% Text title            : Rama Geeta Govinda
% File name             : rAmagItagovindam.itx
% Category              : raama, kRitI, gItam, aShTaka
% Location              : doc\_raama
% Author                : Jayadeva Kavi
% Transliterated by     : Keshavchaitanya Kunte
% Proofread by          : Keshavchaitanya Kunte
% Latest update         : July 9, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rama Geeta Govinda ..}##
\itxtitle{.. rAmagItagovindam ..}##\endtitles ##
(kavi jayadevavirachitaM rAgakAvyam)
             || shrIH ||
      || shrIgaNeshAya namaH ||
    || shrIrAmachandrAya namaH ||
\section{prathamasargaH 1 sAnandaraghunandanaH}
\section{aShTapadI 1 gItaM prathamam}
jaya jaya rAma! hare || dhR^i\.||
smR^itivedAdyuddhAraka janatAraka e |
      sha~Nkhasumana suravandya || 1||
namadAkhaNDalashekhara dhR^itamandara e |
      santatajagadAdhAra || 2||
hemanayanasaMhAraNa khaladAraNa e |
      bhuvanAnanda mukunda || 3||
kanakakashiputanugharShaNa ghanakarShaNa e |
      dhR^itajagatIvarabhAra || 4||
charaNasalilakR^itapAvana baTu vAmana e |
      ajinadaNDadhara deva || 5||
kShatriyavaMshanikandana bhR^igunandana e |
      karakodaNDakuThAra || 6||
vihitasujanasambhAvana jitarAvaNa e |
      raghukulakamaladinesha || 7||
murachANUravinAshaka ripushAsaka e |
      sindhusutAsa~nchAra || 8||
vedavihitavidhikhaNDana suramaNDana e |
      danujabhedakara deva || 9||
yavanavidAraNa dAruNa hayavAhana e |
      dhR^itakaravAla karAla || 10||
shrIjayadevavidhAyaka yutashAyaka e |
      kuru kushalaM praNateShu || 11||
\section{aShTapadI 2 gItaM dvitIyam}
vande.aravinda nayanAmbudAbha kamanIya mUrtidhara padmanAbha || 1||
kodaNDa\-kalA\-kautuka\-nidhAna pAkhaNDa\-vikhaNDana garuDayAna || 2||
kalpAntakola karuNAvatAra kalyANa kamaThakR^ita karNadhAra || 3||
mAyAvilAsa nAnArUpa kundAmadashana jayadeka bhUpa || 4||
rAjAdhirAja vIrAdhivIra raNakarmakushala balaguNagabhIra || 5||
trishira khara dUShaNa dUShaNAnta aja nirvyalIkagotIta kAnta || 6||
brahmAdi devagaNa pUjyapAda vibhrAjyamAna vismita viShAda || 7||
jayadeva bhaNitamaya shastravarma vidadhAtu sadA praNateShu sharma || 8||
\section{aShTapadI 3 gItaM tR^itIyam}
ramyabAlarUpaM rAmamabhirAmamahamIDe |
rAvaNAbhibhavaparitaptasurasiddhagaNayAchitaM jayati varamIDe || 1||
indranIlAbhatanumatanushatakoTiruchimindumukhachandramurahAram |
kaustubhAmuktakandharamaruNapANipadamamburuhanayanamalitAram || 2||
kambunibhakaNThamatinIlachikurAvalIvijita jalabAhasa~NghAtam |
gUDhatarajatrumAjAnubhujadaNDadharamurasi bhR^igucharaNajalajAtam || 3||
vividhamaNichitrahemA.abharaNabhuShitaM hetisaMvihitajayagAnam |
mandamandasmita bandhuvipA.adhare pa~NkagAmitracharayAnam || 4||
kanakamayapaTTamaNDitalalATasthalaM kundakunkumAbharadabhAsam |
