% Text title            : Rama Stuti
% File name             : rAmastutiH9.itx
% Category              : raama, moropanta, stuti
% Location              : doc\_raama
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rama Stuti ..}##
\itxtitle{.. rAmastutiH 9 ..}##\endtitles ##
(\*)
(aupachChandasikaM vR^ittam)
raghunAtha! | dayAM kuru prapanne mayi dIne.alasamenamadya mu~ncha |
sadayaH sadayastvameva(1) kiM te munigItaM na yashaH shrutaM pavitram || 1||
asadantakarAH sharAH kharAste yamadaNDAtsatataM satAM sahAyAH |
kimado vimado na yanmanobhUratanuH sharvadR^igamninA kR^ito.api || 2||
grasate tvadiShurdviShaM na rAhuH sa tatheduM kavayo nareshvarAhuH |
jahi roShamariM satAmalaM kA saruSho hanta dhiyo.api rAma! la~NkA || 3||
yadi vAnarasakhyamevamIDyaM kimu vaktavyamahA naraistadebhiH |
adhisaMsR^itisindhu(2) setumekaM kuru bhoH(3) ! kiM svakR^ite kR^itena tena ? || 4||
virahe na pitApi sAMsvito yo vilapameva mR^itasvadekachittaH |
bhahamaj~natamastamadya yAche tR^iNavatyaktasada~NganAnujaM(4) tvAm || 5||
na hi tanna hitaM natairyadIsha! | smR^itamekaM khalu sAvakaM padAbjam |
amarairbhramarairivAtilubdhaiH paripItaM munibhishcha rAjahaMsaiH || 6||
na phalaM viShayAH phalaM tu dAsyaM tava jantovaramatra jIvanasya |
tadR^ite na dR^iterivAsya(5) rAma! kShaNamapyuchChasitaM satAM prashasyam || 7||
duritodadhito daraprayatnAnmunidArAndayayA(6) yadujjahAra |
padapadmarajastavAstu tanme natarakShAvikalaM(7) kala~Nkanutyai || 8||
viShayaplavagaishvalasvabhAvaiH(8) saha sakhyaM gatamenamAramatulyaM |
rahitaM priyayApi shuddhavR^ityA bata satyA vyasane.ava mAM nR^ipAla(m?) || 9||
vitarasvamR^itaM(9) karairanekairna jaDAtmAnamahaM bhaje.api taptaH |
amR^itaM tava nAma pAtumIhe yadabhUchChUlabhR^ito.api tApashAntyaiH || 10||
bahavaH savituH kule prasUtAstvamalaM tebhya utApi gotrakartuH(10)
dvikaro.apyakaroH samUlameko jagatAM tApatamaHkShayaM svayaM yat || 11||
sudhiyo yudhi yodhamUrdharatnaM vikirantaM vishikhAnariShvasughnAn |
karuNaM taruNaM purANamAhurnaramIshaM kathamugramakrudhaM tvAM ? || 12||
paripAlaya mAmanAthamArtaM bhavarogeNa nesoDhavedanena(11)
sukhayatyuditashchakoraminduH kamalaM bhAnuratho mayUramabdaH(12) || 13||
tava(13) bhaktajanena matsadR^ikShAH shuchinodAratareNa nistulena |
vipado.atra samuddhR^itAH prabhUtAH kimado rAghava! vismR^ito.ahamekaH ? || 14||
AhiShUgramaraM(14) garaM tamaste na parotkarShasahAH surAH samaste |
bhuvane paridarshitaH samaste samanukroshabharaH prabho! namaste || 15||
kR^ipayA nR^ipa! | yAH svadhAma nItA virahaM soDhumaniShTurAH prajAstAH |
ayi bho! mayi mogalAlase taskaThinatvaM tvayi vA kimatra yuktaM ? || 16||
yashasA vimalena sanmatenApi cha gItena munIshvareNa tena |
kathamAryamukhAttadAtodR^i.ahaM(15) paripItena na pAvito.asmi pApaH ? || 17||
kalinA prabalena rAhuNedoriva tejo yashasastavApi pItam |
kathamevamahaM bravImyasha~NkaM budhashiShyo.api cha satsvado vigItam? || 18||
yashasApyachikitsya eka AhosvidahaM nistula evameva doShI |
na satAM matametadapyasAraM viShaheddhAma tamo na gADhamArkam || 19||
