% Text title            : Shri Ramashatakam 1
% File name             : rAmashatakam.itx
% Category              : raama, shataka
% Location              : doc\_raama
% Proofread by          : Aruna Narayanan narayanan.aruna at gmail.com
% Description/comments  : From stotrArNavaH 04-14
% Latest update         : September 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramashatakam ..}##
\itxtitle{.. shrIrAmashatakam ..}##\endtitles ##
ApAdakeshamatisundaradivyagAtraM
     shrIpAdareNuhR^itagautamadArashApam |
kopAtiraktanayanakShubhitAmburAshiM
     bhUpAlasUnumavalokaya rAmachandram || 1||
kodaNDakoTiviniveshitabAhudaNDa\-
     mAkhaNDalAdyamarapAtitapuShpavarSham |
AyodhanakShitirajaHparidhUsarA~Nga\-
     mavyAchchiraM raghupateravasannashatroH || 2||
chandropamaM malayachandanarUShitA~NgaM
     mandArapuShpaparipUjitapAdapadmam |
brahmendradevamuniyogigaNAvR^itaM taM
     vande.aravindanayanaM raghurAmachandram || 3||
sampUrNachandravadanaM sarasIruhAkShaM
     mANikyakuNDaladharaM makuTAbhirAmam |
chAmpeyagauravasanaM sharachApahastaM
     shrIrAmachandramanishaM kalayAmi chitte || 4||
sItApatiM kamalapatravishAlanetraM
     rAmaM kR^ipAkaramanantaguNAnuraktam |
indrAdisarvasurasiddhasupUjitA~NghriM
     nityaM bhaje.ahamasunAyakamaprameyam || 5||
ekena bANamitareNa kareNa chApaM
     hAraM vahantamurasA shirasA jaTAshcha |
sItAsahAyamanujena vane charantaM
     shrIrAmachandramanishaM kalayAmi chitte || 6||
saMsArasAgarasamuddharaNaikamantraM
     brahmAdidevamunisevitasiddhamantram |
dAridryaduHkhabhavarogavinAshamantraM
     seve sadA guNanidhiM raghurAmachandram || 7||
sItAsametamajinAmbaramaprameyaM
     saumitriNA niyatasevitapAdayugmam |
nIlotpaladyutimanantaguNaM prashAntaM
     shrIrAmachandramanishaM kalayAmi chitte || 8||
shrIrAghavaM dasharathAtmajamaprameyaM
     sItApatiM raghukulAnvayaratnadIpam |
AjAnubAhumaravindadalAyatAkShaM
     rAmaM nishAcharavinAshakaraM namAmi || 9||
shrIrAghavaM dashamukhAntakamambujAkShaM
     sItAmanoramaNamambudanIladeham |
kAkutsthavaMshapayasAnnidhipUrNachandraM
     shrIrAmachandramanishaM shirasA namAmi || 10||
rAkAshashA~NkavadanaM raghuvaMshadIpaM
     rAjAdhirAjatanayaM ramaNIyamUrtim |
rAtri~ncharAntakamanantaguNaM manoj~naM
     shrIrAmachandramanishaM sharaNaM bhaje.aham || 11||
kandarpakoTisadR^ishaM karuNAmburAshiM
     kAkutsthavaMshakanakAchalaratnadIpam |
ka~njAtapatranayanaM karachApabANaM
     kalyANarAmamanishaM sharaNaM bhaje.aham || 12||
vishvAdhipaM vibudhapUjitapAdapadmaM
     viprapriyaM vimalapa~Nkajapatranetram |
vidyAtmakaM vijitarAkShasavIrakoTiM
     shrIvIrarAmamanishaM sharaNaM bhaje.aham || 13||
padmAsanAdipuruhUtasurArchitaM taM
     pApAndhakArataraNiM pavanAtmajesham |
pa~NkeruhAkShamakhilashrutimaulisAraM
