% Text title            : Bhavalinga Stotram
% File name             : bhAvalingastotram.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 36| 81-180||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhavalinga Stotram ..}##
\itxtitle{.. bhAvali~Ngastotram ..}##\endtitles ##
\-
shivaM dehi me bhAvali~NgAlayAshu prasIda prasIda prasIdAdareNa |
tvadArAdhanAyattachittAya nityaM vikArAntarAyApakArAya bhUyaH ||
\-
namo bhAvali~NgAya bhAvAlayAya smarApAragarvApahArodyatAya |
namaH puNyakalyANapUrNArNavAya pramANAgragaNyAgragaNyAya tubhyam || 1||
idaM bhAvali~NgaM gatAna~Ngasa~NgaM yada~Ngopasa~NgaM prasa~Ngena sha~Ngam |
vilInAbhiSha~Nga mahArogabha~NgaM karotIti manye tataste namo.astu || 2||
yadardhA~NgamardhendukhaNDaM prachaNDaM prabhAmaNDalAkhaNDalArAdhyamIDyam |
tadArAdhyamArAdhyakArAdhyakADhyaM muhurbhAvali~NgaM vipadbhogabha~Ngam || 3||
yadArAdhanenAmarArAdhyatA syAt narasyAdhamasyApi siddhiprasiddhiH |
tadArAdhyamasmAkamasmatkulasyApyapAsyAnyadevaM sadA bhAvali~Ngam || 4||
prabhUteShu puNyeShvagaNyeShu bhaktiH bhavedbhAvali~Nge bhavedbhAvanApi |
bhave bhAvali~NgaprabhAvaprabodhe pramodena modAya sampAdanIyaH || 5||
saratyAshu saMsAraghorAndhakAraH sphuradbhAvali~NgA~NgasUryaprakAshe |
vishiShTA vishiShTA.adya khadyotavArtA kR^itAntAntavArtA.api tasmin kutaH syAt || 6||
avidyAmahAvartagartAnuvR^ittiH kuto bhAvali~NgArkakoTiprakAshe |
tadArAdhanAmodamAnandasindho shivaj~nAnachandro.api ko.api prajAtaH || 7||
aho bhAgyamasmAkamasmatkulasyApyabhUdbhAvali~NgaM paraM daivataM naH |
vayaM dhanyadhanyAgragaNyAgragaNyAH sadA bhAvali~NgArchanAsaktachittAH || 8||
yadA bhAvali~NgArchanAbhaktileshaH tadA tAvadApatsamUhapraNAshaH |
tadArAdhanAsaktaleshaprakAshe mahAnandarAshipravesho.anuvelam || 9||
namantaH smarantaH sakR^it pUjayantaH bhavaM bhAvali~Nge mudA bhAvayantaH |
labhante gaNeshatvamaprApyamanyaiH iha prApya duShprApamodAmburAshim || 10||
na chAnnAbhilAShA.a.aspadAlAbhasha~NkA nachAnyatra vA bhAvali~NgArchakAnAm |
ihAmutra saukhyAbhivR^iddhirbhavitrI bhujaM samyagudddhR^itya satyaM mayoktam || 11||
na chandravA~nChA na chendratvavA~nChA na chopendratAbjAsanatvAdivA~nChA |
yatastAnyapAyAnvitAnIti manye paraM tvIpsitaM bhAvali~NgArchanaM me || 12||
idaM bhAvali~NgArchana kAmadhenuH samastAmarAshAsyakalpadrumo vA |
idaM martyaduShprApachintAmaNirNA phalAni prasUte vichitrANi nityam || 13||
yato.ananyalabhyAni sUte phalAni prakR^iShTAni vA~nChAspadAnyAni tAni |
ataH kAmadhenurna kalpo maNirvA paraM tvanyadevAdbhutaM bhAvali~Ngam || 14||
kShaNArdhAdhakoTyaMshakoTyaMshamAtraM vayaM bhAvali~NgaM smarAmo yato.ataH |
