% Text title            : Shri Rama Sambodhana Stotram
% File name             : rAmasambodhanastotram.itx
% Category              : raama
% Location              : doc\_raama
% Proofread by          : Aruna Narayanan narayanan.aruna at gmail.com
% Description/comments  : From stotrArNavaH
% Latest update         : September 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rama Sambodhana Stotram ..}##
\itxtitle{.. shrIrAmasambodhanastotram ..}##\endtitles ## 
matsya kUrma kiTe martyasiMha vAmana bhArgava |
rAma pralambahan kR^iShNa kalkin(kalke)pAhi dashAkR^ite || 1||
  || bAlakANDaH ||
rAma dAsharathe rakSha kausalyAtanayAgraja |
bharatasya cha saumitryoH krIDApara manohara || 2||
adhItavedavedA~Ngadhanurveda mahAmate |
kaushikArthita tallabdhabalAtibala pAhi mAm || 3||
tATakAtATakeyAre gAdhijAdhvararakShaka |
pAdareNukaNatrAtAhalya kalyo vane mama || 4||
mAheshvaradhanurbha~NgaprItavaidehatatsuta |
gR^ihItapANe sItAyAH svatAtasya niyogataH || 5||
jAmadagnyaniruddhAdhvan dhanuShA tattapohara |
praviShTAyodhya bhu~njAna mAnuShAn bhogasa~nchayAn || 6||
bahUnR^itUn bhuvijayA sArdhaM taM mAnasArpitaM (sanmAnasArchitaM) |
shriyA viShNurivAjasraM tayA shobhita pAhi mAm || 7||
  || ayodhyAkANDaH ||
rAjyadAnasamudyuktajanakAsa~NkhyasadguNa |
mantharAhitaroSheNa kaikeyyA vighnitotsava || 8||
santyaktarAjya tatprItyai vanavAsamahodaya |
sasItAlakShmaNAraNyaM prayAtoddishya tApasa || 9||
anuyAta janenApi dUraM sAketavAsinA |
pitR^ibhyAM tamasAtIraM prApta va~nchitatajjana || 10||
shR^i~Ngiberapure labdhaniShAdakShitibhR^itsakha |
tIrNaga~NgAsarit bhUyassannivartitasArathe || 11||
(bharadvAjasya) vachasA chitrakUTamupAgata |
sItayA prAptavihR^ite ramyeShvetasya sAnuShu || 12||
piturmaraNataH pashchAnmAtulasya kulAt purIm |
ayodhyAmAgatenAtmaja(nakAdarshano)dbhavAt || 13||
kopAt santaptamanasA rAjyaprAptau virAgiNA |
vasiShThAdyanushiShTena ninditAptapurodhasA || 14||
bhrAtrA shiShyeNa dAsena bharatena (muhurmuhuH) |
shirasA yAchitAsmai tu dattashrIpAdukAdvaya || 15||
tasminnivR^itte santyajya chitrakUTagiriM gata |
atryAshramaM tatpriyayAnasUyAbhikhyayA tataH || 16||
divyAmbarA~NgarAgAdivastunA jAnakIguNaiH |
prItayA mAnitAtmIyadArAninditatatpada || 17||
  || araNyakANDaH ||
praviShTadaNDakAraNya tadvAsimunisattamaiH |
AshAsAnai(daityavadhaM) svarakShArthamupasthita || 18||
pratishrutAvanaiteShAM bhavadviShayavAsinAm |
virAdhamAthinnAtmIyapAdachArA~nchitAshrama || 19||
sharabha~NgAdiyaminAM vachasA(prItamAnasa) |
prAptapa~nchavaTIsthAna ramye godAvarItaTe || 20||
vR^iShasyantyA shUrpaNakhyA patitvenArthitArtayA |
saumitriNA ChinnanAsAkarNa tasyAH svabAhunA || 21||
tatkShaNena tadArtyutthakharAdiripubha~njana |
chaturdashasahasratriyAmAcharaniShUdana || 22||
tachChrutvA saruShA pa~Nktivadanena tanUjataH (? ) |
sundasya svasahAyena mAyAmR^igavapurbhR^itA || 23||
vilobhitAtmadArAtha tayA prerita tadgR^ihe |
mArIchAnugataitasya prANahArinnanudruta || 24||
jAnakIvAkyataptena lakShmaNena dashAsyataH |
vijanAdAshramapadAt gR^ihItapriya chorataH || 25||
madhyemArgaM khagendreNa virathena kR^itAjinA |
