% Text title : Shri Kubacharyapranita Prabodharatnamala % File name : prabodharatnamAlAkubAchArya.itx % Category : raama, rAmAnanda, shataka % Location : doc\_raama % Author : kubAchArya % Transliterated by : Mrityunjay Pandey % Proofread by : Mrityunjay Pandey % Description/comments : From Chatuh Sampradaya Dig-Darshanm % Latest update : December 3, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Kubacharyapranita Prabodharatnamala ..}## \itxtitle{.. shrIkubAchAryapraNItA prabodharatnamAlA ..}##\endtitles ## (shrIkevalarAmAchArya) rAmaM sureshArchitapadmapAdaM praphullanIlAbjasamAnakAntim | eka bahusyAmiti buddhimantaM namAmi nityaM bhavasindhupotam || 1|| rAmAnandaH prakR^ititanubhR^id brahmamantAtridaNDaM kAShAyaM yaH shrutitanupaTaM dhArayan brahmasUtre | gItAyAM vA upaniShadisame divyamAnandabhAShyaM kurvan bhaktiM jayati bhuvane taM stuve saMvitanvan || 2|| sAyujyamuktiM yadi vA~nChatiprabhostApatrayAmbhojavidhuMsumAnavaH | rAmasyabhakti dhruvashAntikAriNIM saMvitsvarUpAM satataM karotu saH || 3|| samastavedatatvaj~naM dAntaM vairAgyabhAjanam | dayAsamanvitaM shashvatparopakArashAlinam || 4|| shrIvaiShNavaM labdhasurAmamantraM gatvAviraktaM manujaH sukhArthI | shAntaM guruMsvAtmavishuddhatAyai varShatrayantasya juShaM vidadhyAt || 5|| saumyaM samitkaraM shiShyaM vIkShya tasya bhavachChide | goshaphapramitAM divyAM shikhAM vinA budho guruH || 6|| kArayitvA tataH kShIraM strapayitvA vidhAnataH | shiShyaM susatvasampannaM navyavastropavItikam || 7|| shrutimantraishchasammAdatvA rAmapadodakam | tattasmai bodhayitvA sad dharmavAkyaM yathAvidhi || 8|| bhagavatsammukhe vedI kR^itvA hutvA shubhe tithau | shrIrAmamantrataH samyak pa~nchAmR^ite dhanuH sherau || 9|| strApayitvA tatastasya shuddhe.agnau tApayejjale | taptadhanuH sharAbhyA~ncha sva~NkayedvAhumUlake || 10|| sudvAdashordhvapuNDrAMshcha raktashrIbhUShitAn kila | vidadhyAt tilakAn pashchAt tulasImAlIkAM shubhAm || 11|| dadhyAt ShaDakSharaM mantraM shrIrAmasya bhavachChidam | tadarthaM tadvidhishchApi bodhayet taM vidhAnataH || 12|| charamAdIn kilAnyA.cMstumantrAMstasmai dishedguruH | gAyatrIM vitaretsArthaM rAmasya savidhintathA || 13|| bhagavannAmasambandhinAmakuryAnmanoharam | etAn pa~nchasusaMskArAnnivartayed guruH svayam || 14|| shraddhAlubhavechChiShyo bhavabandhanamuktaye | gurorAj~nAM sadA shiShyaH shirodhAryAM sumAnayet || 15|| gurushchApi kadAchit taM duHkhakarmaNIha hi | na yojayedbhaverurdhvaretAstvaM shiShya shaMvraja || 16|| parArthaH satyasandhashcha prekShAyukto.apyabhUH sadA | prAtarutthAya shiShya ! tvaM stranAdikAryamAchareH || 17|| sandhyAM traikAlikIM kuryA stato bhagavato juSham | shrIbhAgavatashushrUShAM na tad bhedadR^ishaM kvachit || 18|| svasmai yA~nchA na kartavyA bhAgavatArthameva cha | ekAkI na kadApitvaM vase.astu vaiShNavaiH samam || 19|| viShNushrIrAmabhakti shrutigaNaviditAM kAmadhenoH samAnAM shashvatsAyujyamukteH khalu suvitariNIndhAtR^isharvAdikAmyAm | pralhAdeShTAshukartrIM suranikaranutAM shemuShI sasvarUpAM kuryAnnityaM manuShyogatajanikushalIno kadAchidvimu~nchet || 20|| vaiShNavAnAmapamAnaM kasminnaMshenakArayet | apisatkAramevAshuviparIto.ashivaMvrajet || 21|| virakto vaiShNavo bhUtvAvivAhaM nahi kArayet | retaH pAto na kartavyastaM kR^itvApatitobhavet || 22|| bhUtvAmahAntoyadiyoviraktomaurthyAtsvaka~NkAmayatevivAham | dharmachyutestasya vahiShkR^itiMsa~NkuryurviraktAH stutavaiShNavAvai || 23|| samAjadUShakaH sAdhuryaH kashchitsyatsudhIrapi | sa tyAjyaH suviraktaishcha shrIvaiShNavaH sanAtanaiH || 24|| sa~NgatiryatnataH kAryyA parasparaM suvaiShNavaiH | sthAnamprApyasvadharmo na heyobuddhivishAradaiH || 25|| bhagavadvaiShNavebhyashcha yashChadmakArakojanaH | adhaH patanamAyAti sahastraM janmanishchayam || 26|| nikhilabhuvanajanmasthairyasaMhArakartuH bhajanamananalabdhervedabuddheshcha viShNoH | janakumudasudhAMshorbrahmarAmasyamantraH bhavajaladhisusetorjIvamAtrAya deyaH || 27|| sachchAritradayAshamAdinilayaH shrIrAmabhaktipriyaH dambhAsatyavivarjitomitavachAH kAmAdishatrutyajaH | saumyovishvajanIna ArShamatagovaktA cha sadvartmanaH kR^ityAkR^ityamatiH punAtibhuvanaM vA IdR^ishovaiShNavaH || 28|| shrIrAmArpitamannaM yaddevadurlabhamastitat | bhu~njate bhAgyavantaH shrItulasIdalamishritam || 29|| shrIrAmakR^iShNamUrtiH sachChAlagrAmAkR^itistathA | pUjyAdhyeyAsadAbhaktyA shrIvaiShNavairjagaddhitaiH || 30|| pratiShThA bhagavanmUrteH kAryA shrIvaiShNavairbudhaiH | tadanyaiH sthApitA sA chetsaMskAryyA vaiShNavaiH punaH || 31|| anyathAsA.anamaskAryyAtathopAstivivarjitA | sA cha bhavati nistejA bhAnUdaye pradIpavat || 32|| sArdhahastatrayaM vastraM sakaupInaM shrutIritam | tadevadhAryyamasti shrIvaiShNavAnAM shubhAvaham || 33|| dhautaM kachChayutaM nohi dhAryyaM viraktavaiShNavaiH | notarhi vimaledharme doSholagatinaijake || 34|| svaveSholobhato bhIternaheyovaiShNavaiH samaiH | mUrkhobhavati satyAjyastathAsatisvadharmahA || 35|| ekAdashIvrata~NkAryaM shrIrAmanavamIvratam | kR^iShNAShTamIvrataM divyaM nijAtmashuddhayaisadA || 36|| anyamataM na nindeddhisvamataM mAnaya~n Chubham | prANibhiH sahabairaM no prakuryAdvaiShNavobudhaH || 37|| prAptA atithayaH sarve satkAryAyatnataH sadA | yathAshaktinijasthAnevaiShNavAstuvisheShataH || 38|| utsavonikhilaH kAryobhagavatashchavArShikaH | navyAnnaM suphalaM navyaM tannaivedyArthamAnayet || 39|| yathAsampattisAnandaM kAryyAtannyUnatAnahi | anarpitaM na bhoktavyaM ki~nchidvastukvachitprabhoH || 40|| anyathApatitobhUtvA.adhogatiM labhate dhruvam | mahAntapadavi~NgatvA yaH shrIbhagavatodhanam || 41|| svasmai kuTumbine rAti duravyayaM karoti cha | sa chANDAlatvamApnoti janmakoTishataM kila || 42|| dharmArthamilitaM dravyaM yo.adharmevyayate shaThaH | vaiShNavArtha~nchasamprAptaM vastutebhyonarAtichet || 43|| sa gardabhatvamAyAti sahastraM janmanishchayam | vaiShNavArthaM kilasvalpaM tathA bhagavate.api cha || 44|| vastu dadAtinaijArthammahanmahachchamandadhIH | gR^ihItvA ramatenityaM shUkaratvaM sa gachChati || 45|| rAmabhakterasaM sarvakalyANadaM sabhyasAmAjasanmAnadaM sundaram | sampivedvaiShNavo.asabhyatAsUchakaM dhUmapAnaM vidadhyAnnaduHkhAvaham || 46|| bhavyAM sampattimIshasya dharmArthamilitAM hareH | tatsevAyAntathA cha shrIvaiShNavasatkR^itau vyayet || 47|| tripuNDraM bhasmanodadhyAchChrIvaiShNavaH kadApi vai | pa~nchakeshajaTA shrImadbhadrarUpAtishobhitaH || 48|| rAmAnandasumAnite shrutinute shrIsampradAye shubhe kAShAyo.asti paTaH sito.api vihitobhavyaH shikhAsaMyutaH | shrIlashrItilakena bhUShitatamo yaj~nopavItastutaH sa.nnyAso.asti varastridaNDasahitomAnyashchaturthAshramaH || 49|| devabhAShA satIpAThyA viraktaiH vaiShNavaiH samaiH | tAM vinA nijadharmo.api shashashR^i~NgAyate dhruvam || 50|| sad vyAkhyAnaiH sadAchAraiH svadharmAcharaNaistathA | Atmanashcha janatAyA hitaM kuryAddhivaiShNavaH || 51|| ekamevAdvitIyaM na bhoH sid.hdhyate vAkyato.advaitavAdashcha tanneti vai | ekashabdo.asti nAmAdibhirghAtako hyadvitIyaM parAdhArahInaM padam || 52|| rAmaH kujA vAyusuto vidhiH sudhIH shrImAn vashiShThaH suparAsharonutaH | vyAsaH shukaH saMsR^itijIvamokShadastvityAdikA.a.achAryaparamparA.asti me || 53|| asmanmataM varIvarti vishiShTAdvaitamIritam | brahmasUtreShu gItAyAM sarvopaniShadi dhruvam || 54|| upAsyo vartate rAmo heyaguNaprahINakaH | rAma eva parambrahmeti manye kathitaH prabhuH || 55|| dAkShiNyAdiguNairyuktaH sarvaj~no vyApako hariH | satyasAketadhAmastho nityamUrtisamAshritaH || 56|| antaryAmI prabhU rAmo dharmAdharmaprashAsakaH | dharmo.adharmojaDatvAtsvaM phalaM dAtuM na shaknuyAt || 57|| dharmAdiphalalabdhAro dR^ishyante bahavo janAH | atastatprerako rAmo mantavyo.asti vichakShaNaiH || 58|| jIvo.alpaj~no.avibhurnityo j~nAnaM tasya vibhu smR^itam | anekaM vastu gR^ihNAti yugapaddhi yataH svayam || 59|| keshAgrashatabhAgo.asti sa chAnantyaM vrajed dhruvam | brahmasamAnamuktiH sa jagad\-vyApAravarjitaH || 60|| bhavyA sAyujyamuktistu tasya vede samIritA | ghaTanA\-rahitamAyetyuchyate buddhimattamaiH || 61|| sattvAdinilayo.aj~nA sA mAnyA.ajA prakR^itirbudhaiH | parArtho vishvayonyaMsho.anekavarNA cha vidyate || 62|| tadvishiShTastamohantA rAmo brahmAbhidhaH smR^itaH | dayAluH pralaye bhAti sachchidAnandamUrtikaH || 63|| mAyAjIvau harerdehau paravantau sadA hi tau | harirnityo.asya deho.api nAto doShalavo bhavet || 64|| jIvo.aNuryadi manyate sahacharaM karmApi tasyAsti bhoH sAketaM gatavA~njanaH sukhamitaH shIghraM sukhAptirbhavet | nirheturnahi kAraNaM kilavinA sa syAdidaM dUShaNaM sa~NkalpastadadR^iShTakaM bhagavato rAmo vibhurvidyate || 65|| tadbrahmApi prabhurAmapR^ithak siddhisambandhatoyat sUryAbjendraprabhR^itivivudhAshAsakaM bhaktilabhyam | tattatkAryeyutajanimatAM darshanAchchAnumeyaM svasmAt sR^iShTauhiM manujakR^itaudoSha AtmAshrayAdiH || 66|| karmAnadhInatanako nijavA~nChayA yaH pAtuM kalevaragaNaM dharate prapannAn | rAmo hyajo nikhilashaktigR^ihaM