% Text title            : Shlokas to be Recited (vaiShNava sampradAya) during Study of Shrimad Ramayanam
% File name             : rAmAyaNapaThanopakramopasaMhArakramaHvaiShNava.itx
% Category              : raama, dhyAnam, mangala
% Location              : doc\_raama
% Transliterated by     : N. Seshadri nsesha92@yahoo.in, Aruna Narayanan
% Proofread by          : Aruna Narayanan narayanan.aruna at gmail.com
% Latest update         : January 21, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shlokas to be Recited during Study of Shrimad RamayanaM ..}##
\itxtitle{.. shrImadrAmAyaNapaThanopakramopasaMhArakramaH vaiShNava ..}##\endtitles ##
##(Dhyana Shloka to be recited before the commencement of Parayanam)##
|| vaiShNavasampradAyaH ||
shrIH
shrImate rAmAnujAya namaH
shrImate nigamAntamahAdeshikAya namaH
|| vaiShNavAnAM shrImadrAmAyaNapaThanopakrame anusandheyAH dhyAnashlokAH ||

              || shrIH ||
rAmAnuja dayApAtraM j~nAnavairAgya bhUShaNam |
shrImadve~NkaTanAthAryaM vande vedAntadeshikam || 1||
lakShmInAthasamArambhAM nAthayAmunamadhyamAm |
asmadAchAryaparyantAM vande guruparamparAm || 2||
yo nityamachyutapadAmbujayugmarukma
      vyAmohatastaditarANi tR^iNAyamene |
asmadgurorbhagavatosya dayaikasindhoH
      rAmAnujasya charaNau sharaNaM prapadye || 3||
mAtA pitA yuvatayastanayA vibhUtiH
      sarvaM yadeva niyamena madanvayAnAm |
Adyasya naH kulapatervakuLAbhirAmaM
      shrImat tada~NghriyugalaM praNamAmi mUrdhnA || 4||
bhUtaM sarashcha mahadAhvaya bhaTTanAtha
      shrIbhaktisAra kulashekhara yogivAhAn |
bhaktA~NghrireNu parakAla yatIndra mishrAn
      shrImat parA~NkushamuniM praNatosminityam || 5||
pitAmahasyApi pitAmahAya
      prAchetasAdesha phalapradAya |
shrIbhAShyakArottama deshikAya
      shrIshaila pUrNAya namo namaste || 6||