ruchiramakhasUtrabhR^itamindirAsa~NkulaM pItakausheyashubhavAsam || 5||
sukhadanAsApuTaM shIlakaruNAkaraM sakhyasa~Nkalpamahitalpam |
dAnavAnanIkamatebhapa~nchAnanaM vihitapaladivasayugakalpam || 6||
koshalAdhIshajAyAdishishushokaharamamdutaM vIkShya kausalyA |
avadaditi rUpamadhunA jahihi keshava trAhI mAmapagatashalyA || 7||
paThati yA j~nAnamaj~nAnatimirApahaM vaiShNavaM trijagadatisAram |
bhAvukaM chAru jayadevakavinirmitaM yAti bhavasindhuparapAram || 8||
\section{aShTapadI 4 gItaM chaturtham}
rAmavadanamatima~nju vilokaya |
shArada\-koTI\-shashinamiva nirmalamakShIchakoraM ropaya || 1||
bhR^ikuTi\-kuTila\-dhanurvalitaM navaku~Nkuma\-tilakalalATam |
suhR^iya\-hR^idaya\-vishokakaraM karuNAmaya\-nayana\-vipATam || 2||
kShIrapayonidhi\-vIchivinindaka\-vishadamanohara\-hAsam |
kundakusuma\-kamanIyalasadrashanAvali\-kiraNa\-vikAsham || 3||
nAgalatArasa\-rAgadharAdhara\-pallavamayahR^idi\-hAsam |
kIramukhAkR^iti dhIrasugandha\-samIkaraNa\-nAsAvAsam || 4||
nAnAratna\-vichitra\-hiraNmaya\-mukuTa\-vibhAgamatolam |
makarAkAra\-kanakakuNDala\-yuga\-chalana\-vibhAsi\-kapolam || 5||
kambu\-ruchiratara kaNThamR^idambunIla\-vijR^imbhitakesham |
raghukula\-kairava\-kAnana\-niyata vikAshaka\-chArU\-nishesham || 6||
ma~NgalamodakaraM suchiraM nijabhaktasatAmanukulam |
lokachaturdasha\-pAlanadakShamapakShavinAshamatulam || 7||
shrIjayadevakaveridamudayati haricharaNasmR^itisAram |
sukhayatu sAdhujanaM satataM kila shamayatu viShayavikAram || 8||
\section{aShTapadI 5 gItaM pa~nchamam}
rAmachandra karakamalamudAram |
bhaja bhajanIyamamalamatulitaruchi damitadanujaparivAram || 1||
dhR^itakodaNDavishikhamaNibhUShaNamaruNamanoharaveSham |
bhAgadheyasUchakavishuddhataravividhavarNashubharekham || 2||
sphurada~NgulinakharAjivirAjitamamaranikarakR^itarAgam |
muktAdalabhUShitadalasa~Nkulasarasijamiva varabhAgam || 3||
varamabhIShTamabhayaM dadadadbhutamAjikalAsupavanim |
ariShaDvargamadhupamadaga~njanamanupamama~njanahInam || 4||
dharmAdikaphalanamitamaharnishamajasha~NkaramunigItam |
kamalApANikanalalAlitatatamamasuravighAtavinItam || 5||
kapilAdikasanakAdiniShevitamashubhashamanamatibhAram |
vedapurANasakalasammatamiva sAditaviShamavikAram || 6||
chintAmaNisuradhenukalpatarukoTidAnaguNashIlam |
prAkR^itatattvaprapa~ncharogaharamakhilacharAcharalIlam || 7||
shrIjayadevabhaNitamatima~njulamadhuramanoharagAnam |
dishatu sadAma~Ngalamatulitamiti paramAnandanidhAnam || 8||

iti shrImad.h_rAmagItagovinde mahAkAvye shrIjayadevakR^itau
      sAnandaraghunandano nAma prathama sargaH |
\section{dvitIyasargaH 2 vijitaparashurAmo}
\section{aShTapadI 6 gItaM ShaShTham}
praNamAmi rAmamanuttamaM manuvaMshaka~njaravim |
kandarpakoTisamAna\-sundararUpamAdikavim || 1||
brahmAbhidhAnamalepamajamadvaitamapralayam |
