% Text title            : Ramartharatnamanjusha or Ramanamarthavimshatih
% File name             : rAmArtharatnamanjUShA.itx
% Category              : raama, rAmAnanda, viMshati
% Location              : doc\_raama
% Author                : Haryanandacharya
% Proofread by          : Parashara Ranganathan
% Latest update         : January 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramartharatnamanjusha or Ramanamarthavimshatih ..}##
\itxtitle{.. rAmArtharatnama~njUShA athavA rAmanAmArthaviMshatiH ..}##\endtitles ##
shriyAnandaM guruM natvA parabrahma cha rAghavam |
rAmArtharatnama~njUShAM kurve rAmArthabuddhaye || 1||
hR^idayaM mantrarUpeNa rAmavAchakareNa yaH |
shritasyAmati chApnoti sa rAmaH parikIrttitaH || 2||
reNa parashurAmeNa sevArthamamyate hi yaH |
parashurAmagamyashcha sa rAmaH parikIrttitaH || 3||
yasya ro.arthAddhi dAnasya tviyattA.amo.asti na kvachita |
dAnasyeyattayA shUnyaH sa rAmaH parikIrttitaH || 4||
svasyAshrita hi yo nityaM ramayatyapakAriNam |
abhirAmo janasyAtra sa rAmaH parikIrttitaH || 5||
sakR^it prapattito yashcha sarvebhyo.abhayado hi tat |
ramante yogino yasmin sa rAmaH parikIrttitaH || 6||
yasya rA dAnamevAsti mA lakShmIshchAtra vishrutA |
satataM dAnakarttA hi sa rAmaH parikIrttitaH || 7||
pAlanAyAmati svIyAn ravAchyAyAM kShitau cha yaH |
kAle chAvataratyeva sa rAmaH parikIrttitaH || 8||
brahmaviShNushivAdInAM ravAchyaishvaryashAlinAm |
gamashchAmo.avituM yasya sa rAmaH parikIrttitaH || 9||
raM khyAdeshcha tejo yo bhAsayatyamati svayam |
sarvalokahitArthaM vai sa rAmaH parikIrttitaH || 10||
sevArthamamyate kAle raiH shivabrahmaviShNubhiH |
sevyo yaH shambhuvidhyAdeH sa rAmaH parikIrttitaH || 11||
reNaishvaryeNa yuktairyo manasA prApyate.amyate |
brahmaviShNushivAdyaishcha sa rAmaH parikIrttitaH || 12||
yashchAmatyabhirAmeNa lokeShu sakaleShu vai |
lAvaNyayuktadehena sa rAmaH parikIrttitaH || 13||
atrAmayati yaH svIyAn ravAchyaishvaryashAlitAm |
sarvadA chAbhimukhyena saH rAmaH parikIrttitaH || 14||
amyate kShamayA lokai ravAchyakShmAkShameshavat |
sarvadA krodhashUnyo yaH sa rAmaH parikIrttitaH || 15||
mIyate Chidyate yo na deshaiH kAlaishcha vastubhiH |
amo nityaM ravAchyo hi sa rAmaH parikIrttitaH || 16||
amo yasya tviyattA no rasya rAyashcha sarvathA |
amitaishvaryavAn yo hi sa rAmaH parikIrttitaH || 17||
rAMshchAkhilagarvAMshcha vinAshamamayeddhi yaH |
devAdibhayadatvena sa rAmaH parikIrttitaH || 18||
sarvendriyairhi rairyashchAprApyate nAmyate kila |
indriyAgocharastasmAt sa rAmaH parikIrtitaH || 19||
amaH prAptishcha yasyAstu ravAchyAyAH kShiterhi sA |
rAmAsti sarvadA yasya sa rAmaH parikIrttitaH || 20||
mahArAjAdhirAjai rairamyate sevyate cha yaH |
svAmI cha sarvalokAnAM sa rAmaH parikIrttitaH || 21||
shriyAnandAryashiShyeNa haryAnandena nirmitA |
kalyANakAriNI bhUyAda rAmanAmArthaviMshatiH || 22||

iti pratipakShibhaya~Nkara jagadguru shrIharyAndAchArya
siddhashiromaNi virachitA shrIrAmArtharatnama~njUShA
athavA shrIrAmanAmArthaviMshatiH sampUrNA |
##
Proofread by Parashara Ranganathan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}