पक्षीकृतं श्रीरामनवकस्तोत्रम्
मङ्गलम्-
रामचन्द्रं जगत्पूज्यं रघुवंशविभूषणम् ।
लोकानन्दप्रदातारं तमीशं प्रणमाम्यहम् ॥
जयतुराघवो जानकीयुतो जयऽखिलेश्वर राजकेश्वरः ।
दशरथात्मजो लक्ष्मणाग्रजो जयतु नापतिं ताटिकान्तकः ॥ १॥
जयतु कौशिकस्याध्वरङ्गतो जयतु राक्षसां मारकोमहान् ।
जयतु गौतमऽहल्यया स्तुतो जयतु जानकीतात मानितः ॥ २॥
जयतु नः पतिश्चापखण्डनो जनकजावरोन्मुक्त मालया ।
नृपसभाङ्गणे कौशिकानुगः परम शोभितश्चातिहर्षित ॥ ३॥
जयतु भूमिजाङ्घ्र्योस्तदा मुदा निज करोत्पलेस्थाप्यराघवः ।
कमल हस्तके नाकरोन्नति स रघुनन्दनो पातु नः सुखम् ॥ ४॥
जयतु भूमिजालिङ्गितो महान् जनमनोहर चातिशोभनः ।
परशुरामदं धृत्य वै धनुर्निजपितुर्तदाऽदर्शयन् बलम् ॥ ५॥
जयतु कैकयी प्रेरितोवनं जयतु सीतया भोग कृच्चिरम् ।
जयतु पर्वतेवास कृच्चिरं जयतु योत्रिणा पूजितो वने ॥ ६॥
जयतु ते विराघस्य घातकृत् जयतु दूषणादि प्रमर्दनः ।
जयतु यो मृगं मोचयन् भवात्जयतु यः कबन्धक्षणाज्जहौ ॥ ७॥
जयतु वालिहा सेतुकारको जयतुरावणादिक मर्दकः ।
जयतु स्वं पदं प्रापसीतया जयतु मङ्गलं स्नान कृन्मुदा ॥ ८॥
जयतु वाक्यतो भूसुरस्य यः सकल भूतल पर्यटन् चिरम् ।
जयतु याग कुल्लोक शिक्षया जयतु जानकी-रञ्जयन् स्थितः ॥ ९॥
रघुवरस्य यत्पक्षिभिकृतं नवकमुत्तमं यः पठिष्यति ।
तपन निर्गमे भक्ति तत्परो निजमनार्थितं सङ्गमिष्यति ॥ १०॥
इति आनन्दरामायणान्तर्गतं रामनवकं सम्पूर्णम् ।
Encoded and proofread by Vishwesh GM