% Text title : rAmakarNarasAyanam % File name : rAmakarNarasAyanam.itx % Category : raama % Location : doc\_raama % Author : rAmabhadradIkShita % Proofread by : PSA Easwaran % Description-comments : Vishnustutimanjari volume 2 print pages 311-399 niShyandaH 1-2 % Latest update : May 28, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. rAmakarNarasAyanam ..}## \itxtitle{.. rAmakarNarasAyanam ..}##\endtitles ## shrIrAmabhadradIkShitakR^itam | prathamo niShyandaH | dishatu sa kushalaM jite dashAsye vidhivihitastutiveditasvarUpaH | upadishati shivo nR^iNAM yadIyaM manumavimuktapure vibhuktihetoH || 1|| vihitavidhimapAsyatA niShiddhA\- nyapi charatApyakR^itAkShanigraheNa | yadaghamupachitaM mayA yatiShye raghuvarasaMsmaraNena tannimArShTum || 2|| chiraparichitayA mano vikR^iShTaM dishi dishi vAsanayA cha me niyAmyam | iti kavanapathe.avatArya rAma \- smaraNavidhAvanaghe karomyupAyam || 3|| prakR^itiriti sarasvatIti lakShmI\- riti girijeti jaganmayIti vA yAm | gadati munigaNaH kavitvasiddhyai kathamapi tAM kalaye videhakanyAm || 4|| madhurabhaNitaye pativratAnAM makuTamaNiM kalaye mahIkumArIm | patikR^itaripupAtanapratij~nA\- dalanabhayAdahite.apyadattashApAm || 5|| hR^idaya viShayameva sevase kiM yadayamudagraviShopamaH krameNa | madayati cha nihanti cha prakAmaM tadayanametya girAM bhajasva rAmam || 6|| raghuvaracharaNAravindabhakti\- chChalamakarandanirantarAbhiShiktAH | vakulaparimalA giro madIyAH kavikulakarparasAyanAni santu || 7|| bharataviditapAdukAprabhAvaM dharaNisutAdaraNIyanAmadheyam | karataladhR^itakArmukaM pumAMsaM marakatanIlasharIramAshrayAmaH || 8|| niTilanayananirvR^itipradAkhyaM kuTilanishAcharakumbhinAM mR^igendram | kaTilasadasimambudAbhamekaM jjantilapurIkR^itachApabANamIDe || 9|| nilayamakhilama~Ngalasya rakSho\- valayavasaprabalAyitAnalAstram | kalayati hR^idayaM videhakanyA\- valayapadA~NkitakandharaM pumAMsam || 10|| vimohayati viShTapatrayajanAnguNAropaNa\- kShapAtruTitachaNDikAramaNachApachaNDadhvanau | jayatyasakR^idunmiShatpulakayorapetatrapaM parasparanirIkShaNaM raghuvarakShamAkanyayoH || 11|| karomi hR^idayAmbuje kamapi vIramambhonidheH nibandhanamabindhanajvalanabandhutUNIshayam | na kashchidapi dR^ishyate jagati yasya shakto jaye smaraprahitajAnakInayanapadmabANaM vinA || 12|| kaSha daladutpaladyutirudAraveShojjvalaH svayaM vishati me manastvaritamAH parij~nAyate | sa eSha nanu jAnakIkuchataTIpaTIradrava\- prasaktaghanavAsanAghumu~NghumAyamAnaH prabhuH || 13|| bhaje sharadhanurdharaM vikaTachitrakUTATavI\- charaM kamapi sha~NkarapraNayinIpriyAkhyaM prabhum | sphuTAkalitaku~NkumA vadati yasya vakShastaTI mR^igendrarasitatrasajjanakajAhaThAli~Nganam || 14|| chirasya vidhurasya me viShayagharmaghorAtapaiH payodanichayodayapratinidhiH kileyaM dashA | narAghamuShi rAghave yadadhunA manaH prIyate samastasuramastakapraNatikarmaNi brahmaNi || 15|| kaTIghaTitavalkalaM ghanalasajjaTAmaNDalaM karAttasharakArmukaM kamalapatramitrekShaNam | tamAladalamechakaM dharaNikanyakAkAmukaM tara~NgitakR^ipArasaM taraNivaMshadIpaM bhaje || 16|| achoditakulakramaM punarapR^iShTajAtikriyaM nayAnayavichAraNAvidhuramastasha~NkAkaNam | upeyuShi vibhIShaNe jhaTiti dattamasyAbhayaM mayeti samudIritA bhagavato giraH pAntu naH || 17|| kahlArAmbujagandhimandapavane khelanmR^igAla~NkR^ite kUjatkokilabAlachUtagahane kUle sarayvAH shubhe | pashyAnveti shukaM shukIti chubuke gahNankareNa priyAM chitte bhAti sa ko.api me dashashiromattebhakaNThIravaH || 18|| mAdyatkekini chitrakUTakaTake mandAkinImedure pratyagraprasavasya kesarataroH prachChAyashIte tale | kausheyAstaraNe videhaduhituH kurvANama~Nke shiro nIlAmbhodanibhaM bhaje raghukulaprAchInabhAgyaM prabhum || 19|| trastaprasthitahaMsayUthamabhitonR^ityanmayUravrajaM valmIkAntarasampraviShTabhujagaM pa~NktIbhavachchAtakam | puShpyannIpasilinghraketakijanasthAnATavImeyuShA kAlimnA mama kenachitkavachitaM cheto virAdhadviShA || 20|| saMrambhaskhalitottarIyamavaninyastAgrapAdaM bhujA\- budyamya shlathanIvi puShpanichayaM sagalatIM jAnakIm | pashyanpashchavaTIvane muhurapi prachChanna evAntike hastopAttadhanuHsharaH sphuratu me chitte raghugrAmaNIH || 21|| nirvR^itte kharadUShaNatrishirasAmunmUlanAdAhave vaidehI pariShasvaje sapadi yaM mUrtAM jayashrIriva | unmIlatpulakashramAmbhasi dhanurnyastaikahastAmbuje tasminsasmitavaktrachandramasi me deve mano dhAvati || 22|| pAyAtparNakuTIgato ghanaghaTAsiktAvanIsaurabha\- ghrANavyApR^itapuShkaradvipakule nIpaprasUnAkule | kekAkaNThashikhaNDitANDavayute khelatpuromArute nandanprAvR^iShi chitrakUTakaTake sItAsakho rAghavaH || 23|| ardhAvartitamantramardhaviratasvAdhyAyamardhojjhita\- brahmopAsanamardhamuktahavanAtithyAdisarvakriyam | dR^iShTvA pa~nchavaTIjuSho yamR^iShayaH sArthaM tapo menire kandarpAyutasundaraM vrajati me kAkutsthamenaM manaH || 24|| chArusmeramukhAmbujaM charaNayorma~njukvaNannUpuparaM cha~nchadratnalalantikAlikalasatkastUrikAchitrakam | kAntavyAghranakhAnubandhikanakagraiveyakAla~NkR^itaM kausalyA~NkavibhUShaNaM kuvalayashyAmaM bhajAmaH shishum || 25|| dattvA pArshvajuSho videhaduhitushchApaM karAmbhoruhe gulphadvandvaniveshitasphigavanau kurvansame jAnunI | dR^iShTyA kUNitayA karAmbujayugavyAsaktamUlA~nchalaM pashyanbANamR^ijurna veti hR^idi me vIro.ayamArohati || 26|| unmIlannavamallikAparimaloda~nchad.hvirephAravai\- rAraNye tulasIvane mukharite dR^ishye shukashyAmale | shashvallInamayUradR^igvalanayA shashvadgR^ihItaM balA\- jjAnakyA saha chitrakUTakaTake devaM mano dhAvati || 27|| sItAdattakarAmbujaM padayugashliShyanmaNIpAdukaM harShAvekShivihArabarhyupasR^itAbhyarNaM ghaTodhnyA gavA | svAmindeva jayeti pa~njarashukasvAnollasattoraNaM sAketAdhipateruShasyavatu naH shayyAgR^ihAnnirgamaH || 28|| pANau muShTigR^ihItapannagalatAparNochchaye bibhratIM vAme ratnakaraNDakaM tadapare vITIM videhAtmajAm | pashyankUjati pArshvataH kalarave dR^iShTyA tirashchInayA mandasmeramukhIM hR^idi sphurati me ma~nchAdhirUDho vibhuH || 29|| shailAnmatto.avatarati karI jyAsvanairvArayainaM saumitre mA bhavatu chakitA jAnakIti prahiNvan | tajjvAghoShaM mR^igapatiravaM vyAharanvepitA~NgyA gADhAshliShTo