     paTTAbhirAmamanishaM sharaNaM bhaje.aham || 14||
shrIvatsahAramakuTA~NgadabhUShitA~NgaM
     shrIbhAratIvidhR^itachAmaravIjyamAnam |
shrInAyakaM shivaviri~nchinutA~NghripIThaM
     shrIrAmachandramanishaM sharaNaM bhaje.aham || 15||
yatpAdapa~NkajarajaH shrutibhirvimR^idyaM (gyaM)
     yannAbhipa~NkajabhavaH kamalAsanashcha |
yannAmasArarasiko bhagavAn purAriH
     shrIrAmachandramanishaM kalayAmi chitte || 16||
hA rAma hA ramaNa hA jagadekavIra\-
     hA nAtha hA raghupate karuNAlavAla |
hA jAnakIramaNa hA jagadekabandho
     hA rAmabhadra janapAlaka pAhi nityam || 17||
hA vIra hA dasharathAtmaja maithilIsha
     hA deva hA pavanajapriya dInabandho |
hA dhIra hA dashamukhAntaka lokanAtha
     hA bhUpa hA bharatapUrvaja pAhi nityam || 18||
jAnAti rAma tava nAmaruchiM mahesho
     jAnAti gautamasatI charaNaprabhAvam |
jAnAti dorbalaparAkramamIshachApo
     jAnAtyamoghapaTubANagatiM payodhiH || 19||
jAnAti rAma tava chittagatiM hanUmAn
     jAnAti rAma tava sakhyaruchiM kapIndraH |
jAnAti rAma tava yuddhagatiM dashAsyo
jAnAti rAma vimatAnuja eva satyam || 20|| ####
(vimatAnuja ##=## vimatasya shatro rAvaNasya anujaH vibhIShaNaH)

shrIrAma rAma raghunandana rAma rAma
     shrIrAma rAma bharatAgraja rAma rAma |
shrIrAma rAma hanumatpriya rAma rAma
     shrIrAma rAma sharaNaM bhava rAma rAma || 21||
shrIrAmachandra karuNAkara rAmachandra
     rAjendrachandra raghuvaMshasamudrachandra |
sugrIvanetrayugalotpalapUrNachandra
     sItAmanaHkumudachandra namo namaste || 22||
vandendu(.abja)maulimaNishobhipadAravindaM
     vande suchApasharashobhikarAravindam |
vande sadA smitalasadvadanAravindaM
     vande kaTAkShavilasannayanAravindam || 23||
vande raghUttamakulArNavapUrNachandraM
     vande dashAnanabhuja~Ngaviha~Ngamendram |
vande samarchitakavIndrasurAmarendraM
     vande kR^ipAjalanidhiM raghurAmachandram || 24||
bhavatimirapata~NgaM pApatUlasphuli~NgaM
     praNavataruviha~NgaM bhaktachittAbjabhR^i~Ngam |
nigamavanakura~NgaM nIradashyAmalA~NgaM
     raghukulagirishR^i~NgaM naumi sItAntara~Ngam || 25||
sarasijadalanetraM sarvalokaikamitraM
     dasharathavaraputraM nIlajImUtagAtram |
sakalajanapavitraM sarvadA sachcharitraM
     vidhR^itakanakavastraM (netraM) naumi sItAkalatram || 26||
vadanajitanisheshaM koTisUryaprakAshaM
     sakalajagadadhIshaM mAlyasaMshobhikesham |
nikhilasuramunIshaM dUtashAkhAmR^igeshaM
     vijitanishichareshaM naumyahaM jAnakIsham || 27||
sakalabhuvanarAjaM sarvashAstrArthabIjaM
     nayanajitasarojaM sarvadA satsamAjam |
aghakarimR^igarAjaM sevakAmartyarAjaM
     dasharathasutanUjaM naumyahaM rAjarAjam || 28||
nigamavipinakIraM vedavedAntasAraM
     bhavajalanidhipAraM kaNThasaMshobhihAram |
tuhinashikharadhIraM jAnakIpremadAraM
     ruchiratarasharIraM naumyahaM rAmavIram || 29||