prakR^iShTa prakR^iShTa prakR^iShTa prakR^iShTa prakR^iShTa prakR^iShTa prakR^iShTa prakR^iShTAH || 15||
mahAbhUta jAtAprajAtAtibhItiH mahAmR^ityudUta prabhUtAtibhItiH |
mahArogasa~NghAtajAtA.api bhItiH kuto bhAvali~Ngasya sa~Nge.a~NgabhAge || 16||
sakR^ijjanmamadhye mudA bhAvali~NgaM smarantaM smarantaM kR^itAntasya dUtaH |
pramatto.api tanmAgasaMsargabhItaH prabhUtapratApo.api dUraM prayAti || 17||
namo bhAvali~NgArchakArAdhakebhyaH tadArAdhakebhyastadArAdhakebhyaH |
tadArAdhakebhyastadArAdha kebhyaH tadArAdhakebhyastadArAdhakebhyaH || 18||
yamaH kampayan pApatApopabhItaH svadUtAn samAhUya tatkarNadeshe |
muhurbhAvali~NgArchakAgAramArge na gantavyamityeva jalpatyanuchaiH || 19||
kR^ite bhAvali~NgArchanodyogamAtre trinetro.api kiM deyamasmai mayeti |
vichArairaporairnayatyeva kAlaM tataH kAlavArtApravR^ittiH kuto.atra || 20||
prabhAvaM bhavo bhAvali~NgArchakAnAM paraM veda vedo.api tannaiva veda |
atastadvichAre viri~nchiH kula~nchaH kathaM cha~nchurAstadvichAre tadanye || 21||
varaM bhAvali~NgA~NgadauvArikorusphuradvetrapAtratvamityAdareNa |
tadichChAmupendrendrachandrAdidevAH prakurvanti dharmaM vihAya svakIyam || 22||
ramA bhAvali~NgA~Nga tu~NgottamA~Nge vichitrAtapatrAmitaChAyayA sA |
avichChinnamevAparichChinnayA chAparichChinnameva prakAmaM karoti || 23||
na saMsArapa~NkA~Nkito niShkala~Nko nirAta~Nka evAtira~Nko.apyasha~NkaH |
shashA~NkA~NkitaM bhAvali~NgAdhivAsaM smaran vAsavatvAdivA~nChAM jahAti || 24||
ramA bhAvali~NgArchakArchAparA sA nutiM tasya kartuM pradattaiva vANI |
tada~NghryarhvaNAM rohiNI sA shachI cha avashyaM surAshAsyamAshAsyamasya || 25||
chiraM bhAvali~NgeshapAdAravindaM manachashcharIkashchakAra sthitiM me |
sa dharmArthakAmApavargasvarUpaiH marandairamandairvinodaM karoti || 26||
ahaM bhAvali~NgeshapAdAravindaM svachittena mUrdhnA prabaddhaM karomi |
madIyaM hR^itaM mAnasaM kiM tvayeti trilokyAM na ko.apyasti te mochako.api || 27||
namaH sundarAmandamandArakundasphurannIranIhArahArAkarAya |
nirAkAratArAchirApArahIra svarAsAgarAkAra te sha~NkarAya || 28|| (svaraH sAgarAkAra)

nalavyAlabAlAmalavyAlamAlAkulAnIlalolAlasatkuntalAya |
sanIlAchalAnIlanIlotpalashrIvilAsAya te kAlakAla praNAmaH || 29||
namaH sphArakarpUrapUrAbhragaurajvarApArasaMsArabhArApakAra |
purAkharvagarvaprasArApahAra smarAndhAndhakAre smarAre harAya || 30||
namashchArukAkodarAnaddharuddhaprabuddhAprabuddhendukhaNDArdhamaule |
mahAkAlakAlAnalAnIlabhAlaprabAlapravAlAdharAdhIralola || 31||
namashchAruchAmIkarAkaravIra prabhApUrasampUrNa sampUrNakAma |
na kiM kAmakAmAya kAmaM prakAmaM karoShi pradoShe na roShaM kuruShva || 32||
pradoSheShu toSheNa nATyaM karoShi pradoSheShu roSho na te.ataH pradoShe |
