% Text title            : Aparadha Stava 02 44
% File name             : aparAdhastavaH.itx
% Category              : shiva
% Location              : doc\_shiva
% Proofread by          : Aruna Narayanan
% Description/comments  : From stotrArNavaH 02-44
% Latest update         : July 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Aparadha Stava ..}##
\itxtitle{.. shiva aparAdhastavaH ..}##\endtitles ##
shambho sha~Nkara shAnta shAshvata shiva sthANo bhavomApate
      bhUtesha tripurAntaka trinayana shrIkaNTha kAlAntaka |
sharvogrAbhaya bharga bhIma jagatAM nAthAkShaya shrInidhe
      rudreshAna maheshvareshvara mahAyogIshatubhyaM namaH || 1||
svAmin sarvajagadguro hara mahAlIlAkShamAkShetrasa\-
      chchidrUpAkhilabhUtabhAvyajagatAM nAtha prapannArtihan |
pApaghnAshubhapAshaduHkhabhayahR^idbhakteShTada j~nAnada
      shrIdAtarkya ShaDa~Nga mokShaNa mahAyogIsha tubhyaM namaH || 2||
krUraM kaShTataraM vinaShTahR^idayaM bhraShTaM shaThaM niShThuraM
      nirlajjaM kR^ipaNaM kR^itaghnamashuchiM bahvAshinaM hiMsakam |
AshApAshashataprabaddhamanasaM duShkIrtibhAjaM jaDaM
      kAruNyAkaravAridhe bhava pitardoShAkaraM pAhi mAm || 3||
mUrkhaM bAlamatiM svadharmarahitaM dharmArthahInaM khalaM
      kAmAndhaM kShaNikaM kadarthanaparaM daushshIlyajanmasthalam |
aj~naM lubdhamasatyaniShThamadhamaM praj~nAyashovarjitaM
      kAruNyAkaravAridhe bhava pitardoShAkaraM pAhi mAm || 4||
kShudraM durbhagamalpasattvamalasaM bhagnavrataM rAgiNaM
      bhIruM DAmbhikamIrShyakaM vyasaninaM pApAtmakaM sUtakam |
AdhivyAdhinipIDitaM jaDadhiyaM sadbhiH sadA ninditaM
      kAruNyAkaravAridhe bhava pitardoShAkaraM pAhi mAm || 5||
AkA~NkShAshrayamAryavartivimukhaM kShINaM guNadveShiNaM
      dhUrtaM durguNamatyashuddhahR^idayaM sarvatra sandehinam |
dInaM pAparataM samasta viShayeShvAsaktamanyAyinaM
      kAruNyAkaravAridhe bhava pitardoShAkaraM pAhi mAm || 6||
ashraddhaM gatapauruShaM kupathagaM jAjvalyamAnaM hR^iShA
      saMsArArNavamagnamUrmitaralaM nIchapriyaM nirdayam |
vairAgyAnatidAnayoganiyamadveShTAramunmAdinaM
      kAruNyAkaravAridhe bhava pitardoShAkaraM pAhi mAm || 7||
dvandvagrastasamastavR^ittikushalaM satsa~NgavidveShiNaM
      duHsa~NgapriyamapratiShThavachanaM kAmAturaM taskaram |
shaivaj~nAnaparA~NmukhaM khalajanavyApArapAra~NgataM
      kAruNyAkaravAridhe bhava pitardoShAkaraM pAhi mAm || 8||
durmatyAvamatipravR^iddharajasaM sadvR^iddhasevAripuM
      saddharmeShvasamutsukaM gurujane mAnyeShu chAtyuddhatam |
shiShTAshiShTakarapriyaM cha satataM duShTasya tuShTipradaM
      kAruNyAkaravAridhe bhava pitardoShAkaraM pAhi mAm || 9||
svapne.apyuttamagandhapuShpanikarairIshArchanAvarjitaM
      dhyAnAdhyAnavichAraNAguNaripuM tuchChaM madochChR^i~Nkhalam |
