% Text title            : raamaaShTottarashatanaama stotraM
% File name             : raama108stAnanda.itx
% Category              : aShTottarashatanAma, raama, stotra, vAlmIki
% Location              : doc\_raama
% Author                : Valmiki
% Transliterated by     : Antaratma antaratma at Safe-mail.net , psaeaswaran at gmail
% Proofread by          : Antaratma antaratma at Safe-mail.net , psaeaswaran at gmail
% Description-comments  : from Anandaramayana yAgakANDa panchama sargaH
% Latest update         : July 4, 2006, August 24, 2014
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. rAmAShTottarashatanAma stotraM ..}##
\itxtitle{.. rAmAShTottarashatanAmastotram ..}##\endtitles ##
|| atha shrImadAnandarAmAyaNAntargata shrI
rAmAShTottarashatanAma stotram ||

viShNudAsa uvAcha |
guro te praShTumichChAmi tattvaM vada savistaram |
kumbhodareNa muninA yatstotraM samudIritam || 1||
aShTottarashataM nAmnAM rAghavasya shubhapradam |
shravaNe tasya me prItirjAtA.asti kathayasva tat || 2||
shrIrAmadAsa uvAcha |
shR^iNu shiShya mahAbuddhe samyak pR^iShTaM tvayA mama |
aShTottarashataM nAmnAM rAghavasya vadAmyaham || 3||
sarveshvaraH sarvamayaH sarvabhUtopakArakaH |
sarveShAmukArArthaM yaH sAkAro nirAkR^itiH || 4||
sa bhavatyeva loke.asmin saMsArabhayanAshanaH |
yadA yadA hi lokAnAM bhayamutpadyate tadA || 5||
avatIryAkarochChrImAn duShTadaityavimarddanam |
matsyakUrmavarAhAdirUpeNa paramArthadR^ik || 6||
tatkAleShu cha sarveShu sarveShAmupakArakR^it |
sAdhUnAM samachittAnAM bhaktAnAM bhaktavatsalaH || 7||
upakartuM nirAkAraH sadAkAreNa jAyate |
ajo.ayaM jAyate.ananto vishruto bhUtabhAvanaH || 8||
tadA tadA.avatarati bhaktAnAmanukampayA |
kShIrAbdhau devadevesho lakShmInArAyaNo vibhuH || 9||
AsheShaiH sha~NkhachakrAbhyAM devairbrahmAdibhiH saha |
sheSho.abhUllakShmaNo lakShmIrjAnakI sha~Nkhachakrake || 10||	
jAtau bharatashatrughnau devAH sarve.api vAnarAH | 	
Asan puraiva sarve.api devAnAM bhayashAntaye || 11||
tatra nArAyaNo devaH shrIrAma iti vishrutaH |
sarvalokopakArAya bhUmau svayamavAtarat || 12||	
dhyAnamAtreNa devesho mahApAtakanAshakR^it |
kIrtanashravaNAbhyAM cha hatyAkoTinivAraNaH || 13||
kalau sa kIrtanenaiva sarvapApaM vyapohati |
rAma rAmeti rAmeti ye vadantyatipApinaH || 14||
pApakoTisahasrebhyastAnuddharati nAnyathA |
aShTottarashataM nAmnAM tasya stotraM vadAmyaham || 15||

OM asya shrIrAmachandranAmAShTottarashatamantrasya brahmA R^iShiH |
anuShTup ChandaH | jAnakIvallabhaH shrIrAmachandro devatA || 
OM bIjam | namaH shaktiH | shrIrAmachandraH kIlakam |
shrIrAmachandraprItyarthe jape viniyogaH || 

ShaDa~NganyAsaH |
OM namo bhagavate rAjAdhirAjAya paramAtmane hR^idayAya namaH |
OM namo bhagavate vidyAdhirAjAya hayagrIvAya shirase svAhA |
OM namo bhagavate jAnakIvallabhAya shikhAyai vaShaT |
OM namo bhagavate raghunandanAyAmitatejase kavachAya hum |
OM namo bhagavate kShIrAbdhimadhyasthAya nArAyaNAya netratrayAya vauShaT |
OM namo bhagavate satprakAshAya rAmAya astrAya phaT |  iti digbandhaH || 

a~NgulInyAsaH |
OM namo bhagavate rAjAdhirAjAya paramAtmane a~NguShThAbhyAM namaH |
OM namo bhagavate vidyAdhirAjAya hayagrIvAya tarjanIbhyAM namaH |
OM namo bhagavate jAnakIvallabhAya madhyamAbhyAM namaH |
OM namo bhagavate raghunandanAyAmitatejase anAmikAbhyAM namaH |
OM namo bhagavate kShIrAbdhimadhyasthAya nArAyaNAya kaniShThikAbhyAM namaH |
OM namo bhagavate satprakAshAya rAmAya karatalakarapR^iShThAbhyAM namaH |

atha dhyAnam |
mandArAkR^itipuNyadhAmavilasadvakShasthalaM komalaM
       shAntaM kAntamahendranIlaruchirAbhAsaM sahasrAnanam |
vande.ahaM raghunandanaM surapatiM kodaNDadIkShAguruM
       rAmaM sarvajagatsusevitapadaM sItAmanovallabham || 16||