janakasutayA kausaleyo.avatAnnaH || 30|| haMsI mandaM chalati hariNI vIkShate lolalolaM ramyaM kUjatyayamiha piko rAjate barhiNo.asau | ityAshcharyAdvanabhuvi vadhUM darshayantIM yadi tvAM pashyAmyetairalamiti vadanpAtu na vai kausaleyaH || 31|| deva tvAM raghuvIra nIradanibhaM sItAtaDitsa~NgataM kAruNyAmR^itavarShiNaM katipaye dR^iShTvA mayUrA iva | kiM nR^ityanti na chAtakA iva pare kiM vA na gAdyantyataH svAminpAlaya pAlayetpahamapi kroshAmi maNaDUkavat || 32|| khelatkekini sa~ncharanmR^igashishau chUtasphuradvalkale nIpanyastaniSha~Ngadhanvani janasthAnoTajaprA~NgaNe | sItAM puShpasamitkushAnhR^itavatIM sambhAvayantaM dR^ishA baddhasvastikameNacharmaNi ghanachChAyaM bhajeyaM prabhum || 33|| samprApto mR^igayAM vidhAya nalinIpatrAhR^itairambubhiH sa~NkShAlyAMshukapallavena kuchayoH pAdAbjamunmArjatIm | mR^iShTA neha manaH shileti visR^itAM ratnA~NgulIyashriyaM vaidehIM prati darshayanhR^idi kR^itavyAjo vibhuH pAtu naH || 34|| shlathakachabharAnnaitadbhUmau nipAtaya sundarI\- tyuditahasitaM savrIDAyA mahIduhiturdishan | vanatarutale mallIpuShpaiH kR^itaM navagarbhakaM dinakarakulottaMso devo.adhirohati me manaH || 35|| dalitadanujATope chApAdhiropitasAyake marakatamaNichChAyAdAyAdakAyamanohare ( hobhare)| prapAtajanatAprANatrANapravINaparAkrame sphurati purato.asmAkaM sItApatau duritaM kutaH || 36|| aviditanatakleshAnIshAnapAsya dishAmaho saha pariharankAlIkelIsakhaM muralIbhR^itA | vanamR^igaparIvAre vIre vareShudhanurdhare kuvalayadalashyAme rAme kutUhali me manaH || 37|| sphaTikadhavalAnmeghashyAme gR^ihItamR^igAnalA\- ddhR^itadhanuriShau bhUteshAnAtplava~Ngamasevite | matiravataratyAttavyAghrAjinAddhR^itavalkale shikharitanayAnAthAtpR^ithvIsutApariNetari || 38|| svachChandaM vrajasundarIjanaviTAdbaddhaikadAravrate lIlAveNulasatkarAttribhuvanatrANAya chApaspR^ishi | chauryAkR^iShTavadhUjanAtpariNatau kITAdimuktiprade vyAvR^ittaM mama yAdavAdraghupatau chetaH svayaM dhAvati || 39|| kashchidbAlo mR^ittikAM bhakShayitvA kashchidvR^iddhashchUtamUle luThitvA | mAM rakShechchenmAstu tadyanmamAste trAtA sItAkelilolo yuvaikaH || 40|| abhimataphalasiddhyai dhyAtumekaM surANA\- manusarati mano me yAvadAbaddhavegam | apaharati nirundhannantarA tAvadeta\- tkapikulaparivAraH kashchidambhodanIlaH || 41|| kShaNachalitanirUDhasvarNadIkarNabhUShe parihR^itamayakanyApatralekhAprasa~Nge | virachitasurasubhrUvibhramaprAtibhAvye kutukitamatibhavye kvApi kAlimnichetaH || 42|| kachabharaniTilabhrUkarNadR^i~NnAsikoShTha\- stanajaghananitambaM pashyadanyA~NganAnAm | malinayati manashchenmanmathastAvatAla kiM vimalayitumahalyApAvano.apyasti vIraH || 43|| navakulavalayadAmashyAmalaH komalA~NgyA virachitamadhurashrIrekayA vidyuteva | jaladhara iva kAle jR^imbhamANo mayUraM kutukayati mano me ko.api kodaNDabhUShaH || 44|| manasi mama saminddhe puNyabhAjAmavekShyaH kapisadasi munInAM chetasAsvAdanIyaH | janakanR^ipatikanyAsaspR^ihAli~NganArhaH shrutiyuvatikabaryAH ko.api saurabhyasAraH || 45|| kuvalayadalanIlaH ko.api rakShovadhUnAM kuchagiriShu nipAtaM bAShpavR^iShTervidhAtA | nikhilabhuvanachetobarhinR^ittaikahetuH shamayati mama tApaM shAr~NgachApAmbuvAhaH || 46|| nigamashikharishR^i~NgAnnityamAgatya khelan munijanahR^idaraNye mohasAratvamukte | dashavadanagajendre darshitAghAtalIlo vashayati radhusiMho mAnasaM naH prasannaH || 47|| karayoH sharakArmukAbhirAmaM padayorashmavivekakR^itparAgam | kaliteShudhimaMsayoH prabhuM taM karuNApUrNamapA~NgayorupAse || 48|| avalambya sharAsamadrisAraM guNamAkR^iShya gurudhvaniM vimu~nchan | vishikhAnahiteShu rukmapu~NkhAnviharatyAhavasImni vIrarAmaH || 49|| charamA~NganibaddhachArutUNaM suramA~NgalyadhurINachApabANam | alinIlamupaiti mAnasaM me nalinInAyakavaMshabhAgadhayem || 50|| dR^ishi kAruNikaH kare dhanuShmAnkushikApatyamakhasya rakShitA yaH | rajanIcharatUlachaNDavAto bhajanIyo mama so.ayameka eva || 51|| vadane shabarIphalAbhilAShaM vachane satyadhurAvirAjamAnam | nayane.apyanavekShitAnyadAraM charaNe jIvalamAshraye nR^ipAlam || 52|| navanIradanIlamAttachApaM bhavanIhAraraviM shR^iNotu lokaH | avanItanayAsakhaM jagatyAM stavanIyaM mama daivamekameva || 53|| bharitA dayayA dR^ishoH surANAM paritApakShataye gR^ihItachApA | duritAni dhunotu kApi lIlA chChuritA bhUmisutAkuchA~NgarAgaiH || 54|| surachAraNasiddhabaddhasevaH sharachApAbharaNo navAmbudashrIH | ahimAMshukulArNavendureko mahimA.antaHkaraNe mamAvirastu || 55|| dhanuShA saha sAyakaM dadhAne januShA bhUShitachaNDarashmimavaMshe | kuchanamramahIsutAnurakte kvachana nyastamidaM mahimni chetaH || 56|| bhayakampitasAgaraprashaste mayakanyAtanumaNDanAsahiShNau | navagAruDaratnabhAsure syAdavagADhaM hR^idayaM kvachitprabhau me || 57|| nijanAmarasaj~nanIlakaNThaM bhajanAya plavagAvR^itopakaNTham | balayantritasindhumantarekaM kalayannanyamupAsituM tvare kam || 58|| vikaTabhrukuTirvilokate.arInvishikhAnsu~nchati vigrahAnvibhinte | anulimpati shoNitairdharitrIM raNara~Nge raghupu~NgavaH saminddhe || 59|| smayamAnamukhendurindranIladyutirambhojadalekShaNo dhanuShmAn | taralIkR^itajAnakIdR^igantastaruNaH kashchana me mano dhinoti || 60|| daladutpaladAmakomalA~NgI dashakaNThAyurapAyakAlabha~NgI | manase mama rochate.abhirUpA karuNA kAchidupAttabANachApA || 61|| maulau nidhehi makuTaM tyaja barhibarhaM bANaM gR^ihANa dhanuShA saha mu~ncha veNum | shAkhAmR^igairvihara santyaja gopabAlAn rAmo yadUdvaha bhava tvamathAshraye tvAm || 62|| kR^iShNaikasUtarathaketanabhUtadUtaH so.anUrusArathirathAtmajamitrabhUtaH | vANIshayantR^ikarathasya sharAsabha~NktA kashchinmano harati kArmukabhUShaNo me || 63|| dR^ipyaddashAnanakalatrakaThoragarbha\- vibhraMshavibhramaparisphuTasAhasena | ghaNTA viluNThayatu naH kaluShaM raveNa kodaNDakoTighaTitA kuladevatAyAH || 64|| devadviShAM vijayi dehabhR^itAM sharaNyaM kAruNyabhUShitakaTAkShamudagrachApam | Ta~NkatruTanmarakatopalaratnanIlaM dhAma smarAmi dharaNItanayAsahAyam || 65|| Aste kR^itAnta iti pApiShu dapaDakArI\- tyAkarNite.api muhurAptaparamparAyAH | rakShiShyatIti raghunandanameva sAkShA\- dvishvasya kevalamahaM na vichintayAmi || 66|| tiShThantu dAruNatarA nirayAH sahasraM tiShThantu