Himavankrita Ishvara Stuti

 हिमवान्कृता ईश्वरस्तुतिः 
दिक्चेल भालतिलकानल कालकाल
      व्यालेन्द्रमाल गरनील कराब्जशूल ।
लीलाकृताङ्ग निखिलागमतत्वमूल
      बालार्धगात्र मुनिबालकृतालबाल ॥ ९॥

तिग्मांशुशीतांशुजहव्यवाह-
      नेत्रोज्वलन्मदनकाय उमासहाय ।
भूदारदार नरसिह्मविदारणेश
      दैत्योरुसिन्धुरकटीतटचर्मवस्त्र ॥ १०॥

गङ्गातुङ्गजटोरुशेखर सुधाधामार्धखण्डोज्वल
      स्थूलापारद्विजिह्वहारवलय प्रोद्यज्झणन्नूपुर ।
उक्षेन्द्रोत्तमवाहनाव्यय हराधारोरुसंस्यन्दन (सत्स्यन्दन)
      सोमार्यम्णकचक्रकर्षण महाबाहार्ववेदोत्तम ॥ ११॥

शम्भो मे दिश भद्रमद्य दयया मां पाहि सर्वेश्वर
      पाथोजातभवोत्तमाङ्गहरणापारव्यथां संहर ।
पद्मोत्थापतिनेत्रपद्मनिबहापारार्चिताब्जाङ्घ्रिक
(पद्मोत्थापतिनेत्रपद्मनिबहापारार्चिताजार्चित)
      भूधृग्धुर्यशरासनोरुविहितामौर्वी महीधारक (महाहारक) ॥ १२॥

पाह्यद्रीश्वरमौलिलिङ्गवसते शम्भोमृडानीपते ॥ १३॥

कुलाचलशरासनं कुलिशपाणिभोगप्रदं
      कुजापतिशरोत्तमं कुसुमबाणदग्धाङ्गकम् ।
कूलीरकवरप्रदं कुटिलसौरिदर्पापहं
      कुसीदजनदूरगं कुमतिदुःखदं त्वां भजे ॥ १४॥

॥ इति शिवरहस्यान्तर्गते भवाख्ये हिमवान्कृता ईश्वरस्तुतिः ॥

- ॥ श्रीशिवरहस्यम् । भवाख्यः द्वितीयांशः । अध्यायः २२ । ९-१४॥


- .. shrIshivarahasyam . bhavAkhyaH dvitIyAMshaH . adhyAyaH 22 . 9-14..

Proofread by Ruma Dewan