% Text title            : Bhavani Shankara Ashtavadhanashlokah
% File name             : bhavAnIshankarAShTAvadhAnashlokAH.itx
% Category              : shiva
% Location              : doc\_shiva
% Transliterated by     : Rajesh Thyagarajan
% Proofread by          : Rajesh Thyagarajan, NA
% Source                : Shri Chitrapura Stuti Manjari, 2019
% Acknowledge-Permission: Shri Chitrapur Math - Publications Committee https://chitrapurmath.net/
% Latest update         : June 5, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhavani Shankara AshtavadhanashlokAH ..}##
\itxtitle{.. shrIbhavAnIsha~NkarAShTAvadhAnashlokAH ..}##\endtitles ##
viprANAmupakArakAn shubhakarAn R^igvedamantrAnimAn
      nAnArthAbhihitAMstvayA prakaTitAn bhaktyA mayA bhAShitAn |
svargAdhiShThitavAsavAdivibudhaiH sampUjitA~Nghridvaya
      bhaktAnAmabhayapradAyaka shiva tvaM sha~NkarAkarNaya ||
deva devottama devatAsArvabhauma akhilANDakoTibrahmANDanAyaka
\ldq{}R^igvedapriya R^igveda\rdq{}sevAmavadhAraya || 1||
divyaM susvara shobhanArthakamimaM bhaktyA mayA bhAShitaM
      yaj~nAnAmupayoginaM shR^iNu yajurvedaM tavAhlAdakam |
svAhAkArayujaM surAdisukhadaM dakShAdhvaradhvaMsaka
      sAdhUnAM bhavabhItinAshanakara shrImadbhavAnIpate ||
deva devottama devatAsArvabhauma akhilANDakoTibrahmANDanAyaka
\ldq{}yajurvedapriya yajurveda\rdq{}sevAmavadhAraya || 2||
vedAnAM paramaM mayA nigaditaM karNAmR^itaM toShadaM
      duShTAnAM krathane vishArada chiraM trailokyanAthAgraNIH |
bhaktAnAM paripAlanotsukatama pyAT sAmagAnapriya
      hemAdristhitayogivanditapada tvaM sAmagAnaM shR^iNu ||
deva devottama devatAsArvabhauma akhilANDakoTibrahmANDanAyaka
\ldq{}sAmavedapriya sAmaveda\rdq{}sevAmavadhAraya || 3||
nAnArthAbhihitAMstvayA prakaTitAMshchAtharvavedodayAn
      mantrAnvIryayutAnabhIShTaphaladAn loke tvayA vistR^itAn |
kailAsasthitanandimukhyagaNapaiH stotraiH sadA vandita
      lokAbhIShTaphalapradAtR^i girisha tvaM kR^ittivAsaH shR^iNu ||
deva devottama devatAsArvabhauma akhilANDakoTibrahmANDanAyaka
\ldq{}atharvavedapriya atharvaveda\rdq{}sevAmavadhAraya || 4||
ShaTtriMshAtmakatattvasAdhanakaraM vedAntavedyAvyaya
      vishvotpAdaka vishvatomukhamidaM tvalpAkSharaM sAravat |
astobhaM tvanavadyasUtramamalaM sarvArthasampAdakaM
      shashvatsaMshrutisAgaraM samuditaM vedAntashAstraM shR^iNu ||
deva devottama devatAsArvabhauma akhilANDakoTibrahmANDanAyaka
\ldq{}vedAntashAstrapriya vedAntashAstra\rdq{}sevAmavadhAraya || 5||
bhasmoddhUlitavigrahopaniShadAM vAkyairupabR^iMhitaM
      pArAsharyakR^itaM purANamuditaM nityaM mayA bhaktitaH |
etatpa~nchasulakShaNAnvitapadaM hyadhyAtmatattvaM paraM
      shashvatsaMshrutisAgaroddhara vibho tvaM setihAsaM shR^iNu ||
