Shrirama Raghava Stotram

श्रीरामराघवस्तोत्रम्

(विबुधप्रियावृत्तम्) आदिकाव्यसुगानसौरसलोलसौख्यपरात्पर रावणार्दितदेवबन्धविमोचनाय नृदेहभृत् । राम राघव राम राघव राम राघव पाहि मां राम राघव राम राघव राम राघव शाधि माम् ॥ १॥ भानुवंशविभूषणोत्तमलोकपाल जगद्गुरो लक्ष्मणाग्रज सत्यनिष्ठसुकोसलेन्द्र जगत्पते । राम राघव राम राघव राम राघव पाहि मां राम राघव राम राघव राम राघव शाधि माम् ॥ २॥ ताटकान्तक यज्ञरक्षक कृपाकर बाहुघातक देवसंस्तुत तापसोत्तमतोषक । राम राघव राम राघव राम राघव पाहि मां राम राघव राम राघव राम राघव शाधि माम् ॥ ३॥ मारकोटिसुवर्णसुन्दरकोटिशः शशिभासुर पुण्यपावन पादपांसुसमुद्धृतर्षिसतीस्तुत । राम राघव राम राघव राम राघव पाहि मां राम राघव राम राघव राम राघव शाधि माम् ॥ ४॥ चापभञ्जन गर्वशून्यविदेहवन्दित सद्गुरो आदिशक्तिविदेहजाकरसेविताखिलमङ्गल । राम राघव राम राघव राम राघव पाहि मां राम राघव राम राघव राम राघव शाधि माम् ॥ ५॥ भक्तगर्वविनाशकृत्करुणानिदानशिवङ्कर जामदग्न्यकलापकर्षक विश्ववन्द्य जगत्पते । राम राघव राम राघव राम राघव पाहि मां राम राघव राम राघव राम राघव शाधि माम् ॥ ६॥ तातभाषितपालनोन्मुखत्यक्तराज्यवनेचर गूहकार्चित गाङ्गपारित कैकयीसुतसंस्तुत । राम राघव राम राघव राम राघव पाहि मां राम राघव राम राघव राम राघव शाधि माम् ॥ ७॥ दूषणादिखरादिनाशक हेमराक्षसमारक पक्षिमोक्षद भक्तिदत्तकिरातिनीफलसेवित । राम राघव राम राघव राम राघव पाहि मां राम राघव राम राघव राम राघव शाधि माम् ॥ ८॥ वज्रदेहकपीन्द्रवन्दित वालिबन्धुहितङ्कर वायुनन्दनभाषितस्वसुदारशोधनसुश्रुत । राम राघव राम राघव राम राघव पाहि मां राम राघव राम राघव राम राघव शाधि माम् ॥ ९॥ तापसोत्तमवन्द्य शङ्करगेय वानरयूथप दुष्टराक्षससैन्यनाशक धर्मपाल सुखोदय । राम राघव राम राघव राम राघव पाहि मां राम राघव राम राघव राम राघव शाधि माम् ॥ १०॥ लोककण्टकरावणादिकदुष्टवंशनिबर्हण स्वाङ्घ्रिसेविविभीषणाय तु राज्यदानसुखङ्कर । राम राघव राम राघव राम राघव पाहि मां राम राघव राम राघव राम राघव शाधि माम् ॥ ११॥ भक्तपालन भक्तवत्सल सत्यसन्ध दयाम्बुधे भक्तदैन्यकुठारदुःखविदार सर्वशुभङ्कर । राम राघव राम राघव राम राघव पाहि मां राम राघव राम राघव राम राघव शाधि माम् ॥ १२॥ जानकीनिजशक्तिमण्डितधर्मराज्यधुरन्धर ब्रह्मरूप सदैव चिद्घन नित्यसत्य सुखाकर । राम राघव राम राघव राम राघव पाहि मां राम राघव राम राघव राम राघव शाधि माम् ॥ १३॥ इति श्रीश्रीधरस्वामीविरचितं श्रीरामराघवस्तोत्रं सम्पूर्णम् । स्थल गिरिनार राममन्दिर रामनवमी संवत्सरः ः १९४६ श्रीधर - सन्देश