ghoracharitA yamaki~NkarA vA | pApAtmano.api niyataM paripAlanAya kodapaDapANiriti ko.api mamAsti nAthaH || 67|| lIlopAttabaliprasUnamukulAH snigdhena saumitriNA vaidehIkarapallavAttakalashIdhArAmbusaMvardhitAH | dR^iShTA vatsalayA dR^ishA raghupateH putrA iva pratyahaM prAyaH pa~nchavaTIkuTIrataravaH prINanti me mAnasam || 68|| sauvarNImavasakthikAmadhivasanpArshvasthapR^ithvIsutA\- hastAmbhojayugakramaprasR^itayA jAtisrajA dIrghayA | pANibhyAmadhiveShTayankachabharaM maulyekapArshvochitaM devo me hR^idi bhAti dattanayano dR^ishye tadekastane || 69|| chApasaMhitasharaM charamA~Nge baddhatUNamupanIvi kR^ipANam | va~nchanAbhR^igavadhAya vanAnte sa~ncharantaminamantarupAse || 70|| kauNapAdhipakadarthitAmarIkA~NkShitapraNayibANakArmukam | ka~nchana shrutikaraNDamauktikaM kAlimAnamavalokayAmahe || 71|| jAnakIstanataTAntapAlikAjAtuku~NkumavibhAgapi~njaraH | dR^ishyate hR^idi dayAdhurandharaH ko.api kosalakulInaku~njaraH || 72|| mAmake hR^idi mahIkumArikAkAmakelikutukI nR^ipAtmajaH | Atanoti padamastrabandhuro nUtanodayapayodasundaraH || 73|| chandrashekharasharAsanachChidA chAturIchaNakarAravindayA | svIkR^itaM mama surAnukUlayA lIlayA hR^idayamabhranIlayA || 74|| kauNapAlikadalIviShANinA bANachApaparikarmapANinA | chaNDikAramaNachApakhaNDane paNDitena mama maNDitaM manaH || 75|| kR^ittakIrNakuTilakShapAchare kR^itrimetaragirAmagochare | dhAvate hi kuladevateti me chittamevamidamuttame nR^iNAm || 76|| kAlikAnibharuchiH kanIyasA kAntayA cha saha kalpitAsikA | kArmukAshugalasatkarAmbujA kAchidasti karuNA gatirmama || 77|| mAmake manasi dhAnyamAlinIbhUShaNAsahabhujoShmashAlinI | sA chakAsti sharachApadhAriNI bhAnumAlikulabhAgyadhoraNI || 78|| yAti tejasi manaH sanAtane dUtabhUShitakirITiketane | yAminIcharachamUbhaya~Nkare jAnakInayanakeliki~Nkare || 79|| cha~NkramAnugatagandhasindhurA sindhurAjakR^itasetubandhanA | vAsanA dhR^itasharAsanAshugA mechakA manasi me chakAsti sA || 80|| vAnarakShapitarAkShasavrajaM dInarakShaNavichakShaNaM prabhum | shrImadagryasharachApameti me jAmadagnyamadanigrahaM manaH || 81|| kaNThe kAlasharAsabha~njanachapAM kalyANanAnAguNaM kAruNyAbharaNaM kharAntakaraNaM ka~njAbhirAmekShaNam | pANidvandvagR^ihItabANadhanuShaM pAthodanIlatviShaM paulastyAsumuShaM bhajAmi puruShaM pArshve vadhUTIjuSham || 82|| kuvalayadalanIlashrIbhR^itAM bhUkumArI\- kuchakalashavirAjatku~Nkumaira~NkitAnAm | dashamukhabhujatejodarpatUlAnalAnAM dasharathasukR^itAnAM dAsabhAvaM bhajAmaH | 83 karadhR^itasharachApaH kAntimatpa~NkajAkSho nihitasharadhiraMse nIradasnigdhanIlaH | vanamR^igaparivAro vandanIyo munInAM madayati hR^idayaM me maithilIprApAnAthaH || 84|| maghavadupalanIle maNDalIkR^itya chApaM muhurabhidashakaNThaM mu~nchatIShuprapa~ncham | raNadharaNirajobhirdhUsare vAsaresha\- prabhavakulabhavAnAmuttame chittameti || 85|| shubhaguNakalakaNThastomamAkandashAkhA niyaminivahachetonIlakaNThAbhrarekhA | dashavadanavadhUTIchakravAkItriyAmA janayati kutukaM me jAnakIpremabhUmA || 86|| kalyANamAvahatu dAsharatheH kaTAkShaH shAkhAmR^ige shatamakhAdapi sAnukampaH | AbhAti bhUmitanayAdharabimbalobha\- sampAtasa~NkramitalAkSha ivAruNo yaH || 87|| tAruNyadarpataralIkR^itagopakanyA\- dR^iShTipriyaM tava yadasti vapustadAstAm | kAkutsthavIra kamalAnayanAbhirAmaM gAtraM tvidaM tava karoti mudaM madantaH || 88|| sa kashchana girIndrajAsakhasharAsanavrashchano mano harati mAmakaM marakatopalashyAmalaH | dhanuH sharalasatkaro dharaNikanyakApremabhUH dhana~njayarathadhvajAbharaNabhUtadUtaH prabhuH || 89|| dhanyA vayaM dharaNikanyakayA sanAthe nAthe sthite jagati naH paripAlanAya | yaH shIlito yatibhirAtmani niShkala~Nke la~NkeshvaraM lavitumAttamanuShyarUpaH || 90|| dInAnukampi divaseshvaravaMsharatnaM kartR^ivyapetavachasA kathamapyupeyam | tApi~nChanIlaruchi tAmarasAyatAkShaM chApojjvalaM kimapi vastu mamAvirastu || 91|| AbaddhatUNamaMse karakamaladvandvadhR^itadhanurbANam | pashyAmi hR^idayakamale rAmaM dUrvAdalashyAmam || 92|| majjati mano madIyaM kvachidapi dalitendranIlamaNinIle | mahimani mahIkumArIkuchakuDmalaku~NkumA~Nkitoraske || 93|| jagadaghaharaprashaMse janakasutAvalayapadavilasadaMse | nigamAntanalinahaMse ramate mama hR^idayaminakulAvataMse || 94|| vikachendIvaranIlaM videhatanayAkuchastabakalolam | nigamAntasudhAnilayaM mAdhuryaM pibati mAmakaM hR^idayam || 95|| sarasaghanasAramedurachandananiShyandashItalAlokam | kamapi dalitamayakanyAma~NgalamAli~Ngati mano me || 96|| girishadhanustarukariNaM dalitabhR^igupravaragarvasarvasvam | kalayAmi kamapi vIraM kR^ittakabandhaM kR^itAmbunidhibandham || 97|| kushikasutakutukadAyI kuvalayadalanIlakomalasharIraH | kosalakulatilako me ko.api gatiH kovidArarathaketuH || 98|| kuvalayadAmasarUpaM kuNThitadashakaNThanirupamATopam | karatalagR^ihItachApaM kalaye taddhAma pAmaradurApam || 99|| dalitendIvararUpe darshitadashakaNThayauvatavilApe | dhUtasharachApakalApe dIvyati hR^idayaM dilIpakuladIpe || 100|| nigamAntavanakura~Nge nirmalamunyantara~NganaTara~Nge | ruchitulitaravitura~Nge kvachana rame raghukulArNavatara~Nge || 101|| dashakandharamadasindhuradalanadhurandharanishAtasharanakharam | paTumavane nigamavanecharamavaneH kanyayA hariM kalaye || 102|| kapikulakalitaparidhaye karuNAnidhaye sharAstavAridhaye | vitanomi dAsharathaye vinatiM sItAvihArasArathaye || 103|| vande.ahaM dInadayAvAsaM dehakR^itajaladasandeham | taM janakajAkShira~njanatAruNyamapA~Ngasa~NgatAruNyam || 104|| rakShonIkaM dalayankandalayanyo.abhavanmudamR^iShINAm | iShuNA sahasA lavanaM sAlavanaM nItavAnsa me sharaNam || 105|| shashadharakhaNDamapaDanasharAsanirAsakalA kushalakarAmbuje.ambudakadambaviDambachaNe | nishicharasiMhasaMhananalAvishikhaM vishikhaM dadhati dadhAmi dhAmani mano munimodapade || 106|| dharaNisutAjayodharadharAdharakUTataTI\- ghusa\-NarajobhishobhitabhujAntarabandhurayA kavachitamekayA karaNamantardaM taruNI\- kR^itashilayA dinAdhipakulodayayA dayayA || 107|| dasharathasUnave navasudhAyashase vasudhA\- duhitR^ivihAragauravapuShe karuNAvapuShe | praNatimudAranIranidhisAdhvasadAya sadA kuvalayadAmakomalatanUruchaye rachaye || 