% Text title            : Anubhavanandacharyapranita Shriramachandravimshatih
% File name             : shrIrAmachandraviMshatiHanubhavAnandAchArya.itx
% Category              : raama, rAmAnanda, viMshati
% Location              : doc\_raama
% Author                : anubhavAnandAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shriramachandravimshatih ..}##
\itxtitle{.. shrIrAmachandraviMshatiH ..}##\endtitles ##
rAmaM brahma tathAnandabhAShyakAraM jagadgurum |
nattvA karomi bhAvAryaM shrIrAmachandraviMshatim || 1||
sodarahR^itarAjyashrIH sugrIvaH saha mantribhiH |
yasya chAshritavAn pAdaM rAmachandraM namAmi tam || 2||
rAvaNanyakkR^ito dAnto vibhIShaNo bhiyAkulaH |
svajanairyatpadaM chAgAd rAmachandraM namAmi tam || 3||
rakShodhinAthasa~NkShubdhA sItA smR^itavatI cha yam |
svabhaktavanditaM nityaM rAmachandraM namAmi tam || 4||
chandrAMshashobhite ramyepurA sarovarottame |
sasmAra yaM gajo muktyai rAmachandraM namAmi tam || 5||
pativratAshiroratnA gautamadharmachAriNI |
asmarachChApamuktyai yaM rAmAchandraM namAmi tam || 6||
kAlindIpuline ramye dhruvaH sasmAra yaM mudA |
lokottarapadaprAptyai rAmachandraM namAmi tam || 7||
hInA.aprAptasahAyA cha kR^iShNA sasmAra yaM prabhum |
dayAluM kR^iShNarUpaM shrIrAmachandraM namAmi tam || 8||
janakajanitakleshAt kayAdhUnandanashcha yam |
dInAnAtheti sasmAra rAmachandraM namAmi tam || 9||
yastrAtA vedashAstrANAM daNDakavanapAvakaH |
svabhaktavanditaM shAntaM rAmachandraM namAmi tam || 10||
nakta~ncharasamUhAshcha vedamArgAvadUShakAH |
muktAshcha darshanAd yasya rAmachandraM namAmi tam || 11||
rAvaNabhagnapakShashcha jaTAyurmAMsabhojanaH |
yaM dR^iShTvA sadgatiM lebhe rAmachandraM namAmi tam || 12||
svadharmatyAgato bhraShTo.ajAmilaH putraChadyataH |
yannAmasmaraNAn mukto rAmachandraM namAmi tam || 13||
vAlI bAlaraviprakhyaM yatpadaM cha purasthitam |
dhyAyan mokShapadaM lebhe rAmachandraM namAmi tam || 14||
tyaktvA sarvANi kR^ityAni sharabha~NgastapodhanaH |
sAketamagaman nattvA rAmachandraM namAmi tam || 15||
yachcharaNAmbujodbhUtA ga~NgA durgatinAshinI |
tApatrayavinAshAya rAmachandraM namAmi tam || 16||
sugatiM shabarI lebhe nigamakarmagarhitA |
AtithyakaraNAd yasya rAmachandraM namAmi tam || 17||
dhyAyan yasya padAmbhojaM bharataH sAshrulochanaH |
avasat tyaktarAjyashrI rAmachandraM namAmi tam || 18||
guharAjo.apyahan pApaM yadIyasparshamAtrataH |
bhavadAridrayaharttAraM rAmachandraM namAmi tam || 19||
jagannimittopAdAnaM svabhaktArtiharaH paraH |
dhyeyashchApyashcha yaH svIyai rAmachandraM namAmi tam || 20||
muchyate smaraNAd yasya sadyo bhavabhiyA naraH |
brahmeshAdyamarairvandyaM rAmachandraM namAmi tam || 21||
rAmAnandaprashiShyeNA.anubhavAryeNa nirmitA |
paThatAM dhvAntahR^idbhUyAchChrIrAmachandraviMshatiH ||

iti shrImad anubhavAnandAchAryapraNItA shrIrAmachandraviMshatiH sampUrNA |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}