% Text title            : Shri Rama Stuti by Brahma
% File name             : rAmabrahmastutiH.itx
% Category              : raama
% Location              : doc\_raama
% Proofread by          : Aruna Narayanan narayanan.aruna at gmail.com
% Description/comments  : From stotrArNavaH
% Latest update         : September 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rama Stuti by Brahma ..}##
\itxtitle{.. brahmakR^itA shrIrAmastutiH ..}##\endtitles ## 
tato hi durmanA rAmaH shrutvaiva vadatAM giraH |
dadhyau muhUrtaM dharmAtmA bAShpavyAkulalochanaH || 1||
tato vaishravaNo rAjA yamashchAmitrakarshanaH |
sahasrAkSho mahendrashcha varuNashcha parantapaH || 2||
ShaDardhanayanaH shrImAn mahAdevo vR^iShadhvajaH |
kartA sarvasya lokasya brahmA brahmavidAM varaH || 3||
ete sarve samAgamya vimAnaiH sUryasannibhaiH |
Agamya nagarIM la~NkAmabhijagmushcha rAghavam || 4||
tataH sahastAbharaNAn pragR^ihya vipulAn bhujAn |
abruvanstridashashreShThA rAghavaM prA~njaliM sthitam || 5||
kartA sarvasya lokasya shreShTho j~nAnavatAM prabhuH (varaH) |
upekShase kathaM sItAM patantIM havyavAhane || 6||
kathaM devagaNashreShThamAtmAnaM nAvabudhyase |
R^itadhAmA vasuH pUrvaM vasUnAM tvaM prajApatiH || 7||
tvaM trayANAM hi lokAnAmAdikartA svayamprabhuH |
rudrANAmaShTamo rudraH sAdhyAnAmapi (si)pa~nchamaH || 8||
ashvinau chApi te karNau chandrasUryau cha chakShuShI |
ante chAdau cha lokAnAM dR^ishyase tvaM parantapa || 9||
upekShase cha vaidehIM mAnuShaH prAkR^ito yathA |
ityukto lokapAlaistaiH svAmI lokasya rAghavaH || 10||
abravIt tridashashreShThAn rAmo dharmabhR^itAM varaH |
AtmAnaM mAnuShaM manye rAmaM dasharathAtmajam || 11||
yo.ahaM yasya yatashchAhaM bhagavAn pra(tat)bravItu me |
iti bruvANaM kAkutsthaM brahmA lokapitAmahaH || 12||
abravIchChR^iNu me rAma satyaM satyaparAkrama |
bhavAnnArAyaNo devaH shrImAMshchakradharo hariH || 13||
ekashR^i~Ngo varAhastvaM bhUtabhavyasapatnajit |
akSharaM brahma sattvaM tvaM (satyaM cha)tvaM madhye.ante cha rAghava || 14||
lokAnAM tvaM paro dharmo viShvaksenashchaturbhujaH |
shAr~NgadhanvA hR^iShIkeshaH puruShaH puruShottamaH || 15||
ajitaH khaDgabhR^idviShNuH kR^iShNashchaiva bR^ihadbalaH |
senAnIrgrAmaNIshcha tvaM tvaM buddhistvaM kShamA dayA || 16||
prabhavashchApyayashcha tvamupendro madhusUdanaH |
indrakarmA mahendrastvaM padmanAbho rathA~NgabhR^it(raNAntakR^it) || 17||
sharaNyaM sharaNaM cha tvAmAhurdivyA maharShayaH |
sahasrashR^i~Ngo vedAtmA shatajihvo maharShabhaH || 18||
tvaM trayANAM hi lokAnAmAdikartA svayamprabhuH |
siddhAnAmapi sAdhyAnAmAshrayashchAsi pUrvajaH || 19||
tvaM yaj~nastvaM vaShaTkArastvamo~NkAraH parantapa |
prabhavaM nidhanaM vA te na viduH ko bhavAniti || 20||
dR^ishyase sarvabhUteShu brAhmaNeShu cha goShu cha |
dikShu sarvAsu gagane parvateShu vaneShu cha || 21||
sahasracharaNaH shrImAn shatashIrShaH sahasradR^ik |
tvaM dhArayasi bhUtAni vasudhAM cha saparvatAm || 22||
ante pR^ithivyAH salile dR^ishyase tvaM mahoragaiH |
trIn lokAn dhArayan rAma devagandharvadAnavAn || 23||
ahaM te hR^idayaM rAma jihvA devI sarasvatI |
devA gAtreShu romANi nirmitA brahmaNA prabho || 24||
nimeShaste.abhavadrAtrirunmeShaste.abhavaddivA |
saMskArAste.abhavan vedA na tadasti tvayA vinA || 25||
jagatsarvaM sharIraM te sthairyaM te vasudhAtalam |
agniH kopaH prasAdaste somaH shrIvatsalakShaNa || 26||
tvayA lokAH samAkrAntAH purANe vikramaistribhiH |
mahendrashcha kR^ito rAjA baliM bad.hdhvA mahAsuram || 27||
sItA lakShmIrbhavAn viShNurdevaH kR^iShNaH prajApatiH |
vadhArthaM rAvaNasyeha praviShTo mAnuShIM tanum || 28||
tadidaM naH kR^itaM kAryaM tvayA dharmabhR^itAM vara |
nihato rAvaNo rAma praviShTo(prahR^iShTo) divamAkrama || 29||
amoghaM balavIryaM te na te moghaH parAkramaH |
amoghaM darshanaM rAma na cha moghastava stavaH || 30||
amoghAste bhaviShyanti bhaktimantastu ye janAH |
ye tvAM deva dhruvaM prAptAH purANapuruShottamam || 31||
prApnuvanti sadA kAmAniha loke paratra cha |
imamArShaM stavaM nityamitihAsaM purAtanam |
ye narAH kIrtayiShyanti nAsti teShAM parAbhavaH || 32||

iti shrIbrahmakR^itA rAmastutiH sampUrNA |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}