% Text title            : shrIrAmapUjAvidhividhAnam mAnasI and bAyhaH from Anandaramayana
% File name             : shrIrAmapUjAvidhividhAnamAnanda.itx
% Category              : raama, pUjA
% Location              : doc\_raama
% Transliterated by     : PSA Easwaran
% Proofread by          : PSA Easwaran
% Source                : AnandarAmAyaNa manoharakhanda sarga 3
% Latest update         : January 30, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrirama Manasi and Bahih Puja Vidhi Vidhanam ..}##
\itxtitle{.. shrIrAma mAnasI bahiH cha pUjA vidhividhAnam ..}##\endtitles ##
\section{shrIrAmamAnasI pUjA vidhividhAnam}
sutIkShNastvekadA.agastyaM dR^iShTvA rahasi saMsthitam |
praNamya parayA bhaktyA provAcha vinayAnvitaH || 54||
sutIkShNa uvAcha |
hR^idaye mAnasI pUjA kIdR^ishI cha vada prabho |
upachAraiH katividhaiH pUjyate raghunandanaH | 55||
agastya uvAcha |
rAmaM padmavishAlAkShaM kAlAmbudasamaprabham |
smitavaktraM sukhAsInaM chintayechchittapuShkare || 56||
rAgAdikaluShaM chittaM vairAgyeNa sunirmalam |
kR^itvA dhyAyetsadA rAmaM bhavabandhavimuktaye || 57||
prAtaH shuddhavapurbhUtvA shauchAdibhiratadritaH |
viviktadeshamAshritya dhyAnapUjA samArabhet || 58||
nAbhikundasamudbhUtaM kadalIkusumopamam |
aShTapatraM snigdhavarNaM dhyAyeddhR^idayapa~Nkajam || 59||
tatpadmaM rAmanAmnaiva phullaM kR^itvA.asya madhyame |
bhAvayetsUryasomAgnimaNDalAnuttarottaram || 60||
tasyopari nyaseddivyaM pIThaM ratnamayojjvalam |
tanmadhye rAghavaM dhyAyetsUryakoTisamaprabham || 61||
indIvaranibhaM shAntaM vishAlAkShaM suvakShasam |
udyaddIdhitamadbhAsvatkuNDalAbhyAM virAjitam || 62||
sunAsaM sukirITaM cha sukapolaM shuchismitam |
vij~nAnamudraM dvibhujaM kambugrIvaM sukuntalam || 63||
nAnAratnamayairdivyahArairbhUShitamavyayam |
vidyutpu~njapratIkAshaM vastrayugmadharaM harim || 64
vIrAsanasthaM santAnatarumUlanivAsinam |
mahAsugandhaliptA~NgaM vanamAlAvirAjitam || 65||
vAmapArshve sthitAM sItAM chAmIkarasamaprabhAm |
lIlApadmadharAM devIM chAruhAsAM shubhAnanAm || 66||
pashyantIM snigdhayA dR^iShTayA divyAM kalpavirAjitAm |
ChatrachAmarahastena lakShmaNena susevitam || 67||
hanumatpramukhairnityaM vAnaraiH parivAritam |
stUyamAnaM R^iShigaNaiH sevitaM bharatAdibhiH || 68||
sanandanAdibhishchAnyairyogivR^indaiH stutaM sadA |
sarvashAstrArthakushalaM yogaj~naM yogasiddhidam || 69||
evaM dhyAtvA rAmachandraM maNidvayasushobhitam |
shuddhena manasA rAmaM pUjayetsatataM hR^idi || 70||
iti dhyAnam |
AvAhayAmi vishveshaM jAnakIvallabhaM vibhum |
kausalyAtanayaM viShNuM shrIrAmaM prakR^iteH param || 71||
rAjAdhirAja rAjendra rAmachandra mahIpate |
ratnasiMhAsanaM tubhyaM dAsyAmi svIkuru prabho || 72||
shrIrAmAgachCha bhagavan raghuvIra raghUttama |
jAnakyA saha rAjendra susthiro bhava sarvadA || 73||