pradoSheShu roSho na mayyapyato mAM pradoSheShu vA bhAvayannAstradoSham || 33|| (bhAvayannAspradoSham,  bhAvaya svAsra)

naraM sarvadoShAkaraM rAjasaM mAM sadA tAmasaM ghorasaMsAralInam |
harArAdhanAnandasandohahInaM sahInaM varAhInahIna> prapashya || 34||
na sAdyasaMskArapAraM gato.ahaM na sArasvateShTiprachArAdaro.aham | (na sAdyaska saMskAra)
na chAtrAtirAtrAdya pUrvAshrayo.ahaM dayApAtramAtraM trinetrAva mAM tvam || 35||
madIyAparAdhAnagAdhAnabAdhAn vidhivyAdhasambandhabodhaprabudvAn |
avItAnadhItapraddhAprabuddhashriyA bhrAntamatrAntamIshAshu pAhi || 36||
madIyAni pApAnyapArAmburAshiprapUrApakArANi nAshaM prayAnti |
tavAnugrahAduShTaduShTagrahANAM kva vArtA.api sA syAt kuto.akgrahANAm || 37||
madIyaM manaH pAdapadme tavAdya praviShTaM prakR^iShTaM nikR^iShTaM na jAtam |
atastanna mA.a.ayAtu mAyA tu mAmA prayAtu prayAtu prayAtu prayAtu || 38||
bhavatpAdapadmAshritaM tanmano me madIyAparAdhAn kShamasveti mandam |
kadAchinnivedyAnivedyAnapIsha prasAdAya siddhiM karotu prasannam || 39||
mano janmajanmAntarAnantapuNyaiH tvada~NghryambujArAdhanAya pravR^ittam |
nivR^ittaM na tanmAstu mAstu svatantrapravR^ittaM nivR^ittaM kathaM vA mahesha || 40||
sharaNyaH sharaNyeShu ko vA tvadanyo madanyo.api dInaH kva vA bhUtale.asmin |
atastaddvayaM vIkShya bhAlAkShalakShaM kShaNaM vA kShaNArdhaM pravishyAdareNa || 41||
na me shAradAdiprasAdAdyapekShA na vedAdibodhaprasAdAdyapekShA |
kShaNArdhaM tvada~NghryambujArAdhane me sadaivAstu vA~nChA na chAnyatra vA~nChA || 42||
yadi tvaM madIyaM manobuddhigamyaM prasAdaM pradAtuM pravR^ittastadA me |
bhavannAmamAtrAnuraktaM madIyaM manaH sarvadApyastu shambho prasIda || 43||
vadAnyAgragaNyAgragaNyAgragaNyaH vadAnyAtimAnyAtimAnyastvamIsha |
ananyAgragaNyAgragaNyAgragaNyaH kalau kAlakAlAhameveti manye || 44||
na te deyamapyasti bhaktyA vinAnyat tadanyanna me prArthanIyaM cha loke |
na sA cha~nchalAtisthirA tvatpadAbje mahAkalpakoTiShvananteShvapIsha || 45||
dR^iDhA saiva janyApyanantA prarUDhA punarvardhamAnA navaivAnuvelam |
na janyatvabhAvatvasha~NkAstu tasyAM prasAdasya te durlabhaM bhAvi kiMvA || 46||
na janyasvabhAvasya nityatvamastItyavashyaM tvayA naiva vaktavyamIsha |
kimastyapyashakyaM tavApi trilokyAM shivAnyAyavArtA na me rochate.api || 47||
na te gautamAkAshanityatvavAdo mato vedavedAntatattvaj~namUrte |
na te jaimineH shabdanityatvavAdo na mithyAtvavAdo.api vedAntinaste || 48||
na bandho.api mokSho.api vedAntashAstre tathA dR^iShTisR^iShTipravAdo.api dR^iShTaH |
avidyAvilAso na ko.apIha kalpyo vilAsairyataste jagajjAlamAsIt || 49||
na chAnantavedAntavArtAvichAre harArAdhakArAdhyabhAvAbhimAnaH |
