% Text title : Shriramadhama Svarupavarnanam % File name : shrIrAmadhAmasvarUpavarNanam.itx % Category : raama % Location : doc\_raama % Transliterated by : P. Sudarshana % Proofread by : P. Sudarshana % Description/comments : shrImadvashiShThabharadvAja saMvAda % Latest update : November 16, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Paratpara Shrirama Dhamavarnanam ..}## \itxtitle{.. parAtpara shrIrAmadhAmavarNanam ..}##\endtitles ## shrIbharadvAja uvAcha \- vedavedAntasAraj~na vira~nchiprabhavottama | bhavatA yatparij~nAtaM tanna jAnanti kechana || 1|| atastvAM paripR^ichChAmiharerdhAmrAM hi kAraNam | ki~ncha tat paramaM dhAma mAdhuryeshvaryabhUShaNam || 2|| yatra sarvAvatArANAmAdikAraNa vigrahaH | krIDati kR^ipayA me tvaM tatvataH kathaya prabhI || 3|| shrIvashiShTha uvAcha \- sAdhu pR^iShTaM tvayA tAta guhyAd guhyatamaM mahat | sArAt sAratamaM vedasiddhAntaM pravadAmi te || 4|| shrUyatAM sAvadhAnena rahasyamatidurlabham | rAmabhaktaM vinA kApi na vaktavyaM tvayA.anagha || 5|| sarvebhyashchApi lokebhyashchordhvaM prakR^itimaNDalAt | virajAyAH pare pAre vaikuNThaM yatparaM padam || 6|| tasmAdupari golokaH sachchidindriyagocharaH | tanmadhye rAmadhAmAsti sAketAkhyaM parAtparam || 7|| shrImadvR^indAvanAdIni taddhAmAvaraNeShvapi | sarveShAmavatArANAM santi dhAmAnyanekashaH || 8|| kevalaishvaryamukhyAni dhAmAnyetAni sanmate | aishvaryopAsakA bhaktA dhyAyanti prApnuvanti cha || 9|| ebhyaH paratamaM dhAma shrIrAmasya sanAtanam | pR^ithivyAM bhArate varSha hyayodhyAkhyaM sudurlabham || 10|| akhaNDasachchidAnandasandohaM paramAdbhutam | vA~NmanogocharAtItaM triShu kAleShu nishchitam || 11|| bhUtale.api cha yaddhAma tathApi prakR^iterguNAH | saMspR^ishanti na tajjAtu jalAni kamalaM yathA || 12|| kAlaH karma svabhAvashcha mAyikaH pralayastathA | UrmayaH ShaD vikArAshcha na yatra prabhavanti hi || 13|| yadaMshena prakAshete vibhUtI dve cha sarvadA | adhashchordhvamanante cha nitye cha paramAdbhute || 14|| vibhAti sarayUryatra pashchimAditridikShu cha | virajAdyAH sarichChreShThAH prakAshante yadaMshataH || 15|| parAnnArAyaNAchchApi kR^iShNAt paratarAdapi | yo vai paratamaH shrImAn rAmo dAsharathiH svarAT || 16|| yasyAnantAvatArAshcha kalA aMshA vibhUtayaH | AveshA viShNubrahmeshAH parabrahmasvarUpabhAH || 17|| sa eva sachchidAnando vibhUtidvayanAyakaH | vAtsalyAdyadbhutAnantakalyANaguNavAridhiH || 18|| rAjendramukuTaprodyadratnanIrAjitA~NghriNA | pitrA dasharathenaiva vAtsalyAmR^itasindhunA || 19|| kaushalyApramukhAbhishcha mAtR^ibhirbhrAtR^ibhistribhiH | svadArasItayA chAtha dAmIbhishchAlibhistathA || 20|| sakhibhiH samarUpaishcha dAsaishchAmitavikramaiH | matpramukhairmunIndrashcha sumantrAdyaishcha mantribhiH || 21|| parivArairanekaishcha sachchidAnandamUrtibhiH | bhogaishcha