% Text title            : Siddhantavimshatih
% File name             : siddhAntaviMshatiH.itx
% Category              : raama, rAmAnanda, viMshati
% Location              : doc\_raama
% Author                : Haryanandacharya
% Proofread by          : Parashara Ranganathan
% Latest update         : January 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Siddhantavimshatih ..}##
\itxtitle{.. siddhAntaviMshatiH ..}##\endtitles ##
sItArAmau jagaddhetU divyadehau guNAkarau |
gurudevaM tathA nattvA kurve siddhAntaviMshatim ||
chidachidIshvarashcheti tattvatrayaM mataM budhaiH |
rAma eveshvaro brahma dehI chidachitormataH || 1||
chitA.achitA vishiShTaM cha tattvaM shrIrAma eva hi |
tachCharIrAt tatashchAtha bhinnaM tattvaM na vidyate || 2||
heyapratibhaTo rAmo.anantadivyaguNAmbudhiH |
saguNaH savisheSho.asau nAvishiShTo na nirguNaH || 3||
jIvo j~nAnasvarUpo.api dharmaj~nAnaguNAshrayaH |
j~nAtaiva vastuto jIvo mithyA tajj~nAtR^itA na tat || 4||
dehamAne tvanityatvaM vibhutve gatyasambhavaH |
aNutvamAtmanastasmAchChAstrapramANato.api cha || 5||
baddhamuktavyavasthAtaH sukhI duHkhIti bhedataH |
jIvA nAnA kvachichchaikyamuktaM prakArasAmyataH || 6||
chidachiddehirUpeNa rAmasya pariNAmitA |
tata evAdvitIyatvaM kUTasthatvaM svarUpataH || 7||
pariNAmo jagachchaishashchidachiddvArako mataH |
vikArashcha svabhAve hi jIvAtmano budhairmataH || 8||
prakR^iteH sa svarUpe.api brahmaNastUbhayorna saH |
brahmabhinnaM pradhAnaM hi satvAditriguNAshrayaH || 9||
brahmaNaH pariNAmo hi jagat satyaM mR^iShA na tat |
manyate na vivartto.atra shrautayauktikabAdhataH || 10||
pratIyate jagat satyaM satkhyAtiH sammatA hi tat |
prAmANikI na chAvidyA hyanirvAchyaM jaganna tat || 11||
pratyakShamanumAnaM cha shabdarUpaM tathaiva cha |
pramAkaraNarUpaM hi pramANaM trividhaM matam || 12||
shuktiraupyasthale satyaM shuktiraupyaM pratIyate |
pa~nchIkaraNataH shuktau svalparaupyAMshasattvattaH || 13||
svapnadR^iShTAH padArthAshcha satyabhUtA mR^iShA na hi |
karttA svapnarathAdInAmIshvaraH kathitaH shrutau || 14||
tattvamasyAdishAstraM cha satyameva mR^iShA na hi |
tAttvikaM bodhyate tena prakAryadvaitameva hi || 15||
vairAgyaM karmaNo yasmAt phalAnityatvavedanAt |
upArjya karmavij~nAnaM brahmaj~nAnaM tadarjayet || 16||
bhavanti sukhaduHkhAni jIvatashchAtmano.atra tat |
jIvanmuktirna siddhAnte vaidike svIkR^itA budhaiH || 17||
prArabdhakarmaNo nAshe dehAnte chArchirAdinA |
sAkete brahmasAmyaM hi gato mukto naraH smR^itaH || 18||
sAmyasya bhedagarbhatvAnmuktAvapyurarIkR^itaH |
bhedo jIvAtmanashchAtha brahmaNo buddhishAlibhiH || 19||
muktau cha duHkhaheturna sukhaM tu sarvato.adhikam |
bhaktyA chAtha prapattyaiva nityA muktirna chAnyathA || 20||
shriyAnandAryashiShyeNa haryAnandena nirmitA |
siddhAntaviMshatirbhUyAt satyasiddhAntabodhinI ||

iti pratipakShibhaya~Nkara jagadguru shrIharyAnandAchArya
siddhashiromaNi praNItA siddhAntaviMshatiH sampUrNA |
##
Proofread by Parashara Ranganathan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}