% Text title            : Shri Bhrringi Stava 02 56
% File name             : bhRRingIstavaH.itx
% Category              : shiva
% Location              : doc\_shiva
% Proofread by          : Aruna Narayanan
% Description/comments  : From stotrArNavaH 02-56
% Latest update         : July 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhringi Stava ..}##
\itxtitle{.. shrIbhR^i~NgIstavaH ..}##\endtitles ##
shambho sha~Nkara shAnta shAshvata shiva sthANo bhavomApate
      bhUtesha tripurAntaka trinayana shrIkaNTha kAlAntaka |
sharvogrAbhaya bharga bhIma jagatAM nAthAkShara shrInidhe
      rudreshAna maheshvareshvara mahAdevesha tubhyaM namaH || 1||
svAmin sarvajagadguro hara mahAlIlAkShamakShetrasa\-
      chchidrUpAkhilabhavyabhUtabhavatAM nAtha prapannArtihan |
pApaghnAshubhaduHkhapAshabhayahR^idbhakteShTada j~nAnada
      shrIdAtarkya ShaDa~NgamokShada mahAyogIsha tubhyaM namaH || 2||
krUraM kaShTatamaM vinaShTamanasaM bhraShTaM shaThaM niShThuraM
      nirlajjaM kR^ipaNaM kR^itaghnamashuchiM bahvAshinaM hiMsakam |
AshApAshashataprabaddhamanasaM duShkIrtibhAjaM jaDaM
      kAruNyAkara bho pitaH pashupate doShAkaraM pAhi mAm || 3||
mUrkhaM bAlamataM svadharmachalitaM dharmArthahInaM khalaM
      kAmAndhaM kShaNikaM kadarthanaparaM dauHshIlyajanmasthalam |
aj~naM lubdhamasatyaniShThamadhamaM praj~nAyashovarjitaM
      kAruNyAkara bho pitaH pashupate doShAkaraM pAhi mAm || 4||
kShudraM durbhagamalpasattvamalasaM bhagnavrataM rAgiNaM
      bhIruM DAmbhikamIrShyakaM vyasaninaM pApAtmakaM sUchakam |
AdhivyAdhinipIDitaM jaDadhiyaM sadbhiH sadA ninditaM (hatadhiyaM)
      kAruNyAkara bho pitaH pashupate doShAkaraM pAhi mAm || 5||
AkA~NkShAshrayamAryavR^ittivimukhaM kShINaM guNadveShiNaM
      dhUrtaM durguNamatyashuddhahR^idayaM sarvatra sandehinam |
hInaM pAparataM samastaviShayeShvAsaktamanyAyinaM
      kAruNyAkara bho pitaH pashupate doShAkaraM pAhi mAm || 6||
ashraddhaM gatapauruShaM kupathagaM jAjvalyamAnaM ruShA
      saMsArArNavamagnamUrminihataM nIchakriyaM nirdayam | (UrmitaralaM, nIchapriyaM)
vairAgyavratadAnayoganiyamadveShTAramunmAdinaM
      kAruNyAkara bho pitaH pashupate doShAkaraM pAhi mAm || 7||
dvandvagrastamashastavR^ittikushalaM satsa~NgavidveShiNaM
      duHsa~NgapriyamapratiShThavachanaM kAmAturaM taskaram |
shaivaj~nAnaparA~NmukhaM khalajanavyApArapAra~NgataM
      kAruNyAkara bho pitaH pashupate doShAkaraM pAhi mAm || 8||
svapne.apyuttamagandhapuShpanikarairIshArchanAvarjitaM
      dhyAnadhyeyavicharANAkularipuM tuchChaM madochChR^i~Nkhalam |
dAridryAspadamAtmavairivashagaM tApatrayasyAshrayaM
      kAruNyAkara bho pitaH pashupate doShAkaraM pAhi mAm || 9||
durmaryAdamatipravR^iddharajasaM sadvR^iddhasevAripuM
      saddharmAdyasamutsukaM gurujane mAnyeShu chAtyuddhatam | (saddharmeShvasamutsukaM)
