% Text title            : Shlokas to be Recited during Study of Shrimad Ramayanam
% File name             : rAmAyaNapaThanopakramopasaMhArakramaH.itx
% Category              : raama, dhyAnam, mangala
% Location              : doc\_raama
% Transliterated by     : Aruna Narayanan narayanan.aruna at gmail.com
% Proofread by          : Aruna Narayanan narayanan.aruna at gmail.com
% Latest update         : February 9, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shlokas to be Recited during Study of Shrimad Ramayanam ..}##
\itxtitle{.. shrImadrAmAyaNapaThanopakramopasaMhArakramaH smArta ..}##\endtitles ##
                || shrIH||
\section{dhyAnama~NgalashlokAH |}
##(Dhyana Shloka to be recited before the commencement of Parayanam)##
|| smArtasampradAyaH ||
shrIvighneshvaradhyAnam \-
shuklAmbaradharaM viShNuM shashivarNaM chaturbhujam |
prasannavadanaM dhyAyet sarvavighnopashAntaye || 1||
vAgIshAdyAH sumanasaH sarvArthAnAmupakrame |
yaM natvA kR^itakR^ityAH syustaM namAmi gajAnanam || 2||
(anantaram shrImachCha~NkarabhagavatpAdaguruparamparA anusandheyA)
OM nArAyaNaM padmabhuvaM vasiShThaM shaktiM cha tatputraM parAsharaM cha
     vyAsaM shukaM gauDapAdaM mahAntaM govindayogIndramathAsya shiShyam |
shrI sha~NkarAchAryamathAsya padmapAdaM cha hastAmalakaM cha shiShyaM
     taM toTakaM vArttikakAramanyAnasmad gurUn santatamAnato.asmi || 
sadAshivasamArambhAM sha~NkarAchAryamadhyamAm |
asmadAchAryaparyantAM vande guruparamparAm || 
                    \-\- advaita guruparamparA stotram |
shrIsarasvatIprArthanA \-
dorbhiyuktA chaturbhiH sphaTikamaNimayImakShamAlAM dadhAnA 
     hastenaikena padmam sitamapi cha shukaM pustakaM chApareNa |
bhAsA kundendusha~NkhasphaTikamaNinibhA bhAsamAnAsamAnA
     sA me vAgdevateyaM nivasatu vadane sarvadA suprasannA || 3||
shrIvAlmIkinamaskriyA \-
kUjantaM rAma rAmeti madhuraM madhurAkSharam |
Aruhya kavitAshAkhAM vande vAlmIkikokilam || 4||
vAlmIkermunisiMhasya kavitAvanachAriNaH |
shR^iNvan rAmakathAnAdaM ko na yAti parAM gatim || 5||
yaH piban satataM rAmacharitAmR^itasAgaram |
atR^iptastaM muniM vande prAchetasamakalmaSham || 6||
shrIhanumannamaskriyA \-
goShpadIkR^itavArAshiM mashakIkR^itarAkShasam |
rAmAyaNamahAmAlAratnaM vande.anilAtmajam || 7||
a~njanAnandanaM vIraM jAnakIshokanAshanam |
kapIshamakShahantAraM vande la~NkAbhaya~Nkaram || 8||
ulla~Nghya sindhoH salilaM salIlaM yaH shokavahnim janakAtmajAyAH |
AdAya tenaiva dadAha la~NkAM namAmi taM prA~njalirA~njaneyam || 9||
A~njaneyamatipATalAnanaM kA~nchanAdrikamanIyavigraham |
     pArijAtatarumUlavAsinaM bhAvayAmi pavamAnanandanam || 10||
yatra yatra raghunAtha kIrtanam tatra tatra kR^itamastakA~njalim |
     bAShpavAriparipUrNalochanaM mArutiM namata rAkShasAntakam || 11||
manojavaM mArutatulyavegaM jitendriyaM buddhimatAM variShTham |
vAtAtmajam vAnarayUthamukhyaM shrIrAmadUtaM shirasA namAmi || 12||
