% Text title            : Rishigautamaproktam Bhavalingapujanam
% File name             : bhAvalingapUjanaMRRiShigautamaproktam.itx
% Category              : shiva, pUjA, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 37| 3-17 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishigautamaproktam Bhavalingapujanam ..}##
\itxtitle{.. R^iShigautamaproktaM bhAvali~NgapUjanam ..}##\endtitles ##
vishvAso yatra bhaktasya yatra pUjyatvadhIrapi |
tadeva li~NgaM tatpUjyaM sarvasiddhipradaM bhavet || 1||
yadeva li~NgasambandhaghanachandanagolakaiH |
tatrArpitaM bilvapatraM bhuktimuktipradaM na kim || 2||
anuliptaM chandanAdyaiH li~Ngamabhyarchayediti |
shrutishchandanasambandhaM na dUrIkartumichChati || 3||
samarpiteShu puShpeShu punaH puShpasamarpaNam |
puShpeShu kriyate teShu punaH puShpasamarpaNam || 4||
bhAvali~NgaM tu bhAvena shuddhabhAvena nirmitam |
tatrArchanaM kR^itaM tena svasid.hdhyai tadbhaviShyati || 5||
tatastadbhAvali~Ngasya bhAvapUrvArchanena tu |
bhavatyeva mahadbhAgyaM svasvabhAvAnurodhataH || 6||
tadbhAvali~Nge dR^iShTe.api tuShTirvR^iShTirbhaviShyati |
puShTirvR^iShTishcha tenaiva shubhavR^iddhirbhaviShyati || 7||
ayaM tIrthashvarastatra bhAvali~Nge manohare |
tatkR^itaM pUjanaM sarvaM svIkariShyati sAdaram || 8||
tIrtheshvarali~NganirmAlyaM chandanaM cha samarpitam |
dadAti siddhiM talli~NgaM tIrtheshAdhiShThitaM yataH || 9||
tIrtheshvarAbhimAnastu svanirmAlyeShvavichyutaH |
tatastadabhimAnasya nilayaM li~Ngamuttamam || 10||
asya devAdhidevasya tIrthashasyAvalokanAt |
smaraNAdapi siddhayanti phalAni vividhAnyapi || 11||
tIrtheshanikaTe yattu tIrthaM pApavinAshanam |
tadIkShaNAt pApanAshaH snAnAt siddhimavApnuyAt || 12||
tattIre yastanutyAgaM tIrtheshasmaraNotsukaH |
kariShyati sa puNyAtmA yAti tIrthesharUpatAm || 13||
ide pAshupatasthAnaM mahApAshupatAshritam |
tatrAdhikAraH shaivAnAM vAso nAnyasya sarvathA || 14||
atra pAshupate muktiH prAptA pUva mahAtmabhiH |
agre.api muktiH prAptavyA mahApAshupatairiha || 15||

|| iti shivarahasyAntargate R^iShigautamaproktaM bhAvali~NgapUjanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 37| 3\-17 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 37. 3-17 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}