na shR^iNoShi dayAdhikA tvam || 31\.7|| 957|| mAtastvadarpitabharasya mukundapAde bhadretarANi yadi nAma bhavanti bhUyaH | kIrtiH prapannaparirakShaNadIkShitAyAH kiM na trapeta tava kA~nchanapAdarakShe || 31\.8|| 958|| dauvArikadvirasanaprabalAntarAyai\- rdUye padAvani durADhyabilapraveshaiH | tadra~NgadhAmanirapAyadhanottarAyAM tvayyeva vishramaya ma~NkShu manorathaM me || 31\.9|| 959|| vyAmuhyatAM trividhatApamaye nidAghe mAyAvisheShajanitAsu marIchikAsu | saMspR^iShTashauricharaNA charaNAvani tvaM stheyA svayaM bhavasi nashcharame pumarthe || 31\.10|| 960|| achChedyayA viShayavAgurayA nibaddhAn dInAn janArdanapadAvani satpathasthA | prAyaH krameNa bhavatI parigR^ihya maulau kAlena mochayati naH kR^ipayA sanAthA || 31\.11|| 961|| saMvAhikA charaNayormaNipAdarakShe devasya ra~NgavasaterdayitA nanu tvam | kastvAM nivArayitumarhati yojayantIM mAtaH svayaM guNagaNeShu mamAparAdhAn || 31\.12|| 962|| kiM vA bhaviShyati paraM kalushaikavR^itte\- retAvatA.apyanupajAtamanehasA me | ekaM tadasti yadi pashyasi pAduke te padmAsahAyapadapa~NkajabhogasAmyam || 31\.13|| 963|| vividhaviShayachintAsantatAbhishchiraM mAM janitakaluShamitthaM devi durvAsanAbhiH | padasarasijayotsvaM pAduke ra~NgabhartuH parimalaparivAhaiH pAvanairvAsayethAH || 31\.14|| 964|| sharaNamadhigatastvAM shAr~NgiNaH pAdarakShe sakR^idapi viniyuktaM tvatsaparyAdhikAre | punarapi kathamenaM hastamuttAnayeyaM dhanamadamuditAnAM mAnavAnAM samAje || 31\.15|| 965|| yadi kimapi samIhe karma kartuM yathAva\- tpratipadamupajAtaiH pratyaveyAM nimittaiH | avadhirasi yadi tvaM tatra naimittikAnAM sharaNamiha na kiM me shauripAdAvani syAH || 31\.16|| 966|| antarlInairaghaparikarairAvilA chittavR^ittiH shabdAdInAM paravashatayA durjayAnIndriyANi | viShNoH pAdapraNayini chirAdasya me duHkhasindhoH pAraM prapyaM bhavati parayA vidyayA vA tvayA vA || 31\.17|| 967|| gomAyUnAM malayapavane taskarANAM himAMshau durvR^ittAnAM sucharitamaye satpathe tvatsanAthe | tattvaj~nAne taralamanasAM shAr~NgiNaH pAdarakShe nityodvego bhavati niyaterIdR^ishI durvinItiH || 31\.18|| 968|| kAle jantUn kaluShakaraNe kShipramAkArayantyA ghoraM nAhaM yamapariShado ghoShamAkarNayeyam | shrImadra~NgeshvaracharaNayorantara~NgaiH prayuktaM sevAhvAnaM sapadi shR^iNuyAM pAdukAsevaketi || 31\.19|| 969|| pAShANakalpamante parichitagautamaparigrahanyAyAt | patipadaparicharaNArhaM pariNamaya mukundapAdarakShiNi mAm || 31\.20|| 970|| iti shrIkavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre nirvedapaddhatirekatriMshI || \section{32\. phalapaddhatiH (38)} upAkhyAtAM tathAtvena vasiShThAdyairmaharShibhiH | upAyaphalayoH kAShThAmupAse rAmapAdukAm || 32\.1|| 971|| nivisheya nirantaraM pratItastridashAnAM vibhavaM tR^iNAya matvA | savidhe tava devi ra~NgabhartuH padalIlAkamalaM samudvahantyAH || 32\.2|| 972|| kimahaM maNipAduke tvayA me sulabhe ra~Nganidhau shriyA sanAthe | karaNAni punaH kadarthayeyaM kR^ipaNadvAradurAsikAdiduHkhaiH || 32\.3|| 973|| sakR^idapyanubhUya ra~NgabhartustvadupashleShamanoharaM padAbjam | apunarbhavakautukaM tadaiva prashamaM gachChati pAduke munInAm || 32\.4|| 974|| aparasparapAtinAmamIShA\- manidampUrvanirUDhasantatInAm | bharatavyasanAdanUnasImnAM duritAnAM mama niShkR^itistvamAsIH || 32\.5|| 975|| tvadupAsanasa.npradAyavidbhiH samaye sAttvatasevite niyuktAH | bharatavratino bhavAmburAshiM katichit kA~nchanapAduke taranti || 32\.6|| 976|| alamachyutapAduke yathAva\- tbhavatI yachcha padaM tvadekadhAryam | itaretarabhUShitaM tadeta\- tdvitayaM saMvananAya chetaso naH || 32\.7|| 977|| ananyasAmAnyatayA murAre\- ra~NgeShvavApteShu