% Text title            : shatrughnakavacham
% File name             : shatrughnakavachaAnanda.itx
% Category              : kavacha, raama, vAlmIki
% Location              : doc\_raama
% Author                : Valmiki
% Transliterated by     : Antaratma antaratma at Safe-mail.net
% Proofread by          : Antaratma, PSA Easwaran
% Description-comments  : from Anandaramayana
% Latest update         : January 30, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shatrughnakavacham ..}##
\itxtitle{.. shatrughnakavacham ..}##\endtitles ##

|| shrImadAnandarAmAyaNe manoharakANDAntargataM shrIshatrughnakavacham ||
agastiruvAcha\-
atha shatrughnakavachaM sutIkShNa shruNu sAdaram |
sarvakAmapradaM ramyaM rAmasadbhaktivardhanam || 1||
shatrughnaM dhR^itakArmukaM dhR^itamahAtUNIrabANottamaM
pArshve shrIraghunandanasya vinayAdvAmesthitaM sundaram |
rAmaM svIyakareNa tAladalajaM dhR^itvAtichitraM varaM
sUryAbhaM vyajanaM samAsthitamahaM taM vijayantaM bhaje || 2||
asya shrIshatrughnakavachamantrasya agasti R^iShiH | shrIshatrughno devatA |
anuShTup ChandaH | sudarshana iti bIjam | kaikeyInandana iti shaktiH |
shrIbharatAnuja iti kIlakam | bharatamantrItyastram |
shrIrAmadAsa iti kavacham | lakShmaNAMshaja iti mantraH |
shrIshatrughnaprItyarthaM  sakalamanaHkAmanAsid.hdhyarthaM jape viniyogaH ||
atha a~NguLInyAsaH |
OM shatrughnAya a~NguShThAbhyAM namaH |
OM sudarshanAya tarjanIbhyAM namaH |
OM kaikeyInandanAya madhyamAbhyAM namaH |
OM bharatAnujAya anAmikAbhyAM namaH |
OM bharatamantriNe kaniShThikAbhyAM namaH |
OM shrIrAmadAsAya karatalakarapR^iShThAbhyAM namaH ||
hR^idayAdinyAsaH \-
OM shatrughnAya hR^idayAya namaH |
OM sudarshanAya shirase svAhA |
OM kaikeyInandanAya shikhAyai vaShaT |
OM bharatAnujAya kavachAya huM |
OM bharatamantriNe netratrayAya vauShaT |
OM shrIrAmadAsAya astrAya phaT |
OM lakShmaNAMshajeti digbandhaH ||
atha dhyAnam \-
rAmasya saMsthitaM vAme pArshve vinayapUrvakam |
kaikeyInandanaM saumyaM mukuTenAtira~njitam || 1||
ratnaka~NkaNakeyUravanamAlAvirAjitam |
rashanAkuNDaladharaM ratnahArasunUpuram || 2||
vyajanena vIjayantaM jAnakIkAntamAdarAt |
rAmanyastekShaNaM vIraM kaikeyItoShavardhanam || 3||
dvibhujaM ka~njanayanaM divyapItAmbarAnvitam |
subhujaM sundaraM meghashyAmaLaM sundarAnanam || 4||
rAmavAkye dattakarNaM rakShoghnaM khaDgadhAriNam |
dhanurbANadharaM shreShThaM dhR^itatUNIramuttamam || 5||
sabhAyAM saMsthitaM ramyaM kastUrItilakA~Nkitam |
makuTasthAvataMsena shobhitaM cha smitAnanam || 6||
ravivaMshodbhavaM divyarUpaM dasharathAtmajam |
madhurAvAsinaM devaM lavaNAsuramardanam || 7||
evaM dhyAtvA tu shatrughnaM rAmapAdekShaNaM hR^idi |
paThanIyaM varaM chedaM kavachaM tasya pAvanam || 8||
atha kavachaprArambhaH |
pUrve tvavatu shatrughnaH pAtu yAmye sudarshanaH |
kaikeyInandanaH pAtu pratIchyAM sarvadA mama || 1||
pAtUdIchyAM rAmabandhuH pAtvadho bharatAnujaH |
ravivaMshodbhavashchordhvaM madhye dasharathAtmajaH || 2||
sarvataH pAtu mAmatra kaikeyItoShavardhanaH |
shyAmalA~NgaH shiraH pAtu bhAlaM shrIlakShmaNAnujaH || 3||
