% Text title            : Ramayana Sarasangraha Raghuvira Stavah by Neelakantha Dikshita
% File name             : rAmAyaNasArasangraharaghuvIrastavaH.itx
% Category              : raama, nIlakaNThadIkShita
% Location              : doc\_raama
% Author                : Nilakantha Dikshitar
% Latest update         : March 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramayana Sarasangraha Raghuvira Stavah ..}##
\itxtitle{.. rAmAyaNasArasa~NgraharaghuvIrastavaH ..}##\endtitles ##
vedhovitIrNavishadAnnavivartatAM svA\-
       maprasmaran raghupate kulatantumasya |
manye rarakShiya vibhIShaNamapramatto
       niHsheShayannapi kulaM rajanIcharANAm || 1||
yaj~naM rarakShitha muneryadi kaushikasya
       yaj~nAtmanastava tu tAM vidurAtmarakShAm |
kIrti yadIchChasi kR^itArthaya mAmanAthaM
       kAkutstha vIra karuNAmasR^iNairapA~NgaH || 2||
AropitaM prathamameva dhanuH purAre\-
       ryanniShkrayaM nigamavAcha udAharanti |
Aptaiva bhUmitanayApyanapAyinI te
       mAnuShyakAbhinayamAtramidaM tadUhe || 3||
tejonidhau tvayi samudra ivodabindu\-
       stejo yadi svayamalIyata bhArgavasya |
kiM tAvatA tvayi raghUdvaha pUrNamAsIt
       kiM tveSha tApasavaTuH kR^ipaNo babhUva || 4||
rAjyAbhiShechanavidhiH shirasi prasaktaH
       pitrAj~nayA parihato.apyasakR^ittvayAyam |
kAkutstha paryavasitastava pAdukAyAM
       kIrtistu dhIra iti pUrayati trilokIm || 5||
Aj~nA gurorahR^idayAmapi sAdhayiShyan
       satyavratapriyatayA vipinaM gatastvam |
brahmArpaNopahR^itakarmaphalo.api lokai\-
       rgR^ihNIya nAhamiti kiM munimAttha mithyA || 6||
shatroH khasAramupalabdhavataH sphuTaM prAk
       sha~Nke tavAjani kiyAnayamityavaj~nA |
no chechchaturdashasahasrikayA bhaTAnAM
       prAptaM dviShaM vyajayathAH kathameka evam || 7||
netustavApi jagatAmabhavat kadAchi\-
       nnetA virAdha iti nAtha yathA tathaiva |
vyAmohayannapi jagannijamAyayA tvaM
       vyAmohito.asi hariNena hiraNmayena || 8||
tattatphalaH sa sa vidhiH sakalAstu lokAH
       svAtmAnuchintanavataH sulabhA bhuvIti |
vyaktaM jaTAyuShi chirAddivameva sarvAM
       kAkutstha labdhavati te ghaTitAmapA~NgaiH || 9||
hatvA kabandhamaTavImabhiparyaTan ya\-
       chChrAntaH kShudhA bubhujiShe sadane shabaryAH |
tvayyekamAtrakabalArpaNajaM phalaM vA
       bhu~NktAmiyaM kathamalaM na jaganti yasya || 10||
martyAtmatAmabhininIShasi chetavastu
       martyeShu kiM bhuvi na santi parAvaraj~nAH |
boddhuM svato.api nilayaM tadarervinaiva
       dainyaM raghUdvaha kiyatkiyadanvakArShIH || 11||
ekena sapta cha tarUniShuNApavidhyan
       pAdA~nchalena dashayojanamasthi dhUnvan |
mathnan sutaM murapaterapi lIlayaiva
       kiM manyase manujatA prakaTIkR^iteti || 12||
prasthApitA mR^igayituM ravijena sItAM
       dUtAH samaM raghukulodvaha yadyapIme |
bhArastathApi nihito bhavatA~njaneye
       kastAM parAM chitamabaitu paraH shivAMshAt || 13||
dR^iShTvAbhilapya paritoShya cha sevayA tvaM
       nAbodhi yatsukhamabodhi tadAtmatatvam |
yaddarshanodyamata eva hanUmatA tAM
       tvatto.api sevyacharaNAM kShitijAmupAse || 14||
uttIrya sindhumupalabhya sutAmavanyAH
       nirdagdhashAtravapuro nihatArisainyaH |
brahmAstrato.api hanumAnabhavanna baddhaH
       kiM vishvamAtR^ibhajanAtparato.api bandhaH || 15||
nityaM suShuptiShu pariShvajase na rAma
       bhUtAni kiM nikhilabhUtagR^ihAshayastvam |
AsAdya tatprakaTamarthamavApa kIrti\-
       mAchandratAravimalAmanilAtmajanmA || 16||
sindhuM vishoShayitumAdadiShe kileShuM
       prajvAlite shayanaveshmani pAvakena |