vividhairdivyairbhogopakaraNaistathA || 22|| sArdhaM vasati yatraiva svatantraH krIDate sadA | kShaNaM hitvA na taddhAma kvachid yAti svayamprabhuH || 23|| tanmAdhuryamayaM nityamaishcharyAntargataM dhruvam | rAmasyAti priyaM dhAma nAstyanena samaM kvachit || 24|| ato.ayodhyAM rasaj~nA ye sarvadA paryupAsate | prAkR^itaishchakShubhirnaiva dR^ishyate sA katha~nchana || 25|| dehatrayavinirmuktA rAmabhaktiprabhAvataH | turIyasachchidAnandarUpAH pashyanti tAM purIm || 26|| atha shrIrAmachandrasya yaddhAma prakR^iteH param | sachchidghanaparAnandaM nityaM sAketasa.nj~nakam || 27|| yadaMshaprabhavA lokA vekuNThAdyAH sanAtanAH | vakShyAmyahaM munishreShTha tasyAvaraNasaptakam || 28|| ekaikasyAM dishi shrImAn dashayojanasammitaH | ayodhyAyA bahirdeshaH sa vai golokasa.nj~nakaH || 29|| mahAshambhurmahAbrahmA mahendro varuNastathA | dhanado dharmarAjashcha mahAntashcha digIshvarAH || 30|| etadaMshasamudbhUtA devA brahmashivAdayaH | yathAdhikAraM te sarve svasvalokeShu saMsthitAH || 31|| nidhayo navadhA nityA dashAShTau siddhayastathA | trayastriMshat tathA devA gandharvAshchApsarogaNAH || 32|| anye cha vividhA devA nityAH sarve dvijottama | sAyudhAH sagaNAH shrImadrAmabhaktiparAyaNAH || 33|| saptarShayo munInadrAshcha nAradasanakAdayaH | prathamAvaraNe nityaM sAketasya sthitA mune || 34|| vedamUrtidharAH shAstravidyAshcha vividhAstathA | pa~nchadhA muktayashchApi rUpavatyaH pR^ithak pR^ithak || 35|| karma j~nAnaM cha vairAgyaM yogashcha sAdhanaiH saha | dvitIyAvaraNe nityaM svasvarUpeNa saMsthitAH || 36|| sachchijjyotirmayaM brahma nirIhaM nirvikalpakam | nivisheShaM nirAkAraM j~nAnAkAraM nira~njanam || 37|| avAchyamaguNaM nityamanantaM sarvasAkShikam | indriyaviShayaM savaragrAhyaM svaprakAshakam || 38|| nyAsinAM yoginAM yachcha j~nAninAM cha layAspadam | tR^itIyAvaraNe tad vai sAketasya vidurbudhAH || 39|| kechittu kevalAnAM hi tatrAvAsaM vadanti hi | garbhodakanivAsI cha kShIrArNavanivAsakR^it || 40|| shvetadIpAdhipashchAtha ramAvaikuNThanAyakaH | chaturviMshatyavatArAH santi tatra pR^ithak pR^ithak || 51|| salokAH sagaNAH sarve mathurA cha mahApurI | purI dvArAvatI nityA kAshI lokaikavanditA || 42|| kA~nchI mAyApurI divyA tathA chAvantikApurI | ayodhyAmeva sevante chaturthAvaraNe sthitAH || 43|| sAketapUrvadigbhAge shrImatI mithilApurI | sarvAshcharyavatI nityA sachchidAnandarUpiNI || 44|| hamyaH prAsAdavaryaishcha nAnAratnapariShkR^itaiH | vimAnervividhairuchchaishchitradhvajapatAkibhiH || 45|| bhrAjate parikhAdurgavividhodyAnasa~NkulA | tasyAM shrImanmahArAjaH shIraketuH pratApavAn || 46|| shvashuro rAmachandrasya vAtsalyAdiguNArNavaH | nimivaMshadhvajaH shUrashchatura~NgabalAnvitaH || 47|| vedavedAntasAraj~naH sarvashAstravishAradaH | dhanurvedavidAM shreShThaH sarvaishvaryasamanvitaH || 48|| dAsIdAsagaNairnityaM