% Text title : Shri Ramakarnamritam 2 % File name : rAmakarNAmRRitam2.itx % Category : raama % Location : doc\_raama % Proofread by : Aruna Narayanan narayanan.aruna at gmail.com % Description/comments : From stotrArNavaH % Latest update : September 12, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Ramakarnamritam 2 ..}## \itxtitle{.. shrIrAmakarNAmR^itam 2 ..}##\endtitles ## dishatu sa kushalaM jite dashAsye vidhivihitastutiveditasvarUpaH | upadishati shivo nR^iNAM yadIyaM manumavimuktapure vimuktihetoH || 1|| vihitavidhimapAsyatA niShiddhA\- nyapi charatApyakR^itAkShanigraheNa | yadaghamupachitaM mayA yatiShye raghuvarasaMsmaraNena tannimArShTum || 2|| chiraparichitayA mano vikR^iShTaM dishi dishi vAsanayA na me niyAmyam | iti kavanapathe tavArya rAma smaraNavidhAvanaghe karomyupAyAn || 3|| prakR^itiriti sarasvatIti lakShmI\- riti girijeti jagattrayIti vA yAm | gadati munigaNaH kavitvasid.hdhyai kathamapi tAM kalaye videhakanyAm || 4|| madhurabhaNitaye pativratAnAM makuTamaNiM kalaye mahIkumArIm | patikR^itaripupAtanapratij~nA\- dalanabhayAdahite.apyadattashApAm || 5|| hR^idaya viShayameva sevase kiM yadayamudagraviShopamaH krameNa | madayati cha nihanti cha prakAmaM tadayanametya girA bhajasva rAmam || 6|| raghuvaracharaNAravindabhakti\- chChalamakarandanirantarAbhiShiktAH | vakulaparimalA giro madIyAH kavikulakarNarasAyanAni santu || 7|| bharataviditapAdukAprabhAvaM dharatanujAramaNIyanAmadheyam | karataladhR^itakArmukaM pumAMsaM maratakanIlasharIramAshrayAmaH || 8|| niTilanayananirvR^itipradAkhyaM kuTilanishAcharakumbhinAM mR^igendram | kaTilasadasimambudAbhamekaM jaTilamurIkR^itachApabANamIDe || 9|| nilayamakhilama~Ngalasya rakSho\- balayavasaprabalAnilAyitAstram | kalayati hR^idayaM videhakanyA valayapadA~NkitakandharaM pumAMsam || 10|| vimohayati viShTapatrayajanAn guNAropaNa\- kShaNatruTitachaNDikAramaNachApachaNDadhvaniM (dhvanau) | jayatyasakR^idunmiShatpulakayorapetatrapaM parapasparanirIkShaNaM raghuvarakShamAkanyayoH || 11|| karomi hR^idayAmbuje kamapi vIramambhonidhe\- rnibandhanamapIndhana ? ? bandhutUNIshayam | na kashchidapi dR^ishyate jagati yasya shakto jaye smaraprahitajAnakInayanapadmavANaM vinA || 12|| ka eSha daladutpaladyutirudAraveShojjvalaH svayaM vishati me manastvaritamAH parij~nAyate | sa eSha nanu jAnakIkuchataTIpaTIradrava\- prasaktarasavAsanAghumughumAyamAnaH prabhuH || 13|| bhaje sharadhanurdharaM vikaTachitrakUTATavI\- charaM kamapi sha~NkarapraNayinIpriyAkhyaM prabhum | sphuTaM kalitaku~NkumA vadati yasya vakShastaTI mR^igendrarasitatrasajjanakajAhaThAli~Nganam || 14|| chirAya vidhurasya me viShayagharmaghorAtapaiH payodanichayodayapratinidhiH kileyaM dashA | narAghamuShi rAghave yadadhunA manaH prIyate samastasuramastakapraNatikarmaNi brahmaNi || 15|| kaTIghaTitavalkalaM ghanalasajjaTAmaNDalaM karAttasharakArmukaM kamalapatramitrekShaNam | tamAladalamechakaM dharaNikanyakAkAmukaM tara~NgitakR^ipArasaM taraNivaMshadIpaM bhaje || 16|| achoditakulakramaM punarapR^iShTajAtikriyaM nayAnayavichAraNAvidhuramastasha~NkAkaNam | upeyuShi vibhIShaNe jhaTiti dattamasyAbhayaM mayeti samudIritA bhagavato giraH pAtu naH || 17|| kalhArAmbujagandhimandapavane khelanmR^igAla~NkR^ite kUjatkokilabAlachUtagahane kUle sarayvAH shubhe | pashyAnveti shukaM shukIti chibuke gR^ihNan kareNa priyAM chitte bhAti hi ko.api me dashashiromattebhakaNThIravaH || 18|| kUjatkekini chitrakUTakaTake godAvarImedure pratyagraprasavasya kesarataroH prachChAyashIte tale | kausheyAstaraNe videhaduhituH kurvANama~Nke shiro nIlAmbhodanibhaM bhaje raghukulaprAchInabhAgyaM prabhum || 19|| trastaprasthitahaMsayUthamabhito nR^ityanmayUravrajaM valmIkAntarasa.npraviShTabhujagaM pa~NktIbhavachchAtakam | puShpyannIpasilIndhraketakajanasthAnATavImeyuShA kAlimnA mama kenachit kavachitaM cheto virAdhadviShaH || 20|| saMrambhaskhalitottarIyamavaninyastAgrapAdAmbujA\- vudyamya shlathanIvi puShpanichayaM sa~NgR^ihNatIM jAnakIm | pashyan pa~nchavaTIvane muhurapi prachChanna evAntike hastopAttadhanushsharaH sphurati me chitte raghugrAmaNIH || 21|| nirvR^itte kharadUShaNatrishirasAmunmA(mU)lanAdAhave vaidehI pariShasvaje sapadi yaM mUrtA jayashrIriva | unmIlatpulakashramAmbhasi dhanurnyastaikahastAmbuje tasmin sasmitavaktrachandramasi me deve mano dhAvati || 22|| pAyAt parNakuTIgato ghanaghaTAsiktAvanIsaurabha\- ghrANavyApR^itapuShkaradvipakule nIpaprasUnAkule | kekAkaNThashikhaNDitANDavapade khelatpuromArute nandan prAvR^iShi chitrakUTakaTake sItAsakho rAghavaH || 23|| ardhAvartitamantramardhaviratasvAdhyAyamardhojjhita\- brahmopAsanamardhamuktahavanAtithyAdisarvakriyam | dR^iShTvA pa~nchavaTIjuSho yamR^iShayaH sArthaM tapo menire kandarpAdapi sundaraM vrajati me kAkutsthamenaM manaH || 24|| chArusmeramukhAmbujaM charaNayorma~njukvaNannUpuraM cha~nchadratnalalantikAlikalasatkastUrikAchitrakam | kAntavyAghranakhAnubandhikanakagraiveyakAla~NkR^itaM kausalyA~NkavibhUShaNaM kuvalayashyAmaM bhajAmaH shishum || 25|| dattvA pArshvajuSho videhaduhitushchApaM karAmbhoruhe gulphadvandvaniveshitasphigavanau kurvan samau jAnunI | dR^iShTyA kUNitayA karAmbujayugavyAsaktamUlA~nchalaM pashyan bANamR^ijuM na veti hR^idi me vIro.ayamArohati || 26|| unmIlannavama~njarIparimaloda~nchaddvirephAravai\- rAraNye tulasIvane mukharite.adR^ishyaM shukashyAmale | shashvallInamadhIradR^igvalayayA shashvadgR^ihItaM balA\- jjAnakyA saha chitrakUTakaTake devaM mano dhyAyati || 27|| sItAdattakarAmbujaM padayugashliShyanmaNIpAdukaM harShAvekShivihArabarhyapasR^itAbhyarNaM ghaTodhnyA gavA | svAmin deva jayeti pa~njarashukasvAnollasattoraNaM sAketAdhipateruShasyavatu naH shayyAgR^ihAnnirgamaH || 28|| pANau muShTigR^ihItapannagalatAparNochchaye bibhratIM vAme ratnakaraNDakaM tadapare vITIM videhAtmajAm | pashyan kUjati