shiShTAniShTakarakriyAparichitaM duShTapratuShTipradaM (duShTasya tuShTi)
      kAruNyAkara bho pitaH pashupate doShAkaraM pAhi mAm || 10||
AtmAtistutikAriNaM paramahAnindAkaraM ninditaM
      luNTAkaM patitaM viparyayagatasvAntaM sadA yAchakam |
vaiphalyopagatasvakAryanichayaM sarvApadAM sa~nchayaM
      kAruNyAkara bho pitaH pashupate doShAkaraM pAhi mAm || 11||
kR^ityAkR^ityavichAravarjitamatiM vrAtyaM mahA pAtakaM (mahA va~nchakam)
      durbuddhiM madamAnamatsaranidhiM durvR^ittivR^ittyAshrayam |
mithyAj~nAninamAryakaNTakamalaM lokadvaye duHkhitaM (lokatraye dUShitam)
      kAruNyAkara bho pitaH pashupate doShAkaraM pAhi mAm || 12||
duShkarmaprachayaprabhinnahR^idayaM kleshaishcha sampIDitaM
        (prachaye prahR^iShTa, sampiNDitaM)
      chArvAkaM kumatiM kuchelamalasaM kArpaNyajanmasthalam | (kuchelamalinaM)
bhAryAputragR^ihAdisaktamanasaM gAmbhIryadhairyachyutaM (dhairyadviShaM)
      kAruNyAkara bho pitaH pashupate doShAkaraM pAhi mAm || 13||
chittakShobhakaraM kala~NkahR^idayaM shokAspadaM lolupaM
      sArAsAravichArahInamanasaM nIchapriyaM nIrasam |
mattonmattanikR^iShTakaShTacharitaM shUnyaM vR^ithAlApinaM
      kAruNyAkara bho pitaH pashupate doShAkaraM pAhi mAm || 14||
Atmaj~nAnavihInamAtmavimukhaM sarvAtmabhAvadviShaM
      sa~Nkalpairbahubhirvi bhinnahR^idayaM daitya(nya)prasaktaM sadA |
marmachChidvachanaM kaThorahR^idayaM mitradruhaM chumbakaM
      kAruNyAkara bho pitaH pashupate doShAkaraM pAhi mAm || 15||
vedoktAcharaNe shigA(dhrugA)tmacharitaM svechChApravR^ittiM sadA
      sachChAstreShvaparAgiNaM priyatamAlakShmIguNairveShTitam |
dAkShiNyapratipannatAvirahitaM svArthaikaniShThaM sadA
      kAruNyAkara bho pitaH pashupate doShAkaraM pAhi mAm || 16||
satyatyAgadayAkShamAshamadamAdyArthAnabhij~nAtmakaM
      devabrAhmaNagotrajAtithipitR^ij~nAnAtmakApUjakam |
vishvasteShvapakArava~nchanaparaM maitrIripuM durjanaM
      kAruNyAkara bho pitaH pashupate doShAkaraM pAhi mAm || 17||
kR^itvAdharmamatiM katha~nchidaparaH ko matsamo.asmin bhave\-
      dityevaM bahujalpinaM kupuruShaM bhrAntyAshrayaM rAkShasam | (bhrAnyA sthitaM)
dR^iShTAdR^iShTasukhaiShiNaM bata mudhA muktvA shivArAdhanaM
      kAruNyAkara bho pitaH pashupate doShAkaraM pAhi mAm || 18||
mArjArAkhubakashvakukkuTakapikroDAhivR^ittiM sadA
      tIrthadhvA~NkShamanarthakaM parasukhe santApinaM duHsaham |
tyaktopAyamameyakA~NkShiNamaho shuNThaM cha choropamaM
      kAruNyAkara bho pitaH pashupate doShAkaraM pAhi mAm || 19||
aspR^ishyaM vikalaM kadaryamakhile doShe svakIye guNaM
      pashyantaM chalamAtmakAryanirataM tyAjyaM viShAdAtmakam |
chintAshokaparItachetasamalaM sarvAshubhAnAM padaM
      kAruNyAkara bho pitaH pashupate doShAkaraM pAhi mAm || 20||