rAmachandra maheShvAsa rAvaNAntaka rAghava |
yAvatpUjA samApye.ahaM tAvattvaM sannidhau bhava || 74||
raghunandana rAjarShe rAma rAjIvalochana |
raghuvaMshaja me deva shrIrAmAbhimukho bhava || 76||
prasIda jAnakInAtha suprasiddha sureshvara |
prasanno bhava me rAjan sarvesha madhusUdana || 76||
sharaNaM me jagannAtha sharaNaM bhaktavatsala |
varado bhava me rAjan sharaNaM me raghUttama || 77||
trailokyapAvanAnanta namaste raghunAyaka |
pAdyaM gR^ihANa rAjarShe namo rAjIvalochana || 78||
paripUrNa parAnanda namo rAmAya vedhase |
gR^ihANArghyaM mayA dattaM kR^iShNa viShNo janArdana || 79||
OM namo vAsudevAya tattvaj~nAnasvarUpiNe |
madhuparkaM gR^ihANemaM rAjArAjAya te namaH || 80||
namaH satyAya shuddhAya budhnyAya j~nAnarUpiNe |
gR^ihANAchamanaM deva sarvalokaikanAyaka || 81||
brahmANDodaramadhyasthaistIrthaishcha raghunandana |
snApayiShyAmyahaM bhaktyA tvaM gR^ihANa janArdana || 82||
santaptakA~nchanaprakhyaM pItAmbaramimaM hare |
sa~NgR^ihANa jagannAtha rAmachandra namo.astu te || 83||
shrIrAmAchyuta yaj~nesha shrIdharAnanda rAghava |
brahmasUtraM sottarIyaM gR^ihANa raghunAyaka || 84||
kirITahArakeyUraratnakuNDalamekhalAH |
graiveyakaustubhaM hAraM ratnaka~NkaNanUpurAn || 85||
evamAdIni sarvANi bhUShaNAni raghUttama |
ahaM dAsyAmi te bhaktyA sa~NgR^ihANa janArdana || 86||
ku~NkumAgarukastUrIkarpUronmishrachandanam |
tubhyaM dAsyAmi vishvesha shrIrAma svIkuru prabho || 87||
tulasIkundamandArajAtipunnAgachampakaiH |
kadambakaravIraishcha kusumaiH shatapatrakaiH || 88||
nIlAmbujairvilvadalaiH puShpamAlyaishcha rAghava |
pUjayiShyAmyahaM bhaktyA sa~NgR^ihANa namo.astu te || 89||
vanaspatirasairdivyagandhADhyaiH sumanoharaiH |
rAmachandra mahIpAla dhUpo.ayaM pratigR^ihyatAm || 90|
jyotiShAM pataye tubhyaM namo rAmAya vedhase |
gR^ihANa dIpakaM rAjaMstrailokyatimirApaham || 91||
idaM divyAnnamamR^itaM rasaiH ShaDbhirvirAjitam |
shrIrAma rAjarAjendra naivedyaM pratigR^ihyatAm || 12||
nAgavallIdalairyuktaM pUgIphalasamanvitam |
tAmbUlaM gR^ihyatAM rAma karpUrAdisamanvitam || 93||
ma~NgalArthaM mahIpAla nIrAjanamidaM hare |
sa~NgR^ihANa jagannAtha rAmachandra namo.astu te || 94||

\section{atha namaskArAShTakamantrAH}
OM namo bhagavate shrIrAmAya paramAtmane |
sarvabhUtAntarasthAya sasItAya namo namaH || 95||
OM namo bhagavate shrIrAma rAmachandrAya vedhase |
sarvavedAntavedyAya sasItAya namo namaH || 96||
OM namo bhagavate shrIviShNave paramAtmane |
parAtparAya rAmAya sasItAya namo namaH || 97||
OM namo bhagavate shrIraghunAthAya shAr~NgiNe |
chinmayAnandarUpAya sasItAya namo namaH || 98||
OM namo bhagavate shrIrAma shrIkR^iShNAya chakriNe |
vishuddhaj~nAnadehAya sasItAya namo namaH || 99||
OM namo bhagavate shrIvAsudevAya viShNave |
pUrNAnandaikarUpAya sasItAya namo namaH || 100||
