% Text title : rAmodantam % File name : rAmodantam.itx % Category : raama, stotra % Location : doc\_raama % Author : Parameshwara Kavi or Vasudeva Sastri from Kerala % Transliterated by : Christophe Vielle, P. P. Narayanaswami swami at mun.ca % Proofread by : P. P. Narayanaswami swami at mun.ca % Description-comments : khaNDakAvyam % Latest update : February 21, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Ramodantam ..}## \itxtitle{.. shrIrAmodantam ..}##\endtitles ## || atha bAlakANDaH || shrIpatiM praNipatyAhaM shrIvatsA~NkitavakShasam | shrIrAmodantamAkhyAsye shrIvAlmIkiprakIrtitam || 1|| purA vishravasaH putro rAvaNo nAma rAkShasaH | AsIdasyAnujau chAstAM kumbhakarNavibhIShaNau || 2|| te tu tIvreNa tapasA pratyakShIkR^itya vedhasam | vavrire cha varAniShTAnasmAdAshritavatsalAt || 3|| rAvaNo mAnuShAdanyairavadhyatvaM tathAnujaH | nirdevatvechChayA nidrAM kumbhakarNo.avR^iNIta cha || 4|| vibhIShaNo viShNubhaktiM vavre sattvaguNAnvitaH | tebhya etAnvarAndattvA tatraivAntardadhe prabhuH || 5|| rAvaNastu tato gatvA raNe jitvA dhanAdhipam | la~NkApurIM puShpakaM cha hR^itvA tatrAvasatsukham || 6|| yAtudhAnAstataH sarve rasAtalanivAsinaH | dashAnanaM samAshritya la~NkAyAM sukhamAvasan || 7|| mandodarIM mayasutAM pariNIya dashAnanaH | tasyAmutpAdayAmAsa meghanAdAhvayaM sutam || 8|| rasAM rasAtalaM chaiva vijitya sa tu rAvaNaH | lokAnAkramayan sarvA~njahAra cha vilAsinIH || 9|| dUShayanvaidikaM karma dvijAnardayati sma saH | AtmajenAnvito yuddhe vAsavaM chApyapIDayat || 10|| tadIyataruratnAni punarAnAyya ki~NkaraiH | sthApayitvA tu la~NkAyAmavasachcha chirAya saH || 11|| tatastasminnavasare vidhAtAraM divaukasaH | upagamyochire sarvaM rAvaNasya vicheShTitam || 12|| tadAkarNya suraiH sAkaM prApya dugdhodadhestaTam | tuShTAva cha hR^iShIkeshaM vidhAtA vividhaiH stavaiH || 13|| AvirbhUyAtha daityAriH paprachCha cha pitAmaham | kimarthamAgato.asi tvaM sAkaM devagaNairiti || 14|| tato dashAnanAtpIDAmajastasmai nyavedayat | tachChrutvovAcha dhAtAraM harShayanviShTarashravAH || 15|| alaM bhayenAtmayone gachCha devagaNaiH saha | ahaM dAsharathirbhUtvA haniShyAmi dashAnanam || 16|| AtmAMshaishcha surAH sarve bhUmau vAnararUpiNaH | jAyeranmama sAhAyyaM kartuM rAvaNanigrahe || 17|| evamuktvA vidhAtAraM tatraivAntardadhe prabhuH | padmayonistu gIrvANaiH samaM prAyAtprahR^iShTadhIH || 18|| ajIjanattataH shakro vAlinaM nAma vAnaram | sugrIvamapi mArtANDo hanumantaM cha mArutaH || 19|| puraiva janayAmAsa jAmbavantaM cha padmajaH | evamanye cha vibudhAH kapInajanayanbahUn || 20|| tato vAnarasa~NghAnAM vAlI parivR^iDho.abhavat | amIbhirakhilaiH sAkaM kiShkindhAmadhyuvAsa cha || 21|| AsIddasharatho nAma sUryavaMshe.atha pArthivaH | bhAryAstisro.api labdhvAsau tAsu lebhe na santatim || 22|| tataH sumantravachanAdR^iShyashR^i~NgaM sa bhUpatiH | AnIya putrakAmeShTimArebhe sapurohitaH || 23|| athAgnerutthitaH kashchidgR^ihItvA pAyasaM charum | etatprAshaya patnIstvamityuktvA.adAnnR^ipAya saH || 24|| tad{}gR^ihItvA tadaivAsau patnIH prAshayadutsukaH | tAshcha tatprAshanAdeva nR^ipAdgarbhamadhArayan || 25|| pUrNe kAle.atha kausalyA sajjanAmbhojabhAskaram | ajIjanadrAmachandraM kaikeyI bharataM tathA || 26|| tato lakShmaNashatrughnau sumitrAjIjanatsutau | akArayatpitA teShAM jAtakarmAdikaM dvijaiH || 27|| tato vavR^idhire.anyonyaM snigdhAshchatvAra eva