kAntAsakhaH kva vihariShyasi tAta pashchA\-
       ditthaM hi nAma dhiShaNAM jahati smarAndhAH || 17||
svairaM taranta itarAnapi tArayanti
       prA~nchastrilokaguravo gatashokaharShAH |
ityAhurAgamavido yadidaM tvadIye
       setau niraikShiShi chirAya mahopaleShu || 18||
tvAmeva nAthamupayAtayatorarAteH
       sodaryayoH samamavindata rAjyamekaH |
anyA tu niShkaruNameva virUpitAsI\-
       dIdR^igvidhAni hR^idayAni maheshvarANAm || 19||
haste vilagnamapi rAvaNamAdyayuddha
       devo mumocha dayayeti pariShTuvanti |
tvAM bAlishAstanubhR^ito na tu te.avayanti
       niHsheSharAkShasavadhAbhinivesharaukShyam || 20||
nAgAstrabandhaparuShAM smara nAtha velA
       kIdR^igvyathA tava tadAsa kiyadvidheti |
nityA dashA chalati sA bhavandhito me
       j~nAtavyathe sakaruNe kimito vadeyam || 21||
sabhrAtR^ibAndhavasutaM sabalaM sabhR^ityaM
       la~NkeshvaraM tvayi jighAMsati labdhabodhaH |
AgaH pramArShTumavichArya varArpaNotthaM
       svAstraM gatastamavadhItsvayameva vedhAH || 22||
agnau visheti shabarIsharabha~Ngayorya\-
       dAj~nAmavAstvamaniShidhya girApi kiM~nchit |
dR^iShTA tato raghupate dayitA tvayApi
       jvAlAkalApajaTilaM jvalanaM vishantI || 23||
abjaiva sA prathamato dharaNestato.abhU\-
       jjAtA tato jvalanato.api yatastadUhe |
sarvAgamAntaparighuShTasadAkhyamUrta\-
       bhUtatrayAvataraNAdabhavatsatIti || 24||
dattAM puraiva janasaMsadi pATukAyai
       rAjyashriyaM punarupetya yadagrahIstvam |
dattApahArarasikena tatastvayaiShA
       dattApi dehiShu mR^iShaiva raghUdvaha shrIH || 25||
dAtA babhUvitha kapIndravibhIShaNAbhyAM
       svaM svaM padaM tvamanumatya yatastato.aham |
mahyaM madIyamapi tAttvikameva rUpaM
       ki~nchit pradarshya bhaja kIrtimiti stuve tvAm || 26||
mithyApavAdakalayApi vihAya shuddhaH
       sadyaH priyAM sudR^iDhamAtmani samprarUDhe |
svAmin jagajjanayitR^itvamR^iShApavAde
       smaraM pravartayasi kiM bhavamIdR^ishaM naH || 27||
la~NkAraNopahR^itarAkShasarAjako.asau
       viprArbhakaM tu kamapi tvayi lipsamAne |
prAtisvikaM pratinidhiM punarAchakA~NkSha
       kAlastapasvinamaho vR^iShalaM kaThoraH || 28||
prAnte kvachiddhimagirerhimavarShadagdhe
       prAptaM shrameNa mahatA bharatena rAjyam |
pashyan bhuvaM cha lavaNasya kaniShThalabdhAM
       saumitriraihata na rAjyakathAM sumedhAH || 29||
prAchetasagrathitakAvyanivedyamAna\-
       niHsImabhavyacharitApi bhavannideshAt |
yA pratyayAya yatate sma satAM samakShaM
       sAvindata prakR^itimeva sutA dharaNyAH || 30||
prasthApya bhUmitanayAM paramaM padaM prAk
       saumitrimapyanupadaM bhujagAvatAram |
sadyastyajanniva divaM gamayannupAyAt
       sajjIchakartha shayanIyamiti pratImaH || 31||
dyaurarpitA khagavarAya mahopakartre
       dattaM padaM tadadhikaM viShayAshritebhyaH |
nAmApi te sakR^idakIrtayate tu mahyaM
       sAyujyameva raghupu~Ngava dAtumarham || 32||
satyapriyAya sharaNAgatavatsalAya
       sarvApadAM prashamanAya sakR^itprapattyA |
shrIrAmanAmaparipUtajagattrayAya
       sItAsakhAya puruShAya namo namaste || 33||

iti shrImadbharadvAjakulajaladhikaustubha\-shrIkaNThamatapratiShThApanAchArya\-
chaturadhikashataprabandhanirvAhaka shrImanmahAvratayAji\-
shrImadappayyadIkShitasodarya\-shrImadA~nchAdIkShitapautreNa
nArAyaNadIkShitAtmajena shrIbhUmidevIgarbhasambhavena shrInIlakaNThadIkShitena
virachitAsu kR^itiShu rAmAyaNasArasa~NgraharaghuvIrastavaH samAptaH ||

##
Proofread by Rajesh Thyagarajan


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}