108|| dashamukhabha~Ngasa~Ngamitasarvasuparvachatu\- rvadanasavistarastavanivartitamartyamatau | hR^idayamarAtibhItikaraNeShudhanuHsmaraNe kaliharanAmni dhAmni ruNAnilaye kalaye || 109|| bhujagakalApachApaparibha~njanasa~njanita\- stuti bhujavikramakramagR^ihItamahItanayA | mama hR^idi vAsanA smarati sa~Ngarara~NgaraNa\- ddashamukhasarpadarpabharashikShaNapakShipatiH || 110|| aravindajadalasundaranayanaM darahasitaM maNikuNDalakR^itamapaDanamukhamaNDalashashinam | raghupu~Ngavamidama~Ngajamadabha~NgadavapuShaM mama chintatu hR^idayaM tatamapi kR^intatu duritam || 111|| nigamAvalisugamAkR^iti gataye ripuhataye vinatAmarajanatAvR^itajanuShe dhR^itadhanuShe | anayAsharajanayAmyanagaravedanagurave tanumo natimanumoditayataye rapuShataye || 112|| dashakandharabhR^ishakampitasumanobhayashamano nadanAyakakadanAshugahR^idayo mama hR^idaye | sujanochitabhajano ghanaruchirAkR^itirachirA\- dupayAti sa kR^ipayA.avanisutayA saha hitayA || 113|| kShaNadAcharagaNadAraNachaNadAruNavishikhaM karuNArasavaruNAlayamaruNAnvayatilakam | priyayA ghanadayayA savinayayA saha militaM smara mAnasa charamAyuShi paramApadi sukhitum || 114|| bhaja mAnasa paripAlitabhajamAnasamudayaM kapilakShaNa virahAsahakapilakShaNanikaTam | raghunandanamaghabha~njanarapunandanavanike kalitApadamamaradviShi kalitApadakathanam || 115|| gurutvarAkR^itAnatInmarutvadAdidikpatI\- natItya tIvrama~njanAsutAdimA~njanAnapi | krameNa me.ayate manastameva meghamechakaM karasthachApasAyakaM kakutsthavaMshanAyakam || 116|| karAravindayoH sharaM sharAsanaM cha bibhratI bisaprastasaprabhA bhR^ishaM vishAlayordR^ishoH | tanUkR^itAbhravibhramA manUditAnvayakramA dayA mahIsutAsakhI mayA manasyupAsyate || 117|| dashAnanaM nibarhituM bhR^ishAnatAmaroktibhi\- rgR^ihItamartyavigrahA mahItale sakR^inmayA | madIyavaMshadevatA yadIyamIDyate tadA kR^itAntato na me bhayaM nitAntabhIShaNAdapi || 118|| yamAryamAdipa~nchakakriyopabhogibhItidaM yamAryamAhurAgamA mahAtmanAmihAshraye | vibhAvarIchareshvaraprabhAvadAvapAvake vibhAvarINavaibhave mano vinodameti cha || 119|| bhajAmahe vayaM sudhAbhujAmaheyasevanaM bhujAmahebhahastasa~NgR^ihItabANakArmukam | udArasArarAkShasachChidArasAkulaM raNe sadArasAnujasthitiM sadA raghUdvahaM prabhum || 120|| sahasraM santyanye shatamakhashashA~NkaprabhR^itayaH | parAvR^ittaM tebhyaH prasajati mano me kvachidapi | navAmbhodashyAme nalinadalasodaryanayane dhanurbANAkalpe dharaNitanayAvibhramapade || 121|| sharAsaM bibhrANAM shAtamakhasharAsAbhamiShuNA sahArAtigrIvArudhiramadhusevAruchimatA | bhajAmo jImUtashriyamavanijAmohanatanuM dayAvashyApA~NgAM dasharathatapasyApariNatim || 122|| madakShIbakShvelAmukharakharakIlAlaghusR^iNa\- dravairAlimpantaM raNadharaNimeNIdR^ishamiva | bhaje vyomasthAnAM nayanakutukasthAnasamaraM janasthAnAraNyAyatanamanaraNyAnvayamaNim || 123|| bha jAne prAchIne januShi sukR^itaM kiM nvakaravaM satAM vaMshe chAhaM samajaniShi kIdR^i~Nmahimani | adhIsho lokAnAM mama hR^idayamArohati yato jagadvandyaH shrImA~njanakanR^ipakanyAsahacharaH || 124|| sphurannAnAkalpaM bhujapaTimajalpAkapurabhi\- ddhanuShkaM kiShkindhAnavanR^ipatisandhAnachaturam | kamapyantaH kurve karatalagR^ihIteShudhanuShaM tamAlashyAmA~NgaM tapanakularAjanyatanayam || 125|| girijApatigIyamAnanAmne nalinInAyakavaMshabhAgyabhUmne | prapAto.asmi payodamechakimne vanamAlAdharavakShase mahimne || 126|| dikpAlasmayadhasmarakramadashagrIvagrahavyagradoH \- stambhADambarakArtavIryavijayavyAkhyAtamukhyaujasaH | jetAraM jamadagnijanmana R^iShervIrasya sArasvata\- srotaH syUtaghanAlimAlikhati me chetaH sharaNyaM naram || 127|| a~Nke niveshitavidehakumArikANAM la~NkeshadAralalitAsahasAyakAnAm | AsAravAhikaruNAbhR^idapA~NgitAnAM kAsAmapi prapadanaM kalayAmi bhAsAm || 128|| na hi tanna karomi yanniShiddhaM vihitaM yadyapi karma nachAcharAmi | dharaNIduhitustathApi nAthaM sharaNIkR^itya kR^itArthatAmupaimi || 129|| ayaM shakrAdInAM gaNamagaNayitvA diviShadA\- mupekShya svachChandaM druhiNamanavekShya trinayanam | padatrasyApi shrIkaramR^iShiva~NUkalmaShaharaM namaskAro.asmAkaM radhupatipadAbjaM mR^igayate || 130|| pratyagrAmbudajAlanIlavapuShaM pANisphuratkArmukaM pArshvadvandvaniviShTapatnyavarajaM rAjanyamekaM prabhum | netrashrInigR^ihItanIrajaladachChAyAmadaM me mudA chetaH shItamayUkhashekharadhanurdroDhAramADhaukate || 131|| asupavanabhuja~NgIbhUtabANAmarINAM nigamavanakura~NgIM nIradashyAmalA~NgIm | madanataralasItAmAnasAmbhojabhR^i~NgIM kalayati hR^idayaM me kAmapi premabha~NgIm || 132|| jyAvalli kAraNavashAdraghuvaMshaketoH karNAntameShyasi kadApi vikR^iShyamANA | deve nivedaya tadA mama dauravasthyaM dharmAshritAsi yadataH kila te bravImi || 133|| kR^itvA sthAvaratAvahAni katichitpApAni pApapriyo nAbhUvaM sarayUtaTe tR^iNamapi prAgeva kasmAdaham | yattatratyacharAcharebhya iva me devaH smarAviShkR^ita\- svargastraiNanisargakelimadhurAnsAntAnikAndApayet || 134|| hindolabhUShaNamakR^itrimavAktaruNyA mandodarImadanakelisamApanAstram | kelIsakhaM janakarAjakishorikAyA nAlIkakArmukadharaM naramAshrayAmaH || 135|| chetaH shatakratumukheShu makhAshaneShu tiShThantu niShThurapurANatapobalena | utkaNThate.adya dashakaNThamadadvipendra\- kaNThIravaM kamapi vIramupAsituM naH || 136|| prAchInaprabhavashatArjitaistapobhiH pronmIlatkutukatara~Ngamantara~Ngam | diShTyA me dinakaravaMshadIpamekaM kodaShaDAbharaNamupaiti kosalendram || 137|| kAruNyAmR^itaparivAhabhAgapA~NgaM vaidehIstanaghanasAravAsitA~Ngam | nArAchakShapitanadIshvarAvalepaM dhyAyAmaH kamapi karAttavANachApam || 138|| la~NkeshadviradamR^igAdhipo guNAnAM sa~NketasthalamavanIsutAsahAyaH | nirvelaprasR^idatayo.astu me sharaNyaH sarveShAmapi jagatAM sa kashchidIshaH || 139|| ashaniparuShaghoShA jIvitaM hartukAmA yamabhaTajanapa~NktiryAvadAyAti bhImA | marakatamaNinIle maithilIkelilole mahimani mama tAvanmagnamastvantara~Ngam || 140|| dehAvasAnasamaye dayayA raghUNAM vIraH karAmbujavirAjadabhItimudraH | Aruhya puShpakamala~NkR^itavAmabhAgo devyA videhasutayA mama sannidhattAm || 141|| suraiH prathamaH stutA tadanu yogibhirbhAvitA tataH plavagabhallukairjaya jayeti sambhAvitA | jagattritayanAyikA janakarAjakanyAnvitA madIyakuladevatA vasati