sadrUpavantamabAdhikaM chinmAtramambushayam || 2||
satyasvarUpamameyamakSharamaprapa~nchagatam |
avyaktamapratimaM nirIhamakhaNDamIshamatam || 3||
smR^itivedaharasha~NkA.asurapratighAtadakShataram |
kShIrodamathanamahAgamandarapR^iShThabhAgadharam || 4||
uttu~NgaradashikhareNa chAyatabhUmitUlakaram |
pralhAdapAlakamasurakAlakamabhrabhedadharam || 5||
kodaNDabANakuThArakaratalamakhilabAhujaham |
sAketabhUpatinandanaM satyAdibAhuvaham || 6||
jaladAbhamindunibhAnanaM ki~njalkapAtapaTam |
maNichitrahemakirITabhUShitachArubhAlataTam || 7||
iti paThati yo raghuvIravarNanamujjvalaM suchAram |
jayadevanirmitamityanUpamameti modabharam || 8||
\section{aShTapadI 7 gItaM saptamam}
jayati videhanagaramanurUpam |
dishIdishI rAjamAnachAmIkararachitavividhamaNiyUpam || 1||
ruchiralatAtarusumanavATikAvApIkUpataDAgam |
vapravalayaparikhAvR^itamabhinavachitramudayadanurAgam || 2||
sheShabhaya~NkaraveshanR^ipatidurdharShamaheshapinAkam |
maNimayasaudhasamUhamudagramaruchchalavishadapatAkam || 3||
toraNanikarakiraNasa~nchAravininditasurapatichApam |
AhutigandhasahitamakhadhUmavidhUtasakalajanapApam || 4||
gajarathaturagapadAtivighaTTavishR^i~NkhalashabdamudAram |
shAradavidhusa~NkAshavikAshakanakakalashAshritatAram || 5||
paNDitasumatisushIlasudharmasukarmamanujaparivAram |
patipadapadmanihitanijachittachaturasundarapuradAram || 6||
sukhadavitAnamanekatapodhanabhUShitamatishayalobham |
pa~NkajayonivinirmitamivakR^ita santatamAnasalobham || 7||
shrIjayadevakaveruditaM mithilApuragItamashokam |
ma~NgalamodabhareNa karotu sadAmuditaM janalokam || 8||
\section{aShTapadI 8 gItamaShTamam}
parashurAmamavalokya sakopam |
raghupatirabhijaharSha yugabAhuvihitabahubAhujalopam || 1||
bhR^ikuTIkuTilamaruNavadanaM radakhaNDitaradaparidhAnam |
dadhatamiva dyumaNiM shashinaM sakujaM sasitaM kR^itamAnam || 2||
ruchirajaTAmukuTadyutipu~njavibhAsimanoharabhAlam |
pANisarojanihitasharachApakuThAramatIvakarAlam || 3||
ekakaviMshativAramahAvijayasphuTashaM gajalekham |
bhUtivibhUShitavigrahabhAgamanUpamarUpamashaShem || 4||
lalitasumerUvalayaparivItamumApatishiShyamudAram |
chandravishadamakhatantusametamaliprabhanishchalatAram || 5||
astrashastrasambhUtamahAvraNavakShasamAhavadhIram |
kaTitaTayugalaniSha~NgadharaM jalavAhakashabdagabhIram || 6||
shivashivamantramamuM japamAnamarikShayahetum |
darbhapaTImR^igacharmayutaM bhR^iguvaMshamanuttamaketum || 7||
shrIjayadevakaveruditaM dvijarAjamahAbhaTarUpam |
pUrayatu praNatasya janasya manorathamAmanurUpam || 8||
\section{aShTapadI 9 gItaM navamam}
jaya rAmachandra kamalAvihAra |
jaya koshalesha karUNAvatAra || 1||
raghuvaMsha\-kamala\-kAnana\-dinesha |
kandarpakoTI kamanIyavesha || 2||
kAlAgnisadR^ishakopAtireka |
gandharvagItapUritaviveka || 3||