kirITamukhyaiH | pAdAvani tvaM nijameva bhAgaM sarvAtmasAdhAraNatAmanaiShIH || 32\.8|| 978|| samAshritAnAM maNipAduke tvAM vipashchitAM viShNupade.apyanAsthA | kathaM punaste kR^itino bhajeran vAsAdaraM vAsavarAjadhAnyAm || 32\.9|| 979|| vimR^ishya ra~NgeshvarapAdarakShe vArakramaM nUnamavAraNIyam | padmAgrahe.api spR^ishatI pratItA sthUlena rUpeNa vasundharA tvAm || 32\.10|| 980|| abhirakShasi tvamanapAyanidhiM maNipAduke madhubhidashcharaNam | ata eva devi tadananyadhanAH shirasA vahanti bhavatIM kR^itinaH || 32\.11|| 981|| padayugamiva pAduke murAre\- rbhavati vibhUtirakaNTakA tvayaiva | kathamiva hR^idayAni bhAvukAnAM tvadanubhavAdupajAtakaNTakAni || 32\.12|| 982|| j~nAnakriyAbhajanasImavidUravR^itte\- rvaideshikasya tadavAptikR^itAM guNAnAm | maulau mamAsi madhusUdanapAduke tvaM ga~Ngeva hanta patitA vidhinaiva pa~NgoH || 32\.13|| 983|| ra~Ngeshvarasya yadiyaM maNipAdarakShe pAdAravindayugalaM bhavatIsametam | puMsAmupoShitavilochanapAraNArhaM kShIraM tadetadiha sharkarayA sametam || 32\.14|| 984|| kAmAdidoSharahitaM tvadananyakAmAH karma trayodashavidhaM parishIlayantaH | pAdAvani tvadanuSha~NgavisheShadR^ishya\- mekAntinaH paricharanti padaM murAreH || 32\.15|| 985|| maulau sthitA makhabhujAmathavA shrutInAM tadra~NgarAjacharaNAvani vaibhavaM te | asmAdR^ishAmapi yadi prathitaM tataHsyA\- tsaulabhyamamba tadidaM tava sArvabhaumam || 32\.16|| 986|| svapne.api chet tvamasi mUrdhani sanniviShTA namrasya me narakamardanapAdarakShe | sthAne tadetadiha devi yataH samAdhau santo vidustamapi tAdR^ishabuddhigamyam || 32\.17|| 987|| baddhA~njaliH paricharanniyameva ra~Nge vishrANitAchyutanidhiM maNipAduke tvAm | kasyApi kUNitadR^isho dhaninaH purastA\- duttAnayeya na kadA.api karaM vikosham || 32\.18|| 988|| tvayyarpitena charaNena sadadhvabhAjaH pAdAvani prathitasAttvikabhAvadR^ishyAH | ra~Ngeshavadvidadhate muhura~NgahArAn ra~Nge mahIyasi naTA iva bhAvukAste || 32\.19|| 989|| yena sthitA shirasi me vidhinA.adhunA tvaM tenaiva devi niyataM mama sAmparAye | lakShyIkariShyasi padAvani ra~NganAthaM lakShmIpadAmburuhayAvakapa~NkalakShyam || 32\.20|| 990|| haricharaNasaroje bhaktibhAjAM janAnA\- manukaraNavisheShairAtmanaivopahAsyam | pariNamaya dayArdrA pAduke tAdR^ishaM mAM bharatapariShadantarvartibhiH prekShaNIyam || 32\.21|| 991|| duritamapanayantI dUrataH pAduke tvaM danujamathanalIlAM devatAmAnayantI | anitarasharaNAnAmagrimasyAsya janto\- ravashakaraNavR^itteragrataH sannidheyAH || 32\.22|| 992|| charamanigamagIte saptatantau samApte nijasadanasamIpe prApayiShyan vihAram | jvalanamiva bhavatyoH samyagAropayenmAM prathamavaraNavashyaH pAduke ra~NganAthaH || 32\.23|| 993|| punarudaranivAsachChedanaM sahyasindhoH pulinamadhivaseyaM puNyamAbrahmalAbhAt | pariNamati sharIre pAduke yatra puMsAM tvamasi nigamagItA shAshvataM mauliratnam || 32\.24|| 994|| bahuvidhapuruShArthagrAmasImAntarekhAM haricharaNasarojanyAsadhanyAmananyaH | bharatasamayasiddhAM pAduke bhAvayaMstvAM shatamiha sharadaste shrAvayeyaM samR^iddhim || 32\.25|| 995|| tilakayasi shiro me shauripAdavani tvaM bhajasi manasi nityaM bhUmikAM bhAvanAkhyAm | vachasi cha vibhavaiH svairvyaktimitthaM prayAtA tadiha pariNataM me tAdR^ishaM bhAgadheyam || 32\.26|| 996|| ajaniShi chiramAdau hanta dehendriyAdi\- stadanu tadadhikaH sannIshvaro.ahaM vabhUva | atha bhagavata evAbhUvamarthAdidAnIM tava punarahamAsaM pAduke dhanyajanmA || 32\.27|| 997|| tvayyAyattau bhagavati shilAbhasmanoH prANadAnAM\- dAstrIbAlaM prathitavibhavau pAdapadmau murAreH | tAmevAhaM shirasini hitAmadya pashyAmiM daivA\- dAtmAdhArAM janani