% Text title : Shri Laharamacharyapranitam Shrivaishnavadharmapiyusham % File name : vaiShNavadharmapIyUShaMlAhArAmAchArya.itx % Category : raama, rAmAnanda % Location : doc\_raama % Author : lAhArAmAchArya % Transliterated by : Mrityunjay Pandey % Proofread by : Mrityunjay Pandey % Description/comments : From Chatuh Sampradaya Dig-Darshanm % Latest update : December 3, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Laharamacharyapranitam Shrivaishnavadharmapiyusham ..}## \itxtitle{.. shrIlAhArAmAchAryapraNItam shrIvaiShNavadharmapIyUShaM ..}##\endtitles ## jagataH kAraNaM rAmaM sarveshaM muktidaM tathA | AnandabhAShyakarttAraM rAmAnandaM samAshraye || 1|| bodhAbdhiM cha guruM nattvA TIlAryaM brahmachAriNam | vaiShNavadharmapIyUShaM kurve mR^ityubhayApaham || 2|| utthAya jAnakIrAmau stutvA guruparamparAm | shuddhaH snAnAdinA bhUtvA chordhvapuNDraM vidhAya hi || 3|| sandhyAmupAsya rAmaM cha sItayA saha pUjayet | stutvA nattvA cha, shrIrAmaM named guruM cha vaiShNavAn || 4|| rAmapAdodakaM pItvA naivedyaM bhakShayeddhUreH | pUrvAchAryaprabandhAshcha rAmAyaNaM cha sampaThet || 5|| laukikaM cha tataH karma kuryAchChrIvaiShNavaH sadA | karttavyo vaiShNavairnUnaM shrIvaiShNavavratotsavau || 6|| hitaM mitaM cha vaktavyaM satyaM cha madhuraM vachaH | hitaM mitaM cha bhoktavyaM shuddhamannaM cha sAtvikam || 7|| rAmAshrito bhavenmAnamadAbhyAM varjitastathA | phalaM samIkShya karttA cha bAhyAbhyantaH shuchi sadA || 8|| asakto viShayeShvatra dAtA niyatajIvanaH | shuddhAchAravihArashcha saMyatendriyasaMhatiH || 9|| sthiraH puShTashcha dharmeNa sharIre svasthatAM gataH | varjito bhayarAgAbhyAM vipannApannivArakaH || 10|| kShamAvAn samatAyukta udAraH sAdhusevakaH | sarvakalyANakarttA cha sevAbhAvasamanvitaH || 11|| dIrghAyuH sukhayuktashcha sadAchArI bhavennaraH | durbalo duHkhabhAgI cha durAchArI hi ninditaH || 12|| shubhameva mataM chAtra shubhasya karmaNaH phalam | ashubhakarmaNashchAthAshubhameva phalaM matam || 13|| alobhaH sukhamUlaM hi lobhaH pApasya kAraNam | j~nAnAd bhaktistato muktistvabhaktirbandhakAraNam || 14|| kAmaH krodhashcha lobhashcha heyAH kalyANabhakShakAH | damo dayA cha dAnaM chopeyAH kalyANarakShakAH || 15|| shreyAn hi karmakarttA.asti karmahInAchcha mAnavAt | rAmAya chArpitaM karma muktidaM chottamaM matam || 16|| sadvichAmutpattyai satsa~NgaH kriyatAM sadA | shraddhayA.atha cha kAryaM sadmanyAnAM parishIlanam || 17|| viShayAd vinivatrtyAtha chendriyANAM gaNaH khalu | sanniyojyashcha rAmasya kai~Nkarye shraddhayA sadA || 18|| sa~NkIrttanaM cha rAmasya nAmnashcha yashasaH shubham | karttavyaM mAnavairnityaM bandhabhinmokShadAyakam || 19|| ahetukyA amoghAyA anantAyAstathaiva cha | kAryo rAmakR^ipAyAshcha vishvAsaH sukhadAyakaH || 20|| upakAraparo bhUyAdaparAdhijaneShvapi | asantaH santu santashcha shrIrAmaM prArthayediti || 21|| rakShaNIyashcha dharmo hi chauryaM kAryaM na karhichit | dyUtakrIDA na karttavyA mAMsaM bhakShyaM na mAnavaiH || 22|| parahiMsA na karttavyA tyAjyA paradhanaspR^ihA | paradArA na gantavyAH paradharmo bhayAvahaH || 23|| kadAchidapi no kuryAd virakto hi gR^ihasthatAm | yatastasyAshcha shAstreShu prAyashchittaM na vidyate || 24|| kAryo vishvAsaghAto na tyAjyaM cha vyasanaM janaiH | bhayadAnAd bhayaM kAryaM dveShaH kAryashcha dveShataH || 