% Text title            : Pramanadipika
% File name             : pramANadIpikA.itx
% Category              : raama, rAmAnanda
% Location              : doc\_raama
% Author                : Haryanandacharya
% Proofread by          : Parashara Ranganathan
% Latest update         : January 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pramanadipika ..}##
\itxtitle{.. pramANadIpikA ..}##\endtitles ##
\section{atha prathamo mayUkhaH}
rAmaM sItAM tathAchAryaM shriyAnandaM praNamya cha |
pramANAnAM prakAshAya kurve pramANadIpikAm || 1||
atha pratyakShapramANamayUkhaH
chidachidIshatatvAnAM j~nAnaM prAmANikaM cha yat |
mokShasya sAdhanaM taddhi bhoktA bhogyamiti shruteH || 2||
pramAyAH karaNaM tatra pramANa sammataM budhaiH |
abAdhavyavahArasyAnuguNA tu matiH pramA || 3||
karaNaM chAvagantavyaM vyApArashAli kAraNam |
tridhA pramANamadhyakShAnumAnashabdabhedataH || 4||
sambhavasyopamAnasya chArthApattestathaiva hi |
antarbhAvo.anumAne tu tattvaj~nairurarIkR^itaH || 5||
aitihyamAptamUlaM yachChabde chAntarbhavatyadaH |
anumAnA~Ngatarkasya manyate svA~NgirUpatA || 6||
bhAvAntareNa chAbhAvapratItirupapadyate |
abhAvAkhyaH padArthashchAtirikto manyate na tat || 7||
atiriktaM pramANaM tannAnupalabdhinAmakam |
abhAvasAdhakatvena pramANaj~nairhi manyate || 8||
anumAdhyakShashAbdItibhedAt tridhA matA pramA |
j~nAnAkaraNakaM j~nAnaM pratyakShatvena sammatam || 9||
pratyakShaM dvividhaM chAtha tatrAdyaM nirvikalpakam |
anekavR^ittijAtyAdyaviShayA shemuShI hi tat || 10||
pratyakSha chAparaM proktaM vidvadbhiH savikalpakam |
anekavR^ittijAtyAdiviShayA shemuShI cha tat || 11||
pratyakShaM dvividhaM chaitad dvaividhyaM cha gataM punaH |
arvAchInamathA.anarvAchIna~nshveti vibhedataH || 12||
ekamindriyasApekShamaparaM tadvilakShaNam |
svayaMsiddhaM cha divyaM cha dvividhamAdimaM tathA || 13||
yogajanyaM cha tatrAdyaM para~ncheshaprasAdajam |
pratyakShAnubhave tatra karaNamindriyaM matam || 14||
vyApArastatra saMyogaH saMyuktAshrayaNaM tathA |
arvAchInetarad bodhyaM pratyakShamIshamuktayoH || 15||
pUrvAnubhavatashchAtra saMskR^itirupajAyate |
sadR^ishAdR^iShTachintAdyairudbuddhA saMskR^itirbhavet || 16||
udbuddhasaMskR^iterjAtA smR^itiH pratyakShameva hi |
pratibhA pratyabhij~ne cha pratyakShe eva sammate || 17||
yathArtha sarvavij~nAnamiti vedavidAM matam |
shuktAvapi hi raupyAMshAH pa~nchIkaraNato matAH || 18||
shuktiraupyamatestasmAt satyAlambanatA matA |
shuktiraupyamatirbhrAntA raupyAMshAlpatvahetutaH || 19||

\- iti pratipakShibhaya~Nkara jagadguru shrIharyAnandAchArya
siddhashiromaNipraNItAyAM pramANadIpikAyAM pratyakShapramANanirUpaNAkhyaH
prathamo mayUkhaH || 1||
\section{athAnumAna pramANamayUkhaH}
anumAkaraNaM chAthAnumAnaM parikIrttitam |
sAdhakatamamevAtra karaNaM prAj~nasammatam || 1||
tato li~NgaparAmarsho.anumAyAM karaNaM matam |
vyApyasya pakShavR^ittitvadhIH parAmarshanAmikA || 2||
tajjA chAnumitiH pakShe sAdhyabuddhirmatA budhaiH |
sAdhyAdhArasthatA hetau vyAptiH prAj~naiH prakIrttitA || 3||
sAhacharyasya bhUyiShThadarshanAd vyAptidhIrbhavet |
taddarshanaM sapakShe hi bhavennishchitasAdhyake || 4||
sAdhyashUnyo vipakShashcha pakShaH sandigdhasAdhyakaH |
anvayavyatirekI hi hetushcha kevalAnvayI || 5||
yatsattve khalu yatsattvamanvayavyAptirIritA |
yachChUnyatvaM cha yachChUnye.abhAvyAptirhi sAdhane || 6||
anvayavyAptitashchAthAnvayI heturbudhairmataH |
abhAvavyAptito heturvyatirekI samIritaH || 7||
siddhAnte dvividhashchaiva saddheturbudhasammataH |
kevalavyatirekI tu siddhAnte manyate na hi || 8||
ubhe chAtrAnumAnA~Nge vyAptishcha pakShadharmatA |
dvayoranyatarasyAtha virahe hetuduShTatA || 9||
vyabhichArI viruddho.athAsiddhaH satpratipakShakaH |
bAdhitashcheti pa~nchApi hetvAmAsAH prakIrttitAH || 10||
hetushcha vyabhichArI hi svasthAnAtikrame bhavet |
sa hyanaikAntikashchAtha dvividhaH parikIrttitaH || 11||
vipakShe.api sthitashchet sa sAdhAraNo matastadA |
budhaiH sa pakShamAtrastho.asAdhAraNa udAhR^itaH || 12||
sAdhyAbhAvena sa vyApto viruddhatvena sammataH |
AdimastriShvasiddheShvAshrayAsiddhaH samIritaH || 13||
pakShashcha pakShatA.avachChedakashUnyashcha tatra hi |
pakShe cha heturAhityaM svarUpAsiddhatA smR^itA || 14||
vyApyatvAsiddhatA chAtra dvidhA prAj~naiH samarthitA |
vyAptigrAhakamAnasya shUnyatvAt tatra chAdimA || 15||
hetAvupAdhisattvAchcha dvitIyA sammatA budhaiH |
sAdhyavyApakatAyAM cha sAdhanAvyApakatvakam || 16||
upAdhitvena samproktaM hetoH paramadUShaNam |
pratipakShasya sattve tu hetoH satpratipakShatA || 17||
yasya prabalamAnena sAdhyAbhAvo vinishchitaH |
dArshanikaiH sa heturhi bAdhitaH samprakIrttitaH || 18||
anumAnaM dvidhA svArthaM parArthaM cheti bhedataH |
svArthena svAnumA chAtra parArthena parAnumA || 19||
nyAyajastu parAmarshaH parAnumitikAraNam |
nyAyastatra pratij~nAdyavayavapa~nchakaM mataH || 20||
matij~nA sAdhyanirdesho hetUkterhetutA tathA |
vyAptinirdeshapUrvA hi dR^iShTAntoktirudAhR^itA || 21||
vyApyasya pakShavR^ittitvabodhashchopanayo mataH |
nigamanaM tu sAdhyasyopasaMhAravachaH khalu || 22||
naiyAyikA bhavantyetatpa~nchAvayavavAdinaH |
vedAntino vadantyeShvanumAsiddhau yathAruchi || 23||