sevito vasati svarAT | dakShiNasyAM dishi shrImAn koshalAyA girirmahAn || 49|| bhrAjate chitrakUTaH sachchinmayAnandamUrtimAn | nAnAratnamayaiH shrR^i~NgarvichitraishchitrapAdapaiH || 50|| sudhAsvAduphale ramyaiH puShpabhArAvalambibhiH | latAjAlavitAnaishcha gu~njadbhramarasa~NkulaiH || 51|| mattakokilasannAdeH kUjadbhashchitrapakShibhiH | nR^ityanmattamayUraishcha nirjharainimalAmbubhiH || 52|| sItayA saha rAmasya lIlArasavivardhanaH | chidrUpA kA~nchanI bhUmiH samA ratnairvichitritA || 53|| samantAt parvatindrasya divyakAnanamaNDitA | yatra mandAkinI ramyA vahati shrImatI nadI || 54|| maNinirmalatoyADhyA bajravaiDUryabAlukA | gu~njanmadhuvratashreNI praphullamakalAkulA || 55|| chitrapakShikalakvANamukharIkR^itadik taTA | svarNasphaTikamANikyamuktAbaddhataTadvayA || 56|| chitrapuShpalatApu~njaku~njAni shobhitAni cha | madhurANi sahastrANi tasyAstIradvayorapi || 57|| santi nityavihArArthaM jAnakIrAmachandrayoH | ayodhyA pashchime bhAge kR^iShNasya paramAtmanaH || 58|| nityaM vR^indAvanaM dhAma chinmayAnandamadbhutam | samantAd bhUH samA yatra kA~nchanI ratnachitritA || 59|| divyavR^ikShairlatA ku~njairgu~njanmattamadhuvrataiH | navInaiH pallavaiH snigdhaiH phaleH puShpeshna sannateH || 60|| nadatpakShigaNaishchitrairmayUreshcha virAjate | govardhano giriryatra kA~nchano ratnamaNDitaH || 61|| latApAdapasa~NkIrNo guhanirbharakUTavAn | nadI yatra mahApuNyA kAlindI kR^iShNavallabhA || 62|| nIlaratnajalottu~Ngatara~NgAvartamAlinI | phullapa~NkeruhA mattakUjadbhR^i~Ngaviha~NgamA || 63|| svarNaghaTTataTA ratnabAlukA shobhate bhR^isham | gopIgopagaNairnityergo vR^indairgopabAlakeH || 64|| shrImannandayashodAbhyAM bhrAtrA shrImadvalena cha | sakhIbhirgopakanyAbhirvR^iShabhAnusutAdibhiH || 65|| sArdhaM vasati tatraiva shrIkR^iShNaH puruShottamaH | kkaNadveNumanohArI vihArI rAsamaNDale || 66|| shrIrAdhikA mukhAmbhojamakarandamadhuvrataH | satyAyAshchottare bhAge mahAvaikuNThasa.nj~nakam || 67|| mahAviShNoH paraM dhAma dhruvaM vedaiH prakIrtitam | sarvataH khachitA ratnairbhUmiryatra hiraNmayI || 68|| vApIkuNDataTAkaishcha divyArAmairvirAjate | samantAchcha nadI yatra virajA phullapa~NkajA || 69|| svachCha sphaTikatoyaughAvarta tu~Ngatara~NgiNI | svarNaratnataTA ramyA vajrasphaTikasaikatA || 70|| bha~NgapakShigaNodghuShTa kolAhalasamAkulA | prAsAdaiH pArShadendrANAM vimAnairvividhaistathA || 71|| chitrashAlottamairdivyairhamryajAlaiH sahasrashaH | uchchai rdhvajapatAgrairatnakA~njanachitritaiH || 72|| lalanAratnasa~Nghaishcha tallokaM dyotate.adhikam | hairaNyaM sumadraratnaiH khachitaM paramAyatam || 73|| tatraikaM bhavanaM prAMshuprAsAdaiH parivAritam | sahastraiH kalashai bhAtaM dhvajaishchitraishna ketubhiH || 74|| muktAdAmavitAnaishcha chitraratnagavAkShakaiH | mahadvajrakapATaishva