duShpUrasvakakukShipUraNaparaM bhAraM bhuvaH kevalaM
      DAsI(dAsI)meShakharasvabhAvamapaTuM sanmAnanAbhAjanam |
riktaM bAlakadIrghasUtriNamalaM hR^ichChalyashIlaM sadA (tiktaM bAlaka)
      kAruNyAkara bho pitaH pashupate doShAkaraM pAhimAm || 21||
karmAkhyAlaghubhAravAhanapashuM tR^iShNAtR^iNagrAhiNaM (duShkAryAlaghu)
      saMsArArNavaduHkhapa~NkapatitaM yAntaM tvadho.adho bhR^isham |
svatvAhantvamamatvamohamakarairAkR^iShyamANaM sadA
      kAruNyAkara bho pitaH pashupate doShAkaraM pAhi mAm || 22||
bhraShTaM sarvajugupsitaM parahitavyAghAtinaM tAmasaM
      sambhrAntaM chapalaM vidhAnavihitavyApAravidveShiNam |
shambho tvatpadabhaktihInamadR^iDhaM sammUDhamAtmadviShaM
      kAruNyAkara bho pitaH pashupate doShAkaraM pAhi mAm || 23||
jyeShThAvAsamatipramAditamatiM kShuttR^iDjarAdyarditaM
      svapne.apyalpaparopakArarahitaM sarvAhitaM durbalam |
loke satparihAryaninditamahAduHkhapradaikakriyaM
      kAruNyAkara bho pitaH pashupate doShAkaraM pAhi mAm || 24||
kiM vAchAM bahuvistareNa bhagavan matsannibho bhUtale
      nAbhUnnAsti cha no bhaviShyati pumAnnirbhAgyachUDAmaNiH |
tasmAdIdR^ishamAtmava~nchakamaho trailokyachUDAmaNe
      kAruNyAkara bho pitaH pashupate doShAkaraM pAhi mAm || 25||
sarvashreShTha guNaikabhAjana vibho sarvottameShUttamA\-
      sa~NkhyeyAvaguNaikabhAjanamalaM kaShTAtikaShTakriyam |
shrIshAshrIshamatIndriyendriyavashaM niHsa~Nga duHsa~NginaM
(shrIshaM, atIndriya, nissa~Nga, imAni sambodhanAni)
      kAruNyAkara bho pitaH pashupate doShAkaraM pAhi mAm || 26||
viNmUtrakR^imimAMsashoNitamayaM medo.asthimajjAtmakaM
      durgandhaikanidhiM jarAparigataM vAtAdidoShAtmakam |
dR^iShTvApi svasharIramatra tu sadA vairAgyahInaM pashuM
      kAruNyAkara bho pitaH pashupate doShAkaraM pAhi mAm || 27||
tvakshuklAntrasirAtanUruhamayaM kAlAsyarandhrasthitaM
      nAnApAyapatiShNukAlashikhinA pApachyamAnaM bhR^isham |
dR^iShTvApi svakalevaraM kR^ishataraM tatrAviriktaM pashuM
      kAruNyAkara bho pitaH pashupate doShAkaraM pAhi mAm || 28||
viShThAmUtrayutaM tvaniShTamashubhaM svAbhAvyato nashvaraM
      kuShTakShaiNyaviShUchikAjvarashiraHshUlAdirogAspadam |
j~nAtvApi svasharIramatra tu sadA vairAgyahInaM pashuM
      kAruNyAkara bho pitaH pashupate doShAkaraM pAhi mAm || 29||
pa~NgutvAndhyajaritvamaurkhyakhalatAbAdhiryajanmasthalaM
      kledyachChedyavishoShyadAhyakR^ishatAsthaulyasvabhAvAtmakam |
sampashyannapi doShamatra tu sadA samprItiyuktaM pashuM
      kAruNyAkara bho pitaH pashupate doShAkaraM pAhi mAm || 30||
dehaM kShAlanalepanAdividhinA saMsparshayogyaM tvachA
      ChannaklinnamahAvraNaM navamukhairnityaM sravantaM malam |
taM dR^iShTvApyavirAgiNaM cha narake nUnaM sarAgaM pashuM
      kAruNyAkara bho pitaH pashupate doShAkaraM pAhi mAm || 31||