OM namo bhagavate shrIrAma rAmabhadrAya vedhase |
sarvalokasharaNyAya sasItAya namo namaH || 101||
OM namo bhagavate shrIrAmAyAmitatejase |
brahmAnandaikarUpAya sasItAya namo namaH || 102||

iti namaskArAShTakamantrAH |

\section{shrIrAmabahiHpUjAvidhividhAnam}
nR^ityagItAdivAdyAdipurANapaThanAdibhiH |
rAjopachArairakhilaiH santuShTo bhava rAghava || 103||
vishuddhaj~nAnadehAya raghunAthAya viShNave |
antaHkaraNasaMshuddhiM dehi me raghunandana || 104||
namo nArAyaNAnanta shrIrAma karuNAnidhe |
mAmuddhara jagannAtha ghorAtsaMsArasAgarAt || 105||
rAmachandra maheShvAsa sharaNAgatatatpara |
pAhi mAM sarvalokesha tApatrayamahAnalAt || 106||
shrIkR^iShNa shrIkara shrIsha shrIrAma shrInidhe hare |
shrInAtha shrImahAviShNo shrInR^isiMha kR^ipAnidhe || 107||
garbhajanmajarAvyAdhighorasaMsArasAgarAt |
mAmuddhara jagannAtha kR^iShNa viShNo janArdana || 108||
shrIrAma govinda mukunda kR^iShNa shrInAtha viShNo bhagavannamaste |
prauDhAriShaDvargamahAbhayebhyo mAM trAhi nArAyaNa vishvamUrte || 109||
shrIrAmAchyuta yaj~nesha shrIdharAnanda rAghava |
shrIgovinda hare viShNo namaste jAnakIpate || 110||
brahmAnandaikavij~nAnaM tvannAmasmaraNaM nR^iNAm |
tvatpadAmbujasadbhaktiM dehi me raghuvallabha || 111|
namo.astu nArAyaNa vishvamUrte namo.astu te shAshvata vishvayone |
tvameva vishvaM sacharAcharaM cha tvAmeva sarvaM pravadanti santaH || 112||
namo.astu te kAraNakAraNAya namo.astu kaivalyaphalapradAya |
namo namaste.astu jaganmayAya vedAntavedyAya namo namaste || 113||
namo namaste bharatAgrajAya namo.astu yaj~napratipAlanAya |
ananta yaj~nesha hare mukunda govinda viShNo bhagavanmurAre || 114||
shrIvallabhAnanta jagannivAsa shrIrAma rAjendra namo namaste |
shrIjAnakIkAnta vishAlanetra rAjAdhirAja tvayi me.astu bhaktiH || 115||
taptajAmbUnadenaiva nirmitaM ratnabhUShitam |
svarNapuShpaM raghushreShTha dAsyAmi svIkuru prabho || 116||
hR^itpadmakarNikAmadhye sItayA saha rAghava |
nivasa tvaM raghushreShTha sarvairAvaraNaiH saha || 117||
manovAkkAyajanitaM karma yadvA shubhAshubham |
tatsarvaM prItaye bhUyAnnamo rAmAya shAr~NgiNe || 118||
aparAdhasahasrANi kriyate.aharnishaM mayA |
dAso.ayamiti mAM matvA kShamasva raghupu~Ngava || 119||
namaste jAnakInAtha rAmachandra mahIpate |
pUrNAnandaikarUpa tvaM gR^ihANArghyaM namo.astu te || 120||
evaM yaH kurute pUjA bahirvA hR^idaye.api cha |
sakR^itpUjanamAtreNa rAma eva bhavennaraH || 121||
kiM punaH satataM brahmaNyevaM pUjya sthito hi saH |
sarvAnkAmAnavApnoti cheha loke paratra cha | 122||
evaM sutIkShNa te proktaM yathA pR^iShTaM tvayA mama |
hR^idaye mAnasIpUjAvidhAnaM rAghavasya cha || 123||
shrIrAmadAsa uvAcha |
evaM shiShya sutIkShNAya munaye.agastinA purA |
yatproktaM tanmayA sarvaM tava proktaM savistarAt || 124||