sa chennAdhunA karmamArgo vinaShTaH shivArAdhanAmArgavArtA kutaH syAt || 50||
shivArAdhanaM chet kadAchitpramAdAt vihAyaikadApi sthite yAtanA syAt |
mahApAtakAnAM vinAshaH kadAchit shivArAdhaneneha sambhAvito.api || 51||
varaM madyapAchAramArgAbhimAno varaM chaNDachaNDAlamArgapraveshaH |
varaM neshvarArAdhanatyAgamArgaH sa mArgo mahAyAtanAmArga eva || 52||
na nIraM harAnarpitaM pAnayogyaM surAkalpamalpaM hi tanmUtrakalpam |
pramodena pItvApi tat tAvadante sadA yAtanAM prApnuvantyeva viprAH || 53||
shivArAdhane nAsti yasyAbhimAnaH sa chaNDAlachaNDAla eveti manye |
shivArAdhane yasya bhaktiH pravR^iddhA sa vR^iddhaH surANAmapIti prasiddhaH || 54||
shivAnarpitAnAni bhuktvAtimohAt malAshI bhavatyeva rAshistvaghAnAm |
sa pApasvarUpaH sadA yAtanAyAM nimagno.atiduHkhAni bhu~Nkte suro.api || 55||
kR^itAnantapApo vihAyeshvarArchAM shivAnyAsaktachitto.api mattaH |
mR^ite yAtanAnte shunIgarbhavAsaM samAsAdya tasmAnivR^itto na nUnam || 56||
vadhUbhogakAle.api yaH kAlakAlasvarUpAnusandhAnahInaH sa hInaH |
prataptAyasAkAranArIsharIraM samAli~Ngya duHkhAni bhu~Nkte kadAchit || 57||
yadevApi ramyaM svabhogopayuktaM tadIshAya sarvaM nivedyeshasheShaH |
ayaM mahyamityAdareNApi bhu~Nkte mahApuNyarAshiH sa bhu~Nkte sukhAni || 58||
sutaM vA samAli~Ngya tajjanyasaukhyaM nivedyAmbikAvallabhAyAdareNa |
anantaM sukhAmbhodhimApnoti satyaM pravR^iddhApi tatsantatiH sarvadA syAt || 59||
shivArAdhanAya pravR^ittasya vaMsho na nashyatyavashyaM prasiddhiM prayAti |
mahAnandakandatvamApnoti satyaM mukundAdivR^indAravR^indAbhivandyaH || 60||
varaM vandhyabhAvo varaM garbhanAsho varaM janmakAlapraNAsho.api satyam |
varaM naiva kasyApyashaivatvametat phalaM pAparAsherabhAgyAmburAsheH || 61||
ashaivatvamApnotyabhAgyairabha~NgaiH varaM jArajatvaM varaM madyapatvam |
varaM sarvapApaughasa~njAtamUrtisvarUpatvamityeva manye mahesha || 62||
varaM pulkasasyApi samprApya janma sthitasyApi gomAMsamAtrAshanasya |
varaM brahmahatyAsahasrAdarasyApyashaivatvamatyantamevApakR^iShTam || 63||
ashaivatvamAsAdya kR^itvA svanindAM jvaladvahnimadhye praviShTo.anutaptaH |
mR^itaH sadgatiM prApya shaivatvametya prasAdena shambhoH sa muktiM prayAti || 64||
varaM dAsadAsAnudAsAnudAsIsutattvaM yatastasya shaivAnubandhaH |
sa shaivAnubandhena saMsArabandhAt vimukto.api mukto bhavet pApasa~NghAt || 65||
varaM shaivagehA~NgaNe kITabhAvaH kadAchit yato bhUtaleshAnuyogaH |
taduchChiShTapAtrAbhighAto.apyaghaghnaH yatastasya bhAgyena sambhAvitaH syAt || 66||
mahAdevanaivedyasheShAshanAnAM pavitrANi gAtrANi tadgandhavAhAn |
surAstAvadichChanti pApApanuttyai sadA gandhavAhapraveshapravR^iddhAn || 67||