\- iti pratipakShibhaya~Nkara jagadguru shrIharyAnandAchArya
siddhashiromaNipraNItAyAM pramANadIpikAyAmanumAnapramANanirUpaNAkhyo
dvitIyo mayUkhaH || 2||
\section{atha shabdapramANamayUkhaH}
anAptAnuktavAkyasya shabdapramANatA matA |
dvAraM padArthabuddhishcha shaktidhIH sahakAriNI || 1||
vAkyaM padasamUhashcha shaktaM padatayA matam |
abhidhAkhyA cha shaktirhi vedasyArthAvabodhitA || 2||
mukhyA vR^ittiH padasyArthe saiva prAj~nairudIritA |
ghaTe ghaTetyukte hi shaktirghaTapadasya cha || 3||
sambandho.abhihitaH prAj~nairvR^ittiH padapadArthayoH |
mukhyArthasya hi bAdhe tu vR^ittirmataupachArikI || 4||
gauNI cha lakShaNA cheti bhedAt sA dvividhA punaH |
shakyasya guNavattvena tvAdyA vR^ittirmatA budhaiH || 5||
lakShaNA shakyasambandhaH sA.anvayAnupapattitaH |
jahadathAjahachcheti dvidhA sA parikIrttitA || 6||
AkA~NkShAyogyatA.a.asattimad vAkyaM hi pramANakam |
pramANamakhilo vedaH siddhe vyutpattisambhavAt || 7||
bhAgadvayaM hi vedasya karmabrahmAbhidhAyakam |
tatrAdye kathitaM karma brahmArAdhanalakShaNam || 8||
shAstre hi pUrvamImAMsA.a.akhye.asya sha~NkAH samAhitAH |
brahmaNo varNitaM chAntye svarUpaM cha guNAdikam || 9||
etachCha~NkAsamAdhAnaM mImAMsA chottarA matA |
matA mImAMsayostasmAdubhayorekashAstratA || 10||
vidhyarthavAdamantretibhedAdvedastridhA mataH |
sammatastatra vidvadbhirvidhivAkyaM pravarttakam || 11||
vidhiratyantamaprApte niyamaH pAkShike sati |
tatra chAnyatra cha prAptau parisa~Nkhyeti gIyate || 12||
ityevaM hi vidhiH prAj~naistrividhaH samprakIrttitaH |
nityo naimittikaH kAmyashchApi bhedA vidhermatAH || 13||
pravR^ittyuttambhakaM vAkyamarthavAdatayA matam |
mantratvena mato vedo.anuShTheyArthaprakAshakaH || 14||
shikShA vyAkaraNaM Chando niruktaM jjotiShaM tathA |
kalpashcheti ShaDa~NgAni vedasyoktAni vaidikaiH || 15||
pUrvakramavishiShTA hi vedAshcheshasamIritA |
nityA apauruSheyAste tasmAd budhaishcha sammatAH || 16||
nityo vedashcha nirdoSho vaktrabhAvAddhi sammataH |
prAmANyaM hi budhairvede svIkR^itaM svata eva tat || 17||
smR^ityAdestu pramANatvaM vedamUlatayA matam |
shAstra vedaviruddhaM cha naiva yAti pramANatAm || 18||
dehasya vAchakAH shabdAH paryavasyanti dehini |
sarvashabdaikavAchyastad rAmaH sarvasharIrakaH || 19||

iti pratipakShibhaya~Nkara jagadguru shrIharyAnandAchArya
siddhAntashiromaNi praNItAyAM pramANadIpikAyAM
shabdapramANanirUpaNAkhyastR^itIyo mayUkhaH || 3||

shriyAnandAryashiShyeNa haryAnandena nirmitA |
prakAshikA pramANAnAM bhUyAt pramANadIpikA || 20||

(shrIharyAnandAchArya shatAbdyAM shrI haryAnandAchAryopadiShTaH prabandhaH)
##
Proofread by Parashara Ranganathan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}