% Text title            : Shri Vaishnavacharyapranitam Siddhanta Panchakam
% File name             : siddhAntapanchakamvaiShNavAchArya.itx
% Category              : raama, rAmAnanda, panchaka
% Location              : doc\_raama
% Author                : vaiShNavAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vaishnavacharyapranitam Siddhanta Panchakam ..}##
\itxtitle{.. shrIvaiShNavAchAryapraNItaM siddhAntapa~nchakam ..}##\endtitles ##

\section{1\. shrIsampradAyasiddhAntaH vishiShTAdvaita}

vishiShTAdvaitasiddhAnto rAmAnandAryasammataH |
brahmatvena matastatra shrIrAmaHsadguNAmbudhiH || 1||
jagajjanmAdihetushcha sarvAdhAraH sanAtanaH |
sarvakarmasamArAdhyaH sarvakarmaphalapradaH || 2||
sarveshaH sarvasheShI cha nityo vishvakalevaraH |
upAdAnaM nimittaM cha jagato vyApakastathA || 3||
sachchidAnandarUpashcha vibhUtidvayanAyakaH |
pUrNaH shrIsItayA sArdhaM bhagavAn vishvamohanaH || 4||
divyasiMhAsanAsIno divyabhUShaNabhUShitaH |
divyAkAreNa sampannaH sarvadoShavivarjitaH || 5||
sevito nityamuktaishcha sarvaj~naH sarvashaktikaH |
deshAdikAparichChinno.avatArI chetano.ajani || 6||
vishvaM pariNatistasya vikArI no tathApi saH |
pariNAmaH prakArAMshe no visheShye yato mataH || 7||
indriyaprANadehebhyo j~nAnAchchApi vilakShaNaH |
jIvo.aNushchetano nityo bhinnaH pratikalevaram || 8||
sukhaj~nAnasvarUpashchAchintyo.avyaktastathA.ajaDaH |
rAghavasya niyAmyashcha dhAryaH sheShastathA vapuH || 9||
brahmAMsho brahmabhinno.atha karttA bhoktA.avikAravAn |
baddhamuktavibhedena jIvo dvidhA samIritaH || 10||
jagat satyamanityaM cha deho rAmasya no mR^iShA |
shrIsItArAmakairyaM muktiH sAketadhAmani || 11||
tatreshabhogasAmyaM hi duHkhabIjaM na vidyate |
archirAdikayA gatyA sAyujyaM naiva chAnyathA || 12||
muktau bhogyashcha rAmo hi tAratamyaM na tat tadA |
bhaktyA.athavA prapattyA hi mokSho labhyeta nAnyathA || 13||
tailadhArA yathA loke vichChedarahitA tathA |
jAnakIjAnakInAthasmR^itirbhIktiH prakIrtitA || 14||
prapattishchAkhilaM tyaktvA rAmAyAtmanivedanam |
rAmAnukUlasa~NkalpaH prAtikUlyavivarjanam || 15||
vishvAso rakShaNasyAtha varaNaM gopanasya hi |
kArpaNyaM chAtmanikShepaH sA cheti ShaD vidhA smR^itA || 16||
iti siddhAntapa~nchake prathamaH vichChedaH | 1|

\section{2\. shrIbrahmasampradAyasiddhAntaH dvaitavAda\-}

madhvAchAryamatashchAtha dvaitavAdo.abhidhIyate |
tatra sarvottamaM tattva bhagavAn viShNureva hi || 1||
deshakAlAnavachChinnaH sR^iShTisthityantakArakaH |
savisheShaH svatantro.atha kalyANaguNasAgaraH || 2||
sachchidAnandarUpashcha sarvaj~naH sarvashaktikaH |
jagato.asya nimittatvaM mataM cheshasya kevalam || 3||
prakR^itistanmate vishvasyopAdAnatayA matA |
IshvarAnucharo jIvaH sachchidAnandarUpavAn || 4||
aNurbaddhastathA.anAdikAlAnmAyAvimohitaH |
aj~natvAdikadharmANAmAshrayaH paravA.NstathA || 5||
asvatantramatho cheshaniyAmyaM sat tathA jagat |
vAstaviko mato bhedaH pa~nchadhA sa udIritaH || 6||
jIveshayostathA jIvAjjaDasya cheshvarAdapi |
jIvAnAM cha mitho bhedo jaDAnAM cha parasparam || 7||
bhedAvabodhato viShNutadguNotkarShashemuShI |
tatashchArAdhya viShNuM tatprasAdenAtha muchyate || 8||
divyalokaM samAsAdya svarUpaM prApyate tathA |
tAratamyaM cha jIveShu muktAvapyurarIkR^itam || 9||
mokShasya sAdhanaM bhaktiH sA cha niShkAmabhAvataH |
vedAbhyAso.avilAsitvaM tathA chendriyasaMyamaH || 10||
AshAbhayaparityAga IshAyAtmasamarpaNam |
satyA hitaparA vANI harerdAsye spR^ihA sadA || 11||
dayA dAnaM prapannasya vipannasya cha rakShaNam |
haro gurau tathA shAstre shraddhA dambhavivarjitA || 12||
iti siddhAntapa~nchake dvitIyaH parichChedaH | 2|