dasharathanR^ipabAlaM vedakalpadrumUlaM
     natajanaparipAlaM sarvadA lokapAlam |
vidhR^itakanakachelaM vAnarendrAdijAlaM (jAlam evaM garvaH)
     maratakamaNinIlaM naumi sItAnukUlam || 30||
natasuranikurumbaM vaktrashItAMshubimbaM
     kalabhagativiDambaM dInachittAvalambam |
sahacharavidhisAmbaM sarvadA satkadambaM
     karavidhR^itakalambaM naumi sItAkuTumbam || 31||
raghukulamaNidIpaM sarvalokaikabhUpaM
     hR^itajanaparitApaM dattadInAdigopam |
dhR^itamakuTakalApaM hastavinyastachApaM
     kR^itajalanidhikopaM naumi kalyANarUpam || 32||
pavanatanayadUtaM sarvadA mantragItaM
     kushalavavaratAtaM rAvaNAdipraghAtam |
dhR^italasadupavItaM chandanAtyantashItaM
     tribhuvanajanapUtaM naumi sItAsametam || 33||
vikachakamalatuNDaM chApavidyAtishauNDaM
     karikarabhujadaNDaM kuNDalAshobhigaNDam |
nakhajitashashikhaNDaM hastasaMshobhikANDaM
     vidhR^itamaNishikhaNDaM naumi rAmaM prachaNDam || 34||
nigamashirasi ratnaM sarvalokaikaratnaM
     dasharathasutaratnaM sItayA sevyaratnam |
bhuvanavalayaratnaM bhU bhujAmekaratnaM
     raghukulaghanaratnaM pAtu mAM rAmaratnam || 35||
jagati vibudhamantraM jAnakIprANamantraM
     vibudhavinutamantraM vishvavikhyAtamantram |
dasharathasutamantraM daityasaMhAramantraM
     raghupatinijamantraM rAma rAmeti mantram || 36||
sajalajaladanIlaM sanmunistutyalIlaM
     nikhilanigamamUlaM yAtudhAnAntakAlam |
tilakalasitabhAlaM sarvadA lokapAlaM
     vidhR^itakanakachelaM naumi sItAnukUlam || 37||
vimalakamalanetraM visphurannIlagAtraM
     tapanakulapavitraM dAnavadhvAntamitram |
bhuvanahitacharitraM bhUmiputrIkalatraM
     raghupativaraputraM naumyahaM chandravaktram || 38||
maratakamaNinIlo mattamAta~NgalIlo
     madhuravachanashIlo mArutipremamUlaH |
maNimukurakapolo maithilIkelilolo
     mama hR^idi raghupAlo pAtu mArIchakAlaH || 39||
tridashakumudachandro dAnavAmbhojachandro
     maruta(ditija)timirachandro yoginAM j~nAnachandraH |
praNatanayanachandro bhaktichittAbdhichandro
     vadanavijitachandraH pAtu mAM rAmachandraH || 40||
nikhilabhuvananetA nityakalyANadAtA
     tvamiti na hi vivAdastatra ghaNTAninAdaH |
janayati mama hAsaM jAtu chetonivAsaM
     mama kuru guNasindho maithilIprANabandho || 41||
paTujaladharadhIradhvAnamAkR^iShya chApaM
     pavanajavanamekaM bANamAdAya tUNAt |
abhayavachanadAyI sAnujaH sarvato me
     raNahatadanujendro rAmachandraH sahAyaH || 42||
kuvalayadalanIlaH pItavAsA dayAlu\-
     rvividharuchirabhUShAbhUShito divyamUrtiH |
dasharathakulanAtho maithilIprANanAtho
     nivasatu mama chitte sarvadA rAmachandraH || 43||
maratakakanakAbhau maNDalIbhUtachApau
     bhuvanabharaNadakShau puNDarIkAyatAkShau |
makuTakanakabhUShau vIralakShmIsametau
     paricharati mano me jAnakIrAmachandrau || 44||
jayatu jayatu rAmo jAnakImodakArI
