% Text title            : Shri Ramavarnamalika Stotram
% File name             : rAmavarNamAlikAstotram.itx
% Category              : raama, varNamAlA
% Location              : doc\_raama
% Author                : rAmabhadradIkShita
% Proofread by          : Aruna Narayanan narayanan.aruna at gmail.com
% Description/comments  : From stotrArNavaH 04-18
% Latest update         : September 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramavarnamalika Stotram ..}##
\itxtitle{.. shrIrAmavarNamAlikAstotram ..}##\endtitles ## 
antassamastajagatAM yamanupraviShTa\-
     mAchakShate maNigaNeShviva sUtramAryAH |
taM kelikalpitaraghUdvaharUpamAdyaM
     pa~NkeruhAkShamanishaM sharaNaM prapadye || 1||
AmnAyashailashikharaikaniketanAya
     vAlmIkivAgjalanidhipratibimbitAya |
kAlAmbudAya karuNArasamedurAya
     kasmaichidastu mama kArmukiNe praNAmaH || 2||
induprasAdamavataMsayatA tadIyaM
     chApaM kare hutavahaM vahatA hareNa |
sha~Nke jagattrayamanugrahanigrahAbhyAM
     saMyojyate raghupate samayAntareShu || 3||
IdR^igvidhastvamiti veda na so.api vedaH
     shakto.antikasthitamavekShitumuttamA~Nge |
shrotuM kShamaM na kudR^ishekShitumapyatastvAM
     sarve vidantu kathamIsha kathaM stuvantu || 4||
uShNAMshubimbamudadhismayaghasmarAstra
     grAvA cha tulyamajaniShTa gR^ihaM yathA te |
vAlmIkivAgapi maduktirapi prabhuM tvAM
     deva prashaMsati tathA yadi ko.atra doShaH || 5||
UDhaH purAsi vinatAnvayasambhavena
     deva tvayA kimadhunApi tathA na bhAvyam |
pUrve janA mama vinemurasaMshayaM tvAM
     jAnAsi rAghava tadanvayasambhavaM mAm || 6||
R^ikShaM plava~Ngamapi rakShasi chenmahAtman
     vipreShu kiM punarathApi na vishvasAma |
atrAparAdhyati kila 1 prathamadvitIyau
     varNau tavaudanatayA 2 nigamo vivR^iNvan || 7||
nR^INAM na kevalamasi tridivaukasAM tvaM
     rAjA yamArkamaruto.api yatastrasanti |
dInasya vA~Nmama tathA vitate tava syAt
     karNe raghUdvaha yataH kakubho.api jAtAH || 8||
klR^iptAmapi vyasaninIM bhavitavyatAM me
     nAthAnyathA kuru tava prabhutAM didR^ikShoH |
chakre shilApi taruNI bhavatA tadAstAM
     mAyApi yaddhaTayate tava durghaTAni || 9||
ekaM bhavantamR^iShayo viduradvitIyaM
     jAnAmi kArmukAmahaM tu tava dvitIyam |
shrutyAshritA jagati yadguNaghoShaNA sA
     dUrIkaroti duritAni samAshritAnAm || 10||
aishaM sharAsamachalopamamikShuvallI\-
     bha~njaM babha~nja phila yastava bAhudaNDaH |
tasya tvashItakaravaMshavataMsa shaMsa
     kiM duShkaro bhavati me vidhipAshabha~NgaH || 11||
ojastava prahitasheShaviShAgnidagdhaiH
     spaShTaM jagadbhirupalabhya bhayAkulAnAm (? ) |
gItoktibhistvayi nirasya manuShyabuddhiM
     deva stuto.asi vidhiviShNuvR^iShadhjAnAm || 12||
autkaNThyamasti dashakaNTharipo mamaikaM
     drakShyAmi tAvakapadAmburuhaM kadeti |
apyeti karma nikhilaM mama yatra dR^iShTe
     lInAshcha yatra yatibhiH saha matkulInAH || 13||
ambhonidhAvavadhimatyavakIrya bANAn
     kiM labdhavAnasi nanu shvashurastavAyam |
iShTApanetumathavA yadi bANakaNDU\-
     rdevAyamasyanavadhirmama dainyasindhuH || 14||
ashrAntamarhati tulAmamR^itAMshubimbaM
     bhagnAmbujadyutimadena bhavanmukhena |
asmAdabhUdanala ityakR^itoktirIsha
     satyA kathaM bhavatu sAdhuvivekabhAjAm || 15||
kalyANamAvahatu naH kamalodarashrI\-
     rAsannavAnarabhaTaughagR^ihItasheShaH |
shliShyan munIn praNatadevashiraHkirITa\-