pArshvataH kalarave dR^iShTyA tirashchInayA mandasmeramukhIM hR^idi sphurati me ma~nchAdhirUDhaH prabhuH || 29|| shailAnmatto.avatarati karirjyAsvanairvAraya tvaM saumitre mA bhavatu chakitA jAnakIti prahiNvan | tajjyAghoShaM mR^igapatiravaM vyAharan vepitA~NgyA gADhAshliShTo janakasutayA kausaleyo.avatAnnaH || 30|| haMsI mandaM charati hariNI vIkShate lolalolaM rasyaM kUjatyayamiha piko rAjate barhiNo.asau | ityAshcharyAdvanabhuvi vadhUM darshayantIM yadi tvAM pashyAmyetairalamiti vadan pAtu naH kausaleyaH || 31|| deva tvAM raghuvIra nIradanibhaM sItAtaTitsa~NgataM kAruNyAmR^itavarShiNaM katipaye dR^iShTvA mayUrA iva | kiM nR^ityanti na chAtakA iva pare kiM vA na mAdyantyataH svAmin pAlaya pAlayetyahamapi kroshAmi maNDUkavat || 32|| khelatkekini sa~ncharan mR^igashishau chUtasphuradvalkale nIpanyastaniSha~Ngadhanvani janasthAnoTajaprA~NgaNe | sItAM puShpasamitkushaM hR^itavatIM sambhAvayantaM dR^ishA baddhasvastikameNacharmaNi ghanachChAyaM bhajeyaM prabhum || 33|| sa.nprApto mR^igayAM vidhAya nalinIpatrAhR^itairambubhiH sa.nkShAlyAMshukapallavena kuchayoH pAdAbjamunmArjatIm | mR^iShTA neha manashshileti visR^itAM ratnA~NgulIyashriyaM vaidehIM prati darshayan hR^idi kR^itavyAjo vibhuH pAtu naH || 34|| shlathakachabharAnnaitadbhUmau nipAtaya sundarI\- tyuditahasitaM savrIDAyA mahIduhiturdishan | vanatarutale mallIpuShpaiH kR^itaM navagarbhakaM1 dinakarakulottaMso devo.adhirohati me manaH || 35|| ##Footnote## 1\. garbhakaH ##=## shirovR^itapuShpagu~njA dalitadanujATope chApAdhiropitasAyake maratakamaNichChAyAdAyAdadAyimahobhare | praNatajanatAprANatrANapravINaparAkrame sphurati purato.asmAkaM sItApatau duritaM kutaH || 36|| aviditanatakleshAnIshAnapAsya dishAmaho saha pariharat kAlIkelIsakhaM muralIbhR^itA | vanamR^igaparIvAre vIre vareNyadhanurdhare kuvalayadalashyAme rAme kutUhali me manaH || 37|| sphaTikadhavalAnmeghashyAme gR^ihItamR^igAnalAt dhR^itadhanuriShau bhUteshAnAt plava~Ngamasevite | matiravataratyAttavyAghrAjinAddhR^itavalkale shikharitanayAnAthAt pR^ithvIsutApariNetari || 38|| svachChandaM vrajasundarIjanaviTAdbaddhaikadAravrate lIlAveNulasatkarAt tribhuvanatrANAya chApaspR^ishi | chorAkR^iShTavadhUjanAt pariNato kITAdimuktiprade vyAvR^ittaM mama yAdavAdraghupatau chetaH svayaM dhAvati || 31|| kashchidbAlo mR^ittikAM bhakShayitvA kashchidvR^iddhashchUtamUle luThitvA | mAM rakShechchenmAstu tadyanmamAste trAtA sItAkalilolo yuvaikaH || 40|| abhimataphalasid.hdhyai dhyAtumekaM surANAM anusarati mano me yAvadAbaddhamekam | apaharati nirundhannantarA tAvadetat kapikulaparivAraH kashchidambhodanIlaH || 41|| kShaNachalitanirUDhasvarNadIkarNabhUShe parihR^itamayakanyApatralekhaprasa~Nge | virachitasurasubhrUvibhramaprAtibhAvye kutukitamatibhavye kvApi kAlimri chetaH || 42|| kachabharaniTilabhrUkarNadR^i~NnAsikoShTha\- stanajaghananitambaM pashyadanyA~NganAnAm | malinayati