kuru yatsadR^ishaM vratasya loke yashasashchApi suvishrutasya tasya |
kimato.adhikameSha dInabandho ! gatimandho gahane na vetti dInaH || 20||
shamanaM na hi pashyati prabho! | tvAM shamanaM(16) taM labhate janaH prapannaH |
asakR^ichChrutamisthamAryavaktrAtsadasi svAduvachaH satAM sudhAtaH || 21||
anavadyaguNArya rAma! | bhoH ! kiM bahunoktena padopakaNThametya |
svadR^ishaH sadR^ishaH prabho! bhavedyaH kR^ipaNe tvaM mayi taM kuru prasAdam || 22||
namaduddharaNaM suduShkaraM te mR^itamujjIvayataH shishuM dvijAteH |
dR^iShadapyatisundarI kR^itaiva prabhuNA kiM na vachaH shrutaM shuno.api || 23||
vashamAratami~Ngitaj~namAj~nAkaramapyAkulayanti(18) mAmanAtham |
anayaM janayanti rAma! kAmapramukhA hanta kathaM bhavatpure.api || 24||
na jane bhajane.alasaH pramAdatyipaTurvetyagharagvaraM(19) mayIsha ! |
na hi tairahitairayaM na baddhaH kathamevaM sati ki~NkaraH karotu || 25||
dviShatA dashakandhareNa ruddhA puri shuddhA dayitApi sA tadAnIM |
bhavato bhajanaM kimIsha! chakre sa cha nakreNa vashIkR^itaH karIndraH || 26||
charaNasmaraNaM sadA na dAsastava kartuM kShama utsuko.apyabhAgyaH |
sutanaptR^imukhAnuvartinA yanmanasAntarvata yantrito.asvatantraH || 27||
smaraNaM sharaNaM mameti yuShmachcharaNAbjasya na chAnyadasti jAne |
bahirantarapi dviShaviruddho.apyahamArto.artiharaM kvachirasmarAmi || 28||
dvirade chiradevanAbhitapte.atyuchitashchetkaruNAkaTAkShapAtaH |
pada eva sa shatruNA gR^ihItaH prabalaiH ShaDbhirayaM tu sarvato.api || 29||
bahuvAramahaM dviShadbhirasaha pAtita eva garbhagarte |
shR^iNu deva ! tadeva kR^ichChUmApto.amitakalpAnadhunApi tatra varte || 30||
dviShato.apyanuje kR^itaH prapo.atha cha sugrIvavalImukhe prasAdaH |
darasAdarasAtvayA(20) tathA mayyapi dIne sa sadArya ! kArya eva || 31||
ripubhiH kR^itaga~njanaM janaM kaH kR^ipaNaM svaM sharaNaM bhiyAptamAryaH |
sadayaH paripAlayena shaktaH svanuraktaH sukR^ite naye yashorthI || 32||
kupito.asi kimAgasA na sAdhuH kR^itamantau praNate jane.aprasannaH |
namanAditarannisargasiddha kimivAryesha! na pApinAmasannaH || 33||
sharadA varadAdhirAja! | kR^isnaH payaso vAryata eva ma~NkShu pa~NkaH |
tava tUditayA dR^ishA.atamaskaH kriyate chandrikayeva sarvara~NkaH || 34||
pivato.akhilatApapApahantrI tava kIrtirdrutameva satsudhAtaH |
api cheshashirodhidevatAtaH shrutamuchchairiti hanta satsudhAtaH || 35||
jahi(21) mAmahimAvahaM vibho! | mAM janamevaMvidhamanyamapyavahyaM |
bhayasA hi vinA suvarNahetorna guNaH sparshamaNeH prasiddhimeti || 36||
sukR^itaM na kimasya pa~NkamagnAmabalA gAM vipadaH samuddidhIrShoH |
mR^itibhItamariM tR^iNAsyamAjI(22) jayinastvAdR^isha eva pAlayanti || 37||
karuNAvaruNAlaya ! | prabho! syAnmama kiM svargasadAM (23) jaDena tena |
taruNA taruNArkataptamUrteH sarasAlpena gajasya vA bhavetkim || 38||
shilayA kapibhirnishAchareNa dvijarAjena maheshvareNa sevyaH |
svamitIsha! bhavantamAshritohaM sasurA muktimitAstvayaiva devyaH || 39||
sahitaM priyayA shriyAttamUrtyA mahitaM bhUpamunIndradevavR^indaiH |
rahitaM viguNaiH sadA(24) guNADhayaM svahitaM rAma kamanyamAshrayAmi || 40||