ratnasiMhAsane || 142|| AshcharyaM na kimanavekShya lokapAlAn ulla~Nghya druhiNamupekShya chandrachUDam | asmAbhiH savinayama~njaliH kR^ito.ayaM pAdAbjaM bhajati payodhibandhanasya || 143|| shrIkaNThAyudhashithilIkR^itipravINo niHsheShIkR^itabhR^igunandanAvalepaH | srotasvinyadhipatisUchitapratApo devo me dashamukhashAsanaH sharaNyaH || 144|| sutrAmapramukhasuparvavandyalIlaM bhallUkapravagapariShkR^itA~NghrimUlam | vaidehIvalayapadA~NkashobhitAMsaM cheto me smarati chirantanaM pumAMsam || 145|| sa~NkrandanasyandanabhUShaNAnAM nArAchadhArArditarAvaNAnAm | vemAnikAshcharyaraNakramANA\- madhyemi keShAmapi vikramANAm || 146|| AmnAyamaulimaNimabjabhavAdivandyaM nAmnA vibhUShitanagendrasutAmukhendum | dvaidhIkR^iteshadhanuShaM puruShaM tamekaM nAthaM vidhAya hR^idayaM mama nAnaTIti || 147|| sugrIvA~NgadajAmbavaddhanumatAM sUkShmekShikAlakShitaM shrutvA mantramananyatantrahR^idaye shchyotaddayormImaye | darpAndhaM dashakandharaM vijahatastadbhrAturabhyAgamaM sArthIkurvati nirvR^itiM bhajati me svAntaM kabandhAntake || 148|| pArAvArataTe dhanuHsharapariShkArAgrahastAmbujaM namrasyAsharanAyakAnujanuSho nAthIbhavadyAchataH | meghashyAmalakAntimedurakR^ipAmedasvinetrA~nchalaM ki~nchidvastu nivastumastu hR^idi me kIshAchChabhallAvR^itam || 149|| utsR^ijyAgrajamugrajalpitamapi kravyAdabhavyAdhipaM samprAptena vibhIShaNena sachivaiH sArdhaM sthitenAmbare | dInatrANadhurINa deva karuNA deyA mayItyarthitaM bhaktAsmo hR^idi rAghavaM parivR^itaM bhallUkashAkhAmR^igaiH || 150|| sugrIvAgatamenamAnaya dashagrIvAnujaM vA dasha\- grIvaM vA plavagendra kiM gaNanayA dattaM mayAsyAbhayam | ityAmantrya vibhIShaNAya dadato la~NkAdhipatyaM prabho\- rdhyAyAmaH pratipannasannatadayAdIkShAnkaTAkShA~NkurAn || 151|| darbhAstaranyastasharIrabhAraM sindhoH prasAdAya raghupravIram | madavyapetaM mahati pratApe.apyanveti nanveSha mamAntarAtmA || 152|| dAnotkarShakShamamupadadhaddakShiNaM bAhudaNDaM dIrghIkurvannitaramasitajyAkiNA~NkaprakoShTham | prAnte kR^itvA dhaturiShumapi prAtumabdheH prasAdaM devo darbhAstaraNashayitashchittabhuttambhate naH || 153|| bhaktiprahvavibhIShaNArpitakaranyastaikahastAmbujaH sugrIveNa puro nivAritajanaH saumitriNAnudrutaH | sambhrAmyadbharatopanItacharaNatrANArpitA~Nghridvayo diShTyA samprati mAnasaM vishati me rAjaiSha rAj~nAmapi || 154|| vayashchaturamasthiraM guNavatI vAdhUradruvA na sampadavinashvarA na chirajIvino bAndhavAH | iti svayamavetya chidghanasadAtbhake shAshvate ramasva raghupu~Ngave hR^idaya nAnyadAlochaya || 155|| uttu~NgabhUmitanayAkuchashailashR^i~Nga\- kAshmIragairikaparAgakarambitA~NgaH | bhagnakShapAcharatarurbharatAgrajanmA mattadvipo viharatAnmanasi hrade me || 156|| raNabhuvi kR^itala~NkAta~Nkahu~NkAragarbha\- bhrukuTivikaTava kArbhukArUDhapatraH | nikhilanijasapakShakShemakAmaH puro me sa bhavatu radhuvIrara sAdhvasadhvaMsahetoH || 157|| raNapravaNarAvaNavraNadabANamokShakShaNa\- kvaNadguNadhanurdhvanitvaritamAritArivrajaH | jagadduritajarjarIkaraNajAgarUkakramo mama vyapanayedbhayaM manukulapravIrAgraNIH || 158|| sphuradabhinavaratnashreNirajyatkirITe surabhilavanamAlAla~NkR^itoraHkavATe | sarati khalu mano me sarvalokaikanAthe purabhidabhimatAkhye puMsi sItAsanAthe || 159|| puShpapANyAkShipatA phalAni haratA pR^ithvIruhAnbha~njatA vyAghrAndrAvayatA dvipAnpraharatA kaNThIravAnkarShatA | rakShaHsainyajigIShuNA harichamUchakreNa sAkaM vrajan svAmI chetasi me mudaM sa kurute bhUmIsutAvallabhaH || 160|| kadanamarinagaryAH kartumuddAmabhImaiH kapibhiranilasUnuskandhamAruhya yAntam | kanakashikharishR^i~NgArUDhakAlAmbudAbhaM kamapi manasi vIraM kurmahe sharmahetoH || 161|| ugre tapasyapi payodhimupekShamANaM bANatruTattimitimi~NgilaraktashoNam | kurvan ruShA manukulInakumAravIraH kautUhalaM dishati me hR^idi kausaleyaH || 162|| jaladhijanitakopajAyamAnabhrukuTiviTa~Nkabhaya~NkarAnanAya | gaganacharagaNaH praNAmamasmatkulapataye kurute sma rAghavAya || 163|| jaladanIlatanau janakAtmajAvadanachandravashIkR^itamAnase | sharasharAsanachArukarAmbuje raghupatau ramatAM hR^idayaM mama || 164|| daladutpaladAmakomalA~NgaM dayamAnaM manuvaMshashailashR^i~Ngam | karapadmagR^ihItachApavANaM kalaye ka~nchana pUruShaM purANam || 165|| pipAsitAstraniShpItapreyasImAtR^imekhalam | vastu vidhvastapaulastyaM purastAdAvirastu naH || 166|| smarataralavideharAjakanyA\- kuchataTaku~Nkumayogapi~njarAya | manukulamaNaye namo.astu gaurI\- ramaNasharAsanasAlaku~njarAya || 167|| dvitIyo niShyandaH | vande tamindIvaradAmanIlaM vandArumandArapadAravindam | rAmaM surAma~NgalakR^idvirAmaM kShema~NkarAmandasharAbhirAmam || 1|| bhajAmi devaM bharatAgrajaM taM padAmbujaM yasya pavitrakIrtteH | shirAMsi vA shIlayati dyutInAM manAMsi vA matkulasambhavAnAm || 2|| mamAntarunmIlati mAnavendurmahIsutAvibhramasUtrakAraH | nipAtayAmAsa nishAcharendraM vidanbudhAnAM vidhigauravaM yaH || 3|| devatAsu sharaNIkaraNArthaM dhAvatA suchiramekatamA me | chetasA gativashena gR^ihItA dhUtasAgaramadA vishikhairyA || 4|| kumbhajAdimunikoTinutaM chettaM bhajAni tapanAnvayadIpam | vAsare na charame bhavitA me kAsareNa saha kAlanirIkShA || 5|| Amanema yadi komalavarNaM rAmanAma bhuvane mahanIyam | vyomasImani vasema sukhAkhye dhAma DAmaramiyAma na yAmyam || 6|| nUtanAgamaghanAbhasharIre bhUtanAthadhanurakShamasAre | pUtanAmani mano yadi rAme yAtanA na bhavitA yamato me || 7|| pUrvajanmakR^itapuNyamahimnA pu~njitena matirujjhitanimnA | kutrachidviharate guNatu~Nge kumbhakarNakumudaikapata~Nge || 8|| pApino.ayamiha pAvayiteti pratyayena mama chittamupaiti | bhUyasA hatanishAcharalokaM bhUsutAhR^idayataskaramekam || 9|| a~NkitaM janakajAkuchabhAjA ku~Nkumena cha kura~Ngamadena | taM kaThorasharakAritala~NkAta~Nkameva matireti yuvAnam || 10|| utpaladyutimuda~nchitayogaM vidyuteva cha videhakumAryA | chAtako navamivAmbudamekaM chApabhUShitamupaiti mamAtmA || 11|| astu me hR^idayamapyaNubhAtraM vastumeva valate kR^ipayA.asmin | koTibhiH parivR^itaH plavagAnAM ko.a pi kokanadabandhukulInaH || 12|| nigrahe yudhi nishATachamUnAmugrahetibhirudagravihAram | tApasAmarasharaNyamupAse chApasAyakadharaM raghuvIram || 13|| hastenAmbujakomalena