% Text title            : Shri Rama Saptarshi Stotram
% File name             : rAmasaptarShistotram.itx
% Category              : raama
% Location              : doc\_raama
% Proofread by          : Aruna Narayanan narayanan.aruna at gmail.com
% Description/comments  : From stotrArNavaH
% Latest update         : September 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rama Saptarshi Stotram ..}##
\itxtitle{.. shrIrAmasaptarShistotram ..}##\endtitles ## 
kAshyapaH \-\-
nityaM kiM dhAvasi chalaviShayAnanubhavituM sukhaleshAbhAsAnurutaraduHkhAnati\- duHsahAnatyantAyAsAnaMhomUlAnugrabhaya~NkararauravAdinArakagatihetUnetAnapi parihara sItApatimAshu parichareshaM bho chetaH shrIrAmaM bhaja sharaNam ||
shritachintAmaNimatikaruNAkaramariharamurutarasharakodaNDaM bho chetaH shrIrAmaM bhaja sharaNam || 1||
atriH \-\-
bahuvidhapApavashAdiha nAnAyoniShu janmamR^itiryo dehI daivAduttamamAnuShapUruSha vipradehavidyAsampanno.api brahmaNi parame vimukho duHkhI durviShayaiShI nashyati tR^iNakabalasvIkaraNe kAle pashuriva romanthaM kurvan bho chetaH shrIrAmaM bhaja sharaNam |
shritachintAmaNimatikaruNAkaramariharamurutarasharakodaNDaM bho chetaH shrIrAmaM bhaja sharaNam || 2||
bharadvAjaH\-\-
uparyupari manorathajAlaM vidvAnapi kAmayate yatate putramitrakalatrAdiShu nirvedaM naiti kAmakAmI vidyAsampatkuladhanasaubhagayauvanagarvaparvatAdhirUDho mUDhaH pashchAdandhe tamasi patedavasho.anyo.andhumiva bho chetaH shrIrAmaM bhaja sharaNaM bhaja raghurAmaM sharaNam ||
shritachintAmaNimatikaruNAkaramariharamurutarasharakodaNDaM bho chetaH shrIrAmaM bhaja sharaNam || 3||
vishvAmitraH  \-\-
ariShaDvargaM jahi tR^iShNAmapi mAyAvilasitamidamiti bud.hdhvA durjanasa~NgatimatidUrIkuru sajjanamAshraya bho paradhanaparadArAbhiratiM tyaja pAralaukikaM dharmaM parichinu padmApatipadapadmaM seva(ya)(sva) bandhavimuktyai bho chetaH shrIrAmaM bhaja sharaNam ||
shritachintAmaNimatikaruNAkaramariharamurutarasharakodaNDaM bho chetaH shrIrAmaM bhaja sharaNam || 4||
gautamaH \-\-
"karNAkarNaya vaidehIvaravarNanIyaguNavanditacharitaM nayanAlokaya nayananalinamukhasundarendubimbaM mastaka saMstutamahimAnaM nama kastUrInikarAkAraM hastayugArchaya haripadamamalaM hyavanIpAlaminakularatnaM bho chetaH shrIrAmaM bhaja sharaNaM bhaja raghurAmaM sharaNam ||
shritachintAmaNimatikaruNAkaramariharamurutarasharakodaNDaM bho chetaH shrIrAmaM bhaja sharaNam || 5||
jamadagniH \-\-
parApavAdaM parihara jihve pAruShyaM chAnR^itamapi mA vada sa~NkIrtaya keshava nArAyaNa dAmodara kR^iShNa narahare vaikuNThAdhipa lakShmIvallabha budhajanamAnasamandira sItAnAyaka dasharathanandana iti satataM bho chetaH shrIrAmaM bhaja sharaNam ||
shritachintAmaNimatikaruNAkaramariharamurutarasharakodaNDaM bho chetaH shrIrAmaM bhaja sharaNam || 6||
vasiShTaH \-\-
nityAnandaM satyamanantaM brahma parAtparamavyayamamalaM nityaM shuddhaM buddhaM shAshvatamaprameyamanAdyantaM sarvAsAmupaniShadAmartho.ayaM shrIrAmaH sItApatiriti chaturAnanashivahaimavatIjapasarvasvaM mantraM bho chetaH shrIrAmaM bhaja sharaNaM bhaja raghurAmaM sharaNam ||
shritachintAmaNimatikaruNAkaramariharamurutarasharakodaNDaM bho chetaH shrIrAmaM bhaja sharaNam || 7||
evaM stutvA rAmachandraM munIndrAH
pratyekaM te bhaktinamrAstadAnIm |
ApannArtidhvAntabhAnuM prapannA\-
stUShNImAsan rAmapAdaikaniShThAH || 8||

iti shrIrAmasaptarShistotraM sampUrNam |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}