maNistambheH sahasrashaH || 75|| ratanA~NgaNaM mahAkakShaM bhAti tallokabhUShaNam | tanmadhye sheShaparya~Nke nityasatvaikavigrahaH || 76|| Aste nArAyaNo nityaH kishoraH sadguNArNavaH | meghashyAmashchaturbAhustaDitpItAmbarAvR^itaH || 77|| shyAmasnigdhAlaka vrAtairullasanmukhapa~NkajaH | mahadratnakirITena kuNDalA~Ngadaka~NkaNeH || 78|| shrIvatsa kaustubhAbhyAM cha sadagandhivanamAlayA | vaijayantyopavItena mudrikAhAranUpureH || 79|| svarNasUtreNa kA~njayAdibhUShaNaibhUShito vibhuH | sha~NkhachakragadApadmAdyAyudhaishchApyala~NkR^itaH || 80|| vibhAti shrImatIbhishcha shrIbhUlIlAdishaktibhiH | viShvaksenAdayo nityamuktA muktAshcha sUrayaH || 89|| shuddhasatvAtmakAH sarve shyAmalA~NgAshchaturbhujAH | divyagandhAnuliptA~NgAH padmAkShaH pItavAsasaH || 82|| sukeshAH susmitA divyamAlyAla~NkArabhUShitAH | sarvAyudhadharA divyalalanAyUtha sevitAH || 83|| bhagavantaM shriyA juShTaM sevante.aharnishaM mudA | mithilAchitrakUTashcha shrImadvundAvanaM tathA || 84|| mahAvaikuNThametaddhi pa~nchamAvaraNe mune | tatastu paramAnandasandohaM paramAdbhutam || 85|| ayodhyAyAshchaturdikSha chaturvishatiyojanam | sarvato veShTitaM nityaM svaprakAshaM parAtparam || 86|| sachchidekarasAnandaM mAyAguNavivarjitam | vA~NghanogocharAtItaM pramodAraNyasa.nj~nakam || 87|| rAmasyAtipriyaM dhAma nityalIlArasAspadam | jAmbUnadamayI yatra bhUH samantAt prakAshate || 88|| chidrUpiNI samA shlakShNA parAnandavivardhinI | chandrakAntopalaishchitrA kakachichcha sphaTikopalA || 89|| maNibhiH padmarAgaishcha kachid vajrairmahAprabheH | indranIlopalairbaddhA mANikyervividheH kvachit || 90|| ratnairvaMshachCha dairbhAtairvaiDUryaiH khachitA kachit | aviddhAbhishcha muktAbhiH pravAlaishchakvachitkachit || 91|| mahArdhaishchitritA ratnairnIlapItAsitAruNaiH | syamantairbhrAjamAnaishcha chintAratnachayaistathA || 92|| chitritA vasudhA sarvA dyotayatyadhikaM priyam | pUrvAdiShu chaturdikShu krameNa tadvane mune || 93|| girayaH santi chatvArasteShAM nAmAni machChuNu | shrR^igArAdrishcha ratnAdristathA lIlAdrireva cha || 94|| muktAdrishcha svayA lakShmyA dyotayanti disho dasha | AhlAdinyA~ncha pUrvasyAM yathA prodyan prabhAkaraH || 95|| nIlaratnamayo bhAti shrR^i~NgArAdrirmanoharaH | dakShiNasyAM dishi shrImadratnadrirdyotayan vanam || 96|| pItaratnamayaH kAntyA bhUdevyA bhrAjate priyaH | pratIchyAM dishi lIlAdrirlIlAlalitakAntibhiH || 97|| rAjate raktaratnADhyo rAmasya rativardhanaH | shriyA devyA hi lIlArthaM muktAdrirmaNDito mahAn || 98|| udIchyAmujvalo ratnaishchandrakAntairuda~nchate | chitrapuShpoghasampannairlatApu~njavitAnakaiH || 99|| svalpIkR^ita sudhAsvAduphalabhArAtisannataippaH | navInapallavo petairgu~njanmattamadhuvrataiH || 100|| kUjachchitradvijainIlakaNThakekininAditeH | pramatta kokilakkANamukharIkR^itadimukhaiH || 