     dashavadanakulArI ramyakodaNDadhArI |
vividhavipinachArI viShNupUrNAvatArI
     sakaladanujahArI sarvalokAdhikArI || 45||
kanakanikaShabhAsA sItayAli~NgitA~Ngo
     navakuvalayadAmashyAmavarNAbhirAmaH |
abhinava iva vidyunmaNDito megharAshiH
     shamayatu paritApaM sarvadA rAmabhadraH || 46||
shrIrAmachandraH shritapArijAta\-
     samastakalyANaguNAbhirAmaH |
sItAmukhAmbhoruhacha~ncharIko
     nirantaraM ma~NgalamAtanotu || 47||
dayAnidhe rAghava rAmachandra
     nirasya pApAni mamAkhilAni |
tvayyeva bhakti sudR^iDhAM prayachCha
     saiva prasUte sakalAn pumarthAn || 48||
rAmeti varNadvayamAdareNa\-
     sadA japan muktimupaiti jantuH |
kalau yuge kalmaShamAnasAnA\-
     manyatra dharme khalu nAdhikAraH || 49||
rAmeti sItAramaNeti megha\-
     shyAmeti kAkAsurarakShaketi |
pItAmbareti priyalakShmaNeti
     shrIrAmachandreti vadAshu jihve || 50||
shrIrAmachandreti salakShmaNeti
     nIlotpalashyAmala komaleti |
Akrosha rAmetyadhunaiva jihve
     sItApate rAghava rAghaveti || 51||
indIvarashyAmalamAyatAkShaM
     dhanurdharaM nIlajaTAvachUDam |
pArshvadvaye lakShmaNamaithilIbhyAM
     niShevyamANaM praNato.asmi rAmam || 52||
AkarNamAkR^iShya dhanurguNodya\-
     dbrahmAstralakShIkR^itarAkShasendram |
rathAdhirUDhaM raNara~NgadhIraM
     rAmaM bhaje raktasaroruhAkSham || 53||
akArmukAla~NkR^itabAhudaNDai\-
     rarAkShasAdhIshvarabha~NgadakShaiH |
ajAnakIndrairapayodanIlai\-
     rarAmachandrairalamanyadaivaiH || 54||
alaM vivAdena na mAnuSho.ayaM
     rAmAtmanA rAkShasamardanAya |
bhuja~NgashayyAM parimuchya sAkShA\-
     nnArAyaNo bhUmitalaM jagAma || 55||
kalyANadaM kaushikayaj~napAlaM
     kalAnidhiM kA~nchanashailadhairyam |
ka~njAtanetraM karuNAsamudraM
     kAkutstharAmaM kalayAmi chitte || 56||
martyAvatAre manujAkR^itiM hariM
     rAmAbhidehaM (bhidheyaM) ramaNIyadeham |
dhanurdharaM padmapalAshanetraM
     namAmi nityaM raghunAthamUrtim || 57||
vishAlanetraM paripUrNagAtraM
     sItAkalatraM shubhasachcharitram |
sugrIvamitraM jagataH pavitraM
     vande suvaktraM varabhUpaputram || 58||
kArIrabhAsA kalayan vinodaM
     shArIrabhAsA jitashAmbarAriH |
vArIshagehe kR^itaseturIsho
     mArIchavairI mama sannidhattAm || 59||
vadantu kechichchaturo.api vedAn
     paThantu shAstrANyapare.akhilAni |
aTantu tIrthAnyapare pR^ithivyAM
     vayaM tu rAmaM manasA smarAmaH || 60||
namAmi rAmaM natapArijAtaM
     karomi rAmA~NghrisarojapUjAm |
vadAmi rAmasya sudivyanAma
     smarAmi rAmaM na tu vismarAmi || 61||
annaM narANAmamR^itaM surANAM
     bhR^i~NgAvalInAM makaranda eva |
shrIrAmapAdAmbujasevakAnAM
     mahAtmanAM rAmakathaivamuktA || 62||
shrIshabdapUrvaM jayashabdamartyaM(madhyaM)
     jayadvAyAvuttarata(dvayaM chottarata)stathaiva |
trissaptakR^itvo bhuvi rAmanAma\-
     japaM tu hanyAddvijakoTihatyAm || 63||