rajanIchara\-prakara\-vipinadAva |
vedAntavedagaNabhaNitabhAva || 4||
vAgIsha sarvavidyAvichAra |
brahmAdivandya hR^itabhUmibhAra || 5||
madamohakAma\-pannagakhagesha |
sharadindunibhAnana kuTilakesha || 6||
taDidAbhavasana ramaNIyahAsa |
kundAbhadashana mAyAvilAsa || 7||
jayadeva vinayamatishayamavehi |
nijacharaNakamalamadhumeva dehi || 8||

iti shrImad.h_rAmagItagovinde mahAkAvye shrIjayadevakR^itau
      vijitaparashurAmo nAma dvitIyaH sargaH |
\section{tR^itIyasargaH 3 jagannivAsaH}
\section{aShTapadI 10 gItaM dashamam}
shrIrAmarUpamanUpamaM pashyAmi tApaharam |
jalendranIlamaNi prabhaM sharadinduvaktradharam || 1||
kanakAsane maNimaNDape saparichChade.adhigatam |
janakA.adhirAjasutAsametamasheShayogimatam || 2||
chapalAvibhUShitasajalajaladharamiva manoharaNam |
ki~njalkapAtadukUlasa~NkulamindirAramaNam || 3||
keyUrakuNDalamukuTaka~NkaNamudrikAruchiram |
muktAbharadanamana~Ngasundarama~NgulIruchiram || 4||
vidyAvichAraNadakShamachChamapakShapakShakaram |
kalyANabhAjanamIsha vanditamItisharam || 5||
AjAnubAhumudAravikramamarkakoTirucham |
niHsheShalakShaNalakShaNIyamapAstarogashucham || 6||
mandAramallIkundatulasIdAmasaMvalitam |
shrIvatsAchihnitavakShasaM svarNopavItachitam || 7||
jayadevabhAShitamaShTapadamaMhonirAshaparam |
shreyo dishatvakhilaM janAya nijAya lokavaram || 8||
\section{aShTapadI 11 gItamekAdashamam}
sakhe sAnurAgaM bhajatu raghuvIrapadamekam |
sarvasaubhAgyasampattisandehakaramindushatakoTiruchisekam || 1||
ketudambholirekhA~NkushachChatravarachihnamambhojahAram |
brahmavAgIshasanakAdimunisevitaM vedavedAntamatasAram || 2||
namradikpAlagaNa maulimaNimAlikAkAntivistaraNamatishobham |
siddhavighneshayaj~neshavinAshavasutuShitagandharvakR^italobham || 3||
pUritAnandakAmArishirasi sphuradvimalaga~NgaughajaTasiktam |
shApavashagautamIpApapariNAmaharamaruNamudyotadyutiraktam || 4||
a~njanInandanapremakAsArasarasIruhaM yogigaNayatnam |
indirApANipAthojavaralAlitaM sadvR^ittapAvanaM nipuNaratnam || 5||
vipulavistArasaMsArasAgarataraNasharaNashubhakalpadR^iDhanAvam |
kAmamadamohalobhadikAnanamahAvidhaviShamatamadAvam || 6||
darshanAdeva lokartishokApahaM rAkShasAbhibhavamabhirAmam |
kAmatarukAmamaNikAmaghukkoTiguNadAnakaraparamavishrAmam || 7||
jayati gambhIrajayadevakavibhAratI puNyadA shamitaparitApA |
rAjarAjendra raghuvIracharaNAmbujasmaraNashubhakaraNagatapApA || 8||
\section{aShTapadI 12 gItaM dvAdasham}
viharati haririha sarayUkUle |
padmarAgachAmIkaramarakatabaddhavividhatarukule || 1||
sAdaramajjadamitayuvatIkuchaku~Nkumapi~NgalanIre |
shamadamAdisAdhanavivekavashamunijanasa~NkulatIre || 2||
vilikhitamakaranishAkara dinakaracha~nchala vishadapatAke |
divyAsanavisheShapUritadUrIkR^itaduritavipAke || 3||
sArasajalakoyaShTimarAlakachakravijR^imbhitanAde |
