\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt
\let\usedvng=\Largedvng % for 1 column
\pagenumbering{itrans}
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}\engtitle{.. sharaNaagati gadyam.h ..}##
\itxtitle{.. sharaNaagati gadyam.h ..}##\endtitles##
|| shriimate raamaanujaaya namaH ||
yo nityamachyutapadaambujayugmarukma \-
vyaamohatastaditaraaNi tR^iNaaya mene |
asmadgurorbhagavato.asya dayaikasindhoH
raamaanujasya charaNau sharaNaM prapadye ||
vande vedaanta karpuura chaamiikarakaraNDakam.h
raamaanujaaryamaaryaaNaaM chuuDaamaNi maharnisham.h ||
shrii raN^ganaayikaa raamaanuja saMvaadaH ||
shrii raamaanujaH \-\-\-
bhagavannaaraayaNaabhimataanuruupa svaruuparuupa guNavibhava aishvarya
shiilaadyanavadhikaatishaya asaMkhyeya kalyaaNaguNagaNaaM padmavanaalayaaM bhagavatiiM
shriyaM deviiM nityaanapaayiniiM niravadyaaM devadevadivyamahishhiim.h
akhilajaganmaataram.h asmanmaataram.h asharaNyasharaNyaam.h ananyasharaNaH
sharaNamahaM prapadye ||
paaramaarthika bhagavachcharaNaaravindayugaLa aikaantikaatyantika parabhakti paraGYaana
paramabhaktikR^ita paripuurNaanavarata nityavishadatama ananyaprayojana
anavadhikaatishayapriya bhagavadanubhavajanita anavadhikaatishaya priitikaarita
asheshhaavasthochita asheshhasheshhataikaratiruupa nityakaiN^karyapraaptyapekshayaa
paaramaarthikii bhagavachcharaNaaravinda sharaNaagatiH yathaavasthitaa avirataa.astu me ||
shrii raN^ganaayikaa \-\-\-
astu te | tayaiva sarvaM saMpatsyate ||
|| shrii raN^ganaatha raamaanuja saMvaadaH ||
shrii raamaanujaH \-\-\-
akhilaheyapratyaniika kalyaaNaikataana ! svetara samastavastuvilakshaNa
anantaGYaanaanandaikasvaruupa ! svaabhimataanuruupa ekaruupa achintya divyaadbhuta
nityaniravadya niratishaya aujjvalya saundarya saugandhya saukumaarya laavaNya
yauvanaadyanantaguNanidhidivyaruupa !
svaabhaavikaanavadhikaatishaya GYaanabalaishvarya viiryashakti tejassaushiilya
vaatsalya maardava aarjava sauhaarda saamya kaaruNya maadhurya gaambhiirya audaarya
chaaturya sthairya dhairya shaurya paraakrama satyakaama satyasaN^kalpa kR^ititva
kR^itaGYataadyasaMkhyeya kalyaaNaguNagaNaughamahaarNava !
svochitavividhavichitra anantaashcharya nitya niravadya niratishayasugandha
niratishayasukhasparsha niratishayaujjvalya kiriiTa makuTa chuuDaavataMsa
makaramuNDala graiveyaka haara keyuura kaTaka shriivatsa kaustubha muktaadaama
udarabandhana piitaambara kaaJNchiiguNa nuupuraadyaparimita divyabhuushhaNa ! svaanuruupa
achintyashakti shaN^khachakra gadaasi shaarN^gadyasaMkhyeya nityaniravadya niratishaya
kalyaaNadivyaayudha !
svaabhimata nityaniravadyaanuruupa svaruupa ruupa guNa vibhava aishvarya
shiilaadyanavadhikaatishaya asaMkhyeya kalyaaNaguNagaNashriivallabha !
evaMbhuutabhuuminiiLaanaayaka !
svachchhandaanuvarti svaruupasthitipravR^ittibheda asheshhasheshhataikaratiruupa
nityaniravadyaniratishaya GYaanakriyaishcharyaadyananta kalyaaNaguNagaNa sheshha sheshhaashana
garuDapramukha naanaavidha anantaparijana parichaarikaa paricharita charaNayugaLa !
paramayogivaaN^manasaa.aparichchhedya svaruupasvabhaava svaabhimata
vividhavichitraananta bhogya bhogopakaraNa bhogasthaanasamR^iddha anantaashcharya
anantamahaavibhava anantaparimaaNa nitya niravadya niratishaya shriivaikuNThanaatha !
svasaN^kalpaanuvidhaayi svaruupasthitipravR^itti svasheshhataikasvabhaava prakR^iti purushha
kaalaatmaka vividha vichitraananta bhogya bhoktR^ivarga bhogopakaraNa bhogasthaanaruupa
nikhilajagadudaya vibhava layaliila !
