% Text title            : rAmadhAmastavaH
% File name             : rAmadhAmastavaH.itx
% Category              : raama, brahmAnanda
% Location              : doc\_raama
% Author                : tArakabrahmAnandsarasvatI
% Transliterated by     : N.S.Venkata Subramanian venkatasubr at gmail.com
% Proofread by          : N.S.Venkata Subramanian, Sunder Hattangadi
% Source                : Sri Rama Dhama Stava, ed. by P.V.Sivarama Dikshitar, Vighneshvara Venkateshvara trust, Madras 1985
% Latest update         : February 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rama Dhama Stava ..}##
\itxtitle{.. shrIrAmadhAmastavaH ..}##\endtitles ##

shrIrAmachandraparabrahmaNe namaH |
OM shivAya gurave namaH |

shrImatparamahaMsaparivrAjaka shrItArakabrahmAnandasarasvatIvirachitaH
shrIrAmadhAmastavaH |

yasyaikadantasya parAtmamUrteH
     sa~NkalpamAtreNa bhavantyabhIShTAH |
tasmai namaH somashivaikabhakti\-
     dhyAnaikaniShThAya jagaddhitAya ||

Ali~Ngya sItAmakhilAtmakAM svAM
     saMvinmayIM bhAsvaravarNagAtrAm |
Anandayan lokaguruH prashAntaH
     shrIrAmachandro jayati prabhurnaH || 1||

indukoTisadR^ishAnanadyutiM
     bimbakAnti ruchirAdharaM gurum |
a~NkagAmimithilAdhipAtmajaM
     rAmachandramahamAshraye param || 2||

chandrarashmisadR^ishAnanaprabhaM
     sundaraM madanamohanaM prabhum |
kaNThalambivarahAra bhUShaNaM
     chintayAmi raghunAthavigraham || 3||

indravandyavarapAdapa~NkajaM
     bhaktahR^idgata tamoraviM prabhum |
santataM sharaNamAtmadaM paraM 
     chintayAmi raghunandanaM gurum || 4||

mAhAtmyaM tasya rAmasya yasyaivedaM jagadvashe | ## var ## jagadguro
sa guruH sa paraM brahma so.ahamasmi sadAshivaH || 5||

yasyAH prasAdena paro.avabuddhaH
     svAtmA.api devAtmatayA.anubhUtaH |
tasyai namo vedashiro.avagamya \-
     brahmAtmikAyai shrutishAstradevyai || 6||

a~Nke yasyAH shayAnasya mR^ityurnAstIti nishchayaH |
shrutiM tAM santataM devIM dhyAyAmi paramAtmanA || 7||

yasya prasAdena bhavanti lokAH
     aishvaryashAstrArthaparAtmasiddhAH |
tasmai namo vishvahite ratAya
     vighneshvarAyAkhilalokakartre || 8||

siddhAsanaM prApya jitendriyA ye
     satyAtmabuddhyA sakalaMM vilApya |
tiShThanti tattve sahajaprabodhe
     tAn rAghavAnandagurUnnamAmi || 9||

janmakoTibhiranuShThitAkhila\-
     dhyAnakarmaparameshvarekShaNaiH |
kR^itsnadR^ishyagatadoShachintanaM
     buddhimAnatha karoti tattvataH || 10||

yadyadalpamiha ki~nchidIkShate
     tattadeva pariNAmi nashvaram |
nishchinoti parimArgayatyato
     nityavastu kimiheti tattvataH || 11||

Atmaj~nAnaM kAraNaM vedavAkyAt
     shrutvA bandhadhvaMsasAdhyasya siddhyai |
tachcha j~nAnaM vedavAkyaikalabhyaM
     matvA dhIro deshikendraM variShTham || 12||

gatvA shAntastasya sevAM prayu~njaM
     tiShThettasmai deshiko vAkyajAtam |
AdishyAdau bodhayettattvamarthaM
     shrutyA yuktyA svAnubhUtyA tathaiva || 13||

(iti shikShAvallIsa~NgrahaH ||)


(athAnandavallIsa~NgrahaH 2 |)

shrutaM brahma satyaM yadAdau pradhAnaM
     tadante punarbrahmavAkye mahesham |
paraM shrUyate sendradevAdyavedyaM
     samastaM yato yachcha sarvaM yadantam || 14|| (1) 

yad brahmAdau sUchitaM brahmavAkye
     yad vyAkhyAtaM satyabhUtaM cha R^igbhiH |
pratyagbhUtaM yachcha sarvasya jantoH
     tad bhUmAkhyaM rAmadhAma prapadye || 15|| (2)

yad vij~nAnAtsarvakAmAptiruktA
     yasmAjjAtaM sUkShmabhUtaM samastam |
yad bodhArthaM kalpitAH pa~ncha koshAH
     koshAtItaM rAmadhAma prapadye || 16|| (3)

sattAsphUrtI yatra vishrAntimetaH
     yasminnetad bambhramItIha vishvam |
yachchAdR^ishyaM nIDashUnyaM na sa~Ngi
     dR^iShTe yasmin bAdhyate bhItihetuH |
yasyAj~nAnAdbhItiyuktAshcha devAH
     tad bhUmAkhyaM rAmadhAma prapadye || 17|| (4)