25|| na tyAjyaM kintu karttavyaM yaj~no dAnaM tathA tapaH | arpaNIyaM kR^itaM karma rAmAya paramAtmane || 26|| tyAjyameva na karttavyaM narairviShayachintanam | bhaktau bAdhAM vidhAyAtra tyajanti viShayA janam || 27|| daivIsampaddhi saMrakShyA tyAjyA sampattirAsurI | daivyA hi sampadA saukhyaM duHkhaM chAsurasampadA || 28|| bhaktayA.athavA prapattyA vA rAmo labhyo na chAnyathA | nAdhikaM bhagavatprApterbrahmendrAdipadaM khalu || 29|| svAmI rAmashcha jIvAtmA mantavyo rAmasevakaH | jIveshayorna chaikatvaM dehadehitvahetutaH || 30|| karttavyaM satataM karma smarttavyo raghunAyakaH | shabdAdiviShayAshchAtha vismarttavyA hi dukhadAH || 31|| vaiShNavAH pashcha saMskArAshchArjanIyA hi mAnavaiH | vishiShTAdvaitasiddhAnto mantavyo vedasammataH || 32|| chidachidIshattvAnAM j~nAnaM jIvasukhAvaham | arjanIyaM prayatnena guru shushrUShayA janaiH || 33|| chidarthashchetano jIvo.achidartho.achetanaM matam | ubhAvIshasya dehau stastayordehI pareshvaraH || 34|| aNurj~nAnAshrayo jIvaH sachchidAnandarUpakaH | prANato buddhitashchApi bhinno dehAt tathendriyAt || 35|| anityo madhyame mAne vibhau gatyAgatI na cha | bhogAbhAvastvanityatve stanyapAnaM shirshona cha || 36|| prANasya jIvatAM nAsti \ldq{}mama prANaH\rdq{} pratItitaH | \ldq{}mama j~nAnam\rdq{} pratIteshcha j~nAne.api jIvatA na hi || 37|| mR^ite hi vyabhichArAnno sharIrasya tu jIvatA | indriyANaM na jIvatvaM tannAshe vyabhichArataH || 38|| Atmeshasya niyAmyashcha dhAryaH sheShastathA.ajaDaH | bhinnAH parasparaM jIvA nityA bhinnAstatheshvarAt || 39|| anyathA na cha jAyeran sukhiduHkhipratItayaH | katrttArashchAtha bhoktAraH sukhaj~nAnasvarUpakAH || 40|| IshvarAdhInakarmANaH sarve jIvAH prakIrttitAH | baddhA muktAshcha nityAshcha jIvAsridhAmatAbudhaiH || 41|| baddhA saMsAriNo j~neyA muktAH saMsArapAragAH | kadAchidapi saMsAramaprAptA nityamuktakAH || 42|| muktiH shrIrAmasamprAptirnityA hi nityadhAmani | bhaktyA.athavA prapattyA sA samprApyate.archirAdinA || 43|| shrImadrAmasmR^itirbhaktiH prArabdhAnte hi muktidA | svAtmArpaNaM hi rAmAya prapattirdaivanAshinI || 44|| kAlashcha prakR^itishchAtha nityadhAma tathA matiH | chaturdhA sammataM prAj~nairshAnashUnyamachetanam || 45|| satvAdibhirguNaiH shUnyastantra kAlaH prakIrttitaH | Ishvarasya sharIraM cha krIDAparikaraH sa cha || 46|| kAlamapekShya sarveshaH prakR^itiM vikaroti hi | sarvaheturdvidhA kAlaH khaNDAkhaNDavibhedataH || 47|| kalAkAShThAdirUpashcha tatrAdyaH parikIrttitaH | akhaNDastu mataH kAlo nityastathA vibhurbudhaiH || 48|| pradhAnaM cheshalIlAyAM sAdhanaM prakR^itirmatA | mAyA.avidyApradhAneti tasyA nAmAntarANi hi || 49|| satvaM rajastamashchetitrayo guNAH shritAshcha yat | prakR^ityAkhyAM hi tat tattvaM vidvadbhiH parikIrttitam || 50|| IshvarAdhiShThitaM taddhi jagataH kAraNaM matam | deshakAlavibhedena samAsamavikArakam || 51|| guNAnAM pralaye sAmye vikArAH prakR^iteH samAH | sR^iShTikAle cha vaiShamye vikArAshchAsamA matAH || 52|| prakR^iteshva vikAro yaH prathamaH sa tridhA mahAn | tadvikArastvaha~NkAraH satvAdibhedatasridhA || 53|| sAtvikAha~NkR^itestatra jAtAni chendriyANi hi | j~nAnakarmendriyatvAbhyAM dvidhA tAni matAni cha || 54|| manaH shrotraM cha chakShustvaM rasanaM ghrANamAdimam | vAkpAdapAyupastheti karmendriyaM budhairmatam || 55|| jAtaM hi shabdatanmAtraM