% Text title            : Aryesha Stavah
% File name             : AryeshastavaH.itx
% Category              : shiva, shataka
% Location              : doc\_shiva
% Author                : Chidambara Suri
% Proofread by          : Sivakumar Thyagarajan Iyer
% Description/comments  : 26 in Stotrasamuchchaya 1, Edited by Pandit K. Parameshwara Aithal
% Latest update         : January 2, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Aryesha Stavah ..}##
\itxtitle{.. AryeshastavaH ..}##\endtitles ##
vAraNadanujavipakShaM virachitavinataughavighnavichChedam |
vetaNDatuNDamAdyaM vigalanmadagaNDamaNDalaM vande ||
atulitatundilavigrahamanarghatuhinAMshushakalashekharitam |
amalaikaradamanoharamaMviratamAkaNThakariNamahamIDe ||
sa jayati sumerudhanvA samastasurasevyapAdapAthojaH |
sundarasudhAMshukalikAshobhitamakuTaH sadAshivo devaH || 1||
tasya hi devasya paraM mahato mahimAnamatimanovAcham |
shrutirapi nigaditumanalaM kA shaktirbhavati mAhagarvAchAm || 2||
tadamitamahimavato mAM tathApyanarghAH prachodayanti guNAH |
tadamuShya navanakaraNe yathAmanIShaM yate.ahamIshasya || 3||
kuNDali(maNDi)tamUrtiH kAkolAsvAdashamitajagadArtiH |
kalitanatehitapUrtiH kalayatu kushalaM prabhagnapurakIrtiH || 4||
madayutamahokShayAnaM mandaravikaTataTakandarashayAnam |
makuTataTaghaTitashashinaM madanArAtiM bhaje.anishaM vashinam || 5||
shikShitavipakShadakShaH shirasA surasindhudhAraNe dakShaH |
shitabhasitaughavalakShaH so.ayaM bhUyAt sukhAya niTilAkShaH || 6||
karavR^itakura~NgavaryaH kamalAkShAkalitabahuvidhasaparyaH |
kArmukakanakAhAryaH kushalaM dishatAd rathA~NgashashisUryaH || 7||
parikaraphaNigaNamakuTImaNivarapaTalImayUkhapihitAshaH |
pANipayojavirAjatpinAkaparashuH sa pAtu sarvaj~naH || 8||
lambitabhuja~NgahAraM lalATataTachumbilochano dAram |
lasatu maho hR^idi vAraM lA~nChitamakuTAgrakumudinIjAram || 9||
mR^igadharamaNivarachUDaM ma~njulapurasindhumAlikApIDam |
marditanatajanipIDaM mahIghravarashikharavirachitakrIDam || 10||
darahasitaruchiraradanaM dalitasarojAtasahajasadvadanam |
divyamahobharasadanaM dR^igagninirdagdhadarpabhR^indanam || 11||
mihirajamaraNadacharaNaM manoj~nakailAsagirivarAbharaNam |
mAmakamanasi viharaNaM mahastanotu prapannajanasharaNam || 12||
nigamashiraHsthitibhAjaM nishAkaraspardhinijamukhAmbhojam |
nirmitibhR^itihR^itibIjaM nikhilasyAdyaM namAmi jagato.ajam || 13||
natakR^itakAruNyarasaM nakhamukhanirbhinnavishvasR^iTshirasam |
naravAhanarachitarasaM navAsthimAlAkalApalasadurasam || 14||
vaTataru(varamUla) juShaM varamunisandohavimalabodhapuSham |
vidadhe dakShiNavapuShaM viShayaM bhajanasya bhUrimohamuSham || 15||
kabalitagaladhR^itagaralaH kartA pAyAdapAramahimA viralaH |
kalitopAsanasaralaH karuNAjaladhiH kaTAkShavIchItaralaH || 16||
kamalajamaulyavasAnaM kalaye girishaM karIndracharma vasAnam |