pa~NkaruhakedAravibodhanaparimalashamitaviShAde || 4||
yAtAyAtatura~Ngamata~NgajakarabhamanujarathayAne |
dishidishi nijavishrAmakAmabahuvirachitaruchiravitAne || 5||
rAjadanekalava~NgalatAvalImunipAdapachUte |
bhrAjitaturagatara~NgavikAshalasattulasIdalapUte || 6||
devagR^ihairabhitaH sphurati praNavAdikamantravichAre |
dhyAnaparAyaNasiddhasamUha\-nirAkR^itaviShayavikAre || 7||
shrIjayadevakaveruditaM sarayUsaridujjvalagAnam |
sarvasatAmanishaM bhavatu priyadaM sukhamodanidhAnam || 8||
\section{aShTapadI 13 gItaM trayodasham}
shR^iNu mama vachanamidaM nR^ipabhUShaNa
satyasindhuvidyAhatadUShaNa |
dehi varaM nAtha jahi na dharmapatham || 1||
devAsuraraNamadhyasalIlam |
bha~Ngamagamaduttamarathakolam || 2||
nijakaramarpya tatra dhR^itashAyaka |
datta vijayayashastvayi nAyaka || 3||
samayamavApya vadati vij~nAnI |
tasmAdihi na nininditavAnI || 4||
kuru bharataM koshalapuranAtham |
raghupatiretu vipinamunigAtham || 5||
na tu tava dharmahAni na hi pApam |
tAmupanayati sahitamahitApam || 6||
Akalayya bhUpatiripukalpam |
manasi chakAra jIvasa~Nkalpam || 7||
shrIjayadevakarachitarahasyam |
sAdhujanasya tanotu yashasyam || 8||
\section{aShTapadI 14 gItaM chaturdasham}
pashya pashya raghuvIra prayAgam ||
majjadakhilamunigaNamatirAgam |
sItayA saha santatametam || 1||
nIlapItAsitachitrapatAkam |
sukhasamUhashithilIkR^itanAkam || 2||
siMhAsanaparipUritakUlam |
j~nAnayogajapasAdhanamUlam || 3||
vANIjanhutaraNijAsa~Ngam |
nimiShAdeti kaluShamatibha~Ngam || 4||
upavanavanabhUShitamahidesham |
sakalakalAkalpitashubhavesham || 5||
manujAkArasurAsuranAgam |
vihitanR^ipatitApasavarayAgam || 6||
muktichaturvidhasulabhamanUpam |
rAjamAnanAnAmaNiyUpam || 7||
shrIjayadevabhaNitamiti gItam |
sukhayatu rAmacharaNamupanItam || 8||

iti shrImad.h_rAmagItagovinde mahAkAvye shrIjayadevakR^itau
      jagannivAso nAma tR^itIyaH sargaH |
\section{chaturthasargaH 4 la~NkApravesho}
\section{aShTapadI 15 gItaM pa~nchadasham}
chitrakUTamavalokaya sIte |
unnatashikharalikhitaghanamaNDalama~NgalakaraNavinIte || 1||
mandAkinIpravAhavila~Nghanacha~nchalapakShamarAlam |
vikasitakundalava~NgatAlavalIsarasIruhamAlam || 2||
champakabhUrjakadambatamAlamunidrumabhUShitamAgam |
vairavihInamata~NgajasiMhamayUramahAviShanAgam || 3||
sphaTikapadmarAgendranIlamaNihArakagairikashobham |
shItaladhIrasugandhasamIraNamR^iShijanamAnasalobham || 4||
gavayasharabhahariNIhariNAdanakapikulavipulavihAram |
indhanadalaphalakusumadarbhajalahetukamunisa~nchAram || 5||
shukahArItachakorashArikAkha~njanakokavirAvam |
nirjharasharaNasalilashIkaramaravigataviShamatarUdAvam || 6||
guhAnivAsakirAtahUNakhasavirachitaviTapavitAnam |
vanadevIsasatAlasusurarasashrutikR^itama~NgalagAnam || 7||
shrIjayadevamahAkavinirmitamadbhutabhUdharagItam |