ayi! | taM shrita eSha indirAyA dayitaM tvAmahamAdyamIshvarANAM |
mayi tantra ihApyasharmahAsaM shayitaM tartumadhAThidhamadya vishvam || 41||
manasi smR^itirastu tApahantrI vadane nAma bhavAmayauShadhaM cha |
shravasI cha vashIkarotu kIrtistava sItAdayiteti me manIShA || 42||
varadeshvara! | deva ! dehi dAsyaM dayayA darshaya pAdapadmamAshu |
ayanaM nayanaM vipakShamapAtaM(25) tava gorvatsavadeva pashyatIsha! || 43||
spR^ishatA dR^iShadaM padena yuktaM dayitAM bhUmibhuvaM sadA hR^idA te |
bata bAhuyugena dhanva(26) chaiNaM kuta AptaM kaThinasvamAryadR^igbhyAm || 44||
na janaM vyajanaM priyAgR^ihItaM sarasoshIrasarojapatraklaptaM |
sukhayatyatitApataptamAptottama te nAma yathA kathopanItam || 45||
satataM yadi dInabandhuretadbahu te sammatamAtmanAma rAma! |
ayi! kiM mayi ki~Nkare.api dIne karuNAM kartumiyAnkR^ito vilambaH || 46||
navatAmarasena mR^igapotastR^iShito rAma! | yathA vyathAhareNa |
bhavatA.amarasevyapAdukena svaguNaistoShakarairvashIkR^ito.aham || 47||
tava nAma bhavadR^ite(27) sudUrAdapi chetkarNamupaiti sajjanena |
uditaM muditaM karoti cheto dayitAyA iva vAchikeM(28) priyasya || 48||
dhaninaH sukhinastavaiva nAmnA parataH prAkR^itato dhanAdanityAt |
dhanikA na nikAmamodapAtraM jaTharAdvibhyati ye svakAdapIsha! || 49||
bhavato bhavatoShadena nAmnA bhidureNAmR^itagarvaparvatasya |
bhavato.abhava(29) tokamAtmano.ahariva mochyaH svahitechChunAhamaj~naH || 50||
tava sadbhipAsakairudAraiH sadayairAptatamairupekShitaH kiM |
na(30) vinashyadupekShyamasya kAryaM tviti yatsA khalu patyuratyupAstiH || 51||
rahasIsha nipIyate(31) prasAdAmR^itamAkaNThamitA mudaM hi santaH |
vitaranti na mahyamIShadete bata kukShimbharirItimAdriyante || 52||
sakR^ipAH kathamArtamasya shaktaM kR^ipaNaM mAM sharaNAgataM na pAnti |
amitAnna dayAmR^itAdudArA api dAtuM kathamIpadussahante || 53||
vibhave.adhigate.amite suhR^idbhirna samaM kevalameva sAkamanyaiH |
kR^ipaNairahitairapi prakAmaM sukhamAryeshvara! sAdhavo bhajante || 54||
tvamudAravaraH kathaM sakhAyastava sakhyurnanu no samAnashIlAH |
mayi te.atrabhavAnkapAvivArye bata buddhaM yubhaye.api tulyalIlAH || 55||
yadi nAtha! | gato.asi sAkamiShTairvaramasmAnkR^ipaNA~nchChritAnsvameva |
nanu pAlayitA kR^ito.atra kaH sa kva cha kiM chAnilanandano.aparo vA || 56||
sa tu samprati gandhamAdanAdrAviti nAtha! | shrutamastu naH kimUnaM |
paramekamihAnyasarvakAryasmR^itirodhi vyasanaM hi sadbhiruktam(32) || 57||
sa hi kinnarachAraNAdigItaM munibhiH sAkamudashru mIlitAkShaM |
satataM charitAmR^itAsavaM te pibati tyaktabhayo.asmR^itAkhilehaH || 58||
shrutamevamapIha yatra nAmnastava sa~NkIrtanameSha tatra tatra |
rachitA~njalirashrupUrNadR^ikchetyapi vAlmIkimunerna garipArthA(33) || 59||
ayi nAtha! | kathaM nu tarhi sAdhurvata so.adyApi kapirmayA na dR^iShTaH |
yadi pAtakanaShTadR^iShTirasmi pratimAM te.ahamaho kathaM pibAmi ? || 60||
svajano varamAtmanaH priyatvAtpratimAtaH kimitIsha! | chettathAstAM |
bhavato bhavatopadAchcha nAmno.apyadhikaH kiM shravaNotsuko.asmi dInaH || 61||