te | sakalAsu cha vidyAsu naipuNyamabhilebhire || 28|| tataH kadAchidAgatya vishvAmitro mahAmuniH | yayAche yaj~narakShArthaM rAmaM shaktidharopamam || 29|| vasiShThavachanAdrAmaM lakShmaNena samanvitam | kR^ichChreNa nR^ipatistasya kaushikasya kare dadau || 30|| tau gR^ihItvA tato gachChanbalAmatibalAM tathA | astrANi cha samagrANi tAbhyAmupadidesha saH || 31|| gachChansahAnujo rAmaH kaushikena prachoditaH | tATakAmavadhIddhImAn lokapIDanatatparAm || 32|| tataH siddhAshramaM prApya kaushikaH saharAghavaH | adhvaraM cha samArebhe rAkShasAshcha samAgaman || 33|| rAghavastu tato.astreNa kShiptvA mArIchamarNave | subAhupramukhAn hatvA yaj~naM chApAlayanmuneH || 34|| kaushikena tato rAmo nIyamAnaH sahAnujaH | ahalyAshApanirmokShaM kR^itvA samprApa maithilam || 35|| janakenArchito rAmaH kaushikena prachoditaH | sItAnimittamAnItaM babha~nja dhanuraishvaram || 36|| tato dasharathaM dUtairAnAyya mithilAdhipaH | rAmAdibhyastatsutebhyaH sItAdyAH kanyakA dadau || 37|| tato guruniyogena kR^itodvAhaH sahAnujaH | rAghavo niryayau tena janakenoru mAnitaH || 38|| tadAkarNya dhanurbha~NgamAyAntaM roShabhIShaNam | vijitya bhArgavaM rAmamayodhyAM prApa rAghavaH || 39|| tataH sarvajanAnandaM kurvANashcheShTitaiH svakaiH | tAmadhyuvAsa kAkutsthaH sItayA sahitaH sukham || 40|| || iti shrIrAmodante bAlakANDaH samAptaH || \medskip\hrule\medskip || atha ayodhyAkANDaH || etasminnantare gehaM mAtulasya yudhAjitaH | prayayau bharataH prItaH shatrughnena samanvitaH || 1|| tataH prakR^itibhiH sAkaM mantrayitvA sa bhUpatiH | abhiShekAya rAmasya samArebhe mudAnvitaH || 2|| kaikeyI tu mahIpAlaM mantharAdUShitAshayA | varadvayaM purA dattaM yayAche satyasa~Ngaram || 3|| vanavAsAya rAmasya rAjyAptyai bharatasya cha | tasyA varadvayaM kR^ichChramanujaj~ne mahIpatiH || 4|| rAmaM tadaiva kaikeyI vanavAsAya chAdishat | anuj~nApya gurUnsarvAnniryayau cha vanAya saH || 5|| dR^iShTvA taM nirgataM sItA lakShmaNashchAnujagmatuH | santyajya svagR^ihAnsarve paurAshchAnuyayurdrutam || 6|| va~nchayitvA tu tAnpaurAnnidrANAnnishi rAghavaH | ##var - ## kR^ishAn paurAn vAhyamAnaM sumantreNa rathamAruhya chAgamat || 7|| shri~NgiberapuraM gatvA ga~NgAkUle.atha rAghavaH | guhena satkR^itastatra nishAmekAmuvAsa cha || 8|| sArathiM saMnimantryAsau sItAlakShmaNasaMyutaH | guhenAnItayA nAvA santatAra cha jAhnavIm || 9|| bharadvAjamuniM prApya taM natvA tena satkR^itaH | rAghavastasya nirdeshAchchitrakUTe.avasatsukham || 10|| ayodhyAM tu tato gatvA sumantraH shokavihvalaH | rAj~ne nyavedayatsarvaM rAghavasya vicheShTitam || 11|| tadAkarNya sumantroktaM rAjA duHkhavimUDhadhIH | rAmarAmeti vilapandehaM tyaktvA divaM yayau || 12|| mantriNastu vasiShThoktyA dehaM saMrakShya bhUpateH | dUtairAnAyayan kShipraM bharataM mAtulAlayAt || 13|| bharatastu mR^itaM shrutvA pitaraM kaikayIgirA | saMskArAdi chakArAsya yathAvidhi sahAnujaH || 14|| amAtyaishchodyamAno.api rAjyAya bharatastadA | vanAyaiva yayau rAmamAnetuM nAgaraiH saha || 15|| sa gatvA chitrakUTasthaM rAmaM chIrajaTAdharam | yayAche rakShituM rAjyaM vasiShThAdyairdvijaiH saha || 16|| chaturdasha samA nItvA punareShyAmyahaM purIm | ## var aiShyAmi ## punaraiShyAmyahaM ityuktvA pAduke dattvA taM rAmaH pratyayApayat || 17|| gR^ihItvA pAduke tasmAdbharato dInamAnasaH | nandigrAme sthitastAbhyAM rarakSha cha vasundharAm || 18|| rAghavastu