sujIvA\- .nj~neyo dayArdrahR^idayo vijaro vimR^ityuH || 67|| sthUlaprakR^itijo.ato na mama mate.asti pariNAmavAdaH | sadvArakobrahmaNi hi vikArasa.nj~no doShaH shrIrAme || 68|| yathorNanAbhiH svA.a.asyAt tantUn niHsArvagR^ihaM virachayya cha | nivasati na tatsvarUpe.api vikArastathenasya mama nahi || 69|| satkhyAtirasti mantavyA vaiShNavasamaye shubhe | pa~nchIkaraNarItyA hi sarvaM sarvatra vartate || 70|| sarvaH kila padArthashcha pratItyabhyupagamyakaH | satkhyAtiH sudR^iDhA jAtetyetena j~nAyatAM budhAH || 71|| nAsti pratItiviShayaH khalu yaH padArtha statkalpanA khasumanaH sadR^ishI suvedyA | yad yat padaM jagati vA~nChati vai manuShyo nApnoti tarhi jagadIshapavitrasattA || 72|| yadi sA manyate tarhi kShitau vahnerguNaH svayam | pratIyetochyate hyatra nishchitaM matamuttamam || 73|| urvyAmagnerna bhAnaM syAdurvyA adhikabhAgataH | yadAdhikyaM tu tadbhAnaM kA.atra yuktirnishamyatAm || 74|| vaisheShyAt tviti mAnena santoShaH kriyatAmaye | tattvamasyAdivAkyaistu kevalAdvaitadhInahi || 75|| sharIrasharIribhAvo nishchetuM shakyastattvamasi pade | ShaShThyAdeH prathamAto vyatyayo bahulamiti sUtratastadiha || 76|| yasyA.a.atmA sharIraM cha shrutito.asti sharIrasharIribhAvo.api | nirguNamiti vAkyArthe.ayaM heyaguNaprahINaM ? || 77|| dayAdAkShiNyakAdyabdhiriti j~neyo bhavAdR^ishaiH | shrIrAmo brahmashabdena sarvopaniShadIritaH || 78|| shabdashAstradishA vAdin nirAkAratvamannano | brahmaNi sidhyate kintu sAkAratvaM sthiraM bhavet || 79|| AkAra~ncha vinA pUrvaM samAso jAyate katham | vyAkaraNasya no lesho vartate tvayi nishchitam || 80|| tatsid.hdhyartha~ncha pUrvaM tvaM shabyashAstraM guroH paTha | no ched bhavadvachaH saumya hyAkAshakusumAyate || 81|| svAkAre bhedavAde cha hyavatAre hareH prabhoH | shrutirasti yato martyo na sandegdhi kvachit kila || 82|| sa paryagAchChukramakAyamavraNaM shubhaM sharIraM pR^ithivIti yasya yat | tameva bhR^itvA nidadhe padaM tvidaM vichakrameviShNuriti prasiddhakam || 83|| jij~nAsyajij~nAsakabhAvanA bhaved bhede hi nAbheda iti prasiddhakam | yad \ldq{}dvA suparNA\rdq{} shrutirasti vai bhidI vA vakti shaM \ldq{}tat tvama\rdq{} sIti bhedakam || 84|| varAkI sammatA mAyA shaknoti bhavatAM nahi | kAryaM kimapi kartuM sA.aj~natvAjjaDatvahetutaH || 85|| kintu samaM jagat svayaM chidachidAtmakaM brahma kurute.a~Nga | jagat prati tadevAsti hmabhinnanimittopAdAnakAraNam || 86|| nirAkAramiti shrutyartho.ayaM brahma nu vartate | karmAnAyattanmUrti pratibhA shaktitaMsitam || 87|| ghaTAbhAve kathaM tasyAbhAvaM shaktAH pravalgitum | bhavAdR^ishA bhaviShyanti yuktiH kA.atra vichAryatAm || 88|| tathaiva prakR^ite j~neyamatastat sAkR^itIShyatAm | sA.a.akAraM nAshamApnoti vastu ghaTAdivat sadA || 89|| tathaiva tadapi syAd bho doSho.ayaM vAryatAM tvayA | shrR^iNutA~NgaH na tad brahmA.anityAkAraghaTAdivat || 90|| kintu nityA.a.akR^iti brahmAkartR^ikaM vartate kutaH | nAshArhaM syAdanavasthA tasmin sakartR^ike.apriyA || 91|| prakR^iteH sharIravatAM