     dAmni skhalan dasharathAtmaja te kaTAkShaH || 16||
##Footnote##
 1\. brAhmaNakShatriyau | \ldq{}yasya brahma cha kShatraM cha
      ubhe bhavata odanaH\rdq{} iti kaThavAlliranusandheyA |

khaMvAyuragnirudakaM pR^ithivI cha shabdaH
     sparshashva rUparasagandhamapi tvameva |
\.\.\.\.\.\.\.\.\. dayayAtmabandho
     dhatse vapuH sharasharAsabhR^idabdanIlam || 17||
ga~NgA punAti raghupu~Ngava yatprasUtA
     yadreNunA cha pupuve yaminaH kalatram |
tasya tvada~Nghrikamalasya niShevayA syAM
     pUto yathA punaraghe.api tathA prasIda || 18||
ghaNTAghaNa~NghaNitakoTisharAsanaM te
     luNTAkamastu vipadAM mama lokanAtha |
jihvAlutAM vahati yadbhujago ripUNAM
     uShNairasR^igbhirudarambhariNA shareNa || 19||
prA~NsyavA~Nsi paresha tathAsi tiryak
     brUmaH kimanyadakhilA api jantavo.asi |
ekakramepi tava vA bhuvi na mriyante (? )
     mandasya rAghava sahasva mamAparAdham || 20||
chaNDAnilavyatikarakShubhitAmbuvAha\-
     dambholipAtamiva dAruNamantakAlam |
smR^itvApi sambhavinamudvijate na dhanyo
     labdhvA sharaNyamanaraNyakuleshvaraM tvAm || 21||
ChannaM nijaM kuhanayA mR^igarUpabhAjo
     nakta~ncharasya na kimAvirakAri rUpam |
tvatpatriNApi raghuvIra mamAdya mAyA\-
     gUDhasvarUpavivR^itau tava kaH prayAsaH || 22||
jantoH kila tvadabhidhA mama karNikAyAM
     karNejapan harati kashchana pa~nchakoshAn |
ityAmananti raghuvIra tato bhavantaM
     rAjAdhirAja iti vishvasimaH kathaM vA || 23||
jha~NkAribhR^i~NgakamalopamitaM padaM te
     chArustavapravaNachAraNakinnaraugham |
jAnAmi rAghava jalAshayavAsayogyaM
     svairaM vasettadadhunaiva jalAshaye me || 24||
j~nAnena muktiriti nishchitamAgamaj~nai\-
     rj~nAnaM kva me bhavatu dustyajavAsanasya |
devAbhayaM vitara kiM nu sakR^itprapattyA
     mahyaM na vismara puraiva kR^itAM pratij~nAm || 25||
Ta~NkAramIsha bhavadIyasharAsanasya
     jyAsbhAlanena janitaM nigamaM pratImaH |
yenaiva rAghava bhavAnavagamya mAsa\-
     trAsaM nirasya sukhamAtanute budhAnAm || 26||
ThAtkR^itya maNDalamakhaNDi yaduShNabhAno\-
     rdeva tvadastradalitairyudhi yAtudhAnaiH |
sha~Nke tatastava padaM vidalayya vegA\-
     ttairadbhutaM pratikR^itirvidadhe vadhasya || 27||
DimbhastavAsmi raghuvIra tathA dayasva
     labhyaM yathA kushalavatvamapi kShitau me |
ki~nchinmano mayi nidhehi tava kShataM kiM
     vyarthA bhavatvamanasaM gR^iNatI shrutistvAm || 28||
DhakkAM tvadIyayashasA madhunApi shR^iNmaH
     prAchetasasya bhaNitiM bharatAgrajanman |
satye yashastava shR^iNoti mR^ikaNDusUno\-
     rdhAtApyato jagati ko hi bhavAdR^isho.anyaH || 29||
trANaM samastajagatAM tava kiM na kAryaM
     sA kiM na tatra karaNaM karuNA tavaiva |
AkhyAti kAryakaraNe tava neti yA vA~N\-
     mukhyA na sA raghupate bhavati shrutInAm || 30||
tattvampade padamasIti cha yAni deva
     teShAM yadasmyabhilaShannupalabdhumarthAn |
seve padadvayamato mR^idulaM na vAdau
     yaddAruNairapi tato bhavadarthalAbhaH (? ) || 31||
prothaM yadudvahasi bhUmivahaikadaMShTraM
     vishvaprabho vighaTitAbhraghaTAH saTA vA |
rUpaM tadudbhaTamapAsya ruchAsi diShTyA
     tvaM shambarArirapi kaitavashambarAriH (? ) || 32||
dagdhvA nishAcharapurI prathitastavaiko
     bhakteShu dAnavapuratritayaM tathAnyaH |
tva~nchAsharAvyurasamasyaguNaiH prabho me
     puryaShTakaprashamanena labhasva kIrtim (? ) || 33||
dhatte shirAMsi dasha yassukaro vadho.asya