shuklAmbaradharaM viShNuM shashivarNaM chaturbhujam |
prasannavadanaM dhyAyet sarvavighnopashAntaye || 7||
yasya dviradavaktrAdyAH pAriShadyAH paraH shatam |
vighnaM nighnanti satataM viShvaksenaM tamAshraye || 8||
j~nAnAnandamayaM devaM nirmalasphaTikAkR^itim |
AdhAraM sarvavidyAnAM hayagrIvamupAsmahe || 9||
kUjantaM rAmarAmeti madhuraM madhurAkSharam |
Aruhya kavitAshAkhAM vande vAlmIkikokilam || 10||
vAlmIkermunisiMhasya kavitAvanachAriNaH |
shR^iNvan rAmakathAnAdaM ko na yAti parAM gatim || 11||
yaH piban satataM rAmacharitAmR^itasAgaram |
atR^iptastaM muniM vande prAchetasamakalmaSham || 12||
goShpadIkR^itavArAshiM mashakIkR^itarAkShasam |
rAmAyaNamahAmAlAratnaM vande.anilAtmajam || 13||
(hanumAn a~njanAsUnuH vAyuputro mahAbalaH |
rAmeShTaH phalgunasakhaH pi~NgAkSho.amitavikramaH ||
udadhikramanash chaiva sItAshoka vinAshakaH
lakShmaNa prAnadAtAshcha dashagrIvasya darpahA ||)
a~njanAnandanaM vIraM jAnakIshokanAshanam |
kapIshamakShahantAraM vande la~NkAbhaya~Nkaram || 14||
manojavaM mArutatulyavegaM jitendriyaM buddhimatAM variShTham |
vAtAtmajaM vAnarayUthamukhyaM shrIrAmadUtaM shirasA namAmi || 15||
ulla~Nghya sindhoH salilaM salIlaM 
      yaH shokavahniM janakAtmajAyAH |
AdAya tenaiva dadAha la~NkAM 
      namAmi taM prA~njalirA~njaneyam || 16||
A~njaneyamatipATalAnanaM kA~nchanAdrikamanIyavigraham |
pArijAtatarumUlavAsinaM bhAvayAmi pavamAnanandanam || 17||
yatra yatra raghunAtha kIrtanaM tatra tatra kR^itamastakA~njalim |
bAShpavAriparipUrNalochanaM mArutiM namata rAkShasAntakam || 18||
vedavedye pare puMsi jAte dasharathAtmaje |
vedaH prAchetasAdAsIt sAkShAdrAmAyaNAtmanA || 19||
charitaM raghunAthasya shatakoTipravistaram |
ekaikamakSharaM proktaM mahApAtakanAshanam || 20||
shR^iNvan rAmAyaNaM bhaktyA yaH pAdaM padameva vA |
sa yAti brahmaNaH sthAnaM brahmaNA pUjyate sadA || 21||
vAlmIki giri sambhUtA rAmasAgaragAminI |
punAtu bhuvanaM puNyA rAmAyaNa mahAnadI || 22||
shlokasArasamAkIrNaM sargakallolasaMkulam |
kANDagrAhamahAmInaM vande rAmAyaNArNavam || 23||
yaH karNA~njali sampuTairaharahaH samyak pibatyAdarAt
      vAlmIkervadanAravindagalitaM rAmAyaNAkhyaM madhu |
janmavyAdhijarAvipattimaraNairatyantasopadravaM
      saMsAraM sa vihAya gachChati pumAn viShNoH padaM shAshvatam || 24||
tadupagatasamAsasandhiyogaM 
      samamadhuropanatArthavAkyabadgham |
raghuvaracharitaM munipraNItaM 
      dashashirasashcha vadhaM nishAmayadhvam || 25||
shrIrAghavaM dasharathAtmajamaprameyaM
      sItApatiM raghukulAnvayaratnadIpam |
AjAnubAhumaravindadalAyatAkShaM
      rAmaM nishAcharavinAshakaraM namAmi || 26||
vaidehI sahitaM suradrumatale haime mahAmaNDape
      madhyepuShpakamAsane maNimaye vIrAsane susthitam |
agre vAchayati prabha~njanasute tattvaM munibhyaH paraM
      vyAkhyAntaM bharatAdibhiH parivR^itaM rAmaM bhaje shyAmalam || 27||
(vAme bhUmisutA purashcha hanumAn pashchAt sumitrAsutaH
      shatrughno bharatashcha pArshvadalayoH vAyvAdikoNeShu cha |
sugrIvashcha vibhIShaNashcha yuvarAT tArAsuto jAmbavAn
      madhye nIla saroja komaLaruchiM rAmaM bhaje shyAmaLam ||)
ApadAmapahartAraM dAtAraM sarvasampadAm |
lokAbhirAmaM shrIrAmaM bhUyo bhUyo namAmyaham || 28||
dharmAtmA satyasandhashcha rAmo dAsharathiryadi |
pauruShechA.apratidvandvaH sharainaM jahi rAvaNim || 29||
tapaHsvAdhyAyanirataM tapasvI vAgvidAM varam |
nAradaM paripaprachCha vAlmIkirmunipu~Ngavam || 30||
|| shrIraghunandana parabrahmaNe namaH ||