prabhorjagadIshvarasya cha kIdR^ishaH vadatA.ayi naikanivAdinaH ! khalu vartate bhavatAM mate | shubhadehadehikasheShasheShikabhAvakaH shrR^iNu mAyika ! iti bho niyamyaniyAmakatvamayaM paTo mama budhyatAm || 92|| AjAnubAhurnigamAdigItaH satyavrataH saddvibhujaH svatantraH | saddhIrayodhyApatishAr~NgapANirnityA.a.akR^itiH satyadayAdigeham || 93|| shrutimArgAbjasaptAshvaH shrIrAmo bhaktavatsalaH | jAnarAyapadenApi sa eva prathito bhuvi || 94|| sAkAraM j~nAyate vastu bhUmijalAdivat sadA | shashashR^i~NgAdivajjAtu nirAkAraM na budhyate || 95|| j~nAtR^ij~neyAdi bhede hi bhogamAtrAdi sAmyakam | vyAsoktiH kathayanyatI syAt sArthikA nAnyathA kila || 96|| anirvAchyAkhyAtishcha sadasadvilakShaNArthikA.astIti te | kathaM na khapuShpasadR^ishaM kathaM shashashR^i~Ngavat tadvilakShaNam || 97|| vastvevAprasiddhaM nu jagati shuktyAdau rajatAdi satyam | astIti vij~nAyeta pa~nchIkaraNaprakriyayA samakaiH || 98|| sA tu bhavatA.api satataM manyate tayA.asti sarvaM sarvatra | samasmin sarvalAbhaH syAditi na vAchyaM tat tadvisheShAt || 99|| kShitishuktau shuktayaMsho.adhiko.astIti sa upalabhyate sarvaiH | tejobhAgAlpatvAnna tadupalabhyate madvijayaH || 100|| tadvilakShaNotpattI rajatasya jAyate nahi satojaneH | niShedhanAdatashcha satkhyAteH siddhiranirvAchyaM kasmAt || 101|| dhR^itordhvapuNDra ityeShA shrIdhanvanA.a~NkitaH shrutiH | j~nAyatAM cha hi sad bIjamUrdhvapuNDra dhanurvidhau || 102|| dAsaH padaM shrutAvasti nAto ghR^iNA vidhIyatAm | shrutyanabhij~na ! pashya tvam\-araM dAso na mIDhuShe || 103|| tulasImAlAdhR^itishchanAprAmANikIvigaNyatAm | shrutirastitatratvamitimAlAntulasIjAM pashya || 104|| AmnAyApauruSheyatvamasti sarvayugeShvapi | tannityatvamidaM ki~ncha sarvavedAntasammatam || 105|| AnupUrvyA abha~Ngastu vedamantravrajasya hi | kasmin yuge.api neshashcha tadAnupUrvikAM dyati || 106|| purAsR^iShTerIshojanayatividhiM shAntinilayo jagatsR^iShTiM kartuM hyupadishati tasmai shrutichayam | yathApUrvaM sarvAn sR^ijati sa tu lokAn sitamatiH trayINAM nityatvaM draDhayati shametena vimalaH || 107|| bho vAdin ! pratimApUjanAnna phalaM ki~nchidbhavatIti nahi yataH sarvasminstadabhAvasya vaktumashakyatvAt pratimA.archanakavidheH | kAle shrutyupachaye vartanAchcha tatomukteH pratipAdanakakR^iteH sattvAchChAstrachaye chandramAmanasojAtastvititat saphalatvagAt || 108|| na tasya pratimA.astIti tanniShedhAdupAsituM kalpyate | phalavArtA.asatyA tad\-yasyanAmamahadyashaH sadR^ishArthakam || 109|| rAmAnujamatAdbhinnaM shrIrAmAnandasanmatam | mantropAsyeShTadevasya bhedAdeveti nishchitam || 110|| rAmAnandamahAsuhR^itsurasurAnandasya sadvaMshajaH raktashrItilakAbhirAmashirasaH satkShAntipAthonidheH | mAyAvAdigajendrakumbhadalane siMhAyamAnasya cha shiShyo.ahaM narasiMhanAmakaguroH shrIjhIthaDAvAsakaH || 111|| iti shrIkubAchAryapraNItA prabodharatnamAlA sampUrNA | ## Encoded and proofread by Mrityunjay Pandey \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}