kAmyavarAn pradadAnaM kalitatapobhyaH kirAtamuktinidAnam || 17||
vyavahitasattvonmeShaM vimUDhajanava~nchanAttatAmasaveSham |
kalaye.astAkhiladoShaM kR^itayamabibhyanmR^ikaNDutanubhavapoSham || 18||
viShNugaveShitacharaNaM viri~nchikR^itamUrdhamArgaNAcharaNam |
vikaTajaTAbharabharaNaM vilasatkailAsashikharavisphuraNam || 19||
sambhR^itasumerudhanuShaM savyasharIrArdhashailapatijanuSham |
svIkR^itakirAtavapuShaM svasevanAsaktasavyasAchipuSham || 20||
galavigaladgaralaghR^iNishyAmalanalinasragujjvaloraskam |
mukhashashiri~NkhatsmitaruksukhitAchaladuhitR^ilochanachakoram || 21||
sArasasagandhavadanaH satatasthitipUtapitR^ivanIsadanaH |
sasmitasundararadanaH so.avatu saMvartakR^itajagatkadanaH || 22||
savitR^ishashidahananayanaH sAdhitavinamadvarAbhayAnayanaH |
sambhR^ita himagirishayanaH svabhajanasajjanmumukShumuktyayanaH || 23||
dR^ipyadruhiNamukhAbjadruhyatkharanakharakhaNDachandramasam |
durmadadakShakShapaNaprachaNDabhujadaNDavIrabhadrabhaTam || 24||
nirjitajagadavanItaM nigamashiraHkShIranIranidhinavanItam |
hR^idi..yamibhirjavanItaM haraM bhaje rajatashailakalpavanItam || 25||
sarasijasanAbhinayanaM sudhAMshusachChAtravadanakamanIyam |
kundasagandharadAliM kokanadashreNisahacharachcharaNam || 26||
smitashishuhaMsottaMsaM lochanalolambasambhR^itollAsam |
shyAmalakalagalanAlaM vande tava deva vadanakokanadam || 27||
bhR^ikuTibhaTabrahmANaM kaTAkShakai~Nkaryaparavashadyupatim |
padaparichArakalekhaM rasanAchalanapratIkShapadmAkSham || 28||
vikaTaharidrUpapaTaM nikaTataTATatprabhUtabhUtaghaTam |
udbhaTabhairavapuTamaTamutkaTanaTanaM namAmi kapaTanaTam || 29||
amitatarabodhajalanidhiraparimitaishvaryashevadhiH satatam |
avatu haranAmakaM mAmastamitotpattivR^iddhihAni mahaH || 30||
pAtu sa mAM parameshaH pR^ithvIdharachAparoparUparameshaH |
savyatanau ramaNI yaM shlipyati shoNA sitAMshubhararamaNIyam || 31||
akhilairadR^ishyakosho.apyabhrasariddR^iShTanijajaTAjUTaH |
haryanirIkShyapadAbjo.apyantakahR^idayekShitA~NghrisarasiruhaH || 32||
vyAghapadaviShayamaulirvidhAtR^idurdarshamastako.api param |
bhR^ishataramamUrtarUpo.apyavanatasevArthamaShTamUrtidharam || 33||
chachasAmagocharo.api hi vedAntavachaHparamparAviShayaH |
eko.api naikarUpo vyApnoti paraH shivo.akhilaM lokam || 34||
gajamukhajanakAya namo girijAkShIndIvarendubimbAya (namaH) |
akhilanidAnAya namo.astvanantakalyANaguNanidhAnAya (namaH) || 35||
asadR^ishavibhavAya namo.astvachintyasachchitsukhasvarUpAya (namaH) |
prakaTitatattvAya namaH praNavAkSharapa~njarAchChakIrAya (namaH) || 36||
pramuShitamohAya namaH pR^ithvIdharaduhitR^ipuNyapAkAya (namaH) |
AshritamuktAya namo.astvavikalakaivalyadAnadakShAya (namaH) || 37||
phaNipatibhUShaNamUrtirvinAyakAkrAntaparisaraH santatam |
shyAmatarakandharAbhastvameva sAkShAchChivAchyuto bhavasi || 38||