girestasmAdgatvA.atriM samavandata | tatpatnI tu tadA sItAM bhUShaNaiH svairabhUShayat || 19|| uShitvA tu nishAmekAmashrame tasya rAghavaH | vivesha daNDakAraNyaM sItAlakShmaNasaMyutaH || 20|| || iti shrIrAmodante ayodhyAkANDaH samAptaH || \medskip\hrule\medskip || atha AraNyakANDaH || vrajanvanena kAkutstho virAdhaM vidhichoditam | sadArAnujamAtmAnaM harantamavadhIttadA || 1|| sharabha~NgAshramaM prApya svargatiM tasya vIkShya saH | pratijaj~ne rAkShasAnAM vadhaM munibhirarthitaH || 2|| tasmAdgatvA sutIkShNaM cha praNamyAnena pUjitaH | agastyasyAshramaM prApya taM nanAma raghUttamaH || 3|| rAmAya vaiShNavaM chApamaindraM tUNIyugaM tathA | brAhmaM chAstraM cha khaDgaM cha pradadau kumbhasambhavaH || 4|| tataH sa gachChankAkutsthaH samAgamya jaTAyuSham | vaidehyAH pAlanAyainaM shraddhadhe pitR^ivallabham || 5|| tataH pa~nchavaTIM prApya tatra lakShmaNanirmitAm | parNashAlAmadhyuvAsa sItayA sahitaH sukham || 6|| tatrAbhyetyaikadA rAmaM vavre shUrpaNakhA.abhikA | tannirastA lakShmaNaM cha vavre so.api nirAkarot || 7|| rAmameva tato vavre kAmArtA kAmasannibham | punashcha dhikkR^itA tena sItAmabhyadravadruShA || 8|| lakShmaNena tadA roShAtkR^ittashravaNanAsikA | sA tu gatvA janasthAnaM kharAyaitannyavedayat || 9|| tadAkarNya kharaH kruddho rAghavaM hantumAyayau | dUShaNatrishiromukhyairyAtudhAnaiH samanvitaH || 10|| tatkShaNaM lakShmaNe sItAM nidhAya raghunandanaH | kharaM sahAnugaM sa~Nkhye jaghAnAlaghuvikramaH || 11|| tataH shUrpaNakhA gatvA la~NkAM shokasamanvitA | nyavedayadrAvaNAya vR^ittAntaM sarvamAditaH || 12|| tachChrutvA rAvaNaH sItAM hartuM kR^itamatistadA | mArIchasyAshramaM prApya sAhAyye tamachodayat || 13|| so.api svarNamR^igo bhUtvA sItAyAH pramukhe.acharat | sA tu taM mR^igamAhartuM bhartAraM samayAchata || 14|| niyujya lakShmaNaM sItAM rakShituM raghunandanaH | anvagachChanmR^igaM tUrNaM dravantaM kAnanAntare || 15|| vivyAdha cha mR^igaM rAmaH sa nijaM rUpamAsthitaH | hA sIte lakShmaNetyevaM rudanprANAnsamatyajat || 16|| etadAkarNya vaidehyA lakShmaNashchodito bhR^isham | tadrakShAM devatAH prArthya prayayau rAghavAntikam || 17|| tadantare samAsAdya rAvaNo yatirUpadhR^it | sItAM gR^ihItvA prayayau gaganena mudA.anvitaH || 18|| tato jaTAyurAlokya nIyamAnAM tu jAnakIm | prAharadrAvaNaM prApya tuNDapakShanakhairbhR^isham || 19|| ChittvainaM chandrahAsena pAtayitvA cha bhUtale | gR^ihItvA rAvaNaH sItAM prAvishannijamandiram || 20|| ashokavanikAmadhye saMsthApya janakAtmajAm | rAvaNo rakShituM chainAM niyuyoja nishAcharIH || 21|| hatvA rAmastu mArIchamAgachChannanujeritAm | vArttAmAkarNya duHkhArtaH parNashAlAmupAgamat || 22|| adR^iShTvA tatra vaidehIM vichinvAno vanAntare | sahAnujo gR^idhrarAjaM ChinnapakShaM dadarsha saH || 23|| tenoktAM jAnakIvArttAM shrutvA pashchAnmR^itaM cha tam | dagdhvA sahAnujo rAmashchakre tasyodakakriyAm || 24|| Atmano.abhibhavaM pashchAtkurvatIM pathi lakShmaNaH | ayomukhIM chakArAshu kR^ittashravaNanAsikAm || 25|| gR^ihItau tau kabandhena bhujau tasya nyakR^intatAm | tatastu yAchitau tena taddehaM dehatushcha tau || 26|| sa tu divyAkR^itirbhUtvA rAmaM sItopalabdhaye | sugrIvamR^iShyamUkasthaM yAhItyuktvA divaM yayau || 27|| tataH prIto raghushreShThaH shabaryAshramamabhyayAt | tayA.abhipUjitaH pashchAtpampAM prApa salakShmaNaH || 28|| || iti shrIrAmodante AraNyakANDaH samAptaH || \medskip\hrule\medskip || atha kiShkindhAkANDaH || hanUmAnatha sugrIvanirdiShTo rAmalakShmaNau | prApya j~nAtvA tu vR^ittAntaM tena tau samayojayat || 1|| ##var - ## shrutvA tato rAmasya vR^ittAntaM sugrIvAya nivedya saH | sakhyaM cha kArayAmAsa tayoH pAvakasannidhau || 2|| pratijaj~ne tadA rAmo haniShyAmIti vAlinam | darshayiShyAmi vaidehImityanyena cha saMshrutam || 3|| sugrIveNAtha rAmAya bhrAtR^ivairasya kAraNam | niveditamasheShaM cha balAdhikyaM cha tasya tat || 4|| tatkShaNaM dundubheH kAyaM sugrIveNa pradarshitam | sudUraM preShayAmAsa pAdA~NguShThena rAghavaH || 5|| punashcha darshitAMstena sAlAnsapta raghUttamaH | bANenaikena chichCheda sArdhaM tasyAnusha~NkayA || 6|| kiShkindhAM prApya sugrIvasato rAmasamanvitaH | jagarjAtIva saMhR^iShTaH kopayan vAnarAdhipam || 7|| vAlI niShkramya sugrIvaM samare.apIDayadbhR^isham | so.api sambhagnasarvA~NgaH prAdravadrAghavAntikam || 8|| kR^itachihnastu rAmeNa punareva sa vAlinam | raNAyAhvayata kShipraM tasthau rAmastirohitaH || 9|| hemamAlI tato vAlI tArayA.abhihitaM hitam | nirasya kupito bhrAtrA raNaM chakre sudAruNam || 10|| bANena vAlinaM rAmo viddhvA bhUmau nyapAtayat | so.api rAma iti j~nAtvA tyaktvA dehaM divaM yayau || 11|| pashchAttapantaM sugrIvaM samAshvAsya raghUttamaH | vAnarANAmadhipatiM chakArAshritavatsalaH || 12|| tato mAlyavataH pR^iShThe rAmo lakShmaNasaMyutaH | uvAsa chaturo mAsAnsItAvirahaduHkhitaH || 13|| atha rAmasya nirdeshAllakShmaNo vAnarAdhipam | AnayatplavagaiH sArdhaM hanUmatpramukhairgirim || 14|| sugrIvo rAghavaM dR^iShTvA vachanAttasya vAnarAn | nyayu~Nkta sItAmanveShTumAshAsu chatasR^iShvapi || 15|| tato hanumataH pANau dadau rAmo.a~NgulIyakam | vishvAsAya tu vaidehyAstadgR^ihItvA sa niryayau || 16|| tato hanUmatpramukhAH vAnarA dakShiNAM disham | gatvA sItAM vichinvantaH parvataM vindhyamApnuvan || 17|| samayAtikramAttatra chakruH prAyopaveshanam | te.atra sampAtinA proktAM sItAvArttAM cha shushruvuH || 18|| tataH prApurudanvantama~NgadAdyAH plava~NgamAH | taM vila~NghayituM teShAM na kashchidabhavatkShamaH || 19|| svaprabhAvaprashaMsAbhistadA jAmbavaduktibhiH | saMvardhito mahendrAdrimArurohAnilAtmajaH || 20|| || iti shrIrAmodante kiShkindhAkANDaH samAptaH || \medskip\hrule\medskip || atha sundarakANDaH || abhivandyAtha sakalAnamarAnpavanAtmajaH | pupluve cha girestasmAdvila~NghayitumarNavam 1|| sa samulla~Nghya mainAkaM surasAmabhivandya cha | nihatya siMhikAM nItyA pAraM prApa mahodadheH || 2|| la~NkAdhidevatAM jitvA tAM pravishyAnilAtmajaH | sItAM vichinvannadrAkShInnidrANaM nishi rAvaNam || 3|| apashyaMstatra vaidehIM vichinvAnastatastataH | ashokavanikAM gatvA kAM chidArtAM dadarsha saH || 4|| ##var - ## sItAM khinnAM pAdapaM ka~nchidAruhya tatpalAshaiH susaMvR^itaH | Aste sma mArutistatra sIteyamiti tarkayan || 5|| rAvaNastu tadA.abhyetya maithilIM madanArditaH | bhAryA bhava mametyevaM bahudhA samayAchata || 6|| ahaM tvadvashagA na syAmityeShA taM nirAkarot | ##var - ## tvadanugA kAmamanyuparItAtmA rAvaNo.api tadA yayau || 7|| nirgate rAvaNe sItAM pralapantIM sa mArutiH | uktvA rAmasya vR^ittAntaM pradadau chA~NgulIyakam || 8|| tatsamAdAya vaidehI vilapya cha bhR^ishaM punaH | chUDAmaNiM dadau tasya kare jagrAha so.api tam || 9|| mA viShAdaM kR^ithA devi rAghavo rAvaNaM raNe | hatvA tvAM neShyatItyenAmAshvAsya sa viniryayau || 10|| nItimAn so.api sa~nchintya