iti shrIshatakoTirAmacharitAntargate shrImadAnandarAmAyaNe
vAlmIkIye manoharakANDe tR^itIyasargAntargataM
shrIrAmamAnasIpUjAvidhividhAnaM samAptam |	

atha bahiHpUjAvidhividhAnam |
shiShyAdhunA bahiHpUjAvidhAnaM cha mayochyate |
naraH prAtaH samutthAya kR^itvA shauchAdikAH kriyAH 125||
snAtvA sandhyAdikaM kR^itvA devapUjAM sabhArabhet |
tIrthe devAlaye vA.api goShThe puNyasthaleShu cha || 126||
nadyAstaTe devagehe tulasIsannidhau tathA |
liptvA bhUmiM gomayena tato padmAni lekhayet || 127||
sitaraktaharitpItanIlakR^iShNAdisambhavaH |
nAnAvarNashchitritAni tatra pUjA samArabhet || 128||
aShTottarasahasrashrIrAmali~NgAtmakAsanam |
vAShTottarashataM shrImadrAmali~NgAtmakAsanam || 129||
aShTottarasahasrashrIrAmabhadrAsanaM hi vA |
vAShTottarashataM shrImadrAmabhadrAsanaM shubham || 130||
bahUnyanyAni shatashaH santi laghvAsanAni hi |
teShAM madhyAdekamevAsanaM saMsthApya chitritam || 131||
pIThopari kR^itaM vastraM patrAdiShvapi vA kR^itam |
Asanopari jAnakyA rAghavAdInniveshayet || 132||
Asane sarvatobhadramadhye padmopari nyaset |
sItayA rAghavaM ramyaM varasiMhAsane sthitam || 133||
rAmasya pR^iShThabhAge cha lakShmaNaM sthApayettataH |
rAmasya dakShiNe pArshve bharataM vinyasechChubham || 134||
rAmasya vAmapArshve hi shatrughnaM vinyasechChubham |
purato rAmachandrasya vAyuputraM tu vinyaset || 135||
rAmasya vAyudigbhAge sugrIvaM sthApayettataH |
IshAnyAM rAmachandrasya vinyasya cha vibhIShaNam || 136||
rAmasya vahnidigbhAge vinyaseda~NgadaM tataH |
nairR^ityAM rAmachandrasya jAmbavantaM tu vinyaset || 137||
pUjyapUjakayormadhye prAgdigj~neyA.archane tviha |
sarvashAstreShvevameva nirNayaH kathyate budhaiH || 138||
lakShmaNasya kare deyaM ChatraM muktAvirAjitam |
bharatasya kare deyaM chAmaraM rukmamaNDitam || 139||
shatrughnasya kare deyaM vyajanaM chitritaM shubham |
hanUmataH kare deyaM rAmasya pAdukAdvayam || 140||
sugrIvasya kare deyaM jalapAtraM manoharam |
kare vibhIShaNasyApi deyaM mukuramuttamam || 141||
deyaM tAmbUlapAtraM cha vAlinandanasatkare |
jAmbavataH kare deyo vanakosho mahattamaH || 142||
navAyatanamevaM hi sthApayedrAghavasya cha |
athavA pa~nchAyatanaM sthApayedAsanopari || 143||
sItAyA rAmachandrasya madhye pR^iShThe tu lakShmaNam |
bharataM savyapArshve cha shatrughnaM vAmapArshvake || 144||
purato vAyuputraM cha pUrvoktairupachArakaiH |
evaM saMsthApayedbhaktyA rAmaM bhadrAsanopari || 145||
athavA sItayA rAmaM madhye sthApya tataH param |
rAmasya pR^iShThe saumitriM rAmAgre vAyunandanam || 146||
sthApyaivaM pUjayedbhaktyA rAmaM dhR^itasharAsanam |
athavA sItayA rAmaM lakShmaNaM paripUjayet || 147||
sItAnujau vinA pUjA rAmasyaikasya nAcharet |
kR^itA chedvighnakartrI sA bhavedatra na saMshayaH || 148||
navAyatanapUjA sA shreShThA j~neyA shubhapradA |
