% Text title            : Raghava Praptibodhah
% File name             : rAghavaprAptibodhaH.itx
% Category              : raama, rAmAnanda
% Location              : doc\_raama
% Author                : rAghavAnandAchArya
% Latest update         : January 22, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Raghava Praptibodha ..}##
\itxtitle{.. shrIrAghavaprAptibodhaH ..}##\endtitles ##
rAghavaM cha guruM nattvA vyAsaM bodhAyanaM tathA |
rAghavaprAptibodhaM hi kurve rAghavabhaktidam || 1||
baddho.ayamatha jIvAtmA sambaddho.anAdyamAyayA |
bhavatyavidyayA chAsya tvahantAmamatAdvayam || 2||
rAgadveShadvayaM chApi jAyate.avidyayA.a.atmanaH |
avApnoti tatashchAyaM jIvo dehachatuShTayam || 3||
shabdAdiviShayeShvasya jAyate.abhiruchistataH |
viShayAn sevituM chAyamasanmArge pravarttate || 4||
asatyabhAShakastatra chAsaktaH steyakarmaNi |
hiMsAdinirato bhUtvA nIchasevAmupaiti hi || 5||
yadA yAti vipannaH san ki~NkarttavyavimUDhatAm |
tadA hR^idi hi rAmasya kR^ipA kA.apyupajAyate || 6||
dayArdro vIkShate jIvaM svAmI rAmo dayAmbudhiH |
prasannachittatAM prANI rAmaprItyopayAtyatha || 7||
satvodrekaM cha samprApto bhUtvA sukR^itamichChati |
sa~NgatiM cha tato yAti rAmabhaktamahAtmanAm || 8||
viShayebhyo viraktAnAmAtmAnAtmaprabodhinAm |
sa~njAyate tatashchAsya sadAchAryasamAshrayaH || 9||
shiShyabhUtaM tato jIvaM sadAchAryaH prabodhati |
sharIrAdindriyebhyo.atha prANebhyo buddhitastathA || 10||
bhinno jIvashcha nityo.aNuH karttA bhoktA.atha chetanaH |
jagaddhetoshcha rAmasya sheSho dehastathaiva cha || 11||
shrIrAmaparatantraH sa na svatantraH kadApi hi |
rAghavAdhInatAsImA vaiShNavAdhInatA matA || 12||
shrIrAmapadakai~NkaryaM phala~nchAsyA mataM budhaiH |
tasya pratibhaTashchAtrAha~NkAraH samudIritaH || 13||
mamakArastathA dehasambandho.api tathA smR^itaH |
shrIrAmacharaNAveva samarthau tannivarttane || 14||
j~nApakaM kathitArthAnAM rahasyatrayamIritam |
bhavatyatha kR^itaj~no hi shiShyashchAsau tu sadgurau || 15||
sAtvikavaiShNavAnAM cha tato yAti susa~Ngatim |
sadAchAryasya kai~Nkarye.adhikAraM labhate tataH || 16||
sadAchAryasya kai~NkaryaM dvidhA prAj~naiH samIritam |
iShTasya karaNaM chAtrAniShTasyAkaraNaM tathA || 17||
abhAve chaitayoshchAtra shiShyaM tyajati sadguruH |
AchAryeNa parityaktaM shrIrAmo vijahAti hi || 18||
arjanIyA tataH prAj~naiH sadAchAryakR^ipaiva hi |
prApyate sA cha rAmasya tadIyasya cha sevanAt || 19||
rAmarAmIyasevAtaH prasanne sati sadgurau |
guruprIte cha shiShye hi shrImadrAmaH prasIdati || 20||
sAkete paramaprApyaH shrIrAmaH sakaleshvaraH |
svaprItenaiva samprApto rAmo bhavati nAnyathA || 21||
shrIharyAnanda shiShyashrIrAghavAnanda nirmitaH
rAghavaprAptibodho.ayaM bhUyAd rAghavabhaktidaH || 22||

iti durvAdadhvAntamArttaNDa jagadguru shrIrAghavAnandAchArya
siddhasaMrATpraNItA shrIrAghavaprAptibodhaH sampUrNaH |
##
Proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}