bhavatImAtmalAbhaprasUtim || 32\.28|| 998|| katha~NkAraM lakshmIkarakamalayogyaM nijapadaM nidadhyAdra~NgeshaH kulishakaThine.asminmanasi naH | na chedevaM madhye vishati dayayA devi bhavatI nijAkAntikShuNNasmarasharashikhAkaNTakatatiH || 32\.29|| 999|| krIDAlaulyaM kimapi samaye pAduke varjayantI nirveshaM svaM dishasi bhavatInAthayoH shrIdharaNyoH | mAmapyevaM janaya madhujitpAdayorantara~NgaM ra~NgaM yA.asau janayasi guNairbhAratInR^ittara~Ngam || 32\.30|| 1000|| iti ra~NgadhurINapAduke tvaM stutilakSheNa sahasrasho vimR^iShTA | saphalaM mama janma tAvadeta\- tyadihAshAsyamataHparaM kimetat || 32\.31|| 1001|| mAtaH svarUpamiva ra~NgapaterniviShTaM vAchAmasImani padAvani vaibhavaM te | mohAdamiShTutavato mama mandabuddhe\- rbAlasya sAhasamidaM dayayA sahethAH || 32\.32|| 1002|| ye nAma bhaktiniyatAH kavayo madanye mAtaH stuvanti madhusUdanapAduke tvAm | lapsye guNAMshaviniveshitamAnasAnAM teShAmahaM sabahumAnavilokitAni || 32\.33|| 1003|| sa~NgharShayanti hR^idayAnyasatAM guNAMshe santastu santamapi na prathayanti doSham | tadra~NganAthacharaNAvani te stutInA\- mekA paraM sahasatoriha sAkShiNI tvam || 32\.34|| 1004|| itthaM tvameva nijakelivashAdakArShI\- rikShvAkunAthapadapa~NkajayorananyA | svIyaM padAvani mayA sumahachcharitraM sIteva devi sahajena kavIshvareNa || 32\.35|| 1005|| pR^ithukavadanasha~NkhasparshanItyA kadAchi\- chChirasi viniMhitAyAH svena bhUmnA tavaiva | stutiriyamupaj~nAtA manmukhenetyadhIyuH paricharaNaparAste pAduke.apAstadoShAH || 32\.36|| 1006|| yadisphItA bhaktiH praNaya(va)mukhavANIparipaNaM padatrANastotraM hR^idi bibhR^ita ra~NgakShitibhR^itaH | nirunmAdo yadvA nirabadhisudhAnirjharamucho vachobha~NgIretA na kathamanurundhe sahR^idayaH || 32\.37|| 1007|| jayati yatirAjasUktirjayati mukundasya pAdukAyugalI | tadubhayadhanAstrivedImavandhyayanto jayanti bhuvi santaH || 32\.38|| 1008|| iti shrIkavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasre phalapaddhatiH dvAtriMshI || iti shrIkavitArkikasiMhasya sarvatantrasvatantrasya shrImadve~NkaTanAthasya shrImadvedAntAchAryasya kR^itiShu shrIra~NganAthapAdukAsahasraM sampUrNam || ## Contents 1 Introduction 2 How Paaduka is appropriately referred to as Sataari or Satakopam 3 Greatness of Paaduka 4 Rama had pledged Paaduka to Bharata as surety for return 5 Return of Paaduka to Ayodhya with Bharata 6 Assumption of Power 7 Coronation of the Paaduka 8 Reinstatement at Rama's feet after 9 Poets and Panegyrists sing Paaduka'spraise 10 Love-play between Paaduka Devi and Lord Rama 11 The Lord strolls with the Paadukas on 12 Oblations with flowers 13 Potency of dust from the Paadukas 14 On the melody of Paaduka walking 15 Gems as a totality-Distant view 16 Varieties of gems present together emitting spectra-near view 17 The luster of the ruby 18 On pearls in the Paaduka 19 On the emerald gems 20 On the sapphire beauty 21 Objects reflected in the Paadukas lustrous surface 22 Gold Paadukas 23 Paaduka exhibiting its status of subservience. Also the incarnation of Adisesha 24 The twin-Paaduka and its speciality 25 Shape and beauty of the Paaduka 26 The knob in each Paaduka 27 Of the streaks on the Paaduka 28 The maxims of conduct that the Paaduka implies 29 Miscellaneous aspects 30 Chitra Paddhati which emphasizes asuitable fitting matrix of artistry aspecialty of Oriental poetry 31 Words in disgust, in humility; entreating about one's pitiable plight 32 Rewards for having composed of the work and for recitation of the same Proofread by Pooja P \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}