yA pa~nchAyatanI pUjA j~neyA sA madhyamA.atra hi || 149||
tridaivatyA tu yA pUjA kaniShThA sA nigadyate |
atikaniShThA pUjA sA dvidaivatyA smR^itA hi sA || 150||
kodaNDaM vAmahaste cha tUNIraM vAmapArshvake |
nijanAmA~NkitaM bANaM dadhAnaM dakShiNe kare || 151||
evaM shrIrAghavaM sthApya tataH pUjAM samArabhet |
Atmano vAmabhAge cha jalakumbhaM nidhAya hi || 152||
Atmano dakShiNe bhAge pUjApAtraM niveshayet |
AtmanaH purataH pAtraM sthApayedvistR^itaM varam || 153||
prA~NamukhaH sukhamAsIno dhR^itapadmAsanaH shuchiH |
maunI dhR^itAkShatulasImAlo nishchalamAnasaH || 154||
baddhagranthishikhaH shuddhavastro dhR^itapavitrakaH |
shuddhadvArAvatImR^itkR^ittilako mudrikA~NkitaH || 156||
natvA.a.adau gaNarAjaM cha tithivArAdi kIrtayet |
bhUmishuddhiM bhUtashuddhiM nyAsau kR^itvA yathAkramam |
prokShaNIpAtramekaM tu jalapUrNaM prakArayet || 156||
dUrvAgandhAkShatapuShpaistatpAtraM paripUrayet |
prokShayettena nIreNa pUjAdravyaM sahAtmanA || 157||
pAdyArghyAchamanArthaM tu trINi pAtrANi vinyaset |
gaNarAjaM pUjayitvA sampUjya varuNaM tataH || 158||
pA~nchajanyaM pUjayitvA prokShayetajjalairapi |
pUjAdravyaM pUrvavachcha svAtmAnaM cha bhuvaM tathA || 159||
dhenusha~NkhachakrapakShirAjamudrAH pradarshayet |
shailI dArumayI lauhI lepyA lekhyA cha saikatI || 160||
manomayI maNimayI pratimA.aShTavidhA smR^itA |
atha dhyAyedrAmachandraM sasItaM purataH sthitam || 161||
dvibhujaM dhR^itatUNIraM chApabANadhR^itAyudham |
divyAla~NkArasaMyuktaM pItakausheyavAsasam || 162||
salakShmaNaM sashatrughnaM bharatena samanvitam |
hanumatsevitapadaM siMhAsanavirAjitam || 163||
sitaChatrasamAyuktaM divyachAmaravIjitam |
vibhIShaNasamAyuktaM sugrIvaparivanditam || 164||
jAmbavatA samAyuktama~Ngadena pariShTutam |
ayodhyAvAsinaM rAmamevaM hR^idi vichintayet || 165||
sItArAma samAgachCha madagre tvaM sthiro bhava |
gR^ihANa pUjAM maddattAM kR^itamAvAhanaM tava || 166||
hiraNmayaM ratnayuktaM nAnAchitravichitritam |
siMhAsanaM savastraM cha hyAsanArthaM dadAmi te || 167||
chandanAgurusaMyuktairjalaistIrthasamudbhavaiH |
pAdyaM gR^ihANa shrIrAma mayA dattaM prasIda me || 168||
puShkarAdiShu tIrtheShu ga~NgAdiShu saritsu cha |
yattoyaM tanmayA.a.anItaM dattamarghyaM gR^ihANa bhoH | 169|
sugandhavAsitaM toyaM bahutIrthasamudbhavam |
AchamanArthamAnItaM gR^ihANa tvaM sureshvara || 170||
haridrAku~NkumairyuktaM sugandhadravyamishritam |
sugandhasnehasammishramudvarttanamathAstu te || 171||
kAmadhenUdbhavaM kShIraM nandinyA dadhi sundaram |
kapilAyA ghR^itaM shreShThaM madhu vindhyAdrisambhavam || 172||
sitopalasamAnAma sitAyuktaM manoharam |
pa~nchAmR^itaM mayA.a.anItaM snAnArthaM tvaM gR^ihANa bhoH || 173||
ga~NgA cha yamunA chaiva godAvarI sarasvatI |
narmadA sindhu kAverI sarayU gaNDakI tathA || 174||
