% Text title            : Bhanuproktam Shiva Stava
% File name             : bhAnuproktaMshivastavaH.itx
% Category              : shiva, shivarahasya, stava
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 30 | 95-110 ||
% Latest update         : February 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhanuproktam Shiva Stava ..}##
\itxtitle{.. bhAnuproktaM shivastavaH ..}##\endtitles ##
R^itaM satyaM paraM brahma puruShaM kR^iShNapi~Ngalam |
UrdhvaretaM virUpAkShaM vishvarUpaM vadanti tam || 95||
satyaM j~nAnamanantaM cha tadbrahma paramaM viduH |
tato bhItaH sa vAto.api vAti sUryo.apyudeti saH || 96||
agnirindrashcha bhItashcha mR^ityurdhAvati pa~nchamaH |
iyamAnandamImAMsA tatsvarUpamagocharam || 97||
yasya prasAdaleshena sarve nArAyaNAdayaH |
surAH kR^itArthAstaM devaM sharaNaM yAmi sha~Nkaram || 98||
saMhArakAle samprApte brahmanArAyaNAdikAn |
saMhR^itya lIlAM kurute yaH sadaiva sadAshivaH || 99||
yasya prasAdAdashivApahAro yasya prasAdAjjananApahAraH |
yasya prasAdena jarApahAraH tameva devaM shivamAshrayAmaH || 100||
shiva ityucharan nAma manujaH syAchChivAlayaH |
tasya devasya mahimA vedAnAmapyagocharaH || 101||
sahasrajihvo.api na yasya tatvaM stotuM samarthashchaturAnano vA |
nArAyaNo vA tamumAsahAyaM AndakandaM hR^idi bhAvayAmaH || 102||
yamAhurIshaM paramaM vareNyaM sargasthitInAmapi hetubhUtam |
tameva devottamamindukhaNDashobhAsamAla~NkR^itamAshrayAmaH || 103||
yallIlAsvedarAshiH surasaridachalAdhIshakanyA yada~Nke
yanmaulau chandrarekhA vilasati satataM yajjaTAjUTamAlA |
tArANAmeva hAro.apyurasi navalasadbilvamAlA vilolA
tatpAdAmbhojabhR^i~Ngo bhavatu mama manastyaktasaMsAragandham || 104||
loke bhAgyasudhAmburAshirahitAste ye tadA sha~Nkara
dhyAnAnandavihInahInamanasaH te durbhagAH sarvadA |
kalpAnte.api na muktirityapi mitAH saMsAriNaste sadA
sarve nArakiNo.api tatkulamiti syAt pulkasAnAM kulam || 105||
yasyAntaHkaraNaM maheshvarapadAmbhojArchane sAdaraM
tannAmasmaraNe.api tatsukhakathAvArtAnuraktaM sadA |
taM prAhurgatakalmapaM munijanAH sarve.api taM kevalaM
vedyaM prAhuramandapuNyavibhavaM bhAvaM bhavAbhyarchakam || 106||
AkalpaM vijayI sa eva sa shubhArammaikabhUrbhAsuraH
sa syAdindukalAvataMsacharaNAmbhojArchakAnAM priyaH |
yaH syAduttamasampadAmapi nidhiH sa syAt surANAmapi
prAyaH sevya iti prabhUtavibhavo bhAvo na kiM durlabhaH || 107||
svapne.api yasya shivali~NgavilokanechChA svachChA bhaviShyati bhavArchanajAtapuNyaiH |
tatpAdapadmajarajo maNima~njarIva dhanyottamorushirasi sphuratIha dhIre || 108||
aj~nAtvApi shivaprasAdavibhavaM svaM sha~NkarArAdhana\-
dhyAnAla~NkR^itichittavR^ittirasakR^it yadvA sakR^it sAdaram |
taM muktaM pravadanti pAvanamiti prAhurmunIndrAH surAH
taM ratnaM jagatItalasya satataM vande muhuH sAdaram || 109||
yo bhaktyA rajanImukheShu girishaM sampUjya bilvAdibhiH
naivedyAdisamarpaNena cha muhurnATyaiH praNAmairapi |
santuShTastamapAstaduHkhanikaraM manye sa revAsari\-
ttIre li~Ngamabha~NgabilvakamalairArAdhya sha~NgaM vrajet || 110||

|| iti shivarahasyAntargate bhAnuproktaM shivastavaH sampUrNaH ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 30| 95\-110||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 30. 95-110..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}