yadA yatra shaivaH prachAraM karoti prabhUtairagaNyaiH svapuNyAbdhisa~NghaiH |
tadA tatra nR^ityanti yat tatpitR^INAM samUhAH svataH svargabhogaM bihAya || 68||
na cha svargamArge tadAnandayogaH tatastadvihAyAmaraiH sAkamete |
pranR^ityanti shaivaM charantaM vasantaM hasanto namanto mudA pUjayantaH || 69||
shivaH shaivamAlokya tatrAtihR^iShTo nivAsaM karotyambikAloladR^iShTiH |
itaH kiM mamApi prakR^iShTaM prakR^iShTaM nivAsasthalaM sadvilAsAnukUlam || 70|| (madvilAsAnukUlam)

sa shaivaprabhAvaM prabhuH shambhurekaH prajAnAti jAnAti gaurI gaNeshaH |
kumAro.api jAnAti vedo.api jAnAtyataptaM vidhirvA harirvA tadanyaH || 71||
satI shaivamAtA tvashaivasya mAtA paraM jAriNI gArdabhI vA shunI vA |
varaM sUkarI vA varaM karkaTI vA varaM karkashA vA varaM rAkShasI vA || 72||
pituH shaivaputrasya tasyaiva bhAgyaM sabhAgyastadanyo na lokeShu dR^iShTaH |
ashaivasya loke pitA durbhagAnAM variShThaH viShThAsu jAtaH kR^imiH syAt || 73||
shubhaH shAmbhavAnAM prabhAvaH svabhAvaH kathaM mAdR^ishairvarNanIyo.api mUDhaiH |
kathaM bhAvabhAvaprabhAvaprabhAvaH shrutInAmagamyo mayA varNanIyaH || 74||
yayA jihvayA shAmbhavAnAM prabhAvaH prabhUto mahApuNyasaMyuktayA.ayam |
mayA varNanIyo.api vANI vichitrA pavitrA bhavatvityavashyaM na chitram || 75||
kR^ipA sha~NkarasyApi mayyapyapArA yato hAracharyAvichArapravR^ittaH |
ahaM tAvadapyasmi dhanyo madanyo na bhAvaprabhAvastaveShu pravR^ittaH || 76||
ahaM dhanya evAsmi mAtApi dhanyA pitA me sakhA bandhuvargo.api dhanyaH |
yato bhAvamArgapravR^ittAnurakto virakto.api saMsAravArtAsu shambho || 77||
ashaivAnukUlaM mano mAstu mAstu pramAdena vA svaprakAle.api mAstu |
ayaM tAvadeko varaH prArthanIyo mameshAna sarvAtmanAmuM prayachCha || 78||
iyaM tAvadichChA katha~nchitprajAtA shivAnugraheNaiva me pAlanIyaH |
yayAtipravR^iddhA prajAtA tathA me prasIda prasIda prabho chandramaule || 79||
ashaivaiH sahaitasya vAsaH kadAchit yadi syAt tadA tasya vighno.astu shIghram |
na tanmitramitraiH na tanmitramitraiH maheshAna saMlApavArtA.api mAstu || 80||
yathA chaNDachaNDAlagehAdhivAsaH tathA svAdashaivaiH sahaikatra vAsaH |
atastatsahAvAsavighnodayaH syAt dayA chedumAkAnta te mayyavashyam || 81||
yadi syAdashaivAnuraktaM mano me tadA syuH kR^itAntasya dUtAH pramattAH |
pravR^ittAH pravR^ittaM prakurvanta eva prabaddhvA praNeyo mamAyaM mameti || 82||
ashaivaiH sahaitasya shaivasya vAso mahApatsamUhapravesho.api mAstu |
sa yasmAdagAdhavyathAhetubhUto na chApatsamUhastathA duHkhahetuH || 83||
ahaM chedapAtraM shivAnugrahasya trinetrAshu mR^ityuM paraM prerayasva |
na chAshaivasa~NgAya mAM prerayasva prasAdo.ayamevesha te mahyamadya || 84||
