% Text title            : Ishvaraproktam Atmalingarahasyam
% File name             : AtmalingarahasyamIshvaraproktaM.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 58 - AtmaliNgakathanam | 20-71||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Atmalingarahasyam ..}##
\itxtitle{.. IshvaraproktaM Atmali~Ngarahasyam ..}##\endtitles ##
IshvaraH \-
sAvadhAnena deveshi li~NgapUjAvidhikramam |
shR^iNvaparNe praNayato mayoktaM hR^idaye dhara || 20||
nAkhyeyaM kasyachidvApi rahasyaM mama sarvadhA |
layanAtsarvajagatAM li~Ngamityuchyate shive || 21||
lInamarthaM gamayati tasmAttalli~Ngamuchyate |
lamu krIDA~ncha jagato gachChatIti taduchyate || 22 |
tasmAlli~NgaM viduH prAj~nA binduhInaM cha tatpriye |
archanaM cha pravakShyAmi hyarchaka~ncha visheShataH || 23||
li~NgaM guNatrayAddhInaM brahmaviShNumaheshvaraiH |
pIThapIThyAdirahitaM pUjyapUjAvivarjitam || 24||
dhyAnadhyeyAdirahitaM nirguNaM tamasaH param |
jagajjanmodayAsthAna vinAshana vivarjitam || 25||
o~NkArAdyaM sapraNavaM trimAtrAparivarjitam |
bhAvAbhAvAdirahitaM bhAvAbhAvavivarjitam || 26||
bodhyavodhAdirahitaM vyApyavyApakavarjitam |
j~nAnaj~neyaj~nAtR^ihInaM khaNDAkhaNDavivarjitam || 27||
prabhavAbhavasaMhAratirodhAnAdivarjitam |
dhyAnadhyeyAdirahitaM mahA(mamA)dhyAnavidUragam || 28||
alakShyalakShaNAhInaM gopyagopakavarjitam |
na sannAsanna chaivAsatsadasa~nchaiva nApyasat || 29||
sattAmAtrAdirahitaM kevalaM svAtmadarshanam |
bhAnAbhAnavihIna~ncha svabhAsA bhAsitAkhilam || 30||
chetR^ichetakarAhityaM kSharAkSharavivarjitam |
charAcharavihInaM cha pramAmeyAdivarjitam || 31||
bindunAdAdikaM(bindunAdAtigaM)sAkShAtsAkShisAkShyAdivarjitam |
bimbIbimbAtiga~nchaitatpratibhAsAdivarjitam || 32||
naiva dR^ishyaM na chAdR^ishyaM grAhyagrAhakavarjitam |
navAgvAkyavihInaM cha vAchAM dUramanaupamam || 33||
na mano nAmanaHprApyaM na prANaM prANabodhakam |
na chakShurUparahitaM taddR^ishyaj~nAnavarjitam || 34||
na shrotraM shravaNAddhInaM tadAkAshamanaupamam |
na ghrANaM gandhahInaM cha pR^ithivIparivarjitam || 35||
na rasaM tadapohInaM jihvAsthAnAdivarjitam |
na pANipAdapAyvAdimaruddhInaM shive hi tat || 36||
na rUparasagandhAdishabdasparshavivarjitam |
naivAkAshamanAkAshamAkAshasyApi chetakam || 37||
na bhUmirbhaitikairhInnaM ghanabhAvavivarjitam |
na tejastejasA hInaM sarvatejaHpravartakam || 38||
na vAyushchalanAddhInaM vAyorudbodhakaM hi tat |
na chaitatsalilaM sAkShAtsaliladravakalpakam || 39||
bhUtAdvihInaM bhUtAdi bhUtAdAraM sanAtanam |
apANipAdavadanamachakShushshrutivarjitam || 40||
sarvendriyaguNAtItaM sarvendriyavivarjitam |
sarvasya prabhumIshAnaM sarvasya sharaNaM suhR^it || 41||
sarvendriyaguNaiH kAntaM nityakAntaM sadoditam |
navadvAragR^ihAntasthadivyapIThe pratiShThitam || 42||
yadapratiShThaM vishvAsyaM vishvahastorupAdakam |
vishvamauliM vishvapIThaM vishvapIThatamaHparam || 43||
na tatra ki~nchitpratibhAti rUpaM yasmAtparaM nAparamasti ki~nchit |
vedAntavedyaM nirguNaM yadvachogaM yato jAtaM bhuvanaM vai vichitram || 44||
yasminli~Nge sthitaM chaitadyasminlInaM jagachChive |
yadAdhAramidaM vishvaM triguNaM parivartate || 45||
talli~NgaparimANaM hi kena vaktuM hi pAryate |
parimANAdirahitaM guNakhaNDatrayAtigam || 46||
akhaNDamekapiNDANDabrahmANDoparitassthitam |
na pratiShThA na cha sthAnaM talli~Ngasya maheshvari || 47||
nAlayasthaM maheshAni sarvAvAsyaM mahachcha tat |
sarvabhUtamahAkoshagarbhAgArasthamambike || 48||
