% Text title            : Shlokas to be Recited (mAdhva sampradAya) during Study of Shrimad Ramayanam
% File name             : rAmAyaNapaThanopakramopasaMhArakramaHmAdhva.itx
% Category              : raama, dhyAnam, mangala
% Location              : doc\_raama
% Transliterated by     : Aruna Narayanan narayanan.aruna at gmail.com
% Proofread by          : Aruna Narayanan
% Latest update         : January 21, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shlokas to be Recited during Study of Shrimad Ramayanam ..}##
\itxtitle{.. shrImadrAmAyaNapaThanopakramopasaMhArakramaH mAdhva ..}##\endtitles ##
                || shrIH||
\section{dhyAnama~NgalashlokAH |}
##(Dhyana Shloka to be recited before the commencement of Parayanam)##

|| mAdhvasampradAyaH ||
mAdhvAnAM shrImadrAmAyaNapaThanopakrame anusandheyAH dhyAnashlokAH

shuklAmbaradharaM viShNuM shashivarNaM chaturbhujam |
prasannavadanaM dhyAyetsarvavighnanopa shAntaye || 1||
lakShmInArAyaNaM vande tadbhaktapravaro hi yaH |
shrImadAnandatIrthAkhyo gurustaM cha namAmyaham || 2||
vede rAmAyaNe chaiva purANe bhArate tathA |
AdAvante cha madhye cha viShNuH sarvatra gIyate || 3||
sarvavighnapraNemanaM sarvasiddhikaraM param |
sarvajIvapraNaitAraM vande vijayadaM harim || 4||
sarvAbhIShTapradaM rAmaM sarvAriShTanivArakam |
jAnakIjAnimanishaM vande madguruvanditam || 5||
abhramaM bha~NgarahitamajaDaM vimalaM sadA |
AnandatIrthamatulaM bhaje tApatrayApaham || 6||
bhavati yadanubhAvAdeDamUko.api vAgmI
      jaDamatirapi janturjAyate prAj~namauliH |
sakalavachanachetodevatA bhAratI sA
      mama vachasi nidhattAM sannidhiM mAnase cha || 7||
mithyAsiddhAntadurdhvAntavidhvaMsanavichakShaNaH |
jayatIrthAkhyataraNirbhAsatAM no hR^idambare || 8||
chitraiH padaishcha gambhIrairvAkyairmAnairakhaNDitaiH |
gurubhAvaM vya~njayantI bhAti shrIjayatIrthavAk || 9||
kUjantaM rAma rAmeti madhuraM madhurAkSharam |
Aruhya kavitAshAkhAM vande vAlmIkikokilam || 10||
vAlmIkermunisiMhasya kavitAvanachAriNaH |
shR^iNvan rAmakathAnAdaM ko na yAti parAM gatim || 11||
yaH piban satataM rAmacharitAmR^itasAgaram |
atR^iptastaM muniM vande prAchetasamakalmaSham || 12||
goShpadIkR^itavArAshiM mashakIkR^itarAkShasam |
rAmAyaNamahAmAlAratnaM vande.anilAtmajam || 13||
a~njanAnandanaM vIraM jAnakIshokanAshanam |
kapIshamakShahantAraM vande la~NkAbhaya~Nkaram || 14||
manojavaM mArutatulyavegaM jitendriyaM buddhimatAM variShTham |
vAtAtmajaM vAnarayUthamukhyaM shrIrAmadUtaM shirasA namAmi || 15||
ulla~Nghya sindhoH salilaM salIlaM yaH shokavahniM janakAtmajAyAH |
AdAya tenaiva dadAha la~NkAM namAmi taM prA~njalirA~njaneyam || 16||
A~njaneyamatipATalAnanaM kA~nchanAdrikamanIyavigraham |
pArijAtatarumUlavAsinaM bhAvayAmi pavamAnanandanam || 17||
yatra yatra raghunAtha kIrtanaM tatra tatra kR^itamastakA~njalim |
bAShpavAriparipUrNalochanaM mArutiM namata rAkShasAntakam || 18||
vedavedye pare puMsi jAte dasharathAtmaje |
vedaH prAchetasAdAsIt sAkShAdrAmAyaNAtmanA || 19||
ApadAmapahartAraM dAtAraM sarvasampadAm |
lokAbhirAmaM shrIrAmaM bhUyo bhUyo namAmyaham || 20||
tadupagatasamAsasandhiyogaM samamadhuropanatArthavAkyabadgham |
raghuvaracharitaM munipraNItaM dashashirasashcha vadhaM nishAmayadhvam || 21||
vaidehI sahitaM suradrumatale haime mahAmaNDape
      madhyepuShpakamAsane maNimaye vIrAsane susthitam |
agre vAchayati prabha~njanasute tattvaM munibhyaH paraM
      vyAkhyAntaM bharatAdibhiH parivR^itaM rAmaM bhaje shyAmalam || 22||
vande vandyaM vidhibhavamahendrAdivR^indArakendraiH
      vyaktaM vyAptaM svaguNagaNato deshataH kAlatashcha |
dhUtAvadyaM sukhachitimavairma~Ngalairyuktama~NgaiH
      sAnAthyaM no vidadhadadhikaM brahma nArAyaNAkhyam || 23||
bhUShAratnaM bhuvanavalayasyAkhilAshcharyaratnaM
      lIlAratnaM jaladhiduhiturdevatAmauliratnam |
chintAratnaM jagati bhajatAM satsarojadyuratnaM
      kausalyAyA lasatu mama hR^inmaNDale putraratnam || 24||
mahAvyAkaraNAmbhodhimanthamAnasamandaram |
kavayantaM rAmakIrtyA hanumantamupAsmahe || 25||
mukhyaprANAya bhImAya namo yasya bhujAntaram |
nAnAvIrasuvarNAnAM nikaShAshmAyitaM babhau || 26||
svAntasthAnantashayyAya pUrNaj~nAnamahArNave |
uttu~NgavAktara~NgAya madhvadugdhAbdhaye namaH || 27||
vAlmIkegauH punIyAnno mahIdharapadAshrayA |
yaddugdhamupajIvanti kavayastarNakA iva || 28||
sUktiratnAkare ramye mUlarAmAyaNArNave |
viharanto mahIyAMsaH prIyantAM guravo mama || 29||
hayagrIva hayagrIva hayagrIveti yo vadet |
tasya niHsarate vANI jahnukanyApravAhavat || 30||