atha stotram |
sahasrashIrShNe vai tubhyaM sahasrAkShAya te namaH |
namaH sahasrahastAya sahasracharaNAya cha || 17||
namo jImUtavarNAya namaste vishvatomukha |
achyutAya namastubhyaM namaste sheShashAyine || 18||
namo hiraNyagarbhAya pa~nchabhUtAtmane namaH |
namo mUlaprakR^itaye devAnAM hitakAriNe || 19||
namaste sarvalokesha sarvaduHkhaniShUdana |
sha~NkhachakragadApadmajaTAmukuTadhAriNe || 20||
namo garbhAya tattvAya jyotiShAM jyotiShe namaH |
OM namo vAsudevAya namo dasharathAtmaja || 21||
namo namaste rAjendra sarvasampatpradAya cha |
namaH kAruNyarUpAya kaikeyIpriyakAriNe || 22||
namo dantAya shAntAya vishvAmitrapriyAya te |
yaj~neshAya namastubhyaM namaste kratupAlaka || 23||
namo namaH keshavAya namo nAthAya shar~NgiNe |
namaste rAmachandrAya namo nArAyaNAya cha || 24||
namaste rAmachandrAya mAdhavAya namo namaH |
govindrAya namastubhyaM namaste paramAtmane || 25||
namaste viShNurUpAya raghunAthAya te namaH |
namaste.anAthanAthAya namaste madhusUdana || 26||
trivikrama namaste.astu sItAyAH pataye namaH |
vAmanAya namastubhyaM namaste rAghavAya cha || 27||
namo namaH shrIdharAya jAnakIvallabhAya cha |
namaste.astu hR^iShIkesha kandarpAya namo namaH || 28||
namaste padmanAbhAya kausalyAharShakAriNe |
namo rAjIvanetrAya namaste lakShmaNAgraja || 29||
namo namaste kAkutstha namo dAmodarAya cha |
vibhIShaNaparitrAtarnamaH sa~NkarShaNAya cha || 30||
vAsudeva namaste.astu namaste sha~Nkarapriya |
pradyumnAya namastubhyamaniruddhAya te namaH || 31||
sadasadbhaktirUpAya namaste puruShottama |
adhokShaja namaste.astu saptatAlaharAya cha || 32||
kharadUShaNasaMhartre shrInR^isimhAya te namaH |
achyutAya namastubhyaM namaste setubandhaka || 33||
janArdana namaste.astu namo hanumadAshraya |
upendrachandravandyAya mArIchamathanAya cha || 34||
namo bAlipraharaNa namaH sugrIvarAjyada |
jAmadagnyamahAdarpaharAya haraye namaH || 35||
namo namaste kR^iShNAya namaste bharatAgraja |
namaste pitR^ibhaktAya namaH shatrughnapUrvaja || 36||
ayodhyAdhipate tubhyaM namaH shatrughnasevita |
namo nityAya satyAya buddhyAdij~nAnarUpiNe || 37||
advaitabrahmarUpAya j~nAnagamyAya te namaH |
namaH pUrNAya ramyAya mAdhavAya chidAtmane || 38||
ayodhyeshAya shreShThAya chinmAtrAya parAtmane |
namo.ahalyoddhAraNAya namaste chApabha~njine || 39||
sItArAmAya sevyAya stutyAya parameShThine |
namaste bANahastAya namaH kodaNDadhAriNe || 40||
namaH kabandhahantre cha vAlihantre namo.astu te |
namaste.astu dashagrIvaprANasaMhArakAriNe || 41||     108

aShTottarashataM nAmnAM ramachandrasya pAvanam
etatproktaM mayA shreShTha sarvapAtakanAshanam || 42||
prachariShyati talloke prANyadR^iShTavashAddvija |
tasya kIrtanamAtreNa janA yAsyanti sadgatim || 43||
tAvadvijR^imbhate pApaM brahmahatyApuraHsaram.h.
yAvannAmAShTakashataM puruSho na hi kIrtayet || 44||
tAvatkalermahotsAho niHsha~NkaM sampravartate |
yAvachChrIrAmachandrasya shatanAmnAM na kIrtanam || 46||
tAvatsvarUpaM rAmasya durbodhaM prANinAM sphuTam |
yAvanna niShThayA rAmanAmamAhAtmyamuttamam || 47||
kIrtitaM paThitaM chitte dhR^itaM saMsmAritaM mudA |
anyataH shR^iNuyAnmartyaH so.api muchyeta pAtakAt || 48||
brahmahatyAdipApAnAM niShkR^itiM yadi vA~nChati |
rAmastotraM mAsamekaM paThitvA muchyate naraH || 49||
duShpratigrahadurbhojyadurAlApAdisambhavam |
pApaM sakR^itkIrtanena rAmastotraM vinAshayet || 50||
shrutismR^itipurANetihAsAgamashatAni cha |
arhanti nAlpAM shrIrAmanAmakIrtikalAmapi || 51||
aShTottarashataM nAmnAM sItArAmasya pAvanam |
asya sa~NkIrtanAdeva sarvAn kAmAn labhennaraH || 52||
putrArthI labhate putrAn dhanArthI dhanamApnuyAt |
striyaM prApnoti patnyarthI stotrapAThashravAdinA || 53||
kumbhodareNa muninA yena stotreNa rAghavaH |
stutaH pUrvaM yaj~navATe tadetattvAM mayoditam || 54||

iti shrIshatakoTirAmacharitAntargate shrImadAnandarAmAyaNe vAlmIkIye
yAgakANDe shrIrAmanAmAShTottarashatanAmastotraM nAma pa~nchamaH sargaH || 
##

Encoded and proofread by
Antaratma antaratma at Safe-mail.net
PSA Easwaran psaeaswaran at gmail

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}