tAmraparNI bhImarathI kR^iShNA veNI mahAnadI |
gomatI sAgarAH sapta payoShNI bhavanAshinI || 175||
pUrNA tApI tu~NgabhadrA kShiprA vegavatI tathA |
pinAkI pravarA sindhupheNA sArddhatrayo nadAH | 176||
ghR^itamAlA kR^itamAlA mahI nikShepikA tathA |
payoShNI premaga~NgA cha chitraga~NgA karAnadI || 177||
nIrA charmaNvatI vR^iddhA ba~njarA cha punaH punaH |
sindhukShIrA cha vaikuNThA.alakanandA cha vAraNA || 178||
ityAdisarvatIrtheShu yattoyaM vartate shubham |
tanmayA.a.anItamadyAtra snAnaM kuru raghUttama || 179||
punarAchamanaM ramyaM sarvatIrthasamudbhavam |
gR^ihANa raghunAtha tvaM dIyate yanmayA tava || 180||
suvarNatantubhishchitraM pItakausheyasambhavam |
vastrayugmaM pradAsyAmi gR^ihANa raghunAyaka || 181||
shuddhaM hemamayaM ramyaM navatantusamudbhavam |
brahmagranthisamAyuktaM brahmasUtraM pragR^ihyatAm || 182||
mukuTaM kuNDale ramye mudrikAH ka~NkaNe tathA |
nUpure rashanAmAlAH keyUre ratnamaNDite || 183||
ityAdInparamAn divyAnsvarNamANikyanirmitAn |
tvadarthaM cha mayA.a.anItAnala~NkArAn gR^ihANa bhoH || 184||
ChatraM savyajanaM ramyaM chAmaradvayasaMyutam |
tvadarthaM cha mayA.a.anItaM gR^ihNIShva ripusUdana || 185||
sugandhaM chandanaM divyaM kR^iShNAguruvimishratam |
raktachandanasaMyuktaM gR^ihNIShva tvaM mayA.arpitam || 186||
akShatAMshcha varAn divyAnmuktAphalavinirmitAn |
kastUryA ku~NkumenAktAn gR^ihANa parameshvara || 187|
mAlyAdIni sugandhIni mAlatyAdIni vai prabho |
mayA.a.ahR^itAni pUjArthaM gR^ihANa raghunAyaka || 188||
vanaspatirasodbhUtaM gandhADhyaM gandhamuttamam |
AghreyaM sarvadevAnAM dhUpaM gR^ihNIShya rAghava || 189||
sAjyaM trivartisaMyuktaM vahninA yojitaM mayA |
dIpaM gR^ihANa bho rAma trailokyatimirApaham || 190||
bhakShyabhaktena saMyuktaM sapAyasaghR^itAnvitam |
sharkarAmadhusaMyuktaM naivedyaM pratigR^ihyatAm || 191||
AmrAdIni supakvAni phalAni vividhAni cha |
samarpitAni te rAma gR^ihNIShva raghunandana || 192||
pUgIphalasamAyuktaM nAgavallIdalairyutam |
jAtIchatuShTayayutaM tAmbUlaM svIkuru prabho || 193||
hiraNyaM brahmasambhUtaM vahnitejaHsamudbhavam |
dIyate dakShiNArthaM te gR^ihNIShva raghunandana || 194||
evaM mayA ShoDashakopachArAH
savistaraM te kathitAH shisho.atra |
AvAhanAdyAshcha hi dakShiNAntAH
sheShAM cha pUjAM sakalAM hi vakShye || 195||
pa~nchavartisamAyuktaM kapilA.a.ajyavimishritam |
vahninA yojitaM ramyaM gR^ihNIShva tvaM nirAjanam || 196||
jAtI champakamandArau ketakI tulasI tathA |
damano munikunde cha hyanantaM tviti vai nava || 197||
ebhirnavavidhaiH puShpairmantrapuShpANi rAghava |
mayA.arpitAni gR^ihNIShva prasIda parameshvara || 198||
yAni kAni cha pApAni janmAntarakR^itAni cha |
tAni sarvANi nashyantu pradakShiNaM pade pade || 199||
urasA shirasA dR^iShTyA manasA vachasA tathA |
padbhyAM karAbhyAM jAnubhyAM sAShTA~Nga~ncha namo.astute || 200||
