% Text title            : Shri Mangalacharyamahamunindrapranitah Sagunanirgunabrahmabhedavadah
% File name             : saguNanirguNabrahmAbhedavAdaHmangalAchAryamahAmunIndra.itx
% Category              : raama, rAmAnanda
% Location              : doc\_raama
% Author                : maNgalAchAryamahAmunIndra
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sagunanirgunabrahmabhedavadah ..}##
\itxtitle{.. saguNanirguNabrahmAbhedavAdaH ..}##\endtitles ##
jagataH sarjakaM chAtha rakShakaM layakArakam |
muktidaM cha jaganmUlaM vedavedyaM pareshvaram || 1||
sAkAraM cha nirAkAraM saguNaM nirguNaM tathA |
vande parAtparaM brahma shrIrAmaM jAnakIshvaram || 2||
nigrahavarjitAM ramyAM shrIrAmasyAtivallabhAm |
anugrahamayIM sItAM vandehaM vishvamAtaram || 3||
shrImadrAmakR^ipApAtraM rAmasevArataM sadA |
hanUmantamahaM vande sarvavighnavinAshakam || 4||
brahmasUtravidhAtAraM shrImantaM bAdarAyaNam |
bodhAyanaM tathA vande vR^ittikR^itpuruShottam || 5||
AnandabhAShyakarttAramAchAryachakravarttinam |
vande yatIshvaraM rAmAnandAchAryaM jagadgurum || 6||
vratIndraM brahmatattvaj~naM naiShTikabrahmachAriNam |
TIlApITheshvaraM vande TIlAchAryaM jagadgurum || 7||
shrImadrAmasamArambhAM rAmAnandAryamadhyamAm |
asmadAchAryaparyantAM vande guruparamparAm || 8||
nattvA guroH padAmbhojaM bhavAmbhodheshcha tArakam |
saguNanirguNabrahmAbhedavAdaM korAmyaham || 9||
niShkalaM niShkriyaM chAtha nirguNaM cha nira~njanam |
\ldq{}vij~nAnamAnandaM brahma\rdq{} ityevaM shrutivAkyataH || 10||
niShedhaH prAkR^itAnAM hi guNAnAmeva rAghave |
parAsya shaktirityAdishaktyAdibodhakashruteH || 11||
nanu sadeva somyedamagra AsIditi shrute |
sR^iShTeH pUrvaM mataM brahma bhedatrayavivarjitam || 12||
nirvisheShatayA tasya saguNatvaM kathaM bhavetkSha |
iti chenna yataH shrutyA kAraNaM brahma bodhyate || 13||
sUkShmAchichchidvishiShTaM hi kAraNaM brahma kathyate |
anyathA brahmaNastasmAjjagatsR^iShTirna sambhavet || 14||
a~NgIkAreNa mAyAyA jagadutpattisambhavaH |
iti chenna, vikalpaM na sahetaitad vacho yataH || 15||
sarvakartrI hi sA mAyA nirvisheShamahaM tathA |
ityevaM brahma jAnAti navA jAnAti tannanu || 16||
Adhe tu j~nAtR^itA.a.apattyA nirvisheShaM kathaM hi tat |
antye.aj~natvena mAyAyA a~NgIkAro na sambhavet || 17||
yo vetti yugapat sarvaM pratyakSheNa sadA svataH |
ityAdInAM shrutInAM hi virodhashcha bhaved dhruvam || 18||
a~NgIkArAya mAyAyA brahmashaktirmatA na vA |
brahmAdye nirvisheShaM no.a~NgIkArashchAntime na hi || 19||
kiM cha mAyAtmakaM brahma tadochyatAM na vA tathA |
a~NgIkAravacho vyarthamAdye.antye.anantatA katham || 20||
a~NgIkArAnnu pUrvasmin kAle mAyA kamAshritA |
brahmAshritetichet tarhi sarvadA syAd vishiShTatA || 21||
tathA chAdvaitatAhAnirbrahmaNashcha bhaved dhruvam |
Ishasyaiva guNAH sarve matAH sarvaj~natAdayaH || 22||
brahmaNi nirvisheShe nu tasmAt sambhavanti na |
te mAyopAdhikA Ishe matAH svAbhAvikA na hi || 23||
asmAnmAyIti samproktaH shrutau mAyitayeshvaraH |
iti chenna, kuto yasmAnmAyI vichitrakArakaH || 24||
mAyayA satataM vetti prAchInaM cha shubhAshubham |
mAyAshabdastathA chaivaM kvachij j~nAnasya vAchakaH || 25||
brahmaNo yattadadreshyamityuktA nirvisheShatA |
tadanyathA.anupapattyA saguNAnnirguNaM param || 26||
iti chenna yataH shrutyA niShidhya prAkR^itAn guNAn |
anaupAdhikashaktyAdiguNA brahmaNi bodhitAH || 27||
saguNa nirguNashaikyaM purANe.abhihitaM tataH |
saguNo nirguNo viShNurj~nAnagamyo hyasau svadR^ik || 28||
na hi tasya guNAH sarve sarvairmunigaNairapi |
vaktuM shakyA viyuktasya satvAdyairakhilairguNaiH || 29||
brahmaNaH saguNatvaM tat kalyANaguNayogataH |
prAkR^itaguNarAhityAnnirguNatvaM cha tasya hi || 30||
yato vAcho nivarttante aprApya manasA saha |
shrutyaviShayataivaM hi brahmaNi pratipAditam || 31||
maivaM shrutyA tanmahimna iyattApratiShedhanAt |
anyathA brahma vede tishrutikopaH samApnuyAt || 32||
nirvisheShaM paraM brahma sadevetyavadhAraNAt |
guNato.apyadvitIyaM tat dvitIyaM sahate na hi || 33||
adhyAropApavAdanyAyato rajjAvaheriva |
Aropo na prapa~nchasya brahmaNi nirvisheShake || 34||
eva~nchApi na sidhyeddhi brahmaNi nirvisheShatA |
dR^iShTAntasya hi vairUpyaM bhavataH kathane yataH || 35||
dR^iShTAnte rajjvadhiShThAnaM tatrAj~nAnAdaherbhramaH |
aj~nAnasyAshrayo draShTA hyapadeShTA.apyapekShyate || 36||
yatashchAdvaitasiddhAnte brahmabhinnaM na ki~nchana |
sa~NgachChate na dR^iShTAnto tanmate.ataH katha~nchana || 37||
Aropitaprapa~nchasya draShTAkashcheti kathyatAm |
nAnyo.ato.asti shrutervAkyAd brahmaiva netaro nanu || 38||
evashchej j~nAnamAtrasya brahmaNo draShTR^itA katham |
mAyAyogena sA cheti vikalpaM sahate na hi || 39||
Agantukashcha yogo.ayaM svAbhAviko mato.athavA |
brahmaNo vibhutAhAnirAdye pakShe mate khalu || 40||
mAyAshabalameva syAdagre.api brahma chAntime |
vishiShTameva tad brahma nAvishiShTaM kadApi hi || 41||
guNAnAM kintu divyAnAM vaishiShTyaM rAghave matam |
prAkR^itAnAM guNAnAM tu rAhityaM tatra budhyatAm || 42||
AchAryavAsavashrImanma~NgalAchAryanirmitam |
vAdo.ayaM jayatAnnityaM vAdinAM vAdasa~Ngare || 43||

iti shrIma~NgalAchAryamahAmunIndrapraNItaH saguNanirguNabrahmAbhedavAdaH sampUrNaH |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}