tatprANahAriNAshokavanikAsthApitapriya || 26||
nivR^ittAraNyatassItA.adarshanAttaptamAnasa |
araNyeShu mahIdhreShu saritsu sarasIShu cha || 27||
mahilAvichitonmattadashApanna smarArtiman |
kR^itasaMskAragR^idhresha brahmamedhavidhAnataH || 28||
tanmokShadAyin satyena jitalokapradAnataH |
shushrUShayA cha dhanuShA jitadInAryashatruka || 29||
hatayojanabAhvAkhyodaratUrakabandhaka (? ) |
(tataH prasthAya) shabarIM prApta sampUjitaitayA || 30||
  || kiShkindhAkANDaH ||
pampAtIre hanumatA sa~NgatAthAgrajanmanA |
vAlinA sUnunA bhAnornirastena samantriNA || 31||
R^ishyamUkAdrishikhare kR^itasakhyAgnisAkShikam |
sAlabha~njanasa~njAtapratyayena taduktitaH || 32||
hatavAlin punastasmai dattavAnararAjata |
sahatArArumaM varShAkAle mAlyavadAhvaye || 33||
girau sItAvirahajaM prApta duHkhamagocharam |
vAchAM, kanIyasAshvasta kupite mattachetasi || 34||
grAmyabhogarate bhAnutanaye svAnuje purIm |
kiShkindhAM yAti taddvAre vihitajyArave sati || 35||
bhItena hanumadvAkyAt sumitrAtmajasAntvane |
tArAM preShayatA tena kapIn sa~NgR^ihNatAkhilAn || 36||
araNyaparvatanadIvAsAnatibalotkaTAn |
dikShu preShayatA sarvAsvasheShAn vadatAdbhutAn || 37||
tebhyo deshAn samanviShTavaidehatanayAtmaje |
vAyorarpitakAryatvAddattA~NgulivibhUShaNa || 38||
tArA~NgadAdiyuktena tatra tatra vichinvatA |
sItAM kAlAtyayAttIkShNadaNDatvAdvAnaraprabhoH || 39||
bhItenAshvastamanasA sampAtervachasA punaH |
svabhrAtR^ivadhaduHkhasya tasmai dattajalA~njaleH || 40||
ashokavanikAvAsasItAdarshisvachakShuShaH |
rAmasAhAyyakaraNasamutthitagarutmataH || 41||
 || sundarakANDaH ||
mahendrashailArUDhena tUrNaM tIrNapayodhinA |
anAshvastena tanmadhye siMhikAdyanirodhinA || 42||
praviShTena purIM la~NkAM rAtrau taddevatA jitA |
shIdhupAnamadAviShTanidrANasya vadhUstataH || 43||
dashAsyasyAlokayatA nirAshenApi darshane |
vaidehyAH shiMshapAmUle vasantyAstattaroH punaH || 44||
dalAvR^itena kathitAsheSharAghavavR^ittataH |
pratyayArthaM sasha~NkAyaH sItAyA bhUruhAttataH || 45||
avatIrNena dattasvakarabhUSheNa sItayA |
Alokitena shastena kR^itasambhAShaNena cha || 46||
uktakAkAdivR^ittena dattachUDAvibhUShataH |
uktasvadainyavAkyena svamuddishya tu jIvanam || 47||
anuj~nAtena rachitAshokakAnanabha~NgataH |
prAsAdabhedinA ramyatoraNaM samupeyuShA || 48||
dAso.ahaM kosalendrasyetyAdi shrAvayatA vachaH |
ki~NkarAn pa~ncha seneshAn sapta mantrisutAnapi || 49||
jambumAlinamakShaM cha yuddhe hatavatA balAt |
valArijidvisR^iShTena brAhmaNAstreNa bandhanAt || 50||
rajjvantarANAM saMsargAdvimuktenA~njasA punaH |
tajj~nAtvApi kR^itAM pIDAM sahamAnena rAkShasaiH || 51||
praviShTena dashagrIvasabhAM yAtubhirAvR^itAm |
kathitasvakapIshAnasakhyamukhyapravR^ittinA || 52||
kupitenAriNA hiMsAM kartumudyu~njatA punaH |
vibhIShaNavachobha~NgIvinivartitachetasA || 53||
dahatAsya priyaM vAlamityAdiShTavatA bhaTAn |
dagdhavAlena vAlAgnidagdhAripuraveshmanA || 54||
vaidehIkaruNAvAkyashItalA~NgUlavahninA |
prasthitena punaH shailaM trikUTamadhitiShThatA || 55||
tIrNavAridhinA sarvairnanditenA~NgadAdibhiH |
tebhyaH proktasvavR^ittena pAne.anumatidAyinA || 56||
madhuno vAritavatA tadvanAvanavAnarAn |