haratu malaM sakalaM paThatAmanishaM prakarotu vinItam || 8||
\section{aShTapadI 16 gItaM ShoDasham}
daNDakavanamatichAru chakAshe |
shAradendunirmalaruchiraghupati yashasi jagati savikAshe || 1||
nirbhayakumbhajadinAnAmunijanakR^itasAdhanayeAgam |
vigatavairamR^igadasyukhagAdibalAhakadAvaviyogam || 2||
godAtaralatara~NgavichitritaruchirakUlakR^itashAlam |
vihitanivAsavidehasutAraghunAthasumitrAbAlam || 3||
khaNDitakAmasamAkulashUrpaNakhAshrutikaraNavinAsam |
kharadUShaNarajanIcharasahitasahasrachaturdashanAsham || 4||
 rAvaNashAsanakanakahariNamArIchanipAtanidhAnam |
sItAharaNavilApanagR^idhravilokanasa~NgatidAnam || 5||
yojanabAhukabandhamahAsuramAraNapAvakasa~Ngam |
navadhAbhaktivivekavichAraNashabarIsaMsR^itibhagam || 6||
nAradamunidarshanavidhisantataruchirakaladhvanigItam |
pampAnikaTasamIratanayasaMvAdavisheShamabhItam || 7||
shrIjayadevakaveruditaM daNDakavanacharitamanUpam |
yachChatu muktipadaM vimadaM suchiraM ruchiraM shubharUpam || 8||
\section{aShTapadI 17 gItaM saptadasham}
shrIrAmanAma manoramaM bhajAmR^itatattvamayam |
natanoti yatsmaraNena janmajarAdhimaraNabhayam || 1||
sukR^iteH paraM prakR^iteHparaM sattvAdibhAvagatam |
vishrAmamekamanogirAmaja sha~NkarAbhimatam || 2||
pralhAdanAradapuNDarIkaparAsharAdinutam |
saMsArasAgarasuplavaM mantrAdhimantrayutam || 3||
yadi bhajasi harimapi kevalaM hR^idi karmaNA vachasA |
yogena kiM yaj~nena kiM hyapareNa kiM tapasA || 4
udgItharamyapadakramopaniShatsugItaparam |
shabarIjaTAyurajAmilAdikatApapApaharam || 5||
rAgAdidUramasheShamunijanasevitaM satatam |
lokAbhirAmamamAnamAnasama~njasAvitatam || 6||
brahmANDasampuTaratnamujjvalamakalamapralayam |
sarvAshrayaM sarvAtigaM sarvArtihaM cha samam || 7||
tR^iShNAniviDarajanIdivAkaramasurayUthabhidam |
jayadevabhAShitamamadbhutaM bhavasArabhUtamidam || 8||
\section{aShTapadI 18 gItamaShTAdasham}
la~NkApuramavalokya karAlam |
nAnAbhaTaparipUritashAlam |
smR^itya vibhuM vAtasuto na chakAra bhayam || 1||
bahuvidhalohayantrashR^i~NgabANam |
dauvArikaghR^itapANikR^ipANam || 2||
ruchiraniketanatoraNamAlam |
bhrAjamAnamaNivirachitajAlam || 3||
shubhasopAnavApikAramyam |
suratarubhUShitavipinamagamyam || 4||
santatamasuranikarasa~nchAram |
kIlitalokapAlasuradAram || 5||
tu~NgakanakamayasaudhavikAsham |
 mayanirmitamagapatisa~NkAsham || 6||
atishayaruchiradevavarageham |
devavinirmitanirUpamageham || 7||
shrIjayadevavinirmitagAnam |
sukhayatu sAdhunichayamanumAnam || 8||

iti shrImad.h_rAmagItagovinde mahAkAvye shrIjayadevakR^itau
      la~NkApravesho nAma chaturthaH sargaH |
\section{pa~nchamasargaH 5 la~NkAvijayo}
\section{aShTapadI 19 gItamekonaviMsham}
rajanIchararamaNIparivItA |
bAlachandrakalikeva samItA |
nAtha hare sIdati sItA.ashokavane || 1||
kushasharIragatiratishayadInA |