satyakaama! satyasaN^kalpa ! parabrahmabhuuta ! purushhottama mahaavibuute ! shriiman.h!
naaraayaNa! vaikuNThanaatha !
apaara kaaruNya saushiilya vaatsalya audaarya aishvarya saundarya mahodadhe !
anaalochitavisheshha asheshhalokasharaNya ! praNataartihara !
aashritavaatsalyaikajaladhe! anavaratavidita nikhilabhuutajaatayaathaatmya!
asheshhacharaacharabhuuta nikhilaniyamananirata! asheshhachidachidvastu sheshhibhuuta!
nikhilajagadaadhaara! akhilajagatsvaamin.h! asmatsvaamin.h! satyakaama!
satyasaN^kalpa! sakaletaravilakshaNa! arthikalpaka! aapatsakha! shriiman.h!
naaraayaNa! asharaNyasharaNya! ananyasharaNaH tvatpaadaaravindayugaLaM sharaNamahaM prapadye ||
atra dvaya(manusandeya)m.h |
####
"pitaraM maataraM daaraan.h putraan.h bandhuun.h sakhiin.h guruun.h |
ratnaani dhanadhaanyaani kshetraaNi cha gR^ihaaNi cha ||
sarvadharmaashcha saMtyajya sarvakaamaaMshcha saaksharaan.h |
lokavikraantacharaNau sharaNaM te.avrajaM vibho! || "
"tvameva maataa cha pitaa tvameva tvameva bandhushcha gurustvameva |
tvameva vidyaa draviNaM tvameva tvameva sarvaM mama devadeva ||
pitaa.asi lokasya charaacharasya tvamasya puujyashcha gururgariiyaan.h |
na tvatsamo.astyabhyadhikaH kuto.anyo lokatra ye.apyapratimaprabhaava ! || "
"tasmaat.h praNamya praNidhaaya kaayaM prasaadaye tvaamahamiishamiiDyam.h |
piteva putrasya sakheva sakhyuH priyaH priyaayaarhasi deva soDhum.h || "
####
manovaakkaayairanaadikaalapravR^itta ananta akR^ityakaraNa kR^ityaakaraNa bhagavadapachaara
bhaagavataapachaara asahyaapachaararuupa naanaavidha anantaapachaaraan.h
aarabdhakaaryaan.h , anaarabdhakaaryaan.h , kR^itaan.h , kriyamaaNaan.h , karishhyamaaNaaMshcha
sarvaan.h asheshhataH kshamasva |
anaadikaalapravR^ittavipariitaGYaanaM , aatmavishhayaM kR^itsnajagadvishhayaM cha ,
vipariitavR^ittaM cha asheshhavishhayaM , adyaapi vartamaanaM vartishhyamaaNaM cha sarvaM kshamasva ||
madiiyaanaadikarmapravaahapravR^ittaaM , bhagavatsvaruupatirodhaanakariiM ,
vipariitaGYaanajananiiM , svavishhayaayaashcha bhogyabuddherjananiiM , dehendriyatvena
bhogyatvena suukshmaruupeNa cha avasthitaaM , daiviiM guNamayiiM maayaam.h ,
####
" daasabhuutaH sharaNaagato.asmi tavaasmi daasaH, "
####
iti vaktaaraM maaM taaraya |
####
"teshhaaM GYaanii nityayuktaH ekabhaktirvishishhyate |
priyo hi GYaanino.atyarthamahaM sa cha mama priyaH ||
udaaraaH sarva evaite GYaanii tvaatmaiva me matam.h |
aasthitaH sa hi yuktaatmaa maamevaanuttamaaM gatim.h ||
bahuunaaM janmanaamaste GYaanavaan.h maaM prapadyate |
vaasudevaH sarvamiti sa mahaatmaa sudurlabhaH " ||
####
iti shlokatrayoditaGYaaninaM maaM kurushhva |
####
" purushhaH sa paraH paartha ! bhaktyaa labhyastvananyayaa " , "bhaktyaa
tvananyayaa shakyaH", "madbhaktiM labhate paraam.h"
####
iti sthaanatrayoditaparabhaktiyuktaM maaM kurushhva |
parabhaktiparaGYaanaparamabhaktyekasvabhaavaM maaM kurushhva |
parabhakti paraGYaana paramabhaktikR^ita paripuurNaanavarata nityavishadatama
ananyaprayojana anavadhikaatishayapriya bhagavadanubhavo.ahaM , tathaavidha
bhagavadanubhavajanita anavadhikaatishaya priitikaarita asheshhaavasthochita
asheshhasheshhataikaratiruupa nityakiN^karo bhavaani |
shrii raN^ganaathaH \-\-\-\-
evaMbhuuta matkaiN^karyapraaptyupaayatayaa avakL^iptasamastavastuvihiino.api , ananta
tadvirodhipaapaakraanto.api , ananta madapachaarayukto.api , ananta