manashchenmanmathastAvatA kiM vimalayitumahalyApAvano.apyasti vIraH || 43|| navakuvalayadAmashyAmalaH komalA~NgyA virachitamadhurashrIrekayA vidyuteva | jaladhara iva kAle jR^imbhamANo mayUraM kutukayati mano me ko.api kodaNDabhUShaH || 44|| manasi mama samindhe puNyabhAjAmavekShyaH kapisadasi munInAM chetasAsvAdanIyaH | janakanR^ipatikanyAsaspR^ihAli~NganArhaH shrutiyuvatikabaryAH ko.api saurabhyasAraH || 45|| kuvalayadalanIlaH ko.api rakShovadhUnAM kuchagiriShu nipAtaM vAShpavR^iShTervidhAtA | nikhilabhuvanachetobarhinR^ittaikahetuH shamayati mama tApaM shAr~NgavAnambuvAhaH || 46|| nigamashikharishR^i~NgAnnityamAgatya khela\- nmunijanahR^idaraNye mohasAra~Ngamukte | dashavadanagajendre darshitAghAtalIlo vashayati raghusiMho mAnasaM naH prasannaH || 47|| karayoH sharakArmukAbhirAmaM padayorashmavivekakR^iptarAgam | kaliteShudhimaMsayoH prabhuM taM karuNApUrNamapA~NgayorupAse || 48|| avalambya sharAsamadrisAraM guNamAkR^iShya dhanadhvaniM vimu~nchan | vishikhAnahiteShu rukmapu~NkhAn viharatyAhavasImni vIrarAmaH || 49|| charamA~NganibaddhachArutUNaM suramA~NgalyadhurINachApabANam | alinIlamupaiti mAnasaM me nalinInAyakavaMshabhAgadheyam || 50|| dR^ishi kAruNikaH kare dhanuShmAn kushikApatyamakhasya rakShitA yaH | rajanIcharatUlachaNDavAto bhajanIyo mama so.ayameka eva || 51|| navanIradanIlamAttachApaM bhavanIhAraraviM shR^iNoti lokaH | avanItanayAsakhaM jagatyA stavanIyaM mama daivamekameva || 52|| bharitA dayayA dR^ishoH surANAM paritApakShataye gR^ihItachApA | duritAni dhunotu kApi lIlA\- chChuritA bhUmisutAkuchA~NgarAgaiH || 53|| surachAraNasiddhabaddhasevaH sharachApAbharaNo navAmbudashrIH | ahimAMshukulArNavendureko mahimAntaHkaraNe mamAvirastu || 54|| dhanuShA saha sAyakaM dadhAne januShA bhUShitachaNDarashmivaMshe | kuchanamramahIsutAnurakte kvachana nyastamidaM mahimni chetaH || 55|| bhayakampitasAgaraprashaste mayakanyAtanumaNDanAsahiShNau | navagAruDaratnabhAsure syA\- davagADhaM hR^idayaM kvachit prabhau me || 56|| nijanAmarasaj~nanIlakaNThaM bhajanAya plavagAvR^itopakaNTham | balayantritasindhumantarekaM kalayannanyamupAsituM yate kam || 57|| vikaTabhrukuTIn vilokate.arIn vishikhAn mu~nchati vigrahAn bibharti | anulimpati shoNitairdharitrIM raNara~Nge raghupu~NgavaH samindhe (? ) || 58|| smayamAnamukhendurindranIla\- dyutirambhojadalekShaNo dhanuShmAn | taralIkR^itajAnakIdR^iganta\- staruNaH kashchana me mano dhinoti(dhunoti) || 59|| daladutpaladAmakomalA~NgI dashakaNThAyurapAyakAlabha~NgI | manase mama rochate.abhirUpA karuNA kAchidupAttabANachApA || 60|| maulau nidhehi makuTaM tyaja barhigarhaM bANaM gR^ihANa dhanuShA saha mu~ncha veNum | shAkhAmR^igairvihara santyaja gopabAlAn rAmo yadUdvaha bhava tvamathAshraye tvAm || 61|| kR^iShNaikasUtarathaketanabhUtadUta AnUrusArathirathAtmajamitrabhUtaH | pANIsha ? ? rathasya sharAsabhUtaH kashchinmano harati kArmukabhUShaNo me || 