shuchishashi(saptaha)yAkShaM shobhanakarachArushekharatarAbjam |
sAdhu vR^iShAkapimIDe sotkaNThashrIsamAvR^itoraskam || 39||
shyAmalaviShadhararUpaM viShTapasandohavardhanavyagram |
karivaradAnavidagdhaM kumArajanakaM vR^iShAkapiM vande || 40||
sha~Nkara hara me duritaM shashA~NkasachChAtragAtra hara meduritam |
mama karuNAmbunidhe hi svAnte tava pAdapadmamAshu nidhehi || 41||
pAtu mahAdevo mAM prArthitamarthaM pradAya sa sadevomAM (? ) |
yasya charitraM vedaprakaro divyAtta  LataM(? ) pavitra veda || 42||
vasanavibhinnagajesha vyAdhapravarApavargakR^innagajesha |
mAmaghapArAvAraM prapannasantrANadR^iShTapArAvAraM (? ) || 43||
sImAparimitadhAmA kAchit kaladhautashikharinirjitadhAmA |
avanatavasudhAbharadA nivasatu(hR^idi) devatA navasudhAbharadA || 44||
sha~NkarasharvasadAshivagirishamahAdevavAmadevAdiH |
nAmAlireva shiva me kAlatrayakShapaNakaraNatAmayatAm || 45||
naTatu tvannAmasudhAtura~Ngachalayo mamesha jihvAgre |
nikhilatapodhanarasanAnaTIkulAviratanATanAchAryaH || 46||
ahamalasaH sevAyAM shiva tava mandastvadarchanAsu param |
apyasakR^id dhyAnavidhau vismR^itibhAgasmi tadapi mAM pAhi || 47||
satkarmabhR^ishavirakto bhagavan duShkarmakarmaThaH so.aham |
mama guNavaiShamyamidaM vinivartayituM tvameva chaturo.asi || 48||
ShaDariShu kAruNiko.ahaM suchApalastvatpadAbjavismaraNe |
IdR^ishaviShamamanIShAM kuru me girisha pratikriyAviShayAm || 49||
karShanti ShaDarayo.amI pAtayituM pApakUpakuhare mAm |
AvadhyendriyapAshaiH pAlaya hara dAsadAso.asmi || 50||
praNataprANigaNAnAM pramohasarvasvamoShakaM bhImam |
shrutishikharagahanalInaM taskarapatimIsha vakti vedastvAm || 51||
nijashivatAmakShobhyAmapyakhilApUtavastusaMsargAt |
aTasi dvipadapashUnAM pitR^ivanabhUmiM parIkShya darshayitum || 52||
Abadhya mohapAshaiH kumatipashUn hR^idi tirohitaM yaminAm |
tvAmakhilA darshayati shrutirIshvara te tathApi na vidanti || 53||
shiva tava paramaishvaryaM pade pade.api prakAshitaM shrutibhiH |
pidadhat kapaTatamobhiH kumatIn va~nchayasi bhikShuveSheNa || 54||
shiva bhavadAj~nAmayamapyakShayavAtsalyabhAjanaM te.aham |
 iti satkShR^ityamasheShaM tyajAmi mAM pAhi pAhi pAhi punaH || 55||
satyapi paramaishcharye shrutividite girisha te mumukShubhyaH |
vadati digambaratA te vairAgyamananyadevasAmAnyam || 56||
pi~njaramarIchikUTaH prasAdhanendUdayAdrivarakUTaH |
tAvakamaulikirITastanotu shubhamIsha tava jaTAjUTaH || 57||
shiva tava niTAlaphalakaM shivAMshabhUtasvavAmalasadalakam |
nijadR^ikku~NkumatilakaM nitarAM na tanoti vismitaM kilakam || 58||
shevarashashikarapAtashritapramIlaM shuchervihAragR^iham |
niTelataTAntarnilayaM namAmi tava deva nayananIraruham || 59||
nijarathapadapariNAmaM nikhilarathA~NgIchakorapuNyaphalam |
nirUpadhikR^ipArasArdraM naumi taveshAna nayanayoryugalam || 60||