|| iti shrImadrAmAyaNapaThanopakrame anusandheyAH shlokAH samAptAH ||

\section{shrImadrAmAyaNapArAyaNasamApanakramaH}
|| shrImadrAmAyaNa pArAyaNasamApane anusandheyAH ma~NgalashlokAH ||
evametatpurAvR^ittamAkhyAnaM bhadramastu vaH |
pravyAharata visrabdhaM balaM viShNoH pravardhatAm || 1||
lAbhasteShAM jayasteShAM kutasteShAM parAbhavaH |
yeShAmindIvarashyAmo hR^idaye supratiShThitaH || 2||
kAle varShatu parjanyaH pR^ithivI sasyashAlinI |
desho.ayaM kShobharahito brAhmaNAH santu nirbhayAH || 3||
kAverIvardhatAM kAle kAle varShatu vAsavaH |
shrIra~NganAtho jayatu shrIra~NgashrIshcha vardhatAm || 4||
svasti prajAbhyaH paripAlayantAM
      nyAyyena mArgeNa mahIM mahIshAH |
gobrAhmaNebhyaH shubhamastu nityaM
      lokAH samastAH sukhino bhavantu || 5||
(ma~NgaLaM bhagavAn viShNuH ma~NgaLaM madhusUdanaH |
ma~NgaLaM puNDarIkAkShaH ma~NgaLaM garuDadhvajaH ||)
ma~NgalaM kosalendrAya mahanIyaguNAbdhaye |
chakravartitanUjAya sArvabhaumAya ma~Ngalam || 6||
vedavedAntavedyAya meghashyAmalamUrtaye |
puMsAM mohanarUpAya puNyashlokAya ma~Ngalam || 7||
vishvAmitrAntara~NgAya mithilAnagarIpateH |
bhAgyAnAM paripAkAya bhavyarUpAya ma~Ngalam || 8||
pitR^ibhaktAya satataM bhrAtR^ibhiH saha sItayA |
nanditAkhilalokAya rAmabhadrAya ma~Ngalam || 10||
tyaktasAketavAsAya chitrakUTavihAriNe |
sevyAya sarvayaminAM dhIrodArAya ma~Ngalam || 10||
saumitriNA cha jAnakyA chApabANAsidhAriNe |
saMsevyAya sadA bhaktyA svAmine mama ma~Ngalam || 11||
daNDakAraNyavAsAya khaNDitAmarashatrave |
gR^idhrarAjAya bhaktAya muktidAyAstu ma~Ngalam || 12||
sAdaraM shabarIdattaphalamUlAbhilAShiNe |
saulabhyaparipUrNAya sattvodriktAya ma~Ngalam || 13||
hanumatsamavetAya harIshAbhIShTadAyine |
vAlipramathanAyAstu mahAdhIrAya ma~Ngalam || 14||
shrImate raghuvIrAya setUlla~Nghitasindhave |
jitarAkShasarAjAya raNadhIrAya ma~Ngalam || 15||
AsAdya nagarIM divyAM abhiShiktAya sItayA |
rAjAdhirAjarAjAya rAmabhadrAya ma~Ngalam || 16||
(vibhIShaNakR^ite prItyA la~NkAbhIShTa pradAyine |
sarvaloka sharaNyAya shrIrAghavAya ma~NgaLam ||
bhrahmAdi devasevyAya bhrahmaNyAya mahAtmane |
jAnakI prANanAthAya raghunAthAya ma~NgaLam ||)
ma~NgalAshAsanaparaiH madAchAryapurogamaiH |
sarvaishcha pUrvairAchAryaiH satkR^itAyAstu ma~Ngalam || 17||
kAyena vAchA manasendriyairvA
      bud.hdhyA.a.atmanA vA prakR^iteH svabhAvAt |
karomi yadyat sakalaM parasmai
      nArAyaNAyeti samarpayAmi || 18||

|| iti shrImadrAmAyaNa pArAyaNa samApane anusandheyAH shlokAH samAptAH ||


##
Encoded and proofread by 
N. Seshadri nsesha92 at yahoo.in,
Aruna Narayanan narayanan.aruna at gmail.coM

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}