62|| dR^ipyaddashAnanakalatrakaThoragarbha\- vibhraMshavibhramaparisphuTasAhasena | ghaNTA viluNThayatu naH kaluShaM raveNa kodaNDakoTighaTitA kuladevatAyAH || 63|| devadviShAM vijayadehabhR^itAM sharaNyaM kAruNyabhUShitakaTAkShamudagrachApam | Ta~NkatruTanmaratakopalaratnanIla\- dhAma smarAmi dharaNItanayAsahAyam || 64|| Aste kR^itAnta iti pApiShu daNDadhArI\- tyAkarNyate muhuravAptaparamparAbhyaH | rakShiShyatIti raghunandanameva sAkShA\- dvishvasya kevalamahaM na vichikriyAmi || 65|| tiShThantu dAruNatarA nirayAH sahasraM tiShThantu ghoracharitA yamaki~NkarA vA | pApAtmano.api niyataM paripAlanAya kodaNDapANiriti ko.api mamAsti nAthaH || 66|| lIlopAttabaliprasUnamukulAH snigdhena saumitriNA vaidehIkarapallavAttakalashIdhArAmbusaMvardhitAH | dR^iShTA vatsalayA dR^ishA raghupateH putrA iva pratyahaM prAyaH pa~nchavaTIkuTIrataravaH prINanti me mAnasam || 67|| sauvarNImavasakthikAmadhivasan pArshvasthapR^ithvIsutA hastAmbhojayugakramaprasR^itayA jAtisrajA dIrghayA | pANibhyAmapi veShTayan kachabharaM maulyekapArshvo chitaM devo me hR^idi bhAti dattanayano dR^ishye tadekastane || 68|| svapnadR^iShTaM shlokAntaraM\-\- chApasaMhitasharaM charamA~Nge baddhatUNamupanIvikR^ipANam | va~nchanAmR^igavadhAya vanAnte sa~ncharantamimamantarupAse || 69|| koNapAdhipakadaryitAmarI\- kA~NkShitapraNayibANakArmukam | ka~nchana shrutikaraNDamauktikaM kAlimAnamavalokayAmahe || 70|| jAnakIstanataTaikapAlikA\- jAtaku~NkumavibhAgapi~njaraH | dR^ishyate hR^idi dayAdhurandharaH ko.api kosalakulInaku~njaraH || 71|| mAmake hR^idi mahIkumArikA kAmakelikutukI nR^ipAtmajaH | ? ? padamastrabandhuro nUtanodayapayodasundaraH || 72|| chandrashekharasharAsanachChidA chAturIchaNakarAravindayA | svIkR^itaM mama surAnukUlayA ? ? bhranIlayA || 73|| kauNapAlikadalIviShANinA bANachApaparikarmapANinA | chaNDikAramaNachApakhaNDane paNDitena mama maNDitaM manaH || 74|| tunnakIrNakuTilakShapAchare kR^itrimetaragirAmagochare | dhAvate hi kuladevateti me chittamevamidamuttame nR^iNAm || 75|| kAlikAnibharuchiH kanIyasA kAntayA cha saha kalpitAsikA | kArmukAshugalasatkarAmbujA kAchidasti karuNA gatirmama || 76|| mAmake manasi dhAnyamAlinI\- bhUShaNAsahabhujoShmashAlinI | sA chakAsti sharachApadhAriNI bhAlumAlikulabhAgyadhAriNI || 77|| yAti tejasi manaH sanAtane dUtabhUShitakirITiketane | yAminIcharachamUbhaya~Nkare jAnakInayanakeliki~Nkare || 78|| chakramAnukR^itagandhasindhurA sindhurAjakR^itasetubandhanA | vAsanAdhR^itasharAsanAshugA mechakA manasi me chakAsti sA || 79|| vAnarakShapitarAkShasavrajaM dInarakShaNavichakShaNaM prabhum | shrImadagryasharachApameti me jAmadagnyamadanigrahaM manaH || 80|| kaNThekAlasharAsakhaNDanachaNaM kalyANanAnAguNaM kAruNyAbharaNaM kharAntakaraNaM ka~njAbhirAmekShaNam | pANidvandvagR^ihItabANadhanuShaM pAthodanIlatviShaM paulastyAsumuShaM bhajAmi puruShaM pArshve vadhUTIjuSham || 81|| kuvalayadalanIlashrIbhR^itAM