% Text title            : rAmachandrastutiH
% File name             : rAmachandrastutiH.itx
% Category              : raama
% Location              : doc\_raama
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramachandrastutih ..}##
\itxtitle{.. rAmachandrastutiH ..}##\endtitles ##

vandAmahe maheshAnachaNDakodaNDakhaNDanam |
jAnakIhR^idayAnandachandanaM raghunandanam || 1||
namo rAmapadAmbhojaM reNavo yatra santatam |
kurvanti kumudaprItimaraNyagR^ihamedhinaH || 2||
svarNaiNAjinashayano yojitanayano dashAsyadigbhAge |
muhuravalokitachApaH ko.api durApaH sa nIlimA sharaNam || 3||
adhipa~nchavaTIkuTIravartisphuTitendIvarasundarorumUrtiH |
api lakShmaNalochanaikasakhyaM bhajata brahma saroruhAyatAkSham || 4||
kanakanikaShabhAsA sItayA.a.ali~NgitA~Ngo
navakuvalayadAmashyAmavarNAbhirAmaH |
abhinava iva vidyunmaNDito meghakhaNDaH
shamayatu mama tApaM sarvato rAmachandraH || 5||
pariNayavidhau bha~NktvAna~NgadviSho dhanuragrato
janakasutayA dattAM kaNThe srajaM hR^idi dhArayan |
kusumadhanuShA pAsheneva prasahya vashIkR^ito
.avanatavadano rAmaH pAyAttrapAvinayAnvitaH || 6||
rAmo rAjamaNiH sadA vijayate\, rAmaM rameshaM bhaje
rAmeNAbhihatA nishAcharachamUH\, rAmAya tasmai namaH |
rAmAnnAsti parAyaNaM parataraM rAmasya dAso.asmyahaM
rAme chittalayaH sadA bhavatu me bho rAma mAmuddhara || 7||
yo rAmo na jaghAna vakShasi raNe taM rAvaNaM sAyakaiH
hR^idyasya prativAsaraM vasati sA tasyA hyahaM rAghavaH |
mayyAste bhuvanAvalI parivR^itA dvIpaiH samaM saptabhiH
sa shreyo vidadhAtu nastribhuvanatrANaikachintAparaH || 8||
rAjyaM yena paTAntalagnatR^iNavattyaktaM gurorAj~nayA
pAtheyaM parigR^ihya kArmukavaraM ghoraM vanaM prasthitaH |
svAdhInaH shashimaulichApaviShaye prApto na vai vikriyAM
pAyAdvaH sa vibhIShaNAgrajanihA rAmAbhidhAno hariH || 9||
kAruNyAmR^itanIramAshritajanashrIchAtakAnandadaM
shAr~NgAkhaNDalachApamambujabhavAgnIndrAdibarhIShTadam |
chArusmeramukhollasajjanakajAsaudAminIshobhitaM
shrIrAmAmbudamAshraye.akhilajagatsaMsAratApApaham || 10||
kUrmo mUlavadAlavAlavadapAMrAshirlatAvaddisho
meghAH pallavavatprasUnaphalavannakShatrasUryendavaH |
svAminvyomataruH krame mama kiyA~nChrutveti gAM mAruteH
sItAnveShaNamAdishandishatu vo rAmaH salajjaH shriyam || 11||
etau dvau dashakaNThakaNThakadalIkAntArakAntichChidau
vaidehIkuchakumbhaku~NkumarajaH sAndrAruNA~NkA~Nkitau |
lokatrANavidhAnasAdhusavanaprArambhayUpau bhujau
deyAstAmuruvikramau raghupateH shreyAMsi bhUyAMsi vaH || 12||
bAlakrIDanamindushekharadhanurbha~NgAvadhi prahvatA
tAte kAnanasevanAvadhi kR^ipA sugrIvasakhyAvadhi |
Aj~nA vAridhibandhanAvadhi yasho la~NkeshanAshAvadhi
shrIrAmasya punAtu lokavashatA jAnakyupekShAvadhi || 13||
kalyANAnAM nidhAnaM kalimalamathanaM pAvanaM pAvanAnAM
pAtheyaM yanmumukShoH sapadi parapadaprAptaye prasthitasya |
vishrAmasthAnamekaM kavivaravachasAM jIvanaM sajjanAnAM
bIjaM dharmadrumasya prabhavatu bhavatAM bhUtaye rAmanAma || 14||
kalyANollAsasImA kalayatu kushalaM kAlameghAbhirAmA
kAchitsAketadhAmA bhavagahanagatiklAntahAripraNAmA |
saundaryahrINakAmA dhR^itajanakasutAsAdarApA~NgadhAmA
dikShu prakhyAtabhUmA diviShadabhinutA devatA rAmanAmA || 15||
yo.addhA yoddhAvadhIttAnsapadi palabhujaH samparAye parA ye
yenAyenAshritAnAM stutiravanamiteshAnachApena chApe |
la~NkAla~NkArahartA kakubhi kakubhi yaH kAntayA sItayA.a.asIt
Uno dUno.atha hR^iShTaH sa vibhuravatu vaH svaHsabhAryaH sabhAryaH || 16||
R^ikShANAM bhUridhAmnAM shritamadhipatinA prasphuradbhImatAraM
sphAraM netrAnalena prasabhaniyamitochchApamInadhvajena |
rAmAyattaM purAreH kumudashuchi lasannIlasugrIvama~NgaM
plAva~NgaM vApi sainyaM dashavadanashirashChedahetu shriye.astu || 17||
yastIrthAnAmupAstyA galitamalabharaM manyate sma svamevaM
nAj~nAsIjjaj~nire yanmamacharaNarajaHpAdapUtAnyamUni |
pAdasparshena kurva~njhaTiti vighaTitagrAvabhAvAmahalyAM
kausalyAsUnurUnaM vyapanayatu sa vaH shreyasA cha shriyA cha || 18||
dhyAyedAjAnubAhuM dhR^itasharadhanuShaM baddhapadmAsanasthaM
pItaM vAso vasAnaM navakamalaruchA spardhinetraM prasannam |
vAmA~NkArUDhasItAmukhakamalamilallochanaM nIradAbhaM
nAnAla~NkAradIptaM dadhatamurujaTAmaNDalaM rAmachandram || 19||

iti rAmachandrastutiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}