AvAhanaM na jAnAmi na jAnAmi visarjanam |
pUjAM chaiva na jAnAmi kShamyatAM parameshvara || 101|
mantrahInaM kriyAhInaM bhaktihInaM raghUttama |
yatpUjitaM mayA deva paripUrNaM tadastu me || 202||
evaM shrIrAmachandrasya bhaktyA kAryaM prapUjanam |
nirantaraM tathA kAryaM navamyAM cha visheShataH || 203||

viShNudAsa uvAcha |
guro navavidhaiH puShpaistvayA puShpA~njaliH katham |
nivedito.atra rAmasya pUjane tadvadasva mAm || 204||
tvatto nAnAvidhAH pUjAH surANAM cha mayA shrutAH |
pUrvaM tAsu shruto naiva navapuShpA~njaliH kadA || 205||
shrIrAmadAsa uvAcha |
samyakpR^iShTaM tvayA shiShya sAvadhAnamanAH shR^iNu |
AsItpurA dvijavaraH kAveryA uttare taTe || 206||
rAmanAthapure kashchitsundarAkhyo.atibhaktimAn |
tasyAsannava putrAshcha rAmachintanatapatparAH || 207||
chandro.atichandrashchandrAbhashchandrAsyashchandrashekharaH |
chandrAMshurjitachandrashcha chandrachUDo.aShTamaH smR^itaH || 208||
rAmachandrashcheti nava grahA bhAshcha nava smR^itAH |
ekadA te tvayodhyAyAM rAmaM bhaktakR^ipAkaram || 209||
praShTuM yayushchaitramAse tasthuste sarayUtaTe |
tAvattatra samAyAtA nAnAdeshAntarasthitAH || 210||
janaughAnAM koTayashcha nAnAvAhanasaMsthitAH |
sarayvAM rAmatIrthe hi chaitrasnAnamathAdarAt || 211||
teShAM samAgatAnAM hi sammardastatra vai hyabhUt |
sammardAdrAmachandrasya teShAM nAbhUchcha darshanam || 212||
tadA te mantrayAmAsurnava viprAH parasparam |
kathaM shrIrAghavasyAtra sammarde darshanaM bhavet || 213||
chejjAtaM tvatiyatnena tarhi tatkiM na darshanam |
yAvatsvasthena manasA rAghavo na nirIkShitaH || 214||
tAvattaddarshanaM naiva tuShTiM no janayiShyati |
tadA chandro.abravIjjyeShThastvatraiva rAmadarshanam || 215||
vayaM tIvreNa tapasA prApsyAmastapyatAM tapaH |
tachchandravachanaM shrutvA punaH prochurdvijottamAH || 216||
ekakAle tu sarveShAM tapatAmantareNa hi |
kasyAdau rAmachandrashcha dAsyatyatra pradarshanam || 217||
kasya dAsyati pashchAchcha viditaM tadbhaviShyati |
kasyAsmAsu dR^iDhA bhaktirviditA sA bhaviShyati || 218||
evaM parasparaM choktvA te sarve dvijasUnavaH |
tyaktAhArA vAyubhakShAshchaikAnte tatpareNa hi || 219||
gatvAtidUraM sammardAttepuH sarve tapo mahat |
tatsarvaM rAghavo j~nAtvA sarvasAkShI jagatprabhuH || 220||
teShAM svadarshanaM dAtuM navame divase mudA |
mantrAyAmAsa shrIrAmaH kShaNaM chitte samAsthitaH | 221||
ekakAle tu sarveShAM yadi dAsyAmi darshanam |
tarhyeva tuShTiH sarveShAM bhaviShyati na chenna hi || 222||
ato.adyAhaM kariShyAmi nava rUpANi nishchayAt |
evaM sammantrya shrIrAmo lakShmaNaM prAha sAdaram || 223||
shibikAmAnayasvAdya bahirgachChAmyahaM mudA |
tatheti rAmavAkyena shibikAM lakShmaNastathA || 124||
AnayAmAsa dutaiH sa rAghavAya nyavedayat |
tadA siMhAsanAdrAmashchottIrya shibikAsthitaH || 225||