babha~njopavanaM cha tat | akShAdIni cha rakShAMsi bahUni samare.avadhIt || 11|| tataH shakrajitA yuddhe baddhaH pavananandanaH | pratApaM raghunAthasya rAvaNAya nyavedayat || 12|| ##var - ## rAvaNaM taM rakShodIpitalA~NgUlaH sa tu la~NkAmasheShataH | dagdhvA sAgaramuttIrya vAnarAnsamupAgamat || 13|| sa gatvA vAnaraiH sAkaM rAghavAyAtmanA kR^itam | nivedayitvA sakalaM dadau chUDAmaNiM cha tam || 14|| || iti shrIrAmodante sundarakANDaH samAptaH || \medskip\hrule\medskip || atha yuddhakANDaH || athAsa~NkhyaiH kapigaNaiH sugrIvapramukhaiH saha | niryayau rAghavastUrNaM tIraM prApa mahodadheH || 1|| tadA vibhIShaNo bhrAtrA tyakto rAmamupAgamat | la~NkAdhipatye.abhyaShi~nchadenaM rAmo.arimardanaH || 2|| dattamArgaH samudreNa tatra setuM nalena saH | ##var - ## uktamArgaH kArayitvA tena gatvA suvelaM prApa parvatam || 3|| tato rAghavanirdiShTA nIlamukhyAH plava~NgamAH | rurudhuH sarvato la~NkAM vR^ikShapAShANapANayaH || 4|| rAvaNasya niyogena nirgatAnyudhi rAkShasAn | prahastapramukhAnhatvA neduste siMhavikramAH || 5|| sugrIvashcha hanUmAMshcha tathA rAghavalakShmaNau | rAkShasAnsubahUnyuddhe jaghnurbhImaparAkramAH || 6|| rAvaNistu tadA.abhyetya samare rAmalakShmaNau | ##var - ## tadA.abhetya nanAha nAgapAshena nAgAristau vyamochayat || 7|| rAvaNo.api tato yuddhe rAghaveNa parAjitaH | kumbhakarNaM prabodhyAshu rAmaM hantuM nyayu~Nkta cha || 8|| ## NOTE: at this point in yuddha kANDaM, after shloka 8, there are two different versions available from different editions VERSION 1 (only 14 shlokas after shloka 8) Reference: SiddharUpam (In Malayalam) ## rakShobhissaha niryAya bhakShayantaM plava~NgamAn | sahAnugaM kumbhakarNaM jaghAnAshu sa rAghavaH || 9|| indrajitpunarapyAjau sAnujaM cha raghUttamam | amohayadvAnarAMshcha brahmAstreNAstrakovidaH || 10|| tadaiva gatvA hanumAnAnIyauShadhiparvatam | tAnsarvAnbodhayitvA.a.ashu tatsthAne.asthApayachcha tam || 11|| tato nikumbhilAM gatvA saumitriH savibhIShaNaH | niShiddhyendrajito homaM saMyuge taM jaghAna cha || 12|| tachChrutvA rAvaNaH kruddho niryAya sharavR^iShTibhiH | plava~NgamAnpIDayitvA rAmeNa yuyudhe bhR^isham || 13|| rAmo.api suchiraM tena kR^itvA yuddhaM sudAruNam | brahmAstreNa jaghAnainaM brahmadattavaraM ripum || 14|| tadA shakrAdayo devA hR^iShTA rAvaNanigrahAt | raghUttamasyottamA~Nge puShpavR^iShTimakurvata || 15|| rAkShasAnAmadhipatiM kR^itvA rAmo vibhIShaNam | agnipraveshasaMshuddhAM parijagrAha maithilIm || 16|| purandaravareNAshu jIvayitvA plava~NgamAn | atoShayadraghushreShTho vividhairdhanasa~nchayaiH || 17|| tataH puShpakamAruhya sasItaH sahalakShmaNaH | niryayau vAnaraissAkaM rAmo rakSho.adhipena cha || 18|| ayodhyAM pratyasau gachChanpreShayitvAnilAtmajam | bharatasya mataM j~nAtvA nandigrAmamupAgamat || 19|| bhrAtR^ibhiH saha sa~Ngamya veShaM santyajya tApasam | ayodhyAM prAvishadrAmaH prItairbandhujanaissaha || 20|| vasiShTho.atha dvijaissAkaM mantrisAmantasannidhau | sItayA sahitaM rAmamabhyaShi~nchadyathAvidhi || 21|| AhlAdaya~njagatsarvaM paurNamAsyAM shashI yathA | ayodhyAmavasadrAmaH sItayA sahitashchiram || 22|| ## VERSION 2 (60 shlokas after shloka 8) Reference: ebook from http://hinduebooks.blogspot.com ## tato vAnarasa~NghAMshcha bhakShayantaM nishAcharam | aindreNAstreNa rAmo.api nijaghAna raNe bhR^isham || 9|| tato rAvaNasandiShTau devAntakanarAntakau | hanUmada~NgadAbhyAM tu nihatau raNamUrdhani || 10|| athAtikAyamAyAntaM rathamAruhya vAhinIm | ardayantaM mahAkAyaM lakShmaNashchAvadhIchCharaiH || 11|| tato rAvaNasandiShTaH shakrajidrAghavau raNe | brahmAstreNa cha tau baddhvA vAnarAMshchAvadhIchCharaiH || 12|| atha jAmbavato vAkyAdgatvA chauShadhiparvatam | mArutishchauShadhIstatrAdR^iShTvA kopaM chakAra saH || 13|| ##var - ## chachAra bhUdharaM taM samutpATya gR^ihItvA punarAgataH | tAsAM gandhena vai sarvAnrAghavAdInajIvayat || 14|| rAvaNaH kapibhirdagdhAM purIM vIkShya ruShAnvitaH | nyayu~Nkta kumbhakarNasya putrau hantuM cha rAghavau || 15|| athArdayantau tatsainyaM vIkShya tau balashAlinau | kumbhaM rAmo.avadhIdbANairnikumbhaM chAtmajo raveH || 16|| tataH kharAtmajaM tena rAvaNena prachoditam | pIDayantaM kapInbANairjaghAnAstreNa rAghavaH || 17|| tataH santaptahR^idayo rAvaNo yuddhadurmadam | prachodayAmAsa sutaM yuddhe hantuM sa rAghavau || 18|| nagarAnniryayau tUrNamindrajitsamiti~njayaH | mAyAsItAM vinikShipya sarveShAM mohanAya vai || 19|| vAnareShvapi pashyatsu hanUmatpramukheShu cha | jaghAna sItAM khaDgena shitena samiti~njayaH || 20|| yuddhaM tyaktvA tataH sarvairvAnaraiH sa parIvR^itaH | duHkhito hanumAMstatra yatra ramo.avrajallaghu || 21|| upagamyAbravIdrAmaM hanUmAnnikhilaM tadA | shrutvA vR^ittAntamakhilaM rAmo mohamavApa saH || 22|| vibhIShaNo.atha samprApya dR^iShTvA rAmaM cha mUrChitam | viShaNNAnvAnarAnvAchA sAntvayannidamabravIt || 23|| mithyA viShAdaM santyajya jagannAyaka he prabho | shR^iNu me.abhihitaM vAkyaM j~nAtvA rAvaNimAnasam || 24|| durAtmanA kR^itA mAyA rAkShasendrasutena vai | nikumbhilAyAM homaM tu kR^itaM tenAdhunA kila || 25|| lakShmaNaM preShayAdyaiva mayA saha samantriNA | kR^ite home tatra ripurajeyo bhavati dhruvam || 26|| uvAcha rAmaH saumitriM rAkShasendrasutaM jahi | gachCheti shIghraM suhR^idA rAvaNasyAnujena saH || 27|| lakShmaNastu tadA rAmamAmantrya savibhIShaNaH | nikumbhilAM prApa tUrNamindrajidyatra vartate || 28|| adarshayadbhrAtR^iputraM dharmAtmA sa vibhIShaNaH | lakShmaNo bhedayAmAsa rAkShasA~nCharasa~nchayaiH || 29|| kR^itvA chiraM tatra yuddhamaindreNAstreNa vai ruShA | shirashchichCheda saumitrirdashAnanasutasya hi || 30|| sa sutasya vadhaM shrutvA rAvaNaH shokakarshitaH | naShTadhairyo vihvalA~Ngo vilalApAkulendriyaH || 31|| nirarthakaM tu majjanma jalpitaM cha nirarthakam | yenAhamadya pashyAmi hatamindrajitaM raNe || 32|| kva gato.asi hataH shUra mAnuSheNa padAtinA | rAjyAdbhraShTena dInena tyaktvA mAM putra jIvitam || 33|| indraM jitvA tu taM baddhvA la~NkAmAnIya vai balAt | akarostvaM pratApena kArAgR^ihanivAsinam || 34|| mochayAmAsa brahmA tvAM sAntvayitvAmarAdhipam | tAdR^iktvaM kutra mAM tyaktvA gato.adya sudurAsadaH || 35|| kiM kariShyAmyahaM putra kva gachChAmi vadAdhunA | naya mAM yatra gantAsi tatra te na vilambanam || 36|| lokeShu tvatsamo nAsti tAdR^ishasya pitAsmyaham | ityAshayA sthitaM putra garvitena mayAtra hi || 37|| dhUmrAkSho vajradaMShTrashcha kumbhakarNaH pratApavAn | rAkShasA nihatAH sarve prahastapramukhA api || 38|| anAdR^itya tu tAnsarvAnrAkShasAnprahR^itAnapi | avaShTabhya balaM putra sukhenAvasthitaM tava || 39|| ityevaM bahudhA tatra vilapya sa tu rAvaNaH | antarniyamya duHkhAni kopaM chakre sudAruNam || 40|| rathaM sUta mamAgre tvaM kShipraM kuru jayaiShiNaH | rAmaM salakShmaNaM hantuM