yasyAnandasyAMshamagnAshcha devAH
     yasyAnando bhujyate vIta tR^iShNaiH |
yachchaitanyaM sarvabhUtAntarasthaM
     yashchAditye gIyate vedavAkyaiH |
yat chaikatvaM brahmaNaH sAkShiNoktaM
     tad bhUmAkhyaM rAmadhAma prapadye || 18|| (5)

yasmAchChabdAH shaktishUnyA nivR^ittAH
     tad bhUmAkhyaM rAmadhAma prapadye || 19|| (6)

yatrAmnAyo vartate.amukhyavR^ittyA
yachchAgrAhyaM buddhivR^ittyAtmabhUtam |
yaM chAnandaM prApya vidvAnabhItaH
     tad bhUmAkhyaM rAmadhAma prapadye || 20|| (7)

yasmin j~nAte puNyapApe cha nasto
     yasmin dR^iShTe vishvametaddhi dR^iShTam |
dhyeyaM yachcha brahmavidbhiH prashAntaiH
     tad bhUmAkhyaM rAmadhAma prapadye || 21|| (8)

tyogo yasmai vartate vedavAkye
     yad vij~nAne sAdhanaM yogamAhuH |
kechitsA~NkhyAH sA~NkhyamevAdriyante
     tad bhUmAkhyaM rAmadhAma prapadye || 22|| (9)

anyo mAtA meyamanyaddhi yatra
     pashyannevetyevamuktaM hi lakShma |
vishramyAste yatra satye parasmin\-
     tad bhUmAkhyaM rAmadhAma prapadye || 23|| (10)

yadvij~nAnAt satyavAditvameti
     yasmAtsatyAjjAyate chAtivAdI |
yasmiMllabdhe nAsti kartavya buddhiH
     tad bhUmAkhyaM rAmadhAma prapadye || 24|| (11)

koshajAtamapanIya buddhimAn
     brahmarUpamanavadyamIkShate |
sAdaraM sakalamAnasheShiNA
     brahmapuchChamiti vAkyamAnataH || 25|| (12)

annaM bAhyaM nAhamasmIti siddhaM
     tadvaddeho nAhamasmyannakAryam |
nAhaM dehI tatra yachcha prasiddhaM
     teShAM sAkShI sadghano.ahaM parAtmA || 26|| (13)

nAhaM shrotraM tvak cha chakShurna chAhaM
     jihvA ghrANaM pANipAdaM tathaiva |
pAyUpasthaM vA~NmanaH prANavargo
     nAhaM teShAM dR^ishyatuchChatvahetoH || 27|| (14)

nAha~NkAro nApi vR^ittistadIyA
     vidyAvidye nApi satvaM rajasya |
mUlA.avidyA nApi mAyA tathaiva
     teShAmeShAmAgamApAya hetoH || 28|| (15)

dR^iShTe heyAtmanyAtmanaivAtmabhUte
     sarvaM dR^ishyaM bAdhyate brahmarUpe |
yatra tvasyetyasti chAtra pramANaM
     siddhAntaH; syAdAgamApAyitaiShAm || 29|| (16)

mAyau yadvanmAyayA vishvametat
     sR^iShTvA svAtmanyAtmanaivAtti kAle | 
aNDe piNDe tadvadevAbhimAnI
     khelatyAtmA saMvidekasvabhAvaH || 30|| (17)

svapnadraShTA yadvadevAtmadoShAt
     svapne sarvaM mAnameyAdibhinnam |
pashyannAste tadvadevAtra sAkShI
     tiShThatyAtmA sachchidekasvabhAvaH || 31|| (18)

dR^ishyadUragatamAtmanA.achyutaM
     bhAvayannakhilamAtmani svake |
dR^ishyavargarahitaH punarbhave
     bhUtabhAvikR^itavarjitaH svayam || 32|| (19)

paramapuruSharUpe bhUmni bhUte pareshe
     parimitimiha ki~nchit bhAti yannAsti tatra |
itimatirahamasmi brahma sAkShAchchidAtmA
     vigalitamadamAnau rAjate sArvabhaumaH || 33|| (20)

samarasaparipUrNaH svachChachaitanyasindhuH
     shamadamasharadindujyotirAnandapUraH |
jalanidhishayanashrIstuShTigAmbhIryashIlaH
     svayamahamiti buddhirjAyate naiva dehI || 34|| (21)

yatra bhAti sakalaM jagachchalaM
     bhittichitramiva bud budopamam |
sadghanaM sukhachidAtmakaM paraM
     bhUmarUpamahamasmi tatsadA || 35|| (22)

pratyaktattvatamomoha tApasantApakR^idraviH |
udeti sve svake nityaM sadAnandaprakAshakaH || 36|| (23)

svAtmagAmi tamojAlamApIyAyaM vidhuH sadA |
kaM vardhayan vivekaH sve kAshate koshadUrataH || 37|| (24)

sampUjya sItApatimAvirAsIt
     svAnandasAmrAjyamanAmayaM tat |
sarvaj~natA shAntirasAtmaniShThe
     tyAgo virAgaH paramaH parAchi || 38|| (25)

iti shrImatparamahaMsaparivrAjakAchArya shrIrAmachandrAshramapUjyapAdashiShya
shrItArakabrahmAnandasarasvatIvirachitA taittirIyopaniShatsa~NgraharUpA
     shrIrAmadhAmastutiH sampUrNA |
##
Encoded by N.S.Venkata Subramanian venkatasubr at gmail.com
Proofread by N.S.Venkata Subramanian, Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}