charaNAmbhojjakvaNannUpuraM kausalyAkarapallavA~NgulidalAnyAlamvya mandaM charan | pashyatpa~NktirathAkShipa~NkajanavAdityo haratyeva me chittaM ko.api chirantanoktiyuvateruttaMsabhUtaH shishuH || 14|| chetaH shItalayatyadhiShThitavatA saudhasthalImunnatA\- mAnandArdritachetasA dasharathenAlokitAbhyAgamaH | shyAmA~NgaH sharadindubimbavadavaH smerAravindekShaNaH ko.api svarNakuthAbhirAmakalabhaskandhAdhirUDhaH shishuH || 15|| maNisaradharaM kaNThe madhye hiraNmayaki~NkiNI\- nahanasubhagaM nAlIkAkShaM navAmbudamechakam | dasharathanR^ipastrINAma~NkeShu sa~NkramitaM kramA\- dvichinuta janAstrayyantArthaM viDambitashaishavam || 16|| gurUparicharaNenAlaM kuvalayanIlaM gR^ihItashishulIlam | drakShyatha dasharathanR^ipateH shuddhAnteShvAgamAntasiddhAntam || 17|| pratikalamajasUnusundarIbhiH pR^ithagupalAlitama~NkamaNDaleShu | vikachakuvalayadyutiM vinodAdupaniShadarthamudIkShituM yatadhvam || 18|| hatvA chaNDaparAkramaM dashamukhaM kShipraM raNaprA~NgaNe vAmaM nyasya karaM sharAsashikhare savye sharaM bibhrataH | bandhasraMsijaTAbharasya niTilavyAkIrNagharmAmbhaso devasyAvatu nastribha~NgilalitA dhIroddhatA cha sthitiH || 19|| kenApi kIshabhaTakoTiniShevitena mandodarImadhumadAsahamArgaNena | jImUtamechakaruchA jalajekShaNena vIreNa tuShTamapi hR^iShTamidaM mano me || 20|| dhArAdhIshvaravaMshamaNDayitari krodhotpatattADakA\- hantaryadhvararakShitaryR^iShivadhUshApavyapAkartari | chandrApIDasharAsabhettari mahIkanyAsamudvoDhari krudhyadbhArgavadarpabha~Nktari manaH kuryAM nR^ivaryAtmaje || 21|| navakuvalayashyAme vAmena bibhrati pANinA dhanuShamitareNAjAvAjAnasiddhajayaM sharam | vihara hR^idayedAnImAnIlajUTajaTAdhare vibudhamakuTIhIre vIre virAdhavirodhini || 22|| kamapi cha puruShaM kR^ipAvidheyaM guhajananIguNanIyanAmadheyam | sharavidalitashAmbarIkura~NgaM sharaNamupaiti madIyamantara~Ngam || 23|| sAndraM puShyati champakaH kurabako dhatte navAnkorakAn mAkandaH stabakAnvyanakti bakulaH puShpANi puShNAti cha | jha~Nkurvanti madhuvratA vidadhate chArusvanaM kokilAH pashyeti kShitikanyakAmanunayandIvyatyaTavyAM prabhuH || 24|| svenAla~NkR^itapadmabAndhavakulAM menAtanUjApate\- rbha~NktvA chApamavApitAM vasumatIkanyAkarAbjagraham | kAmapyanvahamAshrayema karuNAM kAdambinImechakAM kAkakroShTukadambasAtkR^itakharakravyAmaTavyAM purA || 25|| kalyANI matiradya kA~NkShitaparitrANA raghUNAM prabhuM sauvarNatsarurachyamAnachalaruchyAkShepikaukSheyakam | mAyUrachChadamechakachChavimilatpu~NkhasphuranmArgaNaM ka~nchitkA~nchanapaTTalA~nChanabR^ihatkodaNDamAhiNDate || 26|| vAlAsphAlitavAraNaiH karatalavyAkarNikapatIravaiH pAdAghAtachaTachchaTAyitapatatprottu~NgapR^ithyIruhaiH | garjadbhiH kapiyUthapaiH saha dashagrIvaM vijetuM vrajan indre chetasi me samIratanayaskandhe.adhirUDho vibhuH || 27|| aMse niSha~Ngamavasajya karAravinde chApaM sharaM cha janakAtmajayA vahantyA | sAkaM prasUtaharaNAya vane charantaM sAketanAthamanuyAti mano madIyam || 28|| puNye pa~nchavaTInadIparisare puShpAvachAye kR^ite prasvinnAnanapa~NkajaH prasR^imarashvAsAlasAlokanaH | shrIkhaNDadrumamUlavartini shilApaTTe samandAnile vishrAmyansaha sItayA manasi me vishrAmyatIva prabhuH || 29|| sevantAmitare shashA~NkashakalottesaM pumAMsaM tathA veNUda~nchitanAdava~nchitalasadgopIjanaM vA janAH | sevyaH kashchana nishchito mama janasthAnATavIsa~NkaTa\- kravyAdyodhasahasrasaptakayugachChedakriyAsAhasI || 30|| chakrIkR^itya sharAsanaM dhaladhalAkurvatsuvarNA~nchalaM mu~nchandikShu vidikShu kA~nchanabhR^itaH pu~NkhAnupu~NkhAn sharAn | svAmI naH kharasenayA nikhilayA sAkaM samIkakShitau kR^ittakShiptabhujAshirashcharaNayA krUraM parikrIDate || 31|| yasyAH santi karAH sahasramapi vA yasyAH sahasraM dR^ishaH kR^ittvA devatayordvayorapi tayoH svasthau sutau vishrute | vIre vishravasashchaturShvapi suteShvAdyantasheShIkriyA\- vidyAchu~nchushilImukhe viharate vItaklamaM me manaH || 32|| AkrAntaM hR^idayaM dayAparavashasvAntena dAnte jane chApajyApaTughoShabhIShitanamalkallolinIkAminA | kravyAdeShu kR^itAntakelikalanAchAturyadhuryeShuNA kenApi plavamAnasainikaparIvAreNa vIreNa me || 33|| prachChAyadruma R^ishyamUkashikhare pArshvasthitenaikashaH sugrIveNa nivedyamAnajananasthAnaprabhAvAhvayAn | pashyanvAnarayUthapAnupagatAnpAthodanIlAkR^iti\- rvIraH sAvarajaH sa bhAti hR^idi me vishvatrayAdhIshvaraH || 34|| kR^ipArasapayodhinA kharavarUthinIyodhinA mahAmahimashAlinA munihadabjakoshAlinA | mano mama kR^ipANinA sharasharAsamR^itpANinA jaTAmakuTadhAriNA taralitaM virAdhAriNA || 35|| kandarpakoTishatasundararUpadheyaM ka~nchitprabhuM bhuvanama~NgalanAmadheyam | nanvasthire.api hR^idaye natikR^idvidheyaM kurmaH kusheshayasuhR^itkulabhAgadheyam || 36|| maulivirAjanmaNimayamakuTIma~NkShunipAtanahR^itaripugarvaH sarvasuparvastutipadasamaraprA~NgaNacha~NkvaNadiShugaNalIlaH | bhallukamallaplavagavarachamUpANipadAhativirachitala~NkA\- gopurabha~NgaH kutukayati manaH ko.api kusheshayadayitakulInaH || 37|| vArShikapAthovaharuchivapuShA vAritavAridhibahalamadena prAtaruda~nchatprabhakamaladalaprastutavistR^itanayanatulena | niTilajaTAlInibiDitashirasA nistulakArmukavishikhadhareNa krItamivAntaHkaraNamidamaho kenachidAnanasulabhakR^ipeNa || 38|| sundarAkR^iti yatkabandhavasundharAruhakhaNDane gandhasindhuradUmibandhurasindhubandhadhurandharam | yastu nistulamastu taddhR^idi shastrashastapulastyabhU\- hastamastakamAstikastutivistarArhayashastatam || 39|| kR^ittarAjasamattarAvaNamuttarAdharayoH samaM dattama~NgalamuttamaM nR^iShu chittama~nchati mAmakam | taM kutUhali sa~NkuchallikuchasmayakShitijAkucha\- dvandvasa~Ngamalagnaku~Nkumapi~njaraM raghuku~njaram || 40|| kalpakadrumadarpahR^itpadapa~NkajaprachaladrajaH sparshadarshitagautamApriyametamapratimaM naram | tu~Ngasa~Ngarara~Ngasa~Ngamitaplava~Ngamapu~Ngava\- preritadrumadAritakShaNadAcharaM gatimAcharam || 41|| UrmiladhvanikArmukachChalavArmugujjhitamArgaNA\- sAradurbalavIrakarburavAranirbharakautukaiH | gR^idhramodini yuddhasImani siddhachAraNakinnaraiH shlAghito hR^idi moghitainasi rAghavo mama bhAsate || 42|| tApasAmaragopasAhasichApasAyakalA~nChanaH chArugostanajAnakIstanakautukI stanayitnubhAH | krudhyadApatadudyatAyudhavidhyadantakaki~Nkare kashchideva hi nishchito mama pashchime.ahani rakShitA || 43|| diShTyA samprati me manaH spR^ihayate duShTAsharAnIkinI\- kaShTApAdanatuShTikR^itkapichamUshrIkAmine svAmine | dUrAdastasurArtaye dashamukhadhvaMsonmiShatkIrtaye tatkAlasthitalokalochanasudhAvartIbhavavanmUrtaye || 44|| kalamakaNishapu~njapi~njarA~Nga\- plavagakadambakarandhitopakaNTham | udayadaruNachandrabimbachihva\- prabhamupasarpati mAnasaM prabhuM naH || 45|| sharahatadashakadharaM dharitrIduhitR^ipayodharapatralekhadhuryam | kamapi nR^ipakumAramekavIraM bhajati mano mama bhAnuvaMsharatnam || 46|| vikachakamalapatramitranetraM vikaTajaTApaTalIbhR^iduttamA~Ngam | kapikulakalitAbdhisetubandhaM kamapi kabandhabhujAbhidaM bhajAmaH || 47|| AkAshamadhyagatanAkAlayaprakarashokApanodanajaya\- shrIkAmavAnarasamIkAvapAtitamahAkAyarAkShasakulam | rAkAmR^igA~NkamadhurAkAravaktramaganIkAshakArmukadharaM kAkAparAdhasahamAkArayAmi hR^idi lokAdhipaM raghupatim || 48|| vandAruhR^iShyadaravindAsanaprabhR^itivR^indArakavrajashiraH \- sandAnitAbhinavamandAradAmamakarandAbhiShiktacharaNam | taM dAsharathyabhihitaM dAnavArimR^iShivR^idAya mokShapadavI\- sandAyinaM bhajati mandApi ge matiriyaM dAshakIshasulabham || 49|| sutrAmapAvakapavitrAdidevajanavitrAsanakShamabhujA\- mitrAtighoradashavaktrAvakhaNDanajachitrAvadAtayashasi | satrA shareNa dhanurattrAsupa~nchakamamitrAvalerdadhati me kutrApi\- dhAmani pavitrAbhidhe.anuShajati trANalintu hR^idayam || 50|| tIrAchalodaravisArAnunAditaguNArAvabhairavadhanuH dUrApaviddhasharadhArAnipAtahR^itanIrAkarasmayabharam | ArAdhanIyamakhilairAdiyogibhirudArAnukampamadhunA dhIrAdareNa mama vIrAgragaNyamayate rAghavAnvayamaNim || 51|| bhUtAvasAditi raNe tAdR^ishi chyutatanau tADite dashamukhe gItApadAnamupayAtA suraiH saha vinItAshayena vidhinA | sItAvihArasakhamAtAtamAvidhi cha me tAvadanvayabhuvAM netArameva bhajate tApamujjhitumudItAdaraM mana idam || 52|| pashyantaH shabarArbhakAH shukagaNabhrAntyA jighR^ikShanti yAM sAra~NgAshcha navonmiShattR^iNadhiyA saMrundhate charvitum | dUrAdeva palAyate phaNikulaM barhabhramAdbharhiNAM saiShA pashchavaTIjuSho raghupateH shobhA puro bhAti me || 53|| astAmIlanamakShinIlanalinavyUhena dehe.architeH sha~NkA.a.ata~Nkavivarjitena shabarastrINAM mR^igINAmiva | vIrashchetasi vishlathIkR^itakharochChrAyo mahAyoginAM vandyaH pashchavaTIvanAntarakuTIvAsI mamAsIdati || 54|| pANyoH kArmukamAshugaM cha shirasi shyAmaM jaTAmaNDalaM kaTyA chIramudAramaMsaphalake tUNIramAbibhratam | shANollIDhaharinmaNismayaharachChAyaM kR^ipAyantritaM bhUmAnaM kamapi smaranmarakatashyAmAyate me manaH || 55|| adhirohatIva hR^idayaM mamAdhunA yudhi roShapAtitavibhIShaNAgrajaH | smarachArutAmadaharastanushriyA sharachApalA~nChitakarAmbujaH prabhuH || 56|| avasAnahInabhavasAgarAntare patitaH paretapatitastrasannaham | sharaNIkaromi dharaNIkumArikAdayitaM dayAvalayitaM dR^iga~nchale || 57|| kimanena me.anyanamanena labhyate laghunA yadasmi raghunAyakaM bhajan | kurute janaH kimurutejasA.a.arjite kanakA~nchale kvachana kAchamArgaNam || 58|| manurAjavaMshajanurAjava~NgavachChiduro.asadAnanadurAsadAbhidhaH | mahatA shareNa sa hatAshareshvaraH kR^ipayAtimAtramupayAti mAnasam || 59|| ekavAramapi nAkavAsiShu vivekavAnadhikamekako dhAvatA na ghaTate.avatArayitumeva tAdR^ishi kR^ipAM mayi | ehi mAnyaguNa pAhi mAmiti tato.ahimAMshukulashekharaM chetasA.avR^iNi nishAtasAyakavighUtasAgaramadaM prabhum || 60|| bhairavAhavavihAravAnarachamUravAkalitarAkShasa\- trAsanA girisutAsanAthapurashAsanAdR^itanijAbhidhA | ghoradAnavasharIradAraNavishAradAshugadhanurdharA bhAvanA parijanAvanAnuguNasevanA manasi bhAti me || 61|| na kShiNoti khalashikShaNo.atimamadakShiNodadhimavaj~nayA joShamAsthitamasheShamAnyagatireSha mArgaNagaNaH katham | ityamuM mathitumatyamu~nchadiha nityamu~nChitaripUniShUn yastamAlikhati nastamAlaruchimastamAyikamR^igaM manaH || 62|| gIrvANairiva kavibhiH kR^itAbhimukhye nityaM cha kShitisutayA nibaddhasakhye | machchetaH sarati manuprasUtimukhye mainAkasvasR^imahanIyama~NgalAkhye || 63|| kiM brUmahe tata ito.api gaveShaNAyA\- mAlambanaM kvachidapi trijgatyalabdhvA | hanta drutaM patati mAmakamantara~NgaM kAkutsthanAmani gabhIrakR^ipAmburAshau || 64|| kAdambinInibharuchA kamalekShaNena kAtyAyanIkamanakArmukabha~njanena | kenApi kIlitapayonidhinA gR^ihItaM chittaM tathApi mama chintayate na ki~nchit || 65| nakta~ncharendrajayananditaviShTapena nAlIkinIramaNavaMshanavA~NkureNa | nAthena baddhamapinaddhanadIshvareNa nanvadya mAnasamidaM mama nAnaTIti || 66|| dashagrIvodagrasmayadalanakelIchaNasharaH sharIrashrInirvApitaharitadUrvAruchimadaH | sa kashchinnishchintaH pravishati kaThore.api hR^idi me dR^iShadrUkShAraNyabhramaNakR^itashikShAbala iva || 67|| bhrAntvA dikShu vidikShu durlabhasukhopAyaM madIyaM mano diShTyA dhAvati devatAH pariharaddInAnukampojjhitAH | prApte sAptapadInatAM karuNayA dAshena koshena vA nandigrAmakR^itAdhipatyacharaNatrANe purANe nare || 68|| utplutya vrajatAM sphuTabhrukuTikaM hu~NkAramAtanvatAM vAlAgrANi vidhUnvatAM kilikilAkolAhalaM kurvatAm | yodhAnAmaravindakesararuchAM madhye tamadhyeti me chetashchApashilImukhojjvalakarAmbhojaM raghUNAM prabhum || 69|| prAyeNa chetasi mama praNayena vastu\- masmatprabhuH samupasarpati puShpakeNa | chaNDonmiShatkilikilAshchaladIrghapuchChA yachChAdayanti gaganaM gaNashaH plava~NgAH || 70|| ko.ayaM vikarShati mano mama ku~njarendro nAlIkanAlamiva nanvayameva jAne | rakShodhirAjaramaNIhR^idayArpitAgni\- rakShauhiNIshatapatiH kapibhallukAnAm || 71|| bhallUkaprakareNa ja~NgamamaShIpAShANakhaNDatviShA golA~NgUlakadambakena vadane nIlA~nchitashmashruNA | pakvodumbarapATalena cha kapivyUhena nIrandhrayA vAhinyA saha vartate hR^idi sa me stoke.api lokeshvaraH || 72|| svachChandaM kapibhirvihR^itya sutarAmAshliShya divyAnmunI\- ndikpAleShvavatIrya mandamitarAndevAnatItyA~njasA | dInaM dUrata eva sAdhvasavashAttiShThantametIva mAM devasya kShaNadAcharendrajayino dR^iShTirdamAshItalA || 73|| vedAntavibhramavane vihitaprachAraH kAkutsthavaMshamavatIrya kadApi khelan | vAlmIkivA~NnikaravAgurayA gR^ihIto hR^itpa~ncharaM