asandhyAdikarmAnurAgAnurAgo yathA sha~NkarArAdhane sAdhane me | (na sandhyAdi)
asAdhye shivAnugrahe sa~Ngrahe vA samagrasya puNyAmburAshermahesha || 85||
na nityena naimittikenApi kenApyapUrvA kriyAhetubhUtena muktiH |
yataH sha~NkarAnugraheNaiva muktiH sa tAvachChivArAdhanenaiva labhyaH || 86||
jaDAH kevalaM karmaNA muktimeke vadantaH shrutApAravedAntamArgAH |
na tairasmadIyAni shAstrANi tAvat shrutAnIti manye bahUni pramattaiH || 87||
kimetAdR^ishaM karma mokShopayuktaM na mImAMsayA tAvadetadvivekaH |
vidhiH kutra vA dvAdashAdhyAyamadhye na kutrApi dR^iShTo na vA vArtike.api || 88||
na cha brahmamImAMsayA tadviveko na chopAsanAmArgabhinno.api mArgaH |
na tasyAH phalaM mokSharUpaM prakR^iShTaM prakR^iShTaM phalaM tattvavij~nAnasAdhyam || 89||
na chopAsanA chittashuddhiM vinAnyat phalaM kartumekaM samarthA samarthA |
kathaM vA sa sAdhyo.api mokShaH sa nityaH vadAdyAshu vedAntamArgapraviShTaH || 90||
mitaM bhAvanAyAH svarUpaM na kenApyatastatparij~nAnashUnyena kena |
kathaM tasya mokShasya sAdhyatvavAdaH svanirvAhyamadhye balAt pAtanIyaH || 91||
ya evAkShapAdasya mokShaH sa sAdhyaH sa tAvat paraM dhvaMsa evAvinAshI | (paridhvaMsaH)
sa tattvAvabodhasya sAdhyaH sa tAvatsa vedAntashAstrAvirudvo viruddhaH || 92||
alaM shAstravArtAbhirasmAkamekaH shivAnugraho mokShahetuH sa tAvat |
shivArAdhanenaiva tatrAdhikArI paraM shAmbhavaH ko.api dhanyo.atidhanyaH || 93||
shivAdvaitavArtA paraM rochate me shivArAdhanAgresarAgresarasya |
shivArAdhanAbodhakaM shAstramekaM pramANaM pramANeShu vishvAsabIjam || 94||
paraM janmajanmAntarAbhyastamekaM shivArAdhanAbodhakaM shAstrameva |
yatastadviruddhena mAnAbhimAno mameshAna pAdAravinde shapAmi || 95||
mahApattara~NgAnuSha~Nge.api sha~Nga tvadanyaM na pashyAmi nArAdhayAmi |
na gR^ihNAmi nAmApi staumi prakAmaM tvadanyasya vArtAshcha garte patantaH || 96|| (sAmi)

mahAmR^ityurAyAtu me yAtu kiM me na tenApi bhItirmahAmR^ityumR^ityuH |
yato manmanaHpadmasadmapraviShTaH sa duShTAni kaShTAni hartuM samarthaH || 97||
svakAle.api kAlo na yAtyantikaM me sa ko vA varAkaH sa kiM nAtira~NkaH |
sa cheTIchapeTItaTAghAtabhItaH kR^itAntAntakArAdhakAgresarasya || 98||
iyaM me mahAshaivasa~NgAnna jAtA matiH sha~NkarArAdhanAsAdhaneShu |
paraM tvIshapAdAravindaprasAdAt mahAshaivavArtApi tAvat kalau na || 99||
kalirdharmadAvAnalastatra vArtA mahAshaivadevadrumasyeti shambhoH |
ahaM tAvadeko bhavatpAdapadmaprasAdAmR^itenaiva jIvAmi loke || 100||

|| iti shivarahasyAntargate bhAvali~NgastotraM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 36| 81\-180||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 36. 81-180..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}