dAridryAspadamAtmavairivashagaM tApatrayasyAshrayaM
      kAruNyAkaravAridhe bhava pitardoShAkaraM pAhi mAm || 10||
AtmAtistutikAriNaM paramahAnindAkaraM ninditaM
      luNTAkaM patitaM viparyayagatasvAntaM sadA yAchakam |
vyAkroshAdvihatasvakAryanichayaM sarvApadAM sa~nchayaM
      kAruNyAkaravAridhe bhava pitardoShAkaraM pAhi mAm || 11||
kR^ityAkR^ityavichAravarjitamatiM vrAtyaM mahAva~nchakaM
      durbuddhiM madamAnamatsaranidhiM durvR^ittavR^ittyAshrayam |
mithyAj~nAninamAryakaNTakamalaM lokatraye dUShitaM
      kAruNyAkaravAridhe bhava pitardoShAkaraM pAhi mAm || 12||
duShkarmaprachaye prahR^iShTahR^idayaM kleshaishcha sampIDitaM
      chArvAkaM kumatiM kuchelamalasaM kArpaNyajanmasthalam |
bhAryAputragR^ihAdisaktamanasaM gAmbhIryadhairyachyutaM
      kAruNyAkaravAridhe bhava pitardoShAkaraM pAhi mAm || 13||
chittakShobhakaraM kala~NkahR^idayaM shokAspadaM lolupaM
      sArAsAravichArahInamanasaM nIchapriyaM nIrasam |
mattonmattanikR^iShTanaShTachakitaM shUnyaM hR^idAlApinaM
      kAruNyAkaravAridhe bhava pitardoShAkaraM pAhi mAm || 14||
Atmaj~nAnavihInamAtmavimukhaM sarvAtmabhAvadviShaM
      sa~NkalpairbahubhirvibhinnahR^idayaM daityaprasaktaM sadA |
marmAvidvachanaM kaThorahR^idayaM mitradruhaM chumbakaM
      kAruNyAkaravAridhe bhava pitardoShAkaraM pAhi mAm || 15||
vedoktAcharaNAshivAtmacharitaM svechChApravR^ittiM sadA
      sachChAsneShvaparAgiNaM priyatamAlakShmIguNAveShTitam |
dAkShiNyapratipannatAvirahitaM svArthaikadR^iShTiM sadA
      kAruNyAkaravAridhe bhava pitardoShAkaraM pAhi mAm || 16||
satyatyAgadayAkShamAshamadamAdyarthAnabhij~nAtmakaM
      devabrAhmaNagovrajAtithipitR^ij~nAnAtmakApUjakam |
vishvasteShvapakArava~nchanaparaM maitrIripuM durjanaM
      kAruNyAkaravAridhe bhava pitardoShakaraM pAhi mAm || 17||
kR^itvAdharmamatiM katha~nchidaparaH ko matsamo.asminbhave\-
      dityevaM bahujalpinaM kupuruShaM bhrAntyAshrayaM rAkShasam |
dR^iShTAdR^iShTasukhaiShiNaM bata mudA muktvA shivArAdhanaM
      kAruNyAkaravAridhe bhava pitardoShAkaraM pAhi mAm || 18||
mArjAlAkhubakAshvakukkuTakapikroDAhivR^ittiM sadA
      tIrthadhvA~NkShamanarthakaM parasukhe santApinaM duHsaham |
tyaktopAyamameyakA~NkShiNamaho shuNThaM cha choropamaM
      kAruNyAkaravAridhe bhava pitardoShAkaraM pAhi mAm || 19||
aspR^ishyaM vikalaM kudhairyamakhile doShe svakIye guNaM
      pashyantaM chalamAtmakAryanirataM pUjyaM viShAdAtmakam |
chintAshokaparItachetasamalaM sarvAshubhAnAM padaM
      kAruNyAkaravAridhe bhava pitardoShAkaraM pAhi mAm || 20||
duShpUrasvakakukShipUraNaparaM bhAraM bhuvaH kevalaM
      dAsImeShakharasvabhAvamapaTuM sammAnane bhAjane |
riktaM bAlakadIrghasUtriNamalaM hR^ichChalyashIlaM sadA
      kAruNyAkaravAridhe bhava pitardoShAkaraM pAhi bhAm || 21||