nirgamiShyAmyahaM gR^ihAt || 41|| ityuktvA rathamAruhya shIghraM sArathivAhitam | rAmeNa saha sa~Ngamya yuddhaM chakre sudAruNam || 42|| tato mAtalinAnItaM rathamaindraM samAruhan | rarAja rAmo dharmAtmA hyudayastho yathA raviH || 43|| chakAra yuddham tumulaM devavR^inde cha pashyati | sItAharaNajAtkopAdrAmo dharmabhR^itAM varaH || 44|| athAgastyasya vachanAdrAvaNaM lokakaNTakam | jaghAna rAmo lakShmIvAnbrAhmeNAstreNa taM raNe || 45|| mandodarI vadhaM shrutvA bhartuH priyatarasya sA | vilalApa raNaM gatvA kurarIva bhR^ishAturA || 46|| vibhIShaNo.atha rAmeNa sandiShTaH saha rAkShasaiH | chakAra dahanaM tasya rAvaNasya gatAyuShaH || 47|| athAgnivachanAtsItAM rAmo vIkShya sunirmalAm | sandiShTo devavR^indaishcha jagrAha pitR^isannidhau || 48|| tavaiva yuktaM karmaitatsarvalokabhaya~Nkaram | tadvaidehyAH kR^ite rAma sA tu lakShmIrbhavAnsvabhUH || 49|| ityevaM devasa~Nghaishcha munibhishchAbhipUjitaH | lakShmaNashcha tutoShAtha rAmo vishvAsamAyayau || 50|| vibhIShaNasya dharmAtmA satyasandha udAradhIH | kArayAmAsa lakShmIvAnanujenAbhiShechanam || 51|| tataH puShpakamAruhya saha mitrairjagatpatiH | bhAryAnujAbhyAM sahitaH kiShkindhAM prApa rAghavaH || 52|| kiShkindhAnilayAH sarvAH kapInAM yoShitaH priyAH | sItAkutUhalAtpuShpaM vimAnaM tAH samAruhan || 53|| atha dAsharathiH shrImAnbharataM draShTumichChayA | bharadvAjAshramaM prAptastatra tena nivAritaH || 54|| bharatasyAntikaM rAmaH preShayAmAsa mArutim | rAmasyAdarshanAdvahnipraveshaM kA~NkShato bhR^isham || 55|| tatra tena munIndreNa sAnujaH sasuhR^idgaNaH | santoShavivashenAtha rAmo.api vidhipUjitaH || 56|| rAmo.atha saha sa~Ngamya bharatenArighAtinA | ayodhyAM prAvishattUrNaM mAtR^ibhishchAbhinanditaH || 57|| athAyodhyAnivAsAste janAH sarve.api toShitAH | abhigamyAbruvanrAmaM dhanyA vayamiti drutam || 58|| chAtakAstu ghanAndR^iShTvA mayUrAshcha yathA shishUn | AsAdya mAtarastoShaM tathA prApurjanA bhuvi || 59|| athAbhiShekaM rAmasya vasiShThAdyA mudA.anvitAH | sahitA mantribhishchakrurvasavo vAsavaM yathA || 60|| abhiShekotsave sarve sugrIvAdyAH kapIshvarAH | yathArhaM pUjitAshchAsan sraggandhAmbarabhUShaNaiH || 61|| vishiShya muktAhAreNa sItayA hanumAnmudam | pUjitashcha tathA lebhe yathA sItAvalokane || 62|| sarvAsAM vAnarINAM cha kausalyA putravatsalA | bhUShaNairbhUShayAmAsa vastrachandanaku~NkumaiH || 63|| rAmAj~nayAtha sarve.api sugrIvAdiplava~NgamAH | kiShkindhAM lebhire kR^ichChrAchChrIrAmavirahAturAH || 64|| atibhakto dIrghajIvI la~NkAsamarasAdhakaH | anuj~nAtaH sa rAmeNa la~NkAM prAyAdvibhIShaNaH || 65|| pitussiMhAsanaM prApya bhrAtR^ibhiH sahito.anaghaH | virarAja tathA rAmo yathA viShNustriviShTape || 66|| lakShmaNAnumate rAmo yauvarAjyaM tu dattavAn | bharatAyAprameyAya prANAtpriyatarAya saH || 67|| chatvAraste mahAtmAnaH sabhAryA raghusattamAH | khe satAro yathA chandrastathA rejuH svapattane || 68|| || iti shrIrAmodante yuddhakANDaH samAptaH || \medskip\hrule\medskip || atha uttarakANDaH || rAjA paryagrahIdeva bhAryAM rAvaNadUShitAm | ityaj~najanavAdena rAmastatyAja maithilIm || 1|| tadviditvAtha vAlmIkirAnIyainAM nijAshramam | antarvartnIM samAshvAsya tatraivAvAsayatsukham || 2|| R^iShibhiH prArthitasyAtha rAghavasya niyogataH | shatrughno lavaNaM yuddhe nihatyainAnapAlayat || 3|| tapasyantaM tataH shUdraM shambUkAkhyaM raghUttamaH | hatvA viprasya kasyApi mR^itaM