dadhivaktramukhAnAtmasannidhAnamupeyuShA || 57||
vij~nApitAtmamahilAdR^iShTivAkya hanUmatA |
prashaMsita pariShvaktamArutAtmaja te namaH || 58||
  || yuddhakANDaH ||
shrutvA hanumato vAkyaM harivIrairvR^itAdhvani |
sugrIvapramukhaistIraM prApta sindhumahIpateH || 59||
tatrAgatAya santyajya pUrvajaM kAlachoditam |
(satya)vAkyamashR^iNvantaM maithilIdAnagocharam || 60||
svanindanaparityaktaputradArAya dhImate |
AtmAnaM sarvalokAnAM sharaNyaM bhajate gatim || 61||
sugrIvAdIn puraskR^itya svAki~nchanyapurassaram |
vibhIShaNAya sarvebhyo bhUtebhyo.abhayadAyaka || 62||
imamAsha~NkamAnAnAM sugrIvAdivanaukasAm |
parihArakara svIyasAmarthyasya pradarshanAt || 63||
bhUyastadanumatyA tama~NgIkR^ityAbhiShechanam |
kR^itavAMstasya tadvAkyAt samudraM sharaNAgata || 64||
darbhAnAstIrya tattIre prA~NmukhA~njalibandhana |
upAdhAya bhuja svIyaM shayAna prativAridhim || 65||
tasminnadattavadane santyaktakShama kopana |
chApasaMhitahairaNyagarbhAstrAsmin samAgate || 66||
niShkopottarapAthodhitIrasthAsuramardana |
tena tadvAkyato baddhanalaseto tadambhasi || 67||
tIrNavArinidhe shAkhAmR^igasa~NgaiH sahAchirAt |
tasya dakShiNatIre tu prAptala~NkApurAntika || 68||
adhvayAnaparishrAnta trAtavAnarasainyaka |
suvelashailashR^i~Ngastha sugrIvapramukhaiH saha || 69||
dR^iShTatrikUTamUrdhasthala~NkApura samantataH |
tadIshamakuTIbha~NgakR^itA vAnarabhUbhR^itA || 70||
punaH sa~Ngata tatstotrapara tatsAhasAkShama |
niruddhala~NkAnagara kAnanAlayapu~NgavaiH || 71||
shakrajitpreritairnAgapAshairbaddhA~Nga pakShiNAm |
nAthena muktagAtrAsmAdbandhanAdapi karkashAt || 72||
hatadhUmrAkSha putreNa maruto vAlisUnunA |
vajradaMShTrAsuhananakara mArutasUnunA || 73||
hatAkampana nIlena hata(kapi) sena mahIbhR^itA |
hatarAvaNasainyeshaprahastAhvayarAkShasa || 74||
prathamAyodhane pa~NktimukhapreritashaktitaH |
viddhalakShmaNa tenAnuddhR^itAvaraja shatruNA || 75||
vAyusUnostu sauhArdAdbhaktyA paramayApi cha |
uddhR^itau ... ... kaniShThAshritavatsala (? ) || 76||
samitAvadhirUDhAMsasadAgatisutottama |
parAjitasvabANArtimuktachApadashAnana || 77||
gatvA vishramyatAM la~NkAmityanuj~nApradeshituH |
rakShasAM svAshugasmR^ityA vyathitArAtimAnasa || 78||
tadbhayenAtinidrasyotthApitasyAtiyatnataH |
girimAtrasharIrasya kumbhakarNasya yudhyataH || 79||
kapirAjanakhAllUnakarNanAsasya nardataH |
vadhakArin vAlisUnuhastAhatanarAntaka || 80||
hanumatsaMhR^itasvarganilayAntaka tena cha |
hatatrishIrShAtikAyaprANAsaMhArilakShmaNa || 81||
rAvaNIritavidhyastravivashA~NgAnujAdibhiH |
sArdhaM vAyusutAnItadivyauShadhavisheShataH || 82||
vimuktapIDa sugrIvahatakumbha hanUmatA |
nikumbhaprANaharaNa makarAkShahara svayam || 83||
nikumbhilAyAM shakrArikR^itahomavighAtataH |
vibhIShaNavachojAtAt kupitenendravairiNA || 84||
sArdhaM kR^itAjinA nAnAdivyAstraj~nena dhImatA |
dharmAtmetyAdipadyena pratij~nAM kurvatA tataH || 85||
saumitriNA svAnujena hataprANendrashAtrava |
miShatsu vAnarendreShu nAnAmUrtidhara svayam || 86||
hatamUlabalADhyena shauryavIryAdisampadA |
nAnAstraviduShA devasa~NghagarvApakarShiNA || 87||
kR^itAje pa~NktivaktreNa syandanaM jambhabhedinaH |