adhiko nijanAmato mato.ayaM svajanaste yadi tarhi rAma! | tena |
kShamiNAtidayAvatAtha sadyo.akhilatApApaha ! kIrtanena bhAvyam || 62||
alamomiti chetkathaM na nAtha! | drutamadyApyupayAti hanta pAtuM |
asakR^iddhi purA smR^itastadAstAma dhunaivApi tu chetasA smarAmi || 63||
ayi kIshavarAptavarya! | sAdhUttama ! sItAhR^idayavyathauShadhokte |
raghuvIra ! yashaHsudhAkarasya svamananto.asyanavadyapakSha eShaH || 64||
adhunApi cha saMstuto na chAsyAM sa kavIndro(34) muditaH stutau kathaM syAt |
 iti vAchyamaho yato.adhikaste bhajakastvatta udAra AshutoShaH || 65||
kR^itayaiva yayA kayApi nutyA mudamApnoShi vibho! | bhajajjanena |
kimu yo.abhyadhikaH kR^ipAlurAryo bhavato bhAgavato mato.atisAdhuH || 66||
bhagavan ! | sa(35) samIrasUnurAryastvayi te nAmni cha sAdhumodadhAmni |
paramAdR^ita ityavaimi tadvatsmaratAmuddharaNena nUnamadya || 67||
sa samIrasutaH kR^itaprayAsaH sutarAM samprati sAdhuvishramArthaM |
sakhibhishcharitAsavaM tavAlaM paripIyAdya sukhaM samaM nu suptaH || 68||
na kR^itaH khalu lakShmaNena devyA bhavatA vAtra suhR^inmaNau prasAdaH |
kathameSha na khinnamAnasaH syAdanurUpAmamavApya satkR^itiM svAm || 69||
sa hi kaShTabhugeva deva! | nItA itare tu svapadaM sahaiva sarve |
na kushasya(36) lavasya vApyamAtyeShvapi te hAptapadaH kR^ito mahAtmA || 70||
atha kiM bahunA(37) bhavAn dayAlurna kR^itaj~no na varaprado na chAptaH |
tyajatAnujadAramArutIMste(38) kR^itinA kiM sukR^itaM kR^itaM kR^ipAlo! || 71||
na bhavAnna bhavajjano.api dIneShvashuchiShvadya kalAvadyakAle |
karuNo varadaM kR^itaj~namekaM tava teShAmapi nAma rAma! kAmam || 72||

iti shrIrAme stavo.arpito.ayam |

iti shrIrAmanandanamayUreshvarakR^itA rAmastutiH samAptA |

TippaNi
\* | atra kaviH saMsAradAvAnaladagdhaH svasamuddharaNAyopAsyaM daivataM shrIrAmachandraM stauti raghunAthetyAdinA | bhavATavIparibhramaNaparikhinnashcha svoddhAre bilambamasahamAno duritavAridhitvamAtmano.atra nidAnamAsha~NkamAnashcha shrIrAmacharitAdeva bahUnyudAharaNAni samupanyasya \ldq{}pApinAmuddhAra eva te vrataM, ahaM cha teShAmagraNIH tanmAmapi drutaM samuddhara\rdq{} iti cha vij~nApayati |
1| satAM ayaH shubha~NkaraH |
2| bhavasAgare ityarthaH |
3| hastadoShaH\-bho |
4| tR^iNavat tyaktau sada~NganA pativratA sItA anujashcha lakShmaNo yena saH |
5| dR^itishcha\-mabhasrA | yathA bhasrAyA uchChvasitamaki~nchitkaraM tathA tava dAsyAdR^ite jantorjIvanaM niShphalamityarthaH |
6| daraprayatnAt alpenavAyAsena |
7| natAnAM bhaktAnAM rakShAyAM rakShaNa vikalaM sarvadA vyApta prayatamAnamiti yAvat |
8| yathA svaM shuddhavR^ityA pativratayA sItayA vinAkR^itashchalasvabhAvairvAnaraiH saha sakhyamakarostathAhamapi shuddhavR^ityA sadAchAreNa rahinashcha~nchalaiviShayaplavagaiH sakhyamakaravam | tadAtmasabrahmachAriNaM mAM he nR^ipAla tvaM rakSheti yojanIyam | shuddhavR^ittyeti padaM shleShaNa yojanIyam |
