% Text title            : rAmachandravedapAdastavaH
% File name             : rAmachandravedapAdastavaH.itx
% Category              : raama
% Location              : doc\_raama
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramachandravedapadastavah ..}##
\itxtitle{.. shrIrAmachandravedapAdastavaH ..}##\endtitles ##

(shrIbharadvAjamaharShipraNItaH)
shrImadrAmaM raghUttaMsaM sachchidAnandalakShaNam |
bhavantaM karuNAvantaM gAye tvAM manasA girA || 1||
rAme dUrvAdalashyAme jAnakI kanakojjvalA |
bhAti maddaivate meghe vidyullekheva bhAsvarA || 2||
tvadanyaM na bhaje rAma niShkAmo.anye bhajantu tAn |
bhaktebhyo ye purA devA AyuH kIrtiM prajAM daduH || 3||
bhajanaM pUjanaM rAma kariShyAmi tavAnisham |
shriyaM nechChAmi saMsArAdbhayaM vindati mAmiha || 4||
shrIrAma jAnakIjAne bhuvane bhavane vane |
svabhaktakulajAtAnAmasmAkaM bhavitA bhava || 5||
rAma rAmeti rAmeti vadantaM vikalaM bhavAn |
yamadUtairanukrAntaM vatsaM gauriva dhAvati || 6||
svachChandachAriNaM dInaM rAma rAmeti vAdinam |
bhavAnmAmanunimnena yathA vArIva dhAvati || 7||
rAma tvaM hR^idaye yeShAM sukhaM labhyaM vane.api taiH |
maNDaM cha navanItaM cha kShIraM sarpirmadhUdakam || 8||
prArthaye tvAM raghUttaMsa mA bhUnmama kadAchana |
sarvatIrtheShu sarvatra pApebhyashcha pratigrahaH || 9||
sarve madarthaM kurutopakAraM shrIrAmamAkarNaya karNa nityam |
mUrdhannamAlokaya netra jihve stuhi shrutaM gartasadaM yuvAnam || 10||
bhavAn raghUttaMsa tu daivataM me yaM sachchidAnandaghanasvarUpam |
ekaM paraM brahma vadanti nityaM vedAntavij~nAnasunishchitArthAH || 11||
bhavatkR^ipApA~Ngavilokitena vaikuNThavAsaH kriyate janena |
j~nAtvA bhavantaM sharaNAgato.asmi yasmAtparaM nAparamasti ki~nchit || 12||
dInAnbhavadbhaktakulaprasUtAnbhavatpadArAdhanahInachittAn |
anAthabandho karuNaikasindho piteva putrAn prati no juShasva || 13||
bhavAn bhavavyAghrabhayAbhibhUtaM jarAbhibhUtaM saha lakShmaNena |
sadaiva mAM rakShatu rAghaveshaH pashchAtpurastAdadharAdudastAt || 14||
##var ## rakSha rAghavesha \- rakShatu rAghaveshaH
kAmAdyapathyena vivardhamAnaM rogaM madIyaM bhavanAmadheyam |
dUrIkuru tvaM yadahaM trilokyAM bhiShaktamaM tvAM bhiShajAM shR^iNomi || 15||
shrIrAmachandraH sa jayatyajasraM la~NkApurIdroNagirau payodhau |
yasya prasAdAdabhavaddhanUmAnaNoraNIyAnmahato mahIyAn || 16||
shrIrAma rAmeti raghUttameti nAmAni jalpedyadi tasya tatkShaNAt |
disho dravantyeva yuyutsavaH sadA bhiyaM dadhAnA hR^idayeShu shatravaH || 17||
anAdimavyaktamanantamAdyaM svayaM paraM jyotiShamaprameyam |
vilokaye dAsharathe kadA tvAmAdityavarNaM tamasaH parastAt || 18||
shrIrAghava svIyapadAravinde sevAM bhavAnnaH satataM dadAtu
vayaM svajanmAntarasa~nchitAni yayAti vishvA duritA tarema || 19||
bho chitta chetkAmayase vibhUtiM tameva samprArthaya vIramekam |
raghUttamaM shrIramaNaM sadA yaH shrINAmudAro dharuNo rayINAm || 20||
vande.aravindekShaNamambudAbhamAkarNanetraM sukumAragAtram |
yaM jAnakI harShayatI vane.api priyaM sakhAyaM pariShasvajAnA || 21||
sItAjAne naiva jAne tvadanyaM tyaktashrIstrIputrakAmaH sadA.aham |
tvAM smR^itvA.ante devayAnAdhirUDhastattvAyAmi brahmaNA vandamAnaH || 22||
ahaM bharadvAjamunirnirantaraM shrIrAmamekaM jagadekanAyakam |
saMvarNaye kAvyarasAdivittamaM kaviM kavInAmupamashravastamam || 23||
paThanti stutiM ye narA R^iddhikAmAH
      samR^iddhiM chirAyuShyamAyuShyakAmAH |
labhante ha nissaMshayaM putrakAmAH
      labhante ha putrAn labhante ha putrAn || 24||
vedapAdAbhidhastotraM snAtvA bhaktyA sakR^innaraH |
yaH paThedrAghavasyAgre jIvAti sharadaH shatam || 25||

iti shrIbharadvAjamaharShipraNItaH shrIrAmachandravedapAdastavaH samAptaH |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}