101|| vichitrairvividhaiH snighairvR^ikShairnityamadhusravaiH | unnataiH shikharairbhAtaiH syandamAnaishcha nijhariH || 102|| guhAmishcha virAjante chatvAraste nagottamAH | tatpramodavane santi madhurANi navAni cha || 103|| dvAdasha vanaratnAni tannAmAni shrR^iNuShva mat | shrIshrR^igAravanaM bhAsvadvihAravanamadbhutam || 104|| tamAlaM cha rasAlaM cha champakaM chandanaM tathA | pArijAtavanaM divyamashokavanamuttamam || 105|| vichitrAkhyaM vanaM kAntaM kadambavanameva cha | tathA.ana~NgavanaM ramyaM vanaM shrInAgakesharam || 106|| dvAdashaitAni nAmAni vanAnAM kathitAni te | sarveShu sAndranIlAbhranibheShu vipineShu cha || 107|| niviDeShu navA nityA vichitrA vividhA drumAH | chinmayAH kamanIyAshcha kishorAH kAmavigrahAH || 108|| susnigdhAH komalAH sUkShyAshchyotantyamR^itavipruShaH | navInaiH pallavaiH shlakShNairmR^idulairvAyucha~nchalaiH || 109|| vichitrairlambitairnIlaharitpItAruNai rdhanaiH | puShpANAM pa~n~navarNAnAM divyAyAM cha sugandhinAm || 110|| navAnAmaprameyANAM nityAnAmabhito bhR^isham | praphullAnAM sudhAsvAduphalAnAM cha visheShataH || 111|| mahAbhAreNa shAkhAbhirluNThanti dharaNItale | divyasvarNamahAratnajAlaishchitrita vedikAH || 112|| pa~ncha prakArasatpuShpavratatyo ghavitAnakAH | suvarNavalkalAstatra muktApuShpAvataMsakAH || 113|| latAshvintAmaNiphalA ratnapallavashobhitAH | nAnApuShparajaH pR^iktashabalAH ShaTpadA mudA || 114|| anantA yatra gu~njanti bhramanto gandhagR^inghavaH | mattAH puShparasaM pItvA patanti pR^ithivItale || 115|| punarutthAya dhAvanti puShpaugheShu muhurmuhuH | pravilIya palAyante drumamanyaM hi yUthashaH || 116|| samantAd bhramarIbhiste vikrIDante samaM mudA | anantA nirvR^itA mattAH kvachit kUjanti kokilAH || 117|| sArikAshcha shukAshchitrAH kvachid gAyanti sa~NghashaH | kachitpArAvatatrAtAH kapotAshrakka Nanti hi || 118|| raTanti rAgiNo.atyantaM cha~nchalAshchAtakAH kvachit | chandramaNDalasa~NkAshAH pramadAbhirmudAnvitAH || 199|| haMsA muktAshcha khAdanto nadanti madhuraM kvachit | kvachit krau~nchashchakorAshchA kalahaMsAshcha sArasAH || 120|| vichitrAH pakShiNashchAnye svayoShidbhirmanoharAH | ramante nAdayantashcha vanaM nAnAravairbhR^isham || 121|| tiraskR^itAmR^itasvAduphalAni vividhAni cha | adanti teShu sarveShu vichitreShu vaneShu cha || 122|| pranR^ityanti mayUrIbhiH sArdhaMH mattAH shikhaNDinaH | nityashrIkarNikArAshcha kundavR^indAshchachamallikAH || 123|| lava~NgalatikA jAtyo mAlatyo yUthikAstathA | mAghavyashchaiva ketakyo vAsantyaH paramAdbhutAH || 124|| sthUlapadmAshcha kajjAshcha sevantyo vividhAstathA | anyAshchitra latAH svaiH svai puShpaudhairvividhairbhR^isham || 125|| prakurvanti vane sarvaM dravyaM gandhAdhivAsitam | vAtAshcha shItalA mandA sugandhAstadvane sadA || 126|| pravAnti paramAnandavardhanAH ShadpadAnugAH | nAnApuShparajobhishcha