atyAdeshinamuttamasthitimatAM santyAginaM nAstikaM
      randhrAnveShiNamandhamUkabadhiraM shambhostu vishvAtmanaH |
mAhAtmya shravaNastutIkShaNavidhau mAheshvarA vatsalaM
      kAruNyAkaravAridhe bhava pitardoShAkaraM pAhi mAm || 22||
duShkAryAlaghubhAravAhanapashuM tR^iShNAtR^iNagrAhiNaM
      saMsArArNavaduHkhapa~NkapatitaM yAntaM sadAdho bhR^isham |
svatvAhantvamamatvamohamakarairAkR^iShyamANaM sadA
      kAruNyAkaravAridhe bhava pitardoShAkaraM pAhi mAm || 23||
bhraShTaM sarvajugupsitaM parahitavyAghAtinaM tAmasaM
      sambhrAntaM chapalaM vidhAnavihitavyApAravidveShiNam |
shambho tvatpadabhaktihInamadR^iDhaM sammUDhamAtmadviShaM
      kAruNyAkaravAridhe bhava pitardoShAkaraM pAhi mAm || 24||
jyeShThAvAsamatipramAditamatiM kShuttR^iDjarAdyarditaM
      svapne.apyanyaparopakArarahitaM sarvAhitaM durlabham |
loke satparihAryaninditamaho duHkhapradeshakriyaM
      kAruNyAkaravAridhe bhava pitardoShAkaraM pAhi mAm || 25||
tvakchuklAntrasirAtanUruhamayaM kArAkhyarandhrasthitaM
      nAnApAyapatiShNu kAlashikhinA pApachyamAnaM bhR^isham |
dR^iShTvApi svakalevaraM kR^ishataraM tatrApi raktaM pashuM
      kAruNyAkaravAridhe bhava pitardoShAkaraM pAhi mAm || 26||
kiM vAchA bahuvistareNa bhagavan matsannibho bhUtale
      nAbhUnnAsti cha no bhaviShyati pumAn nirbhAgyachUDAmaNiH |
tasmAdIdR^ishamAtmava~nchakamaho trailokyachUDAmaNe
      kAruNyAkaravAridhe bhava pitardoShAkaraM pAhi mAm || 27||
sarvashreShTha guNaikabhAjana vibho sattvottameShUttamA\-
      sa~NkhyeyAvaguNaikabhAjanamalaM kaShTAtikaShTakriyam |
shrIshAshrIshamatIndriyendriyavashaM nissa~NginaM sa~NginaM
      kAruNyAkaravAridhe bhava pitardoShAkaraM pAhi mAm || 28||
viNmUtrakR^imimAMsashoNitamayaM medo.asthimajjAtmakaM
      nirgandhaikanidhiM jarAparigataM vAtAdidoShAtmakam |
dR^iShTvA tu svasharIramatra tu sadA vairAgyahInaM pashuM
      kAruNyAkaravAridhe bhava pitardoShAkaraM pAhi mAm || 29||
viShThAmUtrakujantvaniShTamashubhaM svAbhAvyato nashvaraM
      kR^iShNakSheNyaviShUchikAjvarashirashshUlAdirogAspadam |
j~nAtvA tu svasharIramatra tu sadA vairAgyahInaM pashuM
      kAruNyAkaravAridhe bhava pitardoShAkaraM pAhi mAm || 30||
pa~NgutvAndhyajaritvamaurkhyakhalatAbAdhiryajanmasthalaM
      kledyachChedyavishoShyadAhyakR^ishatAsthaulyasvabhAvAtmakam |
sampashyannapi doShamatra tu sadA samprItiyuktaM pashuM
      kAruNyAkaravAridhe bhava pitardoShAkaraM pAhi mAm || 31||
dehakShAlanalepanAdividhinA saMsparshayogyaM tvachA
      ChannaM klinnamahArNavaM vraNamukhairnityaM sravantaM malam |
taM dR^iShTvApyavirAgiNaM cha narake shUnaM sarAgaM pashuM
      kAruNyAkaravAridhe bhava pitardoShAkaraM pAhi mAm || 32||

|| iti aparAdhastavaH sampUrNaH ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}