% Text title            : Ardhanarishvara Stuti
% File name             : ardhanArIshvarastutiH.itx
% Category              : shiva, devii, stuti, devI
% Location              : doc\_shiva
% Proofread by          : Aruna Narayanan
% Latest update         : December 25, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ardhanarishvara Stuti ..}##
\itxtitle{.. ardhanArIshvarastutiH ..}##\endtitles ##
 || shrIH ||
vandemahyamalamayUkhamauliratnaM
devasya prakaTitasarvama~NgalAkhyam |
anyonyaM sadR^ishamahInaka~NkaNA~NkaM
dehArdhadvitayamumArdharuddhamUrteH || 1||
tadvandve giripatiputrikArdhamishraM
shraikaNThaM vapurapunarbhavAya yatra |
vaktrendorghaTayati khaNDitasya devyA
sAdharmyaM mukuTagato mR^igA~NkakhaNDaH || 2||
ekatra sphaTikashilAmalaM yadardhe
pratyagradrutakanakojjvalaM paratra |
bAlArkadyutibharapi~njaraikabhAga\-
prAleyakShitidharashR^i~Ngabha~Ngimeti || 3||
yatraikaM chakitakura~Ngabha~Ngi chakShuH
pronmIlatkuchakalashopashobhi vakShaH |
madhyaM cha R^ishimasametamuttamA~NgaM
bhR^i~NgAlIruchikachasa~nchayA~nchitaM cha || 4||
srAbhogaM ghananibiDaM nitambabimbaM
pAdo.api sphuTamaNinUpurAbhirAmaH |
Alokya kShaNamiti nandino.apyakasmA\-
dAshcharyaM paramudabhUdabhUtapUrvam || 5||
yatrArdhaM ghaTayati bhUribhUtishubhraM
chandrAMshuchChuritakuberashailashobhAm |
ardhaM cha praNihitaku~NkumA~NgarAgaM
paryastAruNaruchikA~nchanAdrimudrAm || 6||
yatkAntiM dadhadapi kA~nchanAbhirAmAM
pronmIladbhujagashubhA~NgadopagUDham |
bibhrANaM mukuTamupoDhachAruchandraM
sandhatte sapadi parasparopamAnam || 7||
AshcharyaM tava dayite hitaM vidhAtuM
prAgalbhyaM kimapi bhavopatApabhAjAm |
anyonyaM gatamiti vAkyamekavaktra\-
prodbhinnaM ghaTayati yatra sAmarasyam || 8||
pratya~NgaM ghanaparirambhataH prakampaM
vAmArdhaM bhujagabhayAdivaiti yatra |
yatrApi sphuTapulakaM chakAsti shIta\-
svaHsindhusnapitatayeva dakShiNArdham || 9||
ekatra sphurati bhuja~Ngabhogabha~Ngi\-
rnIlendIvaradalamAlikA paratra |
ekatra prathayati bhAsmano.a~NgarAgaH
shubhratvaM malayajara~njanaM paratra || 10||
ekatrArpayati viShaM galasya kArShNyaM
kastUrIkR^itamapi puNDrakaM paratra |
ekatra dyutiramalAsthimAlikAnA\-
manyatra prasarati mauktikAvalInAm || 11||
ekatra srutarudhirA karIndrakR^ittiH
kausumbhaM vasanamanashvaraM paratra |
ityAdInyapi hi parasparaM viruddhA\-
nyekatvaM dadhati vichitradhAmni yatra || 12||
dantAnAM sitimani kajjalaprayukte
mAlinye.apyalikavilochanasya yatra |
raktatve karacharaNAdharasya chAnyo
nAnyonyaM samajani nUtano visheShaH || 13||
kaNThasya bhramaranibhA vibhArdhabhAgaM
muktvA kiM sthitimakarochChiroruhArdhe |
ardhaM vA kanakasadR^igruchiH kachAnAM
santyajya nyavishata kiM galaikadeshe || 14||
sauvarNaH karakamale yathaiva vAme
savye.api dhruvamabhavattathaiva kumbhaH |
krIDaikaprasR^itamatirvibhurbibharti
svAchChandyAdurasi tameva nUnamenam || 15||
yatrAsIjjagadakhilaM yugAvasAne
pUrNatvaM yaduchitamatra madhyabhAge |
saMrambhAdgalitamadastadeva nUnaM
vishrAntaM ghanakaThine nitambabimbe || 16||
ityAdInpravidadhureva yatra tAva\-
tsa~NkalpAnprathamasamAgame gaNendrAH |
yAvatsa praNatividhau padAravindaM
bhR^i~NgIshaH pariharati sma nAmbikAyAH || 17||
kimayaM shivaH kimu shivAtha shivA\-
viti yatra vandanavidhau bhavati |
avibhAvyameva vachanaM viduShA\-
mavibhAvyameva vachanaM viduShAm || 18||
ekaH stanaH samuchitonnatirekamakShi
lakShyA~njanaM tanurapi krashimAnviteti |
li~Ngaistribhirvyavasite savibhaktike.api
yatrAvyayatvamavikhaNDitameva bhAti || 19||
yatra dhruvaM hR^idaya eva yadaikyamAsI\-
dvAkkAyayorapi punaH patitaM tadeva |
yasmAtsatAM hR^idi yadeva tadeva vAchi
yachchaiva vAchi karaNe.apyuchitaM tadeva || 20||
kAnte shive tvayi virUDhamidaM manashcha
mUrtishcha me hR^idayasammadadAyinIti |
anyonyamabhyabhihitaM vitanoti yatra
sAdhAraNasmitamanoramatAM mukhasya || 21||
udyanniruttaraparasparasAmarasya\-
sambhAvanavyasaninoranavadyahR^idyam |
advaitamuttamachamatkR^itisAdhanaM ta\-
dyuShmAkamastu shivayoH shivayojanAya || 22||
lakShyANyalakShyANyaparatra yatra
vilakShaNAnyeva hi lakShaNAni
sAhityamatyadbhutamIshayosta\-
nna kasya romA~nchamuda~nchayeta || 23||
jUTAhermukuTendranIlaruchibhiH shyAmaM dadhatyUrdhvagaM
bhAgaM vahnishikhApisha~NgamadharaM madhye sudhAchChachChaviH |
dhatte shakradhanuHshriyaM pratimitA yatrendulekhAnR^iju\-
ryuShmAkaM sa payodharo bhagavato harShAmR^itaM varShatu || 24||

ityardhanArIshvarastutiH sampUrNA ||
##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}