bhUmishayAshanasalilavihInA || 2||
dhyAyati tava mukhachandramudAram |
tyajati bhujagamiva maNimayahAram || 3||
bhajati nisheShakiraNamiva jAlam |
spR^ishati kareNa muhurnijabhAlam || 4||
kalayati sharamiva malayasamIram |
mu~nchati taptavilochananIram || 5||
virahatayA vidadhAti na hAsam |
janayati vanhiviShamanishvAsam || 6||
rAmarAmarAmeti sakAmam |
vadati vilApatayA vasuyAbham || 7||
shrIjayadevakaveridamuditam |
mukhayatu rAmabhaktamatimuditam || 8||
\section{aShTapadI 20 gItaM viMsham}
pashya pashya raghuvara varasetum |
paramadurAsadarUpapayonidhisalilAvala~Nghanahetum || 1||
shailanivahamAnIya sumanamiva shatayojanaparimANam |
nAnAkArasharIravalImukhavIrAvihitanirmANam || 2||
vAlitanayasugrIvavAyusutanalanIlAdivichAram |
sha~Nkhabhujagatimimakarachakrakulasa~NkulamativistAram || 3||
a~njananIlanIranidhimadhyagamujjvalaphenavikAram |
ChAyApathamiva gaganasabhudyatamuDugaNamilitamudAram || 4||
R^ikShamallabahurAjivirAjitamindukiraNasamarUpam |
la~NkAvijayapatramarpitamiva vidhinA vipulamanUpam || 5||
siddhayakShavidyAdharakinnarasuravaralochanalobham |
yAtudhAnaramaNIjanalochanarodanamabhigatashobham || 6||
vAlakhilyavaikhAnasaphenapavanacharamunikR^itajApam |
rAjamAnarAkeyadUrakR^itadAruNabandhanapApam || 7||
paThati janaH suchiraM sumatirjayadevavinirmitagItam |
pashyati naiva kadAchidapi pratibandhakasaMsR^itibhItam || 8||
\section{aShTapadI 21 gItamekaviMsham}
la~NkApatirAlokayadIsham |
indIvarasamaruchiravilochanamarimadamochanakIsham || 1||
rAkApatishatakoTima~njumukhamanupamachibukalasantam |
 bhR^ikuTIkuTivilAsatayAratinAyakachApahasamtam || 2||
karakodaNDasharaprabhayA lasamAnasamastasharIram |
 shakrasamarpitavarmabhR^itaM samarAbdhivila~NghanadhIram || 3||
baddhajaTAmukuTaM nibiDaM rajanIcharanAshanadakSham |
chArurathasthamudaprapatAkamakhaDitaroShavipakSham || 4||
kAlanIyapashamaM khalahaM kalahaM karadAruNametam |
mAtalisArathisahitamattamahitalanabalena sametam || 5||
parikarakaTitUNIravibhUShitamudgarabANakarAlam |
AkampitatulasIdalasa~NkulakusumakalitavanamAlam || 6||
tiShTha vimUDhamate samare dashakaNThamiti pravadantam |
prasphuritAdharapallavayugapravibhAsimanoharadantam || 7||
shrIjayadevabhaNitamatima~njularaghuvarasamaravidhAnam |
paThati samarajayamatishayapurajayameti mahAbhayadAnam || 8||
\section{aShTapadI 22 gItaM dvAviMsham}
jaya rAmachandra mAyA.atidUra |
ravivaMshavibhUShaNa mukuTashUra || 1||
brahmAmahendragandharvagIta |
kalyANanipuNa guNagaNavinIta || 2||
chaNDaprayAta khaNDitavirAdha |
svargApavargada saradagAdha || 3||
karuNAniketatama prabalaroSha |
bhAvAdhigamya jitasakaladoSha || 4||
dhArAdharapratima nIladeha |
sadrUpabodhamayamodageha || 5||
vyAlAdapatra shatapatranetra |
kUTastha pANitalakalitavetra || 6||
sItApatiraghupatijainaruddha |