loke.atyantapavitratAmupagataM yatpa~nchagavyAdikaM
      yaddehAMshakamasthiromarudhirasnAyvAdisaMsparshataH |
syAdevAshuchi tadvibudhya cha sadA taddehasaktaM pashuM
      kAruNyAkara bho pitaH pashupate doShAkaraM pAhi mAm || 32||
AtmAdhAratayA sthitAM nijatanuM bAlye tathA yauvane
      vR^iddhatve.api bahuprakAravikR^itiM prAptAM samIkShyApi cha |
tatrAnAtmavirAgiNaM hyavikR^ite svAtmanyasaktaM pashuM
      kAruNyAkara bho pitaH pashupate doShAkaraM pAhi mAm || 33||
svasyAyurnichayasya madhyata imau nityaM nishAvAsakAM(vAsarau)
      jAgratsvapnasuShuptiShu sthitimato.avasthAtraye khaNDashaH |
gachChantAvavabudhya cha svahitasatkarmaNyasaktaM pashuM
      kAruNyAkara bho pitaH pashupate doShAkaraM pAhi mAm || 34||
shuddhAnnasya nijAsyarandhrata ihAnvAsya draveNAdhare(?)
      viNmUtrAntrakaphAsR^igAdyashuchinikShepo bhavedbhojanam |
strIsa~Ngo.ashuchivargalepanamaho tatrApi raktaM pashuM
      kAruNyAkara bho pitaH pashupate doShAkaraM pAhi mAm || 35||
sarpiHkhaNDapayomadhuprabhR^itikaM tyaktvA tR^iNAnyatti gau\-
      ryadvachChAshvatashAnta uttama(ntidottama) mahAnandAnapekShaM tathA |
shambho vaiShayike sukhe.ativirase tuchChe.atisaktaM pashuM
      kAruNyAkara bho pitaH pashupate doShAkaraM pAhi mAm || 36||
devAnAmapi mArutasya cha vibho gamyaM na yattatra cha
      svairaM gachChati manmano na hi kadAchidvA tava shrIpate |
dhartuM tachcha niyantumatra sukhade naivAsamarthaM pashuM
      kAruNyAkara bho pitaH pashupate doShAkaraM pAhi mAm || 37||
guhye ku~NkumagandhakA~NkShiNamaho toyArthinaM vA marau
      tailAnveShiNamashmachUrNanichaye maitryarthinaM durjane |
nirbuddhiM triguNAtmake malavidhau kShetre sukhepsuM pashuM (?)
      kAruNyAkara bho pitaH pashupate doShAkaraM pAhi mAm || 38||
vedairapyakhirlaimahesha bahusho vedAntashAstrAdibhi\-
      rvyApI chinmaya eka Ishvara iti prokte.atra yattvatpade |
chittaM dhartumashaktamAptavachane vishvAsahInaM pashuM
      kAruNyAkara bho pitaH pashupate doShAkaraM pAhi mAm || 39||
buddhij~nAnadayAkShamAshamadamAsammohayatvA(tnA)rjava\-
      khyAtyakhyAtibhayAbhayAsukhasukhAhiMsAdayastuShTayaH |
bhUtAnAM tu bhavatta eva vividhA nityaM bhavanti prabho
      kAruNyAkara bho pitaH pashupate doShAkaraM pAhimAm || 40||
bhAvAbhAvabhavAbhavAmR^itaviShAsatyAH samastAH(viShAHsatyA asatyAH)kriyAH
      dIrghAyuShyanirAmayatvanikhilAbhIShTArthasaMsiddhayaH |
bhUtAnAM bhavadichChayaiva bhagavan jAyanta eva prabho
      kAruNyAkara bho pitaH pashupate doShAkaraM pAhi mAm || 41||
yogaishvaryasamastadAnaniratA(tiH) shraddhAtmabhaktirdR^iDhA
      vairAgyaM paramaM mahesha parame dharme ratishchArutA |
bhUtAnAM bhavataH prasAdata ihAjasraM bhavanti prabho
      kAruNyAkara bho pitaH pashupate doShAkaraM pAhi mAm || 42||