9| jaDAtmA DalayorabhedAjjalAtmA chandraH | jaDamvarUpa iti dhvaniH | chandraH anekaiH karaiH kiraNaiH amR^itaM vitaratu | tapto.apyahaM taM jaDAtmAnaM jalAtmAnapIti apishabda AvR^ityA dviryojyaH | na bhaje | yattava nAma shUlabhR^ito.api shashishekharasya shivasyApi tApaM shamamanayattatte nAmaiva me.amR^itaM tadahaM pAtumichChAmItyarthaH | atra shashinAmR^itavarShiNA shUlabhUtaH shivasya tApo na shAnti nItaH sa cha tava nAmnA nIta iti shashino.api te nAma guNavattaramiti vyajyate |
10| gotrakartuH mUlapuruShAtsaviturityarthaH |
11| na soDhA nasoDhatyatra nashadvena supsupeti samAsaH |
12| abdo meghaH | kavipakShe tu dhvaninA ghanashyAmo rAma ityartha |
13| \ldq{}yashasA cha janana matsadR^ikShAH shuchinodAratareNa te.atulena\rdq{} | iti sAdhuH pAThaH | (mayUrakaviH) |
14| ahiShu sapeMShu ugraM garaM alaM prabhUtamasti | ataste.ahayastamaH tamassvarUpAH santi | surAH devA api parotkaShasahAH na | ataste.api tamaHsvarUpA ityarthaH | kintu he prabho, te samanukroshabharaH kAruNyabharaH samaste bhuvane samaH | dR^ishyate iti sheShaH | nAgalokAtmvargalokAchcha martyaloka eva te kAruNyabharAtprashasta iti bhAvaH |
15| tasmin yashasi AdR^itaH AdarayuktaH AryamukhAt sadbhyaH tvadyashaH shrutavAnapyahaM na pAvito.asmIti yojanA |
16| ahaM tathA doShairvAtapittakaphaiH pAtakaishcha vyApR^itasharIraH yathA tava yasho.api me vyAdhi na pratikuryAditi yatsatAM mata tadasAraM na sAravadevetyarthaH | kintu Arka dhAma savitustejaH yathA gADhaM tamaH na viShahate tathaiva tava yashasA ahamapi samuddhartavya eveti bhAvaH |
17| shamano yamaH tam | maraNamityarthaH |
18| kAmapramukhAH vashamanAthamapi mAmAkulayAntri anayaM cha janayantIti yojanA
19| aghadR^ikShu pApiShu varaM shreShThama | taiH ahitaiH ayaM baddhaH na iti na ityanvayaH |
20| darasya bhayasya sAdo nAshaH tasmina yaH rasaH premA tasmAddhetoH, he Arya! sadA tvayA dIne mayyapi sa prasAdaH kArya pavetyarthaH |
21| he vibho ahimAvahaM santApakaraM mAM tathA chAnyamapi ava dyaM duShTaM jahi .\ pApinAM sattvaM cha jagatyavashyamityAha | ayaseti | suvarNahetoH sparshamaNeH sattve.api ayaso.abhAve tasya guNaH prasiddha naiti | tathA mAdR^ishAM pApinAmabhAve namaduddharaNAkhyastava gaNaH prasi ddhiM nopeyAditi bhAvaH |
22| tR^iNamAsye yasya saH prapanna iti yAvat | iyaM lokoktiH |
23| \ldq{}svarjanuShA\rdq{} iti pAThAntarama (kavilikhitam) |
24| \ldq{}guNairyutaM kaM svahitaM tvA dya vinA\rdq{} iti pAThAntaram |
25| vigataH pakShmapAtaH akShinimIlanaM yasmin karmaNi |
26| dha nva dhanuH |
27| bhavadR^ite bhavadarshanaM vinApItyarthaH |
28| sandeshaH |
29| abhava aja iti sambuddhiH | AtmanaH tokamapatyaM aj~naH ahaM svahitechChunA tvayaiva aheriva bhavataH saMsArAnmochya iti yojanA |
30| vinAshaM gachChat asya bhagavataH kAryaM na upekShyam | sadbhiriti sheShaH | sA hi patyuH te atyupAstiH paramopAsanetyarthaH |
31| nipIyate ityasya sadbhiriti kartR^ipadam |
32| mahadbhiriti pAThAntaram |
33| asatyA |
34| vAlmAkiH |
35| sa ityapekShitamapi mAtR^ikAdvaye.api na dR^ishyate |
36| hanUmatastvayA kushasya lavasya vA mantriShu padaM na dattamiti bhAvaH
37| \ldq{}bhavAn kR^itasho na dayAlurna \ldq{}iti pAThAntaram |
38| anujaH lakShmaNaH, dArAH sItA mArutishcha tAMstyajateti yojanIyam |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}