vishasitasamastamAyAviruddha || 7||
jayadevavinirmitameva rAma |
kuru tena nAtha mama hR^idayadhAma || 8||

iti shrImad.h_rAmagItagovinde mahAkAvye shrIjayadevakR^itau
      la~NkAvijayo nAma pa~nchamaH sargaH |
\section{ShaShThasargaH 6 rAmAbhiShekaH}
\section{aShTapadI 23 gItaM trayoviMsham}
pashyata rAmachandramatishobham |
vidhihariharadinanAthanAkapatimunigaNamAnasalobham || 1||
nIlashakalasanimasharIraruchishuktisuvidrumahAram |
vAmabhAgasItAshubhashobhitamanugatahariparivAram || 2||
bhAnusamAnapuShparathasa~Ngatamanujasahitamasuraghnam |
chaNDavishikhakodaNDavinAshitasakalacharAcharavighnam || 3||
maratAli~NganagurupAdAmbujapraNativikampitabhAlam |
dvijanatikaraNavidhAnaparasparapR^ichChaM chalavanamAlam || 4||
mAtR^ibhavanakR^itagamanamaninditamaNimayapIThanivAsam |
chAmarayugalasitAtapavAraNamaNDitama~njulahAsam || 5||
hasadukUlapu~njamukuTaprabhayApratimAsikapolam |
nijajanamuparikR^ipAmayashubhrakaTAkShaniveshanalolam || 6||
bandiveShadharavedachatuShTayavihitavijayaguNagAtham |
kanakaratnamayapANivisheShakR^itAkhilalokasanAtham || 7||
shrIjayadevavinirmitamatishayaraghupaticharitamanUpam |
haricharaNasya tanotu shivaM hR^idi mAnasahaMsasarUpam || 8||
\section{aShTapadI 24 gItaM chaturviMsham}
jahihi shayanamaravindavilochana khagaketo |
karuNApUrita shubhanayanena vilokaya ma~Ngalaheto || 1||
udayati bhAnurayaM vidhunA samameti samastatamisram |
dadhati nabhoruNatAmaruNaruNena babhUva sadojasamishram || 2||
vikasati padmavanaM sakalaM vihagAvalidAtininAdam |
haMsavirAvavibodhitachakranichapagatasarvaviShAdam || 3||
dIpashikhAtivishuddhatarA malinatvamupaiti vishAlA |
sIdati kumudamulUkatatiH pratigachChati layamuDumAlA || 4||
karShati shrR^i~NkhalakaM gajatA yugabhAgavibhAjitanidrA |
namati mahIpasabhA.amimukhaM tava rAghava dUradaridrA || 5||
gAyati sAmakhilAmakhilAmR^iShirAjakhaNDitavINA |
nR^ityati devavadhU ruchirAyutabhAvabhareNa navINA || 6||
shItalamandasugandhasamIragalitakusumAvalirekhA |
paThati parasparameva paTuH shrutipAThamavAritaveShA || 7||
shrIkavirAjashiromaNidAmalasajjayadevavigItam |
modabharaM sujanasya tanoti karotu mano rasanItam || 8||

iti shrImad.h_rAmagItagovinde mahAkAvye shrIjayadevakR^itau
      rAmAbhiSheko nAma ShaShThaH sargaH |

iti kavi jayadevakR^itaM rAmagItagovindaM sampUrNam |
##
(Although in the similar form of the more
well-known Gitagovinda by Jayadevapandita,
this composition is by a different Jayadevakavi.

Selected songs were presented at
All India Road, Pune in 2009 with music
by Dr. Keshavchaitanya Kunte.
The audio of the program is available at
https://www.youtube.com/watch?v=Pxg8t3PGCpA
with Marathi/English commentary.

Encoded and proofread by Keshavchaitanya Kunte

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}