vAyurvApi(ti)tavAj~nayA shashiravI nityaM jagadbhAsakA\-
      vAhAraM pachatIha kukShisadane vahniH sadA prANinAm |
devAnAM vahatIha havyamapi yaH pAkaM karotyAj~nayA
      kAruNyAkara bho pitaH pashupate doShAkaraM pAhi mAm || 43||
brahmAdyAstR^iNanigrahA iha mahAbhUtAni te shAsanAt
      kurvantyatra samastadehanikare prAyastavAj~nAbalAt |
tiShThantyadhyavasAyamarthanikare buddhiH karotyAj~nayA
      kAruNyAkara bho pitaH pashupate doShAkaraM pAhi mAm || 44||
chittaM chetayate manastu sakalaM sa~NkalpayatyAj~nayA
      sarvArthAnabhimanyate tava mahAdevAj~nayAha~NkR^itiH |
sveShvevendriyavarga eSha viShayeShvAste tavaivAj~nayA
      kAruNyAkara bho pitaH pashupate doShAkaraM pAhi mAm || 45||
brahmA sR^iShTikaro hariH sthitikaro rudrastu kAlAtmakaH
      saMhartA jagatAM shriyaM vitarati shrIrbrahmavidyAmumA |
sAvitrI cha tavAj~nayaiva narakAt santArayatyAshritAn
      kAruNyAkara bho pitaH pashupate doShAkaraM pAhi mAm || 46||
kAlaM(nAlaM)chAlayituM tR^iNaM cha pavanaH shambho tvadAj~nAM vinA
      dagdhuM tanna samartha eva dahanashChettuM tu vajreNa tat |
shakto gotrabhidapyaho jagadidaM sarvaM tvadAj~nAvashaM
      kAruNyAkara bho pitaH pashupate doShAkaraM pAhi mAm || 47||
sendrAH sarvasurAsurAdaya iha tvachChAsane saMsthitAH
      brahmANDAdisamastavastunikaraiH sAdhAraNaiH santatam |
trailokyAnugatAnyapIha subahUnyAj~nAvashAnyeva te
      kAruNyAkara bho pitaH pashupate doShAkaraM pAhi mAm || 48||
bhUtAnyApa ihAj~nayaiva bhavataH sa~njIvayanti prabho
      vAchaM vAgvipulAM dadhAti jagatAM dhatte.akhilaM bhUrnabhaH |
bhUtAnAmavakAshadaM jaladhayo nimne sthitA duHsahAH
      kAruNyAkara bho pitaH pashupate doShAkaraM pAhi mAm || 49||
sUte.asau mahadAdikaM prakR^itirapyAj~nAvashAtte vibho
      kAlashcha prakR^itiH parA puruSha ityetaddhi sarvaM sadA |
shambho deva bhavatta eva jagato bhUtaM bhaviShyadbhavat
      kAruNyAkara bho pitaH pashupate doShAkaraM pAhi mAm || 50||
tvanmAyAtivimohitaM bhava mahAlIlArthametattvayA\-
      ttaM tvatpreraNayaiva sarvaviShayeShvatra pravR^iddhiM(ddhaM) cha tat |
pApadhvAntarave samastajagatAM duHkhAntakArin prabho
      kAruNyAkara bho pitaH pashupate doShAkaraM pAhi mAm || 51||
bandhachChedavidhau tvameva bhuvaneShvekaH samartho dhruvaM
      tatpAshairbhava daiva(bhavataiva)baddhamakhilaM karmachChalenApi cha |
shambho tvachCharaNAgataM karuNayA tvaM sha~Nkaro yena vA
      kAruNyAkara bho pitaH pashupate doShAkaraM pAhi mAm || 52||
atyAveshinamuttamasthitimatAM santyAginaM nAstikaM
      randhrAnveShiNamandhamUkabadhiraM shambhostu vishvAtmanaH |
mAhAtmyashravaNastutIkShaNavidhau mAheshvarAvatsalaM
      kAraNyAkara bho pitaH pashupate doShAkaraM pAhi mAm || 53||

|| iti shrIbhR^i~NgIstavaH sampUrNaH ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}