deva devottama devatAsArvabhauma akhilANDakoTibrahmANDanAyaka
\ldq{}purANapriya purANa\rdq{}sevAmavadhAraya || 6||
vishvAdhAraka vishvapoShaka bhavan vishvAdya vishveshvara
      vishveShAM sthitisR^iShTinAshanavidhe vishvAtmakAdhIshvara |
vidyAdhAraka vishvarUpaka guro vidyApradAtaH prabho
      vidvadbhirnuta vandyamAnacharaNa tvaM gadyamAkarNaya ||
deva devottama devatAsArvabhauma akhilANDakoTibrahmANDanAyaka
\ldq{}gadyapadyapriya gadyapadya\rdq{}sevAmavadhAraya || 7||
mAtA~NgAsurakandharApahara bho mArA~NgasandAhaka
      mAyA pAraga mAnya mAdhavasuhR^in mAyAguNairmohaka |
mAyAtIta nira~njanAtmaka sadA mAhendravandyAdya bho
      mArkaNDeyamunIndrapUjitapada somAShTakaM tvaM shR^iNu ||
deva devottama devatAsArvabhauma akhilANDakoTibrahmANDanAyaka
\ldq{}aShTakapriya aShTaka\rdq{}sevAmavadhAraya || 8||
shrutyAdistutibhiH prakAshita jaTin vidhvagnisUryAmbaka
      nAnAla~NkR^itabho.andhakAsuraripo vidyAdharAkhyApitam |
bho svAmiMstavamAnasapriyamidaM ShaDjAdibhedAnvitaM
      shrIrAgAdiyutaM shubhaM suruchiraM sa~NgItamAkarNaya ||
deva devottama devatAsArvabhauma akhilANDakoTibrahmANDanAyaka
\ldq{}sa~NgItapriya sa~NgIta\rdq{}sevAmavadhAraya || 9||
daityonmanthavidhau parAkramanidhe he shIrShamAlAdhara
      sAdhUnAM hR^idayAmbujastha satataM rudrAkShamAlAdhara |
rakShohR^idbhayakArakaM shubhakaraM dugdhAchChasha~NkhotthitaM
      OMkAradhvanimIsha karNamadhuraM shambho sadAkarNaya ||
deva devottama devatAsArvabhauma akhilANDakoTibrahmANDanAyaka
\ldq{}sha~NkhavAdyapriya sha~NkhavAdya\rdq{}sevAmavadhAraya || 10||
shrImachCha~NkaradeshikAdigurubhiH svArAdhitAnandada
      shrImadbhaktajanottamaiH kR^itamidaM nAdena saMshobhitam |
saptadhvAnayutaM shubhaM suruchiraM shrIman mR^iDAnIpate
      shR^i~NgAla~NkR^itarAganAdasahitaM veNuM sadA tvaM shR^iNu ||
deva devottama devatAsArvabhauma akhilANDakoTibrahmANDanAyaka
\ldq{}veNuvAdyapriya veNuvAdya\rdq{}sevAmavadhAraya || 11||
tripuradahanamUrte pAvanApArakIrte
      tribhuvanadharamUrte shUlapANe trimUrte |
DamarukadharamUrte vishvamUrte.aShTamUrte
      bhavabhayaharamUrte maurivAdyaM shruNu tvam ||
deva devottama devatAsArvabhauma akhilANDakoTibrahmANDanAyaka
\ldq{}maurivAdyapriya maurivAdya\rdq{}sevAmavadhAraya || 12||
bheridundubhijharjharordhvakaturIsha~NkhAnakA~NkItata
      DhakkAmardalatAlaveNuDamarushrutyAdivAdyAravAn |
nAnAbhedayutAn jaDIkR^itakakubhghoShAshravo randhrakAn
      shrIvalyAkhyapurAdhivAsa bhagavan shrIsha~NkarAkarNaya ||
deva devottama devatAsArvabhauma akhilANDakoTibrahmANDanAyaka
\ldq{}sarvavAdyapriya sarvavAdya\rdq{}sevAmavadhAraya || 13||

iti vatsagotrotpannagaNapatisharmaNA virachitAH
shrIbhavAnIsha~NkarAShTAvadhAnashlokAH sampUrNAH |
##
Encoded and proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}