yo daNDakAraNyanishAcharendrAn
     kodaNDalIlAviShayIchakAra |
vetaNDashuNDAyitabAhudaNDo
     kodaNDapANI(NiH) kuladaivataM naH || 64||
kodaNDadIkShAgurumaprameyaM
     salakShmaNaM dAsharathiM dayAlum |
mahAnubhAvaM jagadekavIra\-
     manAthanAthaM raghunAthamIDe || 65||
rAmaH pitA rAghava eva mAtA
     rAmaH subandhushcha suhR^it sa eva |
rAmo gururme paramaM cha daivaM
     rAmaM vinA nAnyamahaM smarAmi || 66||
mAtA rAmo matpitA rAmabhadro
     bhrAtA rAmo matsakho rAghaveshaH |
bhartA trAtA rAmachandro dayAlu\-
     rnAnyaM jAne naiva jAne na jAne || 67||
raghunandana eva daivataM no
     raghuvaMshodbhava eva daivataM naH |
bharatAgraja eva daivataM no
     bhagavAn rAghava eva daivataM naH || 68||
dInavatsalamanAtharakShakaM
     dIrghabAhumaravindalochanam |
dIkShitaM sakalalokarakShaNaM
     daivataM dasharathAtmajaM bhaje || 69||
indranIlamaNisannibhadehaM
     vandyamAnacharaNaM munivR^indaiH |
lambamAnatulasIvanamAlaM
     chintayAmi satataM raghuvIram || 70||
chApaM dadhAnaH stanayitnughoShaM
     karShanniSha~NgAdiShumapyarighnam |
Apatsu bhUyAdabhayaprado me
     sAkaM sumitrAtanayena rAmaH || 71||
yaH pUtanAmAraNalabdhavarNaH
     kAkodaro yena vinItadarpaH |
yashodayAla~NkR^itamUrtiravyA\-
     nnAtho yadUnAmatha vA raghUNAm || 72||
(##footnote on verse 72##)
 rAmapakSheH\-pUtanAmA raNalabdhavarNaH iti padachChedaH |
 kAkodaraH kAkAsuraH |  yashaH dayA dvAbhyAM ala~NkR^itamUrtiH |
 kR^iShNapakSheH \-\- pUtanA rAkShasI |  kAkodaraH sarpaH kAliyaH |
 yashodA nandasya patnI |)
jAto vaMshe raghUNAM munivaravachanAttATakAM tADayitvA
     kR^itvA puNyAmahalyAM truTitabhavadhanurmaithilIvallabho.abhUt |
prApyAyodhyAM nideshAt pituraTavimagAdvItasIto.astavAlI
     baddhAbdhirdhvastala~Nko dalitadashamukhaH sItayA rAjyamApa || 73||
rAmaM shyAmAbhirAmaM ravishashinayanaM koTisUryaprakAshaM
     divyaM divyAstrapANiM sharamukhasharadhiM chArukodaNDahastam |
kAlaM kAlAgnirudraM ripukuladahanaM vighnavichChedadakShaM
     bhImaM bhImATTahAsaM sakalabhayaharaM rAmachandraM bhaje.aham || 74||
rAma vIrAsanasthaM hR^idayagatakaravya~njitaj~nAnamudraM
     jAnau vinyastahastaM janakatanayayA bhUShitaM vAmabhAge |
ShaTChAstraM vyAharantaM pavanasutanayaM chAgrato mAnayantaM
     saMseve sevyamAnaM karadhR^itadhanuShA dakShiNe lakShmaNena || 75||
vAme kodaNDadaNDaM nijakarakamale dakShiNe bANamekaM
     pashchAdbhAge cha nityaM vidadhadabhimataM sAsitUNIrabhAram |
vAme bhAge lasadbhyAM sahamilitatanuM jAnakIlakShmaNAbhyAM
     rAmaM shyAmaM bhaje.ahaM praNatajanamanaHkhedavichChedadakSham || 76||
shuddhAnte mAtR^imadhye dasharathapurataH sa~ncharantaM manoj~naM
     kA~nchIdAmAnuviddhapratimaNivilasatki~NkiNInikvaNA~Nkam |
phAle muktAlalAmaM mR^idutaraninadaM nUpuraM chAruhAraM