\section{3\. shrIrudrasampradAyasiddhAntaH shuddhAdvaitavAda}

shrIviShNusvAmisiddhAntaH shuddhAdvaitatayochyate |
tatra brahma cha sarvaj~naH shrIkR^iShNo devakIsutaH || 1||
sachchidAnandarUpashcha sarvadharmamahArNavaH |
mAyayA rahitastadvadanantAchintyashaktikaH || 2||
shuddhashcha paramaH sevyaH sarveShAM prANinAM tathA |
aparichChinnarUpaH sa divyAnantaguNAmbudhiH || 3||
viruddhAnAM cha dharmANAM vAkyAnAmapi tAdR^ishAm |
yugapachcha samAvesho golokAdhipatau khalu || 4||
chaitanyaguNako jIvaH shuddho brahmAMsha eva hi |
aNuH karttA tathA bhoktA bhinnaH pratikalevaram || 5||
AvirbhAvatirobhAvau jagataH sto harichChayA |
pariNataM paraM brahma jagadrUpeNa lIlayA || 6||
jagadavikR^itashchaishaH pariNAmo na mAyikam |
sato.asya prakR^itirbrahma brahmashaktirnimittakam || 7||
kAryakAraNarUpAbhyAM sarvadaiva jagat sthitam |
goloke shrIhariprAptirmokShaH sukhamayaH smR^itaH || 8||
sarvaM kR^iShNamayaM dR^iShTvA premNA shrIharisevyA |
paramAnandarase magnaH shuddho jIvastadA bhavet || 9||
hareranugrahaH puShTiryA tatashchopajAyate |
puShTibhaktirhi sA proktA tayA jIvo vimuchyate || 10||
iti siddhAntapa~nchake tR^itIyaH parichChedaH | 3|

\section{4\. shrIsanakAdisampradAyasiddhAntaH dvaitAdvaitavAda}

dvaitAdvaitamataM tvatra nimbArkAchAryasammatam |
brahmatvenamatastatra shrIkR^iShNo rAdhikApatiH || 1||
achintyAnantashaktishcha kalyANaguNavAridhiH |
vibhurdoShavirodhI cha sachchidAnandavigrahaH || 2||
sarvaj~nAtA cha vishvasya prakR^itishcha nimittakam |
brahmaNaH pariNAmastu shaktivikShepa eva hi || 3||
bhinnaH kR^iShNAdabhinnashcha jIvo brahmAMsha eva hi |
aNushchetanarUpo j~no dehAdibhyo vilakShaNaH || 4||
pratidehaM vibhinnaH sa nityAdibhedatastridhA |
nityo brahmAtmakashchAtmA brahmavyApyatayA mataH || 5||
amAyikaM jagat satyaM bhinnAbhinnaM cha kR^iShNataH |
AdAvutpadyate kR^iShNAdante tatraiva lIyate || 6||
bhagavadbhAvasamprAptirmuktiH sAyujyanAmikA |
archirAdikayA gatyA goloke prApyate hi sA || 7||
shrIrAdhAkR^iShNa pAdAravindayoranapAyinI |
bhaktirhisAdhanaM mukternAnyo mArgo.asti tAM vinA || 8||
iti siddhAntapa~nchake chaturthaH parichChedaH | 4|

\section{5\.  shrImAdhvagauNeshvarasampradAyasiddhAntaH achintya bhedAbheda}

vAda chaitanyAbhimato.achintyabhedAbhedaH prakIrttita |
tatreshvaraHsvatantraH shrIkR^iShNaH pUrNo.atha muktidaH || 1||
kalyANaguNasindhushcha sachchidAnandavigrahaH |
vyApakatve.api bhaktyA.a.apyaH satvAdiguNavarjitaH || 2||
karttA chaikarasatve.api j~nAnAnandapradAyakaH |
sarvasya jIvavargasya bhoktA cha vibhuravyayaH || 3||
upAdAnaM nimittaM cha sarvasya jagatastathA |
pariNAmo jagat tasya svIyashaktyA hyachintyayA || 4||
pariNAme vikArIsho na syAchchintAmaNiryathA |
Ishasya shaktayaH saMvit sandhinI hrAdinI tathA || 5||
asmachChabdavAchyatvaM nityaM j~natvaM yatheshvare |
tathaiva jIvavarge tat tattvena samatobhayoH || 6||
jIvo mato.aNuchaitanyo guNaH shaktistathA vapuH |
vibhurIsho guNI dehI tathA chAchintyashaktimAn || 7||
jagat satyaM tathA nityaM na cha mithyA kadApi tat |
bhagavatpAdasamprAptirmuktirgolokadhAmani || 8||
bhagavadbhAmasamprApto mukto na cha nivarttate |
nAvarttayati yat kR^iShNo mukto nAvarttate svataH || 9||
mukhyaM cha sAdhanaM mukterharaH premaiva manyate |
durlabhaM tad hareH prema kR^iShNabhaktyaiva jAyate || 10||
hlAdinIsArasammishrasaMvitsArAtmikA cha sA |
muktau hi j~nAnavairAgye sahakAritayA mate || 11||
kIrtanIyo harinityaM mAnadena hyamAninA |
laghunA tR^iNatashchApi taruNeva sahiShNunA || 12||
iti siddhAntapa~nchake pa~nchamaH parichChedaH | 5|

iti shrIvaiShNavAchAryapraNIta siddhAntapa~nchakaM samAptam |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}