madiiyaapachaarayukto.api , ananta asahyaapachaarayukto.api , etatkaryakaaraNabhuuta
anaadi vipariitaahaN^kaara vimuuDhaatmasvabhaavo.api , etadubhayakaaryakaaraNabhuuta
anaadi vipariitavaasanaasaMbaddho.api , etadanuguNa prakR^itivisheshhasaMbaddho.api ,
etanmuula aadhyaatmika aadhibhautika aadhidaivika sukhaduHkha taddhetu
taditaropekshaNiiya vishhayaanubhava GYaanasaMkocharuupa maccharaNaaravindayugaLa
ekaantikaatyantika parabhakti paraGYaana paramabhaktivighnapratihato.api ,
yenakenaapi prakaareNa dvayavaktaa tvam.h , kevalaM madiiyayaiva dayayaa , nishsheshhavinashhTa
sahetuka machcharaNaaravindayugaLa ekaantikatyantika parabhakti paraGYaana
paramabhaktivighnaH , matprasaadalabdha machcharaNaaravindayugaLa ekaantikaatyantika
parabhakti paraGYaana paramabhaktiH , matprasaadaadeva saakshaatkR^ita yathaavasthita
matsvaruuparuupaguNavibhuuti liilopakaraNavistaaraH , aparokshasiddha manniyaamyataa
maddaasyaikarasaatmasvabhaavaatmasvaruupaH , madekaanubhavaH , maddaasyaikapriyaH ,
paripuurNaanavarata nityavishadatama ananyaprayojana anavadhikaatishayapriya
madanubhavastvaM tathaavidha madanubhavajanita anavadhikaatishaya priitikaarita
asheshhaavasthochita asheshhasheshhataikaratiruupa nityakiMkaro bhava |
evaMbhuuto.asi |
aadhyaatmika aadhibhautika aadhidaivika duHkhavighnagandharahitastvaM
dvayamarthaanusandhaanena saha sadaivaM vaktaa yaavachchha riirapaataM atraiva shriiraN^ge
sukhamaasva ||
shariirapaatasamaye tu kevalaM madiiyayaiva dayayaa atiprabuddhaH , maamevaavalokayan.h ,
aprachyuta puurvasaMskaaramanorathaH , jiirNamiva vastraM sukhena imaaM prakR^itiM
sthuulasuukshmaruupaaM visR^ijya , tadaaniimeva matprasaadalabdha machcharaNaaravindayugaLa
ekaantikaatyantika parabhakti paraGYaana paramabhaktikR^ita paripuurNaanavarata nitya
vishadatama ananyaprayojana anavadhikaatishayapriya madanubhavastvaM tathaavidha
madanubhavajanita anavadhikaatishaya priitikaarita asheshhaavasthochita
asheshhasheshhataikaratiruupa nityakiN^karo bhavishhyasi ||
maate.abhuudatra saMshayaH |
"anR^itaM noktapuurvaM me na cha vakshye kadaachana |"
" raamo dvirnaabhibhaashhate |"
" sakR^ideva prapannaaya tavaasmiiti cha yaachate |
abhayaM sarvabhuutebhyo dadaamyetad.h vrataM mama ||"
" sarvadharmaan.h parityajya maamekaM sharaNaM vraja |
ahaM tvaa sarvapaapebhyo mokshayishhyaami maa shuchaH ||"
iti mayaiva hyuktam.h |
atastvaM tava tattvato madGYaanadarshana praaptishhu nissaMshayaH sukhamaasva ||
antyakaale smR^itiryaatu tava kaiN^karyakaaritaa |
taamenaaM bhagavannadya kriyaamaaNaaM kurushhva me ||
iti shrii bhagavadraamaanuja virachite gadyatraya prabandhe sharaNaagati gadyam.h
sarvaM shrii kR^ishhNaarpaNamastu
##
From Sri T. R. Chari's Stotra site at
http://www.geocities.com/Athens/Delphi/2627/index.html
These pages are maintained as a small step in fostering sanaatana saampradaayam.
ITRANS transliteration scheme has been generally followed for all
Sanskrit words written in Roman script, and adapted where appropriate,
for easy reading.
As with any work of this nature, there is always scope for
improvement. Suggestions and any typographical corrections in the stotram texts may
be forwarded to trchari@hotmail.com
\medskip\hrule\obeylines
{\rm Please send corrections to sanskrit@cheerful.com}
{\rm Last updated \today}
\end{document}