% Text title            : Shri Mangalacharyamahamunindrapranita Vedantachintamanih
% File name             : vedAntachintAmaNiHmangalAchAryamahAmunIndra.itx
% Category              : raama, rAmAnanda
% Location              : doc\_raama
% Author                : maNgalAchAryamahAmunIndra
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mangalacharyamahamunindrapranita Vedantachintamanih ..}##
\itxtitle{.. shrIma~NgalAchAryamahAmunIndrapraNItA vedAntachintAmaNiH ..}##\endtitles ##
shrIrAmAdvitatAM praNamya hi nijAmAchAryasatsantatiM
pIThAchAryasuma~NgalAryakR^itinA rAmAya bhaktyA.arpitaH |
nAnAtarkatamovimUDhamanasAM vedAntabodhArthinAM
sadbodhAya mahAmaho vitanutAM vedAntachintAmaNiH || 1||
sheShastanU raghupateraNuchetanoM.asha\-
shchAnyo materhi karaNAdvapuSho.apyasubhyaH |
nityo.ajaDaH paravashaH kR^itibhuktishAlI
bhinno.asubhR^it prativapuH sukhabuddhirUpa || 2||
muktAvimuktavidhayA dvividhatvamAptA
jIvA mitho janakajApatito.api bhinnAH |
muktA anantabhajanAjjanimR^ityumuktA
baddhAstvanantajanikarmasubandhabaddhAH || 3||
shuddhAvishuddhabhidayA dvividha~ncha satvaM
kAlo matirgatamaterachitaH prabhedAH |
sAketanityaparadhAmapadAbhidheyaM
satvaM vishuddhamajaDaM prakR^itervibhinnam || 4||
nityA.akR^itirguNavatI prakR^itiH parArthA
tathyA cha mUlamahadAdikabhedabhinnA |
bhUtAdikavyavahR^iterjanako hi kAlo
nityo vibhurbhuvananAthavapurjaDashcha || 5||
nityA tathA saviShayA jaDatAvihInA
vibhvI matirmadadayAprabhR^itisvarUpA |
prAmANyamatra sumataM svata eva chAsyA
yAthArthyAkaM viShayasatyatayA tathA cha || 6||
lokaikaheturajaDashchichidvishiShTaH
shreyoguNaikajaladhirhatadoShavR^indaH |
sarveshvaraH kShitijayA saha divyadeho
dhyeyo.amR^itAya sujanairiha jAnakIshaH || 7||
sachchitsukhaM cha sukhisR^iShTikaraM pareshaM
vyUhArNyamUrttivibhavaprabhavaM cha hR^itstham |
rAmaM vadAnyavibhusarvavidaM bhajadhvaM
hAlAhalasya sadR^ishAn viShayAn vihAya || 8||
vedAntavedyakaruNAkaranityabandhoH
sItApateH shritajanAhitanAshakartuH |
bhavyAM bhavAbdhitaraNe taraNiM prapattiM
bhaktiM vinA cha manujo labhate na muktim || 9||
dhUlyA munIndragR^ihiNIjaDatApaharttu\-
rbrahmeshvarAdyaditinandanavanditAgrAt |
bhAgIrathIprabhR^ititIrthagaNaikavandyA\-
nnAnyA gatiH sukhadarAmapadAravindAt || 10||

iti shrIma~NgalAchAryamahAmunIndrapraNItaH vedAntachintAmaNiH samAptA |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}