% Text title            : Shri Rama Mangalashasanam 2
% File name             : rAmamangalAshAsanam2.itx
% Category              : raama, mangala
% Location              : doc\_raama
% Proofread by          : Aruna Narayanan narayanan.aruna at gmail.com
% Description/comments  : From stotrArNavaH
% Latest update         : September 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rama Mangalashasanam 2 ..}##
\itxtitle{.. shrIrAmama~NgalAshAsanam 2 ..}##\endtitles ## 
shrImanmArtANDavaMshe dasharathanR^ipaterAtmajatvaM prapannaH
     sAkaM sheShArisa~NgairnishicharanivahaM saMhariShyan surArthe |
gurvAdeshena hatvA pathi rajanicharIM prApya siddhAshramaM yaH
     chakre yaj~nasya rakShAM sa dishatu bhagavAn ma~NgalaM rAmachandraH || 1||
rAjyaM gachChan munInAmatha pathi vigalachChApashalyAmahalyAM
     kR^itvA bha~NktvA bhavAnIramaNabhujasarojAlayaM chApadaNDam |
pANau kR^itvAvaneyIM bhR^igusutavijayI bhrAtR^ibhiH prAptadAraiH
     yo.avAtsIdAtmapuryAM sa dishatu bhagavAn ma~NgalaM rAmachandraH || 2||
mAturvAchA sumitrAtanayajanakajAmAtramitrapraviShTaH
     kAntAraM shAntachetAH kalashabhavamunerAshramaM prApya bhUyaH |
prItyai tasya pratij~nAM nishicharakulanirmUlanAyAttaroShaH
     chakre yo vishvavIraH sa dishatu bhagavAn ma~NgalaM rAmachandraH || 3||
yasyA bhrAtA dashAsyo nishicharataruNIM kAmukIM kArayitvA
     bhrAtrA tAM kR^ittanAsAM jhaTiti kharamukhaM rAkShasaughaM cha hatvA |
mAyAshaktyaiva rakShomuShitajanakajaH klR^iptasugrIvasakhyaH
     yo jaghne vAnarendraM sa dishatu bhagavAn ma~NgalaM rAmachandraH || 4||
naShTAM kAntAM vichetuM dishi dishi chalite vAnarANAM nikAye
     shrutvA kAntApravR^ittiM pavanasutagirA prAptapAthodhitIraH |
AgneyAstrAnubhAvakShapitamadabharaM dInadInaM nadInaM
     tene yo mAnashAlI sa dishatu bhagavAn ma~NgalaM rAmachandraH || 5||
madhyepAthodhi baddhAM jhaTiti girishataiH setumADhaikya la~NkAM
     hatvA sabhrAtR^imitraM raNashirasi ruShA rAvaNaM dArachoram |
kAntAM svIkR^itya shuddhAM jvalanapatanataH prApya ramyAmayodhyAM
     yo.avAtsIdAttamodaH sa dishatu bhagavAn ma~NgalaM rAmachandraH || 6||
yo nityaM rAmachandrastutimiti japati dhvastasarvArisa~Ngho
     bhuktvA bhogAnabhIShTAnabhinavayashasA pUrayitvA trilokIm |
ante sa~nchintya kAntAdhanatanayagR^ihAdyeShu rUDhaM mamatvaM
     sAkShAdAlIyate.asau bhagavati bhavasindhuplave chakrapANau || 7||
shrIrAghavaM dasharathAtmajamaprameyaM
     sItApatiM raghukulAnvayaratnadIpam |
AjAnubAhumaravindadalAyatAkShaM
     rAmaM nishAcharavinAshakaraM namAmi || 8||

iti shrIrAmama~NgalAshAsanaM sampUrNam |
##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}