vrajati kashchidayaM shuko me || 74|| dashakaNThakalatrakaNThariktIkR^itidhaureyashare kvachinnarendre | kalahaMsa iva sphuTe.aravinde kalayatyeSha kutUhalaM mamAtmA || 75|| viShayeShu vihAri nirvisha~NkaM hR^idayaM me hR^itavAnalIva kITam | vibhureSha videharAjakanyA\- kuchakumbhachyutaku~NkumAruNA~NgaH || 76|| ayi manmatha kopa lobhamohau mada mAtsarya vR^ithAyamudyamo vaH | sharaNa~Nkurute yato mano me sharakR^ittAsharanAyakaM prabhuM tam || 77|| pashya~NghritApamachirojjhitapa~nchabANa\- vidyApunargaNanadAyipadAravinde | deve manashcharati chandrakalApachApa\- dvaitopadeshavidhideshikabAhudaNDe || 78|| devatAntaramapAsya janmitAdAvatAntajanabhuktidAyinam | jAnakIshamavalambate dayAsthAnakIshanivahaM mano mama || 79|| vAridhismayanirodhisAyake vAsarAdhipativaMshanAyake | bhaktalokabharaNakShamAshaye bhadrakA~Nki hR^idayaM niveshaye || 80|| tiShThansAkamanekavAnarabhaTaistIre.ambudheruttare devashchetasi bhAti me kuTilitabhrUvallidattekShaNaH | AgachChatyapagachChati vyatiShajatyujjR^imbhamANe pata\- tyAvidhyatyabhigarjati pratimuhuH kallolajAle puraH || 81|| utsarpajjalasarpajAlakamupAgachChaddulIkachChapaM valgatkarkaTasha~Nkhasa~NghamudayatkumbhIraDimbhotkaram | uddhUtANDajaShaNDamuchchaninadaprArambhamambhonidhiM lakShIkurvati varvR^itIti mama dhIrakShINasAre prabhau || 82|| ga~NgAdimena taTinIgR^ihiNIshatena sAkaM kR^itA~njalipuTaM sharaNaM vR^iNAnam | vaidUryavarNatanumarNavamanvagR^ihNA\- ddInaikabandhurahimadyutivaMshadIpaH || 83|| drAgunmUlitanItashailashikharaprakShepashIrNadhvana\- tkallolotpatadambushIkarakulaklinnaiH plava~NgavrajaiH | nIrandhrIkR^itatIrasaikatatale nIrAkare kautuka\- nyastAkSho hR^idi bhAti me dhR^itadhanurbANo raghUNAM prabhuH || 84|| kheyAmbhAMsi mukhaiH pibAma charaNairmathnAma sAlaM gR^ihA\- nploShAma jvalanena vibhramavanAnyutpATayAmaujasA | rakShAMsi praharAma pANibhiriti vyAhAribhirvAnarai\- rla~NkAM rodhayati sma rAthavakulAla~NkArabhUtaH prabhuH || 85|| mA chetastvaritaM gamaH parisare devasya yaddUrata\- stau sugrIvavibhIShaNAvapi samaM saumitriNA tiShThataH | hastAgrApihitAnanaM hanumatA karNe giraM jalpatA dvandvaM mantrayate plava~NgamachamUmadhyasthito.ayaM prabhu\-|| 86|| pAmarasArthadurApaM tAmarasArthanapadAkShisaulabhyam | mAnasamuddhatamayate dInasamuddharaNadakShiNaM rAmam || 87|| pAtakarAjiharAkhyaM shItakarAjikShamAnanaM devam | ku~njarayAnamupAse pi~njarayAnaddhakArmukaM maurvyA || 88|| sugrIveNa yavAgrashobhikaNishashreNIpishA~NgashriyA kAlonmIlitakarNikArakalikAgaureNa saumitriNA | sAkaM vAnarasainikeShu nivasansAndrAnubaddhAtasI\- sachChAyaH kutukaM karoti hR^idi me sAketapR^ithvIpatiH || 89|| sannahyadbhaTakoTikauNapapurIsandarshane kautukA\- dArUDhena suvelashailashikharaM shyAmAmbuvAhashriyA | chApaM vAsavachApachAru dadhatA shAkhAmR^igAnIkinI\- sambAdhAntikabhUminA hR^itamiva svAntaM mama svAminA || 90|| ArUDhabhrukuTIviTa~NkaniTilAmAraktanetrAmbujAM gADhonnaddhajaTAbharAM kapichamUkalyANadAnonmukhIm | bANAnutsR^ijatIM raNe nishicharaprANApahArakShamAM lIlAM kAmapi chintayAmi manasA nIlAmbudashyAmalAm || 91|| prasarpadanupaplavaplavagasainikaprekShaNa\- kShaNaprahR^itanairR^itadrutagR^ihItadhUtAyudhe | raNe paTuraNadguNaprahitabANabANAsana\- prasannakarapuShkare raghuvare virUDhaM manaH || 92|| bANachChinnavikIrNarAvaNashiraH shreNIbhurINIkR^ite ghore sa~Ngarachatvare kratubhujAM yaH prItaye tattvare | tasyAtasyasitashriyaH shritajanashreyaskR^ito dhanvinaH smAraM smAramaye kShipema samaye durvArasarvApadaH || 93|| nArAchena samaM nishAcharachamUvArAshikumbhIbhuvA prAvR^iNmeghamuhUrtalA~nChanadhanu.a puNyaM dadhAno dhanuH | la~NkAta~NkanidAnavAnarabhaTavrAtAnapetAntiko vIraH ko.api vikarShatIva hR^idayaM viShvakprachArapriyam || 94|| sAlagrAma ivArkamaNDala iva kShIrAmburAshAviva shrIvaikuNTha ivAgamA~nchala iva prAchetasoktAviva | nirvyAjena kR^ipAbhareNa nitarAM nirdhUya mohAMhasI kA~NkShatyeSha kakutsthavaMshatilakaH kartuM padaM me hR^idi || 95|| nihatavati kabandhaM nIradhau setubandhaM vihitavati vichitraM vIkShakANAM pavitram | jagadupakR^itiniShThe jyAkiNA~NkaprakoShThe mama hR^idayamudAre majjati kvApi vIre || 99|| sharasphuraduSharbudhakvathitajR^imbhadambhovaha\- dbR^ihattaratara~Ngasa~NkulitakUlashailodare | udanvati vitanvati stutimavakrimaprakramaH krameta hR^idi me taraNyabhijanapradIpaH prabhuH || 97|| jagattrayapavitrayA janitachitrachAritrayA mahIbhavakalatrayA mahitabhAnumatputrayA | dayAruchirashIlayA damitatADakAbAlayA kayApi ghananIlayA kavachitaM mano lIlayA || 98|| nirargaladhanurguNaprahitanirgalanmArgaNa\- prapa~nchahatava~nchanAsamarachu~nchunakta~ncharam | chiratnamuniratnanatyuchitayatnamAtmA mama smaratyayamanatyayaM prabhumadityapatyAnvayam || 99|| bibhratpratyavapannasarvabhuvanashvaHshreyasashrIpunaH pratyutthApanavibhramaikarasikau pApayordhanuHsAyakau | sthAnyAdeshapadAdhiropitadashagrIvedamekAntara\- bhrAtR^ivya~njitashaktirastu hR^idi me vIrAgraNI rAghavaH || 100|| samIkabhuvi chaNDayA saraNadhUtavetaNDayA bhujAvijitashuNDayA bhujagabhImakodaNDayA | pratidviShamakuNThayA prathamavAsavaikuNThayA praviddhadashakaNThayA prasR^itamantarutkaNThayA || 101|| prabhUtaguNabhUShaNA prabalarakShasAM bhIShaNA pramoditavibhIShaNA pradarajAbdhisaMshoShaNA | makhAshiShu kR^itAvanA mahadamuktasaMsevanA mahIduhitR^isevanA manasi bhAti me bhAvanA || 102|| dayArasadhurINayA damiShu dattakalyANayA darIsadR^ishatUNayA dalitarAvaNaprANayA | malImasavidUrayA manukuloditAkArayA manaH sukR^itadhArayA mama hR^itaM mahodArayA || 103|| kR^ichChrAdantaHsurapariShadaH prApya mArgaM pravishya brahmarShINAM gaNamatha chalatkIshasambAdhakhinnam | rAjanye me lagati hR^idayaM kApi pR^ithvIkumArI\- pInottu~NgastanamakarikAlekhavidyAdhurINe || 104|| niHshabdastimitaplava~NgamabhaTashreNyantarAlasthalI\- vikrAntA~NgadahUtadarshitavibhuktaikaikadikpAlakAm | AsthAnImavalokitasmitashiraH kampAdisaMvAhanAM santuShyatsakalAmarAM raghupaterantashchiraM chintaye || 105|| iti shrIrAmabhadradIkShitakR^itaM rAmakarNarasAyanaM sampUrNam | ## Proofread by PSA Easwaran psaeaswaran@gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}