     bAlaM rAmaM bhaje.ahaM mR^idumadhuragiraM kuNDalashrIkapolam || 77||
lokatrANAnukArI dashavadanashiraHpa~NktivichChedakArI
     sItAsImantakArI maNimayamakuToddaNDakodaNDadhArI |
la~NkAla~NkArahArI bhR^igutanayamanaHsarvagarvApahArI
     (vAliprANApahArI) shamayatu duritaM bhUmibhArApahArI || 78||
jAtaH shrIraghunAyako dasharathAnmunyAj~nayA tATakAM
     hatvA rakShitakaushikakratuvaraH kR^itvApyahalyAM shubhAm |
bha~NktvA bhArgasharAsanaM janakajAmudvAhya rAmasthito (rAmaH sthitaM)
     jitvA chAdhvani bhArgavaM punaragAt sItAsametaM bhaje || 79||
sa shreyAMsi balIni sandishatu te vIraH kR^ipAtmA shuchiH
     yannetrA~nchalaraktimA samatanodabdhIshvarAgrasthitim |
yadvakSho vimatAnujAya sadayaM la~NkAdhipatyaM dadau
     yatpAdAbjaparAgapAlirakarot pAShANameNIdR^isham || 80||
gItArthAmR^itavAridhiM raghupatiM shItAMshubimbAnanaM
     sUtA~NgIrasanAradairabhinutaM vAtAtmajAbhIShTadam |
AtAmrAdharashobhitaM suranutaM pItAmbarAla~NkR^itaM
     sItArAmamahaM bhajAmi sharaNaM kAruNyadugdhArNavam || 81||
shrIrAmo.ajani rAghavo munimakhaM pAti sma sItApatiH
     kAntArANi ninAya vItabhayatAM rAmeNa vAlI hataH |
AnandaM hanumat ? ? raghupatirninye jajR^imbhe bale ?
     lakeshaHsvapadAt svayaM vijaghaTe rAmaH striyAgAtpurIm || 82||
shrIrAmaM jagadekavIramamalaM sItAmanohAriNaM
     kausalyAvaranandanaM suranutaM kAkutsthavaMshodbhavam |
lokAnAmabhivA~nChitArthaphaladaM kAruNyakalpadrumaM
     vande.ahaM janaghorapApanikaradhvaMsavrataM rAghavam || 83||
rAma lakShmaNapUrvajaM raghupatiM sItApatiM sundaraM
     kAkutsthaM karuNAkaraM guNanidhiM viprapriyaM dhArmikam |
rAjendraM satyasandhaM dasharathatanayaM shyAmalaM shAntamUrtiM
     vande lokAbhirAmaM raghukulatilakaM rAghavaM rAvaNArim || 84||
rAmaM chandanashItalaM maNilasadrukmAmbarAla~NkR^itaM
     kausalyAtanayaM vishAlanayanaM sampUrNachandrAnanam |
rAjAnaM karuNAsametamanaghaM sItAmanohAriNaM
     sItAdarshanalAlasaM guNanidhiM vande sadA rAghavam || 85||
rAmaM ratnakirITakuNDaladharaM keyUrahArAnvitaM
     sItAla~NkR^itavAmabhAgamamalaM vIrAsane susthitam |
sugrIvAdisamastavAnaragaNaiH saMsevyamAnaM sadA
     vishvAmitraparAsharAdimunibhiH saMstUyamAnaM bhaje || 86||
rAmaM rAjashiromaNiM raghuvaraM devAridarpApahaM
     lokAnAM hitakAriNaM guNanidhiM kAruNyapUrNodayam |
muktAkA~nchanabhUShaNAnvitatanuM chApeShuhastAmbujaM
     kausalyAkulabhUShaNaM raghupatiM shrIrAmachandraM bhaje || 87||
rAma tvachcharaNAravindamamalaM shrIrAmapArAyaNaM
     bhaktatrANaparAyaNaM bhavabhayatrANapravINaM sadA |
tanme kartumupAyanaM mama manaH prItiM dishA sarvadA (disha tvaM sadA)
     dInaM dInasharaNya pUrNakR^ipayA sItApate pAhi mAm || 88||
rAmo naH kuladaivataM sakaruNaM rAmaM bhaje sAdaraM
     rAmeNeshadhanuH kShaNena dalitaM rAmAya tasmai namaH |
rAmAnnAshamavApa rAkShasakulaM rAmasya dAso.asmyahaM
