शिवाष्टकम् अगस्त्यकृत अथवा अगस्य्ताष्टकम्

शिवाष्टकम् अगस्त्यकृत अथवा अगस्य्ताष्टकम्

अगस्त्यप्रोक्तं शिवाष्टकम् । अद्य मे सफलं जन्म चाद्य मे सफलं तपः । अद्य मे सफलं ज्ञानं शम्भो त्वत्पाददर्शनात् ॥ १॥ कृतार्थोऽहं कृतार्थोऽहं कृतार्थोऽहं महेश्वर । अद्य ते पादपद्मस्य दर्शनात्भक्तवत्सल ॥ २॥ शिवश्शम्भुः शिवश्शम्भुः शिवश्शम्भुः शिवश्शिवः । इति व्याहरतो नित्यं दिनान्यायान्तु यान्तु मे ॥ ३॥ शिवे भक्तिश्शिवे भक्तिश्शिवे भक्तिर्भवेभवे । सदा भूयात् सदा भूयात्सदा भूयात्सुनिश्चला ॥ ४॥ आजन्म मरणं यस्य महादेवान्यदैवतम् । माजनिष्यत मद्वंशे जातो वा द्राग्विपद्यताम् ॥ ५॥ जातस्य जायमानस्य गर्भस्थस्याऽपि देहिनः । माभून्मम कुले जन्म यस्य शम्भुर्न-दैवतम् ॥ ६॥ वयं धन्या वयं धन्या वयं धन्या जगत्त्रये । आदिदेवो महादेवो यदस्मत्कुलदैवतम् ॥ ७॥ हर शम्भो महादेव विश्वेशामरवल्लभ । शिवशङ्कर सर्वात्मन्नीलकण्ठ नमोऽस्तु ते ॥ ८॥ अगस्त्याष्टकमेतत्तु यः पठेच्छिवसन्निधौ । शिवलोकमवाप्नोति शिवेन सह मोदते ॥ ९॥ ॥ इत्यगस्त्याष्टकं सम्पूर्णम् ॥ Encoded and proofread by N.Balasubramaniam
% Text title            : shivAShTakam by Agastya Rishi
% File name             : agastyAShTakam.itx
% itxtitle              : shivAShTakam 7 agastyaproktaM athavA agastyAShTakam (adya me saphalaM janma)
% engtitle              : agastyAShTakam
% Category              : aShTaka, shiva
% Location              : doc_shiva
% Sublocation           : shiva
% Language              : Sanskrit
% Subject               : philosophy/hinduism/religion
% Transliterated by     : N.Balasubramanian bbalu at sify.com
% Proofread by          : N.Balasubramanian, Aruna Narayanan
% Description-comments  : From stotrArNavaH 02-20
% Indexextra            : (Scan)
% Latest update         : August 10, 2007
% Send corrections to   : (sanskrit at cheerful dot c om)
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org