Aruhya sUtenAnItaM divyaM mAtalinAstrataH || 88||
anekadhA vilUnAridashashIrSha svayambhuvaH |
astreNa saMhR^itArAte pUrvajasyottarakriyAm || 89||
kR^itachittasamAdhAna na chikIrShorjugupsayA |
vibhIShaNasya tenaiva vihitArAtisaMskR^ite || 90||
pralApavAkyaistatstrINAM nijapAramya(sUchakaiH) |
j~nApitotkarSha sItAyAM shrutvA vijayamAhave || 91||
nijaM hanUmadvAkyena santuShTau rAkShasIgaNam |
aparAdhinamapyasmAdrakShantyAM dayayA tataH || 92||
vibhUShitAyAM bhUShAbhiH snAtAyAM nijamantikam |
vibhIShaNenAnItAyAmashokagahanAdareH || 93||
nijachAritrasandehAt pravishantyAM hutAshanam |
samAgatairbrahmamukhyairdaivatairvihitastute || 94||
tAtaM nijaM puraskR^itya dattasIta kR^ishAnunA |
shakrAdivaralAbhena samutthApitavAnara || 95||
kR^itAbhiSheka la~NkAyAM rAvaNAvarajasya tu |
yakShanAthavimAnena puShpakeNAshugAminA || 96||
pratiprayAta vaidehyai proktasvacharitAdhvani |
sugrIvapramukhaiHssArdhaM sahadAraiH plava~NgamaiH || 97||
bharadvAjAshramaM prApta varShe pUrNa chaturdashe |
ArtAya bharatAyAtha preritAnilasambhava || 18||
abhiyAtAmunA sArdhaM vasiShTAdyaiH samantribhiH |
nandigrAmagata tyaktajaTa snAta vibhUShaNaiH || 99||
bhUShitA~NgAbhyanuj~nAtayAna yakShamahIbhR^ite |
syandanArUDha sa.nprAptasAketanagara janaiH || 100||
paurairasmAdgata prApta nijatAtagR^ihottamam |
vasiShThAdyaiH sasachivairabhiShikta pituH pade || 101||
vibhIShaNAya dattasvakulanAthAtmabhaktaye |
visR^iShTa bhAnutanayamukhavAnarasa~nchaya || 102||
  || uttarakANDaH ||
vatsarAn dashasAhastrAn dashavarShashatAnvitAn |
nItishAstraprakAreNa pAlitAvanimaNDala || 103||
kR^itAshvamedha rachitavAjapeya punaH punaH |
tathA bahusuvarNAdikratvanuShThAnatatpara || 104||
sAmantarAjamakuTIkhachitairmaNimaNDalaiH |
nIrAjitapadAmbhojadvandva bhUjanara~njana || 105||
hR^iShTairdashAsyanidhanAdabhinandita yogibhiH |
kumbhodbhavamukhaiH proktarAvaNAdikathAgaNaiH || 106||
antarvatnyAM tu sItAyAM vanavAsaratau punaH |
tadvyAjAjjanavArtArtacheto vAlmIkisadmani || 107||
lakShmaNasthApitAtmIyadAra tasyAmathAshrame |
muneryamau prasUtAyAM nAmnA kushalavau sutau || 108||
tayorvR^iddhimatostena munIndreNopanItayoH |
adhItasA~NgasashirovedayormuninA kR^itam || 109||
tena rAmAyaNaM vAcho vidheyaM kurvatoH satoH |
kriyamANe vAjimedhe jAnAnAM puravAsinAm || 110||
tathA jAnapadAnAM cha rAj~nAM saMsadi yoginAm |
tAbhyAM vij~nApitasvIyaprabandha bhrAtR^ibhiH saha || 111||
shravaNAdasya santuShTamAnasAmbuja ? ? |
charebhyo.apyacharebhyo.api dUrvAdibhyastvahetukam || 112||
sAketadeshavAsibhyo dattamokSha dayAnidhe |
vijayIbhava nityaM tvamayodhyAdhipanandana || 113||
ma~NgalaM rAghavAyAstu ma~NgalaM lakShmaNAya cha |
ma~NgalaM bharatAyAstu shatrughnAyApi ma~Ngalam || 114||
sItAyai ma~NgalaM bhUyAttanayAya sadAgateH |
tatsevanaparAyAstu tadbhaktisneharAshaye || 115||
purAya bhUyAt sAketanAmne divyardhimIyuShe |
astUttarAya deshAya kosalAyApi ma~Ngalam || 116||
sambodhanamidaM stotraM sUnunA vAdibhIkR^itaH |
ve~NkaTeshena rAmasya rachitaM jayatAt sadA || 117||

iti shrIrAmasambodhanastotraM sampUrNam |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}