     rAme tiShThati vishvametadakhilaM he rAma(rakShasva) saMrakSha mAm || 89||
rAmo rakShatu lakShmaNena sahito rAmaM sarAmaM bhaje
     rAmeNaiva hi rakShitAH suragaNA rAmAya tasmai namaH |
rAmAnnAparamasti daivatamaho rAmasya dAso.asmyahaM
     rAme tiShThatu mAnasaM mama sadA he rAma tubhyaM namaH || 90||
divyasyandanamadhyagaM ghanaraNachchApAnvitaM bhIShaNaM
     kAlAgnipratimAnabANakalitaM ghorAstratUNIdvayam |
saumitryarkajarAvaNAnujamarutputrAdisaMsevitaM
     rAmaM rAkShasakoTivIraharaNaM shrIrAmachandraM bhaje || 91||
rAjIvAyatalochanaM raghupatiM nIlotpalashyAmalaM
     muktAla~NkR^itamaNDape sulalite sauvarNake puShpake |
AsInaM navaratnakA~nchanalasatsiMhAsane sAmbuje
     sItAlakShmaNavAyusUnusahitaM shrIrAmachandraM bhaje || 92||
karpUrA~NgavilepanaM raghuvaraM rAjIvanetrAnvitaM
     kastUrItilakA~NkitaM karivarapratyeyamekaM prabhum |
kandarpAyutakoTisundaratanuM kAruNyapAthonidhiM
     kAntAkAmamadamaprameyamanaghaM sItAsametaM bhaje || 93||
pUrvaM rAmatapovanAnugamanaM hatvA mR^igaM kA~nchanaM
     vaidehIharaNaM jaTAyumaraNaM sugrIvasambhAShaNam |
vAlInigrahaNaM samudrataraNaM la~NkApurIdAhanaM (is it dahinaM ?)
     pashchAdrAvaNakumbhakarNanidhanaM hyetaddhi rAmAyaNam || 94||
rAkendupratimAnanasya mahimA hA kena vA varNyate
     loke yaH sa dayAparo.ajani mahAn kAke.api sAndrAgasi |
ekenaiva shareNa yena samare nAkeshasUnurhataH
     shokenAkulachetasAM bhuvi satAM sAketavAsI gatiH || 95||
yannAmaiva sahasranAmasadR^ishaM yatkarma kaivalyadaM
     yadvidyA hR^idayAmbujeShu viduShAmAnandasandAyinI |
yanmUrtivijayAnvitA trijagatIrakShAvidhau dIkShitA
     taM kalyANaguNAnvitaM pratidinaM shrIrAmachandraM bhaje || 96||
maithilyA nagare vivAhasamaye kalyANavedyantare
     shrImantau tapanIyaratnakhachite pIThe va(la)santau shubhau |
shrImantau nigamArthatattvaviduShAmAshIrgirau pAvanau
     pAyAstAM cha vadhUvarau sulalitau shrIjAnakIrAghavau || 97||
yatpAdaH surasindhuvAsasadanaM yannAbhijAto.abjabhUH
     yaH sAketaniketanaM yadudaraM lokaikashayyAgR^iham |
yadvakShaH kamalAvilAsabhavanaM yannetrayugmaM dayA\-
     rAshyA(lAsyA)gAramakhaNDama~NgalanidhiH pAyAt sa no rAghavaH || 98||
kausalyA jananI pitA dasharathaH sallakShaNo lakShmaNaH
     shatrughno bharato.anujo janakajA jAyA vasiShTho guruH |
sugrIvashcha vibhIShaNaH priyasakhau dUto hanUmAn mahAn
     sAyodhyA nagarI sutau kushalavau shrIrAmadAsA vayam || 99||
rakShoghnaM raNarAgiNaM ravisamaM rudrapriyaM rakShakaM
     rUpaikAbharaNaM ruShAdirahita rukmA~NgadArAdhitam |
rochiShNuM rathinaM ramApatisamaM rAjyapradaM rAghavaM
     rAmaM rAjashiromaNiM raghupatiM shrIrAmachandraM bhaje || 100||
sAkete sharadindukunta(da)dhavale saudhe mahAmaNDape
     paryastAgarudhUpagandhalalite karpUradIpojjvale |