bandhubhimantrivaryaishcha suhR^inmitrAdibhiryutaH |
bahiH shanairayodhyAyA yayau rAmo mudAnvitaH || 226||
tatastaM janasammardaM samatikramya rAghavaH |
chakAra nava rUpANi hyAtmanaH parameshvaraH || 227||
shibikAH suhR^ido bhrAtR^indUtAnmitrAnsavAhanAn |
chakAra navadhA rAmastadA sa kShaNamAtrataH || 228||
nirIkShituM samAyAtA nAtmAnaM tAn janAnapi |
chakAra navadhA rAmastadadbhutamivAbhavat || 229||
tatastaistairjanaimitrairdUtairbandhujanaiH saha |
navAnAM bhUsurANAM hi yayAvagre raghUttamaH || 230||
tataste bhUsurAH sarve tadaikasamaye prabhum |
AtmanaH purato rAmaM dadR^ishustaM pR^ithak pR^ithak || 231||
tattuShTamanasaH sarve praNemU raghunandanam |
shibikAbhyastato rAmastvavaruhya pR^ithak pR^ithak || 232||
navarUpadharAH sarvAnviprAnAli~Ngya sAdaram |
UchurmadhurayA vAchA prasannamukhapa~NkajAH || 233||
bho viprAH shramitA yUyaM yuShmAkaM kR^itanishchayam |
buddhvA vayaM pR^ithagrUpairjAtAH smo navadhA.adya hi || 234||
ekakAle.atra tapatAM sarveShAM darshanaM nijam |
kasya deyaM tu pUrvaM hi pashchAtkasya pradIyatAm || 235||
iti sammantrya hR^idaye tvadyaikasamayena hi |
yuShmAkaM darshanaM dattaM varayadhvaM varAnitaH || 236||
rAmANAM vachanaM shrutvA te prochurbhUsurottamAH |
yenAsmAkaM bhavetkIrtiH sa varo dIyatAM tu naH || 237||
tatteShAM vachanaM shrutvA rAmAH prochurdvijAnpunaH |
yuShmAkaM darshanArthaM hi navarUpadharA vayam || 238||
adya jAtA yatastasmAdyuShmAkaM nAmabhiH sadA |
nava rAmAH parAM khyAtiM gamiShyantyavanItale || 239||
asmAkaM nava yatkichittatpriyaM hi bhaviShyati |
te teShAM tu rAmANAM vAkyaM shrutvA dvijottamAH || 240||
santuShTAste natA nemuH svaM svaM rAmaM muhurmuhuH |
tadA sarve janA rAmAn lakShmaNAn bharatAdikAn || 241||
AtmAnaM navadhA jAtAndR^iShTvA vismayamAgatAH |
tato rAmAH shibikAsu sthitvA pR^iShTvA dvijottamAn || 242||
parAvR^itya yayuH sarve mArge tveko.abhavatpunaH |
sarve jAtAstvekarUpAstathA te vismayaM yayuH || 243||
tato rAmo bandhubhishcha pUrvavannagarIM yayau |
gatvA gehe tu sItAyai sarvaM vR^ittaM nyavedayat || 244||
ataste nava viprANAM nAmabhirjagatItale |
khyAtiM rAmA yayustatra nava yadyachcha tatpriyam || 245||
yathArkA dvAdasha proktA ekaviMshadgaNAdhipAH |
rudrA ekAdasha proktA yathAShTa bhairavAH smR^itAH || 246||
nava durgA yathA tvatra tathA rAmA nava smR^itAH |
priyaM dvAdasha sUryAya ekAdasha shivapriyam || 247||
ekaviMshatpriyaM yadvadgaNeshAya mahAtmane |
priyamaShTa bhairavAya durgAyai tu nava priyam || 248||
yathA yathA.atra rAmAya nava shiShya priyaM sadA |
tasmAnnavavidhaiH puShpaira~njalistatpriyo mataH || 249||

iti shrImadAnandarAmAyaNe manoharakANDe tR^itIyasargAntargataM
shrIrAmabahiHpUjAvidhividhAnavistAraM samAptam ||

##
Encoded and proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}