bhati shritaruchivR^indaM brahmopendrapratIkShitaspandam |
bhrUyugamasitaM tava shiva mukharAkendoH kala~Nkara~Nkuriva || 61||
shR^isitashrutitatikAntAM shivAmukhAmbhojasaurabhakrAntAm |
shiva tava yogashrAntAM shrayAmi nAsAM tvadakShibhR^itsvAntAm || 62||
tava parashiva vachanAmR^itataTAkataTapadmarAgasopAnam |
shubhataramadharoShThaM te shrayAmi bhavadAsyajalajaki~njalkaH || 63||
pATalabhavadadharoShThapravAlahindoLagarbhakR^itakhelam |
tambhR^itasakalAhlAdaM smarAmi ramyaM smitArbhakaM hara te || 64||
shiva tava dashanashreNirvAgamR^itavrAtabudbudapratibhaH |
sphurati tavAntachChannasvabhAvasaMsiddhasattvarAshiriva || 65||
hara tava hasitachChalato harati manaH ko.api kokavairishishuH |
Aruhya chAru khelannaruNAdharapadmarAgapIThaM te || 66||
hasitahimAMshushishuste hara bAgamR^itAbdhisambhavaH ko.api |
tava (mukhapa)riNatibhAjo luThati shashA~Nkasya pUrvajasyA~Nke || 67||
sarasahimAchalatanayAsa~NgItasudhAni(pAnabhUmi)nibham |
divyaM shrutiyugamIDe dR^igabjavishrAntimaNDapaM mR^iDa te || 68||
ma~njulamaNDanakuNDalakuNDalipatividitamArdavAtishayam |
sphATikamaNimukurAbhaM kapolaphalakaM karotu kushalaM te || 69||
atulApadaviniveshyaM tvanunayasamaye shivAparAmR^ishyam |
dhyAtR^ihR^idaikaspR^ishyaM tava chubukaM bhAti divyadR^igdR^ishyam || 70||
smitashishuhaMsottaMsaM lochanalolambasambhR^itollAsam |
shyAmalakalagalanAlaM vande tava deva vadanakokanadam || 71||
hara hasitA~N~NkurahIrairavatAdadharoShThapadmarAgAbhyAm |
khachitaM shakramaNibhyAM kanInikAbhyAM cha tava mukhaM mukurau || 72||
mama tu hR^idaliranapetaspR^ihaH svapIDAmapIsha mochayitum |
tava mukhasarasijasuShamAmarandalaharIM punaH punarlihati || 73||
taM matiranugachChati me vAgapi shambho satIva bhartAraM
teShAM preShakabhUtaH phaladAtA cha tvameva bhavasi vibho || 74||
sarasijasamaviShamadR^ishaM shekharashishujAtijAtayuvasadR^isham |
amalaM tava bhava tAdR^ishamAnanamIDe mR^iDetarAsadR^isham || 75||
hara darahasitajyotsnAsuhitashivAdR^ikchakoravarabhithunam |
mukhavidhumakala~NkaM te mAnasahariNo.ayamArurukShati me || 76||
amR^itakaro.apyakala~NkaM sarasijamapi chandrasannidhervikacham |
AnanamapratibimbaM darpaNamapi deva dIpyate hara te || 77||
atredR^igudbhUtiruchaM satridR^igudbhUtiruchamapIsha tava |
sumayakaramapi manasA vismayakaramAsyamukuramIkShe.aham || 78||
shashapashumadhupAlibhyAM shiva saMsargAt kala~Nkite abje |
svachChadvijatatisa~NgAt smitakIrtimataH kathaM mukhasya same || 79||
sphuradahihArAviralaH samastabhuvanAbhayAya bhR^itagaralaH |
sukhayatu tava sharva galaH svakAlimAkrAntabhujashiroyugalaH || 80||
ajagavaparashudharau namadabhItivaradAnapAradR^ishvAnau |
kR^itabhuvanAvanahananau karau varau te shubha~Nkarau bhavatAm || 81||
galaruchikR^itatatamAlaM gIrapadaM te svakAntitulitatamAlam |