     kiM na tvayA nigamagItasahastramUrdhnA |
mohaM mamAmitapadaM yadi deva hanyAH
     kIrtistadA tava sahasrapado bahuH syAt || 34||
namrasya me bhava vibho svayameva nAtho
     nAtho bhava tvamiti chodayituM bibhemi |
yena svasA dashamukhasya niyojayantI
     nAtho bhava tvamiti nAsikayA vihInA || 35||
paryAkulo.asmi kila pAtakameva kurvan
     dInaM tataH karuNayA kuru mAmapApam |
kartuM raghUdvaha nadInamapApamurvyAM
     shaktastvamityayamapaiti na lokavAdaH || 36||
phalgUni yadyapi phalAni na lipsate me
     chetaH prabho tadapi no bhajati prakR^ityA |
mUrtyantaraM vrajavadhUjanamohanaM te
     jAnAti phalgu na phalaM bhuvi yatpradAtum || 37||
barhishChadagrathitakeshamanarhaveSha\-
     mAdAya gopavanitAkuchaku~NkumA~Nkam |
hrINo na rAghava bhavAn yadataH pratImaH
     patnyA hriyA virahito.asi purA shriyeva || 38||
bhadrAya me.astu tava rAghava bodhamudrA
     vidrAvayantyakhilamAntaramandhakAram |
mantrasya te paripunanti jagadyathASha\-
     DaShTAkSharANya(pi tathaiva) vivR^iNvatI sA || 39||
mandaM nidhehi hR^idi me bhagavannaTavyAM
     pAShANakaNTakasahiShNu padAmbujaM te |
a~NguShThamAtramathavAtra nidhAtumarha\-
     syAkrAntadundubhitanUkaThinAsthikUTam || 40||
yaj~nena deva tapasA yadanAshakena
     dAnena cha dvijagaNairvividiShyase tvam |
bhAgyena me janitR^iShA tadidaM yatastvAM
     chApeShubhAk paramabudhyata jAmadagnyaH || 41||
ramyojjvalastava purA raghuvIra dehaH
     kAmaprado yadabhavat kamalAlayAyai |
chitraM kimatra charaNAmbujareNurekhA
     kAmaM dadau na munaye kimu gautamAya || 42||
la~NkeshavakShasi nivishya yathA sharaste
     mandodarIkuchataTImaNihArachoraH |
shuddhe satAM hR^idi gatastvamapi prabho me
     chitte tathA hara chirovanatAmavidyAm || 43||
vande tavA~NghrikamalaM shvashuraM payodhe\-
     stAtaM bhuvashcha raghupu~Ngava rekhayA yat |
vajraM bibharti bhajadArtigiriM vibhettuM
     vidyAM natAya vitareyamiti dhvajaM cha || 44||
shambhuH svayaM niradishadgirikanyakAyai
     yannAma rAma tava nAmasahasratulyam |
arthaM bhavantamapi tadvahadekameva
     chitraM dadAti gR^iNate chaturaH kilArthAn || 45||
ShaT te vidhiprabhR^itibhiH samavekShitAni
     mantrAkSharANi R^iShibhirmanuvaMshaketo |
ekena yAni guNitAnyapi mAnasena
     chitraM nR^iNAM tridashatAmupalambhayanti || 46||
sargasthitipralayakarmasu chodayantI
     mAyA guNatrayamayI jagato bhavantam |
brahmeti viShNuriti rudra iti tridhA te
     nAma prabho dishati chitramajanmano.api || 47||
haMso.asi mAnasacharo mahatAM yatastvaM
     sambhAvyate kIla tatastava pakShapAtaH |
mayyenamarpaya na chedraghunandana ? ?
     jiShNorapi tribhuvane samava ? ?|| 48||
lakShmIryato.ajani yathaiva jalAshayAnA\-
     meko ruShA tava tathA kR^ipayApi kAryaH |
anyo.api kashchiditi chedahameva varte
     tAdR^igvidhastapanavaMshamaNe kimanyaiH || 49||
kShantuM tvamarhasi raghUdvaha me.aparAdhAn
     sarvaMsahA nanu vadhUrapi te purANI |
vAsAlayaM cha nanu hR^itkamalaM madIyaM
     kAntAparApi na hi kiM kamalAlayA te || 50||
itthaM mama stuvadamartyanigadyamAna\-
     trayyantamantramukharIkR^itapAdapITha |
rAjAdhirAja kR^ipayA raghuvIra varNa\-
     mAlAstavaM tvamavakarNayituM prasIda || 51||

iti shrImadrAmabhadradIkShitavirachitaM shrIrAmavarNamAlikAstotraM sampUrNam |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}