sugrIvA~NgadajAmbavatparivR^itaM saumitriNA sevitaM
     lIlAmAnuShavigrahaM raghupatiM sItAsametaM bhaje || 101||
vAmA~Nge janakAtmajAM padatale vAyoH sutaM lakShmaNaM
     pashchAchChatruharaM vibhIShaNayutaM sugrIvamagre sthitam |
pArshve kaikayinandanaM taditare shatrughnasaMsevitaM
     rAmaM nIradanIlama~njulatanuM sItAsametaM bhaje || 102||
vAme bhUmisutA purastu hanumAn pashchAtsumitrAsutaH
     shatrughno bharatashcha pArshvadalayorvAyvAdikoNeShu cha |
sugrIvashcha vibhIShaNashcha yuvarAT tArAsuto jAmbavAn
     madhye nIlasarojakomalaruchiM rAmaM bhaje shyAmalam || 103||
kAlAmbhodharakAntikAntamanishaM vIrAsanAdhyAsitaM
     mudrAM j~nAnamayIM dadhAnamaparaM hastAmbujaM jAnuni |
sItAM pArshvagatAM saroruhakarAM vidyunnibhAM rAghavaM
     pashyantaM makuTA~NgadAdivividhAkalpojjvalA~NgaM bhaje || 104||
vaidehIsahitaM suradrumatale haime mahAmaNDape
     madhyepuShpakamAsane maNimaye vIrAsane susthitam |
agre vAchayati prabha~njanasute tattvaM munibhyaH paraM
     vyAkhyAntaM bharatAdibhiH parivR^itaM rAmaM bhaje shyAmalam || 105||
vaidehIkuchamaNDalopari lasatmANikyahArAvalI\-
     madhyasthopalanIlakomalaruchiM nIlotpalashyAmalam |
kandarpAyutakoTisundaratanuM kodaNDadIkShAguruM
     kausalyAkulabhUShaNaM raghuvaraM rAmaM bhaje shyAmalam || 106||
vaidehImadhiropya jAtapulakAM lajjAvatIM susthitAM
     kA~nchIka~NkaNahAranUpuralasatkarNAvataMsojjvalAm |
kastUrIghanasAracharchitakuchAM chandrAnanAM jAnakIM
     kandarpAyutasundaraM raghupatiM rAmaM bhaje shyAmalam || 107||
vaidehImadhiropya jAtapulakAM vAmA~NkamAshleShiNIM
     vAmena stanachUchukaM pulakitaM vAmaM kareNa spR^ishan |
tattvaM dakShiNapANinA kalitayA dhImudrayA bodhayan
     rAmo mArutisevitaH sphuratu me sAmrAjyasiMhAsane || 108||
utphullAmalakomalotpaladalashyAmAya rAmAya naH
     kAmAya prathamAya nirmalaguNArAmAya rAmAtmane |
dhyAnArUDhamunIndramAnasasarohaMsAya saMsAravi\-
     dhvaMsAya sphuradojase raghukulottaMsAya puMse namaH || 109||
kShIrAmbhonidhimadhyavartinishitA ? ? suvarNAmbare
     raktollochanahemapadmapaTale jAmbUnade maNDape |
tejodhAmani puShpake ravinibhe mANikyasiMhAsane
     hemAmbhoruhakarNikAntaratale vIrAsane susthitam (? ) || 110||
ye shR^iNvanti paThanti rAmacharitaM ye bhAgyavantaH sadA
     dhIrodAttaraghUttamasya charaNau dhyAyanti ye mAnase |
ye kurvanti samastadharmanichayaM rAmasya suprItaye
     teShAM sarvamanorathAn vitanute sAkShAdraghUNAM patiH || 111||
rAmaM rAmAnujaM sItAM bharataM bharatAnujam |
sugrIvaM vAyusUnuM cha praNamAmi punaH punaH || 112||
yannAmadheyaM mriyamANa AturaH
     patan skhalan vApyavasho gR^iNannaraH |
vimuktakarmArgala uttamAM gatiM
     prApnoti yakShyanti na taM kalau janAH || 113||

iti shrIrAmashatakaM sampUrNam |

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}