karkashakuchaparamAla~NkR^itasavyamuraH punAtu shiva paramAlam || 82||
ghavanatarakAlimajharyA rAjati dhAreva romarAjiste |
rAlakambUdarapUrtergalitA haranAbhigahvare patitA || 83||
dhR^ithutUravarakR^ittivR^itaM prachuramaNIkhachitasarpasUtradhR^itam |
rakalaye ruchiratvabhR^itaM kaTitaTamIshAna manasi te nibhR^itam || 84||
hara tava girivarakanyAkarasarasijasaukumAryasAravidau |
UrU karikarachArU haratAmachireNa duritabhAraM me || 85||
charaNasaroruhanAle chintakachittAdhvadhAvane javane |
anaghe hara tava ja~Nghe aghasa~NghAtaM mamAshu ghAtayatAm || 86||
praNatAmaravaramauliprasUnamakarandasambhR^itaM shiva te |
charaNasaroruhayugalaM chumbati mama chittacha~ncharIko.ayam || 87||
bhava tava padayoryugalaM bhavataH kaivalyakalpabhUmiruhaH |
kisalayayugamiva mR^idulaM mUlatalA~NkuritamullasatyaruNam || 8||
praNatamanorathadohaM prasR^imarashoNatarakiraNasandoham |
praNamAmi shamitamohaM padamIsha tava prasAdakAmo.aham || 89||
dharmavapuH shatakoTirdharamarditapa~NktikaNThabhujanijakoTi |
pAtu padaM suramakuTIpAkArishilAlivAsarAjIvakuTI || 90||
pAti na parashivakamalaM paramApahR^itasmaranmanaskamalam |
prAptabhavApadakamalaM prapannamAshu tvadIyapadakamalam || 91||
tava kR^itama~NghriparAgairbhajatAM bhavasindhushoShaNAdhyayanam |
utkaTanaTanasrastAdumApate te kapardabandhAt kim || 92||
mArdavamukhyAgAraM makhabhu~NmakuTasumasaurabhodgAram |
padamuru naTanodAraM pAtu tavAnviShyadAdibhUdAram || 93||
pallavadattanikAraM prachaNDanaTanAstakAlyaha~NkAram |
hR^itanatahR^idayavikAraM haracharaNaM naumi nIrajAkAram || 94||
ahitativihitakalApaM mahitaM vapurIsha sahitashailasutam |
nijahitanihitakaTAkShaM suhitayami staumi hitadoShabharam || 95||
tridashadayArasabharitaM triNatasumerutvachitranijacharitam |
tripuraharaM meduritaM trilochanaM dhAma haratu me duritam || 96||
girivaravasati sadAraM galabilanigR^ihItakShveDa(na) bhayadAram |
prabalajalandharadAraM pAtu mahaH kimapi pArvatIdAram || 97||
aNi(\.\.\.)chiramabhilaShitaM te sevanamavidantamarthanArItim |
kutsitaviShayavidheyaM svIkuru mAmIsha ki~Nkaratvena || 98||
anallashikhAtItena syUtataraM shishirayAghajAtena |
amR^i.tasarichChItena smarahara tava mAmapA~NgapAtena || 99||
chirakarmapAshavaddhaM chalakamalollAsakalpitashraddham |
mAmIsha ShaDarividdhaM mochaya mohena bhR^ishatarAshuddham || 100||
tava shiva dR^igantapAtastArayatAnmAM bhavAmbunidhipotaH |
nijahR^idayAdhAreNAnItaH kAruNyakarNadhAreNa || 101||
niyamakR^ityaikarataM pAlaya niraye.athavesha pAtaya mAm |
mad vanabharavinyasanaM tvayi vidadhe tvAmahaM tu vishvAsya || 102||
AryeshastutireShA tvArthAbhidhavR^ittavirachitagrathitA |
syAdeva modadA me viduShAM shabdArthagUDhasAravidAm || 103||

ityAryeshastavaH samAptaH |
##

Verses 27 and 71 seem to be repetitive.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}