shrIrAmAyaNaprArthanA \-
yaH karNA~njalisampuTairaharahaH samyak pibatyAdarAd \-
     vAlmIkervadanAravindagalitaM rAmAyaNAkhyaM madhu |
janmavyAdhijarAvipattimaraNairatyantasopadravaM
     saMsAraM sa vihAya gachChati pumAn viShNoH padaM shAshvatam || 13||
tadupagatasamAsasandhiyogaM samamadhuropanatArthavAkyabadgham |
raghuvaracharitaM munipraNItaM dashashirasashcha vadhaM nishAmayadhvam || 14||
vAlmIkigirisambhUtA rAmasAgaragAminI |
punAtu bhuvanaM puNyA rAmAyaNamahAnadI || 15||
shlokasArasamAkIrNaM sargakallolasa~Nkulam |
kANDagrAhamahAmInaM vande rAmAyaNArNavam || 16||
vedavedye pare puMsi jAte dasharathAtmaje |
vedaH prAchetasAdAsIt sAkShAdrAmAyaNAtmanA || 17||
shrIrAmadhyAnam \-
vaidehI sahitaM suradrumatale haime mahAmaNDape
     madhyepuShpakamAsane maNimaye vIrAsane susthitam |
agre vAchayati prabha~njanasute tattvaM munibhyaH paraM
     vyAkhyAntaM bharatAdibhiH parivR^itaM rAmaM bhaje shyAmalam || 18||
vAme bhUmisutA purashcha hanumAn pashchAt sumitrAsutaH
     shatrughno bharatashcha pArshvadalayorvAyvAdikoNeShu cha |
sugrIvashcha vibhIShaNashcha yuvarAT tArAsuto jAmbavAn
     madhye nIlasarojakomalaruchiM rAmaM bhaje shyAmalam || 19||
namo.astu rAmAya salakShmaNAya devyai cha tasyai janakAtmajAyai |
namo.astu rudrendrayamAnilebhyo namo.astu chandrArkamarudgaNebhyaH || 20||

\section{shrImadrAmAyaNapArAyaNasamApanakramaH |}
##(Mangala shloka to be recited at the end)##
svasti prajAbhyaH paripAlayantAM nyAyyena mArgeNa mahIM mahIshAH |
gobrAhmaNebhyaH shubhamastu nityaM lokAH samastAH sukhino bhavantu || 1||
kAle varShatu parjanyaH pR^ithvI sasyashAlinI |
desho.ayaM kShobharahito brAhmaNAH santu nirbhayAH || 2||
aputrAH putriNaH santu putriNaH santu pautriNaH |
adhanAH sadhanAH santu jIvantu sharadAM shatam || 3||
charitaM raghunAthasya shatakoTipravistaram |
ekaikamakSharaM proktaM mahApAtakanAshanam || 4||
shR^iNvan rAmAyaNaM bhaktyA yaH pAdaM padameva vA |
sa yAti brahmaNaH sthAnaM brahmaNA pUjyate sadA || 5||
rAmAya rAmabhadrAya rAmachandrAya vedhase |
raghunAthAya nAthAya sItAyAH pataye namaH || 6||
yanma~NgalaM sahasrAkShe sarvadevanamaskR^ite |
vR^itranAshe samabhavattatte bhavatu ma~Ngalam || 7||
yanma~NgalaM suparNasya vinatAkalpayat purA |
amR^itaM prArthayAnasya tatte bhavatu ma~Ngalam || 8||
amR^itotpAdane daityAn ghnato vajradharasya yat |
aditirma~NgalaM prAdAttatte bhavatu ma~Ngalam || 9||
trIn vikramAn prakramato viShNoramitatejasaH |
yadAsInma~NgalaM rAma tatte bhavatu ma~Ngalam || 10||
R^itavaH sAgarA dvIpA vedA lokA dishashcha te |
ma~NgalAni mahAbAho dishantu tava sarvadA || 11||
kAyena vAchA manasendriyairvA buddhyAtmanA vA prakR^iteH svabhAvAt |
karomi yadyat sakalaM parasmai nArAyaNAyeti samarpayAmi || 12||

iti shrImadrAmAyaNapaThanopakramopasaMhArakramaH samAptaH |
##
Encoded and proofread by Aruna Narayanan narayanan.aruna at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}