bhruvormadhye sadA pAtu sumukho.atrAvanItale |
shrutakIrtipatirnetre kapole pAtu rAghavaH || 4||
karNau kuNDalakarNo.avyAt nAsAgraM nR^ipavaMshajaH |
mukhaM mama yuvA pAtu vANIM pAtu sphuTAkSharaH || 5||
jihvAM subAhutAto.avyAdyUpaketupitA dvijAn |
chibukaM ramyachibukaH kaNThaM pAtu subhAShaNaH || 6||
skandhau pAtu mahAtejAH bhujau rAghavavAkyakR^it |
karau me ka~NkaNadharaH pAtu khaDgI nakhAn mama || 7||
kukShiM rAmapriyaH pAtu pAtu vakSho raghUttamaH |
pArshve surArchitaH pAtu pAtu pR^iShThaM varAnanaH || 8||
jaTharaM pAtu rakShoghnaH pAtu nAbhiM sulochanaH |
kaTiM bharatamantrI me guhyaM shrIrAmasevakaH || 9||
rAmArpitamanAH pAtu li~NgamUrU smitAnanaH |
kodaNDapANiH pAtvatra jAnunI mama sarvadA || 10||
rAmamitraH pAtu jha~Nghe gulphau pAtu sunUpuraH |
pAdau nR^ipatipUjyo.avyAchChrImAn pAdA~NgulIrmama || 11||
pAtva~NgAni samastAni hyudArA~NgaH sadA mama |
romANi ramaNIyo.avyAdrAtrau pAtu sudhArmikaH || 12||
divase satyasandho.avyAdbhojane sharasatkaraH |
gamane kalakaNThovyAtsarvadA lavaNAntakaH || 13||
evaM shatrughnakavachaM mayA te samudIritam |
ye paThanti narAstvetatte narAH saukhyabhAginaH || 14||
shatrughnasya varaM chedaM kavachaM ma~NgaLapradam |
paThanIyaM narairbhaktyA putrapautrapravardhanam || 15||
asya stotrasya pAThena yaM yaM kAmaM naro.arthayet |
taM taM labhennishchayena satyametadvacho mama || 16||
putrArthI prApnuyAt putraM dhanArthI dhanamApnuyAt |
ichChAkAmaM tu kAmArthI prApnuyAtpaThanAdinA || 17||
kavachasyAsya bhUmyAM hi shatrughnasya vinishchayAt |
tasmAdetatsadA bhaktyA paThanIyaM naraiH shubham ||| 18||
Adau narairmAruteshcha paThitvA kavachaM shubham |
tataH shatrughnakavachaM paThanIyamidaM shubham || 19||
paThanIyaM bharatasya kavachaM paramaM tataH |
tataH saumitrikavachaM paThanIyaM sadA naraiH || 20||
paThanIyaM tataH­ sItAkavachaM bhAgyavardhanam |
tataH shrIrAmachandrasya kavachaM sarvathottamam || 21||
paThanIyaM narairbhaktyA sarvavA~nChitadAyakam |
evaM ShaT kavachAnyatra paThanIyAni sarvadA || 23||
paThanaM ShaT kavachAnAM shreShThaM mokShaikasAdhanam |
j~nAtvA.atra mAnavairbhaktyA kAryaM yaH paThanaM sadA || 24||

iti shrIshatakoTirAmacharitAntargate shrImadAnandarAmAyaNe
vAlmikIye manoharakANDe pa~nchadashasargAntargataM shrIshatrughnakavacham ||


hanumat\-lakShmaNa\-sItA\-rAma\-bharata\-shatrughna
ShaT kavachAni paThanIyam |
ShaT kavachAni paThituM ashaktashchet 
hanumat\-lakShmaNa\-sItA\-rAma – 
athavA hanumat\-sItA\-rAma
athavA hanumat\-rAma / sItA\-rAma kavachAni |
athavA shrIrAmakavachameva paThanIyam ||
##
All the six kavachas
hanumat-lakShmaNa-sItA-rAma-bharata-shatrughna
from AnandarAmAyaNa should be recited together.
If one is unable to recite all the six,
then he/she can recite in the decreasing order
hanumat-lakShmaNa-sItA-rAma
hanumat-sItA-rAma
hanumat-rAma
sItA-rAma
If this is not possible, then one should at least
recite Shri Rama Kavacham.

Encoded by Antaratma antaratma at Safe-mail.net
Proofread by Antaratma, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}