|| iti shrImadrAmAyaNapaThanopakrame anusandheyAH shlokAH samAptAH ||

\section{shrImadrAmAyaNapArAyaNasamApanakramaH}
|| shrImadrAmAyaNapArAyaNasamApane anusandheyAH ma~NgalashlokAH ||
svasti prajAbhyaH paripAlayantAM
      nyAyyena mArgeNa mahIM mahIshAH |
gobrAhmaNebhyaH shubhamastu nityaM
      lokAH samastAH sukhino bhavantu || 1||
kAle varShatu parjanyaH pR^ithivI sasyashAlinI |
desho.ayaM kShobharahito brAhmaNAH santu nirbhayAH || 2||
lAbhasteShAM jayasteShAM kutasteShAM parAbhavaH |
yeShAmindIvarashyAmo hR^idaye supratiShThitaH || 3||
ma~NgalaM kosalendrAya mahanIyaguNAbdhaye |
chakravartitanUjAya sArvabhaumAya ma~Ngalam || 4||
vedavedAntavedyAya meghashyAmalamUrtaye |
puMsAM mohanarUpAya puNyashlokAya ma~Ngalam || 5||
vishvAmitrAntara~NgAya mithilAnagarIpateH |
bhAgyAnAM paripAkAya bhavyarUpAya ma~Ngalam || 6||
pitR^ibhaktAya satataM bhrAtR^ibhiH saha sItayA |
nanditAkhilalokAya rAmabhadrAya ma~Ngalam || 7||
tyaktasAketavAsAya chitrakUTavihAriNe |
sevyAya sarvayaminAM dhIrodArAya ma~Ngalam || 8||
saumitriNA cha jAnakyA chApabANAsidhAriNe |
saMsevyAya sadA bhaktyA svAmine mama ma~Ngalam || 9||
daNDakAraNyavAsAya khaNDitAmarashatrave |
gR^idhrarAjAya bhaktAya muktidAyAstu ma~Ngalam || 10||
sAdaraM shabarIdattaphalamUlAbhilAShiNe |
saulabhyaparipUrNAya sattvodriktAya ma~Ngalam || 11||
hanumatsamavetAya harIshAbhIShTadAyine |
vAlipramathanAyAstu mahAdhIrAya ma~Ngalam || 12||
shrImate raghuvIrAya setUlla~Nghitasindhave |
jitarAkShasarAjAya raNadhIrAya ma~Ngalam || 13||
AsAdya nagarIM divyAM abhiShiktAya sItayA |
rAjAdhirAjarAjAya rAmabhadrAya ma~Ngalam || 14||
ma~NgalAshAsanaparaiH madAchAryapurogamaiH |
sarvaishcha pUrvairAchAryaiH satkR^itAyAstu ma~Ngalam || 15||

iti shrImadrAmAyaNapArAyaNasamApane anusandheyAH ma~NgalashlokAH samAptAH ||
##
Encoded and proofread by Aruna Narayanan narayanan.aruna at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}