aNoraNIyo.api mahanmahato.api mahattaram |
sarvAdhAramanAdhAraM vishvarUpaM prakAshakam || 49||
tejomAtraM svaprakAshaM jIveshAnAdivarjitam |
pratyakchaitanyamAtmAnamAnandaghanamadvayam || 50||
brahmaviShNuharAdyutthapIThajAlavivarjitam |
svAtmaikavedyaM talli~NgaM svasminneva pratiShThitam || 51||
tadbhUmA paramAnandaM tatranonAstiki~nchana |
tasminli~NgedR^iShTigate dR^igrUpoli~NgatAmiyAt || 52||
li~Ngo.apyali~Ngobhavatitalli~NkasyaivashIlanAt |
nAnyepashyantitali~NgannAnyejAnantikechana || 53||
talli~NgaM paramAnandaM rasahInaM rasAtigam |
upAsyaM sarvadA sarvaistadu nAtyeti ki~nchana || 54||
na tasya mahimA kashchitsvamahimni pratiShThitam |
sarvahR^itsaMsthitaM li~NgaM nityaM sarvaprakAshakam || 55||
avasthAbhedarahitaM mAyAgarbhagR^ihAntaram |
sArvakAlikapUjyantatShaTtrikAlAdivarjitam || 56||
praviShTaM svAvR^itatamorAshi svAbhAnabhAsakam || 57||
na tatra vA~Nmano vA kadAchinnachendriyaprANabhUtAdisa~NghaH |
svayaM prabhAtaM bhAsituM no samartho dR^igrUpaM tatkevalaM bodhahInam || 58||
jIveshvarau brahmaviShNU kadAchittali~NgamevaM svahR^iddR^iShTihInau |
ki~nchidaj~nasarvaj~navimohamAninAvaha~NkAramAyAvivashAntara~Ngau || 59||
haMsIbhavadvAkyajapAmimAM vadan jIvo vidhirmohajAleShu magnaH |
aha~NgrahopAsanAshastrajAlaissarvaj~namevAbhimukhe yuyodham || 60||
(aha~NgrahopAsanAshastrajAlaissarvaj~namevAbhimukheShu bodhayo.atha) || 60||
viShNuM tadA cheshvaraprAj~namaj~naM sa chApyaha~NkAravashAntarAtmA |
ahaM cha sarveshvara ityathochya yaddR^iShTali~Ngo.abhyuvAcha viddhitam (bindhatam) || 61||
evaM cha te yuyudhAte.adyashAstrairmithyAbhUtaiH pashya mohAndhakau tau |
kadAchidaikShanta vihAya mohaM kSharAkSharau vidhiviShNU bhavAni || 62||
vyapetamohau bhavataM tadambike dR^iShTvAhaturli~Ngametadvilokya |
punashcha mAyAprabhavaishcha pAshairmauliM mUlaM chAsya pashyAva cheti || 63||
nAnto na mUlaM na cha maulirasya li~Ngasya dR^iShTvoparatau tadA shive |
bhUdArahaMsAkR^itidehabhAjau stutvA cha li~Nge vyaramanta tau tadA || 64||
jIveshvarau \-
kSharAkSharau tau harivedhasau shive haMsAkhyamantreNa vibhAvya devam |
j~nAj~nAvanIshau yadAdR^iShTali~NgAvali~NgamAkAshasadharmakau tadA || 65||
vyapetamohAvabhavanta tau tadA hyupAdhihInau na hi ki~nchidatra |
tadeva li~NgaM mama devyali~NgaM na pUjanAyAsaparairna raishshive || 66||
kAryaM shilAdhAtujabANali~Nge chare sthire chApi vishiShTali~Nge |
sampUjayedbilvadalairbhavAni bhavAmbudhessantaraNAya lokaH || 67||
talli~NgapUjA na kadAchidIdR^ishairna raissurairvAgaNavipravaryaiH |
kartuM na shakyA vividhairupAyairdAnaistaponAshanayAdibhishshive || 68||
samarchanaM tatkathaye bhavAni gUDhaM sadA prAj~natamaikagamyam |
tadarchanaM puNyanaraikalabhyamalabhyamanyairnR^ipashutvadharmaiH || 69||
bhUtAdhikAraNadharAdharadAraNena sarvaj~narUpahariNA kiTirUpakeNa |
ki~nchidj~najIvavarahaMsakabhUtapuNyapAthojajAtavadanaisstutamarchitaM cha || 70||
hR^illi~NgamAtmakamume manasAbhipashya pashyaMstadAtmakatayA bhavatIva chitram || 71||

|| iti shivarahasyAntargate mAheshvarAkhye IshvaraproktaM Atmali~Ngarahasyam ||

\- || shrIshivarahasyam | mAheshvarAkhyaH prathamAMshaH | adhyAyaH 58 \- Atmali~Ngakathanam | 20\-71||
##
- .. shrIshivarahasyam . mAheshvarAkhyaH prathamAMshaH . adhyAyaH 58 - Atmalingakathanam . 20-71..

Notes:
Śiva ##shiva ## reveals to Devī ##devI##, the mystery of Ātmaliṅga ##Atmali~Nga##.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}