bhUkumArI\- kuchakalashavirAjatku~Nkumaira~NkitAnAm | dashamukhabhujatejodarpatUlAnilAnAM dasharathasukR^itAnAM dAsabhAvaM bhajAmaH || 82|| karadhR^itasharachApaH kAntimatpa~NkajAkSho nihitasharadhiraMse nIradasnigdhanIlaH | vanamR^igaparivAro vandanIyo munInAM madayati hR^idayaM me maithilIprANanAthaH || 83|| maghavadupalanIle maNDalIkR^itya chApaM muhurabhidashakaNThaM mu~nchatIShuprapa~ncham | raNadharaNirajobhirdhUsare vAsaresha\- prabhavakulabhavAnAmuttame chittameti || 84|| shubhaguNakalakaNThastomamAkandashAkhA\- niyaminivahachetonIlakaNThAbhrarekhA | dashavadanavadhUTIchakravAkItriyAmA janayati kutukaM me jAnakIpremasImA || 85|| tAruNyadarpataralIkR^itagopakanyA dR^iShTipriyaM tava yadasti vapustadAstAm | kAkutsthavIra kamalAnayanAbhirAmaM gAtraM tvidaM tava karoti mudaM madantaH || 86|| kalyANamAvahatu dAsharatheH kaTAkShaH shAkhAmR^ige shatamakhAdapi sAnukampaH | AbhAti bhUmitanayAdharabimbalobha\- sampAtasa~NkramitalAkSha ivAruNo yaH || 87|| (rAmaM sundaratayA mahAlakShmIshchakame iti purANe kathAnusandheyA.) sa kashchana girIndrajAsakhasharAsanavrashchako mano harati mAmakaM maratakopalashyAmalaH | dhanushsharalasatkaro dharaNikanyakApremabhU\- rdhana~njayarathadhvajAbharaNabhUtadUtaH prabhuH || 88|| dhanyA vayaM dharaNikanyakayA sanAthe nAthe sthite jagati naH paripAlanAya | yashshIlito yatibhirAtmani niShkala~Nke la~NkeshvaraM lavitumApa manuShyarUpam || 89|| dInAnukampi divaseshvaravaMsharatnaM kartR^ivyapetavachasAM kathamapyupeyam | tApi~nChanIlaruchi tAmarasAyatAkShaM chApojjvalaM kimapi vastu mamAvirastu || 90|| AbaddhatUNamaMse karakamaladvandvadhR^itadhanurbANam | pashyAmi hR^idayakamale rAmaM dUrvAdalashyAma(la)m || 91|| majjati mano madIyaM kvachidapi dalitendramaNinIle | mahimani mahIkumArIkuchakuDmalaku~NkumA~Nkitoraske || 92|| jagadaghaharaprashaMse janakasutAvalayapadavilasadaMse | nigamAntanalinahaMse ramate mama hR^idayaM ravikulavataMse || 93|| sarasaghanasAramedurachandananiShyandashItalAlokam | kamapi dalitamayakanyAma~NgalamAli~Ngati mano me || 94|| vikachendIvaranIlaM videhatanayAkuchastabakalolam | nigamAntasudhAnilayaM mAdhuryaM pibati mAmakaM hR^idayam || 95|| girishadhanustarukariNaM galitabhR^igupravaragarvasarvasvam | kalayAmi kamapi vIraM kR^ittakabandhaM kR^itAmbunidhibandham || 96|| kushikasutakutukadAyI kuvalayadalanIlakomalasharIraH | kosalakulatilako me ko.api gatiH kovidArarathaketuH || 97|| kuvalayadAmasarUpaM kuNThitadashakaNThanirupamATopam | karatalagR^ihItachApaM kalaye taddhAma pAmaradurApam || 98|| dalitendIvararUpe darshitadashakaNThayauvatavilApe | dhR^itasharachApakalApe dIvyati hR^idayaM dilIpakuladIpe || 99|| nigamAntavanakura~Nge nirmalamunyantara~NganaTara~Nge | ruchitulitaravitura~Nge kvachana rame raghukulArNavatara~Nge || 100|| iti shrIrAmakarNAmR^itaM sampUrNam | ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}