ra~njitA bhUrvirAjate || 127|| kachitpItA kkachinnIlA haridraktA sitA kvachit | pAdapaprachyutaiH puShpairAchChannA pa~nchavarNakaiH || 128|| kuthevAbhAti vistIrNA chitravarNA kvachit kvachit | dIrghikA vividhAstatra maNinirmalavAriNA || 129|| pUrNA mANikyasopAnAH sphaTikopalakuTTimAH | tIrasthadrumasachChannAH praphullavividhItpalAH || 130|| kUjatpakShigaNaishchitrairgu~njadbhR^i~NgairninAditAH | phUllapa~nakajakallolajalA gu~njanmadhuvratAH || 139|| puShkariNyo dvijodghuShTadru magulmalatAchayAH | taTAkAni saramyANi vishAlAni vane vane || 132|| vichitramaNisopAnatIrthAni vividhAni cha | kuNDAni kamanIyAni santi sphaTikavAribhiH || 133|| sannAditavanAntAni nadadbhishchitrapakShibhiH | prAsAdA maNDapAH sAndrakAnaneShu kvachit kvachit || 135|| madhye madhye pradIpyante vedikA vividhAstathA | kA~nchanAshchandrakAntaishcha maNibhishchitritA kvachit || 136|| chintAratnaiH kvachichchendranIlaratnairvichitritAH | padmarAgaiH pravAlaishcha kvachid vrajaiH sphuratprabhaiH || 136|| vaiDUryairbhAsamAnaishcha syamantaiH khachitaH kvachit | kvachidvaMshachCha dairbhAtaimaNikyaishcha manoharaiH || 138|| haridratnaishcha muktAbhiH pravAlaishchApi maNDitaH | anyervichitraratneshcha mR^idulAstaraNestathA || 139|| mukAdAmavitAnaishcha darpaNeshrAppala~NkR^itAH | muktApuShpalatAjAlakujjAni ma~njulAnyalam || 140|| bhR^i~NgapakShipraghuShTAni tadvane santyanekashaH | vasanto hi kachit tatra nityameva virAjate || 141|| nidAghashcha kkachit prAvR^iT kvachinnityaM sharat tathA | hemantashcha kvachinnityaM shishiro vartate kvachit || 142|| ShaDete R^itavaH svasvabhUtyA vai saMvasanti hi | deshI devagirishchaiva vairATI ToDikA tathA || 143|| lalitA chaiva hiNDolI rAgiNyaH ShaT prakIrtitAH | mUrtimatIbhiretAbhiH svapatnIbhirmanoharaH || 144|| vasanto mUrtimAn rAgo vasante varttate sadA | bhairavI gurjarI chaiva revA guNakarI tathA || 145|| va~NgAkShI bahulI chaiva rAgiNyaH ShaT suvigrahAH | etAbhiH svasahAbhiryoyoShidbhibhairavo.adbhutaH || 146|| rAgaH saMvartate nityaM nidAghe mUrtimAn svayam | mallArI soraThI chaiva sAverI kaushikI tathA || 147|| gAndhArI hari shrR^i~NgArA rAgiNyaH ShaTsukhapradAH | surUpAbhiH svabhAryAbhiretAbhimUrtimAn mahAn || 148|| prAvR^iShi prItikR^innityaM megharAgaH pratiShThitaH | vibhAsI chAtha bhUpAlI mAlashrI paTama~njarI || 149|| vaDahaMsI cha karNATI rAgiNyo.adbhutavigrahAH | svadAraiH Sha~NbhiretAbhiH putrapautrasnuShAdibhi || 150|| rUpavAn pa~nchamo rAgaH sarvadA sharadi sthitaH | kAmodI chApi kalyANI hyabhIrI nATikA tathA || 151|| sAla~NgInaTahammIrI rAgiNyaH suratipradAH | divyarUpAbhiretAbhiH svastrIbhirdivyarUpavAn || 152|| hemante sarvadA rAgo dIpakAkhyashcha tiShThati | mAlavI trivaNI gaurI kedArI madhumAdhavI || 153|| pArvatIyA tathA chaiva rAgiNyaH shrutisaukhyadAH | ShaDmarbhirmUrtimatIbhiH svanAyikAbhishcha mUrtimAn || 154|| shishire saMsthito nityaM shrIrAgaH sakuTumbakaH | rAgAH ShaTpuruShAshchetthaM ShaTtriMshachcha tathA striyaH || 155|| rAgiNyaH parivAraishcha nivasanti sadA vane | pramodakAnanaM ShaShThametadAvaraNaM mahat || 156|| tava bhaktyA prasannena mayA proktaM dvijottama | tatashcha saritAmAdikAraNaM sarayU sarit || 157|| shrImatI shAshchatI nityaM sarvalokaikapAvanI | sachchidghanaparAnandarUpiNI rAmavallabhA || 158|| virajAdyAH parA nadyo yasyAMshAllokavishrutAH | yannAmochchAraNAt sadyo muktAH saMsArabandhanAt || 159|| prApnuyurdivyadehaM cha sasItaM raghunandanam | tajjalaM nirmalaM kAntaM gambhIrAvarttashobhitam || 160|| uttu~Nga vilasadvIchidhavalIkR^itadin~Nmukham | mandIkR^itasharachchandrakaraM chandramaNiprabham || 161|| tiraskR^itasudhAravAdu kundavR^inda himadyuti | praphullaiH pa~NkajairaktaiH shuklaiH pItaiH tathA.asitaiH || 162|| anyairnAnAvidhairdivyaiH sugandhIkR^itamadbhutam | haMsaiH krau~nchaishchakoraishcha chakravAkaishcha sArasaiH || 163|| sadArairatikUjadbhishchitraishchAnyaiH patatribhiH | bhramadbhirbhramarairmattairgu~njadbhirmadhurasvaraiH || 164|| mattAbhirbhramarIbhishcha samantonmukharIkR^itam | maNibhishchandrakAntaishcha padmarAgaishcha kaustubheH || 165|| kvachid vaMshachChadairva jraishchedranIlaiH syamantakaiH | chintAratnaishcha vaiDUyairmuktAbhiH sphaTikaiH kvachit || 166|| mANikyaishcha kvachidratnairnAnAvarNaiH sakA~nchanaiH | khachitAnAM sutIrthAnAM sahasrANAM taTadvaye || 167|| prativimbairjalaM svachChaM nAnAvarNaM prakAshate | vajrasphaTikamuktAnAM sUkShmachUrNAni bAlukAH || 168|| tathA chandramaNInAM cha dyotayanti sarittaTe | evaM shrI sarayU ramyA paramAnandadAyinI || 169|| saptamAvaraNaM viddhi sAketasya saridvarA | saptAvaraNamadhye tu rAjate rAmavallabhA || 170|| ayodhyA tatparA bodhyA sAndrAnandaikavigrahA | itIdaM varNitaM nityaM saptAvaraNasaMyutam || 171|| shrI sAketAmidhAnaM shrIrAmadhAma parAtparam | rAmadhAmnaH svarUpaM cha mahAtmyaM munisattama || 172|| paThedvA shrR^iNuyAnnityaM ya etad bhaktisaMyutaH | sa gachChet paramaM dhAma sAketaM yogidurlabham || 173|| j~nAnaM yogashcha dhyAnaM cha tapashchAtmavinigrahaH | nAnA yaj~nAshcha dAnAni sarvatIrthAvagAhanam || 174|| etasya pAThamAtreNa shravaNena cha yat phalam | bhavet tasya bharadvAja sahasrAMshaM na chApnuyuH || 175|| shrIbharadvAja uvAcha \- tattvAmR^itaM pItamananyachetasA sudhAdhikaM tvanmukhanirgataM mayA | dhanyo.asmyahaM nAtha padadvayaM prabho namAmi nityaM cha tavAsmi ki~NkaraH || 176|| iti shrImad vashiShThasaMhitAyAM shrImadvashiShThabharadvAja saMvAde nityashrIrAmadhAma svarUpa varNanAtmakaH ShaDviMshatitamo.adhyAyaH || 26|| ## Proofread by P. Sudarshana \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}