putramajIvayat || 4|| rAme hemamayIM patnIM kR^itvA yaj~naM vitanvati | AnIya sasutAM sItAM tasmai prAchetaso dadau || 5|| sha~NkyamAnA punashchaivaM rAmeNa janakAtmajA | bhUmyA prArthitayA dattaM vivaraM pravivesha sA || 6|| ##var - the next shloka is found only in some editions ## lakShmaNaH sabhayabhraMshAdrAmeNa samupekShitaH | mAnuShaM dehamutsR^ijya svakaM rUpaM samAvishat || 7|| atha rAmasya nirdeshAtpauraiH saha vanaukasaH | nimajjya sarayUtIrthe dehaM tyaktvA divaM yayuH || 8|| tato bharatashatrughnau nijaM rUpamavApatuH | rAmo.api mAnuShaM dehaM tyaktvA dhAmAvishatsvakam || 9|| shrIrAmodantamAkhyAtamidaM mandadhiyA mayA | samIkShya nipuNaissadbhiH saMshodhya parigR^ihyatAm || 10|| ##var - the next shloka is found only in some editions ## yeShAM prasAdAdrAmasya charitaM kIrtitaM mayA | tAngurUnsarvadA naumi nArAyaNaparAyaNAn || 11|| yastu dAsharathirbhUtvA raNe hatvA cha rAvaNam | rarakSha lokAnvaikuNThaH sa mAM rakShatu chinmayaH || 12|| || iti shrIrAmodante uttarakANDaH samAptaH || ## Encoded and proofread by P. P. Narayanaswami swami at mun.ca Sriramodantam is a highly abridged version of Ramayana believed to be written by Parameshwara Kavi in 15th century however, as per New Catalogus Catalogorum vol 25, some manuscripts have Paramesvara as author and some others Vasudeva Sastri. --by Parameshvara. Deshamangalam 1441-42. --by (NAreri) VAsudevashAtrin. Oppert I. 2723. |25|80-81| https:/ /vmlt.in/ncc/25?page=18 Kannada edition of Ramodantam in DLI collection mentioned Paramesvara Kavi as author. It has been in use as the first text in old Sanskrit curriculum of Kerala for last five centuries. As per this curriculum the students were taught this text along with Amarakosha and Siddharoopam immediately after they had learnt the Sanskrit alphabets (Varnamala). "There is a popular folklore going around in Thrissur District of Kerala : There is a temple, tiruviLakkAva by name between Thrissur & Kodungallur (could be near a place called Urakam) where the presence of the Goddess of Learning, Saraswati, is very strong and even now, I am sure, a lot of parents must be doing the vidyArambham of their children in that temple. Folklore has it that the naivedyam made to the Goddess is not distributed, but dumped into a well as otherwise the consumer will have too much knowledge! Be that as it may, around 400/500 years back, one day, as the naivedyam was being taken to be dumped at the usual place (probably a dry well) due to carelessness (or, maybe prArabdha), a plantain fruit fell down. A local Namboothiri, an idiot by name Vasudevan, blissfully unaware that this was a fruit which had been offered as naivedyam to the Goddess, found a plantain on the roadside and beat a Warasyar (a lady attached to the temple for specific duties) to it! He ate the plantain and casually threw the skin on the side. The pious lady who was a witness to the plantain falling and also being aware of the greatness of the fruit ate the skin of the fruit and became a Panditha overnight. It is this Ikkaali Warasyar who is the author of two works - pANDavacharitam and shrIrAmodantam. Vasudevan Namboothiri, no doubt became a wise man and one version has it that he married the Warasyar lady later. " - Surendran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}