% Text title            : Agradevacharyakrita Shriramaprapattih
% File name             : shrIrAmaprapattiHagradevAchArya.itx
% Category              : raama, rAmAnanda, prapatti
% Location              : doc\_raama
% Author                : agradevAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Agradevacharyakrita Shriramaprapattih ..}##
\itxtitle{.. shrImad agradevAchAryakR^itA shrIrAmaprapattiH ..}##\endtitles ##
svAmin te sheShabhUto.ahaM bhogyaste rakShya eva cha |
aki~nchano.ananyopAyastvatkai~NkaryaikabhogyakaH || 1||
agatishchAnukUlo.ahaM prAtikUlyena varjitaH |
rakShiShyatIti vishvAsI svarakShAprArthanAyutaH || 2||
kR^ipaNo.ahaM dayAsindho sarvApApakarastathA |
sva~ncha svIya~ncha yatki~nchit tvayi nyasyAmi svIkuru || 3||
nyasyAmyaki~nchanaH shrImannAtmarakShAbharaM tvayi |
tvatprAptau me upAyastvaM kR^ipayA bhava rAghava || 4||
etachcharAcharaM sarvaM yachcha yAvachcha shrUyate |
sarvamasti tvadIyaM hI shrutibhishchAvagamyate || 5||
na tAdR^ishaM dR^iDhaM j~nAnaM mayi svAmin pratiShThitam |
tvaM tu sarvaM vijAnAsi sarvaM vastu mameti cha || 6||
saMsArasAgare bhUman tat tvadvastunimajjitam |
pashyasi tvaM samarthaH san kAraNaM kiM vada prabho || 7||
chetanAchetanaM sarvaM madIyaM satyamasti vai |
jIvo.apyasau madIyashchetyabhimAnAnnimajjate || 8||
yAvatsvatvAbhimAno.asya tAvatsaMsArasAgare |
nimajjitobhimAnAnte dyuddhariShyAmi chedvada || 9||
satyamahaM madIyashcha sarvamanyattavAsti vai |
tathApyeShobhimAno me hetustava niyojanam || 10||
ahaM madIya~nchetyeSho yo.abhimAno duratyayaH |
tvayi nyasyAmi taM svAmin tvadIyaM taM hi svIkuru || 11||
nirhetukR^ipayA sarvaM svIkR^itya karuNAnidhe |
ahaM mamAbhimAnaM me nikhilaM Chindhi mUlataH || 12||
yadi nAstyAnukulyAdirmayi svAmin yathArthataH |
baddhA~njalipuTaM dInaM rakSha mAM sharaNAgatam || 13||
yathAhaM cha madIya~ncha na me rAmasya tattvataH |
bhAti me hR^idaye samyak tathA kuru dayAnidhe || 14||
tvanmAyayA malImasaM hR^idayaM nirmalaM kuru |
yenA.ahaM saMvijAnAmi tvAM tvadIyashcha tattvataH || 15||
tvatkR^ipAdR^iShTimAtreNa taddhi sarvaM bhaviShyati |
na vai parishramaH kashchit tava tatra dayAnidhe || 16||
prArthayAmi mahAdIno dInoddhAra kR^ipAnidhe |
etaddehAvasAne mAM svaM prApaya dayAkara ! || 17||
svadattaj~nAnadIpena nAshayAj~nAnajaM tamaH |
svatattvaj~nAnapUrvaM mAM svArthaM svamarpaya svayam || 18||
yAni sa~nchitapApAni tAni nAshaya me prabho |
akR^ityeShu pravR^ittiM me vAraya buddhipreraka || 19||
yathA nirmuchya pApebhyastvatprApteryogyatA bhavet |
mayi svAmin hare rAma tathA tvaM mAM svayaM kuru || 20||
na me pApavinirmoke nApi tvatprAptisAdhane |
shaktistatra samarthatvaM svaprApteH sAdhanaM bhava || 21||
svAgre mAM patitaM dR^iShTvA shrutvA cha prArthanAmimAm |
a~NgIchakAra shrIrAmastadapyasmIha nirbharaH || 22||

iti shrI agradevAchAryakR^itA shrIrAmaprapattiH samAptA |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}