tAmasAha~NkR^iteriha | shabdatanmAtrato jAtaM bhUtamAkAshasa.nj~nakam || 56|| tatashcha sparshatanmAtraM tato vAyurajAyata | tatashcha rUpatanmAtraM tejobhUtamabhUt tataH || 57|| tejaso rasatanmAtraM jAtAshchApastatashcha hi | adbhyashcha gandhatanmAtraM tato bhUmirajAyata || 58|| melayitvA cha bhUtAni sasarjANDaM hi rAghavaH | utpAdito vidhistatra vyaShTisR^iShTiM karoti hi || 59|| asa~NkhyAni hi chANDAni sa~NkalpAt sR^ijati prabhuH | tadantargata vastUni sR^ijyante.antaHsthashAr~NgiNA || 60|| shabdaH sparshastathArUpaM raso gandhastathA guNAH | kramAnnabho.anilAdInAmasAdhAraNatA gatAH || 61|| sambhavati na chAvidyA karmarUpA tu yatra hi | nityadhAmeti vidvadbhistasya nAma prakIrttitam || 62|| shuddhasatvaM tathA nityavibhUtirmuktidhAma cha | nAmAntarANi tasyaiva tat parAgajaDaM matam || 63|| rajastamo vihInaM hi shuddhaM satvaM tadAshritam | nityamukteshvarANAM tad bhogAsthAnAdi sammatam || 64|| maryAdArahitaM proktamUrdhvadeshe.avinashvaram | rAmAdhInaM cha tad dravyaM na kAlastatra vai prabhuH || 65|| bhaktyA chAtha prapattyA tat prApyate tvarchirAdinA | yad gatvA na nivarttante rAmadhAma mataM hi tat || 66|| dIpaprabheva yad dravyaM vimvachichchAjaDaM tathA | j~nAnaM tad brahmajIvAnAM dharmabhUtaM mataM budhaiH || 67|| sa~Nkochashcha vikAsashcha tadvikArau prakIrttito | \ldq{}na vij~nAturi\rdq{} ti shraute vAkye tannityatA shrutA || 68|| vibhu j~nAnaM cha baddhAnAM tvAchChAdyate hi karmaNA | brahmaNo nityamuktAnAM j~nAnaM cha sarvadA vibhu || 69|| j~nAnaM svataH pramANaM hi svIkR^itaM vedavedibhiH | sarvaM j~nAnaM yathArthaM hi viShaye satyattA yataH || 70|| bhaktishchAtha prapattishcha j~nAnAvasthe cha muktide | avichChinnA smR^itirbhaktirvivekAdikasaptajA || 71|| prapattirhi matA shrImad rAmAyAtmasamarpaNam | pa~nchAnukUlatAdIni tada~NgAni matAni hi || 72|| sarveshvarashcha shrIrAmaH heyapratibhaTo mataH | svAbhAvikasukhAdInAM sadguNAnAM mahodadhiH || 73|| sadbrahmAdipadAnAM cha vAchyo dhyeyashcha yoginAm | jagatsR^iShTayAdikarttA cha jaganmUlaM vibhustathA || 74|| sUryendrAgnimaruddevA mR^ityushcha yadbhayAdiha | svAdhikAre pravarttante sa rAmo brahmasa.nj~nakaH || 75|| divyadehaguNashchAtha divyashastrAstrabhUShaNaH | muktidaH sakalArAdhyo vibhUtidvayanAyakaH || 76|| prAkR^itaishcha guNAkAraiH shUnyaH sarvavimohakaH | vedakR^id vedavedyashcha vedatrAtA cha vedadaH || 77|| sarvaj~naH sarvashaktishcha sarveShAM hi suhR^it tathA | bhajanIyashcha sIteshaH sarvAdhAraH sukhaprada || 78|| shritAparAdhavR^indaM cha vIkShate nAtmavattayA | ekena sukR^itenApi santoShaM labhate param || 79|| tato.adhikaniShedhAddhi na mAyopAdhikashcha saH | hetutvAjjagatashchAsya tasya no nirvisheShatA || 80|| parashcha vibhavo vyUho.antaHsthashchArchAvatArakaH | iti pa~nchavidhaH so.athAvatArI rakShituM janam || 81|| vAsudevAdayo vyUhAH sAkete rAghavaH paraH | vibhavA matsyAdayo.antaHstho.antaryAmI sammato budhaiH || 82|| svarNAdipratimArUpo rAmashchArchAvatArakaH | shuddhasatvasharIraH sa muktidaH sulabhaH paraH || 83|| dvArapITheshvara shrIlAhArAmAchAryanirmitam | vaiShNavadharmapIyUSha bhUyAnmR^ityubhayApaham || 84|| iti shrIlAhArAmAchAryapraNItaM shrIvaiShNavadharmapIyUShaM sampUrNam | ## Encoded and proofread by Mrityunjay Pandey \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}